مـاذا سـتـفـعل لـوقـابـلـت حـبـك الـقـديـم

[سارة]

???????ماذا ستفعل لو قابلت حبك القديم???????






موضوع يحير جميع من صادف الحب وعاش في كنفاته وابتعد عنه
(( مـــاذا لـو صــــادفـــت حبـــك القـــديــــم ؟؟ !! )) لــو ألتقيــت بحبيبــك القــديــم صــدفــة




بمـــاذا ستشعــــر ؟؟ !!

هـــل ستشعـــر بــالفــــرحـــة تغمـــرك

أو تشعــــر بــالحــزن يعتصـــر قلبـــك

هــل تحــاول إستعــادة المــاضــي وإســترجــاع حبــك المفقــود ؟؟

أم تتجــاهلــه وتمــضــي ؟؟ !!


هـــل ستشعـــر بــالحنـــين أم الأنـــــين ؟؟ !!

هــل تتمــنى أن تقــف عقــارب الســاعــة

ويتــوقــف الــزمــن لــو للحظــات

مــن أجــل أن تعيــد رســم مــلامــح حبيبــك

الــذي أخفــت مــلامحــه السنــين ؟؟ !!

أم تغمـــض عينيــك وتســـير ولا تنظــر خلفــك ؟؟ !!
كل واحد يتخيل ويكتب اول احساس ببادره بكل شفافية

[En.Khaled Alfaiomi]

مشكورة أنسة سارة على الموضوع

الصراحة أعمل حالي مو شايفوا أبدا ( مو ندالة أو خيانة ) ولكن هذا هو العمل الصحيح واذا أضررت ممكن سلام فقط كأي شخص أو صديق عادي

تحياتي وشكرا على اختيارك القسم المناسب :z025:

[زهرة النرجس]

سلام اصدقاء :z09:

[سارة]

ههه
حتى انا مستغربة من حالي كيف هيك نقيت القسم

طيب استاذ خالد هيدا الشي الظاهر الي بتقوم فيه
طيب وداخليا
يعني نفسيا

[En.muhammed manla]

انا برأيي حسب نوع الخلاف الي صار بيناتنا

[سارة]

شبك حبيبتي نرجس ليش البكي والله قطعتيلي قلبي شبك حبيبتي شبك
خير شوفي حكي فضفضي

[سارة]

اها استاذ محمد انت من النوع الي بياخد مواقف اصبح

وطيب وايامكم الحلوة ما الها دور بهالحظة الصغيرة يكر شريط الذاكرة معك وتحننننننننننننن

[زهرة النرجس]

شبك حبيبتي نرجس ليش البكي والله قطعتيلي قلبي شبك حبيبتي شبك
خير شوفي حكي فضفضي

ههه مو هيك بس موقف صعب طبعا :z025:

[En.muhammed manla]

اذا كان الشخص بيستاهل اكيد بحن للايام الي قضيناها
بس اذا كان جرحني اكيد ما بستاهل افكر فيه وبعتبر حالي مو شايفه ابدا

[سارة]

اي صح معك حق

مابعرف انا ما عندي جديد:z09: :z09: حتى يصير قديم الله يبعدوا عني
طيب نرجس فرضي وصار شو بتعملي حكيلنا

[زهرة النرجس]

اي صح معك حق

مابعرف انا ما عندي جديد:z09: :z09: حتى يصير قديم الله يبعدوا عني
طيب نرجس فرضي وصار شو بتعملي حكيلنا

بيظل شي شخصي كيف رح أحكي

ميرسي على الموضوع :z025:

[سوسن]

بتمنى شوفو من بعيد من غير مايشوفني
اما اذا التقينا وجه لوجه بسلم عليه عادي متل الرفقات
وبحسسو انو هالموقف اقل من عادي ويادوب متذكرتو هههه
مشكورة سارة

[سارة]

اي صح معك حق
والجرح صعب وما بينتسى

والرجل ينسى ولا يسامح اما المراة تسامح ولا كن لاتنسى

وحلو التسامح

مشكور استاذ محمد على مشاركتك اللطيفة ومرورك المميز :z025::z025:

[سارة]

هلا نورتي سوسو عنجد حلو رايك حبيته كتير

ليش الواحد ليوجع قلبه خلص شي وانتهى ذهب مع الريح غدا يوما اخر
مشكورة سوسو:z03::z023:

[MOSTAFA]

سلام


شكرررا على الموضوع

[safaa ahmad]

انا يا جماعة مو فهمانة اللي عم تحكو

يجوز لأني ما عندي تجربة

[ABDULLAH JANEM]

انا مع اخي محمد في كل حرف قالو مشكووووورة سارة

[En.Khaled Alfaiomi]

ههه
حتى انا مستغربة من حالي كيف هيك نقيت القسم

طيب استاذ خالد هيدا الشي الظاهر الي بتقوم فيه
طيب وداخليا
يعني نفسيا

بعتبروا منام وفقت ونسيتوا . لأنوا كل شخص صار عندوا حياة ومستقبل والحب القديم مارح يقدم ولا يأخر للأسف

تحياتي وشكرا للموضوع

[عابرة سبيل]

شو ما كان السبب بحاول اغمض عيناي واسترجع ساعات الفرح واخره صوره سبب الفراق

[السكون]

موقف صعب وحساس


لكن اخت سارة


السؤال الي رح اسالو


كيف كان الفراق بين الاحبة


وشو اسبابو

ممكن يكون سبب عادي ويكون اللقاء


مجرد تبادل نظرات


وممكن يكن في شي صار بينهم

واختلفوا عليه وكل واحد بيحس حالو

انو هو الصح

بهيك رح تكون نظرة مختلفة

وفيها تانيب


وممكن وممكن وممكن وممكن


وكل سبب الو لقاء مختلف


دمتي بخير


ومشكورة على موضوعك

[fadoooo3]

من يحب شخص لن يكرهه
فالانفصال يكون برئيي الطرفين محقوقين فيه فلو وقف اي شخص مع نفسه افترق عن حبيبه سيجد بان هناك اخطاء بدرت منه كانت احدى اسباب الفراق
فكيف لي الا ان اتمنى لو ان الزمن يرجع وليس يقف فقط
تحياتي للجميع

[king-of-nothing]

صارت فيني .... رجفة بالقلب واتضطراب بالتنفس اتجنبتها وابتعدت قدر المستطاع .... لإنو خفت من حالي عليها لإنفجر فيها. خليتها تروح بسلام والله يوفقها

الله يهديكي يا سارة على هالموضووع :(



King of Nothing

[عاشق الوطنية]

اسمو حب قديم يا سارة يعني في واحد جديد وطالما في حب جديد القديم مالو غير الذكريات

[لولو الصغيرة]

الحب الجديد وبس

[kiko]

:z03:بصراحة حسب المشكلة التي انفصلنا بسببها
يعني ممكن اعاملها معاملة الصديق العادي و ممكن اعمل حالي ما شايف بس منشان ما اجرح الطرف التاني

[محيسن]

السلام عليكم
الحب القديم ما بتمنالو الا السعادة في حياتة
لو كنا بزمن اخر
كانت صارت شريكت حياتي لكن الغربة
تفرق الاحباب وتبعد الاصحاب
تحياتي لصاحبة الموضوع

[Eng.Sami]

اتمنى ألا اصادف حبي القديم ابدا لاني لا اعلم ما الذي سيحدث حينها
أهو الجنون ام الألم ام احساس الخسارة ...........
لا ادري
اتمنى ان يكون سعيدا فحسب