عادات وعبارات سورية طريفة

[En.muhammed manla]

أسئلة سورية يومية وبايخة
> > *متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
> > شو نايم ؟؟
> > لأ !! عم ارقص.. بس الوضع بيوحي إني نايم
> >
> >
*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
> > إجيتوا ؟؟؟
> > لا والله لساتنا عالطريق، في عجئة بشارع بغداد
> >
> >
> > *لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
> > لا والله طالع عالأسطوح صلّح الدش؟؟؟
> >
> >
> > *حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
> > وجهه علائم الإستغراب والدهشة: بدك تحكي بالتلفون؟
> > لأ شو إحكي !!! بس كنت عم عد أزرار التلفون بركي ضاع شي واحد ؟؟؟
> >
> >
> > *حاطت راسك ونازل بهالكتب والدراسة، بيجي أبوك أو امك...: عم تدرس؟
> > لا والله ...!! عم غير زيت للسيارة
> >
> >
> > *مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
> > بتجاوب: شو بتساوي اول يوم العيد ؟ أكيد بتروح بتزور الأهل والقرايب
> > لا والله بالعادة بفكر العب شدة وماروح لعندهم
> >
> >
> >
> > *بتطلع بميكرو وبتطلع (خمسة ليرات )وبتعطيها للي قدامك، وبكل برودة
> > بيسألك: واحد ؟
> > لأ 60 واحد ؟ ورجعلي الباقي
> >
> >
> >
> > *بدك تنزل من الميكرو: عاليمين زكاتك.... بتتلقى الرد: نازل ؟؟
> > لا والله بس عم جرب صوتي
> >

[En.Khaled Alfaiomi]

ههههههههههههههههههههههههههههههههه

والله أنك مبدع ياغالي

[En.muhammed manla]

من بعدك معلم نقطة ببحرك حبيب القلب
مشكور لمشاركتك

[MOSTAFA]

هههههههههههههههههههههه
ههههه
عنجد معك حق اخي محمد
لسا في غيرها ابيخ

شكراااااا

[En.muhammed manla]

هههههههههه
اي اذا بدنا نحصيهم ما منقدر
مشكور مرة تانية اخي مصطفى

[Sanaa]

ههههههههههه


مشكووووور ع الموضوع الطرييييف


...

[En.muhammed manla]

نورتي انسة سناء بمرورك المميز