هل انت مع او ضد..

[ريماس]

صبــاحكم / مساءكم .. ورد x ورد ..

موضوع شفتو وأعجبني فيو نقاش ويفيد الجميع.. وحبيت انكم تشاركوني فيه ..



... ((( مــــــــع أو ضــــــــــــد ..؟؟؟ ))) ...



والفكـره كالآتي ،،،

أطرح سؤال ويجي العضو الي بعدي ويجاوب عليه..


بـ ( مع أو ضد ) يعني يا انه يكون مأيد هالشي أو رافضو مع السبب !! لماذا؟



وبعدين يطرح العضو سؤال جديد ..

ويجي العضو الذي بعده ويجاوب على سؤاله ..


وبعدها يحط لنا سؤاله ..

وهكذا ..


أتوقع الفكره كتير واضحه ومافيها أي لبـــــــس ..


ولاتبخلون علينا بالأراء والتفاعل ..






دمتم بود ومحبـــــــــه ..

،،

،،

وأنا رح أبدأ وبسأل الي بعدي ..



مع أو ضد / الزواج من الأقارب ..؟؟؟

[تينا]

يسلمو صديقتي موضوع كتير حلو

رح جاوب ع سؤالك بصراحة انا ضد زواج الاقارب اول شي لان هيك زواج ممكن يورث امراض او يظهر امراض وتتفشى بين الاجيال يلي رح تجي
وتاني شي حلو الواحد لما يفكر يتزوج يروح لعيله جديدة يتعرف ع ناس جدد وهيك بيكون الزواج عم يقرب الناس من بعضها بالتناسب ويشكل عيله جديدة

سؤالي هوي:
هل انت مع ام ضدد الزواج من اجنبيه للشب او اجنبي للبنت؟؟

[عاشق الوطنية]

ضد لأن القوانين العربية لا تسططيع أخذ حق العربي في حال
أصبح هناك حالات طلاق
ةأختلاف العادات والتقاليد 180
درجة
سؤالي كلتاليمعى أو ضد أن تنشر صورك على الأنترنيت
شكراً ميمي على الفكرة

[ريماس]

ضد نشر صور في حالة اذا كانت بنت
لما فيه اساءة للبنت وتشويه صورتها

مع او ضد التدخين للمرأة؟؟

طبعا تقدرو تشاركو اكتر من مرة

[sad4sad]

ضد تدخين المراة والرجل والتدخين بكل انواعه
يعني اذا مراءة عيب او حرام وللرجل حلال او دليل رجولة مثلا

مع او ضد تعدد الزوجات

[سارة]

مع تعدد الزوجات 100 ب 100 هلا بدهن يزعلو البنات مني ههههههه

ما هي صفات الفكر الحر ؟؟؟؟؟؟؟؟؟

[الصقرالحنون]

والله يااختي سارة انت طلعتي عن الفكرة


بسؤالك

ان يبدي الانسان رائية بكل صراحة

على ان لاتصل للاسائه

سؤالي

انت مع او ضد علاقة الصداقة بين الشاب والبنت

[رامون]

طبعا انا مع علاقة الصداقة مع الشباب والبنات

لان اليحاة من غير صداقة ليست حياة

سؤال

انت مع او ضد

انجاب العدد الاكبر من الاطفال في الحياة الزوجية

مشكور اخت رورو

[روح الحلا]

أكيد مع لقـول الـرسـول << ((تزوجوا الودود الولود فإني مكاثر بكم الأمم يوم القيامة))

هـل أنت مـع أم ضـد عمـل المـرأة..

تحياتي واحترامي للجميع..

[sad4sad]

والله على حسب
اذا كانت من عيلة ميسورة الحال فانا ضد
اما اذا كانت بامس الحاجة للعمل فلا حول ولا قوة الا بالله

هل انت مع او ضد الزواج من مطلقة او ارملة

[ريماس]

اكيد مع مع مع
زواج المراة المطلقة والارملة لان حياتها لم تتوقف
بالعكس يحق لها شرعا الزواج والستر

مع او ضد
أنو الخطبة تكون اقل شي سنة :z026:

[sad4sad]

اذا انا خطبت اكيد لا لازم تكون مو اكثر من شهر
اما اذا كان غيري مع ولو ضلت سنتين

هل انت مع او ضد الزواج العرفي او زواج المسيار وغيروا من هلالكلام

[رامون]

عفوا اخي

بس عندما تكون انتعم تفتش عن بنت لزواج

وتجد البنت بس يا مطلقى يا أرملة

البنت يعني اذا مطلقة او أرمة خلص انتهت هياتها وهي في عزصباها

او انحكم عليكها في النهاية

لالالالالالالالالالا يا اخي
انت مع او ضد
ان تتدع اولادك على راحتهم بدون تشديد او مراقبة

[ريماس]

اكيد ضد

لانو عدم مراقبتهم او التشديد عليهم يؤدي الى ضياعهم وتدمير حياتهم

مع او ضد ... زواج الفتاه ذات العمر الكبير برجل اصغر منها بسنين؟؟

[السكون]

ما في مشكلة


انو يكون اصغر منها عادي


ليش لا


انا ما عندي سؤال


الي بعدي يجاوب شو ما خطر ببالو



دمتي بحفظ الرحمن


كان هنا


الســـــــــــــكونــــ

[ريماس]

يسلموووو انس

انا رح اسئل

أنتو مع ولاّ ضد اعتذار الرجل من المرأة

يعني إذا غلط بحقها يعتذر ولاّ كبرياؤه ما يسمحلو

[السكون]

اكيد الي بيغلط لازم يعتذر


ولا الرجال على راسو ريشة


انت مع ام ضد

الزوجة تاركة الصلاة

[ريماس]

اكيد ضد المرأة انها تترك الصلاة لانها مفروضة عالذكر والانثى

يلي بعدي

انت مع او ضد شراء الموبايل للابناء الصغار ؟؟

[SH.A.M.Y]

ضد.

هل أنت مع أو ضد إغتراب الشاب خمس سنوات ودفع البدل ستمية وخمسين ألف ليرة للتخلص من خدمة العلم؟

[رامون]

طبعا ضدد لان يا أخي الشامي انت لح تتغترب خمس سنين لتدفع بدل خدمة العلم

ولح يروح من عمرك خمس سنين هدر ليش انت خايف انك تكون من المقاتلين السوريين

ولا مابتحب انك تتدافع عن بلدك ولا بتحب انك تكون مقاتل السورين الذي لا يهاب الموت ولذي يخيف

اكبر الجيوش في العالم

لا يا أخي الخدمة كلها سنة وتسعة اشهر لا تهدر الكثر من حياتك

نصيحة من اخوك الرامون

لا تنسى انك مواطن سوري ورددها في الصوت العالي وبكل فخر وبكل فخر وبكل فخر وبكل فخر انا سوري

سؤالي
هل انت مع او ضد

البنت الذي تقدم الخدمة الطوعية لي اخوته الشباب

[SH.A.M.Y]

ضد,
لأنهم لا يميزون عليها بشيء أبداً حتى تخدمهم!


أخي رامون أنا أديت عسكريتي, وكانت خدمتي في لبنان.
وكان سؤالي هو لإنكار ما يفعله كثير من الشباب للهروب من خدمة العلم!


هل أنت مع ضد زواج الرجال من النساء العاملات لكي يستعينوا برواتبهم؟

[دمعة فرح]

بصراحة انا ضد إلا في حالة واحدة اذا كان فيه حب لا مانع,,
التعاون حلو
سؤالي ،،
هل انت / تِ مع او ضد الزواج المبكر ؟؟

[SH.A.M.Y]

مع,
لأنه يحول دون جنوح الشباب إلى الفاحشة,
وليس صحيحاً أنه يعيق دراسة الشاب والفتاة.


هل أنت مع أو ضد التزاوج بين الأقارب؟

[Sanaa]

أنا ضد زواج الأقارب ... بسبب المشاكل الصحية المحتملة أولا



و بسبب المشاكل الاجتماعية يلي ممكن تأثر بشكل كبير على ترابط العائلة ككل ..

لأنه بحال صارت مشكلة بين الشخصين المرتبطين ...

غالبا رح تتحول لمشكلة (و ممكن قطيعة) بين الأسرتين .



مع / أو ضد المدارس المختلطة ؟؟؟





.

[SH.A.M.Y]

أعتقد لا بأس بها لتكون تمهيداً حتى لا يُفاجأ الطلاب دفعة واحدة بالإختلاط في الجامعات.

هل أنت مع أو ضد تدخين المرأة؟

[Sanaa]

أنا ضد التدخين بشكل عام ... بس طبعا يعتبر مقبول بالنسبة للشباب


أما بالنسبة للبنات بصراحة لاء ... أبدا مو مقبول



مع / أو ضد العلمانية ؟؟

[SH.A.M.Y]

ضد.

هل أنت مع أو ضد تغطية المرأة لوجهها؟

[ريماس]

مع تغطية المرأة للوجه لما له من فتنة يفتتن الرجال بها ويؤدي ذلك الى النظر وتلذذ والتمتع الافضل تغطية الوجه وواجب


هل انت مع او ضد الرجال يسافر لحالو ويترك زوجته واهله ؟

[SH.A.M.Y]

مع إزا كان مسافر يتعتر بالخليج للعمل, وما في داعي يعتِّر عيلتو معو,
وضد إزا كان مسافر للسياحة.


هل أنت مع أو ضد الفتاوى الخنفشارية متل إرضاع الموظفة لزملاءها بالمكتب؟

[ريماس]

ولييييييييييييييييييي ضد ضد ضد السبب لاتعليق :z027:
هل انت مع او ضد دراسة البنت في الخارج؟؟

[كرامة]

بصراحة أنا مو ضد تعدد الزوجات
لأن الله حللو ليش لنحرمو نحنا البشر
بس لازم الإلتزام بأوامر الله وهي العدل
أنت مع أو ضد العنف والضرب لتربية الأبناء ؟

[Sanaa]

طبعا ضد ... عمر التربية ما كانت... و ما رح تكون بالضرب


التربية لها أصول ... بعيدة كل البعد عن العنف


مع أو ضد : عمل المرأة خارج المنزل ؟؟؟

[لولو الصغيرة]

اذاكان عمل محترم وهي قادرة أنها تنسق بين بيتها وعملها
ليش لا؟
بتساعد زوجها وبتستفيد اكتر
طبعا مع موافقت زوجها واقتناعه مية بالمية.
................

أنت مع أو ضد الزواج من جنسيات مختلفة
لكن محصورة في نطاق الشرق الاوسط

[ريماس]

انا مع جنسية مختلفة لانو مافي فرق بين الجنسيات

لانو يلي كاتبو الله بدو يصير

...........................

هل انت/تِ مع او ضد صداقة او اخوة عن طريق نت

[لولو الصغيرة]

مع لكن مع الحرص والحذر دائما
انا عندي صداقات عن طريق النت اقوى من يلي على أرض الواقع
مو صديقتي رورو

............

انت مع او ضد
عمليات التجميل

[العراب]

ازاكانت من المستوى المطلوب وزات اخلاق حميدة فلايوجد مانع شريطة ان تخاف الله فيمالهااو عليها
سؤالي === هل انت مع ام ضد==
الزواج بين رجل غير متعلم==من امراة متعلمة== وبالعكس

[الهكر]

مع لانوا المتعلمين مو على راسن ريشة والمتعلم يعني صاحب حكمة يعني بيعرف يتأقلم أكتر ويحكم الأمور للجانب الصح ولازم المتعلم يعلم شخص واحد بحياتوعلى الاقل
سؤالي هو انت مع خيانة المرأة زوجها ازا كان الزوج خائن وسكير وعربيد

[Sanaa]

أكيد ضد ... الخيانة مرفوضة مهما كانت الأسباب و المبررات


يعني إذا هو غلط ... هي بتغلط أكتر منه ( هاد أبدا مو حل ) ...


و إذا الوضع غير محتمل ... تتطلق أحسن



مع أو ضد : تحديد النسل ؟؟؟

[kiko]

شكرا لهالموضوع الحلو و دائما متجدد
انا اكيد ما مع تحديد النسل هي شغلة من رب العالمين و قدر و نصيب ليش حتى العبد يلعب فيها
و سؤالي :
هل انت مع او ضد الحب قبل الزواج و طبعا عم احكي عالحب الصادق العذري ؟
و شكرا

[ريماس]

مع مافيها شي ذا كان كان في حب قبل الزواج اذا كان صادق وجدي

هل انت/انتي مع الموضة ولا ضدها ؟؟؟