بدي مساعدة اذا سمحتم؟

[losy]

السلام عليكم ورحمة الله وبركاته:
انا عضوة جديدة بالملتقى وسجلت فيه لاني بحاجة لمساعدتكم ولمعلومات عن الدراسة في اليابان
بالبداية انا بدرس طب سنة خامسة وحابة أكون فكرة اذا في مجال عن الاختصاص في اليابان:z025:
واذا في اي خطوات لازم اقوم فيها من هلأ؟؟؟وشكرا

[دمعة فرح]

اهلا وسهلا نورتي وشرفتي ببيتك التاني ..
الله يوفقك بدراستك بس للأسف انا ماعندي اي فكرة عن الدراسة في اليابان
اهلا وسهلا مرة تانية :)
تحياتي ..

[ماهرالفيزو]

اهلين وسهلين فيكي نورتي وحياكي الله


انا بعرف اليابان بس ماعم ادرس طب للاسف


:z033:بعدين اشو موديكي لليابان يعني ادرسي مكان مانتي روحي لحمص درسي طب

[losy]

اول شي يسلمو كتير واهلا فيك
بس من شان الموضوع فانا هلأعم ادرس طب بشري وحابة أكمل الاختصاص باليابان
لذلك اذا ممكن الاستفادة من اي معلومة؟
لانو عن جد انا كتير معجبة بثقافة اليابانيين بس المشكلة انا ما عندي أي فكرة عن الطب باليابان او حتى أهم الاختصاصات يلي ممكن الواحد يدرسها لذلك بدي مساعدة من يلي سافر لليابان ؟اذا ممكن

[ماهرالفيزو]

ان شاء الله يجي حدن بيعرف ويفيدك


نورتي الملتقى :z025:

[losy]

طب ما في حدا هون بالمنتدى من سوريا راح على اليابان ودرس هنيك؟:z09:

[ماهرالفيزو]

هههههههههههههههه مااتوقع الا مايجي حدن بدك تطولي بالك شي كم سنة

بعدين النت بقرب البعيد والبعيد بصير قريب يعني ضلي خبصي حتى تعرفي شي عن اليبابان الا ماتزرط معك

[losy]

والله انا كتييييييييييير مستغربة انو ما في حدا من سوريا راح على اليابان مستحيل ؟
طب انا بعرف انو السعوديين كتير بيطلعو بعثات على اليابان لذلك ممكن اي مساعدة من أي حدا راح هنيك
لأنو انا دورت كتير على الغوغل بس ما عم استفيد كتير من الناحية الطبية
ممكن لاي واحد هلأهو في اليابان ممكن يفيدني؟حتى لو كان غير سوري؟؟:z09:

[ماهرالفيزو]

طولي بالك شوي الا ماتلاقي شي يخص هالشي :z025:

[losy]

يسلمو عن جد على ردودك السريعة ؟انت من سوريا وعايش بالرياض صح
طب ما في ملتقى للمغتربين السوريين على الفيس بوك انا حاولت بس ما لقيت؟

[ماهرالفيزو]

اكيد في بس انا متلك ماعم لاقي







اي صح سوري بلرياض

[ماهرالفيزو]

كل سنة، في منحة تقدمها الحكومة اليابانية، بهدف الدراسة في اليابان . أسمها (MEXT) أو منحة (Monbusho).
ممكن أي طالب من سورية و من أي أختصاص أنه يقدم عليها، في للدراسة قبل التخرج أو بعد التخرج (أو قيد التخرج، يعني سنة أخيرة و متوقع تخرجه قبل بداية العام التالي ). عادة و في السنين الماضية عدد الطلاب اللي بياخذو المنحة قبل التخرج (1-2)، و بعد التخرج (5-6).



عادة بيتم تقديم الطلبات للسفارة اليابانية أو في المركز الياباني في جامعة حلب (http://japancnt.org/index.htm). وأنا بنصحكم، إذا حابين تقدمو عليها، تطلعوا على المركز الياباني في جامعة حلب رح تلاقو دعم كبير هنيك.
عادة في السنين الماضية، في مثل هذا هالوقت بيكون التقديم للمنحة بس لازم تعجلو لأنه على ما أظن أنه قرب يخلص.

[losy]

عن جد يسلمو كتييييييييييير كتير ؟
انا فتحت الموقع وهلأصرت أعرف من وين ممكن الواحد يبدأ
وانا الصراحة ما كنت متوقعة حلب بتحوي المركز وكتير استفدت بعد ما فتحت الموقع عن جد يسلمو <domo aregato>هي يعني شكرا لك بالياباني

[ماهرالفيزو]

ههههههههههههههههههههههههههه العفو نورتي وحياكي الله حوليها على اليباني ودبري حالك


واتمنى لك ان شاء الله التوفيق







ノルテフォーラムは、私はあなたの成功を願って




هي ترجمة كلامي بلياباني مافيني قول الا الله يكون بعونك



:z025:

[ماهرالفيزو]

لازم تتاكدي انو حلب او جامعات حلب خرجت اطباء ومهندسين وطيارين والخ

[losy]

قصدك سوريين تخرجوا من اليابان ؟
اي بعرف انا راح حاول سافر لهنيك لحتى اسال اكيد ان شاء الله؟< aregato>

[ماهرالفيزو]

ان شاء الله بلتوفيق