ذكـريــــاآآت المغتـربيــــن ....!

[ماهرالفيزو]

بما ان الاوضاع في سوريا لاتسمح لنا بالسفر وانحرمنا منها لفترة الله العالم متى تنتهي
نسأل الله ان تزول هذه الكربة عنها ويفرج الله عن اهل سوريا ويعم عليها بالامن والامان وينصر كل مظلوم




والعنوان واضح ...

فكل شخص له ذكرى حلوة او مرة يزكرها وخلينا نتعب اعصابنا اكتر من ماهي تعبانة


رح ابدأ انا





اكتر شي بتزكره وخاصة بهيك وقت ... المدرسة .؟ لمن كنا نروح للمدرسة بلصدرية

نشتريها قبل فتوح المدراس باسبوع ونصير نبدلها ونرجعها ورفيقي جاب احلى وهي ارخص وعند ابن عمي عليها رسمة

بعدين نبلش الدوام طبعا اكتر شي كنت احس حالي اني ( ملك ) لحظة الي يكون الجرس بأيدي اتوقع هو مصنوع من كاسة كروم وكل ههههه

اتحكم بوقت الي لازم رنه فيه ويكون كل الطلاب عم يتطعوا فيني احس فعلا اني نجم


مافي اجمل من برائة الطفولة


طبعا غير لمن نربط الكتب بمطاطة ونحط اقلام ازرق واحمر ورصاص ونشخبط شخابيط ونرسم على الحيطان وابو فلان وابو علتان وحبيتبي كزا والاحلى هي المشاكل الي تصيررغم كبر وحجم المشكلة
تنحل مباشرة لمن ينزكر اسم المدير




الموضوع مفتوح للجميع ياريت الكل يشارك بزكرياته من طفولته حتى شبابه


ولو في ختايرة فلامانع من المشاركة تحلو بوجودهم



لكم كل الاحترام واتمنى الفرج القريب لسوريا ان شاء الله

[ماهرالفيزو]

وينكم .. معقول محدا عنده زكريات








شكلكم من جماعة نامو ولا تستيقظوا مافازا الا النوم

[Sanaa]

هههه حلوة ذكرياتك .. و بعتقد انو تعتبر ذكريات مشتركة ... كلنا كان يصير فينا نفس الشي يلي ذكرتو :)
رجعتنا لأيام زمان ... ايام الطفولة الحلووة :(

بتذكر انا بـ هديك الأيام ... كنت غالبا اتغيب عن المدرسة اول يومين او 3 ايام من بداية العام الدراسي ..
لأنو نكون مسافرين .. و احيانا نتأخر بالرجعة ... فـ اضطر غيب اول كام يوم ( على اعتبار ما في دروس بـ أول كام يوم ) ...
و لما تناديلي المديرة كرمال برر غيابي ... كنت قلها اتوفى جدي أو اتوفت ستي الله يرحمهم :( ههههه
طبعا اتكررت هالقصة كذا مرة .... و أنا مُصرّة على نفس الكذبة :)

لحتى بـ يوم من الايام ... لما قلتلها للمديرة " بحزن و اسى " : اتوفى جدي ..!
و إذ بـ المديرة بتنظرلي نظرة غريبة .. فهمت من خلالها اني انكشفت :(:(
قالتلي : بس قليلي حبيبتي .. انتي كام جد و كام ست عندك ...! ههههه
( طبعا انا اتبلكمت و ما عاد طلع معي الحكي .. ما اتوقعت تكون منتبهة و متذكرة ) ....
قالتلي انا حسبتهم طلعوا يمكن شي خمسة و اليوم صاروا ستة هههههه
لك ولله ما بعرفك بتكذبي ..!

مباشرة انا اعتذرت منها ... و خبرتها بـ الحقيقة ...
قبل ما اطلع ... قالتلي لا تنسي تخترعي شي حجة كرمال المرات الجاية ( عمتك .. عمك .. خالتك .. خالك ...) هههههه
و طبعا بعدها كل ما تشوفني كانت تقلي ... شو اخبار جدك وستك ...! :):)

بس كانت حبابة ... الله يذكرها بالخير ..:)


طبعا للأسف الجيل الجديد بـ سوريا ... عم يعيش ظروف صعبة ...
و بـ التالي رح تكون ذكرياته مؤلمة :(
الله يبعتلهم أيام أحلى من أيامنا ... و يحسن الأحوال و يصلحها ..
الله يحمي سوريا و أهل سوريا ..
و الله يفرج عن الجميع يا رب ...



ظريف موضوعك ... شكرااا إلك

[ماهرالفيزو]

هههههههههههههههههههههههه وانا مابعرفك كزابة كمان


من وين كل هاد نفس الكزبة الي كنت اخترعها ...... مرة تأخرت على الدوام بس كنت ثانوية وادرس بمدينة بعيدة عن القرية 30 كم بحماة يعني ... وصلت متأخر قلي المدير وينك استاز للوقت هاد لمن قلي استاز فقلت راحت علي واكلتها


قلت له عمل حادث الباص وستنينا باص تاني وزمن هيك كزب قلي واضح الحصيرة لسا معلمة على وجهك هههههههههههههه .......



اما جيل سوريا الجديد رغم كل طعم العلقم والمرار الي عم يعيشوه رح تكون زكرياتهم تاريخ بحد زاته


الله يحمي سوريا واهلها ويفرج عليهم وينصر الحق



نورتي سناء هاتي لسا من هيك افلام

[Sanaa]

هههههه هي من ضمن الحجج الشائعة كتير ..
اي حدا بيتأخر عن موعد غالبا بيتحجج بالمواصلات و الطريق و زحمة السير .. و اتعطلت السيارة ووو ههههه


فكرة الموضوع بشكل عام مهضومة ... و مناسبة للتثبيت ...
و اي حدا من الأعضاء السوريين و الغير سوريين ممكن يشارك بـ أي وقت ..
بـ شي موقف او ذكرى حلوة او مرّة .. مرت بـ حياتو ...
سواء هالذكرى كانت بـ سوريا أو بـ بلد الاغتراب او بـ اي بلد ...

انا بس رح اعمل تعديل بسيط ع العنوان ( إذا سمحت ) ...




أكيد سمحتلي مو ؟؟؟ :):)
أكيد مو هههه



تــم التثبيــت .....

[ماهرالفيزو]

مرة حصل لي موقف بصنفه على انه ذكرى لان صعب انساه



كنت لسا جديد في الرياض فاتصلت بمندوب عشان اعطيه مصاري واكتبله سند انه استلم

فوعدته بشارع بمكان معين قلي معي سيارة هيك لونها ورح شغل الغمازات
وصلت المكان وهو اتصل شي اربع مرات يقلي عم استناك وانت تأخرت

وصلت لقيت سيارة نفس الوصف ومشغل الغمازات فنزلت من سيارتي ورحت سيارته عشان اعطيه المصاري رحت طبعا من باب الي جانب السواق عشان اكتب السند بلسيارة ويوقع عليه


فتحت باب السيارة ....... وهون كانت الكارثة ؟.........



كان في زوج عم يطعمي زوجنه بوظة وعم يدلعها ......:z036::z023::z025: طبعا ...... انا ماعرفت اضحك اوابكي او اتشاهد على روحي .. او اقفل الباب وورح جمدت في ارضي .. وهما جامدين

:z017::z011::z011::z08::z08::drive1::gmgmah::inlov e: لله الحمد انو انفكيت من الجمود ورحت باب السواق واعتزرت له وحكيت له القصة واني جديد واني واني ووريته المصاري والسند

فصار يضحك هو وزوجته ؟.؟؟. وعادت لي الحياة من جديد

[انس.]

المكان : حمص الوعر
الزمان : ........
الذكرى : دورة الجيش في الكلية الحربية ( ٦ اشهر )
عشرة فصائل في كل فصيلة حوالي ال ٤٠ عسكري من كل مناطق سورية
الاستيقاظ في الرابعة فجرا للاجتماع والقيام بدرس الرياضة كان البرد قارسا في شتاء اسود
قائد الفصيلة كان نقيبا محبوبا من الفصيلة الفطور كل ثمانية على طاولة وكل واحد يحصل على بيضة وكم زيتونة
ثم تبدأ الدروس العملية والنظرية
الغداء في الثانية وهوعبارة عن صحن مرقة حمرا فيه بعض قطع البطاطا او الفاصولية
بحيث نقوم بعد القطع لتوزيعها على الثمانية ( بيطلع للواحد سبع ثمان قطع )
في البداية لم استطع تناول طعام الجيش بعدين الجوع جعله مقبولا الى حد ما
والاستراحة والمطالعة مساء
ويوجد مسير ٣ كم بالعتاد الكامل الى حقل قريب من الكلية الحربية
(الهروب من الحقل الى محلات البقالة لشراء المعلبات والعودة للحقل )
كل خميس ركوب البولمان للعودة لدمشق لقضاء الاجازة طبعا يتخلل العطلة التنزه في شارع الدبلان الحومصي
وشراء سندويشة شيش من محل كريش ( رغيف سياحي صغير مع سيخ شيش وكمشة بطاطا بحيث بالكاد يصل طرفي الرغيف ليلامسا بعضهما)
دورة كانت الفائدة الوحيدة بالنسبة الي معرفة ان الانسان يستطيع التأقلم مع ظروفه والتكيف مع واقعه ايضا الصبر فكل شيء له نهاية وان طال
ايضا فائدة مخالطة الحماصنة الطيبيين والرائعين
ايه ....... ياحمص العدية ستعودين كما كنت بهية متألقة

[Sanaa]

حلو الجيش مو ؟؟ مغامرة ظريفة هههههههه
يا حسرتي علينا نحنا ... ما عنا جيش ... و مرقة حمرا مع بطاطا و فاصوليا ههههههههه
رايح علينا كتييير .....


بالنسبة للحماصنة ... هنن فعلا اروع و اطيب و أظرف ناس .....
و التعامل معهم من أجمل ما يكون ...... الله يحميهم و يحمي كل السوريين يا رب ....

اما بالنسبة لمحل " كريش " .... يلي دايما عندو زحمة ...
بصراحة الشيش كلو بـ كفة ... و شيش " كريش " بـ كفة تانية ....
على الرغم انو ما كنت متوقعة حبو ... لما شفت انو بـ خبز سياحي ....
بس طلع طيب كتييير ... عكس توقعاتي ... :)

[Sanaa]

مرة حصل لي موقف بصنفه على انه ذكرى لان صعب انساه



كنت لسا جديد في الرياض فاتصلت بمندوب عشان اعطيه مصاري واكتبله سند انه استلم

فوعدته بشارع بمكان معين قلي معي سيارة هيك لونها ورح شغل الغمازات
وصلت المكان وهو اتصل شي اربع مرات يقلي عم استناك وانت تأخرت

وصلت لقيت سيارة نفس الوصف ومشغل الغمازات فنزلت من سيارتي ورحت سيارته عشان اعطيه المصاري رحت طبعا من باب الي جانب السواق عشان اكتب السند بلسيارة ويوقع عليه


فتحت باب السيارة ....... وهون كانت الكارثة ؟.........



كان في زوج عم يطعمي زوجنه بوظة وعم يدلعها ......:z036::z023::z025: طبعا ...... انا ماعرفت اضحك اوابكي او اتشاهد على روحي .. او اقفل الباب وورح جمدت في ارضي .. وهما جامدين

:z017::z011::z011::z08::z08::drive1::gmgmah::inlov e: لله الحمد انو انفكيت من الجمود ورحت باب السواق واعتزرت له وحكيت له القصة واني جديد واني واني ووريته المصاري والسند

فصار يضحك هو وزوجته ؟.؟؟. وعادت لي الحياة من جديد















ههههههههههههه تعيش و تاكل غيرها ....

لازم تركز و تنتبه مرة تانية .... لانو مو كل مرة بتسلم الجرة :)

[Jude]

ماهر شو احكيلك ...
غربتي عن بلدي وارضي ..؟
ولا غربتي وبعدي عن اهلي ..؟

:z09:


تركا لربك

[الجريحة]

ههههههههههههه

مسكين
فعلا في صدف تصيير ما نتوقعها

[aramees]

بتزكر زمان ... كنت بالصف السادس الابتدائي


حصل معي موقف بيموت من الضحك وبنفس الوئت بهداك الوئت بيموت من الخوف


كنت مروح من المدرسة انا واصحابي وماشيين بالطريق بامان الله ...

مرينا عن مجموعه طلبه عم يتخانئوا مع بعضن وماسكين بايديهم حجار وعم يحدفو لبعض بالحجار

قمت انا لمحت ابن خالتي فيون .. عملت فيا رجال وقمت جريت لابن خالتي ووئفت بالنص وصرت اسحب فيو من بين الاولاد

هلا هربت انا واصحابي ومعنا ابن خالتي ... وعم نركض وهني ورانا

هلا ابن خالتي اجا حجر براسو فوق حاجبو لانه وهوي عم يركض يلتفت وراه ويحدوف عليهن حجار


بين قوسين بيستاهل لانه كان شئي كتير وغلباوي ...

هلا لما تصاوب رحنا نركض لبيت خالتي وطبعا رحت قلعت قميصي وكبستو على راسو لحتى يبطل ينزف هلا اديني كلن دم وبنطلوني كمان


روحت عالبيت متل ابو الشباب بالفانيلا البيضة وماسك قميصي كله دم

شافتني بسلامتها امي صارت تصرخ شو صار شو بك شوفي ومدري شو

حكيتلا القصه من طأطأ لسلام عليكم .

آل يا داخل بين البصله وقشرتها ما بنوبك الا ريحتها .

أكلت ضرب يا سلاااااااام بيوزع عالمدرسه كلا طراخ طراخ

اجا بسلامته لابي امي حكتلو القصه وانعادت الكرة بالضرب .


طبل ليش انضربت انا ... آل شو ليش بتمشي مع الشله هاي ولولاك كنت عم تضربن ما حدفوك بالحجار

وفرضا وبلكي اجا فيك حجر انت التاني شو دخلك فيون وليش ومدري شو

خلصت العلئه وانا عم ابكي .. فجئة تزكرت شغله

وهاد المضحك بالموضوع

آل شو سدة القلم ضاعت مني هلا زعللان انا على سدة القلم مو عالضرب يللي خدتو

هههههههههههه

طيب قلولي هلا انا غلطت شو عملت بستاهل بربكن القتله ؟؟؟


لما بتزكرا بضل اضحك على حالي عملت فيا رجال وانضربت شفتوا .

تحيتي


Aramees