مفهوم شرف الفتاة لديك ( موضوع لنقاش )

[سوسن]

ايها الكرام لقد طفح الكيل ولم يعد لصمت مكان فى وجدانى فكل فتاة أرها حزينة واتودد اليها اجد مشكلتها ( شاب) قصدى ذئب بشرى وكم منهن اقسمت لى انها كانت عفيفة لكنها انساقت خلف الكلام المعسول لتنتهى بها القصة وهى بين أنياب ذئاب بشرية فهذا لا يعنى انها بريئة فهناك منهن من لا تلتزم حجابها وتغرى الشباب وتأتى فى الاخر حذلنى ترى من خذل من هنا؟؟؟؟؟؟؟؟؟؟

ياخوانى سمعة البنت كالزجاج اذا انكسر يصعب اصلاحة وحياتها وكرامتها ليست ملكها خصوصاَ بالمجتمعات العربية للفتاة حقوقها وكرامتها وانسانيتها فتعلمت وتفهمت مالها وما عليها الا انها فى بعض الاحيان تنساق وراء كلمات معسولة من ذئب شرس كل همه ان يفتك ويفترس بعرض هذه وتلك من البنات متناسيا ان له أخوات وام وخالات وعمات والكثير من الاقارب البنات وانة سيكون له بنات


ماهو مفهوم شرف الفتاة لديك ...............؟؟؟؟؟؟؟؟؟



مارأى الشباب الذى يغازل وفى الحظة يرى اختة فى نفس الوقت بعلاقة مع شاب اخر فتثور ثائرتة .........؟؟؟؟؟؟؟


واذا كنت تمنع اختك من تكوين علاقة مع شاب ( يصبح عدوك لو انك عرفت ذلك من اختك )
فلماذا

تقبل ذلك على نفسك؟وكأن بنات الناس لعبة واختك فقط هي الانسانه .. ؟!!


سؤالي ايضا للبنات : هل تقبيلن لنفسك ان تكوني علكة فى فم كل شاب يتباهى امام
اصدقائه بانه يحبك وفعل معك كذا و كذا .. ؟؟ !!


أتعرفن يا بنات الآن كل ما نسأل شاب ليه تسيؤن الظن في البنات؟؟
يقول أنا لم اقل لهن اطلعن للسوق بملابس غير محتشمة .. ولم اقل لهن تبرجن قبل خروجكن وكذلك يقول يقينا ان البنات من اصبحن يتابعن الشباب في الأسواق ولو بنظراتهن.. !!
فأين غض البصر والتزام الحياء؟؟؟


أتدرون النصارى واليهود عندهم كرامة علينا احنا ثيابهم محتشمة ومستورة واحنا العرب المسلمين صرنا مهزلة في كل شي قال ايه( نتابع الموضة ) خلي الموضة تنفعك يوم الحساب .. !
الموضوع ملفت شوي بس واقعي جدا في حياتنا يا ريت الكل يطرح رايه بكل صراحه ...

[En.Khaled Alfaiomi]

المووضع لو كان في قسم المناقشة العام كان افضل!!!

على اي حالة مووضوع قيم وألي عودة لكم بعد قليل لنقاش

[En.Khaled Alfaiomi]

توضيح ثاني لو سمحتم التوضيع في أسم الموضوع قبل وضعه !

موضوع لنقاش لجميع !!! نتمنى أن يكون أسم الموضوع يعبر عن المحتوى ليكي يتشجع الناس لدخول والنقاش
مثال على كلامي

أسم المووضع يصبح

مفهوم شرف الفتاة لديك ( موضوع لنقاش )

[Dr.Ibrahim]

موضو ع خطير انسة سوسن المفهون هون بالذات في شوية حساسية كان من المفروض انو يطرح بقسم النقاش متل ما حكى اخي خالد

[En.Khaled Alfaiomi]

أختي سوسن !

موضوع قيم جدا جدا وأتمنى من الجميع المشاركة به


شرف الفتاة غالي جدا ولا يقدر بثمن ولكن المشكلة ياصديقتي أننا لانعرف معنى هذه الكلمة أبدا للأسف؟!


فمثلا بمجتمعاتنا العربية البنت العربية ( وطبعا لا أشمل الجميع ) أعتبري كلامي 1 % من البنات! الألتزام الديني ضعيف جدا جدا ! فمثلا عدم الألتزام بالحجاب ! النميمة ! الكلام الفارغ ! عدم الأهتمام في الحياة العملية ! فقط تلفونات وكلام فاضي بالعامية !! ( أنا بداية النقاش لسا مادخلت به )

كل هذا يجعل الفتاة تتمتع بالميوعة وليس بالحس الأنثوي والصراحة الفتياة العربية هم أكبر نسبة لأغراء الشباب وهم يوقعون الشب في الفخ !

فمثلا ؟!

فتاة مسلمة ملتزمة ! متحجبة ! لماذا تدخلين مواقع الشات لتعارف على الشباب ؟ أليس أنت توقعين نفسك بالشبهات ووجع الراس!!
فتاة مسلمة ملتزمة ! متحجبة ! لماذا تمنحين رقم هاتفك لشاب طلب التعارف عليكي؟!

لماذا تفتحين أبوب المشاكل ! كل يوم عم نسمع قصص والله بتشيب شعر الراس أنا حابب أحكي بالعامية !

بس البنت العربية مفكرة أنوا الشرف فقط فقط ( أنها عذراء ) أو تخاف على عذريتها فقط !! وبالأمكان عمل أي شيء أخر فقط !! لاتقترب الى مكان خطير !

لماذا البنت العربية الأن التي عاشت في بيوت أسلامية تراها تقع في فخ الشباب بسهولة !! وهي حافظة للقرأن وتصلي ؟! أم البنات الغير ملتزمات وليسوا مسلمات تراهم محافظين على أنفسهم ! أكثر ؟!

لماذا ترا الفتاة العربية همها فقط التعارف على الشباب واللبس والمجوهرات ! والبنت الأوروبية أو الاجنبية تراها تعمل وتجتهد وتعمد على نفسها !
لماذا ترا الفتاة العربية ! لا تعرف الطبخ ولا الجلي وتفتخر أمام الجميع ! أنا مابعرف أقلي حتى بيض ؟!!

لماذا تراه خارج منزلها جميلة متألقة وداخل منزلها مرعبة للأسف؟!!!

من الممكن أنني خرجت عن الموضوع !

ولكن أريد أن أوضع أذا أرادت الفتاة أن تحافظ على شرفها عليها أن تلتزم بدينها أولا ! وكذلك السعي والجد والعمل وعدم تضييع الوقت ؟! والأستفادة من أوقات الفراع ولو حتى في تعلم الطبخ !

الشباب هم كالذئاب ! يوقعون الفتاة بالفتخ بسهولة جدا لأنها هي متشوقة أكثر منهم للأسف !! وفي الأخير بتوقع براس الشب وبراس البنت !! وبتصير فضائح وقتل وغسل عار ! وأي عار ياناس !!

الموضوع يتبع وشكرا جدا لك أنسة سوسن على طرحك الموضوع فهو قيم جدا جدا وأتمنى من الجميع المشاركة

[En.muhammed manla]

تحياتي لك انسة سوسن موضوع حساس كتير
لكن له اكتر من سبب واول الاسباب بترجع للكبت والابتعاد عن الدين وغلاء مهر البنت وللاسف في وقتنا الحاضر (صار الي عندو بنت جميلة كانه عندو ثروة)
لنرجع قليلا الي القدم كيف كان الشب يتزوج في اي عمر نلاحظ فرق كبير,الشب في وقتنا الحالي لا يقدر ان يامن نفسه فكيف له القدرة على الزواج وانشاء عائلة. اسف لاني خرجت قليلا عن الموضوع !!!
لكن هذه هي الاسباب التي تجعل الشباب والفتيات على ارتكاب هذه الخطيئة
فنحن لا نستطيع ان نسمي الرجل بالذئب البشري ونحمله المسؤلية والمعروف عند الجميع بان الرجل هو اسرع من يقع في مصيدة امراة حتى ولو كانت غير جميلة!!!
وكما تفضل الاخ خالد عن تصرفات البنات في هذه الايام فهل من المعقول ان نرى فتاة خارجة من البيت الساعة 10 مساء(اكيد مو الكل) اين مسؤلية الاهل هنا؟؟؟؟
لا اريد ان اطول بحديثي لكن وباختصار:
الفتاة ان لم تكن ترغب بهذا الشيئ لا يمكن لاحد ان يجبرها على فعل ذلك.
فباعتقادي ان الفتاة هي السؤولة الاولى عن هذه الخطيئة هي التي تحدد من خلال تصرفاتها كيف ينظر الناس اليها سواء بنظرة سوء او بنظرة جميلة!!
يتبع...

[En.Khaled Alfaiomi]

كلام جميل أخ محمد وشكرا على تفاعلك في الموضوع

كلامك صحيح الأن الشب يريد أي بنت كانت جميلة او غير جميلة للأسف لكي يشيع شهواتوا للأسف
ويتوقع الحياة الزوجية مثل أفلام الجنسية تمام !

وممكن سؤال لجميع !! أنتشار الأفلام الأباحية بين الناس وخصوصا العرب للأسف؟ بتسئل شب ليش عم تتفرج بيقلك عم أتثقف هههه والله مضحك للأسف!
وبتسئل فتاة ليش تتشاهدي ! بتقول أنا حابة أحمي عائلتي بعد الزواج مابدي كون غشيمة !!

وهيدا الشي ياجماعة مو بيزيد الحرام بين الناس !! وبيزيد حالات الطلاق ! جد الموضوع ضخم جدا

يتبع ..

[Dr.Ibrahim]

يا جماعة الامور صحي معقدة لكن مو لهدرجة شرف الفتاة مو لعبة بين ايدين الناس .نقطة مهمة ليش بنات الغرب بيختلفوا كتير عن بنات الشرق؟؟؟؟؟؟؟؟هي احد النقاط

[SHARIEF FATTOUH]

مشششششكورة اخت سوسن على هالموضوع القيم جداً جداً والشكر الجزيل للاخ خالد على هالمناقشة الجذابة للموضوع يعني بظن انو كلامي يلي بدي قولو رح يكون قليل شوي وبعد الكلام يلي انحكى ما عاد في شي أفض

[Dr.Ibrahim]

يقول المثل الشهير ان خليت خربت صحي هالحكي 100 بالمئة,لكن تعقيب على كلام السادة خالد ومحمد صحي مجتعنا كابت وابتعادوا عن الدين وانتشار الافلام الجنسية ان صح التعبير هدا ما بيعني انوكل الناس ليسوا اصحاب شرف وعفة لانو الشرف معناه كبير كتير (العرض). شبابنا اليوم الله يساعدهون والله حالتهون بتبكي صح متل ما ذكر اخي محمد غلاء المهور وغيرها من الاسباب لا اريد ان اطيل عليكم من وين الواحد بدوا يامن حالو معيشتوا من وين يا حسرة .لكن في امل لسى.

نبينا عيه الصلاة والسلام يقول :يا معشر الشباب من استطاع منكم الباءة فليتزوج فان لم يستطع فعليه بالصوم فانه له وجاء اي وقاية.

[En.muhammed manla]

مشكور دكتور اكيد نحنا ما عم نحكي انو كل البنات والشباب هيك!!!
نحن عم نشرح الوضع ولو كانت هذا الموضوع موجود عند 1% نحن مجرد طرحنا الفكرة وحاولنا نستعرض الاسباب وعلى من تكمن المسؤولية...

[SHARIEF FATTOUH]

وبسبب خطأ فني تم ارسال المشاركة بدون سابق انذار بس حبيت وضح أمر مهم بظن أنو نحنا في عنا فكرة في كتير من الناس بتحكي فيها وبتمنى ما حدا يفكر فيها أو يحكي عنا انو البنت الغير محتشمة عم تكون محافظة على شرفها اكتر من بعض البنات المحتشمات وفي ذلك أساءة للحجاب ولو كانت الاساءة تاتي ممن يلبسون هذا الحجاب و مثل ما قال الاخ خالد او لمح الو أنو البنت عم تغلط بحقنا كشباب والاصل هو الدين عند الشباب وعند البنات وكمان برجع بكرر شكري لكم



صمتي لا يعني جهلي بما يدور حولي ولكن ما يدور حولي لا يستحق الكلام (بظن انوعبارة لا يستحق الكلام فينا نعتبرها أنو كلامنا صاير متل الغونا بالطاحون)

[En.Khaled Alfaiomi]

كلامك صحيح دكتور أبراهيم مشكلة الكبت منتشرة بشكل كبير في مجتمعنا العربي بتحس البنت مراقبة دائما للأسف !
بتحس الشب محروم من كل شي ! وطبعا أنا لست مأيد للحرية كالغرب ! ولكن الحرية والتفكير الصحيح أهم من كل هذه الأمور

بخصوص الكبت الموجود في مجتمعنا للأسف لايوجد تفكير وسطي أما فرررري أو متشدد ! وهيدا اللي عم يدمر مجتمعاتنا

وبخصوص المهور للأسف تشعر عند تقدم عريس للفاة يريدون أن يشربون دمووووا بالعامية !! بتشوف الطلبات تعجيز مهر مقدم نص مليون وماخر مليون ومابعرف شو !! وبالأصل العيلة نفسها عندهم 5 بنات غيرها وبدهم يخلصوا منها !! بس للأسف الطمع ياصديقي !! وبتشوف الأم بدل ماتنصح بنتها أنوا تساعد خطيبها بتقلها خليه يشتريلك أغلى غرفة نوم وأفخم فستان عرس ووووو

شو السبب ممكن أعرف ؟ الشب من الممكن يكون مغترب للأسف ولم كم ليرة ورجع لبلدوا ! راح صرف كل شي في فترة الخطوبة ؟ !! والله تعجيز للأسف؟!! ليش هذا التفكير في مجتمعنا!!
ليش مامنفكر بطريقة أفضل!

ليش مامنساعد العريس بدل مانعقدوا ونفلسوا ونبهدلوا !! شو القصة !

وبتحس الزوج عدو أم الزوجة وبالعكس ! وكذلك الكنة والحماية !! للأسف شو ها العيب ! الأقوال اللي عم دمر مجتمعنا للأسف ( الأقارب عقارب ) تخيل !!

والله عيب

خلو الناس تتزوج وتتيسر أمورها واستروا على شبابكم وبناتكم أفضل مابكرا تجي ساعدة تندموا فيها

مشكور وبتمنى أستمرار نقاش الموضوع

للأسف

[En.Khaled Alfaiomi]

مشكور أخ سيف كلامك جميل وصحيح وعلى العكس بأمكانك المشاركة معنا لو بفكرة صغيرة!
لأن الموضوع حوار
وبتوقع رح نوصل بالأخير لخلاصة من الموضوع

[En.muhammed manla]

للتوضيح فقط بالنسبة للحجاب الاخ خالد بيقصد انو في مجموعة من الفتيات عم يستخدموا الحجاب للتستر فقط
وليس القصد بالمحجبات

[En.Khaled Alfaiomi]

تمام أخ محمد على العكس أنا من مؤيدي الحجاب تماما وهيدا فرض ويجب الألتزام به وليش فقط موديل !! أو لأنوا الماما حاطتوا أو لأنوا البابا جبرني عليه أو أخوي

ياصديقي معظمنا منشوف باعينا البنات بتطلع على البرندات بدون حجابات ! ! أو بتروح مع رفقاتها مشوار أو رحلة وليش الحجاب تخلففففففففففف ( هم يعتبرون ذلك )

صديقي محمد والجميع كلنا عم يشوف ويسمع

خلي البنت تفهم ليش الحجاب وخليها تختاروا بقناعه منها وليس أكراه !! يانس

لا اكراه في الدين !

وشكرا لجيمع . يتبع ..

[MOSTAFA]

انا برأيي انو السبب الأول من تربية الأهل بالبيت
لازم يكون في انتباه من الاهل متابعة من الصغر
وعلى طول كل شي ألو حدود
ومتل ما بيقولو
((خير الأمور اوسطها )).................

[Dr.Hasan]

بسم الله الرحمن الرحيم
اولا:اذا لاحظنا نسبة الفتيات المتعريات والمتعهرات نراها بازدياد وهناك عدة اسباب اذكر منها 1 التقليد الاعمى للفنانين والممثلين فالانسان بيطبيعته يميل الى التقمص واذا سلطنا الضوء على الساحة سنجد انها مليئة بالفنانات اكثر من العالمات والاديبات و......... والباحثات مجتمعين......

2اضافة ل1 فما بالكم اخواني واخواتي الكرام اذا اجتمع مع هذا التقليد الاعمى قوة الشهوة(نرى حاليا انه بسبب الثقافة والعولمة وثقافة الجنس و.... نلاحظ ان الفتيات اصبحوا يبلغون قبل الوقت المعتاد عليه ولو لم يكن بلوغ فسيولوجي فعلى الاقل بلوغ نفسي واجتماعي فترى الفتاة تحب وتعشق ولم تكمل صفها الثالث وحتى الرابع وهذا الشي لاحظته شخصيا مع عدة فتيات صغار تحب وترسل رسائل الحب وهي في المرحلة الابتدائية
3التربية.........................4...........
انا قداكون خرجت عن الموضوع المطروح للنقاش اصلا غير واضح وانا اعقب بدوري على مشاركات الاعضاء
يعني اخت سوسن: هو البنت لما بتفقد عذريتها مع حدا حبيبها صديقها زميلها ايا كان وهو اكتر واحد تعلقا فيها بديهيا هو حبيبها وتركها ليش؟ هو الشب لما يعمل علاقة مع حبيبته بيبلش بيشك فيها ما هو صارت المخلوقة ممكن تعمل اي شي وبدون ما يعرف _حسب المفهوم الحالي للشرف وهو البكارة_ما هي فقدتها يعني ممكن تخونه فهذا هوسبب مهم لتخليه عنها.

اذا اضفنا اليه ان هذه الحالات غالبا تكون في سن المراهقة اي الذي يقود الفرد هو العاطفة والشهوة في ظل تغييب العقل وعدم نضجه ولكن عندما تتوافر سبل واسباب الزواج لدى الشاب يبدا بالتخلي عن الحب القديم للسبب الاول او اي سبب من الاسباب التي تغير رايه وقد يلجا الى افتعال المشاكل وانا الوم الفتاة في هذه الحالة قبل الشاب فهي التي سلمت نفسها له فالحرة تموت ولا تاكل بثدييها ودافع الجوع هو اقوى على النفس من دافع الشهوة حسب علم النفس والسلوك ونظرية الاولويات (هرم ماسلو)

اما من الناحية الدينية فالله بدأ بالزانية في القرآن قبل الزاني (الزانية والزاني...)))


اما راي الشباب في من يغازل البنات ولايرضى لاحد بان يغازل اخته بعتقد هاد اسمو الهروب اوعدم الواقعية والموضوعية او حتى العدل

كمان البنت لما بتفقد عذريتها مع حبيبها رح تكون تكونت علاقة واعتادت على العلاقة وانسحاب الحبيب مؤكد رح يترك فراغ عاطفي لديها وكذلك العلاقة التي اعتادت عليها بقصد العلاقة الجنسية هي شغلة والاهم اذا نظرنا الى احصائيات تشير الى ان نسبة البنات التي تمارس العادة السرية يصل الى 87%
يعني هي نسبة الها دلالتها!!!!!!!!!ويجب الوقوف عليها...


كذلك نسبة الادمان على مشاهدة المشاهد الجنسية 62%

اسباب التحرش الجنسي37%خلاعة النساء

كذلك هناك امر مهم وهو يتعلق بشرف الفتاة وهو انحراف الفتيات بعد الزواج ضرورات الاختلاط وانشغال الازواج فالرجل الذي يعمل 14ساعة بالنهار كيف ستكون كفائته بالليل اذا اضفنا لهذا السبب احصائية تشير الى ان 56%من النساء تمثل الوصول الى النشوة مع زوجها ...اعتقد ان الصورة بدات تكتمل

لما منوصل لهي المرحلة بتصير البنت انو يكون الها نزواتها شي عادي ومالوف وغير خارد عن نطاق الادب والاخلاق

*تعليقا لما قاله اخي خالد سببب ابداع المراة الغربية وانحطاط العربية عموما ؟.......هذا واضح لدى العرب كافـــــــة ولكلا الجنسين المراة الغربية مطالبة بالعمل وان لم تعمل فسوف فتوت من الجوع وحتى لن يكون لها قيمة اجتماعية كذلك المراة الغربية لا يشغل فكرها رغبتها الجنسية مشبعة من حبيبها او صديقها وكلامي الكل بيوافق عليه على ما اعتقد
ام المراة العربية فترى الشباب والعلاقات فدائما مشغولة في اشباع حاجتها الغير مشبعة وهي الشهوة الجنسية (كلامي حسب اولويات النفس البشرية)ملاحظة كلامي هذا حسب الحاجات الاكثر اهمية والتي يصاحبها الدافع القوي نحوها
اذا اضفنا لهذه الاسباب عنصر الدين والذي هو الرادع او الوازع الذي يمنع الفتياة من الانحراف ......لانجده مع الاسف
انتشار الافلام الجنسية له اثره البالغ في الانحراف حتى للمراة وللاسف وصلت هذه الافلام ليد الفتيات بعد ان كانت محصورة على الرجال..طبعا هالشي غلط عالجنسين

*مفهوم الشرف يقوم على اساس العفة والصدق يعني مفهوم الشرف عند المسلمين هو العفة والاخلاق والحياء

ومفهوم العفة عند الاجانب قد يكون الوفاء او التضحية او اي شي

يختلف مفهوم الشرف من شخص لاخر ومن حزب لاخر على اساس المرجعيات

ولكن في المجتمعات الاسلامية والعربية يتوقف اخلاق الفتاة وتربيتها ومنسمع تحنا حوادث القتل الي بتصير بدافع الشرف وبتكون من طرف الاب او الاخ او حتى ابن العم يعني الله جعل عقوبة الزنى للغير المحصن 100جلدة والاهل بدهم يقتلوا ويغسلوا شرفهم طيب ما يقتلوا الذكر كمان على نفس السبب

انه لمن السذاجة ان يكون شرف الرجل في مهبل المراة يعني ليش اذا عادت بدون بكارة خلص راح شرقها طيب ليش اذا طلعت برا البيت بثياب مغرية ما بتتعاقب او ينتقص من شرفها

والموضوع هو موضوع مهم ولو بقينا عم نقاشه لايام وشهور ما منطيه حقه وهي الكام كلمة بتمنى تكون وصلت الفكرة وبالطريقة اللي بقصدها واي احد بيوافقني او بيختلف معي انا احييه ......

[DG-SADDAM]

شكرا اختي سوسن على هالموضوع المهم
وشكرا للشباب الطيبه اللي عم يشاركو
يا ناس في وجهة نظر غلط لاحظتها بعد ماقريت الردود انو المذنب الاساسي هو الشب<<خللوني دافع شوي >>
هههههههههههه
يا اخوان من المفاهيم المغلوطة الشائعة التي لا تستند على دليل ولا على حكم شرعي بل هي تتناقض مع المفاهيم الاسلامية، التركيز على «شرف البنت» دون «شرف الابن».
فالشرف واحد ولا ميزة للذكور في ذلك على الإناث، واي منتهك لحرمة شرفه - رجلاً كان او امرأة-مدان ومحاسب فإذا اهدرت الفتاة شرفها واساءت لسمعتها، وانحدرت في المباذل الرخيصة، فإنها تكون مساوية في التردي الأخلاقي لذلك الشاب الذي ينغمس في الفواحش والمجون ويسكن المواخير والملاهي وبيوت الدعارة.
لماذا اذن التركيز على شرف البنت؟
هي نظرة جاهلية لا تزال تعشش في عقول واذهان الكثير اي ان رواسب الجاهلية التي كانت تئد البنات مخافة ان يتلوث شرف القبيلة ان هي هزمت وسبيت نساؤها واعتدى على شرفهن مازالت قائمة الى اليوم.
ولابد من الالتفات الى ان الفارق الوحيد بين الفتاة والشاب في مسألة الشرف، هو فارق في النتيجة الظاهرة اي في الحمل اما ما عدا ذلك فالشاب مرتكب الفاحشة والمستجيبة له بإرادتها كلاهما على درجة سواء فيما يتحملان من وزر عملهما المشين.
انظروا الى التسوية في العقوبة الإلهية النازلة بالزاني وبالزانية «الزانية والزاني فاجلدوا كل واحد منهما مائة جلدة», فالقرآن لا يميز في عقوبة الزنا تمييزاً جنسياً بل يوقع العقوبة على كل من مرتكبي الفحشاء ويحمل الطرفين المسؤولية فيها ولم يسقط او يخفف العقوبة عن احدهما تحيزاً او محاباة ان شرف البنت حساس لكن شرف الابن حساس ايضاً وقد لا يكون كعود الكبريت وهذا ما تتناساه الكثير من المجتمعات الذكورية ذات النظرة المجاملة والمنحازة للرجل حتى ولو اهدر دماء شرفه.

[سوسن]

مشكورين جميعا على مشاركتكم بهالموضوع المهم
كل ارائكم جميلة ومهمة وبتتناول جانب من جاونب شرف الفتاة
مامنقدر بالاخير الا نقول انو شرف الفتاة ليس بغشاء رقيق يمكن ان تخسسره لاي حادث كان حتى لو كان اغتصاب
لانو مو معقول نقول على وحدة مغتصبة بلا شرف ونقول على وحدة مشخلعة وكل هما اغواء الشباب انها عفيفة حتى لو كانت موفاقدة للمعنى العذري عمليا
انا برايي الشرف هو العفة وليس غشاء ضحكنا عليه بزمن التطور العلمي
يتبع ....

[سوسن]

هلا انا مع اخي صدام بانولازم مفهوم الشرف يقاس على الشاب والفتاة سويا ولكن متل ما بتعرفو مجتمعاتنا الشرقية تبيح للرجل وتحرم على المراة لو ان النظرة كانت واحد للجنسين بظن كان في شي اختلف بس نحنا عنا الشب اللي كل يوم مع بنت منقول عنو نسونجي وبس واذا تقلنا بالحكي منقول عينو لبراااااااا انما البنت اذا حكتلا مع واحد او 2 صارت من السبعة وذمتها وطبعا ال2 غلط بس لي نحنا منكيل بمكيالين ؟؟!!
تاني شغلة الناس كلها بتاخد بالظاهر يعني بنت عم تحكي مع زميلها بالشغل بالوظيفة بالجامعة اي محل بيصيرو الناس بتخترع عنا قصص وحكايا
وهون بتنخدش سمعة البنت وبيصير الناس بيقولو المتل الدارج (مافي دخان بلا نار ) هلا هون بيصير في عوامل لتصديق اللي عم ينحكى عن البنت متل مثلا طريقة لبسها ومكياجها وكيف بتضحك وكيف بتمشي وايمتى بترجع على البيت ومحجبة ولا لا
هيدا الكلام مابيعطينا صورة صحيحة 100%عن البنت انا شخصيا عندي رفيقة غير محجبة وطلعتها ماكتير محتشمة ولكنها الحمدلله بتصلي وقارئة للقران ولكنها عاشت ببلد غربي حتى عمر ال20 وتاثرت بالجو العام ولكن قلبها طيب وعفيفة
هيدول البنات اللي بينخاف عليهم بتعرفو لي لانهم فريسة سهلة للناس يمكن تكون البنت متحررة شوي بتحكي وبتناقش طلعتها ملفتة شوي للنظر بيجي واحد بقلها انا معجب فيكي وبيبدى اول شي معجب بحديثها وهيي بتصدق وبعدين بيصير معجب بلبسها واناقتها وبعدين بعيونا وبعدين ب.........و.......الخ هون البنت بتكون حبت الشب وعاطفتها ملكتها احتمال جدا كبير تغلط معو بس هيي بالاصل ماغلط ولا انها بدون تربية بس وقعت فريسة شخص بلا ضمير
وهون بيجي دور الاهل اللي نحنا الحمدلله محرومين منو يعني لو نحنا عنا حرية بالنقاش والاهل عندهم الوقت والقدرة ليسمعو اولادهم ويساعدوهم بحل مشاكلهم كانت اغلب هالقصص مو موجودة يعني لو البنت راحت قالت لامها او ابوها او حتى اخوها اللي بعمرها واللي لازم يفهمها انو يااخي هيك هيك هيك صار معي اليوم والشب اسمو كذا ودراستو كذا ...الخ يعني صار في نقاش والاهل استفسرو عن هالشخص اللي عم يحكي مع بنتهم ماكان صار شي بخوف
ولو الشب بنفس الوقت عندو شوية ايمان كان عامل اللي مقابيلو بكل احترام حتى لو كان دايب البو عليها مافي داعي للغلط بما انو الحلال موجود .انا ما بقدر بتخيل انو في بنت بتحكي مع شب وهيي بتعرفو سيئ ولا وحدة من البنات بحب تكون بموقف انها علكة بتم شي شب او لعبة او تسلاية عم يتقطع فيها وقت
بس وقت بيصير الغلط اول مرة بيصير في احتمال الغلط تاني مرة وتالت وعاشر مرة كمان لانو الزنا يصبح عادة متلو متل القتل اللي اتعود القتل بيصير ماعاد باثر فيه منظر الدم كذالك البنت اللي اتعودت الزنا صار عندها فعل طبيعي ومع الايام بيروح عذاب الضمير من عندها على هالفعل وهيك بيخلقو البنات الشذات او السيئات ببيئتنا
منرجع بالاول وبالاخير منقول انو الالتزام بالدين وفهمو بشكل صحيح من قبل الاباء والابناء هو الواقي الاول من الوقوع بهيك اخطاء
تحياتي للجميع وبشكر خالد كتير لانو اتولى الرد على الاعضاء اللي شاركو وانا مو موجودة

[ABDULLAH JANEM]

مشكوررة سوسن موضوووع مهم
انا ما بعرف شو بدي احي لان الاخ خالد ومحمد وحسن
بعتقد انو قالو الي كنت انا بدي قولو
مشكورين شباب
بس زيادة شوي :
التلفاز والمسلسلات والاغاني الفاضحة سبب من اسباب
ضياع الشباب والفتياة
هروا هري

[سوسن]

معك حق اخي عبد
مشكور لمرورك

[M-AraBi]

انا برأيي أنو الفتاة الليي بتحترم حالها وبتصون نفسها ماحدا بيحكي معها
وأنا الصراحة البنت الي مو محجبة لا أحترمحها مهما كان وضعها لأنها اذا بتخاف ربها
فالأولى أن تتحجب

وبعدين بالنسبة للمكياج والزينة للمرأة فهي حرام الا مع المحارم
ذات يوم شم سيدنا أبو هريرة-رضي الله عنه- رائحة عطر سيدة في الشارع
فأمرها بالأغستال لأن على قوله والله أعلم أنه من الزنا
وكمان في ديننا الاسلامي العطر للرجل فقط أما زينة المرأة فهي بألوان (كالمكباج)

واتذكر يوماً قصة سمعتها أن قناة إقرأ عملت مقابلة مع شاب مصري كان يغتصب الفتيات ويقتلهم
وعندما سأل عن السبب قال أنه الحق عليهم وليس عليه فما بفعلوه من اثارة هو سبب ضياعه
وهذا الشاب كان مسلم لكنه لا يعرف ماهو الاسلام لدرجة أنه لا يعرف الصلاة و لا الشهادتين
وعندما سأل أنه إذا رأى شبان يتحرشون بفتاة محجبة ماذا يفعل ؟
قال أقتلهم إذا كانت محجبة ومحترمة فقط!!!!!!