إلى كل كومبيوترجي بالمنتدى [الأرشيف] - ملتقى المغتربين السوريين

سوسن

04-09-2010, 03:56 PM

سألتك بمحبتك لكومبيوترك وبغلاوة مكتبة الديفيديات اللي عندك في شي مرة خطر على بالك بكل حياتك الكومبيوترية من وقت اللي مسكت ماوس لهلأ أنو تقرأ اتفاقية الترخيص اللي بتطلع عند تنزيل البرامج قبل ما تضغط على كلمة اوافق

طيب برحمة فلاشتك اللي انحرقت , كم مرة كلفت خاطرك تعمل إزالة الأجهزة بأمان

حلفتك بسرعة الرامات اللي بجهازك , كم مرة مسحت السي دي بتيابك لما ما بيشتغل من أول مرة
و انتي يا خانم كم مرة عملتي من السي دي مراية

جاوبوني لشوف

طيب راقبو حالكون انتو و عم تشتغلو عالكومبيوتر ومعزّة لابتوبي القديم اللي شرب نسكافيه و شراب فريز قبل ما ينتقل إلى عداد الخردوات , رح أفرمت جهازي واحذف مستنداتي كلها اذا مافي عندكون شي شغلة من هالشغلات
1 - هز القدم
2 - تكبيس بالقلم بشكل سريع
3 - عض الاصابع
4 - تنفيخ و اوووف متفرقة حسب الموقف
5 - قلة سمع خااااصة إذا في شي برنامج معصلج
6 - خاااارج التغطية اذا عم تشتغل بالبرمجة
7 - لما بيناديك شي حدا بتقول يلا جايييي و بتسحب معك شي ساعة

شو ???? في هيك شي و لا انا غلطانة