لا حول ولا قوة الا بالله العلي العظيم

[همسات مغترب]

السلام عليكم ..

الكلام موجه لكل الاعضاء ..

اعذروني لو كان كلامي قاسي ..

يا جماعة الخير .. الانسان مهما كان وضعو .. ومهما كان من اي مكان .. بالنهاية بيتمنى متلو متل اي واحد انو يتزوج وتصير عندو عيلة واولاد ..

والكل شايف وضع البلد كيف ..

الناس مو كلها مهندسين ولا اطباء ولا اصحاب مناصب كبيرة .. الناس مو كلها وضعها المادي ممتاز او حتى اقل من ممتاز او حتى جيد ..

انا واحد من الناس ما بقدر انزل عسوريا بسبب هالاوضاع كرمال ما اخسر شغلي هون لان ما حدا عم يضمن حالوابدا بالبلد

يعني تخيلوا عم ابعت الوالدة تدور عبنت حلال بسوريا ..وانتبهوا للكلمة ( بنت حلال ) يعني ما عم دور لا على بنت عندا اكبر شهادات ولا عبنت ملكة جمال ولا على بنت وضعا المادي ممتاز

عم دور على بنت حلال وبس

وكل ما عم تروح الوالدة عند جماعة بتبدا العائلة الكريمة سلسلة طلبات .. بيت ملك وظيفة بالدولة راتب ثابت شهادة جامعية ما منعطي بنتنا للغربة وووووو

اقسم بالله هاد اللي صار وعائلات كتير المشكلة هاد كان ردهن

يعني وقت عم بيسمعوا اني بشتغل بالسعودية بيفكروني كأن عايش فوق الريح وكانو خلاص اي طلب رح ينطلب كن فيكون ..

طيب انا زلمة عقد الحال راتبي محدد ووضعي محدد يعني ممنوع علي فكر اني اتزوج

شفت جماعة من فترة وافقوا عكل شي بس كان عندن شرط اساسي انو بنتهن اعمللها استقدام نهائي عالسعودية وهية موجودة بسوريا ..

اولا عملية الاستقدام بالاواضاع هي شبه مستحيلة .. ما عم بيوافقوا عليها من هون تانيا مبلغ الاستقدام المطلوب بيفتح بيت ..

قلت لازم دور على عائلات سورية عايشين هون بالسعودية بلكي الله بيوفقنا ..

كمان عم نرجع لنفس الوضع للاسف
وقت بتقدم لعائلة شامية من اولها بيقلك نحنا ما منعطي بنتنا الا لشب من الشام

منشوف جماعة من حماة بتسمع منن نفس الشي

منشوف جماعة من حلب كمان نفس الشي

هلا لاني من ادلب يعني صرت ماني سوري ولا الناس ما بقا تتشرف باهل ادلب

حسبي الله ونعم الوكيل عكل واحد عندو هيك تفكير لانو ما بيخاف الله

اقسم بالله تعبت .. ما بعرف شو صاير للناس

ما حدا عم يعتبر ويتعظ من اللي صاير بالبلد

اذا في ولاد حلال بيخافوا الله بيقدروا يساعدوني بهالموضوع ما بنساهلم هالمعروف ابدا لا والله

واللي بيستر على عبادو الله من عندو بيستر عليه ..

انا جاهز لاي وسيلة اذا في حدا بيحب يتواصل فيها معي ..

ومتفائل كل خير فيكم اخوتي

[Sanaa]

أهلا و سهلا فيك ....
اولا ... كلامك صح تماما ... و بعتقد كتير شباب مغتربين بيضموا صوتهم لـ صوتك ....
للأسف هاد فعلا يلي بيصير ........

كونك مغترب ... فـ الطلبات بتكون أضعاف الشي يلي بينطلب من غير المغترب ...
لانو الفكرة السائدة ... انو الشب المغترب مزبط أمورو ع الآآخر ......

و طبعا أهل إدلب ع العين و ع الراس .... و بالنهاية كلنا سوريين ....
بس ما فينا ننكر انو في كتير ناس بتفكر بـ هالطريقة ........!

ع العموم ... إن خليت خربت ...
و أكيد في ناس كتير ما بيفكروا بهالطريقة ..... بس انت لسا ما اجتمعت فيهم ....
لأنو ببساطة .... نصيبك لسا ما اجا ........
و لما بيجي النصيب ... بيسكت الكبير و الصغير ( متل ما بيقولوا ) ...

بـ كل الأحوال ... الله يختارلك الخير ...
و ان شا الله بتجتمع بـ بنت الحلال يلي بتستاهلك و بتستاهلها عن قريب .....

بنتمنى حدا يقدر يساعدك بـ هالخصوص .....
و كرمال يكون في فرصة أكبر للاطلاع ... رح يتم إرسال موضوعك على ايميلات الأعضاء إذا الله راد ....

بالتوفيق

[همسات مغترب]

اختي الكريمة مشكورة جدا ..

انا ما بدي اي من الاخوة الاعضاء انهم ياخوا موقف مني لاني ذكرت 3 محافظات .. بس انا حبيت اني احكي الصورة بشكل عام

انا على عيني وراسي كل اهل سوريا ..وبتشرف اني سوري ..

بس الواحد من الوجع والقهر احيانا بيصرخ .. وما بيرتاح الا حدا يسمع هالصرخة ويحس فيها ..

فما بعرف ..

الله يختار اللي فيه الخير للجميع ..

والله الموفق ..

[Sanaa]

و لا يهمك ... ما حدا رح ياخد موقف ان شا الله ...
خاصة انو معك حق بـ الكلام يلي قلتو ..... يعني ما عم تفتري على حدا ...
و لا عم تجيب كلام من الهوا ....

وصلت فكرتك ... و أكيد اي حدا بيقدر يساعدك .. ما رح يقصر بنووب ....


بالتوفيق

[همسات مغترب]

مشكورة اختي الكريمة ..

والله يوفق الجميع ويستر عالجميع ..

[مريام]

حال الشباب يلي هون كلو مغترب يعني متلك عما يعاني من هي النئطه وفعلا لمن العائلات بتسمع بانو بالسعوديه بئولو هاد عيش سلطان زمانو من كلمه سعوديه بيفكرو عندو بئر بترول هههههههههههههه
ربي يبعتلك بنت حلال ويفرح ئلبنا فيك عن ئريب :)
تحياااتي اختك ماري

[همسات مغترب]

حال الشباب يلي هون كلو مغترب يعني متلك عما يعاني من هي النئطه وفعلا لمن العائلات بتسمع بانو بالسعوديه بئولو هاد عيش سلطان زمانو من كلمه سعوديه بيفكرو عندو بئر بترول هههههههههههههه
ربي يبعتلك بنت حلال ويفرح ئلبنا فيك عن ئريب :)
تحياااتي اختك ماري


اهلا وسهلا فيكي اختي ماري ..

طيب طالما هاد الوجع بيخص كتير ناس .. ليش عم حس انو ما في اي مراعاة من طرف هالعئلات لهيك فئة من الناس .. يعني فعلا وقت بيسمعو انو مغترب بالسعودية بيقدمولك قائمة طلبات ما بتخلص .. حتى اللي عايشين هون للاسف في كتير من العائلات تفكيرهن هيك .. مع انهن شايفين الوضع وبيعرفو الوضع تماما ومعايشينو ..

انا بحكم اتصالي المباشر مع الزباين اكتشفت فعلا انو في فئة كبيرة ما بترضى باي حدا وللاسف سوريينكمان .. ووقت مناقشهن بيقلك نحنا بدنا ابن حلال وبس يجد الجد بيصيروابقا يفتحوا حساب طلبات ..

طيب انا عن نفسي بقدر اني اصبر شوي مو كتير شوي بس ها ههههه

طيب غيري ما عم يصبر وعم يروح لطريق غلط وقت عم يشوف طريق الحلال مسدود ..

عايشين الغربة غربتين الله وكيلك

غربة بالوطن وغربة برا الوطن بسبب تفكير هالناس ..

الحمد لله عكل حال

[مريام]

بعتقد انو جهل وبنفس الوئت بعتبرو هن هالشي ضمان للبنت من الزمن وهدون الئصص لهيك عما يحاولو يضمنو مستئبل بنتن
وبالاخير بنتن بتصفي بالبيت وبيعملو منا مخلل
لو كل بيت فكر بمستئبل البنت كان ادرك انو مالو بالمال اهما شي الستره والبعد عن الغلط
مبنكر انو في عالم بتطلب بس اكيد بتطلب بعد متعرف وتشوف وضع الشب يلي متئدم لبنتن
وفي عالم :( يلي معو اهلا ويلي ممعو مبيلزمو :(

[همسات مغترب]

بعتقد انو جهل وبنفس الوئت بعتبرو هن هالشي ضمان للبنت من الزمن وهدون الئصص لهيك عما يحاولو يضمنو مستئبل بنتن
وبالاخير بنتن بتصفي بالبيت وبيعملو منا مخلل
لو كل بيت فكر بمستئبل البنت كان ادرك انو مالو بالمال اهما شي الستره والبعد عن الغلط
مبنكر انو في عالم بتطلب بس اكيد بتطلب بعد متعرف وتشوف وضع الشب يلي متئدم لبنتن
وفي عالم :( يلي معو اهلا ويلي ممعو مبيلزمو :(

اي اكيد في جهل وكبير

واكبر دليل الوضع بسوريا هلا .. مين كان بيضمن انو سوريا يصير فيها هيك ..؟

مين كان بيضمن انو الغنا اللي كان عايش فيه رح يخسرو ببساطة ..

مين كان بيضمن انو رح يخسر اخوه وامو وابوه وعيلتو وشغلو وكل شي ويخسر نفسو كمان

معقول شوية عملة نقدية وشوية مظاهر وشوية ورق مكتوب فيه تقدير من جامعة ولا من معهد ولا من اي شي ( مع احترامي الكبير لكل صاحب شهادة وعلم )

ما بنكر اني مسجل بموقع زواج .. بس للاسف عم اكتشف شغلات وشغلات ما بتخطر بالبال ..

نساء اعمارهن تجاوزت ال30 سنة ومع هيك عندن امل يجيهن فارس احلام وعاملين منو روميو زمانو .. وقائمة طلباتهم سدئيني لو انقلك ياها رح تضحكي وبنتفس الوقت تزعلي عهيك ناس ..

انا ما بدي حط كل اللوم عالبنات . الشباب بيتحملوا نفس المسؤؤلية

لانو في ولاد حلال كتار بيضحكوا عالبنت وعلى اهل البنت وبعيشيلو كم يوم حلو مع بنت الناس وبعدها بيفرجيها نجوم الضهر

بس مو كل الناس سواسية يعني انا واللي متلي عم نضيع بسبب ناس ما بتخاف الله وما عندا مشكلة مستقبلها تضيعة بطيش وولدنة

وانا ما بنكر انو في زمان ما بدها الا السترة وما بيهما الا انو يكون الشب ابن حلال وبيخاف الله .. بس للاسف هيك ناس نسبتهن الى انحسار فظيع

عفكرة انا وجهت هالكلام لرجل تقدمت لبنتو .. سألني من وين انت وجاوبتو قاللي لا نحنا ما منعطي بنتنا الا لشب من ....

قلتلو الله يخليلك ياها حطها يقطرميز واعمل منها مخلل وخليها تنفعك .. لاني فعلا طقيت وانقهرت بشكل كبير منو

[مريام]

استازي الكريم ما تستعجل على نصيبك راح يجيك ومواقع الزواج وهدون بظن انن بحياتن موفئو راسين بالحلال
ستنا النصيب ودعي لربنا يوفئك ببنت حلال واهلا ئوادم
والله يفرج كربة الكل :(

[aramees]

أخي الكريم حاسين فيك وبظروفك


ومعظم الشباب هالايام داخلين بنفس الدايرة يللي انت فيا


بس سدئني مهما حسينا بظرفك ما حنوصل لقمة الوجع التي تعاني



ويا ريت لو بايدنا نساعدك ما كنا نقصر


لكن متل ما بيئولوا العين بصيرة واليد قصيرة


كل يللي منقدر عليه


الله يفرجها عليك ويطلعك من يللي انت فيو على خير


والله يعوضك بصبرك عوض خير


Aramees

[همسات مغترب]

ما رح استعجل على نصيبي .. بس كتير بيحز بقلبي وقت شوف ناس عم تتزوج ويصير عندا عيلة وبيت .. وانا لا .. بعدين العمر عم يخلص .. يعني الواحد عم يحاول يدور عكل لحظة فرح ..

وبالنسبة لمواقع الزواج .. متلي متل غيري عم نحاول ندور عبنت الحلال .. بغض النظر عالطريقة ..

ويا رب الله يصبرنا والله يقسملنا نصيبنا مع بنت حلال ..

بس في شغلة اختي ..

جربي يكون عمرك 30 سنة ونفسك تفرحي وتتزوجي متلك متل ايا بنت وما عم يجي نصيبك اكيد ما رح تحكي متل شخص مرتبط او متزوج او خاطب لانو الموقف هاد ما بيحس فيه الا اللي عم بيعايشو

[همسات مغترب]

أخي الكريم حاسين فيك وبظروفك


ومعظم الشباب هالايام داخلين بنفس الدايرة يللي انت فيا


بس سدئني مهما حسينا بظرفك ما حنوصل لقمة الوجع التي تعاني



ويا ريت لو بايدنا نساعدك ما كنا نقصر


لكن متل ما بيئولوا العين بصيرة واليد قصيرة


كل يللي منقدر عليه


الله يفرجها عليك ويطلعك من يللي انت فيو على خير


والله يعوضك بصبرك عوض خير


Aramees




الحمد لله عكل حال اخي الكريم ..

مشاعرك واحاسيسك على عيني وراسي ..

والله يقدم اللي فيه الخير للجميع يا رب

[aramees]

ربك كريم يا اخي


وانشالله خير بازن الله


تحياتي لك ولوجودك هنا


ونتمنى ان نراك دوما اخي الكريم


اهلا وسهلا فيك مرة تانيه


aramees

[ماهرالفيزو]

الله يكون بعونك


بما انك ادلبي وعم نقول ياخاااي انو خطبت من الشام وماعطو ومن حماة


فا اخطب ادلبية ... السعودية فيها كتير

وفي كتير ناس بدهم السترة .. لبنتهم

والله يوفقك . حالتك مشتركة بين كتير اشخاص ... هون

[همسات مغترب]

الله يكون بعونك


بما انك ادلبي وعم نقول ياخاااي انو خطبت من الشام وماعطو ومن حماة


فا اخطب ادلبية ... السعودية فيها كتير

وفي كتير ناس بدهم السترة .. لبنتهم

والله يوفقك . حالتك مشتركة بين كتير اشخاص ... هون


الله يكون بعون الجميع

اي اخي هاد اللي صار ..

وموضوع انو السعودية اي فيا كتير ..

بس هي بدها شخص متفضي ..

كيف بقا علي انا شغلي 11 ساعة يوميا ويوم الاجازة نصو نوم من التعب والارهاق ..

اي بعرف في كتير ناس بدهن السترة .. والحمد لله ما في حدا بيموت من جوعو .. والواحد رزقو بايد الله سبحانو وتعالى انا مو خايف من هالشي وبالي مرتاح انو طالما الله معي ما بخاف عرزقي

بس انا بلوم الناس اللي بتفكر بطريقة تانية


اي في ناس كتيرر بتعيش نفس الحالة

لهيك حكيت عنها لانها بتمس ناس كتير

فالحمد لله عكل حال والله يقدم اللي فيه الخير للجميع

واذا فيكن انتوا وكل اخ واخت يساعدنا بهيك شي الله يقويه وان شاء الله الو ثواب باذن الله

[صبرين]

اخي همسات مغترب ماتزعل ولا تخلي هدا موضوع يزعجك يمكن هدا قدره الله عليك مابده يستعجل في زواجك بسبب يمكن كتب لك الله عز وجل زوجة تانية كل شئ مقدر عند الله عز وجل ومكتاب مامنو هروب وربي يرزقك الزوجة الصالحة لي تستاهلك

[همسات مغترب]

الله كريم .. الحمد لله عكل حال اختي الكريمة

ما النا غير الصبر ان شاء الله

[ماهرالفيزو]

لو انت في الرياض


ابعتلي راسلة خاصة


وابشر ولاتزعل يا خاي


بس من وين من ادليب

[همسات مغترب]

لو انت في الرياض


ابعتلي راسلة خاصة


وابشر ولاتزعل يا خاي


بس من وين من ادليب



السلام عليكم

اي اخوي .. عم حاول ابعتلك رسالة خاصة بس ما عم لاقي بملفك الشخصي اي شي بيخليني اتوصل فيه معك

عشان اعطيك تفاصيل اكتر واتواصل مع عالايميل احسن

[aramees]

ربك بعين يا مواطن

[function]

غريب ... وصلت انو في عالم بالمشرمح اترجوني اتجوز بناتون بس مقابل طلع البنت برا سوريا بس ماني مهيء نفسياً للزواج

[salehard]

أخي العزيز لاتتعب حالك أبداً !!! انصحك بالزواج من روسية أو أكراينية او ملدفانية وتروح معاك وين ماتروح وبدون شروط

[همسات مغترب]

غريب ... وصلت انو في عالم بالمشرمح اترجوني اتجوز بناتون بس مقابل طلع البنت برا سوريا بس ماني مهيء نفسياً للزواج

اخي الكريم ما في شي غريب بالوقت هاد

انا عم احكيلك عن وقائع صارت معي

واكيد في ناس بدن بس الستر .. بس للاسف نسبتهن قليلة كتير

الحمد لله عكل حال

[همسات مغترب]

أخي العزيز لاتتعب حالك أبداً !!! انصحك بالزواج من روسية أو أكراينية او ملدفانية وتروح معاك وين ماتروح وبدون شروط


اي شو الله كتب علي اتغرب بروسيا باوكرانيا ولا مولدافيا .. مشان اتزوج .. لا اخي هون اقل شي الجو دافي هههه

ما بتحمل البرد ..

بعدين قبل كل هاد اخي .. انا ما بتهمني الجنسية .. الاهم عندي تكون بنت حلال الله يباركلي فيها

[جورية الشهباء]

اخي الكريم
غريب ان تواجه صعوبة بالسعودية للزواج اكتر من سورية خاصة وانك متل ماقلت بالنسبة لاهل سورية صعب يعطوك بناتن
هون بالغربة وبحكم اغترابي كل ماسبق من عمري
الناس ماعاد عندها تفرقة بين المناطق السورية الكل بنظرهم سوري والكل متحابين واغلب الناس بتعطي طالما الشب ابن حلال حتى ولو كان مو سوري
وشي تاني هنن حريصين عبناتن الي تربو بطريقة وتفكير صعب عليهن يروحو او يتزوجو من حدا ساكن بسورية
وحرصن عبناتن انو طبعا الشباب رح يكونو اقل مما ازى عايشين جوا البلد وفرصة زواج بناتن يعني اقل ولهيك البنات هون سن الزواج اكبر من سن الزواج بالبلد
وبالغربة وجود اهل البنت واعيشتها بنفس بلدك افضل من انو تاخد وحدة من داخل سورية لانو(احتمال ماتتاقلم مع وضع الغربة وطريقة عيشة البنات هون وتاني شي اهلها رح يهلكوك طلبات وتالت شي صعوبة بعد البنت عن اهلها وتكلفة وديني كل فترة لعند اهلي
السعودية مليانة بالسوريين يمكن لسا مابتعرف ناس كتير ومااجى نصيبك وازى اجى النصيب رح تجي البنت الي الله كاتبها لعندك وبكل سهولة
وقت الخطبنا لاخوي هيك قالولنا الناس بحكم صعوبة طلبات اخوي والصعوبة لامي بالتنقل والبحث والحمد لله من اول بنت وفقنا الله
انت لو كنت بالرياض او جدة وغيرها حفلات وتجمعات السوريين كتييييير خاصة مع الاحداث والحفلات لدعم الاحداث وثوار سورية روح عشي حفلة ومااكتر السوريين الي رح تصادفهم اخترلك رجال كبير ومحترم واعرض عليه مساعدتك ومارح تلاقي الا كل خير
او عندك اسلوب تاني
بحكم الغربة الي احيانا بتكون دائمة هون للمغتربين بتلاقي كتير سوريين الهن تجمعات مع بعض للتواصل واكيد الهن شي رجال كبير اما شيخ او اي رجال بيختاروه لتدبير شؤونهم انت اسال واذا لاقيته رح يدلك عبنات وخاصة انو بيكون على معرفة باهل البنت

اخيرا توكل على الله ولا تستعجل نصيبك واستغربت عدم وضعك لشروط يمكن البنت بنت حلال بس ماتعجبك مواصفاتا او ماتتوافق معك فبعض الشروط مهمة للبحث عن فتاة هناك الرجال الي بيحب المنفتحة الفرفوشة وبعضهم لا بيحب الخجولة المطيعة......)
وتذكر انو البنت بتحب الرجال يخطب لنفسو وبتحترمو لانو اخدها بجهدو وعلى ذوقو وبدون ضغط اهلو اما الخطبة عن طريق النت ومواقع الزواج ابتعد عنها لااااااحاجة فيها

والشي التاني بالنسبة لشروط الاهل فلكل اهل وبنت شروط الذي عجبو اهلا وسهلا والي ماعجبو في غيرو
احيانا بتكون الشروط مو سلبية مثلا ذكرت الجامعة انا اول وحدة بتشترط الجامعة كون البنت جامعية وفرص عملها اكتر ويمكن دخلها اكتر اكيد مارح تتوافق الا مع الجامعي لانو المراة اذا تركت لها مساحة اعلى من الرجل من طبعها تفقد احترامو وتسيطر عليه
مابتهم شروط اهل العروس المهم مين بتناسبك وبدون مصاعب
وفقك الله وسدد اختيارك

[همسات مغترب]

اخي الكريم
غريب ان تواجه صعوبة بالسعودية للزواج اكتر من سورية خاصة وانك متل ماقلت بالنسبة لاهل سورية صعب يعطوك بناتن
هون بالغربة وبحكم اغترابي كل ماسبق من عمري
الناس ماعاد عندها تفرقة بين المناطق السورية الكل بنظرهم سوري والكل متحابين واغلب الناس بتعطي طالما الشب ابن حلال حتى ولو كان مو سوري
وشي تاني هنن حريصين عبناتن الي تربو بطريقة وتفكير صعب عليهن يروحو او يتزوجو من حدا ساكن بسورية
وحرصن عبناتن انو طبعا الشباب رح يكونو اقل مما ازى عايشين جوا البلد وفرصة زواج بناتن يعني اقل ولهيك البنات هون سن الزواج اكبر من سن الزواج بالبلد
وبالغربة وجود اهل البنت واعيشتها بنفس بلدك افضل من انو تاخد وحدة من داخل سورية لانو(احتمال ماتتاقلم مع وضع الغربة وطريقة عيشة البنات هون وتاني شي اهلها رح يهلكوك طلبات وتالت شي صعوبة بعد البنت عن اهلها وتكلفة وديني كل فترة لعند اهلي
السعودية مليانة بالسوريين يمكن لسا مابتعرف ناس كتير ومااجى نصيبك وازى اجى النصيب رح تجي البنت الي الله كاتبها لعندك وبكل سهولة
وقت الخطبنا لاخوي هيك قالولنا الناس بحكم صعوبة طلبات اخوي والصعوبة لامي بالتنقل والبحث والحمد لله من اول بنت وفقنا الله
انت لو كنت بالرياض او جدة وغيرها حفلات وتجمعات السوريين كتييييير خاصة مع الاحداث والحفلات لدعم الاحداث وثوار سورية روح عشي حفلة ومااكتر السوريين الي رح تصادفهم اخترلك رجال كبير ومحترم واعرض عليه مساعدتك ومارح تلاقي الا كل خير
او عندك اسلوب تاني
بحكم الغربة الي احيانا بتكون دائمة هون للمغتربين بتلاقي كتير سوريين الهن تجمعات مع بعض للتواصل واكيد الهن شي رجال كبير اما شيخ او اي رجال بيختاروه لتدبير شؤونهم انت اسال واذا لاقيته رح يدلك عبنات وخاصة انو بيكون على معرفة باهل البنت

اخيرا توكل على الله ولا تستعجل نصيبك واستغربت عدم وضعك لشروط يمكن البنت بنت حلال بس ماتعجبك مواصفاتا او ماتتوافق معك فبعض الشروط مهمة للبحث عن فتاة هناك الرجال الي بيحب المنفتحة الفرفوشة وبعضهم لا بيحب الخجولة المطيعة......)
وتذكر انو البنت بتحب الرجال يخطب لنفسو وبتحترمو لانو اخدها بجهدو وعلى ذوقو وبدون ضغط اهلو اما الخطبة عن طريق النت ومواقع الزواج ابتعد عنها لااااااحاجة فيها

والشي التاني بالنسبة لشروط الاهل فلكل اهل وبنت شروط الذي عجبو اهلا وسهلا والي ماعجبو في غيرو
احيانا بتكون الشروط مو سلبية مثلا ذكرت الجامعة انا اول وحدة بتشترط الجامعة كون البنت جامعية وفرص عملها اكتر ويمكن دخلها اكتر اكيد مارح تتوافق الا مع الجامعي لانو المراة اذا تركت لها مساحة اعلى من الرجل من طبعها تفقد احترامو وتسيطر عليه
مابتهم شروط اهل العروس المهم مين بتناسبك وبدون مصاعب
وفقك الله وسدد اختيارك


السلام عليكم

اختي الكريمة

والله يا اختي هاد اللي صاير نو فعلا لقيت صعوبة هون توازي صعوبة انو اطلب بنت عايشة بسوريا

وانا وقت حكيت عم واقعة صارت معي فعلا هاد اللي صاير

ما رح ادعي انو كل الناس تفكيرها هيك

لكن سبحان الله اللي التقيت فيهم كانت ردودهم متشابهة الى حد بعيد

انا صرلي سنتين هون وعم حاول وحاولت كتير اتعرف على ناس سورين وغير سوررين بحكم طبيعة شغلي كمدير معرض البسة

وكتير بتواصل مع الزباين برا اطار الشغل

لكن سبحان الله بس تنفتح مواضيع ااخطبة والزواج .. ما بتتيسر معي

والحمد لله عكل حال اذا رب العالمين مخبيلنا نصيب حلو فهاد الشي اكيد رح يخليني بقمة سعادتي وحتى لو رب العالمين ما كاتبلنا نصيب بالزواج فكمان الحمد لله طالما الله اختار الي هالشي فانا باذن الله رح اكون بقمة الرضا

وانا عم حاول وع اسعى وما عم اترك وسيلة الا اشتغل فيها كرمال الله يجمعني ببنت حلال بالدرجة الاولى لانو هاد الاسساس عندي

وانا والله وقت حطيت هالشرط الوحيد انو بدي بنت حلا وبس انا فعلا كنت قاصد هالشي
لان انا بدي اسس لزواج صح ..اساسو وعمادو بيكون هالشي الدين والاخلاق

باقي الامور بعتبرها تفاصيل لاحقة ممكن نتفاهم عليها بس من غير ما نمس الجوهر

يعني انا شفت جماعة من الشام الله يستر عليهم

ما كان عندن مانع بكتنير امور بس كان عندن شرط اساسي

بدهم يكون لبنتهم بيت ملك بالشام ..!!!

برأيكن هاد مو شرط تعجيزي جدا بهاد الوضع اللي نحنا فيه

بس ما رح قول غير الحمد لله عكل حال

والله يختار اللي فيه الخير للجميع
رح اصبر اكتر لنشوف شو الله الله كاتبلنا


شكر لكلامك اختي

يلا اسعيلنا من طرفك هههه .. رح اعتبرك اختي بالغربة باذن الله

[sameer1]

مرحبا أخي
أنا كنت ساكن بالسعودية و حاولت متلك من قبل
بس بصراحة رفقاتي بعدين نصحوني أنو دور ع بنت موجودة أصلا بالسعودية و معها اقامة و اكتشفت ان اغلب الناس هون بيعملوا هيك
انا بتمنى طلع كل البنات بهي الاوضاع من سوريا بس الله يعينا جميعا
و صدقني اتعرف ع سوريين بالسعودية و بيدلوك و الله بنات الحلال كتار
و البنات السوريات موجودين و بالذات بهي الوقت السعودية اكتر بلد فيها عدد سوريين فدور و الله بيوفقك
:)

[برزان]

والله كلامك مزبوط اخي بس انا شايف ان صبرك قليل ههههه
المشكلة مافي حدا حاس بمعاناة السوريين وخاصة الشباب ... بعدين لا تشغل حالك كثير بموضوع الزواج خليها على مهلك متى ما الله ييسر ,, يعني المتزوج مرتاح من كلو ؟ بالعكس ممكن يكون تعبان ومشلوش اكتر من العزابي ههه عالاقل العزابي بحالو اما المتزوج الله يعينه

بالتوفيق اخي