بدي رأي بسيط

[سارة]

السلام عليكم ورحمة الله وبركاته
أنا حابّة آخذ رأيكم بموضوع : http://montada.aya.sy/images/smilies/small%20smilies/52102.gif.jpg
هالموضوع تجاوز الحدود الموضوعة النا كعرب مسلمين وكأمّة منّ الله عليها بأن كان محمد صلّى الله عليه وسلّم منها
رأيكم بلّي عم يصير اليوم بالشباب من دمار وهلاك وشو رأيكم السّبب الرّئيسي لهذا الشّي
طبعا سأوضح نوع الضّياع أوّل شي
موضة الزّواج العرفي أو بكتاب برّاني وهذا الشّي منتشر بالجامعات والمعاهد بشكل فضيع أكيد الأهل الهم دور بس برأيكم نسبة الخطأ الواقع على عاتقهم كم يكون
وما بدنا ننسى أساليب التّواصل الحديثة ودورها
والشّي الحلو موضة المخدرات والدّخان
المدمن يا امّا بيقول أدمنت ومعاد ينفع شي أو كنت بوضع نفسي لا أحسد عليه
بس عـــــــــــــــــــــــــــــذر أقبـــــــــح من ذنــــــــــــــــــــــب
وبالنسبة للدخان مع احترامي لكل مدخن لا تقنعنا انّو ما فيك تتركو
وايّاك تفكر انك اذا مسكت السّيجارة معنى هالشي انّك رجل لأنو أكيد الرجوليّة مو هيك ولا التدخين احدى عواملها
ويا سيدي شو رأيكم بهالضّياع وشو سببو ومين المسؤول نحنا ولا الأهل ولا شو
طيّب ليش الشّباب والصّبايا مصرين يثبتوا للعالم انو الجيل هذا مو قد يشيل الحمل ولا قد المسؤولية
اذا ما فيها ثقلة شباب ركزولي شوي عموضوع التدخين
الموضوع مختصر بعرف هالشي بس أتحفونا بآرائكم
سلامhttp://montada.aya.sy/images/smilies/small%20smilies/64028.gif.jpg

[En.Khaled Alfaiomi]

المشكلة ياصديقتي الشب صار هلق يظل ياخذ مصروفوا من أبوه ليخلص جامعة وليخدم الجيش وبعدها بيصير عمروا شي 30 سنة وأكثر وبعدها بيكون لا عمل شي ولاحقق شي ولا أشترا أي شي
كيف رح يتزوج ؟ مامعوا مصاري ؟ بيطلب من أهلوا يساعدوه !! ( وللأسف الأهل الله يعينون عندوا 10 غيروا) هون مارح يقدر يتزوج ! غلاء المهور .!
بيروح بيفكر بالزواج العرفي أو البراني أو عن طريق شيخ أو علاقة غير شرعية !! لأنوا هيدا الحل بالنسبة ألوا ( لأنه يشعر أنه فاشل ومن المستحيل أن يجد زوجة تقبل به )
بيضحك على شي بنت بعيدة عن أهلها مثلا أو أهلها مو موعينها على هذه الخطورة بيروح بيتزوجها عرفي وبيوعدها بالزواج وعيشششششش يا ... وطبعا بالأخير بيضحك عليها وبيقلها أنا ماقد الزواج

وبخصوص الدخان ياصديقتي .. مشكلة العصر ... ومنحكي مع الناس ومننصحون مابيقتنع الغريب أنوا بتكون عم تحكيلوا على الدخان والأضرار بيقلك ثواني عم شغل سيكارة !! هذا دليل شو !!
والله الشخص الطبييعي قد مابيسمع أخبار وأخطار عن التدخين بيظل بيدخن !! ليش مابعرف !! الدخان لابيعمل الشخص زلمة !! ولا البنت بيعملها شخصية مميزة مثلا!!
الغريب وبدون زعل ياشباب والله لو الحيوان بيدخن قد مابيسمع عن أضرار الدخان كان تركوا !! ليش هيك نحنة ! والله اضرار لصحة خطيرة جدا !

والله بحياتي لا شربت سيغارة وحدة ولا شربت ولا بحياتي نفس اركيلة ولا جربتوا !! ليش !!

لأني مقتنع بالأضرار واهلي وعوني على الموضوع باكرا والأصرار والأصدقاء لها أسباب !


مشكورة أخت سارة أنا متابع للموضوع

[سارة]

كلام صحيح حطيت ايدك على الوجع

واسباب مقنعة بس كيف بدنا نحل مشكلة الشباب والله شي مدمر للمجتمع وبصير فينا متل مصر كلهم بالجامعات ومشالله بجوازات عرفية

ولا في اي شي يضمن حقوق البنت خصوصا خطر كبير في باي وقت يشق الورقة ويقلها الله معك

وبترجع لاهلها ممعها ولد ويا فرحتهم وقتها

بالنسبة للدخان ياريت بس الكبار الا بتلاقي ولد صغير دوبو بالخامس عم يدخن من ورا اهلو وبهرب من المدرسة

على الشارع مشان يدخن

واذا سالتو بيقلك شو بدك فيي انا ابي بيدخن والماما بتدخن وهيك برروء معقول طفل والو مزاج

يعني الاب والام كمان الهم دور بانتشار هالظاهرة لان الولد بيلقط طل شي من اهلو وخصوصا الشي الي بيمنعوه عنو

عنجد بيحرقو قلبي الاطفال الي ما بيعرفو شي من الطفولة والشفافية

وشو ما حكيت ما حدى هون ودق المي وهي مي

[En.Khaled Alfaiomi]

هلق بخصوص الزواج العرفي أو البراني
رأي يصير برامج توضيحية وحملات توعية أو جمعيه لهذه الأمور لحماية البنت ! وأتوقع أن البنات حلون يصيرون واعين طالبة جامعة !! ليش ترضى بهيك شي !! ممكن أعرف؟

[سارة]

ما بعرف يا استاذ تعا نزيل على اجامعات وشوف هالشوفات الي بتئرف وبتقشعر البدن

ما بعرف انا بحس السبب الاختلاط

والبنت بطبيعتها عاطفتها غالبة وبتغلب على عقلها والرجال ذئاب

والهم اساليبهم

والبنت للا سف عنجد بتكون صادقة وبتصدق وبعدين بتوقع

لان المراة بطبيعتها فاضلة(متل ما تحث عنها جبران خليل جبران وايليا ابو ماضي ) ولو قامت بشي مو منيح

بكون المجتمع

دفعها لذلك لان روحها راقي
بعكس الرجل

وبتتخيل انا هربت من شي بتلاقي حالها بشي افظع


بس الشب الواضح ببينوبيقصد بيت اهلها والشب الملعب ببين

بس الحمدالله نحنا عنا بسوريا قليلة هالظاهرة

بس فعلا كلامك صح ورح حاول انشر هيك قصص تو عية للبنات ورفقاتي
والله يهدي الجميع والحال كل مالو للاسوء الله يستر عم نشوف العجايب ونسمع الغرايب

الله يستر علينا

[عاشق الوطنية]

برأيي غياب الثقافة الدينية أولاً
وضعف الأيمان في قلوب شباب
اليوم
وحتى عادات المجتمع العربي
يلي عم تعمل حصار بين الشب والبنت

[anadoctorfady]

انا بكره التدخين ........... و ما قدرت اني حبه .............. بتزكر لما كنت طالب بالاعدادية اصحابي كلن كانوا يدخنوا ........ الا محسوبكن .......... و مرة كنا سهرانين شباب و بنات بمطعم ........ فالكل طلب اركيلة الا محسوبكن طلب كولا ....... و بزكر وحدة اسمها نادين الله يزكرها بالخير قالتلي اطلوب اركيلة و انا بعلمك .......... فحاولت اني اتهرب و غير الحديث بأسلوب ضحك ع فلان و فلانة ........... لحتى الكل اشتلئوا علي ......... و هي نادين الله يزكرها بالخير تقلي : الرجال بلا سيجارة متل المرة بلا اسوارة

[غياث]

والبنت بطبيعتها عاطفتها غالبة وبتغلب على عقلها والرجال ذئاب llllllllllllllllllllllllllllll شو هيدا يا سارة طولي باللك ما حدا بياخد البنت غصب عنها شو ما صار يصير بس بنت حدا يهتم فيهل بتصير بترسم احلام واحلام واحلام اذا كانت بنت مرباية ما حدا بياخد منها ولا حتى ابتسامة وين انت يا سارة