المساعد الشخصي الرقمي

مشاهدة النسخة كاملة : مشكلة استلام الهوية الشخصية ..أفيدوني


طالبة
02-13-2013, 03:15 PM
السلام عليكم
أنا قدمت على هوية شخصية في دمشق ولكن قبل استلامها سافرت إلى السعودية ومن وقتها لم أزر سوريا بسبب الأوضاع المتردية هناك والآن أريد متابعة دراستي في حلب لكن المشكلة وحسب ما فهمت أنه لا يمكن الاستغناء عن الهوية بسبب الحواجز هناك
سؤالي هل من طريقة لاستلام الهوية أو للتقديم على هوية جديدة من السفارة السورية مثلا....دون السفر إلى دمشق.....
وجزاكم الله خيرا
En.Khaled Alfaiomi
02-13-2013, 08:23 PM
السلام عليكم اختي الكريمة

بخصوص سؤالك حول الهوية بما انك خارج سوريا لاتحتاجيها حالياً وبما ان لديك جواز سفر هو كفيل لك على الحواجز او بأي مكان

ولكن أن اردتي الحصول على الهوية بإمكانك إرسال احد من اقربائك للحصول عليها او ارسال والدك او عمك ولكن اعتقد انه يحتاج دفتر العائلة


واعتقد انك لستي بحاجة لها نهائياً وخصوصا أن لديك جواز سفر صالح
طالبة
02-14-2013, 04:47 PM
والله أنا خايفة يعملولي مشاكل عالحواجز اذا قدمت جواز السفر ويدخلوني بسين وجيم لذلك مضطرة استلم هويتي وحسب ما فهمت انو لازم كون موجودة أنا شخصيا يعني ما بصير حدا من أهلي يستلمها ..
بس انا حابة اعرف اذا في طريقة تانية لاستلامها هون بالسفارة أو قدم عهوية جديدة
Sanaa
02-14-2013, 06:15 PM
طالما انتي نازلة على سوريا ... فـ فعلا الأحسن يكون معك هوية ..
هلأ بيمشي الحال جواز سفر .. بس الأضمن يكون في هوية طبعا ...
و حسب معلوماتي الهوية لازم تستلميها شخصيا ...
لانو لازم تبصمي و توقعي .....
انا هاد يلي بعرفو :)

بالنسبة لانو تقدمي على هوية جديدة .... بعتقد ما بيمشي الحال ...
لانو هويتك موجودة اساسا .... هيك ممكن يصرلك مشاكل ...!

اما بالنسبة لانو تستلميها من السفارة ....
انا بصراحة ما عندي فكرة ...!!

ان شا الله إذا حدا عندو معلومات تانية ممكن يفيدك ..
بيتواصل معك و بيخبرك ...
بالتوفيق
En.Khaled Alfaiomi
02-14-2013, 08:29 PM
والله أنا خايفة يعملولي مشاكل عالحواجز اذا قدمت جواز السفر ويدخلوني بسين وجيم لذلك مضطرة استلم هويتي وحسب ما فهمت انو لازم كون موجودة أنا شخصيا يعني ما بصير حدا من أهلي يستلمها ..
بس انا حابة اعرف اذا في طريقة تانية لاستلامها هون بالسفارة أو قدم عهوية جديدة


اختي الكريمة مثل ماوضحت لك الأخت سناء بخصوص استلام الهوية كلامها صحيح

إذا كنتي تفكرين بزيارة سوريا قريباً عندما تنزلين مباشرة ثاني يوم توجهي لإستلامها واتوقع ان كان لديك جواز سفر ومختوم انك دخلت سوريا من عدة ايام لاتوجد مشكلة

ولكن بشكل عام لا انصحكم بالعودة حالياً بسبب الأوضاع المتدنية

وإذا بقيتي خائفة توجهي الى السفارة السورية واخبريهم مشكلتك

لاتشغلي نفسك بامور ليست بهذا الحد من الخطوة وتوكلي على الله
سفير سورية
02-19-2013, 01:57 AM
اختي الكريمة بالنسبة للسفارة مالها دخل بموضوع الهوية الشخصية استلامه يتم من مركز النفوس الي ببلدك وفيكي ترسلي الوالد او احد من اخوانك مع دفتر العائلة يستلمها مافي داعي لتبصمي مرة ثانية لأنو اول مرة بصمتي مشان تقديم الهوية وجواز السفر كفيل انك تدوري سورية بدون سين وجيم متل ما تقولي لأنو جواز السفر اثبات بيعوض مكان الهوية الشخصية واذا مالقيتي الهوية فيكي تقدمي بدل ضائع
طالبة
02-24-2013, 04:18 PM
شكرا كتير لإلكم ..هلأ أجلت موضوع النزلة عالبلد شوي ..الله يفرج عن هالبلد ونرجعلها جميعا عن قريب