النحس

[انس.]

ابو سعد وابو الهول رجلان من نفس البلد والمدينة لديهما من التناقض ما يكفي ويزيد
ابو سعد رجل غني مبروك مرزوق ينقلب التراب بين يديه الى ذهب ( فهو السعد وابوه ايضا )
ابو الهول رجل فقير منحوس منتوف تتبخر الاموال بين يديه بفعل المصائب التي تنهال على رأسه ( فهو الهول وابوه ايضا )
اذا لايجمع بين الرجلين اي شيء ابدا ابدا مثل السماء والارض
يجمع بينهما فقط صداقة قديمة لانهما جلسا على مقاعد الدراسة في المرحلة الابتدائية
وبينهما حوارات متباعدة ومكالمات هاتفية ابعد وابعد
في المشاركة التالية تجري مكالمة هاتفية بينهما فلنستمع اليها معا .......

[انس.]

انقطعت اخبار ابو الهول وابوسعد منذ فترة طويلة حتى اليوم.........

حيث استطاعت اجهزة التنصت اعتراض المكالمة الهاتفية (http://syria-stocks.com/forum/showthread.php?t=11566)التي جرت بينهما منذ قليل :

ابو سعد : لك كيفك ابو الهول ؟؟
...لك وينك يازلمة ؟؟؟
نعما شو ولد ؟؟؟
ليش ماعم تحاكيني ؟؟؟

ابو الهول : زلمة .....وولد ؟؟
شلون زبطت معك ؟؟

يحرء حريشك ..طول عمرك سلبينا ؟؟؟http://syria-stocks.com/forum/images/smilies/biggrin.gif
ومع ذلك رح جاوبك ....

بعد ماراح بيتي بالقص وسيارتي بالرص
حملت عيلتي وحالي ونزلت عالشام واستأجرت غرفة عند ابو هشام

ابو سعد : له له له له ..!!!
طول عمرك منحوس ومنتوف ..؟
يخرب بيتو حظك.........!!!
وهلأ شو بدك تساوي ؟؟؟

ابو الهول: ملوخية .....http://syria-stocks.com/forum/images/smilies/biggrin.gif

شو بدي ساوووي يعني ...
بدي رشرش مي على باب البيت وبسط عوجا
واذا طولت شغلتي ببسط جانرك وبعدين صبارة ..وهيك شي ..!!!........ بياع مواسم يعني ...!!

ابو سعد : لك مو على اساس كنت محوش شغلة ...تلاتر بعميت الف ليرة لاخر عمرك شو صار فيون كمان راحوا بالقص ؟؟http://syria-stocks.com/forum/images/smilies/biggrin.gifhttp://syria-stocks.com/forum/images/smilies/ay--.gif

ابو الهول : لا والله ماراحوا بالقص
بس التقى لهم دوبارة تانية ؟؟؟
ابن اختي اخدوا جماعة زيارة لعندون ومارضيوا يرجعوا الا بسكرة وفهمك كفاية


ابو سعد : نعما شو هالنحس !!....

عم اقول لحالي انتو الفقرا شلون بتروحو مصاريكون ؟؟؟ http://syria-stocks.com/forum/images/smilies/eek.gif
وانا يلي كنت عم قول وين غاطط هالابو الهول ؟؟ ...
تاريك غاطط ببير مالو قرار

ابو الهول : خليا لربك ......خليا بالقلب تجرح ولا تطلع لبرا وتفضح ..
انت شو اخبارك ؟؟؟

ابو سعد : ماشي حالي عم دفش ...
معلومك مطاعم الريف بلودان ومضايا .......ماعاد حدا يرضي يروح لعندون
مشان هيك انعجئت.... وانجبرت كبر مطعمي
يلي بنص البلد بتعرفوا مو ؟
وحطيت اكتر من 100 مليون لاشتري البيت يلي جنبي وضمو لمطعمي
الله بيعوض ...بسيطة

ابو الهول : ميت مليون ؟؟؟

ياحرام انت طلعت مصيبتك اكبر من مصيبتي بكتيييييييييييييييييير !!!!!!

لاضحك بعبي لكن ......http://syria-stocks.com/forum/images/smilies/biggrin.gifhttp://syria-stocks.com/forum/images/smilies/biggrin.gif
بسيطة بسيطة الله يهونا عليك ...
(بقلبه الله ياخدك )

ابو سعد :: لك ابوالهول شو رأيك شغلك عندي ؟؟؟؟؟
بتغسل سيارت الزباين بيطلعك رزئة مرتبة .....

وببلاش ماباخد منك الا 5 الاف بالشهر
لانو الشغيل يلي عندي وخايمي ...
موعاجبني وعم يعطيني 6 الاف
بس عم يشتكوا منو الزباين وبدي ألعوا ..
شو رأيك نزلك محلوا ؟؟؟

اذا موافق جيب معك 5 الاف واستلم الشغل بكرا .....وشو بتطالع حلال عليك؟
شوقلت ؟؟...


ابو الهول : تنعطى لطشة (بقلبو) ..
انا بدي اعطيك ولا انت بدك تعطيني؟؟؟ ...
شو مين بدو يشتغل عند التاني ؟؟؟

ابو سعد :لك طول عمري بدي ضل عم علم فيك ياغشيم ...؟؟
انت بدك تعطيني طبعا..لانو الرزئة حرزانة وكبيرة معلومك باخر الليل بيطلعوا الزباين مطفيين طفي ومابيفرقوا بين الخمسين والخمسمية ..؟؟
شبنا ابو الهول شايف مخك يلي راح بالقص كمان مو بس بيتك ..؟؟!!!
خلصني شو قلت ؟؟؟

ابو الهول :.................شو بدي قول ........؟؟

قلت الله يخلينا ياك ويكسر من امثالك ؟؟؟http://syria-stocks.com/forum/images/smilies/biggrin.gif

[Sanaa]

مسكين ابو الهول :(
بس فعلا في منو كتير ....
يعني في ابو الهولات كتير بهالدنيا .. و كمان في ابو سعدات كتير ههههه


حوار واقعي جدا ....
و تم صياغتو بـ اسلوب شيّق و ظريف و خفيف ....

طرح مميز كـ العادة ...
يعطيك العافية ....

[الجريحة]

احلى شي بالقصة

انو بتحس حالك شايف
قدامك
ابو الهول و السعيد

و هي الدنيا في هيك
في ابو الهول
و ابو سعيد


يسلمو