مشاهدة النسخة كاملة : عريس ..لريمة
يرن جرس الهاتف في البيت ..
ترد ريمة : الو.....
صوت نسائي : مرحبا حبيبتي هوت بيت الشامي .....؟
.ريمة : ايه خالة ....
الخالة : عطيني ماما حبيبتي ....
ريمة : طيب دقيقة شوي ..............
ام ريمة : الو... اهلين... مين معي ؟
الخالة : اهلين فيكي....
سمعنا في عنكم بنات للخطبة ...؟
ام ريمة ....ايه اهلا وسهلا بس مين معي ...؟
الخالة : نحنا بيت الحلبي ..
دلونا عليكم قال في عنكن بنات للخطبة ؟؟
ام ريمة : والنعم والله ...
.... اهلا وسهلا هية بنت وحدة ...الله يسلملك ولادك ....
الخالة : الله يخليكم ياها ...
فينا ناخد موعد هاليومين ورح يجي العريس معنا ؟
...بتعرفي عرسان هالايام مستعلجين دائما ؟
ام ريمة : مو مشكلة ..
بس مين دلكم علينا ...
بكرا المسا عالساعة 9 بيناسبكم ؟
دلك عالبيت ؟
الخالة : ايه كتير منيح...... لاء منعرف العنوان مو مشكلة
... جماعة ...جماعة دلونا عليكم ....الله يكتر المحبين
ام ريمة : ماشي مو مشكلة بانتظاركم .
.بتشرفونا ...... الله معك ... ( هههه)
الخالة : الله مع الجميع ...
..تسلميلي حبيبتي .....مع السلامة
.........انتهت المكالمة
......................................
ريمة : يالله ياماما ...ميت مرة مرة قلت لك سألي اول عالعريس.....
شو دارس ؟؟ شو بيشتغل ؟؟؟.. عندو بيت ؟؟
هيك عالعمياني ؟؟ ليش العذاب ؟؟ من اول اذا مابيناسبني .....بلا كل هالصرعة...
ام ريمة : لك يابنتي مابتعرفي ايمتا بيجي النصيب ..
...ليش لاقطع بنصيبك انا ...؟
ماتستعجلي ...ماتستعجلي شوي .... طولي بالك ......
هزت ريمة رأسها غير مقتنعة ودخلت الى غرفتها .....
.........
في اليوم التالي اقتربت الساعة من الثامنة ...بدأت ريما بتجهيز نفسها للقاء عريس الغفلة
طالما كرهت تلك الطريقة ...ولكن ما باليد حيلة ...معظم من حولها تزوج بتلك الطريقة ...
في التاسعة وعشر دقائق رن جرس الباب .....
يتبع ......
ماهرالفيزو
04-25-2013, 05:50 PM
ايمتا يتبع بسرعة ذكات ستك :z029:
Sanaa
04-25-2013, 08:40 PM
كتير حلو انو القصة مكتوبة بتفاصيلها الدقيقة و الواقعية جدا ....
شكلها رح تكون قصة مشوقة فعلا هههه ....
اكييد رح نكون بانتظار التتمة ^_^
اي وبعديــــــــــــــــــــن ناطرين الباقــــــــــــــي
MOSTAFA
04-26-2013, 02:42 AM
بانتظار باقي القصة ......
شكرا اخي انس
شكرا لكم ...واعتذر عن التاخير بسبب نوبة اكتئاب
فتحت ام ريمة الباب ...
..بدا لها كنظرة خاطفة ام العريس واخته والعريس نفسه يحمل باقة من الزهور
المنوعة مع ابتسامة لطيفة .....وكلمة السلام عليكم ....
ام ريمة : وعيكم السلام ...... اهلا وسهلا ...تفضلوا ...تفضلوا .....
دلف الضيوف الثلاثة الى غرفة الضيوف مع ارتياحا مبدئيا من الثلاثة وسرور في قلب العريس
بسبب عدم وجودعنصر ذكري كأبو ريمة مثلا لانه سيعكر عليه الجلسة بسبب كثرة اسئلة الاب عادة
وتفصيص العريس وعيلته لسادس جد وسابع ست.....
اذا ساجلس مع البنت دونما تنغيص هذه المرة متذكرا المرة الماضية عندما تعرض لتحقيق قاس استمر ساعة كاملة قبل ان يسمح له الاب الخائف على ابنته بلقاء ست الحسن والجمال ....
ويا خسارة الساعة الكاملة من الصبر على الاب وانتقاء الاجابات حتى يرضى الاب الشغوف بجلب افضل عريس بالعالم لابنته .....وبالاخر العروس لم تخرط مشطه..... هههه محدثا نفسه (تعيش وتاكل غيرا )....
كانت ام العريس واخته يلبسان زيا دمشقيا دارجا ...الام مانطو جوخ اسود من النوع السميك وحجاب ابيض
واخت العريس كانت تلبس ( ترانشكوت تركي خفيف متوسط الطول وحجاب مزركش ب 16 الف لون ..)
اما عريسنا فقد اختار ان يلبس طقما مع كرافة تيمنا بالعرسان عسى ان ينقلب حظه وتكون ريمة من نصيبه
ام ريما : اهلا وسهلا.......قلت لي من بيت الحلبي ..مو هيك ؟؟
ام سامر : ايه والله .....بس نحنا شوا م هاه
ماعرفتك ابني سامر ...وبنتي سوسن .....
ام ريمة ....اهلا وسهلا ....حلبية ....شوام ...كل الناس خير وبركة .....
بينما ريمه تنظر من ثقب الباب في محاولة لرؤية الضيوف ولو من مساحة ضيقة.....
استمر الضيوف بتناول الحديث مع امها حتى مرت ربع ساعة ...عندها نهضت ام ريمة
لجلب ريمة بحجة توزيع القهوة على الضيوف ...(على اساس مابيمشي الحال الام تضيفهم ....)
المهم ابتعدت ريمة عن الباب مسرعة وخفة كي لايشعر احد بانها كانتت تتنصت عليهم
....
ام ريمة : بسرعة ياريمة القهوة جاهزة بس غليا غلوة وصبيا وفوتي وراية ....
بسرعة الله يرضى عليكي ......
يتبع
Sanaa
04-26-2013, 05:43 PM
بتكتب بـ طريقة .. بتخلي الواحد يحس حالو عايش الحالة ...
او شايف المشهد بكل تفاصيلو قدامو :)
الحمد لله على انتهاء نوبة الاكتئاب ..
الله يبعد عنك و عن الجميع الاكتئاب ^_^
ناطرين التتمة ..........
ماهرالفيزو
04-26-2013, 09:25 PM
انس ااخوي اتي وينك اشتقت لك
انس ااخوي اتي وينك اشتقت لك
حبيبي ابو المهر وقت كنت انت بالسعودية انا كنت بالحديقة
انا حاسس انو انت بالحديقة ....حاليا
و انا بجدة الان ...شايف النصيب ؟؟
MOSTAFA
04-27-2013, 03:05 AM
:)
متابع .....
صبت ريمة خمسة فناجين قهوة مع كاسة ماء بارد ووضعتهم في الصينية المذهبة
الملقاة في كرتونتها فوق البراد والمخصصة للضيوف فقط ....
واخذت تحدث نفسها : يا رب يطلع عريس حلو ومنيح ...طق قلبي من المساطر يلي شفتا .....
معقول يا ربي ليش هيك حظي انا .....وين عم يروحوا العرسان المرتبين .....؟؟
كانت ريمة تلبس تنورة فاخرة مخصصة لمقابلة العرسان مع بلوزة طويلة الاكمام وحجاب انيق...
..مربوط بطريقة مبتكرة مع مكياج بسيط غير ظاهر...
ولكنه يعطيها جاذبية كبيرة فضلا عما وهبها الله من جمال
ملفت للنظر فالعينين واسعتين سوداوين والبشرة بيضاء كثلجة كانون ...
والشفتين حمراوين كفراولة جبل الشيخ....
والانف دقيق ومدبب كأنف نانسي عجرم.......وعودها لين نحيف ........ومن رأها أحبها ....
فتحت ام ريمة الباب ودخلت ورائها ريمة ....
وعيونها مطرقة في خجل ظاهر ....
لطالما كرهت اللحظات الاولى من الجلسة....
فالأنظار جميعها تكون مشدودة اليها واحيانا تكون ثاقبة.....
لدرجة تشعر معها بالحنق الشديد.....
وخاصة انها تضطر ان تقابل كل ذلك بابتسامة طيبة .....
ريمة : تفضلي خالة
ام سامر : اهلين يا بنتي ...اللهم صلي عالنبي ....ايه شوهاد .
..الله يحميكي ...عروس قمر خزيت العين
وتابعت ريمة الضيافة وصولا للعريس.....
والذي حاولت استراقة نظرة خاطفة عليه من اسفل قدمه الى رأسه ...
متذكرة قول ابيها :( يا بنتي اذا بدك تعرفي العريس مبدئيا انو مرتب شوفي نضافه تيابه وخاصة حذائه ...)
بدت منها كلمة : تفضل بصوت خافت ...قابلها بشكرا بصوت مرتفع ......
حانت منها ابتسامة قابلها بضحكة خفيفة اظهرت مدى سعادته ......
عادت ريمة لتجلس محدثة نفسها :
( ولي على امتو على هالسحنة ....لاء وعاملي شعراتو متل زاهي افندي كمان....)
يا حبيبي على هالعريس ...يا الله.... لنشوف ممكن كون غلطانة
ويكون منيح وساعتا انا بنفضوا من جديد وبغيرلوا ديكور حياتو ........
يتبع
اذا بتحبوا بنهي القصة بسطرين اذا مستعجلين ....
بشوف رأيكم وبكمل
Sanaa
04-27-2013, 02:48 PM
لا شو تنهيها بسطرين ...!
عم تصير مشوقة اكتر و اكتر هههههه
ناطرين التتمة طبعاااا ^_^
MOSTAFA
04-28-2013, 03:08 AM
بدنا باقي القصة بحزافيرها اخي انس :z019:
ماهرالفيزو
04-28-2013, 10:21 AM
:z025::z025::z025::z025::z025::z025::z025:
مريام
04-28-2013, 02:27 PM
:z032:رااااااااااااائعه كانو شي فلم سنمائي بس وربي عاجبني لانو مريت بهيك تحشيش هههههههههههههههههه
بعد قليل ......
صورة العريس كما بدا في زيارته لريمه
الرجاء عدم الدخول والمشاهدة لمن ليس له عمل
http://www.alraynews.com/images/news/201007/324498188160013910Thumb.jpg
طبعا العريس كان يحاول تقليد مثله الاعلى .....زاهي افندي.... :z019:
http://www.bostah.com/images/mozen.jpg
اما ريمه فقد كانت تحلم ان تستطيع تغيير شكل العريس الى فتى احلامها ....
http://women.arabia.com/wp-content/uploads/2012/10/ATT94976.jpg
ماهرالفيزو
04-28-2013, 09:08 PM
وينه العريس
طيب ورينا ريما
ممكن فكر اخطبا
تعمدت ام ريمة ان تجلس ابنتها بالقرب من العريس حتى تستطيع ان تكون فكرة مبدئية عنها .....
تشاغل الباقون في الحديث لاتاحة الفرصة لريمة وسامر ان يتحدثا دون وجود من يراقبهم او يقيدهم
في هذه الاثناء كانت الافكار تدور برأس ريمة ....( يارب يارب مايجيب سيرة الطقس ....كلون مابيعرفوا يفتحو سيرة
وبيتفالحوا وبيصيرو يحكو عن الطقس والمطر .....اكيد هاد مختلف عنون.....)
فيما قطع سلسلة افكارها صوت سامر الخشن ..بسؤال : حلو الجو اليوم ؟؟
مع ابتسامة انقلبت لضحكة عندما تابع ....:
والشمس مشرقة والعصافير تزقزق متل مابيقولو بقناة الدنية يلي صار اسما هلأ يمكن سما...سما زرئا ...ههههه.
: ابتسمت ريمة مبدية اعجابها (بتنكيت العريس ):: ههههههه ايه معك حق
وبقلبها : (يقطع عمرك ما اغلظلك ....لاء وعم يخفف دم كمان ....ياربي دخيلك ....)
لحظات صامتة يتأمل كل منهما الاخر طبعا بنظرات خفية متظاهرين بتتبع حديث الموجودين .....
حتى التقت عيناهما فجأة عند التقاء تلك النظرات المختلسة ......
فاردف سامر : بتحبي القراءة ؟؟؟؟ شو الكتب يلي قرأتيها ؟؟
ريمة :::: عموما موكتير صحبة مع الكتب ...
بس اذا سمعت عن كتاب وشدني اكيد مابتركه لخلصه ....
هوة النت والفيس ماعاد خلو مطرح للقراءة .......
سامر : صحيح ...صحيح ...والله خرب الدنية هالنت ,,,,,,,يخرب بيتو فسد جيل كامل ....
ريمة : مو شرط ......الواحد او ا لوحدة هية يلي بتقرر باي مكان تكون ..... صح ؟
سامر : والله عم تحكي درر يا انسة ريمة ..... درر ....
........
ام ريمة : مخاطبة ام سامر : أي ماعرفنا شو دارس المحروس ؟
ام سامر : ادب عربي دارس ..... وبيدرس بمدرسة خاصة ماشاء الله راتبو هديك الحسبة ....
بعدين بيعطي دروس خصوصي كتير ....هاه
بتعرفي جيل هالايام ...ههههه مابيعرف الفاعل من المفعول به ....هههههه
ام ريمه : ايه الحمد لله ...... الله يكتب مافيه الخير .....
وين ساكنين حضرتكم ؟؟
ام سامر : بضاحية قدسيا .....وابني مسجل على بيت سكن شبابي بالضاحية كمان
كلها كم سنة وبيطلع ...... البيت
ام ريمة : بقلبها ( عيش ياكديش لينبت الحشيش)......أي بيطلع اكيد الا مايطلع .
..نحنا هاد البيت يلي ساكنيننو اختي ام سامر كان مسجل عليه حماي على اسا س يتجوز فيه....
المهم طول شوي البيت لطلع فهوة استأجر وقتا وبس طلعت البناية سكن ابنو في يعني زوجي ..
.هههه يعني اتاخرت البناية 25 سنة بس
ام سامر : لأااا.... نحنا قال الدولة مستعجلة على اساس كم سنة بس ..
.والله مابعرف ...ابني سامر ::اديش قالوا باجتماع الجمعية بدو البيت ليطلع ...؟؟؟
سامر : بخجل ..امم ...ااااا بال .2017 ...يمكن ؟
ام سامر : ههههه شفتي كم سنة ....عضة كوساية اربع سنين بس
لحظات صمت بدت طويلة....
ام ريمة : اومي بنتي اومي .
..... اومي الله يرضى عليكي ايمي الفناجين عالمطبخ ورجعي ......
ام ريمة : يا اهلين وسهلين ..... شر فتونا والله....
ام سامر : كأنوا اخدنا الوقت وطولنا ,..
..يالله ابني خلينا نمشي.
ام ريمة ..: بكير خليكم شوي تانية ..
.حكياتكم حلوين ...لسا ماشبعنا منكم ..
ام سامر :: جاية الايام اذا صار نصيب ,,,, اهلين حبيبتي ...
شوفوا اذا صار نصيب ... في ..يتبع
اذا ماصار نصيب.... بيكون مافي يتبع .....
يلي عجبتو القصة يدعي للعرسان يكونو من نصيب بعض
نحنا شو بدنا غير سعادتون
الله يسعدون ويبعدون
وينه العريس
طيب ورينا ريما
ممكن فكر اخطبا
اهلين
ليش ماطلعت عندك صورة العريس ؟؟؟
نزلتا انا ...من شوي
بالنسبة لريمة ..مارضيت تحط صورتا بالموقع
على كل هي صورة تانية للعريس
http://t3.gstatic.com/images?q=tbn:ANd9GcRb-sdyk34Ofig7Z_2_iMxwlnHHMhHJEbhFDgRDXBIIhz5Y4PVL
Sanaa
04-28-2013, 10:09 PM
هههههههههه ان شا الله ما يبلى هالــ " سامر " .....
شغلة فوقاااني ههههههه
بس ان شا الله ياااارب ... يصير في نصيب ....
مشان تكمل القصة ^_^
MOSTAFA
04-29-2013, 03:35 AM
الله يتمم على خير :z019:
خيو اذا ماصار نصيب ابقا قلنا مندخل بالموضوع ههههههههههههههههههههههه
شكرا الك اخي انس :)
ماهرالفيزو
04-29-2013, 07:34 AM
هههههههههههههههههههه رائع بل اكثر من رائع العريس
لك روووح الله يديم حياتك قصص زخرا لهذا الوطن
صطيف شو حشرك ولو اخووووي
جاييك بكرا لجدة
ماهرالفيزو
04-29-2013, 07:40 AM
:z027::z027::z027: حباب نزل صورة ريما
:z027::z027::z027: حباب نزل صورة ريما
خبرتك محجبة ليش ماعم تصدقني ....؟؟
ومع ذلك ماشي ابو المهر انتي غالي
رح ابعتلك صورتك ....بس ماتخبرحدا...
http://files2.fatakat.com/2011/1/12955737173671.jpg
ماهرالفيزو
04-29-2013, 03:23 PM
ايدا مبينة مابدي ياها
بطلت خيوووووو
عهالريمة وعلى هالحالة
Sanaa
04-29-2013, 03:25 PM
خبرتك محجبة ليش ماعم تصدقني ....؟؟
ومع ذلك ماشي ابو المهر انتي غالي
رح ابعتلك صورتك ....بس ماتخبرحدا...
http://files2.fatakat.com/2011/1/12955737173671.jpg
هههههههههههههههه حركة حلوة و ملعوووبة
استاذ ماهر ان شا الله انبسطت هههههه ...
الف مبروووك عليك المقلب ^_^
MOSTAFA
04-30-2013, 03:10 AM
ههههههههههههههههههه
:z027:
ابو الوليد خليني شوفك خيو بكرا لم تجي
Powered by vBulletin™ Version 4.2.2 Copyright © 2024 vBulletin Solutions,