مسابقة الرابط العجيب(فليكن خيالك واسع جداً)

[M-AraBi]

حتى تكمل مسيرة الألعاب والمسابقات الأسبوعية المسلية والمفيدة
اليكم لعبة سهلة وسلسة وطريفة وتحتاج فقط الى خيل واسع

قانون اللعبة

- يقوم أحد الأعضاء بوضع كلمتين (حيوان.آلة.نبتة.اكل.مكان.زمان..) أي مسمى كان
- ويقوم المتسابق الذي يلي بربط علاقة مثلما يشاء بين الكلمتين..
- ثم يضع الذي المتسابق الكلمتين المواليتين.. وهكذا..
-وممكن كذا متسابق يحل نفس الرابط بطريقة أخرى لكن عليه أن يحل الرابط الذي وضعه المتسابق الذي حل الرابط قبله كما عليه أن يضع كلمتين أخرتين...

مثال : عصفور**حذاء

الحل : العصفور يطير ولا تؤثر فيه الجاذبية.. والجاذبية من الأرض .. والأرض كروية مثل الكرة.. والكرة نركلها بالأرجل.. والأرجل نلبسها الحذاء

نرجو المشاركة من الجميع

[M-AraBi]

وهلأ حلو هذا الرابط:

الشفرة - السيارة

[SHARIEF FATTOUH]

الشفرة بيبيعها البياع يلي بالشارع التاني
أنا تنبل ما بمشي كتير
بروح بشتري الشفرة بالسيارة

[ريماس]

شو هاد سيف :z027: شو هالارتباط خيااااال :z027:

شو هالكسل يلي عندك هههههههههه

بعدين هالارتباط مو من اختصاصي بشوف ارتباط غيروووو :z036:

[M-AraBi]

ما شاء يا سيف شو هالرابط العجيب
بس بتمنى منك تقرأ الموضوع منيح يعني كله سطرين مابدها تنبلة
يعني جاوبت وجوا بمقبول مع أنه يلي ببالي غير حل بس كان لازم تحط كلمتين جداد

وشكرأ

[HE88RO]

أنا ما بحلئ بالشفرة:z029:

بئا وين الكلمات الجديدة هلئ ؟؟؟


طيب انا رح حط (:
أمري لله

شو الرابط بين الهدية و البطاطا المقلية ؟

[HE88RO]

و يسلمو معلم ع اللعبة

بس وين تبع الأمثال شو بطلتووا !!

[M-AraBi]

لاءا ما بطلنا بس من شان نستمتع كل أسبوع بنحط لعية

[M-AraBi]

الهدية بتنهدى بأعياد الميلاد
وبأعياد التقليدية بسوريا بساوو جليه وتبوله و وووووووو بطاطا مقلية

خدو هي لنشوف:
العامود وكوكب المشتري(أو غيره)

[ريماس]

مان اشبك ليش هيك تجيب روابط صعبة :z09:

والله فشلة ادخل ومابعرف اجاوب :z060:

[SHARIEF FATTOUH]

خدو هي لنشوف:
العامود وكوكب المشتري(أو غيره)

العامود بيجيب كهرباء
الكهرباء بتشغل التلفزيون
التلفزيون طلع فيه المشتري أولت مبارح

خخخخخخخخ لعبة الفلاسفة هي :z06:

[SHARIEF FATTOUH]

أنا أسف نسيت حط الكلمتين يلي بدكم تعطوني رابطهم العجيب
و هي كلمتين
ممممممممم
ألمانيا _ عصير أوغاريت

[M-AraBi]

صعبة شوي بدها تفكير كتير
ممكن مساعدة

[M-AraBi]

المانيا موحودة بخريطة الكرة الأرضية
وبالخريطة في سوريا
ومصنع أوغاريت بسوريا(جبلة تحديداً)

حليتها هاهاهاهاها

طيب هي:

الزميرة (الصفيرة)-جورج بوش(أو أوباما)

[رامون]

الصفيرة بيحملها شرطي المرور
والشرطي تابع للحكومة
والحكومة بالدولة
وأمريكا دولة
ورئيس أمريكا أوباما(أو بوش سابقاً)

شلوني معك

بدنا اصعب

[رامون]

خدو هالرابط :

الحليب _ مصر

[SHARIEF FATTOUH]

هههههههههههههههه سهلة
الحليب بتشربو الهرة
هرة أخر تلت حروف من كلمة القاهرة
القاهرة عاصمة مصر


نحنا يلي اخترعنا الروابط


بدي رابط لهالكلمتين يا شاطرين
الكاسة _ العلكة


هي صعبة ها بعرف هالشي بس بدي حل يكون معبر

[الساعي]

السلام عليكم :tfker::tfker::tfker::tfker:
الكاسة منعبي فيها شاي
والشاي منجيبو من سيلان
وبسيلان في بياع علكة :shocking::shocking::shocking:(والله)

[الساعي]

هااا هااااااا صار دوري
شو الرابط العجيب بين بياع العلكة (يلي بسيلان) وبين قميصي الأحمر
:sick:
يالله يالله ما عرفتا :mbtsem::mbtsem::mbtsem::mbtsem: عجل شوي
تعبت :z08::z08::z08::z08:

[SHARIEF FATTOUH]

هههههههههههههههههههههه بس هيك حبيب قلتلك فوت حط رابط بس ما قلتلك عجزنا
هاد يا سيدي شوف معي
ركز ها :z026:
هاد بياع العلكة بيكون رفيقو لتاجر قماش سيلاني
و هاد التاجر شيت القماش بيورد على سوريا قماش
و هاد القماش قميصك منو مصنوع


شلوني معك :z028:

[SHARIEF FATTOUH]

كمان نسيت حط الرابط يسلمو لأنك ذكرتني أيها الساعي
شو الرابط بين القلم يلي جنبي و بين سيلان

[عابر البحار]

العامود طويل والطول من عند الله والله هو اللي عمل أي كوكب تريده

حلوا هالرابط
شو الرابط بين الصبر والون الابيض:z039:

[ريماس]

:z027::z027: والله ضحكتوني بئجوبتكن شو هالروابط يلي حطيتوها :z027::z027:

ليش انا انظم منكن رح اجرب احلا واشوف امممممممممم الرباط بين الصبر واللون الابيض لاحظة بدي ادور عليها :z06:

الصبر مفتاح الفرج والفرج بيكون فرحان ولما يفرح بيرفع راية والراية لونها ابيض شلوني معكن كأول بنت مشاركة :z027:
ماهو الرابط بين التلفزيون والسيارة الاسعاف ؟؟

[عابر البحار]

تلفزيوني صوتو عالي والصوت العالي بميز سيارة الاسعاف شو الرابط بين الفيل والذن

[عابر البحار]

تلفزيوني صوتو عالي والصوت العالي بميز سيارة الاسعاف



شو الرابط بين الفيل والأذن :shrer:

[ريماس]

:z027:شو هاد عابر البحار وليييييي لك تلفزيون بتتفرج عليها المراة والمراة حاطة طبخة عالنار واحترقت صار دخان ودخان جابت سيارة الاسعاف :z027:

اممممممم بين الفيل والادن انا شايفة الفيل بيصيح صوت عالي وصوت عالي بيخرم الادن شلون :z027:

مالرابط العجيب بين ادوات المدرسة وبين اشارة المرور ؟؟

[Don.Ayman]

ممممممممممم

يستيقظ الاولاد مبكرين للذهاب الى المدرسة - و بياخدو معاهم سندويشات زيت و زعتر و شوية محشي و ورق عنب و صحن فتوش - و ما بينسو ادوات المدرسة القلم و المحاية و البراية و الدفتر و الكتاب و فرد المي اللي بيطخو فيه الانسة --بيمشو من عند بيت ام محمود العضاضة بسرعة من شان ما تعضون و بيقطعو الشارع و هنن منتبهين لاشارات المرور
من شان ما تدعسون سلاحف النينجا :z027::z027:

شو الرابط بين ام محمود : اللي ابنها بيشتغل بالامارات بخورفكان ----- و ام حسين اللي ابنها بيدرس بجامعة نيويورك

[ريماس]

لك شو هاد ايمن والله ضحكتني على اجوبتك

يستيقظ الاولاد مبكرين للذهاب للمدرسة >>فصحى

و بياخدو معاهم سندويشات زيت و زعتر >>قلبها بالعامية

ختير جمع العامية مع الفصحى :z027:

شبك معلق حالك على ام محمود العضاضة ولييي شو هالرابط العضاضة موجودة بالرابط العجيب

مادخلني مارح اجاوب خليها مشان مااكول عضا منها :z027:

[HE88RO]

له يا رورو هيك ...

طيب ماشي انا بحلا

أم محمود جارة جميل

جميل يلي هو المساعد جميل تقاعد

القعدة بالبيت طفشتو ..

قرر يعمل سياحة بالإمارات

طلع بوجو ابن ام محمود بخورفكان

هو ما بحبو و هرب منوووو لأبعد مكان بيقدر يوصل عليه

ما لائى غير أمريكا

طلع بوجو حسين

و حسين بكون أبن ام حسين

و ام حسين و ام محمود صار بينن رابط عجيب

[HE88RO]

طيب هلئ شو الرابط بين كيس الرز الخيش و النجمة ؟؟؟

[M-AraBi]

لاءا هيرو عم تعجزنا
وهي حليتها حل بايخ شوي بس هادا يلي طلع معي:

كيس الخيش فيو رز أو سكر
وهدول منهم لون
أبيض
والنجمة بتبين معنا لونها
أبيض

[M-AraBi]

شو الرابط بين :
الضابط(في الجيش)

و

البلاستيك

[Don.Ayman]

ذهبت ام محمود الى السوق لتشتري حقيبة أرز ( كيس خيش بالعامية )نوعية بسمتي فبحثت و بحثت طويلا ً فلم تجد سوى حقيبة ارز من نوع النجمة فأعياها التعب من كثرة البحث

فشاهدت رجل من رجال الشرطة يتسوق في السوق يضع على كتفه نجمتين فطلبت منه المساعدة

فاخذها الى محل يبيع نوعية الارز التي تبحث عنها

فرحت ام محمود كثيرا و طلبت منه ان يدفع ثمن الارز
فاجاب الشرطي : خلفتك و نسيتك روحي من هون
فعضته عضة قويه
فضربها كف فرجاها نجوم الضهر
و طار الارز و تبعثر في كل مكان

شو الرابط بين شينغ لي هونغ ( رجل من الصين ) و ابو عبدو بياع المازوت فردو على خصرو

:z027::z027:

[Don.Ayman]

ملاحظة الرابط العجيب : هوة ربط بين شيئين بقصة صغيرة

بعض الناس ما فهمو اللعبة منيح .

شو الرابط بين شينغ لي هونغ ( رجل من الصين ) و ابو عبدو بياع المازوت فردو على خصرو

[M-AraBi]

لاءا أخي مو شرط تكون قصة متل قصصك!!

المهم تلف وتدور وتربط الكلمتين ببعض

بس برأيي الربط بين هاذا الصيني وأبو عبدو أو الفرد صيني
ههههههههههههههههههههههه!!!!

بس مو زابطة مو؟؟؟؟

[Don.Ayman]

المسابقة بتقول فليكن خيالك واسع

انا بربطلك ****ن

ابو عبدو بائع مازوت توارث صنعته ابا عن جد ( يعني العيلة كلون بياعين مازوت ) الله يكون بعون الجيران على الريحة

يخرج ابو عبدو يوميا من منزله في الصباح الباكر ليسعى وراء لقمة عيشه و جرت العادة ان يعمل ابا عبدو من ساعات النهار الباكرة حتى وقت اذان الظهر و قد الفه زبائنه و علمو مواعيده

يبقى ابو عبدو باقي ساعات نهاره يطالع الاخبار على شاشة الكمبيوتر و يقرأ أسعار برميل النفط عالميا ً ( بياع مازوت مثقف ههههههه )

و لأجل الصدفة تعرف عن طريق ما يسمى المحادثة أو ( الشات ) على السيد : شينغ لي هونغ - و هو رجل يعمل بمحطة لتخزين البترول و مشتقاته

قرر في يوم من الايام الرجل الصيني زيارة ابو عبدو في سوريا لما سمع منه عن بطولاته و حسه الثقافي العالي

سافر الرجل الصيني من مطار بكين الى مطار حلب مباشرة ليرى صديقه ابو عبدو

استقبله ابو عبدو احسن استقبال و قد زين طمبر المازوت بالزينة ووضع عليه اعلام الدولة الصديقة

تناقلت وكالات الانباء العالمية الخبر بجدية و حذرت من تعاون عسكري بين ابو عبدو و الرجل الصيني

عاد الرجل الصيني الى بلاده مذهولا من طيب الاستقبال و حسن المعامله بعد ان اخذ من ابو عبدو وعدا بزيارته

في بكين في العام المقبل ... توتة توتة خلصت الح***ة هههههههه شلون حلوة ولا فتفوتة