{ نهاية حبك إعدامي } رووووووووووعه

[رامون]

مناف كانت وايد فرحانه باهتمام فارس لها .. كلام الممرضه عن فارس زاد تعلقها فيه وحبها له .. الساعه 7 فارس طلع من المستشفى رايح بيت مناف .. ام مناف كانت تنتظر فارس على احر من الجمر .. اولم ا وصل فارس شاف ام مناف واقفه عند الباب تنتظر .. قرب من باب البيت .. نزل وفتح لها باب السياره اللي ورا خذ الاغراض من يدها وحطها بصندوق السياره.. ركبت ام مناف وفارس سكر الباب .. صبح عليها واتجهوا للمستشفى .. وصلوا الساعه 8 بالضبط .. كانت الدكتوره عند مناف فالغرفه تشيك عليها .. سلمت عليها ام مناف وسألتها عن حالة بنتها
الدكتوره: ما شاءالله عليها احسن اليوم .. وان شاءالله بكتب لها ورقه عشان ترجع البيت الظهر ..
ام مناف: الحمدلله .. جزاج الله الف خير ..
الدكتوره: الله يسلمج يمه .. بكتب لج اجازه يا مناف حق نهاية الاسبوع .. الثلاثاء والاربعاء والخميس بكتبتهم لج اجازه ..
مناف: مشكوره يا دكتوره ..
الدكتوره: بس لا تذبحين نفسج عشان رجيم وغيره .. وانا موصيه زوجج عليج ..
مناف " فديته زوجي والله " ..
ام مناف: يعني اليوم بترجع البيت ؟
الدكتوره: ان شاءالله ..
ام مناف: الحمدلله على كل حال ..
الدكتوره سكرت ملف مناف: ما عليكم شر ان شاءالله .. ولا نبي نشوفج هني مره ثانيه يا مناف ..
مناف مبتسمه: ان شاءالله ..
الدكتوره طلعت من الغرفه .. مناف حضنت امها بوناسه ..
ام مناف: سمعتي الدكتوره شقالت ..
مناف: ان شاءالله ما عيدها ..
ام مناف كانت جايبه ريوق وشاي وقهوه .. حطت حق بنتها وجهزت لها الاكل على الطاوله ..
ام مناف: خل احط حق الريال ما قصر معانا ..
مناف: جزاج الله خير يمه ..
ام مناف غرفت له من الريوق وصبت له شاي .. طلعت عند باب الغرفه ونادت عليه .. فارس كان واقف عند باب الغرفه ويكلم الدكتوره يسألها عن حالة مناف .. بعد ما راحت الدكتوره عن فارس وطمنته على مناف .. راح صوب ام مناف ..

فارس: آمريني يمه ..
ام مناف: تعال يبه اكل لك لقمه ..
فارس: جزاج الله خير .. والله جوعان ومن امس ما كلت شي ..
ام مناف: ان شاءالله ابوي ..
دخلت الغرفه وطلعت له الريوق .. خذه منها وراح الاستراحه وتريق بروحه .. اتصل له محمد ولد عمه وهو يتريق
فارس: هلا والله ..
محمد: صباجك حب يا كل الحب ..
فارس: احلى يا رايق ..
محمد: هههههه .. انت وين ؟
فارس: فالمستشفى ..
محمد: شو تاكل ؟
فارس: والله ما قصرت امها .. جايبه معاها ريوق وحطت لي منه ..
محمد: عليك بالعافيه ..
فارس: انت وين حمودي ؟
محمد: فالدوام ..
فارس: متى وصلت المكتب ؟
محمد: الساعه 7 ..
فارس: زين تمرني ..
محمد: عيوني لك والله .. رئيس القسم يطلع ويدخل ومحد يكلمه ..
فارس: سلامي عليك يا رئيس القسم انته ..
محمد: ولوو .. كل شي لعيونك يهون ..
فارس: احم احم .. فديتني والله ..
محمد: يا دلع انته ..
فارس: زين باخلص اكلي وبروح ارجع الصينيه ..
محمد: زين انا بعد نص ساعه باطلع لك ..
فارس: سلام حبيبي ..
محمد: سلام ..
سكر فارس من محمد وكمل اكله .. كان ياكل ومستمتع ..
فارس " كل يوم باكل من هالاكل الزين .. اذا الام نفسها حلو فالاكل جي عيل البنت شلون .. آيه عليج يا مناف اموت فيج .. متى نجتمع في بيتنا بس " ..
خلص اكله وخذ الصينيه رجعها الغرفه لهم .. شكر ام مناف على الاكل واستأذن منها .. طلع من المستشفى راح البيت خذ له شور وريح شوي .. انسدح فالصاله وغفى لين الساعه 11 .. أذن الظهر وقام بكل نشاط .. توضأ وراح المسيد صلى وطلع من المسيد راح المستشفى .. ام مناف كانت تنتظر فارس عند الباب .. اول ما شافها خاف ومشى بسرعه ناحيتها .. كانت تناظره والحزن فعيونها ..
فارس: ها يمه .. خير ان شاءالله ..
ام مناف: يبه الساعه 12 بيرخصون بنتي .. ابيك تشوف لي الدكتوره مادري وينها لي ساعه اكلم هالممرضات ولاحد منهم ترد علي .. كلمت هذيك البنت وصرخت في ويهي حسبي الله عليها ..
فارس فار دمه: شووو .. تصرخ عليج ؟ اوريج فيها ..
ام مناف: خلهم عنك يبه .. بس شوف لي الدكتوره الله يرضى عليك ..
فارس تنرفز: باشوف لج الدكتوره وبسنع لج اللي ما تستحي على ويها ..
مشى فارس بسرعه صوب قسم الممرضات وكان معصب .. ام مناف شافته معصب لحقته وحاولت تهديه بس ما لحقت عليه .. فارس وصل عند المكتب صرخ على الممرضات باعلى صوته ..
فارس: انتوا تستهبلون على الناس ..
رئيسة الممرضات تكلمت بعصبيه: انت وين داخل ؟؟ تصرخ وتزف ..
فارس: امي تكلم موظفاتج ولاحد منهم يرد عليها .. ولما كلمتج رفعتي صوتج عليها ..
رئيسة الممرضات: عن من تتكلم انت .. اطلع من هني ولا بنادي لك الأمن يطلعونك من هني ..
فارس ضرب ايده على الطاوله بقوه .. رئيسة الممرضات حست بالخوف .. ام مناف وصلت عند فارس وترجته يسكت ..
ام مناف: الله يهديك يا يبه .. خلهم عنك ..رر

[رامون]

مناف كانت وايد فرحانه باهتمام فارس لها .. كلام الممرضه عن فارس زاد تعلقها فيه وحبها له .. الساعه 7 فارس طلع من المستشفى رايح بيت مناف .. ام مناف كانت تنتظر فارس على احر من الجمر .. اولم ا وصل فارس شاف ام مناف واقفه عند الباب تنتظر .. قرب من باب البيت .. نزل وفتح لها باب السياره اللي ورا خذ الاغراض من يدها وحطها بصندوق السياره.. ركبت ام مناف وفارس سكر الباب .. صبح عليها واتجهوا للمستشفى .. وصلوا الساعه 8 بالضبط .. كانت الدكتوره عند مناف فالغرفه تشيك عليها .. سلمت عليها ام مناف وسألتها عن حالة بنتها
الدكتوره: ما شاءالله عليها احسن اليوم .. وان شاءالله بكتب لها ورقه عشان ترجع البيت الظهر ..
ام مناف: الحمدلله .. جزاج الله الف خير ..
الدكتوره: الله يسلمج يمه .. بكتب لج اجازه يا مناف حق نهاية الاسبوع .. الثلاثاء والاربعاء والخميس بكتبتهم لج اجازه ..
مناف: مشكوره يا دكتوره ..
الدكتوره: بس لا تذبحين نفسج عشان رجيم وغيره .. وانا موصيه زوجج عليج ..
مناف " فديته زوجي والله " ..
ام مناف: يعني اليوم بترجع البيت ؟
الدكتوره: ان شاءالله ..
ام مناف: الحمدلله على كل حال ..
الدكتوره سكرت ملف مناف: ما عليكم شر ان شاءالله .. ولا نبي نشوفج هني مره ثانيه يا مناف ..
مناف مبتسمه: ان شاءالله ..
الدكتوره طلعت من الغرفه .. مناف حضنت امها بوناسه ..
ام مناف: سمعتي الدكتوره شقالت ..
مناف: ان شاءالله ما عيدها ..
ام مناف كانت جايبه ريوق وشاي وقهوه .. حطت حق بنتها وجهزت لها الاكل على الطاوله ..
ام مناف: خل احط حق الريال ما قصر معانا ..
مناف: جزاج الله خير يمه ..
ام مناف غرفت له من الريوق وصبت له شاي .. طلعت عند باب الغرفه ونادت عليه .. فارس كان واقف عند باب الغرفه ويكلم الدكتوره يسألها عن حالة مناف .. بعد ما راحت الدكتوره عن فارس وطمنته على مناف .. راح صوب ام مناف ..

فارس: آمريني يمه ..
ام مناف: تعال يبه اكل لك لقمه ..
فارس: جزاج الله خير .. والله جوعان ومن امس ما كلت شي ..
ام مناف: ان شاءالله ابوي ..
دخلت الغرفه وطلعت له الريوق .. خذه منها وراح الاستراحه وتريق بروحه .. اتصل له محمد ولد عمه وهو يتريق
فارس: هلا والله ..
محمد: صباجك حب يا كل الحب ..
فارس: احلى يا رايق ..
محمد: هههههه .. انت وين ؟
فارس: فالمستشفى ..
محمد: شو تاكل ؟
فارس: والله ما قصرت امها .. جايبه معاها ريوق وحطت لي منه ..
محمد: عليك بالعافيه ..
فارس: انت وين حمودي ؟
محمد: فالدوام ..
فارس: متى وصلت المكتب ؟
محمد: الساعه 7 ..
فارس: زين تمرني ..
محمد: عيوني لك والله .. رئيس القسم يطلع ويدخل ومحد يكلمه ..
فارس: سلامي عليك يا رئيس القسم انته ..
محمد: ولوو .. كل شي لعيونك يهون ..
فارس: احم احم .. فديتني والله ..
محمد: يا دلع انته ..
فارس: زين باخلص اكلي وبروح ارجع الصينيه ..
محمد: زين انا بعد نص ساعه باطلع لك ..
فارس: سلام حبيبي ..
محمد: سلام ..
سكر فارس من محمد وكمل اكله .. كان ياكل ومستمتع ..
فارس " كل يوم باكل من هالاكل الزين .. اذا الام نفسها حلو فالاكل جي عيل البنت شلون .. آيه عليج يا مناف اموت فيج .. متى نجتمع في بيتنا بس " ..
خلص اكله وخذ الصينيه رجعها الغرفه لهم .. شكر ام مناف على الاكل واستأذن منها .. طلع من المستشفى راح البيت خذ له شور وريح شوي .. انسدح فالصاله وغفى لين الساعه 11 .. أذن الظهر وقام بكل نشاط .. توضأ وراح المسيد صلى وطلع من المسيد راح المستشفى .. ام مناف كانت تنتظر فارس عند الباب .. اول ما شافها خاف ومشى بسرعه ناحيتها .. كانت تناظره والحزن فعيونها ..
فارس: ها يمه .. خير ان شاءالله ..
ام مناف: يبه الساعه 12 بيرخصون بنتي .. ابيك تشوف لي الدكتوره مادري وينها لي ساعه اكلم هالممرضات ولاحد منهم ترد علي .. كلمت هذيك البنت وصرخت في ويهي حسبي الله عليها ..
فارس فار دمه: شووو .. تصرخ عليج ؟ اوريج فيها ..
ام مناف: خلهم عنك يبه .. بس شوف لي الدكتوره الله يرضى عليك ..
فارس تنرفز: باشوف لج الدكتوره وبسنع لج اللي ما تستحي على ويها ..
مشى فارس بسرعه صوب قسم الممرضات وكان معصب .. ام مناف شافته معصب لحقته وحاولت تهديه بس ما لحقت عليه .. فارس وصل عند المكتب صرخ على الممرضات باعلى صوته ..
فارس: انتوا تستهبلون على الناس ..
رئيسة الممرضات تكلمت بعصبيه: انت وين داخل ؟؟ تصرخ وتزف ..
فارس: امي تكلم موظفاتج ولاحد منهم يرد عليها .. ولما كلمتج رفعتي صوتج عليها ..
رئيسة الممرضات: عن من تتكلم انت .. اطلع من هني ولا بنادي لك الأمن يطلعونك من هني ..
فارس ضرب ايده على الطاوله بقوه .. رئيسة الممرضات حست بالخوف .. ام مناف وصلت عند فارس وترجته يسكت ..
ام مناف: الله يهديك يا يبه .. خلهم عنك ..

[رامون]

فارس: لا خليني أأدبهم لج .. وانتي اعتذري من الوالده والا بكره لا تحلمين تشوفين مكتبج ..
رئيسة الممرضات: وتهدد بعد ..
فارس بصراخ: اي نعم اهدد عندج مانع ..
رئيسة الممرضات: لو سمحت اترك المكتب ..
فارس: مب طالع قبل ما تعتذرين من الوالده ..
رئيسة الممرضات: لو سمحت اطلع من هني .. ولا بنادي لك الأمن ..
فارس: مو مشكله .. صبري علي شوي ..
طلع فارس وام مناف كانت معاه ..
فارس: يمه روحي الغرفه والدكتوره بتجيكم بعد شوي ان شاءالله ..
ام مناف: يبه لا تسوي لك مشاكل ..
فارس: لا انا ناوي اشعللها .. انتي روحي ارتاحي وما عليج ..
ام مناف: لا حول ولا قوة الا بالله .. والله لو ادري ما قلت لك شي ..
فارس: هالناس لازم تعرف تحشم اللي اكبر منها .. يبه في نظام .. ما يمشون اللي يبونه على كيفهم .. زين يمه روحي انتي وما عليج بس ..
ام مناف بحزن: ان شاءالله ..
ام مناف اتجهت لغرفة مناف ودخلت وهي حزينه .. مناف استغربت من امها ..
مناف: يمه شفيج ؟
ام مناف قالت لمناف السالفه كلها .. من اول ما انجرحت من رئيسة الممرضات لين المشكله اللي ناوي عليها فارس ..
مناف " فديته والله فزعه " ..
مناف: تستاهل هالممرضه .. ليش ترفع صوتها عليج ..؟؟
ام مناف: والله خايفه على هالريال ..
مناف: ان شاءالله بياخذ حقج .. وما عليه شر ان شاءالله ..
فارس راح عند ادراة المستشفى وقدم شكوى على رئيسة الممرضات .. وطلب انها تعتذر لام مناف جدام كل الممرضات مثل ما صرخت عليها جدامهم .. طبعا الادراه ما عجبهم اللي صار و وقفوا في صف فارس وام مناف .. ورئيسة الممرضات اعتذرت من ام مناف .. الدكتوره راحت الغرفه عند مناف وكتبت لها ورقة الخروج .. وكتبت لها بعض الفيتامينات والمهدئات .. فارس خذ الوصفه وصرفها بالصيديله .. مناف وامها جهزوا نفسهم وانتظروا فارس .. راح فارس عند الغرفه وطق الباب .. طلعت له ام مناف ..
ام مناف: ها يبه خلصت ؟
فارس: اي .. جهزتوا انتوا ؟
ام مناف: اي ..
فارس: وين اغراضكم ؟
ام مناف: انا بشيلهم .. كلها الا شنطه وكيس ..
فارس: لا يمه لا تشلين شي انتي ارتاحي .. الهندي بيدخل ياخذ الاغراض .. بس قولي للبنت تتغطى عنه ..
ام مناف: ان شاءالله ..
مناف تغطت عدل وطلعت عند الباب ورا امها .. الهندي خذ اغراضهم ونزلها السياره .. فارس ومناف وامها مشوا مع بعض متجهين للسياره .. مناف كانت وايد فرحانه لان فارس قريب منها .. اما فارس فكان طاير من الوناسه ان مناف شفت وصارت احسن .. ركبوا السياره و وصلهم فارس البيت .. ام مناف شكرته وتمت تدعي له بالتوفيق في حياته .. فارس كان فرحان للفرحه اللي قراها بعيون مناف وامها .. تركهم وراح البيت يريح .. اتصل بمناف اللي ردت عليه بكل شوق ..
مناف: هلا والله ..
فارس: يا قلبه انتي ..
مناف: حبيبي ..
فارس: وحشتيني موت ..
مناف: وانت اكثر ..
فارس: الحين ردت فيني الروح ..
مناف: فديت قلبك والله ..
فارس: هالله هالله بنفسج حياتي .. والله لو كررتي هالحركه مره ثانيه ترا بتصرف تصرف ما يعجبج ..
مناف بدلع: وشو التصرف بيكون ؟
فارس: اذا تبين تعرفين التصرف كرري اللي سويتيه ..
مناف: زين خلاص ما كررها ..
فارس: وعد ؟
مناف: اوعدك ..
فارس: حياته انتي .. والله اموت فيج يا مناف .. وانا اوعدج قريب بدخل من الباب وبيستوي كل شي رسمي بينا .. بس بشرط ..
مناف: وشو شرطك ؟
فارس: تتقبليني بالطريقه اللي بدخل فيها بيتكم ..
مناف بحيره: ها .. شلون ؟
فارس: انا قلت لج بادخل من الباب صح ؟
مناف: اي ..
فارس: وانا عند كلمتي .. بس يمكن ادخل بروحي او معاي حد .. ماعرف شو ظروفي وقتها .. واللي ابيه منج .. انتج تتقبلين دخلتي باللي فيها ..
مناف: ان شاءالله ..
تم فارس يسولف مع مناف بوناسه وفرح ..




طبعا فاطمه و يوسف رجعوا من شهر العسل وكانوا مبسوطين على الآخر .. بيت يوسف تقسم لقسمين .. القسم اللي فوق كامل صار لفاطمه .. اما القسم اللي تحت قسموه غرفتين وحده لسلمان و الثانيه لبنته ريما .. طبعا فاطمه وايد حبت ريما واستانست معاها .. بس سلمان كان يتعذب كل ما يشوف فاطمه .. كان دوم يتهرب من البيت عشان ما يواجه فاطمه فالبيت او خلال الوجبات .. فاطمه تاخذ راحتها اكثر اذا سلمان ما كان موجود .. في احد الايام ريما ويوسف والجوهره ولولو الصغيره كانوا فالصاله يسولفون ويضحكون ..


يوسف: ريمو بسألج ..


ريما مبتسمه: نعم ..


يوسف: وين بتسافرين ؟


ريما: بنروح حق خالو مها ..

[رامون]

يوسف عقد حواجبه: بتروحون امريكا ؟


ريما: لا .. بنروح المكسيك ..


يوسف: حلاته والله ..


ريما: ها ؟


يوسف: ولا شي ..


الجوهره وفاطمه ضحكوا على ريما ويوسف ..


ريما: ليش تضحكون ؟


الجوهره: لان يوسف يضحك لما يلعوزج ..


ريما: انا بعد احب العوزه ..


الجوهره: متى بتسافرون ؟


ريما: بعد ما اخلص المدرسه .. ما بقى شي .. بس انا سمعت بابا يقول حق uncle S .. يمكن نقعد هناك على طول


يوسف: ها .. شلون على طول ؟


ريما: بابا قال جي ..


الجوهره ويوسف طالعوا بعض باستغراب ..


يوسف: ريما انتي متأكده ؟


ريما: بابا اللي قال ..


يوسف سكت وتم يفكر في كلام ريما .. التفت على فاطمه ..


يوسف: فاطمه ..


فاطمه: لبيه ..


يوسف: ابي ماي فديتج ..


فاطمه: ان شاءالله ..


طلعت فاطمه من الصاله رايحه المطبخ تجيب ماي لزوجها .. سلمان كان واقف عند باب المطبخ يراقب فاطمه .. تنهد ونزل راسه راح الصاله .. سلم عليهم وريما ركضت ناحيته وحضنته .. شلها سلمان وباسها .. قعد جنب الجوهره وريما في حضنه ..


سلمان: شخباركم ؟


الجوهره: الحمدلله ..


يوسف: وينك ما تبين يا خالي ..


سلمان: لاهي مع هالشغل والمحل ..


يوسف: يعطيك العافيه ..


دخلت فاطمه بكل هدوء .. سلمت وعطت يوسف الماي وقعدت جنبه .. خذت لولو من عند الجوهره وتمت تلاعبها بحنان ..


الجوهره: يلا يوسف نبي نشوف عيالك ..


فاطمه رفعت راسها وابتسمت للجوهره ..


يوسف: الله كريم .. ريما شاسمي بنتي ؟


ريما: اكيد ريما ..
يوسف: وع من زين اسمج ..


ريما: بابا شوفه .. يقول اسمي مب حلو


سلمان: ههههه .. ما عليج منه انتي اسمج احلى من اسمه ..


يوسف: يسمح امرك .. انا اسمي حلو وشكلي احلى بعد ..


الجوهره: يا مغرور ..


يوسف: يحق لي اغتر .. من حسن يوسف خذت اوصاف الجمال .. حد ينكر هالشي ..


سلمان والجوهره وفاطمه ضحكوا على كلام يوسف ..

[رامون]

الجوهره تلعوز اخوها: فديتك اخوي صج مزيون بس مو حلو ..


يوسف: ها خالي شرايك فيني ؟


سلمان: همممم .. اول لازم استشير بنتي ..


الكل: هههههه


سلمان: ما عليك زود ..


يوسف: احم احم .. زين زوجتي العزيزه قولي لي رايج فيني ..


فاطمه حست باحراج: ما عليك زود ..


يوسف: 2/1 .. لو سمحتي اختي لقطي ويهج ..


الكل: ههههههه ..


الجوهره: خالك يجاملك .. و زوجتك العزيزه ترفع معنوياتك .. معليه اخوي حاول تستحمل شكلك ..


كلهم ضحكوا على كلام الجوهره ..


يوسف: لا وصرتي تعرفين تقطعين بعد ..


سلمان: والله وكبرتي يا جوجو ..


الجوهره: صج والله .. اونكم قطعتوني ..


يوسف: آخ صادتنا والله ..


سلمان: لا ابراهيم دربج عدل ..


الجوهره: هههههه ..


فاطمه: لا صج قطعوج .. ضحكت وحطت يدها على حلجها ..


سلمان شاف حركتها وتم يطالعها .. نزل راسه بسرعه وقام من مكانه ..


الجوهره: وين خالي ؟


سلمان: بروح ادخن ..


طلع سلمان فالحوش و ولع له زقاره .. طلع وراه يوسف ..


يوسف: عسى ماشر خالي ؟


سلمان ينفخ الدخان: مافيني شي ..


يوسف: ما نشوفك وايد .. ودوم مشغول والا تشغل نفسك .. عسى ماشر ..


سلمان مبتسم: ماشر ..


يوسف: صج انك بتروح المكسيك وبتستقر هناك ؟


سلمان التفت على يوسف: شدراك ؟


يوسف: بنتك تقول انها سمعتك تكلم صاحبك ..


سلمان: اي بستقر هناك خلاص ..


يوسف: ليش خالي ؟


سلمان: لقيت لي فرصة عمل حلوه .. و بحول تجارتي لهناك ..


يوسف: قرارك غريب يا خالي ..


سلمان: احسن لي ولريما ..


يوسف: شدخل ريما ؟


سلمان: تكون قريبه من خالتها ..


يوسف: واحنا وين رحنا ؟


سلمان: فيكم الخير والبركه .. بس الظروف جات جي ..


يوسف: فكرت فالموضوع عدل يا خالي ؟


سلمان: اي فكرت فيه عدل .. والحين قاعد ارتب اموري واخلص اوراقي ..


يوسف كان مستغرب من كلام سلمان و قراره الغريب .. سلمان طفى زقارته ودخلوا الصاله عند الحريم .. فاطمه والجوهره جهزوا للعشى وتعشوا كلهم وكملوا سهرتهم سوالف وضحك ..

[رامون]

الساعه 10 سلمان غطى ريما عدل .. باسها ومسح على راسها .. سكر باب غرفتها وراح غرفته .. قعد على الكرسي وشغل التفزيون .. تم يتابع المباره وهو يفكر في كلامه مع يوسف ..


سلمان " انا آسف يا يوسف .. انا آسف يا عيال اختي .. اللي بيصير غصبن عني مو بيدي .. ادري خذلتكم بقراري بس ماقدر اشوف فاطمه جدامي .. اتعذب لي شفتها .. سامحوني سامحوني " .. تم يتابع المباره وباله مشغول .. ما قدر ينام من كثر التفكير ..




يوم جديد بصباحه وشمسه وعبق زهوره يطل على ابطالنا .. فارس فتح عيونه بتفائل .. قام من السرير بكل نشاط خذ له شور منعش .. لبس ثوبه وضبط غترته .. تدهن بدهن العود وتعطر وطلع من بيته رايح المكتب .. دخل وكانت الساعه 8 ونص .. مر على مكتب خالد وسلم عليه .. راح مكتبه وابتدى شغله بكل نشاط وحيويه ..


يوسف كان نايم ومستانس على دفى الفراش .. فاطمه قامت من الصبح وجهزت له الفطور .. جهزت ثوبه وغترته وبخرتهم له .. راحت عند سريره تقعده من النوم ..


فاطمه بهمس: يوسف .. حبيبي .. حبيبي .. حطت يدها على راسه وتمت تلعب بشعره ..


يوسف: هممم ..


فاطمه: يلا حبيبي قوم الساعه 6 وربع ..


يوسف: خليني انام 5 دقايق بس ..


فاطمه ابتسمت: يلا قوم فديت روحك .. قوم عشان تتسبح ..


يوسف فتح عيونه بتكاسل: زين ..


فاطمه شلت اللحاف عنه شوي شوي ..


فاطمه: يلا حبيبي قوم ..


يوسف: ان شاءالله ..


قعد على السرير وتمدد فارد يدينه فالهوا .. فاطمه طلعت من الغرفه ترتب له الطاوله وصبت له العصير .. يوسف قام وخذ له شور منعش نشطه بعد النوم .. لبس ثوبه وطلع الصاله ..


فاطمه مبتسمه: صباح الخير حبيبي ..


يوسف مبتسم: صباح الحب ..


فاطمه: صح النوم ..


يوسف: صح بدنج .. ها شمسوية لنا .. شهالريحه الحلوه ؟


فاطمه: اقرب فديت روحك ..


قعد على الطاوله .. شرب العصير وفاطمه قربت من الاكل وصبت له الشاي الاحمر .. يوسف تريق وفاطمه معاه ..


يوسف: الساعه كم اول محاضره ؟


فاطمه: الساعه 8 ..


يوسف: متى تبين تطلعين من هني ؟

[رامون]

فاطمه الساعه 7 ..


يوسف: زين انا باوصلج ..


فاطمه: لا فديتك مو مشكله .. انت روح الدوام وانا باتصل في دريولنا يوصلني ..


يوسف: حياتي ما راح اتأخر ..


فاطمه: زين حبيبي .. عيل خل اقوم اجهز ..


يوسف طالعها مبتسم وتم يشرب الشاي .. فاطمه لبست وتجهزت وراحت عند يوسف ..


فاطمه: انا جهزت حبيبي ..


يوسف: جيبي غترتي فديت قلبج ..


فاطمه: ان شاءالله ..


جابت له الغتره ضبطها وطلعوا مع بعض .. وصلها الجامعه وراح الشغل .. فاطمه تلاقت باختها ولطيفه .. سلموا على بعض وتمت كل وحده فيهم تسولف عن حياتها ..


لطيفه: والله دنيا .. كبرنا ..


الكل: ههههه ..


فاطمه: انتوا تشوفون نفسكم كبرتوا مشكلتكم .. انا توني صغيره ..


مريم: ههههه .. بقولكم شي ..


لطيفه: قولي يالجميله انتي ..


مريم بخجل: انا حامل ..


فاطمه صرخت: واااااو ..

لطيفه بوناسه: الف مبروك مريوم ..


فاطمه حضنت اختها: مبروك مرايم ..


مريم: الله يبارك فيكم ..


فاطمه: قلتي حق خالد ؟


مريم: لا للحين .. امس اتصلت لي الدكتوره تأكد لي ..


لطيفه: سويها مفاجأه له ..


مريم: اي هاي اللي بسويه ..


فاطمه: فديتج يا مريوم .. تستاهلين .. وبتصيرين ام ..


مريم: انا مو مصدقه والله ..


لطيفه: يعني انا اللي مصدقه ..


الكل: ههههه ..


لطيفه: عقبالج يا فطيم ..


مريم: عندي احساس ان فطيم كله بتجيب اولاد ..


فاطمه: هههه .. انا ماتفرق معاي .. بس احس انتاجج انتي وخالد بيطلع احلى انتاج ..


لطيفه: صدقت فطيم والله ..


مريم بخجل: والله .. الحمدلله على كل حال ..

[رامون]

فاطمه: لا انتي ولا خالد عليكم زود في الجمال ..


لطيفه: انا اشهد ..


مريم: فديتكم والله ..


لطيفه: بسألكم ..


فاطمه و هي تفتح شنطتها: هلا ..


لطيفه: مناف وينها؟ لها مالها حس هاليومين ..


مريم: لاحظت عليها فالفتره الاخيره دوم تعبانه..


لطيفه: انا بعد .. اشوفها دوم شارده وتفكر .. وما تاكل يادوب تشرب كوفي معانا بس ..


فاطمه عقدت حواجبها: اتصلتوا لها ؟


مريم: والله ماتصلت لها ..


لطيفه: ولا انا ..


فاطمه: خل اتصل لها ..


مريم: تسوين خير .. نبي نتطمن عليها ..


لطيفه: لها وحشه ..


اتصلت فاطمه حق مناف .. تم التلفون يرن فتره ومحد رد ..


فاطمه: ما ترد ..


لطيفه: ليكون فيها شي البنت ..


مريم: خوفتوني عليها والله ..


فاطمه: ان شاءالله ما عليها شر .. يمكن تعبانه .. بطرش لها مسج ..



فاطمه طرشت مسج لمناف .. البنات كل وحده منهم توجهت لمحاضرتها .. مريم ولطيفه كانوا في محاضره وحده .. اما فاطمه فكانت محاضرتها غير عنهم ..


الساعه 11 مناف قعدت من النوم وشافت 2 مس كول ومسج .. المس كول الاول كان من فارس .. والثاني من فاطمه .. فتحت الرساله اللي من فاطمه .. وكانت كاتبه لها المسج كالتالي ..


(( صباح الخير مناف .. وينج وحشتينا حبيبتي ؟ عسى المانع خير ليش ما شفناج اليوم ؟ لو فضيتي اتصلي لي ))


مناف قرت المسج وابتسمت ..


مناف " فديتهم والله .. فيهم الخير يسألون عني .. جزاهم الله خير " ..


اتصلت بفارس تبي تسمع صوته بشوق .. رن جواله بالنغمه المخصصه لها ( عالي مستواه ) .. رد بكل فرح ..


فارس: يا قلبه انتي ..


مناف عضت شفتها: هلا حبيبي ..


فارس: صح النوم للحلوين ..


مناف بدلع: فديت قلبك ..


فارس: عمري انتي ..


مناف: متى قعدت من النوم حبيبي ؟

[رامون]

فارس: الساعه 8 تقريبا ..


مناف: اوه قاعد من وقت ..


فارس: اي عيل مثلج انتي يالكسوله ..


مناف: هههههه ..


فارس: فديت هالضحكه الحلوه ..


مناف انحرجت وسكتت ..


فارس: كلتي شي حبيبتي ؟


مناف: لا ..


فارس: ليش يا قلبه ؟


مناف: توني قاعده من النوم حبيبي .. بعد شوي باروح عند امي وباكل ..


فارس: عاد اكلي زين ..


مناف: ان شاءالله ..


فارس: زين يا قلبه انا مشغول الحين .. انتي قومي تنشطي شوي .. وتريقي وباكلمج وانا طالع من المكتب ..


مناف: زين حبيبي ..


فارس: احبج ..


مناف: اموت فيك ..


فارس: ديري بالج على نفسج ..


مناف: ان شاءالله ..


فارس: يلا سلام ..


مناف: الله وياك ..


سكر فارس منها وكمل شغله .. اما مناف كانت مبسوطه وايد .. خذت لها شور وراحت عند امها عشان تتريق ..
مناف: صباح الخير يمه ..
ام مناف مبتسمه: هلا والله .. شلونج اليوم ؟
مناف: احسن الحمدلله ..
ام مناف: الحمدلله .. تعالي اكلي لج لقمه يمه ..
مناف: ان شاءالله .. شمسويه يمه ؟
ام مناف: مسويه لج بيض مقلي .. وحطيت لج الجبن اللي تحبينه .. وهذا هو التوست اللي تحبينه بعد .. بس باقوم اسوي لج الحليب ..
مناف: مشكوره يمه ..
ام مناف: بالعافيه يمه ..
ام مناف قربت صينية الاكل من بنتها .. وراحت تسوي لها الحليب .. مناف اتصلت بفاطمه وهي تاكل ..
مناف: السلام عليكم ..
فاطمه: وعليكم السلامه والرحمه .. هلا وغلا ..
مناف: شلونكم ؟
فاطمه: وينج يالقاطعه ؟
مناف: ههههه .. موجوده بس تعبانه شوي ..
فاطمه: سلامتج عسى ماشر حبيبتي ؟
مناف: ماشر حبيبتي .. بس كنت مرهقه شوي فالفتره الاخيره ..
فاطمه: تدرين البنات يقولون انهم لاحظوا عليج هالشي .. شو فيج مناف ؟ عندج مشاكل انتي ؟
مناف: لا ماعندي مشاكل الحمدلله .. انتي اخبارج بعد العرس ؟
فاطمه مبتسمه: الحمدلله .. مستناسه
مناف: الله يبارج لج وفيج ..
فاطمه: تسلمين حبيبتي .. وياج .. عيل بنشوفج بكره ان شاءالله ؟
مناف: ماعتقد .. تعبانه والدكتوره ما عطتني اجازه ..
فاطمه بحنان: ما تشوفين شر حبيبتي ..
مناف: الشر ما يجيج ..
فاطمه: زين حبوبه ما طول عليج .. بخليج ترتاحين .. حبيت اتطمن عليج .. والبنات بعد بس والله لج وحشه ..
مناف: ان شاءالله الاسبوع الجاي نتشاوف ..
فاطمه: بأذن الله ..
مناف: مشكوره على السؤال حبيبتي ..
فاطمه: انتي منا وفينا يا مناف ..
مناف: تسلمين حبيبتي ..
فاطمه: يلا حبيبتي مع السلامه ..
مناف: مع السلامه ..

[رامون]

سكت مناف من فاطمه والتفت على امها وهي مبتسمه ..
مناف: يمه هاي فاطمه اللي رحنا عرسها ..
ام مناف مبتسمه: حليلها والله .. فيها الخير
مناف: ما توقعت اتصالها .. والله هي اكثر وحده واصلتني ..
ام مناف: الله يستر عليها ويبارك لها ..
مناف: آمين ..
ام مناف: والفال لج يا بنتي .. يا علني اشوفج عروس قبل ما تغمض عيوني ..
مناف: عسى عمرج طويل يالغاليه ..
ام مناف: فديتج والله .. يلا يمه شربي الحليب قبل لا يبرد ..
مناف مبتسمه: ان شاءلله ..
مناف تريقت وبعدين قعدت مع امها تسولف ..
الجده وبوفارس وبومحمد كانوا قاعدين يسولفون عن موضوع فارس ..
بومحمد: ولدك يعرفها يا محمد ؟
بوفارس: لا ما يعرفها ..
بومحمد: شو اللي مخليك متأكد ؟
بوفارس رفع حاجب: ولدي واعرفه .. ولو كان يعرفها خير يعني ؟
بومحمد: شو هالكلام يا محمد ..
بوفارس: يا يبه الحب مب حرام .. ليش مسوين سالفه انتوا .. وبعدين هاذي قراره هو يتحمل نتيجة اختياره ..
بومحمد: بس انت تهدم حياة ولدك ..
بوفارس: شلون ؟
بومحمد: داري ان اللي يسويه غلط .. وتماشيه ومخليه على راحته .. ولي طاح الفاس فالراس بتتحسف انت و ولدك .. شذنب ولدك ولا بنت الناس لو ما اتفقوا بعد الزواج ؟
بوفارس: اعتقد انهم بيتحملون كل شي يجيهم من هالقرار ..
بومحمد: والله تفكيرك وايد متحرر يا محمد .. يبه وين عايشين احنا ..
بوفارس: لا عيل تبيني اجبر عيالي ياخذون على مزاجنا .. جي بنزيد الطين بله .. لما هم يقررون وتبدى نتايج قرارقتهم تظهر جدامهم .. بيعرفون يتصرفون ويحافظون على حياتهم .. يسايرون الزمن ..
بومحمد: شو يسايرون الزمن ؟ محمد ولدي اختار ساره بنفسه وطلبنا نخطبها له .. والحين انفصل عنها ..
بوفارس: والله ماعرف شو في قلب ولدك .. بس هو يتحمل نتيجة قراره ..
بومحمد: الله يهديك يا محمد ..
الجده: الحين خلونا من هذرتكم اللي ضعت فيها ..
حمد ومحمد: هههههه ..
الجده: لا تضحكون لاكسر هالدلال على روسكم ..
بوفارس: امي وايد عصبيه ..
بومحمد: مثل ابوي .. ما راحت بعيد ..
الجده: بسكم يا عيال .. زين قولوا لي الحين شو سويتوا معاه ؟
بوفارس: ما سوينا شي ..
الجده: مرتك هاذي يبيلها من يسنعها ..
بوفارس: الله يهديها ..
بومحمد: صج الحين شو بتسون ؟
بوفارس: والله ما يندرى عن فارس .. كل ما احاول اكلمه يتهرب مني .. والحرب مشتعله بينه وبن امه ..
الجده: اتصل بولدك خله يجي الحين ..
بوفارس: الحين ماعتقد القاه .. اكيد فالشركه ..
الجده: طلعه لي من تحت الارض ..
بوفارس مبتسم: ان شاءالله ..
بومحمد: شو ناويه تسوين ؟
الجده: انا بروح اخطبها له ..
بومحمد: والله قويه يمه ..
الجده: بشوف آخرتها مع مزنه اللي راكبه راسها ومعانده ..
بوفارس: لا يا يمه صبري شوي .. لا تستعجلين ..
الجده: زين اتصل له قوله يجي .. وبعدين بتفاهم معاكم ..
بوفارس: ان شاءالله ..
دخلت عليهم هيا مبتسمه وسلمت عليهم ..
بومحمد: هلا والله ..
هيا مبتسمه: شلونك فديت روحك ؟
بومحمد: الحمدلله .. اعلومج انتي ؟
هيا: طيبه .. التفتت على بوفارس .. شلونك محمد فديتك ؟
بوفارس: طيبه الله يسلمج الغاليه .. اعلومج انتي ؟
هيا: الحمدلله .. مع هالدنيا ..
بوفارس: يعطيج العافيه ..
هيا: الله يعافيك .. ها حليتوا قضية فارس ؟
بومحمد: امي ناويه على نيه والله يستر منها ..
هيا: ها يمه شو اللي ناويه عليه ؟
الجده: بروح اخطب حق ولد ولدي ..
هيا: من بتاخذين له ؟ بنت العز اللي تكلمه بالتلفون ؟
بوفارس رفع راسه وعطى هيا نظره خلاها تتحسف على الكلام اللي قالته .. هيا من الاحراج نزلت راسها وانحرجت
الجده: كبري يالعاقله .. تراها بنت ناس حالها حالج ..
بومحمد حس ان الجو كان مشحون .. فحب يلطف الجو شوي ..
بومحمد: هيا تعالي معاي شوي ..
هيا: ان شاءالله ..
طلعت هيا ورا اخوها .. وراحوا الصاله الثانيه ..
بومحمد: الله يهدج .. هاي كلام تقولينه ..
هيا متنرفزه: لان اللي يصير مب عدل ..
بومحمد: انا مب معارض على زواج فارس ولد محمد .. وماشوف ان سبب رفضكم لها مقنع ..
هيا: بس يا حمد الولد يكلمها بالتلفون .. وين قاعدين احنا ..
بومحمد: انا رايي مثلج .. بس قلبي متطمن ناحية فارس .. واحس ان هاي الوحيده اللي بتسعده ..
هيا: يبه خلوا عنكم كلام الافلام والقصص ..
بومحمد: وانتوا خلوا عنكم التعالي والتكبر على الناس ..
هيا: احنا مب متكبرين ..
بومحمد: وكلامج الحين شو تسمينه .. تقولين لاخوج الكبير بنت العز اللي يكلمها على التلفون .. يبه انتي جرحتيه مهما كان ترا فارس غالي عند محمد .. تعرفين غلاه عند محمد اخوي .. وحتى مزنه تموت في فارس .. بس الله يهديها مكبره الموضوع ..
....................
يتبع

[رامون]

هيا: والله من حقها .. تبي الزين لولدها ..
بومحمد: انتوا شلون تفكرون ؟ البنت بنت ناس حالها حال بناتنا ..
هيا: مكرمين بناتنا عنها ..
بومحمد بعصبيه: عيب هالكلام يا هيا .. ما توقعت هاي نظرتج للناس يا متعلمه انتي ..
هيا بتعالي: والله احنا وين وهالبنت وين .. لو ولد اخوك ركب راسه وخذها .. انا وحده مب حاضره عرسه ولا ببارك له ..
بومحمد بغضب: السالفه جي .. زين انا بوريكم كلكم ..
هيا هزت راسها: ورينا يا خوي ..
بومحمد طلع عنها من غير ما يرد عليها .. كان منصدم من ردة فعل اخته على الموضوع ..
بومحمد " هيا الحنونه اللي الكل يلجأ لها لو عنده مشكله تقول هالكلام .. شو صاير فالدنيا ؟ الله يهديهم بس " ..
دخل الصاله عند امه واخوه ..
بومحمد: كلمت ولدك ؟
بوفارس: اي الحين جاي ..
بومحمد: يمه انا اللي بوصلج بيت البنت لي رحتي تخطبينها حق فارس ..
الجده وبوفارس طالعوا بعض ..
الجده: سبحان مغير الاحوال ..
بومحمد: انا فكري ما تغير .. واللي في بالي مقتنع فيه .. بس فارس يستاهل كل خير ..
بوفارس مبتسم: ينشد فيك الظهر يا ولد سلطان ..
الجده شافت الفرحه فعيون عيالها وصاحت .. قرب منها بوفارس ..
بوفارس: ليش هالدموع يمه ؟
الجده: يعلني دوم اشوفكم على قلب واحد .. الله لا يفرق بينكم ..
بومحمد وبوفارس: آمين ..
بومحمد حضن امه: الله يطول بعمرج يالغاليه ..
الجده: الله لا يحرمني منكم ..
دخل فارس وشاف يدته وهي تمسح دموعها .. خاف وقرب منها بسرعه ..
فارس: عسى ماشر يدتي ؟
الجده: مافيني شي فديت قلبك .. تعال عندي ..
فارس باس راسها: انا كلي تحت امرج ..
الجده: يا عل عيني ما تبكيك ..
فارس ابتسم وباس يدته مره ثانيه ..
بوفارس: زين يا جماعه ابغي اقولكم شي ..
الجده: قول ابوي انته ..
بوفارس: هالكلام انا قلته لفارس من قبل .. بس بقوله لكم انتوا ..
بومحمد: خوفتنا تكلم ..
بوفارس ابتسم: زين سمعوا .. يمه تذكرين فاطمه ..
الجده باستغراب: فاطمه ؟ من فاطمه ؟؟
بوفارس: فاطمه اللي كانت مالج عليها من قبل ..
الجده: اي اخبرها الله يذكرها بالخير ..
بوفارس: بعد ما طلقتها .. تمت تقريبا 5 او 6 سنين لين تزوجت ..
الجده وبومحمد: زين ..
بوفارس: انا تزوجت مزنه بعد 7 شهور صح ..
الجده: اي ..
بومحمد: كمل ..
بوفارس: فاطمه تزوجت واحد على قد حاله وعاشت معاه تقريبا 15 سنه ومات ..
الجده: لا حول ولا قوة الا بالله ..
بومحمد: الله يرحمه ..
بوفارس: جابت منه بنت الحين بنتها مره عمرها تقريبا 20 سنه .. قد فطيم بنتي ..
فارس " يعني ابوي كان يحب ام مناف ؟؟ مسمي فطيم عليها ويموت فيها بعد ؟ همممممم " ..
بوفارس يكمل: وعندها 3 اولاد .. واحد عمره 12 سنه .. والثاني 8 سنين .. واللي عمره 4 سنين مات من سنه تقريبا ..
الجده: يالله .. مسكينه شقت وايد في حياتها .. الله يصبرها ..
بومحمد: انا لله وانا اليه راجعون ..
بوفارس: وحالتها هي وعيالها الحين ماتسر .. زوجها كان يشتغل في شركه خاصه .. وبعد ما توفى ما مشى لعياله لا راتب ولا شي .. حالتهم كسيفه وايد .. سكت ونزل راسه ..
الجده: ما تستاهل هالبدره والله ..
فارس: شلون بدره يدتي ؟
الجده: فاطمه كانوا يتغنون بجمالها ..
بومحمد: انا اشهد .. كانت بنت مافي بحلاها ..
فارس: زين ليش طلقتها يبه ؟
بوفارس: هي طلبت ..
فارس: ليش ؟
بوفارس: تدري لين يومك ماعرف السبب ..
الجده: ولاحد يعرف ..
بوفارس: الحين هي لها حياتها وانا لي حياتي ..
بومحمد: زين بسألك يا محمد ..
بوفارس: هلا تفضل ..
بومحمد: ليش طريت فاطمه .. وش ذكرك فيها ؟
بوفارس: ان شاءالله قريب بتعرفون ..
فارس: يبه امي كانت تعرف انك كنت مالج عليها ؟
بوفارس: اي تعرف .. بس ماتعرف من تكون ..
فارس: اهااا .. " واله انك داهيه يا بوفارس .. مب هين والله " ..
بومحمد: شو هالواري اخوي .. قولنا ؟
بوفارس مبتسم: كل شي بوقته حلو ..
الجده: زين ما علينا من هالسوالف الحين .. يالمتوت قولي وين بيت البنت ؟
فارس مبتسم: انا متوت ؟؟
الجده: لا تشغل علي الحين ..
فارس وابوه وعمه: هههههههه ..
فارس: ان شاءلله .. آمريني الغاليه ..
الجده: وين بيت هالبنت ؟
فارس: همممم .. بعيد عن بيوتنا ..
الجده: اسمعني يبه .. بكره تروح وتكلم امك مره ثانيه .. وتجيني وتقولي شو ردها زين ..
فارس: هممم .. ليش ؟

[رامون]

الجده: سو اللي اقولك عليه وبس ..
فارس: ان شاءالله .. بس ليش سألتي عن بيت البنت ؟
الجده: لا تسأل وايد .. الصبر زين ..
فارس: ان شاءالله ..
بوفارس: يلا يا جماعه انا استأذن ..
الجده: وين يبه ؟
بوفارس: عندي شغل ..
الجده: اقعد تعشى معانا ..
بوفارس: عليكم بالعافيه .. باتعشى فالبيت ..
الجده: على راحتك ..
بوفارس سلم عليهم وطلع .. الجده وبومحمد تموا يسولفون شوي ..
فارس: وين عميمه ؟
الجده لوت بوزها: فوق ..
بومحمد يغير الموضوع: وين عشاكم يمه ؟
الجده: اتصل في ابوك شوف وينه هالهايت ..
بومحمد: ان شاءالله ..
اتصل بومحمد بأبوه اللي كان هايت مع عبدالعزيز ..
بومحمد: هلا يبه ..
الجد: شو تبي ..
بومحمد: كله يزف ..
الجد: شو ؟
بومحمد: انت وين يبه ؟
الجد: وش لك فيني ؟
بومحمد: يبه امي تسأل عنك ..
الجد " يالله بالستر ": قولها الحين جاي ..
بومحمد"شي والله يخاف من امي ": زين ننتظرك نبي نتعشى ..
الجد: ان شاءالله ..
سكر بومحمد من ابوه والتفت على امه وفارس اللي كانوا يهمسون مع بعض ..
بومحمد: شو توسوسون ؟
فارس مبتسم: يدتي تسولف عن عزيز ويدي ..
بومحمد: هههههه .. الحين بيجي وساحب عزيز معاه ..
الجده: انا خابرتهم هالثنين ..
فارس: يدتي ..
الجده: ابويه انته ..
فارس: يدي توه شباب ..
الجده تقاطعه: شباب يكسرون ظهرك ..
بومحمد وفارس: هههههه ..
الجده: يوز عن سوالفك انت بعد ..
فارس: ما قلت شي فديتني ..
الجده: ويتفدى عمره .. من زين ويهك يالمتوت ..
فارس: بدينا بالغلط ..
بومحمد: اشتغلتوا الحين ..
الجده: هو اللي بدى .. بس اوريك فيه ..
فارس ويدته وعمه تموا يسولفون بوناسه ويضحكون .. دخل عليهم الجد وعبدالعزيز وراه .. اول ما شافتهم الجده
الجده: انتوا ما وراكم خير ..
الجد بهمس: بل هاذي محد يطيح بلسانها ..
عبدالعزيز: قايلك بنزلك وبروح تقولي انزل احسن ..
الجد: هي لا شافتنا مع بعض على طول تشك ..
عبدالعزيز: علم عمرك .. تقولي انا هالكلام ليش ..
الجده: وش عليه تتهامسون انتوا الثنين ..
الجد وعبدالعزيز: ولا شي ..
فارس وعمه طالعوا بعض وضحكوا عليهم: ههههههه
الجد: تتشمتون .. لنا الله ..
عبدالعزيز: اي والله .. لنا الله ..
الجد: وين عشاكم ؟
الجده: عزوز قم ناد عمتك قولها تجهز ..
عبدالعزيز: ان شاءالله ..

[رامون]

راح عبدالعزيز ينادي عمته وبومحمد كان متوتر .. خايف من المواجه بين هيا وفارس .. لان فارس ما يدري بموقف عمته .. هيا دخلت عليهم .. طاحت عينها على فارس اللي كان مشغول بجواله .. طلعت وراحت المطبخ تجهز للعشى .. بعد ما خلصت نادتهم .. كلهم دخلوا المطعم وقعدوا على السفره .. فارس كان آخر واحد .. شاف عمته وراح صوبها مبتسم عشان يسلم عليها .. هيا صدت عنه وقطت عليه كلام جرحه ..
فارس مبتسم: هلا عميمه ..
هيا: بنت العز اللي تكلمها بالتلفون بتفرقنا ..
طالعته بنظره حقد .. فارس ابتسامته البريئه تحولت الى دموع تجمعت بعيونه .. وقف مكانه ولا تحرك .. الكل التفت على فارس بعد ما سمعوا كلام هيا .. عبدالعزيز ما عجبته الحركه من عمته .. حس بجرح اخوه .. وقف جنب فارس وحط يده على كتفه وابتسم ..
عبدالعزيز: بقولك بونايف .. ما عندها اخت تزوجني اياها .. فكره حلوه ترا .. اخوان ماخذين خوات ..
موقف عبدالعزيز هدى فارس شوي ..
فارس مسك اخوه من يده وبكل هدوء طلع من المطعم ..
الجده: حسبي الله ونعم الوكيل .. ولحقت فارس واخوه ..
بومحمد: هاي كلام ينقال يا هيا ..
الجد: انتي ما تستحين على ويهج ..
هيا بعصبيه: دافعوا عنه .. محد بينزل راسنا الارض الا هو مع هالتعبانه اللي بياخذها .. فضحنا ..
الجد: قومي روحي دارج ولا عاد اشوف ويهج ..
هيا طلعت من المطعم وهي معصبه .. فارس وعبدالعزيز طلعوا من بيت جدهم وكل واحد فيهم شايل في خاطره من اللي صار .. الجده ما لحقت عليهم .. كل منهم ركب سيارته وطلعوا بسرعه من البيت .. قعدت الجده على الارض وهي تبكي فارس ..
الجده: يا حسرتي على هالولد يا ناس ..
بومحمد بحزن: قومي يمه الله يهديج ..
الجده: هاذي اختك بكسر راسها .. حسبي الله ونعم الوكيل .. نقصت على الولد ..
بومحمد: قومي يمه نروح داخل .. لا تكدرين نفسج ..
الجده وسط دموعها: يبه شلني ماتحمل اوقف على ريولي ..
بومحمد شل امه و راح داخل .. الجد شاف منظرهم وخاف ..
الجد: شو فيها امك ؟
بومحمد: تعبانه شوي ..
الجد: سمالله عليج .. جيب ماي لامك بسرعه ..
الجده: الله ينشف ريقج يا هيا انتي ومرت اخوج .. حسبي الله ونعم الوكيل ..
الجد: ذكري ربج يا ام محمد ..
الجده: عنبو دارهم .. نقصوا على الولد .. لاهو متنهني في بيتهم .. ولا في بيتنا ..
الجد: ان شاءلله تتيسر ..
الجده: ان شاءالله ..
بومحمد جاب الماي وسقى امه .. الوضع توتر زياده من موقف هيا ..
الجده: لا تقولون لمحمد اللي صار ..
بومحمد والجد: ان شاءالله ..
الجده: حمد يبه توكل بيتك ولا تشل هم ..
بومحمد: ان شاءالله ..
الجد: الله وياك ..
الجده: الله يحفظك ..
سلم عليهم وراح بيته .. طبعا بومحمد وايد كان متضايق من اللي صار .. موقف اخته فالبدايه وبعدين الكلام الجارح اللي قالته لفارس المسكين .. اما فارس وعبدالعزيز طلعوا طيران من بيت جدهم .. راحوا بيت فارس .. عبدالعزيز كان مستغرب من الشقه اول ما دخلها ..


عبدالعزيز: شقة من ذي ؟
فارس: شقتي ..
عبدالعزيز: من متى ؟
فارس: يوم قررت اعرس جهزت نفسي ..
عبدالعزيز " الله ينولك اللي في بالك ياخوي " ..
فارس: شو تشرب ؟
عبدالعزيز: مابي شي .. عمتك غثتني ..
فارس: ما عليك من كلامها .. انا اوريك فيهم كلهم ..
عبدالعزيز: شو فيك متهدد انت ؟
فارس: يصبرون علي بس ..
عبدالعزيز الله يهديك بس ..
فارس: تعال المطبخ خل نسوي لنا شي ..
عبدالعزيز ضحك على اخوه: جوعان ؟
فارس: لا بس خل نشرب شي ..
عبدالعزيز: يلا ..
راحوا المطبخ وضبطوا لهم قهوه .. قعدوا يتقهون ويسولفون فالمطبخ ..
عبدالعزيز: فروس اول مره ادري ان ذوقك جي حلو .. الشقه حلوه وايد ..
فارس: ههههههه .. الله يسلمو محمد ولد عمي ..
عبدالعزيز يحط الفنيال على الطاوله: ليش ؟
فارس: هو اللي منسق ومختار لي كل شي ..
عبدالعزيز: زيدني قهوه فديتك .. بس ماشاءالله عليه ذوقه حلو ..
فارس يصب القهوه لاخوه: والله اول ما خذت الشقه ما فكرت أأثث الا بحضوره ..
عبدالعزيز: بس حلوه الشقه .. ملمومه وعلى قدك ..
فارس: غرفتين نوم و3 حمامات وصاله ومطبخ .. والله خوش ترتيب ..
عبدالعزيز: ان شاءالله نشوف عيالك يتراكضون فيها ..
فارس: ان شاءالله ..
عبدالعزيز: اخوي بقولك ..
فارس: قول فديتك ..
عبدالعزيز: لا تخلي كلام عميمه ولا امي يأثر فيك .. وانا اقولك اني واقف معاك لين آخر المشوار .. ودام انت تبي البنت ما عليك من حد خذها يا فروس دام راحتك معاها هي .. لا تجامل حد ولا تجبر نفسك على شي ..
فارس مبتسم لاخوه: والله طيبت خاطري بكلامك .. وانا ما راح استسلم ..
عبدالعزيز: تمسك فيها بكل ما فيك ..
فارس: والله كلك على بعضك خطير يا بوسعود ..
عبدالعزيز ضحك: ههههه .. عليك سوالف ..
فارس: بس تعرف شو اللي خابف منه ؟
عبدالعزيز باهتمام: شو ؟
فارس: اخاف انها تعافني ..
عبدالعزيز عقد حواجيه: ليش ؟
فارس: لان امك المحترمه ردت عليها ذاك اليوم وهزئتها ..
عبدالعزيز: لا حول ولا قوة الا بالله ..
فارس: وهي ماخذه موقف من ذاك اليوم .. قالت لي وانا اقول ليش طال الموضوع ..
عبدالعزيز؟ الله يهديها الولده بس ..
فارس: خلها على الله ..
عبدالعزيز: اخوي واعرفك .. قدها ..
فارس: ما قصرت ياخوي والله .. لو انت ما كنت معاي هناك كنت تهورت والله .. محد مصبرني على هالهم الا محمد ولد عمي .. بس انت فيك الخير يابوسعود ..
عبدالعزيز: انت ق***ي يا فارس ..
فارس رفع حاجب: هااا .. ليكون غرقان فالحب انت بعد ؟
عبدالعزيز: ههههه .. لا مو غرقان ..
تموا الاخوان يسولفون وفارس كان وايد مبسوط من اخوه ومرتاح حوله .. استأذن عبدالعزيز ورجع البيت .. فارس اتصل بمحمد ..
فارس: يالحب ..
محمد: ايه عليك ..
فارس: شو اخبارك ؟
محمد: تمام .. اعلومك انت ؟
فارس: طيب .. انت وين ؟
محمد: فالبيت ..
فارس: تعال نام عندي الليله ..
محمد: حاضرين يالغلا ..
فارس: احم احم .. والله اني محظوظ ..
محمد: حلاة الواحد ما يمدح جداكم ..
فارس اونه يتدلع: عاااد
محمد بصراخ: ووووع لوعت جبدي .. لاتدلع ..
فارس: ههههههه ..

[رامون]

محمد: سكر لا انجلط الحين ..
فارس: اوريك يا اسود الويه ..
فارس ومحمد: هههههه ..
فارس: انتظرك الغالي ..
محمد: مسافة السكه يا فندم ..
فارس: هههههه .. زين يلا سلام ..
سكر فارس من محمد وهو يضحك عليه .. راح خذ له شور وبعدين اتصل بمناف يسولف معاها .. في هالاثناء خالد ومريم كانوا في شقتهم الصغيره قاعدين يتابعون فلم ومندمجين معاه .. مريم التفت على خالد وهي مبتسمه .. طالعها خالد وابتسم لها ..
مريم: خالد ..
خالد: حياتي ..
مريم: خالد بقولك شي ..
خالد جابل مريم و وطى على صوت التلفزيون .. مسك يدها وباسها ..
خالد: آمريني ..
مريم مبتسمه: ما يآمر عليك العدو .. بقولك شي ..
خالد مبتسم: قولي حبيبتي ..
مريم: خالد مبروك بتستوي ابو قريب ..
خالد بطل عيونه و ابتسم لدرجة ان اسنانه بانت ..
خالد: باستوي ابو ..
مريم هوت راسها: اي حبيبي ..
خالد قام من مكانه وسجد سجود شكر .. تم يحمد ربه .. قام من وضعية السجود وحضن مريم بقوه ..
خالد: الف مبروك حبيبتي ..
مريم: فديت قلبك يا خالد ..
خالد: متى دريتي ؟
مريم: امس ..
خالد: يالظالمه وما قلتي لي الا اليوم ..
مريم: هههههه ..
خالد: تضحكين يالدلوعه ..
مريم: ههههه .. خلاص عاد قلت لك الحين ..
خالد باسها على جبهتها: فديت قلبج يا مريم .. الله يهون عليج ..
مريم: آمين .. بسألك حبيبي ..
خالد مبتسم: سألي فديتج ..
مريم: شو في خاطرك بنت ولا ولد ؟
خالد: انا احب الجنسين .. بس افضل بكري بنت ..
مريم: هممممم .. وليش يعني ؟
خالد: لان البنت حلو ادلعها .. و تعرفين فرحة اول طفل غير ..
مريم: عدل كلامك حبيبي ..
خالد: زين انتي شو خاطرج ؟
مريم: مثلك .. حلاته اول بيبي بنوته ..
خالد: ان شاءالله تؤام ..
مريم: انا لو مثل فطيم عزيز اخوي ..
خالد: ان شاءالله ..
مريم: زين شو بتسمي البنت ؟
خالد: الاسم اللي يعجبج حبيبتي .. انا ماتفرق عندي ..
مريم: هممممم .. زين فكر معاي في اسم حلو ..
خالد: همممم .. شو رايج باسم مشاعل ؟
مريم: مممممم .. لا مب عاجبني ..
خالد: زين شو رايج باسم هاجر ..
مريم مبتسمه: حلو اسم هاجر ..
خالد: والله انتي اللي احلى ..
مريم ضحكت: ههههه .. زين لو جانا ولد شو بنسميه ؟
خالد: زين ليش بس انا اختار ؟ انتي مافي بالج اسم معين ؟
مريم: حاليا لأ .. انت قول يمكن يعجبني اسم ..
خالد مبتسم: ان شاءالله .. زين شو رايج باسم ناصر ؟
مريم: حلو ناصر وغيره ..
خالد: همممم .. تصدقين ان اسم فارس عاجبني ..
مريم: وانا بعد بس فطيم اختي بتسمي فارس ..
خالد: زين واحنا ممنوع نسمي ..
مريم: ههههه .. انا ماحب اكرر الاسامي ..
خالد: اها .. زين شو رايج باسم راكان ؟
مريم: روعه هالاسم ..
خالد: خلاص اول ولد نسميه راكان ..
مريم: حلو .. راكان بن خالد ..
خالد حضن مريم بوناسه .. فرحة خالد ما تنوصف بخبر حمل مريم .. طبعا الخبر انتشر بين الكل .. بومحمد وام محمد كانوا فرحانين بهالخبر الحلو .. ام فارس وبوفارس بعد فرحوا بهالخبر الحلو .. مرت الايام ويبقى الحال على ما هو عليه .. فارس من بعد الموقف اللي صار له في بيت جده ما مر عليهم كلش .. محمد درى باللي صار وانصدم بوفارس امه قالت له .. طبعا بوفارس ما عجبه تصرف هيا اخته .. زعل منها بس ما بين لها شي .. ام فارس ما زالت مصره على موقفها .. الريم في عالم ثاني .. تتعذب عشان فارس .. واللي ذبحها زود لما عرفت ان فارس على علاقة باللي يبي يتزوجها .. الشباب ( علي / فاضل / عبدالعزيز ويوسف ) ما زالوا عايشين حياتهم بالطول والعرض ما بين ساحات الاستعراض .. العزب .. والبحر .. سلمان ما زال مصر على كلامه وحدد مصيره ومصير بنته ريما .. قراره بالهجره عن البلاد فاجأ بنات اخته .. الجوهره عايشه احلى حياة مع ابراهيم وبنتهم لولو .. هنادي حامل وعايشه حياة سعيده مع نواف .. بس هي واختها منصدمين بقرار سلمان .. ريما حبت فاطمه وأسماء بنت بومحمد وايد وقرار ابوها بالهجره وايد مزعجها .. لانها لقت الامان والاستقرار فالبلاد .. ساره زوجة محمد بعد طلاقها من محمد قاعده في بيت اهلها والحزن غلب عليها .. عيالها عندها بس محمد يشوفهم فالاسبوع مرتين ومحمد حالته مو احسن منها .. بس لانه وصل لمرحله ماقدر يصبر فيها على ساره وكلامها الجارح .. جاسم وسلطان واحمد وفهد ما زالوا عايشين حياة العبط والاستعباط .. مناف وامها واخوانها تيار حياتهم ما زال هادئ .. فاطمه ويوسف عايشين احلى ايام حياتهم بفرح وحب و وناسه ..
بعد مرور اسبوع على الاحداث اللي صارت ..
فارس ومناف عصافير الحب عايشين حب مافي مثله رغم كل المصاعب اللي واجهتم واللي يدرون انها بتواجهم فالمستقبل .. فارس ومحمد كانوا قاعدين فالقهوه يشيشون ويشربون شاي ..
فارس: الحمدي ..

[رامون]

محمد: عيونه يا ابوالفوارس ..
فارس: انا قررت اكلم امي وللمره الاخيره .. مثل ما وصتني يدتي ..
محمد مبتسم: متى بتروح تكلم امك ؟
فارس: بكره العصر ..
محمد: مرني بجي معاك ..
فارس بوناسه: والله حمودي .؟
محمد مبتسم: اي بجي معاك وبكلمها .. انت تعرف شكثر امك تغليني ..
فارس: عدل كلامك .. ماتقصر حمودي والله ..
محمد: افا عليك يا ابو الفوارس .. اذا انا ما وقفت معاك .. بوقف مع من .. تستاهل يالغالي ..
فارس بوناسه: ايه عليك يا حمودي .. والله انك رجل والرجال قليل ..
محمد: زين بكم ؟
فارس: ههههه .. احلف انت بس ..
محمد: ههههه .. حبيبي مافي شي فري هالايام ..
فارس ومحمد: ههههههه ..
فارس: زين قوم خل نحرك ..
محمد: تو الناس يا ريال ..
فارس: متصله لي ومارديت عليها ..
محمد بخبث: قول جي ..
فارس: ههههه ..
طلعوا من القهوه وسلموا على بعض .. كل منهم ركب سيارته واتجه في طريقه .. فارس اتصل بمناف وتم يسولف معاها ..
فارس: يا قلبه ..
مناف وهي تلعب بشعرها: هلا حبيبي ..
فارس: خاطري اشوفج ..
مناف: ممممم ..
فارس: عشان خاطري يلا ..
مناف مبتسمه: زين حبيبي .. بس مو الحين ..
فارس: متى عيل ؟
مناف: تو الناس الساعه 8 ونص .. للحين قاعدين ما ناموا ..
فارس: يعني امرج الساعه 11 ؟
مناف: زين ..
فارس: حلو ..
مناف بدلع: فارس ..
فارس: يا قلبه انتي ..
مناف: تجيب لي معاك الكوكتيل اللي جبته لي ذيك المره .؟
فارس: عيوني لج .. انتي تآمرين امر ..
مناف: حياتي والله ..
تم فارس يسولف مع مناف وبعدين راح الحلاق ورجع البيت خذ له شور .. وعلى الساعه 11 طلع من البيت رايح صوب بيت مناف .. اتصل لها اول ما وصل فريجهم .. ردت مناف بوناسه ..
مناف: هلا حبيبي ..
فارس: عمره انتي ..
مناف: وينك ؟
فارس: توني داش فريجكم ..
مناف: اها ..
فارس: يلا طلعي ..
مناف: ان شاءالله ..
طلعت مناف عند الباب .. طلت من الباب وشافت فارس وهو ينزل من السياره ومنزل الكيس معاه .. اول ما قرب صوب باب البيت طلعت له .. لما شافها فارس واقفه عند الباب مشى بخطوات متقاربه وسريعه ناحيتها ..
فارس: وحشتيني يا قلبه ..
مناف منزله راسها: فديتك ..
فارس طلع الكوكتيل من الكيس ومد يدها لها ..
فارس: تفضلي يا اميرة الاميرات ..
مناف مبتسمه: مشكور حياتي ..
فارس: بالعافيه .. شو اخبارج حبيبة قلبي ؟
مناف: الحمدلله ..
فارس: فديت ويهج .. شحلاتج صايره يوم تاكلين وتحافظين على عمرج .. ورده فديت ويهج ..
مناف كانت منزله راسها وما ردت عليه .. فارس قرب منها ومناف بدت تتوتر .. مد يده وحطها على الطوفه وتم يطالع مناف .. مناف تخاف من حركات فارس هاذي ..
فارس بهمس: وحشتي قلبي ..
مناف كانت تتنفس بسرعه ومنزله راسها ..
فارس: ردي علي يا قلبه .. ما وحشتج ؟
مناف هزت راسها بالموافقه بدون ما تتكلم ..
فارس: خلاص ما بقى شي وبنكون حلال لبعض .. تعرفين اول ما املج عليج شو بسوي فيج ؟
مناف بصوت واطي: شبتسوي ؟
فارس: باعض خشمج ..
مناف رفعت راسها وضحكت برقه: هههههه ..
فارس مبتسم: فديت هالضحكه .. بس انتي على بالج اني اتمسخر .. ترا اتكلم جد ..
مناف: ابيه ليش ؟
فارس: كيفي .. زوجتي و خاطري اعض خشمها ..
ماف بدلع: عااااد .
فارس رص على اسنانه بقوه: اموت في دلع ..
مناف عضت شفتها وفارس انتبه للحركه .. تم يطالع شفايفها وقرب منها اكثر .. كان شوي ويحتك جسمه بجسمها مناف رفعت يدها وكأنها بتحط يدها عند صدره .. بس فارس ما قرب اكثر .. لما شاف يدها قرب منا اكثر ويدها لامست صدر فارس .. مناف نزلت يدها بسرعه وحاولت انها ترجع ورا بس مافي مفر .. الطوفه وراها وفارس مجابلها ..
مناف: فارس الله يخليك ابتعد شوي ..
فارس قرب ويهه من ويها: ليش ؟
مناف صدت على يمينها: بس ..

[رامون]

فارس قرب ويهها صوبها وهي صاده: قولي لي ليش ؟
مناف صدت يسار: عاد فارس ..
فارس رجع خطوه: زين خلاص ابتعدت ..
مناف: زين خلاص لازم اروح حبيبي ..
فارس: بدري يا قلبه ..
مناف: بكره بداوم ..
فارس: هممممم .. عذر يعني ..
مناف بدلع: عاااد فارس ..
فارس: يذبحني الدلع .. شكلي باخطفج من الحين ..
مناف مدت بوزها: لا لا لا ..
فارس يقلدها: ليش لا لا لا ؟؟
مناف: لاتعيب علي ..
فارس: ما عيب يا قلبه انتي ..
مناف: لاتعيب ولا بزعل منك ..
فارس: لا يبه كل شي ولا زعلج يالغاليه ..
مناف بخجل: فديت قلبك ..
فارس: زين حياتي .. يلا روحي داخل ..
مناف: ان شاءالله ..
فارس: باتصلج انا اول ما اركب السياره ..
مناف: زين ..
رجع فارس خطوتين ورا وفتح لها الباب .. دخلت وهي مبتسمه .. وقفت عند الباب تبي تسكره ..
فارس: روحي داخل انا بسكر الباب ..
مناف مبتسمه: ان شاءالله ..
مناف عطت فارس ظهرها وراحت داخل .. فارس تم يراقبها لين دخلت داخل .. سكر باب بيتهم وركب السياره .. اتصل بمناف ..
مناف: هلا ..
فارس: حبيبتي شربتي العصير .؟
مناف: لا للحين ..
فارس: ليش حياتي .. شربيه قبل ما يبرد ..
مناف مبتسمه: ان شاءالله ..
تم يسولف معاه لين وصل بيته .. استأذن منها وتركها ترتاح عشان الدوام .. دخل الشقه وهو يفكر في مناف وحياته معاها .. خذ له شور ينعنشه وينشطه.. بعد الشور المنعش .. صلى ركعتين وتم يدعي ربه فيهم .. انسدح على الكرسي وتم يطالع التلفزيون لحد ما غفت عينه ونام ..
يوم جديد يطل على ابطالنا .. نساهم هموم الامس استعداداً لهموم يوم جديد ..
طبعا اليوم هو يوم مهم بالنسبه الفارس .. كانت الساعه 11 ونص .. فارس اتصل بمحمد اللي كان توه طالع من المكتب .. شاف التلفون ورد على فارس وهو مبتسم ..
محمد مبتسم: هلا والله ..
فارس تنهد: آآآه .. هلا حمودي ..
محمد: سمالله عليك من الآه ..
فارس: متوتر والله ..
محمد: ههههه .. بسيطه ان شاءالله ..
فارس مبتسم: ان شاءالله .. زين انت وين الحين؟
محمد: فالبيت ..
فارس: زين متى نمر الوالده؟
محمد: هي موجوده الحين فالبيت ؟
فارس: اي ..
محمد: زين باخذ لي شور سريع وبمرك ..
فارس: لا انا بمرك .. عطني الو اول ما تجهز ..
محمد مبتسم: من عيوني يا عيوني انته ..
فارس: هههههه .. فديت عيونك يا حمودي ..
محمد: سلام حبيب قلبي ..
فارس: سلام الغالي ..
سكر فارس وهو مستانس بس متوتر بنفس الوقت .. اما محمد فكان فرحان لفارس .. دخل خذ له شور .. لبس وتجهز على ماوصل فارس بيتهم .. اتصل فارس بمحمد ومحمد نزل له .. ركب الرنج والتفت على فارس مبتسم ..
محمد: يه يه يه فروسي شهالزين ..
فارس بعبط: احرجتني يا رجل ..
محمد: حلاه عليك والله نت كوووول .. وينها تشوفك جي ..
فارس: اصلا هالكشخه مالت امس ..
محمد: هاااا .. وانا اقول ..
فارس: هههههه .. زين يلا نروح البيت ..
محمد: يلا حرك ..
حركوا من بيت بومحمد متجهين لبيت بوفارس .. دقات قلب فارس تسارعت لما قربوا صوب بيتهم ومحمد لاحظ التوتراللي بان على فارس .. دخلو الحوش وفارس وقف فتره وحس انه من زمان مادخل هالحوش .. محمد ترك فارس على راحته .. تم ساكت وينتظره يبند السياره وينزل .. فارس كان يهيئ نفسه ويفكر .. خذ نفس عميق والتفت على محمد وعلى ويهه ابتسامه خوف .. محمد حس بالتوتر وفارس عور قلبه .. اول مره في حياته يشوف فارس مكسور جي .. واول مره يشوف هالابتسامه على ويهه ..
فارس: يلا حمودي ..
محمد بخوف: توكلنا ..
فتح محمد باب السياره وفارس كان يراقبه .. فارس كان شابك ايدينه ببعض .. حاول انه يبطل ايدينه عن بعض بس ماقدر حس بثقل يدينه .. غمض عيونه بقوه وحط يده على مقبض الباب .. فتح باب السياره ونزل بهدوء .. التفت عليه محمد ..
محمد: ليش ما بندت السياره ؟
فارس سكر باب السياره ومارد عليه .. محمد استغرب من فارس وزاد توتره .. مشوا ثنين متجهين لباب الصاله .. فتح فارس باب الصاله و وقف عند الباب وحس ان بيتهم تغير .. دخل فارس و وراه محمد .. قعد فارس على الكرسي يطالع الصاله وحط يده على صدره .. محمد كان يراقب فارس وخايف عليه ..
فارس: يلا نروح نشوف امي ..
محمد: زين ..
طلعوا من الصاله متجهين فوق صوب غرفة ام فارس .. فارس كان حاس نفسه غريب وسط بيتهم اللي تربي فيه .. كل ماقربوا من غرفة امه بطئ خطواته .. ومحمد كان مخليه على راحته .. قربوا عند غرفة ام فارس .. فارس حط يده على مقبض الباب ولاتحرك .. توه بينزل المقبض .. الا ام فارس تفتح الباب .. تفاجأت باللي واقف جدامها يطالعها بكل برأه .. ام فارس اختلطت مشاعرها لما شافت فارس .. مشاعر الغضب على مشاعر الشوق .. قرب منها فارس بيبوس راسها .. بس ام فارس كابرت وابتعدت عنه .. فارس ما استغرب هالحركه وقف مكانه يطالعها اما محمد تعجب من ام فارس .. واستغرب قسوتها ..
فارس: شحالج يمه ..
ام فارس صاده: الحمدلله ..
محمد: شحالج مرت عمي .؟

[رامون]

ام فارس ابتسمت لمحمد: طيبه الله يسلمك يبه .. اعلومك انت ؟
محمد: طيب والحمدلله ..
ام فارس تتجاهل فارس: اخبار عيالك ؟
محمد: الحمدلله
تموا ساكتين وفارس كان متأثر بقسوة امه وتجاهلها له ..



فارس بدون مقدمات: يمه ابيح تخطبين لي ..
ام فارس: ليكون اخطب لك ست الحسن والدلال ..
فارس بتحدي: اي نعم ست الحسن والدلال ..
ام فارس ماعجبها كلام فارس وطريقته فالرد ..
ام فارس: غيرها بروح اتعنى لها .. لكن هاذي ماتنزل انزل مستواي لهم ..
فارس باستهزاء: اي والله ماتنزل انزل مستواي لهم .. ليش من فاكره نفسج عشان ماتنزلين مستواج لهم ؟
ام فارس بعصبيه: لا والله .. صج انك ماتستحي على ويهك ..
فارس: ليش ماستحي على ويهي ؟
ام فارس: ماتشوف كلامك ..
فارس: شو فيه كلامي ؟
ام فارس: كبر عقلك وخل النفس راضيه ..
فارس: هههههه .. ضحكتيني والله .. اكبر عقلي .. الله يالدنيا .. الحين تبيني اكبر عقلي وانتي ماتنزلين مستواج لهم .. من اللي لازم يكبر عقله ؟
ام فارس: انت ما تستحي على ويهك .. انا ماربيتك عدل ..
فارس: انتي قلتيها .. ما ربيتيني عدل ..
ام فارس اقتهرت من رد فارس .. ومحمد ماتوقع رد فارس ..
محمد: استهدوا بالله يا جماعه .. خلونا نحل الموضوع بهدوء ..
ام فارس: الموضوع حله واضح .. هالبنت ما ياخذها ..
فارس: قد الكلمه انتي ؟
ام فارس: وتهددني بعد ..
فارس: انا ماهددج ..
ام فارس: علي رفجه انك لو خذت هالبنت .. لا انت ولدي ولا انا امك ..
فارس سمع هالكلام من امه واسودت الدنيا جدامه .. بلع ريقه بصعوبه وتكلم ..
فارس: زين زين .. كل شي ولا زعلج يا ام فارس .. دام السالفه فيها حلفان .. ارتاحي وريحي عمري .. غير هالبنت انا مب ماخذ ... وعلي رفجه اني مادخل هالبيت الا و يدي بيد هالبنت .. بس دامج حلفتي يعني مالي مكان فيه ..
ام فارس ومحمد انصدموا من كلام فارس .. محمد دارت فيه الدنيا .. ماتوقع الامور توصل لهدرجه من التعقيد .. ام فارس قرت صدق حب فارس لمناف بعيونه .. اما فارس حبس المه بقلبه .. قرب من امه وباسها على راسها .. نزل راسه وعطاها ظهره ومشى عنها .. ام فارس كانت حاسه ان هالمره هي آخر مره بتشوف فيها فارس .. محمد كان محتار بين ام فارس وفارس .. تم واقف مكانه مو عارف شو يسوي .. التفت على فارس المجروح اللي لملم جروحه وطلع من بيتهم مهزوم .. وطالع ام فارس اللي دموعها ما وقفت من اول خطوى مشاها فارس بعد ما باس راسها .. نزل فارس بتثاقل على الدري وطلع من البيت اللي حلف انه مايدخله الا ويده بيد مناف مشى بخطوات متقاربه وكان متماسك لين وصل عند السياره .. فتح باب السياره وركب السياره وهو مو حاس باللي حوله .. محمد نزل بسرعه ولحق على فارس .. فتح الباب وشاف فارس اللي كانت حالته ماتسر حتى العدو ..
محمد: فارس انزل انا بسوق ..
فارس نزل بكل هدوء من غير ما ينطق بكلمه .. قعد في الكرسي الثاني ومحمد خذ مكانه وحرك .. طلعوا من بيت بوفارس بكل هدوء .. طول الدرب والهدوء كان سيد الموقف .. فارس كان بعالم مافيه الا هو ومناف .. ومحمد خايف على فارس .. خايف انه منصدم وخايف على نفسيته من هالصدمه .. وصلوا الشقه وفارس نزل بكل هدوء من غير ما يكلم محمد .. محمد بند السياره ولحق فارس .. دخلوا الشقه وفارس حذف نفسه على الكرسي وغمض عيونه .. محمد كان يراقبه بخوف .. قرب منه وتحسس جبهته ..
محمد: فروس اجيب لك ماي .؟
فارس هز راسه بالرفض .. محمد كان قلق ويحاتي فارس .. فارس عطى محمد ظهره ونام على طول .. محمد تم عند فارس ولا قدر يتركه .. في نفس الوقت ام فارس ماقدرت تسكت من الصياح .. دخل عليها بوفارس وشاف حالتها وخاف عليها .. اتصل على بناته وتجمعوا كلهم حولها ..
فاطمه بخوف: يمه شو فيج ؟
ام فارس كانت تصيح وماترد على حد .. بو فارس خاف عليها ..
بوفارس: مزنه شو فيج ؟ ليش هالصباح ؟
مريم قربت من امها وحضنتها ..
مريم: عسى ماشر يمه ؟
فاطمه: يمه الله يخليج كليمنا ..
ام فارس تمت تصيح وما كانت قادره تتكلم .. استجمعت قواها وتكلمت ..
ام فارس وسط دموعها: فارس ..
الكل بخوف: شو فيه ؟
ام فارس: راح ولدي راح ..
فاطمه صاحت: يمه فارس شو فيه ؟ ليكون صار عليه شي ..؟
ام فارس: ولدي راح .. راح .. وصاحت بصوت عالي ..
بوفارس: شصاير يا مزنه تكلمي ..
ام فارس ارتمت بحضن مريم وتمت تصيح .. بوفارس مارعف شو يسوي .. فاطمه على طول اتصلت بمحمد ولد عمها .. محمد كان فالشقه مع فارس المنصدم .. رن جواله وشاف رقم فاطمه .. طلع من الصاله وراح المطبخ ..
محمد " الله يستر بس .. شو بقولها الحين ؟ " .. رد وهو متوتر ..
محمد: هلا فاطمه ..
فاطمه تمسح دموعها: فارس اخوي وينه ؟ شو فيه ؟ شصار عليه اخوي ؟
محمد خاف على فاطمه: هدي يا فطيم .. فارس ما عليه شر .. هو عندي الحين ..
فاطمه: خله يكلمني ..
محمد: الحين هو نايم ..

[رامون]

فاطمه وسط دموعها: ليكون اخوي صار فيه شي .. خلني اكلمه الله يخليك ..
محمد: وربي اخوج عندي .. بس نايم وماقدر اقعده من نومه ..
فاطمه: انت وين باجيك ..
محمد: لا تجين ولا شي يا بنت الحلال .. بطمنكم عليه وبخليه يكلمكم اول ما يقعد من النوم ..
فاطمه تصيح بصمت: صار شي بينه وبين امي ؟
محمد تم ساكت فتره ..
محمد بحزن: اي ..
فاطمه: آيه عليك يا خوي .. اخوي ضاع منا خلاص .. محمد الله يخليك ابغي اشوف اخوي ..
محمد: يا فطيم الله يرضى عليج هدي نفسج .. اوعدج انه اول ما يقعد من النوم بخليه يتصل لج ..
فاطمه: الله يخليك يا محمد طمني عليه ..
محمد: ولا يهمج ..
فاطمه براحه: ما تقصر ..
محمد: لا تحاتين بنت عمي افا عليح .. انتي الحين روحي ارتاحي ولا تحاتين فارس ..
فاطمه تمسح دموعها: ان شاءالله ..
محمد: فمان الله ..
فاطمه: مع السلامه ..
سكرت من محمد وتمت تصيح بحزن .. رن جوالها وكان توأمها متصل لها .. فاطمه شافت التلفون وزادت فالصياح ردت على عبدالعزيز وهي تصيح بشكل هستيري .. كانت تتكلم وعبدالعزيز خاف عليها ومافهم منها الا ان فارس فيه شي ..

عبدالعزيز بخوف: سكري الحين جايكم البيت ..
يوسف خاف من ردة فعل عبدالعزيز وطلعوا مع بعض متجهين لبيت بوفارس .. وصلوا وفاطمه كانت في استقبالهم بدوموعها وحزنها ..
فاطمه: الحق على اخوك يا عبدالعزيز ..
عبدالعزيز بخوف: شو صاير ؟ شو فيه فارس ؟
فاطمه: فارس اخوي راح .. فارس ضاع والسبب عناد امي .. فارس ضاع والسبب امي .. امي السبب ..
عبدالعزيز مسك فاطمه من كتوفها و واجها ..
عبدالعزيز: فطيم اهدي شوي وكلميني .. فاطمه ماقدرت تسكت وصاحت زود .. يوسف سحبها من يد عبدالعزيز وقرب منها .. مسح على ويها وكلمها ..
يوسف: حبيبي فطيم شفيكم ؟
فاطمه كانت تشهق من الصياح .. وكان منظرها يعور القلب ..
فاطمه: فارس اخوي كلم امي اليوم ..
عبدالعزيز قرب منها ومسك يدها ..
عبدالعزيز: وبعدين ؟
فاطمه: مادري شو صار بينه وبين امي واعتقد طلع زعلان .. الحين لما دخلنا على امي كانت تصيح وتقول ولدي راح ..
عبدالعزيز: امي وين الحين ؟
فاطمه: فوق ..
عبدالعزيز: وفارس؟
فاطمه: مادري بس مع محمد ولد عمي ..
عبدالعزيز موجه كلامه ليوسف: خلك مع فطيم ولا تتركها .. بروح اشوف الاهل فوق وبرجع ..
يوسف: ان شاءالله ..

[رامون]

عبدالعزيز طلع من الصاله وترك يوسف وفاطمه في احضانه تصيح وهو يهدي فيها .. فاطمه حضنت يوسف بقوه وتمت تصيح .. يوسف تركها تصيح واطلع الحزن اللي فيها وهو حاضنها .. تمت فاطمه تتكلم ويوسف يسمعها ويمسح على راسها .. عبدالعزيز كان ضايع ويفكر باللي يصير حوله .. دخل على امه وكانت حالتها مو احسن من حالة فاطمه اخته .. كانت ام فارس في احضان مريم تصيح وبوفارس ماسك يدها ويهديها .. ومريم حاضنه امها وتصيح ..
عبدالعزيز: شو صاير ؟
محد رد على عبدالعزيز .. عاد كلامه مره ثانيه وبعد محد رد عليه .. تنرفز من هدوء اللي كانوا بالغرفه ..
عبدالعزيز بقسوه: يعني كسرتي بخاطر اخوي .. عشان مستواج وكبريائج ..
بوفارس قام من مكانه وطالع عبدالعزيز باستغراب ..
عبدالعزيز: كلامي عدل صح ..
بوفارس: بوسعود مو وقته هالكلام ..
عبدالعزيز: متى وقته عيل .. ؟ لامي ولا عمتي هيا قصروا في فارس المسكين .. عميمه هيا سمعته كلام يجرح وامي تكابر وتهزئ فيه ..
مريم تركت امها وخذت عبدالعزيز برا الغرفه ..
مريم: شو فيك انت بعد ..
عبدالعزيز: امج سوت اللي براسها .. ليش تصيح ؟
مريم بحزن: احس امي متحسفه ..
عبدالعزيز: شو! متحسفه ؟ ههههههه .. ضحكتيني والله .. يتهيء لج .. عطيها الليله وبكره وبتشوفينها عاديه ولا فيها شي ..
مريم بعصبيه: شو هالكلام اللي تقوله يا عزيز .. هاي امي ..
عبدالعزي: استغفرالله .. بس يا مريم اللي سوته امي مب شوي .. حرمت فارس من فرحته .. وتصيح عليه .. امي تقص على نفسها مو علينا .. الله يسامحها بس .. ولا عمتج هيا اللي صدمتني .. لو ما ستوا الموقف جدامي بقول مستحيل عمتنا الغاليه تقول هالكلام .. لكن ما قول غير حسبي الله ونعم الوكيل ..
عبدالعزيز نزل راسه ومشى عن مريم .. مريم كانت تفكر في كلامه وتفكر في دموع امها وفي فارس ..
مريم " يالله معقوله تكون امي مو مهتمه .. معقوله امي تسوي جي ؟ .. آآه شو بتحمل انا .. هم خالد ولا فارس ولا امي .. لا والحين عزيز يقول ان عميمه هيا جرحت فارس بعد .. يالله " .. تمت مريم تفكر باللي يصير حولها .. حذفت نفسها على الكرسي وغطت ويها بيدينها ..
بيت بوفارس ساده الحزن .. ام فارس تصيح وبوفارس يواسيها .. فاطمه الحزينه عبدالعزيز ويوسف معاها .. مريم تفكر باللي يصير حولها وتعد همومها .. ايمان وجاسم ما كانوا فالبيت .. اتصلت مريم بخالد ..
مريم بحزن: هلا خالد ..
خالد: شو فيج حياتي ؟
مريم: مشاكل هني فالبيت ..
خالد عقد حواجبه: شو صاير ؟
مريم: امي وفارس مختلفين ..
خالد: فارس!
مريم: اي .. عشان موضوع الزواج ..
خالد: شسالفه ؟
مريم: خالد قال لامي انه يبغي يتزوج .. وفي باله وحده ..
خالد: زين ؟
مريم: امي مب راضيه وقالت له من قبل وتهاوش معاها من قبل وطلع من البيت .. واليوم جى مره ثانيه يكلمها والظاهر كبر الموضوع .. آآه حالتنا حاله والله ..
خالد انصدم من كلام مريم ..
خالد: زين سكري خليني اتصله اشوفه ..
مريم: طمني عليه فديتك ..
خالد: ان شاءالله حياتي ..
سكرت مريم من خالد وقلبها على اخوها .. خالد اتصل بمحمد اخوه على طول ..
محمد: هلا خالد ..
خالد: هلا اخوي .. اخبار فارس ؟
محمد تنهد: آآآه .. حالته ما تسر ..
خالد: انت وين ؟
محمد: في شقة فارس ..
خالد باستغراب: شقة فارس!
محمد: اي ..
خالد: من متى فارس عنده شقه ؟
محمد: من زمان ..
خالد: اها .. زين وينها بامركم ..
محمد وصف الشقه لاخوه .. خالد طلع من الشركه ومر عليهم .. وصل عند الشقه وطق الباب .. فتح له محمد الباب واستقبله بحزن .. خالد سلم على اخوه ودخل ..
محمد: تفضل ..
خالد: دام فضلك اخوي .. وين فارس؟
محمد: تعال فارس فالصاله ..
دخل خالد وشاف فارس منسدح على الكرسي ونايم بهدوء ..
خالد: نايم فارس ؟
محمد: اي ..
خالد: شو صاير ؟

[رامون]

محمد وخالد راحوا المطبخ ومحمد قال لاخوه المواجه اللي صارت بين فارس وامه .. وقاله موقف ام فارس الغريب خالد استغرب من كلام اخوه ..
خالد: متأكد من هالكلام ؟
محمد: اقولك مره كلمتني بروحي .. واليوم صار اللي صار جدام عيني ..
خالد: غريبه مرت عمي .. شلون تفكر بهالطريقه ..
محمد: انا منصدم منها ..
خالد: بسألك ..
محمد كان متوقع سؤال اخوه ..
محمد: تفضل ..
خالد: فارس يعرف البنت ؟
محمد: لا مايعرفها ..
خالد: عيل ليش هالحزن والاصرار ؟
محمد: لان مرت عمي كانت قاسيه معاه .. وانت تعرف شلون فارس متواضع وطيب ..
خالد: عدل كلامك .. ان شاءالله مرحله وتعدي ..
محمد " ماعتقد " ..
محمد: ان شاءالله ..
خالد: زين شو هالشقه الزينه .. اكيد انت مأثثها ؟
محمد مبتسم: احم احم .. اي طبعا ..
خالد: ماشاءالله عليك بونايف .. ذوقك وايد حلو ..
محمد: يسلم راسك بوالوليد .. بس يا خالد تحمل بمريم ..
خالد: ليش ؟
محمد: توها حامل بتتعب عليك .. لا تزعل نفسها وايد حاول انك تبعدها عن هالجو المشحون شوي ..
خالد: انشاءالله ما عليها شر .. بحاول اني اشغلها ..
محمد: ان شاءالله ..
خالد: وانت ادرى باللي صاير مؤخرا .. وايد خايف عليها ..
محمد: الله يعينك يا خوي ..
خالد: الحمدلله على كل حال .. زين الحين شو بتسون مع فارس ؟
محمد: خله يقوم من نومته .. ترا هالنومه مخوفتني ..
خالد: مسكين فارس .. ما يستاهل والله .. وبعدين لو انه يعرفها شو المشكله يعني ؟
محمد: ليتهم كلهم يفكرون مثلك .. لا وعميمه هيا ختمتها صح ..
خالد رفع حاجب: شلون ؟
محمد: مب عاجبها الموضوع .. وسمعت فارس كلام ما يسر ..
خالد: افااا ..
محمد: والله شو بيتحمل هالفقير ..
خالد: المشكله تفكير مرت عمي ماله اي منطق .. شلون تقول ان البنت طمعانه بفلوسه ..
محمد: شوف خالد .. فارس عنده خير بس على قده ..
خالد: بالضبط .. والدليل انه داش شراكه معاي في الشركه ..
محمد: يعني اي فلوس اللي تتكلم عنها مرت عمي ..
خالد: تفكيرها غريب ..
محمد: وسالفة المستوى اللي طالعة لنا فيها ..
خالد: هههههه .. والله انها غريبه مرت عمي .. ليكون كانت حاطه عينها على الريم ..
محمد: الريم وايد صغيره على فارس .. ومن بيرضى اصلا .. انا واحد ما راح اوافق ..
خالد: ليش ؟
محمد: من صجك .. يبه البنت توها 16 سنه .. فارس ما ينعاف وتمنيته لها بس لو انها اكبر شوي .. البنت وراها مستقبل وحياه ..
خالد: عدل كلامك ..
محمد: خلها على ربك ..
خالد: زين انا بروح بيت عمي بشوف المدام .. كلمتني وهي متضايقه .. والوضع عندهم هناك مب احسن من الوضع هني ..
محمد: والله لو مرت عمي ما عاندت كان كل هاي ما صار ..
خالد: الله كاتب ان يستوي كل اللي صار واللي يصير بعدين ..
محمد: الحمدلله على كل حال ..
خالد: المهم خل اروح الحين اشوف المدام .. وطمني على فارس لي قعد من النوم ..
محمد بتوتر: ان شاءالله ..
طلعوا من المطبخ طلوا على فارس اللي كان نايم بهدوء .. خالد سلم على محمد وراح بيت عمه .. وصل هناك وشاف سيارة ابوه موجوده .. دخل وراح على طول غرفة مريم .. شافها قاعده على السرير وتصيح بصمت .. قرب منها وحضنها بحنان ..
خالد: ليش هالدموع حبيبتي ؟
مريم: فارس اخوي ..
خالد مسح دموعها: اخوج ما عليه شر .. توني شايفه ..
مريم: والله .. شو اخباره ؟
خالد: زعلان شوي بس متماسك .. " استغفر الله "
مريم: الحمدلله ..
خالد: تطمني فديتج .. وان شاءالله بتنحل ..
مريم: ان شاءالله ..
خالد: عاد حبيبتي لا تزعلين نفسج .. انتي حامل ولازم نفسيتج تكون مرتاحه ..

[رامون]

مريم: شاسوي يا خالد .. لو تشوف حالة امي المسكينه .. وفارس اللي معور قلبي فديته ..
خالد مبتسم: ان شاءالله فارس يتزوج اللي يبيها وامج اللي بتخطبها له بعد ..
مريم: ان شاءالله ..
فاطمه كانت مع يوسف فالميلس وحالتها حاله .. عبدالعزيز طلع عنهم وراح بيت جده ..
يوسف: قومي نروح البيت حبيبتي ..
فاطمه: ماقدر اترك البيت جي ..
يوسف: ماعليهم شر .. عمج موجود وابوج ..
فاطمه: لا مابي اروح ..
يوسف: زين على راحتج .. بس طليتج ..
فاطمه: تم حبيبي ..
يوسف رفع شعرها عن ويها: لا تصيحين .. مابي اشوف دموعج يالغلا ..
فاطمه مبتسمه: ان شاءالله ..
يوسف ابتسم لها: زين تسوين لي عصير من ايدينج الحلوات ؟
فاطمه: من عيوني حبيبي ..
يوسف: بارك الله فيج ..
طلعت فاطمه من الميلس رايحه المطبخ تسوي لزوجها العصير .. يوسف كان وايد متضايق من اللي صاير عندهم وزعلان على حزن فاطمه حبيبته .. رن جواله وكان سلمان متصل له ..
يوسف: السلام عليكم ..
سلمان: عليكم السلام هلا والله .. شحالك ؟
يوسف: الحمدلله .. اخبارك خالي ؟
سلمان: طيب الله يسلمك .. انت وين ؟
يوسف: بيت اهلى المدام ..
سلمان: بتتغدون هناك ؟
يوسف: يمكن .. ليش في شي ؟
سلمان: لا مابي اشغلك الحين .. بس لي فضيت اتصلي ابيك بموضوع ..
يوسف باستغراب: ان شاءالله .. " اكيد موضوع السفر " ..
سلمان: زين عيل اخليك الحين ..
يوسف: الله وياك ..
سلمان سكر من يوسف وكان يطالع ريما بنته اللي نامت في حضنه ودموعها على خدها ..
سلمان " والله مو بيدي اللي يصير .. ان شاءالله هالقرار يريح الكل وما يزعل حد مني " ..
شل ريما وحطها على السرير وغطاها عدل .. اتصل بالجوهره ..
الجوهره: هلا خالي ..
سلمان: شلونج فديتج ؟
الجوهره: الحمدلله .. اخبارك انت ؟
سلمان: طيب .. شخبار ابراهيم ولولو فديتها ؟
الجوهره مبتسمه: طيبين الحمدلله ..
سلمان: مب طالعه مكان اليوم ؟
الجوهره: ماعتقد ..
سلمان: زين بلغي اختج اني بجيكم اليوم .. ويوسف بعد بيجي ابيكم بموضوع ..
الجوهره بحزن: موضوع السفر خالي ؟
سلمان تنهد: آآآه .. والله يا جوجو محتار ..
الجوهره: خالي انت شاللي خلاك تفكر فالسفر ؟
سلمان: لقيت لي فرصة عمل هناك .. وبعدين ريما بتكون قريبه من خالتها ..
الجوهره: واحنا وين رحنا يا خالي ..
سلمان " نفس كلام يوسف ": انتوا فيكم الخير والبركه ..
الجوهره: عيل ليش تبي تهاجر يا خالي .. حد مضايقك ؟
سلمان " آآه لو تدرين باللي في قلبي بس " ..
سلمان: محد مضايقني .. بس من تجي له فرصة عمل حلوه ويرفضها ..
الجوهره: خالي والله هاي مب عذر .. وانت فاهم قصدي .. اعتقد اللي مريت فيه من قبل كفايه .. شوف شكثر انحرمت من بنتك يا خالي ..
سلمان: لاتعورين قلبي زود ..
الجوهره: يا خالي فكر عدل .. زين انت استخرت قبل ما تتخذ هالقرار ؟
سلمان: لا والله ..
الجوهره: عط نفسك فرصه واستخير وفكر زود ..
سلمان: ان شاءالله ..
الجوهره: زين تعالوا اليوم عندي ..
سلمان مبتسم: ان شاءالله .. يلا يبه ما طول عليج ..
الجوهره: الله وياك خالي ..
سكر سلمان من الجوهره وتم يفكر في كلامها ..
سلمان " انا ليش ما استخرت " ..
قام توضى وصلى صلاة استخاره ونام جنب بنته ..
طبعا نرجع لفارس ومشكلته مع امه بخصوص مناف .. عبدالعزيز اول ما بلغ جدته الجده راحت على طول بيت بوفارس .. دخلت وهي معصبه وتصرخ ..
الجده: وينها امك روح نادها لي بسرعه ..
عبدالعزيز: زين بناديها يدتي .. بس هدي انتي ..
الجده: وش اهدي .. الولد بيروح من يدنا والسبب امك ..
الجد: روح ناد امك وابوك بعد ..
عبدالعزيز: ان شاءالله ..
دخلت ايمان وكانت توها راجعه من المدرسه .. استغربت وجود الجد والجده فالصاله .. سلمت عليهم ..
ايمان: بتغدون هني ؟
الجده: بنتغدى قهر .. حسبي الله على امج ..
ايمان: ابيه شو صاير ؟
الجده: سألي امج العاقله ..
الجد: يبه روحي غرفتج ..
ايمان: ان شاءالله ..
وهي طالعه غرفتها شافت امها تمسح دموعها وهي نازله الدري مع ابوها .. خافت على امها وركضت صوبها ..
ايمان: ماما شو فيج ؟
بوفارس: مافيها شي .. روحي غرفتج فديتج ..

[رامون]

ايما بخوف: لا ابي ماما ..
بوفارس: الله يرضى عليج روحي غرفتج ..
ايمان حضنت امها: لا ..
عبدالعزيز: سمعي الكلام وفكينا ..
سحبها عبدالعزيز ودخلها الغرفه وطلع عنها .. ايمان كانت خايفه على امها .. بدلت ملابسها وطلعت من الغرفه رايحه تحت عندهم .. شافها ابوها
ايمان: بابا شو فيكم ؟
بوفارس حضنها: مافينا شي ان شاءالله .. تعالي تغدي فديتج ..
ايمان: مابي ..
صاحت ايمان وحضنت ابوها ..
بوفارس: فديتج روحج لا تصيحين ..
ايمان: ليش ماما تصيح .. من هاوشها ؟
بوفارس: امج اختلفت مع فارس اخوج شوي ..
ايمان بعصبيه: كله عشان اللي يكلمها .. انا اكره فارس اكرهه ..
بوفارس: عيب هالكلام يبه .. هاي اخوج ..
ايمان: ليش يزعل امي ويصيحها ..
بوفارس: ما زعلها .. امج متضايقه شوي ..
ايمان: والله لو فارس خذ هالبنت باكرهه ولا بكلمه طول عمري ..
ركضت ايمان وراحت غرفتها .. بوفارس كان متنرفز من كلامها بس مسك نفسه لانه في وضع ما يسمح له يتنرفز زياده .. تركها تروح غرفتها وراح الصاله عندهم .. وقف عند البا متكتف ويسمع بكل هدوء .. دخلت هيا اللي طلعت من الشغل وعلى طول راحت بيت بوفارس ..
هيا: السلام عليكم .. شو صاير خوفتوني ..
الجده: تعالي شوفي مرت اخوج ..
بومحمد: يا جماعه هدوا الموضوع شوي ..
هيا: شو فيج يا مزنه ؟
مزنه وسط دموعها: فارس ولدي راح ..
هيا حطت يدها على صدرها: شو صار فيه ؟
الجده: تعافس مع امه اليوم وترك لها البيت ..
مزنه بعصبيه: كله عشان هاللي ما تستحي على ويها .. اللي ما تربت عدل ..
هيا: حسبي الله عليها .. الله لا يوفقها ..
بوفارس بصراخ: بس ولا كلمه .. لا تدعون على بنت الناس ..
هيا: وليش ادافع ؟
بوفارس بغضب: فارس بيتزوج مناف سعتوا .. نهاية هالاسبوع امي بتروح تخطبها .. واللي حلف ما يسلم على فارس ولا يكلمه ترا مب مجبور ..
طلع من الصاله بكل هدوء وراح غرفته .. اتصل بمحمد ولد اخوه ..
محمد" هاي عمي .. خير ان شاءالله "
محمد: هلا عمي ..
بوفارس : شلونك يبه ؟
محمد: الحمدلله .. شلون الوضع فالبيت ؟
بوفارس: يدتك هني حاشرتنا .. وعمتك وابوك .. ما ناقص الا الجيران يجون بعد ..
محمد: الله يصلحهم ان شاءالله ..
بوفارس: ان شاءالله .. شو اخبار اخوك ؟
محمد: والله من طلعنا من بيتكم حط راسه ونام ..
بوفارس بخوف: حركه شوفه يتنفس ولا لأ ..
محمد بخوف: لا تخوفني عمي .. بروحي على اعصابي وخايف عليه ..
بوفارس: روح شوفه .. قعده ..
محمد: ان شاءالله ..
محمد راح صوب فارس وحركه ..
محمد: فارس .. فروس ..
بوفارس: ها قعد ؟
محمد: لأ ..
محمد قعد فارس مره ثانيه وهزه ..
محمد: فروس قوم ..
فارس بتعب: ابي انام ..
محمد وبفارس تنفسوا براحه ..
محمد: زين قوم جوالك يرن ..
فارس: لاتكذب ما سمعه ..
محمد: هههههه .. زين قوم تمللت بروحي ..
فارس: روح جيب لي اكل جوعان ..
محمد مبتسم بطمأنينه: ان شاءالله ..
طلع من الصاله وكلم عمه ..
محمد: سمعته بأذنك ..
بوفارس: الحمدلله .. زين قوله اليوم الساعه 10 فالليل بتقابل معاه فالشركه ..
محمد بعبط: ما يصير آجي ..
بوفارس: خلك مكانك انت ..
محمد: هههههه قطعتني عمي ..
بوفارس: يلا سلام ..
محمد: الله وياك ..
سكر محمد وراح الصاله عند فارس .. نط عليه وشد شعره .. فارس دزه وضحك ..
محمد: اعرف انك مب نايم ..
فارس: ههاااااااي ..
محمد: شو فيك ميت من الضحك ؟
فارس: ردة فعل ..
محمد: زين قوم نروح نتغدى برا ؟
فارس: مالي خلق اطلع مطعم .. خل نجيب غدانا هني ..

[رامون]

محمد: تحت امرك احنا ..
فارس: محد قدي ..
طلعوا من الشقه راحواجابوا لهم غدا ورجعوا الشقه تغدوا .. تموا يسولفون وهم يغسلون الصحون..
محمد: فروس ..
فارس وهو ينشف الصحن: هلا حمودي ..
محمد: ردة فعلك غريبه ..
فارس: احس صادني تبلد من ردود فعل امي ..
محمد: ههههه .. حلوه ذي صادك تبلد ..
فارس: هههه. شو اسوي يعني .. يبه البنت باخذها ان شاءالله ..
محمد: ان شاءالله ..
بعد ما خلصوا غسيلهم كل واحد فيهم حذف نفسه على كرسي وناموا طبعا فارس نام من التعب .. اما محمد فكان يفكر في فارس وايد .. شغل التلفزيون وتم يقلب القنوات .. فجأه التفت على فارس بخوف .. سمعه يون بحزن وهو نايم .. تم يطالعه بحزن ويتفكر فيه .. فارس كل شوي كان يون وهو نايم محمد ماقدر يستحمل الحزن بونته .. طلع من الصاله وراح المطبخ تم قاعد بروحه .. اول ما أذن العصر راح قعد فارس ونزلوا يصلون .. طبعا محمد ما قال لفارس انه سمعه يون .. كتم هالموضوع بينه وبين نفسه .. بس كان وايد حزين على فارس ..
في بيت الجوهره .. سلمان ويوسف وهنادي كانوا متجمعين يناقشون موضوع سلمان ..
هنادي: والله حرام عليك يا خالي .. ماصدقنا رجعت لنا .. وبنتك مرتاحه هني وماراح ترتاح باي مكان ثاني ..
الجوهره: خالي شو اللي مضايقك ؟
سلمان: مو متضايق من شي .. بس قلت لكم لقيت فرصة عمل احسن ..
يوسف: اسمحلي يا خالي .. بس انا مو مقتنع ..
الجوهره: خالي استخرت ؟
سلمان: اي ..
الجوهره: زين شو اللي حسيت فيه ؟
سلمان: والله ماكذب عليكم .. بس مارتحت ..
هنادي ابتسمت .. الجوهره حست بالراحه .. اما يوسف صفق من الوناسه ..
سلمان: هههههه .. والله بستخير مره ثانيه .. بس في حالة اني بعد ما حسيت براحه عندي قرار ثاني ..
الكل: شنو ؟
سلمان: احتمال اطلع بيت بروحي ..
الكل طالعه باستغراب ..
........................
يتبع

[رامون]

هنادي: ليش خالي ؟
يوسف: مضايقك وجود زوجتي فالبيت ؟
سلمان: لا مو مضايقني .. شهالكلام يا يوسف .. بس تقدر تقول مقيدني ومقيدها هي بعد .. هي توها عروس واحسها مو ماخذه راحتها فالبيت .. دوم لافه هالشيله ..
يوسف: لا غلطان يا خالي .. هي من كثر ما تنزل تحت .. كل قعدتنا فوق .. وحتى ريما تجي تقعد معانا .. الا ماخذه راحتها بالعكس ..
سلمان: لا انا بشوف لي بيت صغيرون على قدي انا وبنوتي .. لين اشتري لي ارض وابني عليها ..
يوسف: لا ماله داعي هالكلام يا خالي ..
الجوهره: انا عندي اقتراح حلو وبيعجبكم ..
هنادي: قولي ..
الجوهره: شرايكم نشتري 4 اراضي جنب بعض .. ونبني عليها 4 فلل .. ونكون كلنا في مكان واحد ..
يوسف: فكره معقوله ..
هنادي: انا بكلم نواف واكيد مب قايل لأ ..
الجوهره: وانا بعد لي كلمت ابراهيم بيوافق ..
يوسف: ما بقى الا نسمع رايك يا خالي ..
هنادي: عاد مالك عذر ..
سلمان مبتسم: زين وانا موافق ..
هنادي: ياااااي ..
الكل ضحك على عفوية هنادي ..
يوسف حس ان سلمان خاله بيغير رايه .. وحل جوجو كان حلو .. تعشوا كلهم مع بعض .. يوسف استأذن عشان يمر على زوجته في بيت اهلها .. طلع من بيت اخته وكله شوق لحب حياته فطومته .. وصل بيت بوفارس ونزل .. دخل الميلس ولقى خالد وعبدالعزيز قاعدين يسولفون .. التفتوا عليه وابتسموا .. سلموا على بعض وقعدوا يسولفون شوي .. يوسف طلب من عبدالعزيز انه ينادي فاطمه عشلن يروحون البيت .. فاطمه لبست عبايتها وطلعت فالحوش صوب الميلس .. يوسف طلع لما انتبها لوجودها برا .. مشى ناحيتها ومسك يدها .. أشر لها صوب الصيص اللي عند باب الميلس ..
يوسف: تذكرين هالمكان ؟
فاطمه طالعته بخجل وابتسمت: وشلون انسى هالمكان .. ولو
يوسف: لازم نسوي نصب تذكاري هني ..
فاطمه حطت يدها على حلجها وضحكت بنعومه ..
يوسف يتغزل فيها: اموت في ضحتج ..
فاطمه: فديت قلبك ..
يوسف: يلا حبيبتي مشينا ؟
فاطمه: يلا حبيبي ..
اتجهوا لبيتهم ويوسف يحاول قد ما يقدر انه يخفف على فاطمه حزنها وهمها .. فاطمه تهدى نفسها لما يكون يوسف حولها ويكلمها ..
الساعه 10 بالضبط .. محمد وصل فارس عند الشركه وراح يتمشى لين يتصل له فارس بعد ما يخلص كلامه مع ابوه .. تم فالمكتب ينتظر ابوه .. دخل بوفارس الياعه 10 و خمس دقايق ..
بوفارس: شلونك يبه ؟
فارس مبتسم: الحمدلله .. اعلومك انت ؟
بوفارس: طيب ..
فارس: شو تشرب ؟
بوفارس: شاي احمر ..
فارس اتصل بالفراش وطلب له ولابوه شاي احمر .. بوفارس اعتدل في قعدته ودخل بالموضوع ..
بوفارس: فارس يبه نهاية هالاسبوع تلكم فاطمه وتقولها الاهل جاين بيتكم .. يدتك وفاطمه اختك بيمرون عليهم ..
فارس طالع ابوه وابتسم: والله يبه ..
بوفارس مبتسم: اي يبه ..
فارس بوتاسه: جزاك الله خير يبه .. بس امي ؟
بوفارس رفع حاجب: شو فيها ؟
فارس: تعرف هي شو قالت لي اليوم ؟
بوفارس باهتمام: شو ؟
فارس: احلفت اني لو خذت هالبنت بتتبرى مني ..
بوفارس: هههههه .. ما عليك منها .. امك قلبها طيب ترا .. وانت تعرف معزتك عندها .. بتزعل بس مردها بترضى
فارس: بس خايف تجرح في بنت الناس ..
بوفارس: انت ابتعد لين تهدى الامور ..
فارس: ان شاءالله ..
بوفارس: خلك في شقتك ..
فارس انحرج: شدراك عنها ؟
بوفارس: انا اعرف كل شي ..
فارس نزل راسه: احم ..
بوفارس: هههههه ..
فارس: زين يبه بسألك ؟
بوفارس: قول يبه ..
فارس: انت مسمي فاطمه اختي عليها ؟
بوفارس: ههههه .. ليكون على بالك كنت واقع في غرامها ..
فارس وبوفارس: هههههه
فارس: شكلك جي ..

[رامون]

بوفارس: ههههه .. ما سميت فاطمه عليها .. بس انا حاب الاسم ..
فارس: اها ..
بوفارس: زين لا تنسى تبلغهم عن يدتك واختك ..
فارس: بس اي يوم بالضبط يبه ؟
بوفارس: خلها يوم الاربعاء ..
فارس مبتسم: ان شاءالله ..
بوفارس: ما قصرت على الشاي يبه .. انا اترخص الحين .. وانت شد حيلك ..
فارس مبتسم: ان شاءالله ..
طلعوا مع بعض عند باب الشركه .. بوفارس ركب سيارته وفارس انتظر محمد يمر ياخذه .. مر محمد على فارس وشاف الفرحه بعيون فارس ..
محمد: بشر ؟
فارس: خلاص بنتقدم لهم رسمي ..
محمد بوناسه: احلى خبر ..
فارس: فديت ابوي والله ..
محمد: اي والله فديت عمي .. صج مثله هالابو ينشد فيه الظهر ..
فارس: الحمدلله على كل حال ..
محمد: اكيد بتعزمني على شيشه على ذوقك ..
فارس: ماسمعك مافي ارسال و صوتك يقطع ..
محمد: ههههه .. يالعبيط .. زين خلاص انا بعزمك ..
فارس: خلاص كسرت خاطري بعزمك ..
محمد: غصبن عنك بتعزمني ..
فارس ومحمد: هههههه ..
احتفلوا الشباب فالشيشه مع سلمان .. وكانوا مبسوطين ..
بوفارس رجع البيت وهو مرهق وتعبان .. دخل الغرفه ولقى ام فارس قاعده اطالع التلفزيون .. اول ما شافته دخلت غرفتهم وسكرت الباب .. بوفارس وقف مكانه ورفع حاجب .. تم يفكر شوي .. وبعدين دخل الغرفه فتح الكبت وخذ له جلابية النوم وطلع .. راح غرفة الجسمي ونام عنده .. ام فارس عصبت على حركة بوفارس .. قام بوفارس قبل أذان الفجر وكعادته قعد كل اللي فالبيت للصلاة .. راحوا الشباب المسيد والحريم صلوا فالبيت .. رجعوا الشباب من المسيد وكملوا نومهم الا بوفارس اللي تم قاعد فالصاله ويفكر .. الساعه 5 ونص ام فارس نزلت المطبخ تجهز الريوق .. شافت بوفارس قاعد فالصاله وكان سرحان .. حست بالغيره بس صدت عنه وكملت شغلها ..
الساعه 9 ونص بوفارس متصل لبنته الغاليه فاطمه ..
فاطمه: صباح الخير بابا ..
بوفارس مبتسم: صباحج نور ياغاليه .. شحالج ؟
فاطمه: طيبه .. اخبارك انت ؟
بوفارس: طيب والحمدلله ..
فاطمه: شو سر هالاتصال الحلو من الصبح ؟
بوفارس: ههههه .. فديتج رقيقه .. تبين تقولين شتبي بس جبتيها بطريقه انثويه حلوه ..
فاطمه: لا بابا ..
بوفارس تم يضحك على بنته ويلعوزها ..
بوفارس: زين سمعي يا بنتي ..
فاطمه باهتمام: هلا بابا ..
بوفارس: يوم الاربعاء يدتج بتروح تخطب حق فارس اخوج ..
فاطمه بوناسه: والله ..
بوفارس: ان شاءالله ..
فاطمه: يستاهل فديته ..
بوفارس: ابيج تروحين معاها ..
فاطمه: ان شاءالله فديت قلبك ..
بوفارس: عفيه على بنتي والله ..
فاطمه: الساعه كم بنزورهم ؟
بوفارس: بعد المغربيات ان شاءالله ..
فاطمه: زين من بيتصل يبلغهم ان احنا بنزورهم ؟
بوفارس: والله انج سنعه يا فطيم ..
فاطمه استانست على مدح ابوها لها ..
بوفارس: يدتج بتبلغهم ..
فاطمه: خلاص يوم الاربعاء بخلي يوسف يوديني بيت يدي العصر .. بصلي المغرب عندهم وبطلع من يدتي ..
بوفارس: ترا عمج هو اللي بيوصلكم ..
فاطمه: مب فارس؟
بوفارس: فارس بيركب معاه يوصف له البيت ..
فاطمه: زين ..
بوفارس: بارك الله فيج يا فطيم .. عسى الله يوفقج وين ما تروحين .. ويرزقج الذريه الصاله قولي آمين ..
فاطمه خنقتها العبره: آمين ..
بوفارس: فديت روحج .. يلا يبه اخلج مع اشغالج وديري بالج على نفسج ..
فاطمه: ان شاءالله ..
سكرت فاطمه من ابوها وراحت الكفتريا وشافت مناف .. أشرت لها من بعيد وسلموا على بعض بحراره ..
فاطمه حضنت مناف: الحمدلله على السلامه حبيبتي ..
مناف: الله يسلمج فديتج ..
فاطمه: ليش جي ضعفانه مناف ؟
مناف تضحك: اسوي رجيم ..
فاطمه ومناف: ههههههه ..
فاطمه: تعالي نقعد نسولف .. والله لج وحشه يالدبه .. آخر مره شفتج فيها يوم عرسي ..
مناف: بس شهالحلاه .. العرس يسوي جي ..
فاطمه بخجل: هههههه .. عيونج الحلوات ..
مناف: اخبارج يا فطومه ..
فاطمه: الحمدلله ..

[رامون]

مناف: ها مافي شي بالطريق ..؟
فاطمه بدلع: لا تو الناس ..
مناف: عيني بعينج ..
فاطمه ضحكت: ههههه .. لا والله مافي شي ..
مناف: هههههه ..
فاطمه: مريم اختي حامل ..
مناف بوناسه: والله .. الف الف مبروك .. تستاهل والله يهون عليها .. وعقبال عروسنا ..
فاطمه: الله يبارك فيج حبيبتي .. وعقبال ما نشوفج انتي عروس يا مناف .. وان شاءالله نفرح فيج ..
مناف: الله يسلمج حبيبتي ..
فاطمه: تصدقين مناف .. عندي احساس قوي ان بنفرح فيج قريب ..
مناف تسارعت دقات قلبها " فديت قلبك يا فارس "
فاطمه: واحس قريب قريب بنفرح فيج ..
مناف بخجل: شاللي خلاج تقولين هالكلام ؟
فاطمه: مادري .. من اول ما طاحت عيني عليج اليوم وقلبي يقولي هالكلام ..
مناف: فديت قلبج يا فطومه ..
تموا يسولفون وجاتهم مريم بعد ما خلصت محاضرتها .. انضمت لهم وسلمت على مناف ومناف بارك لها بحملها
في نفس اليوم الساعه 5 فارس رايح صوب بيت مناف .. اتصل بفيصل ..


فارس: السلام عليكم ..
فيصل: عليكم السلام .. هلا فارس ..
فارس: شلونك يبه ؟
فيصل: طيب والحمدلله .. اخبارك انت يا فارس ؟
فارس: تمام .. عبود شو اخباره ؟
فيصل: طيب .. قاعد يجهز للمسابقه ..
فارس: والله ..
فيصل: اي كل يوم امي تحفظه ..
فارس: ما شاءالله عليه .. متى المسابقه ؟
فيصل: بعد 3 شهور ..
فارس: عيني عليه بارده .. الله يوفقه ان شاءالله ..
فيصل: ان شاءالله ..
فارس: بقولك امك موجوده فالبيت ؟
فيصل: اي موجوده ..
فارس: انا قربت بيتكم فديتك .. بس اذا ما عليها امر قولها ابي اكلمها عند الباب ..
فيصل: ان شاءالله ..
فارس: يلا يبه انا عند البيت ..
فيصل: زين ..
سكر فيصل وراح بلغ امه ان فارس يبي يكلمها عند الباب .. ام مناف استغربت لبست عبايتها وراحت عند الباب .. فارس اول ما شافها نزل من السياره ..
فارس: السلام عليكم يمه ..
ام مناف: عليكم السلام يبه ..
فارس: شو اخباركم ؟
ام مناف: الحمدلله طيبين .. اعلومك يالاجودي .؟
فارس مبتسم: طيب الله يسلمج .. شو اخبار بنتج؟ عساها احسن الحين ؟
ام مناف: اي الحمدلله .. الفضل لرب العالمين ثم لك يا ولد الحلال ..
فارس: ما سوينا الا الواجب ..
ام مناف: جزاك الله خير ..
فجأه عبدالله دز امه وطلع يركض صوب فارس ونط عليه وحضنه .. فارس استقبله فالاحضان وابتسامته ما فارقت شفاهه ..
فارس: هلا والله ..
عبدالله: هههااااااي .. شلونك ؟
فارس: ههههه .. طيب اخبارك انت ؟
عبدالله: طيب ..
فارس تم شايل عبدالله يوم طلع له فيصل يسلم عليه .. ام مناف كانت تشوف فارس وتتفكر في ملامحه لانه وايد يشبه ابوه .. طبعا هي عرفت من يكون ابوه .. وشافت حب فارس وعطفه على عيالها .. فارس التفت على ام ناف مبتسم ..
فارس: يمه حبيت ابلغج ان الاهل بيزورونكم يوم الاربعاء ان شاءالله ..
ام مناف حست بفرحه كبيره من سمعت كلام فارس ..
ام مناف: حياهم الله ..
فارس: الله يحيج يمه .. بس حبيت ابلغج .. والله يوفقنا ان شاءالله ..
ام مناف فهمت قصد فارس .. ابتسمت ونزلت راسها ..
ام مناف: الله يقدم اللي فيه الخير ..
استأذنت ام مناف ودخلت داخل .. فيصل كان مستانس لانه فهم كلام فارس .. عرف انهم بيتقدمون لاخته .. اما عبدالله ما يدري بالدنيا .. اما فارس تم مع فيصل و عبدالله يسولف عند الباب .. فجأه شاف مناف تمشي من بعيد .. شاف ساعته وكانت الساعه 5 ونص ..
فارس " فديتني توقيتي خطير " ..
عبدالله اول ما شاف مناف ركض صوبها وهو فرحان .. وفيصل راح وراه .. اما فارس فكان يراقب مناف بوناسه .. حضنت عبدالله وسلمت على فيصل .. قربت من صوب البيت وكانت تمشي بتوتر ناحية فارس .. مرت صوب الباب وهي منزله راسها وماسكه يد عبدالله وفيصل يمشي محاذيها وشايل كتبها ..
فارس مبتسم: السلام عليكم ..

[رامون]

مناف منزلها راسها وبهمس ردت: عليكم السلام ..
دخلت البيت وكانت متوتره .. ومستغربه وجود فارس عندهم من غير ما يقولها شي .. فيصل حط كتب مناف ورجع عند فارس .. تم معاه لين أذن المغرب ..
فارس: ناد اخوك خل نروح المسيد ..
فيصل: ان شاءالله ..
ركض فيصل داخل نادا على اخوه وراحوا المسيد مع فارس .. مناف تمت بحيره وتبي تعرف سر وجود فارس عندهم من غير ما يقولها .. فارس والشباب طلعوا من المسيد وسلموا على بعض .. تركهم فارس ورجع البيت .. وهو فالطريق اتصل بمناف ..
فارس: حياته ..
مناف: هلا حبيبي ..
فارس: شو اخبارج ؟
مناف: الحمدلله .. اخبارك انت ؟
فارس: طيب ..
مناف: شعندك اليوم مع الشباب ؟
فارس: ولا شي .. مار اسلم واسأل ..
مناف: تسأل عن ايش ..
فارس: ههههه .. ابيه شفيج متوتره ؟
مناف بدلع: مو متوتره .. بس غريبه جيتك من غير ما تقولي ..
فارس: انا آسف يا اميرة الاميرات .. نسيت اقولج ..
مناف بدلع: عاااد قولي ..
فارس: فديت قلبها دلوعتي .. تغديتي ؟
مناف: لا للحين ..
فارس: شو تنتظرين يعني ؟
مناف: الحين الغدا مو موضوعنا .. قولي شعندك جاينا اليوم ؟
فارس يستعبط عليها: جاي ابكي على الاطلال ..
مناف: فااااارس ..
فارس: خلاص باموت من هالدلع .. صدقيني برجع بيتكم وباخطفج من اهلج ..
مناف سكتت .. كانت منحرجه من كلام فارس ..
فارس: ههههه .. بسألج حبيبتي ..
مناف: قول فديتك ..
فارس: امج ما قالت لج شي ؟
مناف باستغراب: شي !!
فارس: اي ..
مناف: لا ما قالت لي شي ..
فارس: زين تغديتي حياتي ؟
مناف: لا للحين ..
فارس: زين حبيبة قلبه قومي تغدي وكلميني بعدين ..
مناف بعفويه: فارس حيرتني ..
فارس: يا ناس هالبنت اموت فيها .. وبصراخ .. اموووووت فيها والله ..
مناف: يا مينون ..
فارس: جننتيني انتي .. زين ليش حيرتج حبيبي ؟
مناف: اول شي ما قلت لي ليش جاي ؟ و بعدين تقولي امج ما قالت لج شي وتغير الموضوع .. فارس ليش تسوي جي عاد ..
فارس: هههههه .. حبيبة قلبه انتي .. وباستعباط .. لي كبرتي بتعرفين ..
مناف بدلع: ماحبك ..
فارس: لا لا .. كل شي ولا زعللج انتي ..
مناف: خلاص بسكر ..
فارس مبتسم: حياتي ما تسكرين وانتي زعلانه ..
مناف: الا زعلانه منك وماحبك ..
فارس: لا باموت جي .. ترا بدش فالطوفه ..
مناف: لا فديتك كل شي ولا تضر نفسك ..
فارس بوناسه: عمري انتي والله ..
مناف عضت شفتها: فديتك ..
فارس: حياته .. روحي تغدي وارتاحي شوي وبعدين كلميني ..
مناف: ان شاءالله ..
فارس يلعوزها: واذا امج قالت لج شي .. قولي لي ..
مناف: عااااد ..
فارس: هههههه ..
تم يضحك معاها ويلعوزها .. سكر منها وراح المكتب عند خالد .. دخل عليه وهو مبتسم ..
خالد: يه شو هالنور ..
فارس: النور بوجهك يا بوليد ..
خالد وهو يسلم على فارس: شحالك ولد عمي ؟
فارس: الحمدلله ..
قعدوا مواجهين بعض وتموا يسولفون ..
خالد: اخبار النفسيه ؟
فارس: والله هذا احنا ..
خالد: بسيطه ان شاءالله ..
فارس: ربك بيعين ..
خالد: ان شاءالله ..
فارس: ليش للحين ما رحت البيت ؟
خالد: صليت لمغرب وجيت المكتب ..
فارس: يعطيك العافيه ..

[رامون]

خالد مبتسم: صج انت جارنا ..
فارس: هههههه .. اي نعم
خالد: من متى يالشيطان ؟
فارس: ههههه .. من زمان ..
خالد: بس خوش اثاث والله ..
فارس: بركات اخوك ..
خالد: سلامي عليه بونايف ..
فارس: ما قصر والله .. قام فارس من مكانه .. يلا عيل استأذن الحين .. بروح اكمل شغلي عشان اقفل على كل شي قبل نهاية الاسبوع ..
خالد: اعطيك شوي تكمل لي ..
فارس مبتسم: عيوني لك يالشريك ..
خالد: ما تقصر ولد عمي ..
طلع فارس من مكتب خالد وراح مكتبه يخلص شغله وشغل خالد .. كان يشتغل بنشاط وحيويه ..
في بيت مناف .. مناف كانت تتغدى وامها قاعده معاها .. عبدالله وفيصل كانوا يلعبون كوره فالحوش ..
ام مناف: مناف ..
مناف وهي تبلع لقمتها: هلا يمه ..
ام مناف: في ناس جاين يزورونا يوم الاربعاء ..
مناف رفعت راسها: ها .. من هذول ؟
ام مناف خذت نفس: اهل فارس ..
مناف بلعت ريقها بصعوبه و صار ويها احمر .. نفضت يدها فالسفره وبعدتها عنها ..
ام مناف: كملي غداج يمه ..
مناف: لا بس شبعت .. الحمدلله ..
ام مناف: كدرج الموضوع ؟
مناف: لا يمه .. بس ..
قاطعتها امها: لي متى بتمين جي يمه .. ابغي اشوفج عروس .. ابغي افرح فيج .. ابغي اشوف عيالج يلعبون حولي
مناف باحراج: يمه مو هاي قصدي .. بس وترني الموضوع .. وخصوصا ان فارس دوم يروح ويجي علينا .. ما فكرت في يوم انه بيتقدم لي او حتى يطالعني ..
ام مناف بحزن: فاهمه عليج فديتج .. انا الغلطانه ..
مناف بخوف: ليش يمه ؟
ام مناف: تذكرين يوم قلت لج لا تفكرين انه بياخذج .. كنت غلطانه وادري جرحتج ..
مناف صاحت: لا يمه ما جرحتيني .. انتي وعيتيني ..
ام مناف: يا بنتي انتي استخيري .. والله يقدم اللي فيه الخير ..
مناف: ان شاءالله ..
مناف باست امها .. راحت تغسل يدها ودخلت غرفتها .. شافت النلفون وقرت مسج من فارس .. وكان المسج كالتالي ..
(( عرفتي الموضوع حياتي ؟ ابي اعرف ردة فعلج ))
مناف قرت المسج وضحكت .. ردت عليه بمسج ..
(( عرفت الموضوع .. ومن الخرعه ما كملت غداي ))
فارس قرى المسج وضحك .. رد عليها بمسج ..
(( فديت قلبج انتي .. اول ما املج عليج كل يوم بخليج تطبخين لي غداي ))
مناف قرت المسج وماتت من الضحك .. ردت عليه بمسج ..
(( عيوني لك .. انت تآمر أمر حبيبي ))
فارس قرى المسج وطار من الفرحه .. اتصل بمناف وماردت عليه .. طرشت له مسج ..
(( ابيه استحي ارد عليك ))
فارس قرى المسج " فديت اللي تستحي والله اموت فيها " .. رد عليها بمسج ..
(( انا بانتظر اتصالج زين يا قلبه ))
مناف قرت المسج وحست بالراحه .. قررت انها تتصل له بعد ما يخف توترها .. فارس ومناف فرحتهم ما تنوصف اخيرا بيجتمعون مع بعض بالحلال .. فارس كمل شغله بالمكتب .. اما مناف انسدحت على السرير وغمضت عيونها وهي مبتسمه .. كانت تفكر في مستقبلها مع فارس ..
مرت الايام بالنسبه لفارس مثل العقود .. كان ينتظر يوم الاربعاء .. اما مناف فمرت الايام بالنسبه لها مثل البرق .. كانت متوتره من لقائها بأهل فارس من بعد اللي صار ..

[رامون]

اليوم الاربعاء .. الساعه 12 الظهر بتوقيت ( نهاية حبك إعدامي ) .. فاطمه فالجامعه مع مناف ولطيفه ..
فاطمه بوناسه: اليوم عندي موعد مهم ..
لطيفه: شو هالموعد ؟
فاطمه: هممممم .. سر ماقول لاحد ..
مناف: زين عاد لمحي لنا ؟؟
فاطمه: بعد سر ..
لطيفه: زين انا ومناف بعد عندنا موعد اليوم .. صح مناف ..
غمزت لطيفه لمناف ..
مناف: اي صح عندنا موعد مهم وايد ..
لطيفه: حتى اهم من موعدج ..
فاطمه بدلع: اخاف عندكم موعد مهم بس ..
الكل: ههههههه ..
لطيفه: لا صج فطوم شو هالموعد ؟
فاطمه: يوم الاحد بقولكم عنه ..
مناف: شمعنى يوم الاحد ؟
فاطمه: لان يوم الاحد بتعرفون ..
لطيفه: عليج حركات يا فطوم ..
الكل: هههههه ..
لطيفه: مناف شو فيج ؟
مناف: انا ؟
لطيفه: اي .. منخطف لونج ..
فاطمه: باين عليج التوتر ..
لطيفه: امورج تمام فالبيت ؟
مناف مبتسمه: مافيني شي الحمدلله ..
رن جوال فاطمه ويوسف كان متصل لها .. كان ينتظرها عند الباب ..
فاطمه: هلا ..
يوسف: حبيبتي انا عند الباب ..
فاطمه: الحين نازله ..
يوسف: انتظرج حياتي ..
فاطمه: ان شاءالله ..
فاطمه سكرت وقامت من مكانها ..
لطيفه: بتروحين ؟
فاطمه: اي يوسف عند الباب .. تآمروني على شي بنات ؟
لطيفه: لا تسلمين حبيبتي ..
مناف مبتسمه: تسلمين حبيبتي ..
فاطمه لبست عبايتها وسلمت على البنات .. تموا مناف ولطيفه يسولفون انضمت لهم مريم ..
مريم: السلام عليكم يا بنات ..
مناف ولطيفه: عليكم السلام ..
مريم: شلونكم ؟
مناف: الحمدلله .. اخبارج انتي ؟
مريم: تمام ..
لطيفه: شلونج مع الحمل ؟
مريم: والله لايعه جبدي .. اف كله ارجع ..
لطيفه: هههههه .. بعدج ما شفتي شي ..
مريم: ابيه بعد في اكثر من جي .. يا ويلي ..
مناف كانت حاطه يدها تحت خدها وتسمع الكلام بذهول .. التفتت عليها لطيفه ..
لطيفه: الدور جايج يا عروسه ..
مناف: ابيه سوالفكم تخوف ..
مريم: هههههه ..
لطيفه: سهالات .. كل هالامور بتنسينها في لمح البصر ..
مناف بخوف: والله !
مريم ولطيفه شافوا نظرة البرائه فعيون مناف ..
لطيفه: ايه عليج يا مناف .. تجنين والله ..
مناف ابتسمت بخجل: فديت قلبج ..
مريم: الساعه كم محاضرتج مناف ؟
مناف طالعة ساعتها: الساعه 2 ونص ..
مريم: آخر محاضره اليوم ؟
مناف: اي ..
لطيفه: انا باقي لي محاضرتين ..
مناف: الله يعينج .. متى آخر محاضره ؟
لطيفه الساعه 4 تبدى وتخلص 5 وربع ..
مريم ومناف: الله يعينج ..
لطيفه: معليه باستحمل .. الكورس الجاي باعتذر ..
مناف: ليش ؟
لطيفه: ما تشوفين بطني ..
مناف ومريم: هههههه ..
مناف: والله ناسيه ..
لطيفه: حليلج يا منوفه .. ان شاءالله نشوفج جايه وبطنج جدامج ..
مريم مبتسمه: ان شاءالله ..
لطيفه: لو عندي اخو زوجتج اياه ..
مناف انحرجت ونزلت راسها " غير فارس ما راح ارضى اتزوج " ..
طالعت ساعتها ولمت كتبها وقامت ..
مناف: يلا بنات انا بروح محاضرتي ..
لطيفه مبتسمه: الله وياج ..
مريم: موفقه حبيبتي ..

[رامون]

راحت مناف المحاضره وهي متوتره .. دخلت المحاضره وشافت الدكتور حامد قاعد بروحه فالقاعه .. مناف من الاحراج والتوتر اللي حست فيهم من كلام لطيفه استأذنت منهم .. فكان دخولها لقاعة المحاضره قبل الوقت بوايد .. كانت الساعه 2 وربع والمحاضره 2 ونص ..
مريم ولطيفه ضحكوا على خجل مناف ..
مريم: لطوف احرجتي البنت ..
لطيفه: هههههه .. والله هالبنت تجنن .. بس والله لو عندي اخو كانت خطبتها له ..
مريم: حليلها والله .. تستاهل هالبنت ..
لطيفه: زين ماشاءالله اخوانج ولا واحد فيهم عرس .. شوفيها حق فارس المزيون ولا عزوز اخوج المقلوع توأم فطيم ..
مريم: بصراحه يا لطيفه .. انا وفطيم فكرنا في مناف ..
لطيفه عقدت حواجبها: شلون ؟
مريم: فكرنا نخطبها لفارس اخوي ..
لطيفه: والله .. زين شو قال اخوج المزيون ؟
مريم: يتحجج انه ما يفكر فالعرس .. وكل ما كلمناه بالموضوع يتهرب ..
لطيفه: زين يمكن ما يبي يتزوج الحين .. بس بطب واقفه اللي بتاخذ اخوج المزيون ..
مريم: هههههه .. عليج سوالف يا لطوف ..
لطيفه: صج اخوج غرشوب .. بس عشان اكون حقانيه اكثر ..
مريم حطت يدها تحت خدها: اي ..
لطيفه: ريلج اللي ما عليه زود عن اخوج المزيون ..
مريم: بس هاي اللي كنت ابي اوصل له ..
مريم ولطيفه: هههههه ..
لطيفه: اخوج اللي ميزه حيويته وخفة دمه .. اما خالد ريلج ثقيل ..
مريم: احم احم .. لازم حبيبتي ..
لطيفه: خفي علينا انتي والغرشوب ريلج ..
مريم: هههههه ..
تموا البنات يسولفون وبعدين لطيفه اتجهت لقاعة المحاضره ومريم راحت البيت .. نرجع لمناف اللي دخلت القاعه والدكتور حامد قاعد ويقرى كتاب .. كانوا في تقربا 4 بنات متوزعات فالقاعه .. دخلت بهدوء بس الدكتور حامد رفع راسه وطالعها .. مناف توترت ونزلت راسها .. قعدت على الطاوله وطلعت كتابها وتمت شاغلها نفسها بالكتاب الدكتور كان يطالعها بشوق .. بعد مرور 20 دقيقه القاعه امتلت بالطالبات .. مناف حست بالراحه لما امتلت القاعه وقف الدكتور وقام ينادي البنات وياخذ الحضور والغياب .. لما وصل عند اسم مناف رفع راسها وناداها .. مناف انحرجت وردت بصوت واطي .. تم يطالعها وبعدل كمل باقي الاسماء وبدى المحاضره .. وطول الوقت وهو عينه على مناف اللي كانت شوي وتصرخ من حركات الدكتور .. انتهى وقت المحاضره الطالبات ومن ضمنهم مناف شلوا كتبهم واتجهوا طالعين من المحاضره .. الدكتور نادا على مناف من بينهم ..
الدكتور حامد: لو سمحتي مناف ..
مناف بتوتر: نعم دكتور ..
الدكتور حامد مبتسم: الله يوفقج في حياتج يا مناف ..
مناف طالعته باستغراب وماعرفت بشو ترد عليه ..
الدكتور حامد مبتسم: شدي حيلج هالكورس ..
مناف ويها صار احمر: ان شاءالله دكتور ..
مشت من جدامه بسرعه وطلعت من القاعه وهي مستغربه من كلام الدكتور ..
مناف " شيقصد بكلامه؟ " ..
راحت الكفتريا وتمت تفكر في كلام الدكتور حامد .. تمت فالكفتريا بروحها لين الساعه 4 الا ربع .. شلت اغراضها وراحت صوب مواقف الباصات .. ركبت الباص وكل تفكيرها باللي بيصير اليوم .. بدى العد التنازلي لمناف وفارس طبعا ام فارس والباقي مايدرون عن فاطمه والجده .. فاطمه تغدت مع يوسف فالبيت وريحت شوي .. و على الساعه 4 طلعت رايحه بيت يدها .. نزلها يوسف وراح بيت بوفارس حق عبدالعزيز .. دخلت فاطمه وسلمت على يدها ويدتها وعمها بومحمد اللي كان موجود ..
فاطمه: شلونك عمي ؟
بومحمد مبتسم: الحمدلله طيب .. اخبارج يا عروستنا ..
فاطمه بخجل: الحمدلله ..
الجد: شو اخباره ريلج المزيون ؟
فاطمه: طيب والحمدلله ..
الجد: ليش مانزل ..؟
فاطمه: عنده شغل مع عزيز اخوي ..
الجد عقد حواجبه: اي شغل ؟؟
فاطمه: هههههه .. مادري ..
الجد: من وراي يا عزوز ..
الجده: خلك عنك عزوز ..
الجد "حشى تسمع كل شي هاذي ": ان شاءالله ..
بومحمد: امي من تسمع طاري عزيز وابوي تجيها اعصاب ..
الجده: ليش هم مقصرين ..
الجد: في شو مقصرين ؟
الجده: انا بروح اجيب القهوه ابرك لي من سوالفك ..
الجد: والله حاله .. تقط كلامها وتشرد ..
فاطمه وبومحمد طالعوا بعض وتموا يضحكون .. تموا قاعدين يسولفون وتقهووا لين وصل فارس على الساعه 5 دخل عليهم وهو مبتسم وابوه وراه ..

[رامون]

فارس وبوفارس: السلام عليكم ..
الكل: عليكم السلام ..
سلموا على بعض وقعدوا .. فاطمه قربت من ابوها ..
فاطمه بهمس: بابا ..
بوفارس مبتسم: عيونه انتي ..
فاطمه: هممممم .. ما تحس ان احنا مسوين هاي بالخش .. محد يدري ..
بوفارس مبتسم: يا بنتي انا ما يهمني من يدري .. واعتقد انا قلت ذاك اليوم ان فارس بياخذ اللي يبيها ..
فاطمه: بس انا حاسه بالذنب .. يعني نسوي هالشي من ورا امي ..
بوفارس: اتصلي لها الحين وقولي لها رايحين نخطب حق فارس ..
فاطمه بخوف: لا بابا مو هاي قصدي .. بس احس مو حلوه في حقها نسوي هالشي كأن ماما مالها حشيمه ..
بوفارس: الا امج لها حشيمه وعلى راسي بعد .. بس هي رافضه شي وانا موافق عليه .. انا اقدر اكبر الموضوع واخلي الكل يدري واعاند .. بس مابي احط امج بموقف مب حلو ..
فاطمه: بس بابا اللي نسويه الحين بيحط ماما في موقف مب حلو .. بتتفاجأ اني رايحه مع يدتي نخطب حق فارس وبعدين الكل يدري بالموضوع .. الكل يعرف ان ماما مب راضيه على زواج فارس من البنت اللي يكلمها ..
بوفارس: شوفي سواء اخوج يكلمها او لأ .. دام هو اختارها هو يتحمل نتيجة اختياره .. وهالكلام انا قايله لامج ..
فاطمه: اللي تشوفه بابا ..
بوفارس حضن فاطمه وباسها على راسها .. أذن المغرب والشباب راحوا المسيد يصلون .. اما فاطمه ويدتها صلوا فالبيت .. بعد الصلاه فارس وبومحمد كل منهم ركب سياره .. اليده وفاطمه ركبوا مع بومحمد .. ولحقوا فارس اللي طلع قبلهم عشان يدليهم البيت ..
الجده: توكلنا على الله .. شوي شوي يا حمد ..
بومحمد: ان شاءالله يمه ..
الجده: اتصل حق هالمطيور فروس قوله يخف ..
بومحمد مبتسم: ان شاءالله ..
اتصل بومحمد لفارس وطلب منه يخفف شوي .. فارس ضحك على يدته .. خفف وتم يمشي على راحته .. دخلوا منطقة بيت مناف المقطوعه .. كانت الجده مستغربه من المكان ..
الجده: ويه وين بيتهم ؟
بومحمد: الظاهر البيوت اللي هناك ..
الجده: حشى هالبيوت مافيها حياة .. خرابه
فاطمه تذكرت هالمكان .. تذكرت لما فارس جابها من سنه تقريبا على هالمنطقه المقطوعه ..
بومحمد: الظاهر بيتها واحد منهالبيوت ..
الجده: الحمدلله على كل حال ..
بومحمد: الله المستعان ..
في بيت مناف .. ام مناف جهزت الشاي والقهوه .. وفاله على قدهم .. لبست وتجهزت عشان تستقبل ضيوفها .. اما مناف فكانت في حاله لا تحسد عليها .. كانت منسدحه على السرير وتنتفض من الخوف والتوتر .. كل شوي رفت يدها وتشوف النفضه اللي فيها .. كانت ميته من الخوف والمواجهه ..
فارس وبومحمد دخلوا بين البيوت وسط الظلمه .. فيصل وعبدالله كانوا لابسين ثياب وكاشخين بالغتر .. كانوا فالصاله مع امهم ينتظرون الضيوف .. وصل فارس عند بيت مناف واتصل بفيصل .. عبدالله سبق فيصل .. لانه اول ما سمع تلفون فيصل يرن عرف ان فارس عند الباب .. طلع وركض صوب فارس وهو ماسك غترته فارس اول ما شاف عبدالله نزل من السياره وحضنه .. بومحمد و فاطمه استغربوا من فارس .. الجده طبعا ما تشوف عدل فالليل فما كانت منتبه لفارس ولا عبدالله .. طلع فيصل وسلم على فارس .. بومحمد وقف السياره جنب رنج فارس الاسود فاطمه فتحت الباب ونزلت .. وراحت صوب يدتها وساعدتها تنزل .. مشوا ثنتينهم صوب البيت .. الجده شافت اخوان مناف وسلمت عليهم ..
الجده: شسمك ابوي ؟
فيصل: فيصل ..
الجده: بارك الله فيك .. التفت على عبدالله وباسته على خده .. وانت شو اسمك ؟
عبدالله مبتسم: عبدالله ..
الجده: والنعم .. فديت خشمك انته .. " شكله مب غريب علي " ..
طبعا فاطمه عرفت عبدالله وفيصل تذكرت انهم اللي جابهم فارس العزبه .. سلماو عليها وكانت مبسوطه من ذرابتهم .. وسلموا على بومحمد اللي بعد عرفهم وكان مبسوط عليهم ..
فيصل: تفضلوا ..
الجده: بارك الله فيك ..

[رامون]

دخلت الجده وفاطمه وراها .. كانت تشوف البيت وقلبها معورها على اهله .. ام مناف طلعت من الصاله واستقبلتهم
ام مناف: يا هلا ومسهلا .. حيالله من جانا ..
الجده: هلا ومرحبا .. فجأه الجده سكتت .. فاطمه ..
ام مناف: ام محمد ..
فاطمه " ام مناف!!! " ..
الحريم الثلاثه وقفوا مكانهم وكلن في باله ملاين الاسأله .. ام مناف شافت فاطمه واستغربت ..
ام مناف: فاطمه .. هلا يمه ..
فاطمه: هلا خالتي .. شلونج ؟
ام مناف: الحمدلله طيبين .. تفضلوا ..
الجده: دام فضلج يافطيم .. طول عمرج تعرفين السنع .. بنت ناس ..
ام مناف: ما عليج زود يا ام محمد ..
فاطمه " يدتي وام مناف شعرفهم ببعض ؟ وليش احنا في بيت مناف ؟ ليكون مناف اللي يحبها فارس .. ليكون هي المسكينه اللي ردت عليها امي ذاك اليوم .. لالالا .. شو قاعد يصير حولي "
الجده: والله دنيا فرقتنا وجمعتنا ..
ام مناف: الحمدلله على كل حال ..
الجده: اي والله الحمدلله على كل حال ..
ام مناف: محمد شخباره ؟
الجده: طيب والحمدلله .. هاذي فطيم بنته ..
ام مناف: ماشاءالله ..
قامت ام مناف تفاول الحريم ..
الجده: ماشاءالله على عيالج .. ريايل الله يحفظهم ..
ام مناف: الله يسلمج ..
الجده: الصغير شو اسمه ..
ام مناف: عبدالله ..
الجده: اي عبدالله ماشاءالله وايد يشبهج ..
ام مناف: فديته عبود .. هيا شخبارها ؟
الجده: طيبه الحمدلله ..
ام مناف: حمد و مرته ؟
الجده: والله حمد ماشاءالله ولده الكبير محمد الحين عنده ولدين ..
ام مناف: ماشاءالله ..
الجده: خواتج شو اخبارهم ؟
ام مناف: الحمدلله ..
الجده: كم عندج ؟
ام مناف: عندي بنت .. و ولدين .. و واحد مات العام ..
الجده بحزن: ليكون اللي عمره 4 سنين ؟
ام مناف خنقتها العبره: اي ..
فاطمه " مساكين " ..
الجده حبت تغير الموضوع لانها شافت الحزن بعيون ام مناف ..
الجده: يا فطيم تعرفين احنا ليش جاين .. نبغي بنتج حق ولدنا .. و بصراحه نبي نشوف البنت وناخذ رايها ..
ام مناف: ان شاءالله .. والله يكتب اللي فيه الخير ..
الجده: ان شاءالله ..
ام مناف: بروح اناديها ..
الجده: خذي راحتج ..
طلعت ام مناف وراحت صوب غرفة بنتها .. فاطمه على طول طلت في ويه يدتها ..
فاطمه: يدتي من هاذي ؟ شلون تعرفينها ؟
الجده: صبري علي يا بنت .. هاذي ابوج كان مالج عليها قبل امج ..
فاطمه بطلت عليونها: ها .. بس انا اعرفها واعرف بنتها .. هذول حضروا عرسي .. ما شفتيهم ؟
الجده: لا والله ما شفتهم .. تعرفيني ماشوف عدل انا .. بس شلون تعرفين بنتها ؟
فاطمه: معاي فالجامعه ..
الجده: الدنيا تجمع وتفرق ..
دخلت ام مناف وهي مبتسمه .. الجده وفاططمه ابتسموا لها وكانوا ينتظرون دخول مناف وراها .. بس مناف تاخرت شوي بالغرفه ..
ام مناف: الحين جايه البنت ..
تموا شوي ودخلت عليهم مناف .. فاطمه اول ما شافتها على طول حضنتها ..
فاطمه: مناف ..
مناف رفعت راسها وشافت فاطمه .. حست بالاحراج ..
مناف " فارس اخو فاطمه؟ " مناف تلخبطت الامور عليها .. سلمت على فاطمه ويدتها .. قعدت جنب امها وبعدين طلعت عنهم ..
الجده: تبارك الرحمن يا فاطمه .. بنتج مب احلى منج .. عيني عليها بارده ..
ام مناف: حلاة دنياج ..
الجده: زين احنا نترخص الحين .. و خلي البنت تفكر وتاخذ راحتها .. وردي علي انا .. هذا رقمي فالورقه وانا انتظر اتصالج يبه .. ولاتجبرينها يا فطيم .. لو ما بغت لا تستحين تتصلين ..
ام مناف: ان شاءالله يا ام محمد ..
الجده وفاطمه قاموا وسلموا على ام مناف .. استأذنوا و وصلتهم ام مناف لين باب الحوش ورجعت داخل .. فيصل وعبدالله اللي كانوا ماخذين راحتهم مع بومحمد وفارس اول ما شافوا الحريم سكتوا ..

[رامون]

فارس طالعهم مبتسم: يلا مشينا ؟
فاطمه اطالع اخوها: اي مشينا ..
فارس حس ان ورا كلامها سالفه طويله .. التفت على عمه ..
فارس: عمي ..
بومحمد: هلا يبه ..
فارس: انت توكل مع يدتي .. انا بوصل فطيم ..
بومحمد: اللي تشوفه ..
فاطمه بهمس: شيطان .. تقرى افكاري ..
الجده: فطيم مب جايه ؟
فاطمه: برجع مع فارس اخوي ..
الجده: زين يمه .. تحمل على اختك يالمينون ..
عبدالله: هههاااااي ..
الكل التفت على عبدالله .. كلهم ضحكوا عليه ..
بومحمد: حليله هالصغير .. ونيس الله يحفظه ..
الجده و ولدها ركبوا مع بعض وراحوا البيت .. فارس ودع عبدالله وفيصل وراح مع فاطمه اخته .. ركبوا الرنج الاسود وطلعوا من صوب بيت مناف متجهين للشارع الرئيسي ..
فارس: يلا اختي هاتي ما عندج ..
فاطمه: اول قولي تعرف البنت ؟
فارس ضحك: هههههه .. لا ماعرفها ..
فاطمه: فارس فديتك انا من زمان شاكه فيك ..
فارس: ولين ..
فاطمه وفارس: ههههههه
فاطمه: بقولك شي زين ..
فارس: قولي اختي ..
فاطمه: تذكر لما فاتحناك بموضوع الزواج انا مرايم .؟
فارس عقد حواجيه: اي اتذكر ..
فاطمه بدلع: عاد انت كنت تتهرب ولا عطتنا فرصه حتى ..
فارس: ههههه .. زين ..
فاطمه: تدري اني انا ومريم كنا نبي نخطب لك هالبنت ..
فارس بطل عيونه والتفت على فاطمه: احلفي ..
فاطمه: والله ..
فارس بذهول: انتوا شو عرفكم فيها ؟
فاطمه: معانا فالجامعه .. واصلا من اولم اتعرفنا عليها حبيناها وايد .. وقررنا نخطبها لك .. بس انت الله يهديك ما عطتنا فرصه ..
فارس: اكيد انتوا مغلطين .. شو اسمها البنت ؟
فاطمه: لا مو مغلطين .. اسمها مناف .. اسمها وايد مميز ..
فارس: اي والله .. فديتها
فاطمه مبتسمه: ها .. الا فديتها ..
فارس وفاطمه: هههههه
فاطمه: حتى انا استغربت انك ما قلت اسها يوم كلمت امي عنها اول مره .. قلت لها بنت فلان الفلاني بس ..
فارس: خبرج مابي ابين حق الوالده اني اعرفها ..
فاطمه: هههههه .. حركات اخوي ..
فارس: لازم تمويه شوي ..
فاطمه: شيطان اخوي عليك حركات ..
فارس مشتط: زين شو رايج فيها ؟
فاطمه: هالملاك ما تنعاف .. وانااقولك تمسك فيها تراها تستاهل كل اللي تسويه عشانها ..
فارس حط يده على قلبه: آيه عليها ..
فاطمه طالعة اخوها وكانت فرحانه له وايد ..
فاطمه: الله ينولك اللي في بالك ياخوي ..
فارس: ان شاءالله ..
فاطمه: زين ممكن سؤال فارس ؟
فارس "اعرف السؤال .. شلون تعرفت عليها؟ "
فارس: سألي ..
فاطمه: شلون تعرفت عليها ؟
فارس: تعرفت عليها ..
فاطمه: اهااا .. يعني يا فاطمه مابي اقولج ..
فارس: ههههه .. ماشاءالله عليج اختي .. تفهمينها وهي طايره ..
رن جوال فارس وكان محمد المتصل ..
فارس: عيوني وقلبي وحياتي وروحي انته ..
فاطمه طالعت اخوها وهي ميته من الضحك .. عرفت ان محمد المتصل ..
محمد: فديت روحك يا روحي وحياتي وكلي انته ..
فارس: شلونك حمودي ..
محمد: طيب .. اخبارك فروسي ؟
فارس: نشكر الله ..
محمد: ها شلون النفسيه .؟
فارس: عال العال ..
محمد: ان شاءالله دوم .. انت وين طال عمرك ؟
فارس: انا مع الاهل ..
محمد: حدد اي اهل فيهم ؟ زوجتك ولا امك ولا اختك ولا من ؟
فارس: الله يسمع منك ان شاءالله ؟
محمد: هههههه .. ان شاءالله ..
فارس: بوصل فطيم بيت ريلها وبمرك ..
محمد: لا تتأخر يا قلبي .. ترا بديت اشتاق لك ..
فارس: انا من الحين ذبحني الشوق ..
محمد: يا قلبي عليك ..
فارس: جايك طيران .. يلا سلام ..
محمد: الله وياك ..

[رامون]

سكر محمد وكان مستانس لفرحة فارس .. فارس التفت على فاطمه مبتسم ..
فارس: الحين يوم عرفتي ان مناف كلمتني .. شو رايج فيها ؟ طاحت من عينج ؟
فاطمه: شوف يا فارس .. اناماقول انها طاحت من عيني .. بس انصدمت وفي نفس الوقت فرحت .. لاني تمنيتها لك من اول ما شفتها .. بس الله يعينا على امي .. ومناف تكسر الخاطر وايد طيبه .. وكفايه اللي مرت فيه ..
فارس عقد حواجيه: شو قصدج ؟
فاطمه: يعني وضعهم .. و موت اخوها الصغير من سنه تقريبا ..
فارس: اقولج شي فطيم بس يتم بيني وبينج ..
فاطمه باهتمام: قول فديتك ..
فارس وقف السياره على طرف الطريق .. التفت على فاطمه والحزن بعيونه .. فاطمه طالعت اخوها وخافت عليه ..
فاطمه: شو فيك فارس ؟
فارس: اخو مناف مات بين ايديني ..
فاطمه شهقت بخوف وحطت يدها على حلجها من الصدمه ..
فاطمه:ابيه شلون ؟
فارس غطى ويهه بيدينه وتكلم بحزن ..
فارس: طرت فيه على الطواري نص الليل .. واول ما وصلت المستشفى شقه وطلعت روحه قبل ما اعطيه الممرضه .. تخيلي انه كان يعاني من جفاف من سوء التغذيه .. تدرين انهم كانوا عايشين على الماي .. يسدون جوعهم بالماي .. آآآآه ..
فاطمه كانت تحاول تحبس دموعها بس ماقدرت .. وايد تأثرت بكلام اخوها ..
فارس: هم كانوا عايشين على قدهم قبل ما يتوفى ابوهم .. بس من 4 سنين تقريبا تغير الحال .. تخيلي انها كانت تاكل نص الكرواسون والباقي تجيبه لاخوانها ..
فاطمه وسط دموعها: يالله .. مساكين ..
فارس: انا كنت افكر انها تبالغ .. بس يوم شفت بيتهم والوضع اللي هم فيه انصدمت .. لو تشوفين الفرحه بعيون اخوانها لما وديتهم المجمع اخذ لهم ملابس .. يالله يا فطيم .. كنت شوي واصيح على حالهم .. تخيلي موديهم المجمع وكانوا لابسين ثياب قصيره .. ونعلهم صغرت عليهم ..
فاطمه تترجى اخوها: الله يخليك خلاص يا فارس ..
فارس مسك يد فاطمه: فديت قلبج اسمحي لي كدرتج .. انا آسف ..
فاطمه: فديت قلبك يا فارس .. الله يجزيك خير على اللي تسويه لهم ..
فارس: مسحي دموعج يالغاليه ..
فاطمه وهي تمسح دموعها: تدري يا فارس .. مناف فالجامعه مبين عليها البساطه .. تعرف شلون تعرفت عليها ؟
فارس: شلون ؟
فاطمه: كنت دوم اشوفها تقعد بروحها واتفكر فيها .. دوم تقعد فالحديقه تحت الشجره .. وصرت احاول اني اتصل بعيونها لين مره انتبهت لي .. تمينا نشوف بعض ونبتسم لبعض .. وبعدين تجرأت ورحت قعدت معاها .. تعرفت عليها وحبيتها من اول مره قعدت فيها معاها .. ارتحت لها وايد .. حتى عرفتها على مريم اختي ومريم كان احساسها ناحية مناف نفس احساسي .. حبيناها وايد وقررنا نخطبها لك .. بس انت راسك يابس وعنيد ..
فارس وفاطمه: ههههه ..
فاطمه: زين ممكن تحرك طال عمرك ..
فارس مبتسم: عيوني لج يا ام خليفه ..
فاطمه ابتسمت بخجل ..
فارس: بس راكب عليج ..
فاطمه: بس انا قايله بسمي ولدي فارس ..
فارس التفت عليها مبتسهم وهو طالع على الشارع العام ..
فارس: فديت قلبج انتي .. وريلج ماعترض ؟
فاطمه: ماعنده مشكله ..
فارس: زوجتج خوش ريال .. كفايه بيسمي بكره علي ..
فاطمه: لو سمحت ريلي انسان متفهم ..
فارس: فديت المتفهم والله ..
فاطمه وفارس: هههههه
كملوا دربهم لبيت يوسف .. وصلوا ودخلوا الحوش ..
فارس: ريلج وينه ؟
فاطمه: قالي بيطلع مع عزيز اخوي ..
فارس: اها .. زين الغاليه تآمريني على شي ؟
فاطمه: الله وياك فديتك ..
فارس: سلام الغاليه ..
فاطمه مبتسمه: عليكم السلام ..
طلع فارس من بيت يوسف وراح حق محمد .. فاطمه دخلت البيت .. راحت الصاله اللي تحت وما نتبهت لوجود سلمان اللي كان متمدد على الكرسي ويتابع المباره كان ليت الصاله مبند والتلفزيون بس شغال .. وفاطمه افتكرت ان محد موجود .. اول ما سجلوا هدف سلمان صرخ مستانس على الهدف ..

[رامون]

سلمان: يا سلاااااااام ..
فاطمه صرخت من الخوف: آآه ..
سلمان قام من مكانه وخاف عليها ..
سلمان باحراج: السموحه ..
فاطمه كانت منحرجه .. طلعت من الصاله وراحت غرفتها بسرعه .. سلمان وقف مكانه وكان منحرج من الموقف اللي صار .. تضايق وطلع من البيت بسرعه .. فاطمه دخلت الغرفه وكانت مستحيه من اللي صار ..
فاطمه " مسكين انحرج " ..
تمت تفكر فيه وهي حاسه بالذنب .. خذت لها شور وبعدين استلقت على الكرسي وخذت التلفون واتصلت بهنادي ..
فاطمه: السلام عليكم ..
هنادي مبتسمه: هلا وغلا .. عليكم السلام ..
فاطمه: شحالج هنوده ؟
هنادي: تمام مرت اخوي .. اعلومج انتي ؟
فاطمه: هههههه .. طيبه الحمدلله .. انتي طالعه ؟
هنادي: لا فالبيت ..
فاطمه: شورايج تمريني ..
هنادي: همممم ..
فاطمه: مرتبطه بتروحين مكان ؟
هنادي: لا والله .. خلاص بكلم ريلي اول وبرجع أأكد لج ..
فاطمه: زين حبيبتي ..
سكرت من هنادي واتصلت بمريم اختها تبشرها بالخبر الحلو ..
مريم: هلا اختي ..
فاطمه باندفاع: مريوم لا يفوتج ..
مريم: شو ؟؟
فاطمه: خطبنا حق فارس ..
مريم: ها ؟؟
فاطمه: رحت مع ديتي اليوم ..
مريم: والله ..
فاطمه: اي وقولي من طلعت البنت ..
مريم رفعت حاجب: هممممم .. من تكون ؟
فاطمه: وحده ماتخطر على البال ..
مريم: فطوم قولي لي عاااااد ..
فاطمه: هههههه .. طلعت مناف ..
......................
يتبع

[رامون]

مريم: هاا ..
فاطمه: اي والله مناف .. لو مشبهه عليها بقول يمكن .. بس شفت امها واخوانها ..
مريم: قولي والله .. ياااااي .. وناااسه
فاطمه: هههههه .. والله انا استانست اكثر منج يا مريوم ..
مريم: لحظه لحظه .. يعني مناف تكلم فارس اخوي على التفون ؟
فاطمه: همممم .. اي
مريم: ليش ؟
فاطمه: القدر جمعهم ببعض يا مريم .. بس بسألج ..
مريم: هلا ..
فاطمه: بس جاوبيني بصراحه
مريم: ان شاءالله ..
فاطمه: همممم .. يعني الحين عرفتي ان مناف على علاقه بفارس اخوي .. هل تغيرت نظرتج لها ؟ مثلا طاحت من عينج .. ولا تحسين ان مالج خاطر تشوفينها ؟ قولي لي اللي بخاطرج وبأمانه ..
مريم: والله انا منصدمه .. بس ماقول ان مناف طاحت من عيني .. بس احس مابقدر اجابللها مثل قبل .. ولا ابي اتغير عليها .. يمكن فالبدايه احس ان ما راح يكون في direct communication معاها .. هاي فالبدايه بس احس عقب بكون عادي معاها نفس قبل ويمكن اكثر .. لان هالبنت احبها .. من الله اموت فيها بعد ..
فاطمه: فديتج يا مريوم .. بس تتوقعين امي وايمان وعميمه هيا والريم بيرحبون فيها ؟ تدرين هم شافوها في عرسي ..
مريم: والله خوفتيني .. ايمان الحين ماكله تبن على فارس ومب بالعته ..
فاطمه بعصبيه: على شو .. مالها حق ..
رن تلفون البيت وفاطمه استأذنت من اختها عشان ترد ..
فاطمه: لحظه اختي بارد على التلفون ..
مريم: زين ..
فاطمه: هلا هنوده ..
هنادي: هلا حبيبتي .. يلا برزي فالتج انا جايه ..
فاطمه بوناسه: زين انتظرج ..
سكرت هنادي ورجعت فاطمه لاختها ..
فاطمه: رجعت لج ..
مريم: هههههه .. هلا
فاطمه: نكمل .. انتي شعليج من ايمانو .. هاذي لاتهش ولاتنش .. لسانها يلعلع على الفاضي ..
مريم: تدرين شو قالت لابوي ذاك اليوم ..؟
فاطمه: شو ؟
مريم: قالت له لو فارس خذ هالنت بتكرهه ولا بتكلمه طول عمرها ..
فاطمه: المنه عليها .. يبه ايمانو بتزعل وبترضى بعدين .. وكلهم مردهم بيرضون حبيبتي .. وغير ان ايمان قابلت مناف وماتت عليها ..
مريم: بس الحين الوضع مختلف .. بتقول ان مناف سبب المشاكل بين امي وفارس .. تعرفين ايمان شكثر تحب ابوي وامي .. وبالذات امي ..
فاطمه: الله يستر من الطوفان اللي جاينا ..
مريم: فطيم ليش احس من نبرة صوتج الخوف ؟
فاطمه: الدنيا كلها على فارس .. امي وعميمه هيا .. ايمانو هالسوسه .. بس تعرفين من اللي خايفه منها صح ؟
مريم باستغراب: من ؟
فاطمه: الريم بنت عمي ..
مريم: ها ؟؟ ليش ؟
فاطمه: الريم تحب فارس ..
مريم بصدمه: شوووووو .. يعني اريام قريبه مني وايد .. وعمرها ما قالت لي ولا بينت لي حتى ..
فاطمه: ولا قالت لي انا بعد .. تعرفين من قالي ..
مريم: من ؟
فاطمه: فارس ..
مريم: لا انا اليوم بانجن ..
فاطمه: هو لاحظ عليها وايد .. وبعد ما قالي تميت اراقب حركات الريم .. وطلع كلام فارس اخوي صح ..
مريم: تدرين اني ما لاحظت عليها شي ..
فاطمه: ولا انا .. بس فارس اللي نبهني .. استأذنت فاطمه من مريم .. لحظه شوي اريامي ..
مريم: زين ..
فاطمه راحت صوب المطبخ تشيك على القهوه والشاي .. كانت تكلم اختها وهي تجهز الفاله لان هنادي جايتها .. رجعت على الخط مع اختها ..
فاطمه: رجعت لج ..
مريم: ههههه .. عبيطه فطوم ..
فاطمه: ههههه ..
مريم: يعني طلعت اريام تحب فارس ؟
فاطمه: اغلب الظن انها عشمت نفسها بحب فارس .. والله ماعرف شو اللي تفكر فيه ..
مريم: غبيه لو عشمت نفسها ..
فاطمه: تذكرين يوم عرسي .. لما رحنا مع فارس الفندق ..
مريم: اي اتذكر ..
فاطمه: ما لاحظتي على اريام شي ؟
مريم: همممم .. لا والله

[رامون]

فاطمه: فارس ما كان معطها اي اهتمام .. سلم عليها عادي .. بس تعرفين من يوم درى انها تحبه وهو يكون رسمي جدامها .. حتى ما كان يضحك معانا وايد صح ..
مريم: بلا ..
فاطمه: واللي ذبحها زود يوم رن جواله ومارد .. تذكرين لما انتي وايمان علقتوا عليه ؟
مريم: اي ..
فاطمه: ما شفتي شكلها .. كانت شوي وتنفجر .. وانا كل شوي حاولت اني الطف الجو واغير الموضوع ..
مريم: اليوم يوم الصدمات ..
فاطمه: هههههه .. هاي الدنيا ..
مريم: اي والله دنيا ..
فاطمه: بس لو تشوفين فرحة فارس اخوي اليوم .. فديت قلبه ..
مريم ابتسمت: فديته والله ..
فاطمه: احس من زمان ما شفت ابتسامته الحلوه ..
مريم: الله يسعده ان شاءالله .. بس تتوقعين فارس ومناف بيستمرون ؟
فاطمه: شو هالفال اختي .. تفائلي ..
مريم: والله متفائله بس خطر على بالي هالسؤال ..
فاطمه: ادعي الله ايسر امورهم .. وان شاءالله امي ترضى عليهم وتنسى كل شي ..
مريم: ان شاءالله ..
فاطمه: زين اختي بخليج الحين .. ابي ارتب القعده بتجيني هنوده ..
مريم: زين فديتج ..
سكرت فاطمه من مريم وكملت شغلها فالمطبخ .. خلال اقل من 10 دقايق دخلت هنادي على فاطمه .. سلموا على بعض وقعدوا فالصاله اللي فوق عشان فاطمه تاخذ راحتها .. يوسف وصل البيت على الساعه 9 ونص .. شاف هنادي والجوهره يسولفون ويضحكون .. وكان وايد مبسوط على قعدتهم .. دخل وسلم عليهم .. قامت هنادي وباست اخوها ..
هنادي: شلونك فديتك ؟
يوسف: الحمدلله .. اخبارج انتي ؟
هنادي: طيبه ..
يوسف التفت على فاطمه: يعني مب قايمه تبوسيني ..
فاطمه طالعته و انحرجت .. ويها صار احمر وابتسمت ..
هنادي: هههههه .. بايخ يوسف ..
يوسف قرب من فاطمه: يلا قومي سلمي علي ..
فاطمه بهمس: يالسخيف ..
يوسف: هههههه ..
هنادي: يوسف عن العبط ..
يوسف مبتسم: زين ممكن تصبين لي شاي من ايدينج الحلوات يا زوجتي العزيزه ..
فاطمه طالعته بدلع: ان شاءالله ..
يوسف طالعها وعض شفته ..
يوسف: وين ريمو السنداره ؟
فاطمه: مادري والله .. انا رجعت وكان خالك فالبيت وبعدين طلع ..
هنادي: يمكن عند جوجو ..
يوسف: ماعتقد .. خل اتصل حق خالي اشوف وين ريمو .. وحشتني
فاطمه: فديت قلبها ..
يوسف اتصل بخاله: هلا خالي ..
سلمان: هلا يبه ..
يوسف: وين ريمو ؟
سلمان مبتسم: ريما معاي ..
يوسف: وين كانت هايته ؟
سلمان: كانت في بيت صديقتها ..
يوسف: خف على الريس .. شنو بعد بيت صديقتها ..
سلمان: هههههه .. البنت معاها فالمدرسه .. واعرف ابوها ..
يوسف: ما عندنا بنات يروحون عند ربعهم .. لا تتعودها ريمو ام كشه ..
سلمان: ههههه .. حاضرين طال عمرك ..
يوسف: جاي البيت ؟
سلمان: اي ..
يوسف: زين ننتظرك ؟
سلمان: من عندنا ؟
يوسف: بس هنوده
سلمان: خير ان شاءالله .. انا قريب البيت ..
سكر يوسف من سلمان وقعد جنب فاطمه وشرب الشاي ..
يوسف: لبسي شيلتج خالي جاي ..
فاطمه: ان شاءالله ..
فاطمه لبست شيلتهاوقعدت جنب زوجها .. تموا يسولفون لين دخلت عليهم ريما بحشرتها ..
ريما: بابا بكره بعد ابي اروح ..
سلمان: لا .. مب كل يوم عاد ..
ريما: مالي خص .. ابي اروح بكره ..
سلمان: انا قلت لأ ..
ريما: وانا قلت ابي اروح ..
سلمان سحبها من ثيابها: دخلي فكيني ..
ريما: ماحبك زين ..
ركضت صوب هنادي وحضنتها .. استقبلتها بالاحضان وبابتسامه حلوه على ويها ..
هنادي: شلونج ريما ؟
ريما مبتسمه: طيبه ..
هنادي: وحشتيني حبيبتي .. حضنتها وباستها ..
ريما راحت تسلم على فاطمه وقعدت عندها ..
يوسف: احم احم ..
ريما تتجاهل يوسف: اليوم استانست في بيت صديقتي .. وديت الباربي مالتي ولعبنا مع بعض ..
يوسف: كح كح كح ..
ريما تكمل: حتى انا وصديقتي تبادلنا ملابس الباربي .. وناااسه والله .. I really enjoy it ..
سلمان طالع ريما بنظره .. ريما انتبهت وحست بالخوف .. دفنت راسها باحضان فاطمه من الاحراج ..
يوسف بهمس: ليش ؟
سلمان: انا قايلها ما تتكلم الا عربي ..

[رامون]

هنادي تلطف الجو: ريما .. عميمه جوجو تقولج بكره بنطلع كلنا مع بعض ..
ريما ببرأه: يااااااي ..
يوسف سحب ريما من حضن فاطمه وقعدها بحضنه ..
يوسف بصراخ: ريماااا .. ريماااا ..
ريما طالعته باستغراب: انا هني ..
يوسف: ريما وينج ريما ..
ريما عقدت حواجبها: انا هني شفيك ..
مسكت ويهه وقربت ويها من ويهه: انا هني شوفني ..
يوسف بعبط: اوه انتي هني ريما .. تصدقين ما كنت اقدر اشوفج من كشتج ..
هنادي وسلمان: هههههههه ..
فاطمه ضحكت بهدوء وانخشت ورا يوسف وتمت تضحك .. سلمان عجبته حركة فاطمه .. تم يطالعها وصد ..


ريما: ترا انا ما ضحكت ..
يوسف بصراخ: اموت فالعبيطه ريما ..
ريما: الحين انت تقول انا ام كشه .. وبعدين تقول عبيطه .. انا اي وحده فيهم ؟
سلمان: هههاااااي .. مات من الضحك على رد بنته .. عرفتك يبه ..
هنادي: راحت عليك ..
الكل: هههههههه ..
ريما قامت من حضن يوسف وقعدت جنب ابوها وحضنته ..
ريما: احبك بابا ..
سلمان مسح على راسها: فديت قلبج انتي ..
هنادي: زين يا جماعه استأذنكم ..
يوسف: وين اختي ؟
هنادي: نواف تحت ..
فاطمه: بدري ..
هنادي: لازم اجهز شنطته بيسافر بكره ..
سلمان عقد حواجبه: وين بيروح ؟
هنادي: قريب .. بيروح الصبح وبيرجع فالليل ..
يوسف: اهاا ..
سلمان: يلا بنزل معاج وبسلم عليه ..
ريما بدلع: بابا شلني ..
سلمان مبتسم: تعالي امي وابوي انتي ..
هنادي: يلا خالي ..
سلمان: يلا ..
سلمت هنادي على فاطمه ويوسف ونزلت مع خالها وريما ..
تم يوسف مع فاطمه .. انسدح يوسف على الكرسي وحط راسه بحضن فاطمه اللي تمت تلعب بشعره وتسولف معاه
فاطمه: شو سويت اليوم حبيبي ؟
يوسف: رحنا انا وعلي وبوسعود معرض سيارات ..
فاطمه: من يبي يشتري سياره ؟
يوسف: علي ولد عمج .. انتي شسويتي ؟
فاطمه: رحنا وشفنا البنت ..
يوسف مبتسم: والله .. من راح معاج ؟
فاطمه وهي تلعب بشعر يوسف: انا ويدتي .. وعمي وفارس ..
يوسف: اها .. شسويتوا ؟
فاطمه: رحنا بيتهم وطلعت امها تعرف يدتي وابوي .. وانا اعرف البنت ..
يوسف عقد حواجبه: شلون ؟
فاطمه: الله يسلمك طلعت ام البنت كان ابوي مالج عليها قبل ما ياخذ امي .. تم معاها كم شهر وبعدين انفصلوا .. ويدتي تعرفها لانها خطبتها حق ابوي .. والبنت طلعت معاي فالجامعه .. وتخيل اني كنت افكر اخطبها حق فارس اخوي ..
يوسف مبتسم: سبحان الله .. شوفي شلون الدنيا تقرب البعيد ..
فاطمه: اي والله .. بس البنت كاسره خاطري ..
يوسف: ليش ؟
فاطمه: احسها منحرجه مني ..
يوسف: عشان انج عرفتي ان اخوج يبيها ..
فاطمه: يعني .. تعرف انا اول ما شفت ناديتها باسمها وكنت فرحانه .. بس تعرف شعورها .. احسها خايفه انها طاحت من عيني .. والله بالعكس فرحت وايد يوم عرفت ان هالبنت اخوي يحبها .. لاني يوم تعرفت عليها فالجامعه حبيتها وحبيت كل شي فيها ما شاءالله عليها ..
يوسف: الله يوفق فارس ان شاءالله ..
فاطمه: ان شاءالله ..
يوسف: حبيبتي ..
فاطمه مبتسمه: عيونها ..
يوسف: فديت عيونها والله .. فديتج اخذي غترتي والزرار والقلم واذا ما عليج امر جهزي لي ملابسي فديت قلبج .. انا بانزل عند خالي شوي ..
فاطمه: ان شاءالله ..
يوسف قام من حضن فاطمه قرص خدودها وابتسم لها .. نزل عند خاله وفاطمه راحت تجهز ملابس ريلها ..
فارس ومحمد كانوا قاعدين فالشقه وفارس يقول لمحمد عن الاحداث اللي صارت ..
فارس بوناسه: حمودي .. طلعت صديقة خواتي ..
محمد: والله .. سبحان الله ..
فارس: وعجبني موقف فاطمه اختي .. كانت وايد فرحانه .. تدري شو قالت لي ..
محمد: شو ..
فارس: قالت لي انها كانت تبي تخطب لي مناف .. بس خبرك انا كنت اتهرب من موضوع الزواج ..
محمد: هههههه .. صدف جمعت خواتك بحبيبتك ..
فارس: اي والله ..
محمد: امك درت ؟

[رامون]

فارس: لا للحين .. ابوي قال بيقولها لي رجع البيت ..
محمد: شو تتوقع ردة فعلها ؟
فارس: بصراحه ماتهمني ردة فعلها .. هي تبي تحرمني من بنت ابيها بالحلال .. بغض النظر عن بعض المخالفات اللي تجرأة وسويتها .. بس هذاني داخل من الباب .. وانت تدري يا حمودي اني لو ماخذت مناف ما راح اخذ غيرها ..
محمد مبتسم: ادري يا بونايف .. الله يوفقك وياها ..
فارس: آمين ..
محمد: يلا قوم عشينا طال عمرك ..
فارس: اي والله يبيله عشى ..
محمد: وانت ما تفكر الا في بطنك ..
فارس: كان اقتراحك فالبدايه .. وتعرف اني احب اساندك في كل ما يتعلق بالبطن ..
محمد وفارس: هههههه ..
تموا محمد وفارس في شقة فارس .. في نفس الوقت بوفارس دخل الغرفه على ام فارس ..
بوفارس: رحنا خطبنا البنت حق فارس ..
ام فارس بصدمه: شو ؟؟
بوفارس وهو يفصخ ثوبه: سمعتيني ..
ام فارس بعصبيه: ليش تقولي .. عشان تقهرني ؟
بوفارس: لا بس عشان يكون عندج خبر ..
ام فارس عصبت وكان ودها تصرخ .. بس تمالك اعصابها لانها تعرف ان بوفارس ما يحب الصراخ ..
ام فارس: بارك حق ولدك .. وانا اقولك من الحين .. ما عندي ولد اسمه فارس .. عيالي عبدالعزيز وجاسم ..
خنقتها العبره ودخلت الغرفه تصيح .. بوفارس لبس جلابيته و وقف يطالع الغرفه .. خذ نفس عميق ودخل الغرفه على زوجته ..
بوفارس بحنيه: ليش مكبرين الموضوع ؟ وين حنيتج على فارس .. حبج له .. فارس بكرج .. فارس الغالي
ام فارس تمسح دموعها: خل فارس في احضان بنت الفقر ..
بوفارس بهدوء: ليش هالتعالي على الناس يا مزنه ..
ام فارس: انا ما تعاليت .. بس احنا وين وهم وين ..
بوفارس: بس الله ما يرضيه هالكلام اللي تقولينه ..
ام فارس: ربك كريم يا محمد .. انا مب رجعه في كلامي .. ما عاد لي ولد اسمه فارس .. خلاص ما عاد لي قدر عند حد ..
بوفارس حضنها: والله قدرج عالي يالغاليه .. بس انتي هدي شوي ..
ام فارس: شو اهدي يا بوفارس .. رحتوا خطبتوا وكسرتوا كلمتي ..
بوفارس: بس الولد يبيها ..
ام فارس: البنت تكلمه فالتلفون .. وين قاعدين احنا .. يبه احنا ناس متربين ..
بوفارس: تراها بنت ناس بعد .. واصابع ايدج مو سوا .. الحمدلله احنا ناس متربين .. ولو مب متربين جان فارس ما حافظ عليها ..
ام فارس: مالي كلام في هالموضوع .. انتوا سويتوا اللي تبونه .. شو تبون مني انا ..
بوفارس: مالنا غنى عنج يالحنونه انتي .. تحرمين فارس من حبج وعطفج ..
ام فارس: ليش يطلع عن شوري ..
بوفارس: ما طلع من شور حد .. بس انتي عاندتيه .. وانتي ربيتيه ..
ام فارس: ربك كريم ..
بوفارس: ليش تحرمين عياله من حنان يدتهم ؟ فارس الغالي ..
ام فارس تسمح دموعها: خل يدتهم تربيهم مالي خص فيه لا هو ولا عياله ..
بوفارس بحزن: الله يهدج يا مزنه ..
تركها وسط دموعها وطلع من الغرفه بكل هدوء .. ام فارس تمت تفكر في كلام بوفارس .. عاشت صراع كبير .. بين حبها لولدها .. وبين كبريائها ومبادئها ..
في بيت مناف الوضع كان غير .. ام مناف مستانسه ومناف نفسيتها تغيرت .. ام مناف قالت لبنتها قصة بوفارس ..
مناف: ليش انفصلتوا ؟
ام مناف نزلت راسها: ما توافقنا ..
مناف: شلون ؟
ام مناف: ما توافقنا ..
مناف حست ان امها ما بغت تقول شي .. احترمت رغبة امها ..
مناف: زين بس يدته شكلها طيبه ؟
ام مناف: ام محمد ذهب ..
مناف: بس ليش يدته وفاطمه اللي زارونا ؟
ام مناف: مادري والله ..
مناف "الله يستر من الجاي " ..
ام مناف: الله يوفقج مع فارس يا مناف .. والله تمنيته لج .. ريال وينشرى .. فكري عدل يا بنتي قبل ما تردين علينا
مناف: ان شاءالله يمه ..
ام مناف: زين قومي جهزي ملابس اخوانج عشان ينامون .. انا بقوم ارتب شناطهم ..
مناف: ان شاءالله يمه ..
ام مناف دخلت الغرفه وشافت عبدالله نايم ببرأه على الارض وكتابه جدامه .. اما فيصل فكان مندمج ويكتب فالدفتر
ام مناف: فديت عبود نام .. نادت على بنتها .. مناف .. مناف يمه تعالي
مناف: ان شاءالله يمه ..
راحت مناف الغرفه وشافت عبدالله نايم ..
ام مناف: نام فديت روحه ..
مناف مبتسمه: حبيبي عبود .. فيصل ليش ما خليته ينام على السرير ..
فيصل: ما نتبهت له .. قاعد احل الواجب ..
مناف: زين قوم البس يلا ..
فيصل يسكر الدفتر: زين زين ..
فيصل خذ ملابسه وطلع من الغرفه عشان يلبس .. مناف صادها فضول وفتحت دفتر فيصل .. وانبهرت باللي شفته
مناف " فيصل رسام ماشاءالله عليه " ..
سكرت الدفتر .. شلت عبدالله وخذته الغرفه .. رجعت الغرفه عند فيصل اللي رجع فتحت الدفتر ..
مناف: فيصل شتسوي ؟
فيصل: اكتب الواجب ..
مناف: جيب خل اراجع لك شوي ..
فيصل سكر الدفتر وحطه فالشنطه: بكره باعطي الاستاذ يشيك لي عليه ..
مناف: زين .. " ليش خاش عني هالشي يعني يا فصول؟ "
فيصل: انا بروح انام .. وين امي ؟
مناف: امي في غرفتها ..
فيصل: قولي لها بنام ..
مناف: ان شاءالله يا ولد ماما ..
فيصل: مناف ..
مناف: ههههه .. زين زين على قولة عبود ..
فيصل طلع وراح الغرفه .. مناف دخلت عند امها الغرفه .. ام مناف رفت راسها وطالعت مناف و ابتسامة خير وتفائل انرسمت على ويها .. مناف حضنت امها وتمت قاعده في حضنها .. تمت امها تلعب في شعرها وتهمس لها.. فجأه سمعوا فيصل ينادي ..

[رامون]

مناف: ابيه نسيت اقولج ان فيصل بينام ..
ام مناف قامت بسرعه وطلعت من الغرفه .. مناف قعدت مكانها وضحكت ..
فيصل: يمه ليش تأخرتي ؟
ام مناف: انشغلت فديتك .. تعال حبيبي ..
فيصل حضن امه وباسها .. ام مناف تمت قاعده عنده شوي لين نام .. غطته وباسته وطلعت ..
مناف: ههههه .. نسيت اقولج انه بينام ..
ام مناف: ههههه فديت قلبه ..
مناف: نام ؟
ام مناف: اي فديته .. وعبود يجنن وهو نايم ..
مناف: فديته عبود احبه وايد ..
ام مناف: الله يحفظهم ..
مناف: يمه بتنامين ؟
ام مناف: اي .. بس ما وصيج يمه .. استخيري فديت روحد .. واخذي راحتج ..
مناف مبتسمه: ان شاءالله يمه ..
باست راس امها وراحت غرفتها .. ام مناف دخلت الغرفه و حطت راسها ونامت براحه .. راحه من سنين ما حست فيها .. اما مناف شيكت على تلفونها ولقت مس كول ورساله من فارس .. وكان محتوى الرساله كالتالي ..
(( زوجتي العزيزه اتصلي في ريلج لانه مشتاق لج موت ))
قرت المسج وضحكت .. كانت حاسه بالخوف والاحراج وهي تتصل بفارس .. رن جواله ومارد .. تطمنت انه مارد عليها .. حطت التلفون وقامت من السرير تمت تشوف انعكاس جمالها فالمرايه .. رن الجوال والتفتت تشوفه .. مسكت الجوال وردت بهمس ..
مناف: هلا ..
فارس: قلبه ..
مناف باحراج: اهلين ..
فارس: عمره ..
مناف " ابيه شيقول هاذي": احم ..
فارس: حياته ..
مناف همست بدلع: عاااد ..
فارس بهمس: اموت فيها يا ناس .. فديت زوجتي وحبيبة قلبي ..
مناف ماتت من الخجل .. تمت ساكته ..
فارس: شلونج يا قلبه ؟
مناف: طيبه .. شخبارك ؟
فارس: مشتاق لعيونج ..
مناف: احم ..
فارس: فديت همسج .. بس احلى صدفه صارت في حياتي ..
مناف: اي صدفه ؟
فارس: الدنيا جمعتنا ..
مناف مبتسمه: والله دنيا غريبه ..
فارس: فاطمه اختي تموت فيج ..
مناف: فديتها فطيم ..
فارس: اقولج شي حبيبي ؟
مناف: قول فديتك ..
فارس: اول شي .. احب كلامج العسل فديتج انتي يا عسل ..
مناف ضحكت: ههههه ..
فارس: فديت هالضحكه .. وثاني شي .. تدرين انا خواتي كانوا يبون يخطبونج لي ..
مناف بطلت عيونها: شلون ؟
فارس: بعد ما املج عليج بقولج ..
مناف مدت بوزها: ليش ؟؟
فارس: عشان اكون قاعد جنبج وماسك ايدج وعيوني بعيونج وانا اقولج السالفه ..
مناف استحت من كلام فارس وماردت عليه ..
مناف: زين انا بروح انام ..
فارس يقلدها: زين انا بروح انام ..
مناف بدلع: لا تقلدني ..
فارس مبتسم: فديت قلبج انتي .. ما قلدج ..
مناف: ههههه ..
فارس: زين حياتي روحي ارتاحي الحين .. وقعديني حق صلاة الفجر ..
مناف: ان شاءالله ..
فارس: مناف ..
مناف: هلا حبيبي ..
فارس: تحبيني ؟
مناف استغربت من كلام فارس: ليش تسأل حبيبي ؟
فارس: لاني احبج با مناف .. وما راح يفرق بينا الا الموت ..
مناف: فديتك فارس انت تدري اني احبك انت وبس .. وربي اني اعشقك واموت فيك ..
فارس: مناف لا تجرحيني .. وانا اوعدج اني ما راح اجرحج .. انتي في قلبي .. انتي روحي وحياتي انتي صرتي كل شي بالنسبه لي .. صدقيني بدونج انا ما بعيش .. يا مناف ( نهاية حبك إعدامي )
مناف بخوف: سمالله عليك يا فارس .. لاتقول هالكلام فديت قلبك .. ان شاءالله بنكون لبعض .. وبنتم مع بعض طول العمر ..
فارس مبتسم: حبيبة قلبي انتي .. زين حياتي روحي نامي وارتاحي .. ولاتنسين تقعديني للصلاة ..
مناف: ان شاءالله حبيبي ..
فارس: نوم العوافي ..
مناف: الله يعافيك حبيبي ..
سكرت مناف وهي تفكر في كلام فارس وكانت محتاره منه .. حطت راسها على مخدتها ونامت وهي قلقه ..
مر اسبوع على الاحداث اللي عشناها مع ابطالنا .. اليوم الجمعه الساعه 2 ونص .. مناف وامها واخوانها كانوا يتغدون ..
عبدالله: يمه اليوم بنطلع مع فارس ..
ام مناف التفتت على فيصل: كلمك الريال ؟
فيصل ينفض يده فالسفره: اي كلمني .. بنروح نشتري اغراض ..
مناف: وش اغراضه ؟
فيصل: اغراض ريايل ..
عبدالله: يقول فارس هالاغراض ما يعرفون لها الحريم ..
مناف وامها طالعوا بعض: ههههههه ..
مناف "فديت روحه والله " ..
ام مناف: على راحتكم يالريايل .. زين الساعه كم بيمر عليكم ؟
فيصل: الساعه 3 ونص ..
ام مناف: وايد من وقت يبه ؟
فيصل: قلنا لكم شغل ريايل ..
ام مناف: زين ما قلنا شي ..
عبدالله: يمه ابي ماي ..
ام مناف مبتسمه: ان شاءالله ابوي ..
صبت ماي لعبدالله وعطته يشرب .. كانت تراقبه وهي فرحانه .. قاموا الاخوان مع بعض من السفره .. غسلوا ايديينهم وراحوا بدلوا ملابسهم .. مناف وامها كانوا يتغدون بهدوء ..
ام مناف: مناف يمه ..
مناف: هلا يمه ..

[رامون]

ام مناف: ابي اعرف قرارج بخصوص موضوع فارس ؟
مناف ابتسمت لامها: يمه انا موافقه ..
ام مناف من سمعت هالكلمه كانت شوي وتصيح من الوناسه ..
ام مناف: الف مبروك يا بنتي .. فرحتي قلبي الله يفرح قلبج .. الله يوفقج معاه يا مناف ..
مناف منزله راسها بخجل: الله يبارك فيج يمه ..
ام مناف: يعني اتصل بام محمد وابلغها قرارج ؟
مناف وهي قايمه من السفره: اي ..
ام مناف: تعالي كملي غداج فديتج ..
مناف: شبعت يمه ..
ام مناف ضحكت و استانست على خجل بنتها .. تمت تدعي لها بالتوفيق في حياتها مع فارس .. الساعه 3 فارس متصل لفيصل ..
فارس: هلا ..
فيصل: اهلين ..
فارس: جاهزين شباب ؟
فيصل: اي .. انت وين ؟
فارس: قريب من الفريج ..
فيصل: يعني نطلع ؟
فارس: لا مب الحين .. اول ما سوي لك رنه طلعوا ..
فيصل: ان شاءالله ..
فارس: بس وانت جاي جيب لي معاك معاي .. عطشان ..
فيصل مبتسم: ان شاءالله ..
فارس: يلا سلام ..
فيصل: سلام ..
سكر وراح صوب المطبخ ..
مناف: شتبي ؟
فيصل: الريال يبي ماي ..
مناف " فديت عمره والله " ..
مناف: زين حط ثلج مع الماي ..
فيصل: ليش ؟
مناف: الدنيا حر ..
فيصل: زين زين ..
مناف: شفينا فالبيت كلنا نقول زين زين ..
مناف وفيصل: هههههه ..
فيصل: مناف ..
مناف مبتسمه: هلا حبيبي ..
فيصل: انتي تبين فارس ؟
مناف ويها صار احمر: احم .. ليش تسأل هالسؤال ؟
فيصل: لاني ابيج تاخذين فارس ..
مناف: ليش فارس؟
فيصل: لان احنا نحب فارس ..
مناف: تذكر الدكتور اللي تقدم لي من قبل ؟
فيصل: اي .. شفيه ؟
مناف: ليش ما قلت لي تبيني آخذه ؟
فيصل: هو طيب وكان يضحك معاي انا وعبود .. بس فارس مثل اخونا الكبير .. نحبه احنا وايد .. وهو بعد يحبنا ..
مناف سكتت وكملت غسيل الصحون ..
فيصل: مناف ..
مناف: هلا حبيبي ..
فيصل: يعني انتي موافقه ؟
مناف ويها صار احمر: ان شاءالله ..
فيصل ابتسم: زين ..
رن جواله وكان فارس المتصل ..
فيصل: مناف عطيني ثلج ..
مناف: ان شاءالله ..
حطت له ثلج وصبت عليه ماي .. فيصل خذ الكوب وطلع من المطبخ .. نادا على عبدالله وطلعوا ثنين عند فارس .. ركبوا السياره وعبدالله ضحك ضحكته الحلوه ..
عبدالله: هههاااااي .. امي ومناف يبون يعرفون وين بنروح ..
فارس: ههههه .. قلت لهم ؟
عبدالله: لا ..
فيصل مد يده بكوب الماي لفارس ..
فيصل: تفضل ..
فارس: جزاك الله خير .. شرب الماي وعطى فيصل يرجعه .. رجع فيصل السياره وحركوا متجهين لسوق الغنم .. اول ما وصلوا عبدالله نزل من السياره وركض صوب الغنم .. فارس وفيصل تموا يضحكون عليه .. راحوا يتمشون ويتفرجون على الخرفان والابل ..
فارس: يلا نروح صوب الطيور ..
عبدالله: ههاااااي .. وناااسه ..
راحوا صوب الطيور وكان عبدالله مستانس وهو يتفرج على الطيور ..
فارس: عبود اختار اللي تبيه ..
عبدالله: بس ماعندي قفص ؟
فارس: باخذ لك ..
عبدالله بوناسه: والله .. ونااااااسه ..
فيصل مبتسم: عبود مينون ..
فارس: توه صغير .. خله يستانس ..

[رامون]

عبدالله: ابي البيضه ..
فارس: زين انا بروح اشوف لك قفص وبرجع .. فيصل حط بالك على اخوك ..
فيصل مبتسم: ان شاءالله ..
راح فارس وشاف قفص متوسط الحجم حق طيور عبدالله .. راح صوبهم واتصل بديول البيت عشان يجيه عند السوق يحمل الاغراض ..
فيصل: مب حاطين الاغراض فالرنج ؟
فارس رفع حاجب: احلف انت بس ..
فيصل: هههههه .. ليش زين ؟
فارس: عشان تفوح ريحة السياره ..
فيصل وفارس: هههههه ..
فارس: وبعدين القفص كبير .. ما يتحمل الرنج ..
التفت فارس على عبدالله اللي كان مندمج مع الطيور ويداعبهم ببرأه ..
فارس: عبيد ..
عبدالله: نعم ..
فارس: خلصت ؟
عبدالله: اي ..
فارس: زين خل نروح نشرب لنا شي لين يوصل الدريول ..
عبدالله: يلا ..
راحوا صوب الكفتريا وخذوا لهم زاويه وطلبوالهم عصير وتموا يسولفون ويضحكون .. وصل الدريول وحمل اغراض عبدالله واتجهوا صوب بيت مناف .. اول ما وصلوا فارس طلب من فيصل انه يسوي درب للدريول ..
فارس: سو درب خل الدريول ينزل الاغراض فالحوش .. وشوف عبود وين يبي يحط القفض ..
فيصل: ان شاءالله ..
عبدالله كان مع الدريول يتابعه وهوينزل القفص ويشيك على طيوره .. فارس كان يراقب عبدالله و وايد يتفكر في برأته .. طلع فيصل من البيت بعد ما سوا درب حق الدريول عشان يدخل قفص عبدالله .. ام مناف لبست عبايتها وكانت تنتظر فالحوش .. دخل الدريول وشايل القفص .. اما فارس فكان واقف عند الباب ينتظر .. ام مناف تعجبت من القفص والطيور ..

ام مناف: من له هالقفص ؟
عبدالله وبناسه: لي .. يمه فارس شرى لي طيور بعد ..
ام مناف: لا حول ولا قوة الا بالله .. وين فارس ؟
عبدالله: عند الباب ..
ام مناف راحت صوب الباب عند فارس ..
ام مناف: فارس ..
فارس منزل راسه: هلا يمه .
ام مناف: شوله مكلف على عمرك ؟
فارس: عبود يحب الطيور .. حرام اخلي في خاطره ..
ام مناف: عبود مينون .. ومع هالقفص يننته زود ..
فارس وفيصل: ههههه ..
فارس: يستاهل عبود ..
ام مناف: ما قصرت يبه ..
ام مناف شكرت فارس ورجعت داخل .. الدريول حط القفص حق عبدالله ودخل له الطيور ورتب له كل شي .. طلع الدريول بعد ما خلص .. فارس سلم على فيصل وطلع هو والدريول .. أذن المغرب ونزل فارس اقرب مسيد يصلي .. بعد صلاة المغرب ام مناف خذت تلفون فيصل واتصلت بالجده تبلغها بموافقة مناف .. الجد رد عليها ..
الجد: السلام عليكم ..
ام مناف: وعليكم السلام .. ام محمد موجوده ؟
الجده: اي موجوده .. لحظه اناديها ..
الجد نادا على الجده .. الجده خذت السماع وتكلمت ..
الجده: هلا ومرحبا ..
ام مناف: السلام عليكم يا ام محمد ..
الجده: عليكم السلام هلا ..
ام مناف: شلونج ؟
الجده: الحمدلله .. من انتي يمه ؟
ام مناف: انا ام فيصل ..
الجده: والنعم .. يا هلا ومرحبا ..
ام مناف: مرحبا فيج ..
الجده: بشريني يمه ؟
ام مناف: البنت موافقه ..
الجده صاحت: مبروكين .. وبنتج بعيوني وبعيون فارس ولد ولدي ..
ام مناف تصيح بصمت: الله يبارك فيج فديتج .. ما عليكم زود .. و ولدكم بعيونا ان شاءالله ..
الجده: جزاج الله خير .. ان شاءالله باتصل لج نحدد يوم الملجه ..
ام مناف مبتسمه: ان شاءالله ..
ام مناف: بخليج فديتج ..
الجده: الله وياج ..
سكرت الجده وهي تمسح دموعها .. الجد استغرب منها ..
الجده: ها بشري ..
الجده: وافقت البنت ..
الجد مبتسم: الله يبارك حق فارس .. والفال حق عزوز هالهتلي ..
الجده: اتصل في محمد وحمد وفارس ..
الجد: ان شاءالله ..
اتصل الجد بعياله وقالهم يمرون .. بوفارس وفارس وصلوا قبل بومحمد .. تجمعوا كلهم فالصاله ..
الجده: كلمتني ام فيصل وقالت لي ان البنت موافقه ..
فارس خنقته العبره من الوناسه .. بوفارس وبومحمد كانوا مستانسين ..
بومحمد: الف مبروك يا فارس ..
فارس: الله يبارك فيك يا عمي ..
بوفارس: تستاهل يا ولد محمد ..
فارس: قلتها .. ولد محمد ..
الجد حضنت فارس وصاحت .. فارس حضنها وباس راسها ..

[رامون]

فارس: والله يا يدتي جميلج هاذي على راسي .. وطول عمري ما بنساه لج ..
الجده: يبه اذا ما قمت فيكم انتوا بقوم في من .؟ كلكم سوا عندي .. بس الله يهدي امك هالقشره .. جان الحين هي فرحانه ويانا ولا جان هي اللي كلمتها ام فيصل تبلغها ..
فارس بحزن: الله يهديها امي ..
بوفارس حط يده على كتف فارس: بأذن الله شده وتزول ..
بومحمد: ان شاءالله ..
الجد: وين هيا ؟
الجده: فوق ..
الجد: حمد قوم ناد اختك ..
بومحمد: ان شاءالله ..
تموا يسولفون بفرح بموضوع فارس .. دخل بومحمد ودخلت وراه هيا ..
الجده: البنت وافقت ..
هيا بدون نفس: خير يعني ..
بوفارس ما ستغرب ردة فعلها ..
الجد: باركي حق اخوج ..
هيا لاويه بوزها: الف مبروك يا محمد ..
طلعت من الصاله على طول ورجعت غرفتها ..
الجد: لا حول ولا قوة الا بالله ..
بوفارس مبتسم: فارس يبه اتصل بفطيم اختك وبلغها ..
فارس: ان شاءالله .. بس اول بتصل في محمد ولد عمي ..
بومحمد: انت تصبر عنه ولا هو يصبر عنك ..
فارس: صدقت في هاذي يا عمي ..
الكل: ههههههه ..
انتشر خبر موافقة زواج فارس فالعيله .. والكل اتصل في فارس يبارك له من فرحتهم له .. الا الريم اللي كانت في وهم حب فارس لها .. ام محمد اتصلت تبارك لام فارس ..
ام محمد: الف مبروك يا مزنه ..
ام فارس: على شو تباركين لي ؟
ام محمد: عشان فارس .. يستاهل والله ..
ام فارس: انا ماعندي ولد اسمه فارس ..
ام محمد: كبري عقلج يا مزنه .. انتي سألتي عن البنت واهلها ومحد عابهم بكلمه ..
ام فارس: ربج كريم ..
ام محمد: لا تكسرين فرحة ولدج .. بأذن الله بتتيسر اموره ..
ام فارس: خليها على ربج ..
ام فارس صرفت ام محمد وتمت معصبه وتاكل في نفسها من القهر .. الريم انهارت من الخبر .. عذبت نفسها بالصياح اللي ما منه فايده .. مريم كانت طايره من الوناسه .. فاطمه اتصلت تبارك لفارس له .. واتصلت بمناف .. رن جوال مناف اللي كانت قاعده تقرى كتاب .. شافت التلفون وحست بالخوف قبل ما ترد .. توكلت وردت ..
مناف: مرحبا ..
فاطمه بوناسه: الف مبروك حبيبتي مناف .. والله انكم لايقين لبعض ..
مناف بخجل: الله يبارك فيج يا فطيم ..
فاطمه: والله اني طايره من الوناسه ..
مناف: فديت قلبج يا فاطمه ..
فاطمه: الله يوفقكم ان شاءالله .. وانا اعطيج كلمه و اوعدج فيها ان فارس اخوي بيحطج بعيونه ..
مناف " فديت قلبه": ان شاءالله .. ودام هالكلمه طلعت منج .. صدقيني اني واثقه في كلامج ..
فاطمه مبتسمه: الف الف مبروك حبيبتي مناف ..
مناف: الله يبارك فيج ..
فاطمه: زين حبيبتي .. حبيت ابارك لج وان شاءالله بكلمج وقت ثاني على راحتي ..
مناف " الله يستر من فطيم .. اخاف تجرني بالسوالف ": ما تقصرين حبيبتي .. وانتظر اتصالج ..
فاطمه: مع السلامه حبيبتي ..
مناف: الله وياج ..
مناف حست بفرحة فاطمه .. حست ان فاطمه اكثر وحده مستانسه لها ولفارس .. تمت تفكر في ام فارس ليش ما جات مع يدته وفاطمه ؟ وليش ما اتصلت تبارك او تكلم امها وتبارك لهم ؟
مناف " فارس قالي تقبليني بالطريقه اللي باجيج فيها .. ليكون امه مب راضيه على زواجنا ؟ ابيه امه بعد شكلها قويه ومب هينه .. مع انها كانت تحاول انها تستلطفني في عرس فاطمه بس حسيت بالخوف ناحيتها .. الله يستر من الجاي " ..
الجده اتصلت في ام مناف عشان يحددون يوم الملجه ..
الجده: السلام عليكم ..
فيصل: عليكم السلام ..
الجده: شلونك يبه ؟
فيصل: طيب ..
الجده: وين امك ؟

فيصل: لحظه بناديها ..
راح فيصل صوب الصاله وعطى امه التلفون ..
ام مناف: مرحبا ..
الجده: شلونج يا فاطمه ؟
ام مناف: الحمدلله .. اخبارج انتي ؟
الجده: والله فرحانين .. الله يهنيهم ان شاءالله ..
ام مناف مبتسمه: الله يهنيهم ..
الجده: زين يمه متى حددتوا الملجه ؟
ام مناف: والله ما شاورت البنت للحين ..
الجده: زين عيل شاوريها وشوفي متى يريحكم وعطيني خبر فديتج ..
ام مناف: ولا يهمج الغاليه ..
الجده: امنتج الله ..
ام مناف: الله وياج ..
سكرت وعطت فيصل التلفون .. راحت صوب غرفة مناف .. دخلت عندها وتموا يسولفون في موضوع الملجه ..

[رامون]

ام مناف: يمه مناف ام محمد اتصلت لي تسأل عن يوم الملجه ؟ متى تبين نروح المحكمه ؟
مناف بخجل: مادري يمه ..
ام مناف: متى يناسبج ؟
مناف: انتوا حددوا انا ما تفرق عندي ..
ام مناف: زين اقولها يوم الخميس ؟
مناف: اللي تشوفينه يمه ..
ام مناف ابتسمت: زين باكلمها بكره وببلغها ..
ام مناف طلعت من الغرفه وتركت بنتها .. مناف كانت طايره من الوناسه ..
اليوم الثاني ام مناف اتصلت بالجده وبلغتها عن يوم الخميس انه اليوم المناسب حق الملجه .. عمت الفرحه بيت بوفارس وبومحمد .. بس مو عند الكل ..
يوم السبت الساعه 12 ونص الظهر فارس ومحمد راحوا بيت يدتهم .. فارس قاعد مع يدته ويكلمها في موضوع الملجه ..
فارس: يدتي ..
الجده مبتسمه: ابوي انته ..
فارس: شو رايج نسوي عشى الملجه في بيتكم .. انتي شفتي بيتهم ..
الجده: اي وعليه بيتهم مافيه حيل .. خلاص باشاور يدك اول .. واذا وافق باتصل بام فيصل ..
فارس مبتسم: تسلمي يدتي ..
محمد: والله يدتي محد وقف مع فارس مثلج انتي ..
الجده قرصت خدود فارس: هاذي حبيبي فروس المتوت ..
فارس ومحمد ماتوا من الضحك على حركات يديتهم ..
الجده: فروس من الحين اقولك يا ويلك لو زعلت بنت الناس .. تراها يتيمه ومالها حد فهالدنيا .. والله بغضب عليك طول عمري لو زعلتها ولا طلقتها .. هذاني اوصيك واخوك محمد شاهد على كلامي ..
فارس: شدعوه يدتي مناف بعيوني ..
محمد: يدتي ماعرفتي فارس عدل .. يعز المره ويحطها بعيونه ..
الجده: ولد محمد عليه زود .. بس الدنيا تغير القلوب ..
محمد: عدل كلامج يدتي .. الله يوفقهم ان شاءالله ..
الجده: ان شاءالله ..
فارس اتفق مع فاطمه انها تاخذ مناف لسوق ويروحون يتشرون لها فستان للملجه .. ويوم الملجه تروح معاها الصالون عشان تضبط نفسها حق عشى الملجه ..
مر يوم السبت و وراه الاحد والاثنين والثلاثاء والاربعاء كانوا شقى بالنسبه لفارس .. اما يوم الخميس فارس ما نام من بعد ما رجع من المسيد لما راح يصلي الفجر .. تم قاعد وكان يفكر ويحاتي وكل شوي طالع الساعه وكان يحس ان الوقت بطيء .. الساعه 7 ونص فارس اتصل بأبوه .. بوفارس شاف الرقم وتم يضحك ..
فارس: صبحك الله بالخير ..
بوفارس: هلا وغلا .. حيالله معرسنا ..
فارس مبتسم: الله يحيك .. زين يبه الساعه 7 ونص الحين ..
بوفارس: والله .. معلومه جديده ..
فارس: يبه ..
بوفارس: ههههه
فارس: يلا متى بنروح المحكمه؟
بوفارس: تو الناس .. مطيور الولد ..
فارس: اي يلا خل نروح .. المحكمه فاتحه الحين
بوفارس: الحمدلله على نعمة العقل .. الساعه 9 بنطلع ..
فارس: يبه وايد متأخر الوقت ..
بوفارس: هههههه .. قلت لك الساعه 9 بنطلع ..
فارس: زين يبه بسألك ..
بوفارس: اسأل يبه ..
فارس: من بيكون شهود البنت ؟ ابوها متوفي وما نعرف احد من اهل ابوها ؟ من بيكون ولي امرها ؟
بوفارس: القاضي ..
فارس: ليش ؟
بوفارس: اخوانها قصر .. وخوالها مالهم حس ؟ وينهم ؟ ولا لها عمام .. عشان جي القاضي بيكون ولي امرها ..
فارس: ايوه .. خلاص انا ولي امرها ..
بوفارس: انت تزوجها اول .. بعدين انفخ صدرك وقول ولي امرها ..
بوفارس وفارس: ههههههه ..
بوفارس: روح شوف لك شغل لين تجي الساعه 9 ..
فارس: آآآخ .. زين بروح اشوف حمودي ..
بوفارس: اي زين شوف حمودي على قولتك ..
فارس: ههههه .. سلام الغالي ..
بوفارس مبتسم: الله وياك ..
سكر فارس وتم يحوس فالشقه ومب عارف شو يسوي .. اتصل بمناف اللي كانت تتغلى عليه وماترد الا بمسج ..
فارس: بانتحر .. تتغلى هاذي بعد .. وحمود راقد وابوي يقول تو الناس .. آآآه شاسوي في عمري ..
تم فارس يطالع الساعه لين صارت 8 ونص .. قام خذ له شور ولبس ثوبه وغترته وطلع صوب المحكمه .. مناف وامها طلعوا من البيت نفس الوقت .. تلاقوا كلهم فالمحكمه .. بوفارس اول ما شاف ام مناف طارت عيونه عليها ..
بوفارس " ما تغيرت فاطمه .. كأني اشوفها اول ما ملجت عليها .. الله يالدنيا " ..
ام مناف شافت فارس ونزلت راسها .. حاولت انها تشغل نفسها عشان ما تشغل شريط ذكرياتها .. الجده قربت من ام مناف ومناف ..
الجده: شلونج يا فطيم ؟
ام مناف: الحمدلله طيبه .. اخبارج انتي ؟
الجده: والله فرحانه .. التفتت على مناف .. شلونج عروستنا ؟
مناف منزله راسها: الحمدلله ..
الجده: مستعده ؟
مناف هزت راسها وماقدرت تتكلم من الخوف والتوتر ..
الجده مبتسمه: فديت قلبج والله .. زين يلا نروح عند الشيخ ..
مناف طالعت امها ومسكت يدها ..
الجده: يلا فديتج ..
ام مناف: يلا يمه ..

[رامون]

راحوا صوب الغرفه المخصصه للزواج .. تمت امور الزواج وطلعوا من الغرفه .. فارس كان مو مصدق ان مناف حلاله .. وصارت زوجته .. راح صوبها وسلم عليها .. مناف كانت ترجف من الخوف .. بوفارس كان يطالع الفرحه بعيون فارس ..
فارس: مبروك مناف ..
مناف منزله راسها: الله يبارك فيك ..
فارس مسك يدها وهمس: واخيرا صرتي زوجتي ..
مناف سحبت يدها بهدوء وكانت خايفه .. فارس ابتسم وتركها .. سلم على ام مناف وراح صوب ابوه .. الشباب سلموا على فارس وباركوا له .. طبعا كل شباب العيله كانوا فالمحكمه .. من صوب الحريم بس الجده اللي حضرت ومناف كانت وايد تفكر في ام فارس .. رجعوا البيت وبدت التجهيزات للحفله اللي قرروا انهم يسونها في بيت الجد مناف وفاطمه ومريم راحوا الصالون يتعدلون .. مناف كانت وايد مرتاحه وسط مريم وفاطمه .. ما تخيلت انهم يرحبون فيها وخصوصا فاطمه .. في نفس الوقت كانت تحاتي الباقي اللي ما قابلتهم .. فارس انشغل بترتيبات العشى .. خالد ومحمد وباقي الشباب ما قصروا معاه .. في بيت الجد .. هيا وامها كانوا يتكلمون بموضوع فارس ومناف ..
هيا بعصبيه: ليش مسوين ملجتها هني ..
الجده: انا قلت لفارس ..
هيا: انا وحده مب نازله ولاابي اجابلها .. ولا اجابل ولد ولدج ..
الجده: بتلبسين بتنزلين غصبن عنج ..
هيا: لا ماني نازله ..
الجده بحده: انا قلت بتنزلين يعني بتنزلين .. ولكن من الحين اقولج .. لو سويتي شي يزعل البنت ولا اهلها ترا مب احسن لج يا هيا ..
هيا طالعت امها: ان شاءالله .. بنشوف آخرتها بنت الفقر .. ماعندهم بيت مثل الناس يسون فيه الملجه ..
الجده: الله لا تبلينا بعقول السفهاء ..
طلعت الجده عن هيا وهي معصبه .. وكانت خايفه ان هيا تسوي لها حركات .. طبعا ام فارس حلفت انها ماتحضر .. ايمان ركبت راسها وما كانت تبي تحضر مثل امها بس بوفارس الزمها .. ولانها تسوي حساب لابوها راحت مجبوره .. ام محمد كانت وايد فرحانه لفارس .. وكانت في بيت الجده من الظهر تساعدهم وتعاونهم على الترتيبات
الريم كانت مو مستوعبه اللي يستوي حولها .. كانت تشوف نفسها فالمرايه وتمسح دموعها ..
الريم " ليش يا فارس ليش ؟ يعني فضلت الغريبه علي .. انا بنت عمك ومحد بيحبك مثلي .. ليتني مكان هالبنت والله .. ليتك تفكر فيني وتحبني مثلها " .. كانت الساعه 7 .. الريم طلبت لها وحده تجيها البيت عشان تسوي شعرها وتمكيجها .. بعد ما جهزت نزلت عند ابوها فالصاله ..

بومحمد مبتسم: يعلني اشوفج عروس ..
الريم مبتسمه: فديت قلبك يبه ..
بومحمد: جهزتي فديتج ؟
الريم: اي .. وين اسماء ؟
بومحمد: راحت مع خالد من العصر ..
الريم: لبست ولا لأ ؟
بومحمد: امج خذت ملابس لها ..
الريم: فديتها ..
بومحمد: يلا كلهم هناك ..
الريم: ان شاءالله ..
طلعت مع ابوها وكلها حزن .. وهم فالطريق كانت سرحانه تفكر ..
الريم " ليش انا سويت في نفسي جي .. انا اوهمت نفسي بحب فارس .. هو ماله ذنب اني اكرهه .. او اكره البنت اللي اختارها .. هاذي حياته ولازم افرح لفارس .. بيتم في قلبي ولد عمي .. والله بيعوضني ان شاءالله "
الريم تنفست براحه اولم ا وصلت بيت يدتها .. نزلت وهي مبتسمه .. اول ما دخلت الصاله شافت فاطمه وامها يبخرون البيت ويعطرونه ..
الريم مبتسمه: السلام عليكم ..
فاطمه التفت على الريم وحست ان الريم متغيره ..
فاطمه وام محمد: وعليكم السلام ..
سلمت على فاطمه وحضنت امها ..
الريم: وين العروسه .؟
فاطمه: في الميلس مع مريم ..
الريم: خل اروح اسلم عليها وابارك لها ..
مشت عنهم طالعه من الصاله .. فاطمه خفات من الريم .. لحقتها بسرعه .. اول ما وصلت الميلس شافت الريم وهي تحضن مناف وتبارك لها ..
الريم: الف مبروك مناف ..
مناف: الله يبارك فيج والفال لج حبيبتي ..
الريم: والله يستاهل فارس ولد عمي هالجمال ..
مناف نزلت راسها منحرجه ..
مريم وفاطمه كانوا متعجبين من تصرف الريم ..
الريم: زين انا بروح اعلق عبايتي وبجيكم ..
مريم: يلا لا تتأخرين ..
الريم مبتسمه: من عيوني ..
طلعت الريم ومريم كانت اطالع فاطمه اللي كانت عند الباب .. فاطمه رفعت حاجب وطلعت .. مريم ابتسمت وتمت قاعده مع مناف ..
مريم: ياحظ اخوي فيج يا مناف ..
مناف: لا تبالغون عاد ..
مريم: ما نبالغ يا مناف .. عيني عليج بارده بس صج تناسبون بعض .. الله يبارك لكم ان شاءالله ..
مناف: الله يسلمج حبيبتي ..
ام مناف وصلت بيت الجد على الساعه 7 ونص .. تجمعوا كلهم في الصاله يرقصون ويصفقون بوناسه وفرح .. ايمان لما عرفت ان مناف هي زوجة فارس استغربت وحست انها ماتقدر ما تفرح له .. لانها وايد حبت مناف ..
ايمان" مناف الدلوعه ؟؟ والله حركات يا فروس .. حليلها مناف والله .. ليش ماما ما بغتها ؟ عشانها فقيره بس مناف طيبه وتستاهل .. والله حرام اللي يسونه بفارس .. مسكين كسر خاطري والله .. حاسه بالذنب على كل اللي صار "
ايمان كانت تعاتب نفسها وحاسه بالذنب .. راحت وسلمت على مناف وفرحت لاخوها وزوجته مناف .. طبعا فاطمه ومريم كانوا مذهولين من التغير اللي صار لريم وايمان ..
حان وقت ان مناف تطلع فالصاله عشان يشوفونها .. طبعا الجوهره وهنادي كانوا موجودات وتفاجأو لما شافوا مناف ..
الجوهره: مب هاذي اللي بغينها حق خالي ؟
هنادي: اي والله .. راحت علينا ..

[رامون]

الجوهره: ههههه .. بس يستاهل اخو فطيم ..
هنادي: فارس المزيون ..
الجوهره: لا والله هنود ..
هنادي: بعد انا اقول الصج اختي ..
هنادي والجوهره: هههههه ..
دخلت مناف وسط الحريم وكانت منحرجه .. مريم دخلت مع مناف وكانت ماسكه يدها .. مناف كانت طالعه تجنن وناعمه .. قعدت على الكرسي المخصص لها .. وطبعا الحريم سلموا عليها وباركوا لها .. ام مناف كانت تشوف بنتها وتصيح من فرحتها .. كل الحريم سلموا على مناف وباركوا لها الا هيا .. الجده كانت معصبه عليها .. بس ماحبت انها تكلمها جدام الناس .. الريايل تعشوا وبعدين دخلوا فارس الميلس .. فاطمه راحت عند فارس اخوها فالميلس ..
فاطمه: لا لا لا .. كل هاي لها اخوي ..
فارس مبتسم: وين مرتي ؟
فاطمه: شو فيك مستعيل .. اصبر شوي ..
فارس: قولي لهم يدخلونها يلا .. وين اصبر ..
فاطمه: ههههه .. حليلك يا فارس .. زين الحين بروح انادي الحريم ..
فارس: بسرعه بسرعه ..
فاطمه طلعت من الميلس وهي تضحك على اخوها .. دخلت الصاله وراحت صوب جدتها ..
فاطمه: يدتي فارس فالميلس ..
الجده: زين يلا تبرزوا عشان نروح له يلا ..
فاطمه مبتسمه: ان شاءالله ..
الجده اعلنت للكل انهم بيروحون الميلس عند فارس .. الحريم لبسوا عبيهم واستعدوا عشان يزفون مناف على فارس .. مناف كانت ميته من الخوف .. وقفت مكانها وامها مسكت يدها ومشوا وراهم الحريم .. مناف كانت تمشي ببطئ .. فاطمه وايمان راحوا صوب الميلس قبل .. فتحوا الباب وانتظروا الحريم اللي كانوا يلولشون بفرح ورا مناف وامها .. مناف وصلت صوب الباب وهي منزله راسها .. فارس اول ما شافها قام من مكانه ينتظرها كان يطالع جمالها بانبهار .. كان وده يركض ويسحبها من يد امها .. اول مره يشوف مناف بهالجمال .. شعرها اللي طايح على كتوفها .. وجسمها الحلو وبياضها .. مناف قربت من فارس و وقفت جنبه وهي منزله راسها .. فارس مسك يدها الصغيره وضغط عليها .. الجده راحت صوب فارس وسلمت عليه وباركت له .. خواته كلهم راحوا له بعد وكان مستانس لايمان اخته .. وشاف الفرحه بعيونها .. جى دور الريم تسلم على فارس .. كان فارس يطالعها بخوف .. كان خايف انها تقول كلمه او تسوي حركه تجرح فيها مناف .. قربت الريم مبتسمه ..
الريم: مبروك يا فارس .. الله يهنيك ان شاءالله .. ومناف بنت الف من يتمناها ..
فارس: الله يبارك فيج بنت عمي .. والفال لج ..
رجعت الريم عند الحريم وهي مستانسه .. الخوات خذوا صور مع فارس ومناف .. طلعوا الحريم وتمت المصوره تاخذ لقطات لفارس ومناف .. وبعد ما طلعت المصوره خلى الجو لفارس ومناف .. مناف كانت منزله راسها ومستحيه .. قعد فارس جنب مناف وتم يطالعها مبتسم ..
فارس: الف مبروك يا مناف ..
مناف بخجل: الله يبارك فيك يا فارس ..
فارس قرب ويهه من ويها: واخيرا .. خلاص انتي الحين زوجتي .. حلالي جدام رب العالمين والناس كلهم ..
مناف كانت منزله راسها ومنحرجه .. فارس قام من مكانه ومد يده لها .. مناف رفعت راسها وطالعته باستغراب ..
فارس: عطيني يدج يا حبيبتي ..
مناف مدت يدها لفارس و وقفت جنبه .. فارس طوقها بيدينه اتحدت اجسامهم ومناف نزلت راسها من الخجل وتمت تتنفس بسرعه من الخوف .. فارس رفع راسها وقرب ويهه منها .. فتح حلجه وقرب من ويها .. عض خشمها بشوي شوي وتركها ..
مناف: آآآه ..
فارس: هههههه ..
مناف بدلع: ليش ؟
فارس: انا ما قلت لج اني اول ما املج عليج بعض خشمج ..
مناف دزته: يالبايخ ..
غطت ويها بيدينها وصاحت .. فارس قرب منها وحضنها بقوه لصدره .. مناف لاشعوريا حضنته وحطت راسها على كتفه وغمضت عيونها ..
مناف" آآآه .. من زمان ما حسيت بالامان .. الحين انا بين ايدينك يا فارس .. انا وانت حلال بعض " ..
فارس: زعلتي يا قلبه ؟
مناف منزله راسها: ليش تعضني ..
فارس مبتسم: بس كيفي ..
مناف: لا مب على كيفك ..
فارس: خلاص ولا يهمج .. كيفج انتي .. بس تدرين يا مناف ..
مناف: شنو ؟
فارس: الله يحفظج على هالجمال .. انا كنت اشوفج بالشيله واهيم فيج .. والحين ماشاءالله جسمج وشعرج وكل شي فيج حلو حلو حلو .. فديت روحج انتي ..
حضنها بقوه وباسها على طرف شفتها .. مناف صدت الصوب الثاني من الخجل ..
فارس: كلتي شي يا قلبه ؟
مناف: لا ..
فارس: ليش ؟
مناف: مالي خاطر .. وتدري يمعة الناس اربكتني شوي ..
فارس: الحين بقولهم يجيبون لج شي تاكلينه ..
مناف: لا مابي يا فارس ..
فارس حط يده على كتفها: ليش حياته ؟
مناف مبتسمه: بس حبيبي ..
فارس باسها على جبهتها: فديت حبيبي طالعه من حلجج الحلو ..
مناف ابتسمت لفارس وحضنته .. طوقها بيدينه وتم يلعب بشعرها ويتكلم معاها ..
الحريم فالصاله كانوا يرقصون وصفقون من فرحتهم .. على الساعه 11 ونص ام مناف كلمت فاطمه عشان تروح البيت ..

حذف نفسه على الكرسي وتم يتعبث فالتلفون .. غفت عينه وصحى على تلفون مناف .. تم سهران معاها لين أذن الفجر .. سكروا من بعض وكل منهم راح يصلي .. بعد الصلاه غفت عيونهم براحه في امان .. مناف نامت من التعب لين الساعه 12 الظهر .. طلعت الصاله عند امها واخوانها ..


ام مناف مبتسمه: هلا وغلا ..

[رامون]

مناف راحت صوب امها وحطت راسها في حضنها .. ام مناف باستها وقرصت خدودها ..


ام مناف: فديت بنتي العروسه ..


مناف: شلونكم ؟


ام مناف: طيبين .. انتي قولي لي شسويتي ..؟


مناف بخجل: ولا شي ..


ام مناف تلعوزها: علينا ولا شي ..


مناف: عاد يمه ..


دفنت راسها في حضن امها .. ام مناف حضنت بنتها وباستها ..


ام مناف: فديت قلبج يا مناف ..


مناف: يمه وين الشباب ؟


ام مناف: مع هالطيور من الصبح ..


مناف: ههههه .. فديتهم والله ..


ام مناف: اسوي لج لقمه تاكلينها يمه ؟


مناف: لا مب جوعانه ..


ام مناف: بس شربي حليب واكلي بسكوت ..


مناف: ان شاءالله يمه .. زين انا بروح عند الشباب لين ما تجهزين الاكل ..


ام مناف: زين فديت روحج ..


راحت مناف صوب عبود وفيصل اللي كانوا مندمجين مع الطيور .. كانت تشوف عبدالله اللي وايد يشبه نايف .. تمت تتأمل ملامحه وتتفكر فيه ..


مناف مبتسمه: عبود حبيبي ..


عبدالله التفت على مناف وابتسم .. ترك اللي بيده وركض صوبها .. حضنها وتم يبوسها ..


مناف: شلونك حبيبي ؟


عبدالله: الحمدلله ..

[رامون]

مناف التفت على فيصل اللي كان واقف ويطالعها .. ابتسمت له ونادته ..


مناف: تعال حبيبي فيصل ..


ركض فيصل صوب مناف وحضنها ..


مناف: شلونك حبيبي ؟


فيصل: تمام .. امس تونسنا وايد ..


عبدالله وهو يحك شعره: اي وايد تونسنا .. بس ليش فهد ما يقدر يتكلم ؟


مناف بحزن: من يابته امه وهو ما يتكلم .. بس هو مستانس صح ..


عبدالله: اي هو طيب بس ماعرف شلون هو مستانس وهو ما يسمع ولا يتكلم ..


فيصل: يمكن احسن له انه ما يتكلم ولا يسمع ..


مناف شافت فيصل وحست ان كلامه كبير ..


مناف: اي والله يمكن احسن له ..


فيصل: تريقتي ؟


مناف: لا الحين بروح اشرب حليب ..


عبدالله: انا بعد ابي ..


مناف: روح عند امي وقولها تسوي لك بسرعه ..


عبدالله: زين زين ..


ركض المطبخ صوب امه .. وهو يركض طاح على الارض وصرخ .. مناف وفيصل ركضوا له ..


مناف بخوف: عبود حبيبي شفيك ؟


عبدالله وسط دموعه: راسي .. طحت على راسي ..


مناف: فيصل روح جيب ثلج بسرعه ..


فيصل: زين ..


ام مناف بخوف: شفيه عبود ..؟


مناف وهي حاضنته: طاح على راسه فديته ..


ام مناف: تعال حبيبي ..


عبدالله وحاط يده على راسه: آآآي يمه راسي يعورني ..


ام مناف: سمالله على راسك حبيبي .. شلون طحت ؟


عبدالله: مادري وانا اركض .. آآآي يمه راسي ..


فيصل: مناف جبت الثلج ..


عطاها الثلج ولفته بفوطه وحطته على راس عبدالله .. تم عبدالله يصيح بألم ..


مناف: يمه نوديه المستشفى ؟


ام مناف: لا ما عليه شر البطل عبود ..


عبدالله وهو يشهق من الصياح: لا .. لا مابي المستشفى ..


فيصل: احسن خل يشوفون راسك ..


ام مناف: لا تخرعونه .. طيحته عاديه .. ما عليه شر حبيب امه عبودي ..


عبدالله حضن امه وتم يصيح .. ام مناف حضنته وتمت تقرى عليه ..


ام مناف: مناف يمه روحي شربي حليبج جاهز فالمطبخ ..
.........................
يتبع

[رامون]

تموا الشباب قاعدين بصمت يشربون الكرك .. راحوا يصلون الفجر محمد وفارس رجعوا الاستراحه .. اما خالد راح الغرفه عند مريم .. وتم سهران عند راسها .. على الساعه 6 ونص مريم فتحت عيونها بتعب .. كانت تنادي خالد ..


مريم بتعب: خالد ..


خالد قرب منها: حياتي انتي لا تتكلمين حبيبتي ..حط يده على شفتها الناشفه ..


مريم: ابي ماي ..


خالد: من عيوني فديت قلبج ..


حط ماي في الكوب .. وسقاها شوي شوي .. مريم بعدت يد خالد لما شبعت .. مسكت يد خالد وصاحت ..


مريم: خالد ..


خالد بحنان: انا عندج حبيبتي ..


مريم: جسمي يعورني ..


خالد: سمالله عليج .. فيني ولا فيج .. مسح دموعها ..


مريم: آآه خالد والله جسمي يعورني ..


خالد: ارتاحي حبيبتي ولا تتكلمين .. لا تعبين نفسج ..


مريم بخوف: خالد لا تروح وتخليني ..


خالد باس يدها: انا هني حبيبتي .. ما راح اتركج .. انتي ارتاحي واوعدج اكون جنبج ..


مريم: ان شاءالله ..


غمضت عيونها بتعب وهي ماسكه يد خالد ..


خالد كان يفكر وهو يتأمل ملامح مريم ..


خالد " ليكون طلعت لها هالجنيه .. لا حول ولاقوة الا بالله .. يارب تترك مريم .. الله يحفظ مريم منها ان شاءالله "


خالد اتصل بفارس ..


فارس: هلا ..


خالد: بونايف .. توكل انت واخوي .. ما قصرتوا وبيض الله ويهكم ..


فارس: حاضرين لك الغالي .. شو اخبار مرايم ؟


خالد: قعدت من شوي وكانت تعبانه وايد .. ونامت مره ثانيه ..


فارس: بامراطل عليها قبل ما روح ..


خالد: تعال حياك يبه ..


فارس: تسلم لي ..


محمد: بتروح تشوف اختك ؟


فارس: اي ..


محمد: زين انا بانتظرك هني ..


فارس: لاتعال معاي ليش قعد هني بروحك ..


محمد: ان شاءالله ..


فارس ومحمد راحوا صوب غرفة مريم .. فارس تطمن على اخته وسلم على خالد وطلع هو و محمد .. طبعا كل واحد منهم راح وحذف نفسه ونام .. الساعه 8 ونص رن جوال فارس وكانت الرنه ( عالي مستواه ) .. فارس من التعب ما قام .. محمد سمع الرنه وفتح عيونه .. التفت على فارس اللي كان غرقان فالنوم ..


محمد: فروس .. فروووس ..


فارس بتعب: همممم ..


محمد: تلفونك ..

[رامون]

فارس مد يده وخذ التلفون من على الطاوله .. رد بتعب ..


فارس: هلا ..


مناف: حبيبي ..


فارس فتح عيونه: قلبه انتي ..


مناف: حبيبي يلا قوم ..


فارس: ابي انام ..


مناف: حبيبي الساعه 8 ..


فارس: بنام شوي حياتي ..


مناف بدلع: زين كيفك ..


فارس صحصح: خلاص خلاص قعدت ..


مناف: متى نمت امس ؟


فارس يتثاوب: آآآه .. نمت الصبح ..


مناف: الساعه كم ؟


فارس: الساعه 7 تقريبا ..


مناف: فديت قلبك حبيبي .. بس شهاللي مسهرك ؟


فارس: بعدين بقولج .. خليني اقوم اخذ لي شور يصحصحني اول ..


مناف برقه: حبيبي نام ..


فارس: لا بقوم عندي شغل ..


مناف: اي شغل ؟


فارس: يا قلبه اول باتسبح وبرجع اتصلج وبقولج كل شي ..


مناف بدلع: زين حبيبي ..


فارس ابتسم: اموت في دلع زوجتي حبيبتي ..


مناف بخجل: فديت قلبك يا فارس .. زين اسوي لك سندويش تمر تاخذه ؟


فارس: ايه عليج بس .. زين جهزيه وبمر اتريق عندج ..
مناف: ان شاءالله ..


فارس: وبعد ابي نسكافيه من ايدينج الحلوات ..


مناف: من عيوني حبيبي ..


فارس: ولا تنسين تنفخين فالنسكافيه .. عشان يبرد شوي ..

[رامون]

مناف انحرجت: زين حبيبي ..


فارس مبتسم: يلا بقوم اخذ لي شور وجايج ..


مناف: الله يحفظك حبيبي..


سكر فارس من مناف وقام بتعب .. راح ياخذ له شور .. محمد سمع المكالمه وكان فرحان لفرحة فارس ..


محمد " الله يوفقك يا فارس " ..


مناف دخلت المطبخ وجهزت لفارس الريوق .. دخلت عليها امها ..


ام مناف: فديت بنتي اللي تسنع ريوق ريلها ..


مناف منحرجه: هلا يمه ..


ام مناف: ريلج جاي ؟


مناف: اي ..


ام مناف: متى ؟


مناف: بعد شوي ..


ام مناف: زين يمه انا بروح بيت ام خالد ولدها تعبان وبمر اسلم عليها ..


مناف: زين يمه ..


ام مناف لبست عبايتها وطلعت من البيت .. فارس اتصل بمناف ..


فارس: حياته ..


مناف: هلا حبيبي ..


فارس: انا عند باب بيتكم ..


مناف: زين الحين باجيك ..


راحت صوب الباب ولقت فارس بالسياره .. اول ما شافها نزل من السياره وراح صوبها ..


فارس مبتسم: فديت هالنور من ويهج الحلو ..


مناف منزله راسها: هلا فديتك .. تفضل ..


فارس عضت شفته: اموت فيها يا ناس ..


دخل الحوش وكان يطالع مناف من فوق لي تحت ..


فارس: وين عمتي ؟


مناف: راحت بيت جيرانا ..


فارس: حليلها .. وانتي ليش ما رحتي الجامعه ؟

[رامون]

مناف: الدكتور معتذر ومبلغنا من اسبوع ..


فارس: يعني اليوم ما عندج الا محاضره وحده بس ؟


مناف: لا عندي .. بس مب حاضرتهم ..


فارس: ليش ؟


مناف: هالكورس ما غبت ولامره .. عادي الا محاضره وحده بفوت من كل ماده ..


فارس قرب منها: فديت زوجتي المقلوعه ..


مناف وفارس: هههه ..


فارس: الله على ريحة الاكل ..


مناف: زين تعال اقعد ..


فارس: من عيوني يا عيوني انتي ..


مناف " فديته والله " ..


دخل فارس الصاله وقعد .. مناف راحت تجيب الريوق .. دخلت وهي شايله الصينيه .. فارس قام وشلها عنها ..


قعدت مناف مجابله فارس وتجهز له السفره .. فارس كان مبسوط وهو يراقبها ..


فارس: يعطيج العافيه حبيبتي ..


مناف مبتسمه: الله يعافيك ..


فارس: تعالي قعدي جنبي ..


مناف: ان شاءالله ..


تم فارس ياكل بهدوء ومناف تراقبه بوناسه .. بعد ما خلص السندويش طالع مناف وابتسم .. مناف قربت له النسكافيه
فارس: تسلمين يا قلبه ..
مناف: بالعافيه حبيبي ..
فارس وهو يشرب النسكافيه: ما قصرتي حبيبتي .. يعني كل يوم بتتفننين لي ؟؟
مناف مبتسمه: ان شاءالله ولا يهمك .. اذا ما تفننت لم يا فارس بتفنن حق من ؟
فارس حطالكوب على الارض وحضن مناف بقوه .. مناف انحرجت وبعدت عنه شوي ..
فارس: ليش تستحين يا قلبه؟
مناف منزله راسها ومبتسمه: اجيب لك ماي ؟
فارس رفع راسها: حبيبتي .. الحين انا جدام الله والناس متزوجين ..
مناف: ادري ..
فارس: ليش تستحين عيل .. خلج عاديه معاي ..
مناف: ان شاءالله ..
فارس ابتسم: زين حياته ابي اغسل ..
مناف: تعال معاي ..
فارس: انا وراج وراج ..
مناف وفارس: ههههه ..
طلعوا من الصاله رايحين المطبخ .. فارس غسل يده ومناف راحت تشل السفره من الصاله .. دخلت المطبخ ولقت فارس قاعد على الكرسي ينتظرها .. طالعته مناف وهي مبتسمه .. راحت صوب المغسله وبدت تغسل الصحون .. فارس كان يراقبها مبتسم .. قام من مكانه وراح صوبها ..
مناف: شفيك ؟
فارس: بساعدج ..
مناف: ههههه .. لا اقعد الحين بخلص ..
فارس خذ الكوب وغسله: عادي .. بكره لي رحنا بيتنا الصغير لازم بساعدج ..
مناف مبتسمه: لا انا علي شغل البيت وانت ارتاح ..
فارس: فديت عمرج يا اغلى الغاليات ..
مناف خذت الكوب من يده: زين ارجع مكانك وخلني اخلص شغلي ..
فارس: لا يبه ارتاحي انتي .. اخاف على اظافرج ..
مناف: ههههه ..
فارس نفض يده في ويه مناف .. وقطرات الماي راحت على ويها .. مناف غمضت عيونها ..
مناف: فاااااارس ..
فارس حضنها: فديت فارس طالعه من حلجج الحلو ..
مناف انحرجت: فارس وخر فديتك اخاف امس تدخل علينا ..
فارس عض شفته: اموت فيج يا مناف ..
مناف راحت صوب الباب: زين تعال خل نروح الصاله ..
فارس: خاطري اشوف غرفتج ..
مناف ابتسمت: زين تعال ..
راح وراها صوب غرفتها .. فتحت الباب وفارس حط يده على الباب وتم يطالع غرفتها ..
فارس: يعني تكلميني وانتي على هالسرير الصغير ..
مناف نزلت راسها: اي ..
فارس قرب منها: ليش زعلانه حياتي ..
مناف ابتسمت: مو زعلانه ..
فارس: الا فيج شي .. زعلتي عشان قلت عن سريرج صغير ؟
مناف: لا حبيبي ..
فارس مسكها من كتوفها: ليش زعلتي ؟
مناف تنهدت: على حياة ابوي كنت انام على سرير مريح ..
فارس ضغط على كتفها: وبأذن الله معاي بتنامين على سرير مريح وانتي متطمنه .. مناف دام انتي معاي لا تحاتين شي .. انا بوفر لج حياة طيبه .. انتي غاليه يا مناف .. صدقيني محد وصل بقلبي غلاج .. ومحد بيوصل بعد ..
مناف كانت تسمع كلام فارس وهي طايره من الوناسه وكانت متفائله بحياتها مع فارس .. اما فارس فشاف الفرحه بعيون مناف ..
فارس طالع ساعته: زين حياتي .. انا بامشي عشان اروح الشركه اخلص شغلي ..
مناف: زين حبيبي ..
فارس: عطيني يدج ..

[رامون]

مناف مدت يدها ومشت جنب فارس .. وصلته لين باب الحوش .. وعند الباب تذكر فارس ان يقول لمناف عن مريم اخته ..
فارس: نسيت اقولج ..
مناف: شنو ؟
فارس بحزن: امس فالليل مريم اختي تعبت علينا وركضنا فيها المستشفى ..
مناف بخوف: مسكينه .. شفيها ؟
فارس: فقدت الجنين ..
مناف خنقتها العبره: مسكينه ما تستاهل .. عساها ما تألمت وايد ؟
فارسك والله على كلام ريلها يقول انها كانت تصرخ من شدة الالم ..
مناف بلعت ريقها بصعوبه: فديت قلبها .. فارس نقدر نشوفها ؟
فارس: اي اكيد ..
مناف: الله يخليك مرني اليوم ابي امر عليها ..
فارس: عيوني لج حياتي ..
مناف: ما تشوفون شر حبيبي .. ومريم ما تستاهل فديتها ..
فارس: الشر ما يجيج ..
مناف رتبت غترت فارس ونفضت ثوبه .. فارس كان يطالعها ومبتسم ..
مناف: يلا حبيبي .. روح كمل شغلك الله يوفقك ..
فارس: الله لا يحرمني منج يا مناف ..
مناف: حبيبي انته .. طمني عليك اول ما توصل ..
فارس: ان شاءالله ..
فارس مسك يدها وضغط عليها بقوه .. مناف ضغطت على يده وابتسمت له .. طلع فارس من بيت مناف متجه للشركه يخلص شغله .. مناف افتقدت فارس اول ما طلع من عندها .. دخلت غرفتها واتصلت حق فاطمه عشان تطمن على مريم .. وايد تأثرت باللي صار لمريم .. ومناف ماتدري عن سالفة الجنيه اللي طلعت لخالد والحين تطلع لمريم وخالد مع بعض ..
الساعه 4 العصر الكل تجمع فالغرفه عند مريم اللي زعلت لما عرفت انها فقدت اللي في بطنها .. ام فارس كانت وايد حزينه .. مريم كانت وايد زعلانه بس وسطهم نست همها شوي .. وخالد كان خايف على مريم وصابر ..
هيا: ما تشوفين شر حبيبتي ..
مريم نزله راسها: الشر ما يجيج عميمه ..
هيا: معوضه ان شاءالله ..
ام فارس: الله يعوضج يا بنتي .. بس لا تحملين الحين خل يتراح جسمج اول ..
مريم: ان شاءالله ..
فاطمه قربت من اختها: فديت الغاليه مرايم .. كلمتني مناف اليوم ..
مريم مبتسمه: والله .. حليلها فديتها ..
فاطمه: فارس قالها عنج .. و اتصلت لي الصبح تسأل عنج ..
مريم: فديتها هالبنت .. والله تنحب ..
فاطمه: كلمني فارس اليوم الظهر وقالي مناف بتجي تزورج ان شاءالله ..
مريم مبتسمه: فيها الخير ..
...............
يتبع

[رامون]

مناف: ان شاءالله يمه ..


ام مناف: فيصل يبه .. جيب لاخوك ماي خل اسقيه ..


فيصل: ان شاءالله يمه ..


فيصل ومناف راحوا المطبخ مع بعض .. فيصل خذ ماي لاخوه .. ومناف خذت الحليب وطلعت عند امها وعبدالله .. مناف وفيصل قعدوا حول امهم اللي عبدالله كان في حضنها ويتألم من راسه ..
مناف وهي تحط كوب الحليب: عبود تبي حليب ..؟
عبدالله وهو يشهق: حار .. خليه يستوي بارد اول ..
الكل: هههههه ..
ام مناف: اقوم اسوي لك يبه ؟
عبدالله: لا يمه قعدي لا تروحين عني ..
فيصل يلعوز اخوه: حليله الدلوع ..
عبدالله: يمه شوفي فصول ..
مناف وفيصل: حليله .. هههههه ..
ام مناف: لا تلعوزون حبيب قلبي .. هاذي عبود القوي ..
فيصل: فديت عبود البطل ..
ام مناف: الله لا يحرمكم من بعض .. مناف امي بعد ما تخلصين حليبج قومي سوي حق عبود حليب ..
مناف مبتسمه لاخوها: من عيوني الثنتين ..
فيصل: وعندك احلى حليب لعبود وصلحوووو ..
الكل: هههههه ..
ام مناف: فديت عبود حبيبي يضحك ..
عبدالله بدلع: يمه ..
مناف: اشوا راسك الحين ؟
عبداله ياخذ نفس: اي شوي ..
فيصل: وين يعورك ؟
عبدالله أشر صوب جبهته: هني ..
مناف عضت شفتها: ما تشوف شر يا بطل انته ..
عبدالله ابتسم ودفن راسه في حضن امه .. رن جوال فيصل وفارس كان المتصل ..
فيصل: فارس متصل ..
مناف طالعت امها وابتسمت ..
ام مناف: قول نسيبي مو فارس بس ..
فيصل: ان شاءالله ..
رد فيصل على فارس برد عجب فارس وايد ..
فيصل: مرحبا نسيبي فارس ..
فارس مبتسم: فديت قلبك انته .. شلونكم ؟
فيصل مبتسم: الحمدلله .. انت شخبارك ؟
فارس: الحمدلله .. امك وعبود شو اخبارهم ؟
فيصل: عبود طاح على راسه توه .. مسكين راسه يعوره ..
فارس بخوف: سمالله عليه .. شلون طاح ؟
فيصل: وهو يركض مادري شلون طلح على راسه مسكين .. تم يصيح وايد والله .. توه من شوي سكت بس ..
فارس: فديت قلبه عبود .. ما طلع من راسه دم ولا شي ؟
فيصل: لا الحمدلله ..
فارس بإطمئنان: الحمدلله .. زين بامركم اليوم العصر بنروح نفصل ثياب .. جسوم وسلطانو واحمدو بيجون معاي
فيصل بوناسه: ياااااي .. وناسه
فارس: ههههه ..
فيصل: الساعه كم بتمرون ؟
فارس: بنصلي العصر وبنمركم .. انتوا جهزوا ..
فيصل: ان شاءالله ..
فارس مبتسم: وين زوجتي ؟

[رامون]

فيصل ابتسم: موجوده ..
فارس" فديت قلبها": وعمتي شو اخبارها ؟
فيصل: والله مع عبود ..
فارس: عطني اكلمها شوي ..
فيصل: بروح صوبهم لحظه شوي ..
فيصل: يمه فارس يبيج ..
ام مناف خذت التلفون: هلا يبه ..
فارس: شلونج عمتي ؟
ام مناف مبتسمه: طيبه الله يسلمك يبه .. اعلومك انت ؟
فارس: الحمدلله ..
ام مناف: شخبار الاهل كلهم ؟
فارس: طيبين والحمدلله ..
ام مناف: الله يطرح فيك البركه ..
فارس: تحت امرج الغاليه ..
ام مناف: جزاك الله خير ..
فارس: سلاماة عبود فديته .. شو صار له ؟
ام مناف: الله يسلمك يبه .. طاح على راسه وهو يركض فديته ..
عبدالله من سمع امه تقول هالكلام حق فارس صاح مره ثانيه ..
مناف: خلاص عبود حبيبي ..
خذته من حضن امه بس عبدالله تمسك بامه وهو يصيح ..
عبدالله: ابي امي .. آآآآه يمه ..
ام مناف: بس ابوي انته ..
فارس: عشاه ما تعور ؟
ام مناف: لا ماتعورفديته .. بس اعرفه منكسر خاطره على عمره .. عشان جي يصيح ..
فارس مبتسم: ما عليه شر فديته ..
ام مناف: ان شاءالله ..
فارس: يمه عطيني فيصل شوي ..
ام مناف: ان شاءالله .. فيصل يبيك الريال ..
فيصل خذ التلفون وطلع يكلم فارس فالحوش .. ام مناف تمت تسكت عبدالله ..
ام مناف: قوم اسبحك حبيبي ..
عبدالله يشهق: مابي مابي ..
مناف: تعال ارقدك عندي حبيبي ..
عبدالله وهو يصيح: ابي امي بس ..
مناف مبتسمه: حبيب اللي يبي امه ..
ام مناف: ان شاءالله اشوف عيالج يا مناف واشلهم في حضني ..
مناف: ان شاءالله يمه ..
ام مناف: فديت قلبج انتي ..
تمت مناف تسولف مع امها .. عبدالله كان مغمض عيونه وحاضن امه .. نام في حضنها من كثر ما صاح ومن الالم اللي حس فيه من الطيحه .. تمت ام مناف تمسح على ويهه وتتأمل برأته ..
ام مناف: مناف يمه قومي شوفي الجدر ..
مناف: ان شاءالله يمه ..
راحت مناف صوب المطبخ .. ام مناف حطت عبدالله على الارض وغطته .. لحقت بنتها على المطبخ وطبخوا الغدا مع بعض ..
ام مناف: بكره بيقولج ابي اتغدى عندج .. برزي له السفره وذاك الغدا الزين ..
منا منحرجه: ان شاءالله يمه ..
ام مناف: يبه الريال ما يبي البنت اللي ما تسوي شغل ريلها وكله كسلانه .. يبي يرجع من الشغل ويلقاها تنتظره بالويه السمح .. والضحكه الحلوه على ويهج .. عقب ما تخلصين غداه تروحين وتتعدلين له .. لازم دوم يشوفج مرتبه ونظيفه وريحتج حلوه .. تحملي يشم ريحة المطبخ فيج ..
مناف: ان شاءالله يمه ..
ام مناف: املي عينه لا تخلينه يطالع غيرج ..
مناف باهتمام: شلون يمه ؟
ام مناف: حافظي على عمرج وبيتج .. دوم كوني الاولى والاخيره في حياته .. حافظي عليه في غيابه .. حطيه بعيونج .. اهتمي فيه .. يمه ترا الريال مثل الياهل .. يحب من يهتم فيه بقلب صافي ويحب يسمع الكلمه الحلوه .. ولاتنسين ربج وياه يا بنتي .. ذكريه بامور دينه .. كبري عقلج وسايريه .. طيعيه في كل شي الا معصية ربج .. دوم اخذ رايه في اي شي تبين تسوينه وشاركيه في اموره .. لاتعطينه رايج الا لي طلبه .. وبعدين هو من نفسه بيجي ياخذ رايج في كل كبيره وصغيره .. اهتمي بنفسج وفيه .. لبي طلباته اول باول .. لا تضغطين عليه لو قالج ماعندي خلج قنوعه وربي بيسرها بينج وبينه ان شاءالله ..
مناف: الله يمه كلامج حلو وايد ..
ام مناف: البنت السنعه اللي تصون زوجها وتحفظ على بيته وحلاله .. خلج حكيمه لا تتسرعين في الحكم على الامور .. ولي عصب لا تقربينه .. لي هدى وراق اخذي ما في خاطره ..
مناف: ان شاءالله يمه ..
ام مناف: عفيه على بنتي .. الله يسعدج يا يمه ..
مناف: فديت قلبج يمه ..
ام مناف: يلا نجهز الغدا لاخوانج ..
مناف: ان شاءالله ..
جهزوا الغدا وتغدوا الا عبدالله اللي كان نايم من التعب .. بعد الغدا مناف راحت الغرفه واتصلت لفارس بعد ما لقت منه تقريب 3 مس كول .. اتصلت له ..
فارس: يا قلبه انتي ..

[رامون]

مناف مبتسمه: هلا حبيبي ..
فارس: ليش ما قعدتيني من النوم ؟
مناف: قلت اخليك نايم .. كنت وايد تعبان امس ..
فارس: فديت روحج انتي .. شو اخبارج ؟
مناف: طيبه .. اخبارك انت حبيبي ؟
فارس: مشتاق لج ..
مناف بهمس: فديت روحك ..
فارس: عمري انتي .. الا بسألج ..
مناف: هلا ..
فارس: شو اخبار عبود ؟
مناف: ما عليه شر ان شاءالله ..
فارس: شلون طاح ؟
مناف: مادري .. راح يركض عند امي وفجأه سمعنا صراخه .. ماسك راسه ويصيح .. مادري شلون طاح على راسه فديته ..
فارس: ما يشوف شر فديت قلبه ..
مناف: كسر خاطري وهو ماسك راسه ويصيح .. مادري ليش عبود وايد يعور قلبي فديته ..
فارس: ما عليه شر ان شاءالله .. وينه الحين ؟
مناف: نام من التعب فديته ..
فارس: فديت روحه .. زين اليوم العصر بامر على اخوانج .. عاد ابي اشوفج ..
مناف باحرج: ها .. تشوفني ؟؟
فارس: اي .. زوجتي وابي اشوفها ..
مناف: استحي عاد ..
فارس: ههههه .. ليش تستحين يا قلبه ؟
مناف: استحي اقابلك جدام امي واخواني ..
فارس: عادي حبيبتي .. يلا تجهزي ابي اشوفج قبل ما اطلع مع الشباب .. سوي لي شاي من ايدينج الحلوات
مناف مبتسمه: زين ..
فارس: عاد نبي نقعد بروحنا ..
مناف: ها ..
فارس: سمعتيني .. لا امج ولا اخوانج بيقعدون معانا ..
مناف: ابيه فارس ..
فارس: هههههه .. كأني ما قعدت معاج امس ..
مناف: عاد هاي في بيتكم .. بس في بيتنا احس باحراج ..
فارس: لاتنحرجين حبيبتي .. خلاص انا زوجج وانتي زوجتي العزيزه ..
مناف بخجل: اللي تشوفه حبيبي ..
فارس: فديت روحج انتي ..
تمت تسولف مع فارس لين أذن العصر .. استأذن منها وراح يصلي ومر على الجسمي واحمد وسلطان .. اتجهوا صوب بيت مناف .. اول ما وصلوا اتصل بفيصل واستقبلهم .. الشباب دخلوا مع فيصل وراحوا صوب الطيور اندمجوا مع بعض .. فارس دخل وسلم على ام مناف .. قلطته ام مناف الصاله .. قعد ينتظر مناف .. دخلت عليه مناف وهي منزله راسها .. اول ما شافها فارس قام من مكانه .. قرب منها ومد يده لها .. مناف مدت يدها وهي ترجف ..
فارس: فديت هالطله الحلوه .. فديت زوجتي الغاليه ..
مناف: شلونك ؟
فارس مبتسم: انا بشوف القمر اصير باحسن حال ..
مناف " فديت قلبه هالفارس احبه احبه " ..
فارس: تعالي قعدي جنبي ..
مناف: ان شاءالله ..
قعدوا مع بعض وفارس على طول طبع بوسه على خد مناف .. مناف انحرجت وبعدت شوي عن فارس .. ام مناف طقت الباب .. مناف قامت من مكانها بسرعه وراحت صوب الباب .. امها كانت مسويه الشاي وجايبته لهم .. مناف خذت الصينيه من يد امها وقدمت الشاي لفارس .. تموا يسولفون وفارس بعد ما خلص الشاي استأذن ..
فارس: انا بودي الشباب الحين ..
مناف: وين بتروحون ؟
فارس: بويهم يفصلون ثياب ..
مناف: توك موديهم ..
فارس: بفصلهم 6 حق طول السنه ..
مناف: اها ..
فارس مبتسم: فديت عمرج انتي ..
مناف نزلت راسها وهي مبتسمه بخجل ..
فارس: زين سوي لي درب حياتي ..
مناف: ان شاءالله ..
اول ما قامت مناف من مكانها .. سحبها فارس بقوه وقعدت في حضنه .. طوقها بيدينه وباسها على شفتها .. مناف ارتبكت وبطلت يد فارس من حولها .. فارس تم يطالعها مبتسم وتركها .. مناف طلعت من الصاله وهي مرتبكه ..
مناف: يمه فارس بيطلع ..
ام مناف مبتسمه: خليه يمر ..
مناف: ان شاءالله ..
راحت الصاله عند فارس اللي كان واقف ويعدل غترته ..
مناف: تقدر اطوف الحين ..
فارس مبتسم: زين ..
مشى فارس جنب مناف وهو ماسك يدها .. اول ما صولوا صوب باب الصاله تركوا ايدين بعض .. طلعوا فالحوش عند الشباب ..
فارس: وين عبود ؟
مناف: للحين نايم فديته ..
فارس عقد حواجبه: زين شيكوا عليه ..
ام مناف: ما عليه شر .. ليش مكبرين الموضوع انتوا ..
مناف: يمه صياحه مب طبيعي ..
ام مناف: ضربة الراس تعور .. بس لي قعد من النوم بينسى كل شي ..
فارس: اذا قعد من النوم وهو يتألم بس اتصلوا لي خل نوديه المستشفى ..
ام مناف: ان شاءالله ..
فارس: يلا استأذن الحين ..
ام مناف: الله وياك يبه ..
فارس التفت على الشباب: يلا شباب ..
الشباب: زين ..
فارس والشباب طلعوا متجهين للسوق .. مناف وامها تموا فالبيت وكانت مناف تحاتي عبدالله .. محمد تلاقى مع فارس عند احد مواقف السوق ..
فارس: وين علوه؟
محمد: توه قاعد من النوم .. بيلبس وبيجينا .. وين الصغير ؟
فارس: تعبان ..
محمد: زين شو اخبارها ؟
فارس مبتسم: آآه يا حمودي .. والله ودي اخذها البيت اليوم قبل بكره .. الحمدلله ان الامور تيسرت ..
محمد: ما قلت لك يا فروس .. اني متفائل ..
فارس: فديت تفئلك يا قلبي انته ..
محمد: قوم جيب لي شاي يلا بس ..
فارس: انا معرس لازم ادلعني ..
محمد: يستوي خير بندلعك بعد العرس ..
محد وفارس: هههههه ..
وهم يسولفون وصل علي .. نزل من السياره وسلم عليهم ..

[رامون]

علي: حيالله معرسنا ..
فارس مبتسم: الله يحيك ..
علي: يا حي هالضحكه الحلوه يا فارس ..
فارس انحرج: لعيونك هالضحكه ..
علي: علينا هالكلام ..
محمد: لقط ويهك يا فروس ..
الكل: ههههههه ..
علي: وين عبود ؟
فارس: عبود طاح على راسه اليوم ..
علي عقد حواجبه: مسكين .. عساه ما تعور ؟
فارس: لا بس متسندر من الالم ونام ..
علي: خساره كنت باسوي له حفله اليوم ..
محمد: اي حفله ؟
علي: تعرف هالولد مقلوع .. وبطيره ..
فارس ومحمد: هههههه ..
علي: خل آخذ له هديه على قده حليله .. وايد حبيته هالولد ..
فارس: اي والله عبود يجنن ..
محمد: والله انا اجنن اكثر منكم كلكم بعد ..
الكل: هههههه ..
فارس: وين خل نروح نخلص مع الخياط ترا الشباب غلسوا عليه ..
علي: باصفقهم الحين ..
دخل علي المحل وزقر الشباب بصوت واحد ربشهم خلاهم يسكتون مره وحده ..
علي بحده: وبعدين يا شباب ..
فارس بهمس: حمش الولد ..
محمد: ينخاف منه ..
علي مبتسم: يلا شباب كل واحد يختار له قطعه ..
الشباب: شالوا ..
محمد: ههههه .. علوه هبل .. يزقرهم وبعدين يضحك معاهم ..
فارس: يعجبني اخوك .. بس تغير من بعد ما رجع من السفر ..
محمد: اي تغير للاحسن .. من ترك جبور الدب وهو احسن ..
فارس: الربع يجرونك اما للصح او الغلط ..
محمد: والعاقل اللي يحكم عقله ..
فارس: اخوك تعلم درس ..
محمد: درس ما بينساه طول عمره .. ابوي غضب عليه ..
فارس: تقولي عن ابوك .. اذا انا اخاف منه .. تذكر يوم زفنا انا وانت يوم تعافرنا فالميلس مع فهود واسامي ..
محمد: هههههه .. اما ذاك اليوم كان شكلك روعه وابوي يزفك وانت تحاول تلطف الجو ..
فارس: هههههه .. المصيبه ان هاليهال فضحونا ..
محمد: اي والله .. وابوي ترا مب بسهوله ينقص عليه ..
فارس: حليله عمي .. بس وقف معاي وقفه ما راح انساها له طول عمري .. هو ويدتي وابوي ..
محمد: اي والله انا اشهد انهم وقفوا معاك .. جزاهم الله خير ..
فارس تنهد: آآه .. تدري يا حمودي جميلهم شايله على راسي .. ومب عارف كيف ارده لهم ..
محمد: تدري شو تقول ايديه حق ابوك ذاك اليوم ..
فارس: شو ؟
محمد: قالت له انك قلت لها اني شايل جميلج على راسي .. قالت له ابيه يرد لي هالجميل بمحافظته على بنت الناس يصونها ويحافظ عليها ..
فارس: ليش انتوا متخوفين ؟ وعلى بالكم اني بالتها ؟
محمد: والله مو مسألة متخوفين .. الكل يعرف اخلاقك .. بس اصرارك عليها خلاى يدتي تصر انك نحطها بعيونك .. وغير ان امها كانتتعرف يدتي و البنت يتيمه .. الا اليتيم يا فارس لا تذله .. والبنت مالها حد فهالدنيا .. امها لا لها ولا عليها .. واخوانها صغار وهي اللي شايله همهم .. وانت رايل وندري انك بتعزها .. بس للتذكير يا فروس .. وانت تعرف الحريم وحتهم لبعض ..
فارس مبتسم: عدل كلامك يا رجل ..
محمد: لا تتضايق من هالوصيه .. ترا سمعتها قبلك ..
فارس ومحمد: ههههههه ..
محمد: بس انا طلقتها ..
فارس: حمودي ..
محمد: هلا .ز
فارس: انت مب ندمان على اللي سويته ؟
محمد: لا مب ندمان .. ولو بعطيها فرص ترا مب مخلص ..
فارس: زين ردها عشان عيالك ؟ تشوفها حلوه تشوف عيالم مرتين او 3 مرات فالاسبوع ؟
محمد: والله الوضع مب عاجبنيي يا فروس .. بس ما اتحملها ..
فارس: حمود فكر فالموضوع مره ثانيه ..
محمد يغير الموضوع: زين يلا نروح نفصل اعتقد الشباب خلصوا ..
فارس " آيه عليك يا حمود .. ليش محمل قلبك هالكثر ؟"
فارس مبتسم: يلا ..
راحوا صوب الشباب وكل منهم فصل له وخذ مقاساته .. بعد هالربشه عند الخياط .. طلعوا الشباب يتعشون وبعد العشى تموا يلفلون فالشوارع .. فارس ومحمد في سياره .. وعلي والشباب الصغار مرتبشين عالآخر في السياره الثانيه ..
علي مر على محل الالعاب وشرى حق عبود سيكل ( دراجه هوائيه ) .. بعد هالصياعه اللي صاعواها الشباب راحوا بيت مناف يوصلون فيصل ..

[رامون]

علي: فيصل ناد عبود ..
فيصل مبتسم: ان شاءالله ..
راح فيصل عشان ينادي عبدالله ..
فيصل: يمه .. يمه ..
ام مناف: هلا ابوي انته ..
فيصل: وين عبود ؟
ام مناف: قاعد ..
فصل: قولي له يجي عند الباب .. علي يبيه ..
ام مناف: علي!! من علي ؟
فيصل: عبود يعرفه .. ناديه بسرعه ..
ام مناف مبتسمه: ان شاءالله فديتك ..
راحت ام مناف تنادي عبود اللي نقز من مكانه اول ما سمع اسم علي .. طلع من الصاله يركض .. مسكته مناف ..
مناف: شوي شوي ..
عبدالله: زين ..
مشى بسرعه متجه للباب .. اول ما شاف علي ركض له وحضنه .. فيصل وباقي الشباب دخلوا الحوش عند الطيور
محمد: حليله الولد .. وايد حنون ..
فارس: اي والله .. من يشوفني يركض لي ويحضني ..
محمد مبتسم: فديت قلبه هالصغيرون ..
علي حضن عبدالله وباسه ..
علي: شلونك يبه ؟
عبدالله: طيب ..
علي: راسك اشوا الحين ؟
عبدالله خنقته العبره وتجمعت الدموع في عيونه .. خذ نفس وابتسم ..
عبدالله: الحين احسن شوي ..
علي: ما تشوف شر يبه .. تعال عندي لك مفاجأه حلوه ..
عبدالله: وينها ..
علي قرب السيكل من عند عبدالله .. عبدالله اول ما شافه طار من الوناسه ..
عبدالله: يااااااي .. وناسه عندي سيكل ..
علي: يلا اركب خل اشوفك تسوقه ..
عبدالله ركب وساق السيكل صوب باب البيت ..
فارس: حلاه على عبود عنده سيكل ..
عبدالله ضحك ضحكته الحلوه بفرح: ههااااي ..
الكل: هههههه ..
علي: بس لا تسوقه فالشارع .. بس فالبيت .. لو سقته برا ترا بزعل منك ..
عبدالله مبتسم: ان شاءالله ..
علي: يلا خل فارس يدخله لك البيت ..
عبدالله: زين ..
فارس مشى صوب عبدالله وشل السيكل ودخله الحوش .. شاف ام مناف قاعده عند باب الصاله تراقب الشباب اللي عند قفص الطيور .. ناداها وسلم عليها ..
فارس: هلا يمه ..
ام مناف مبتسمه: هلا ابوي ..
فارس: شلونج ؟
ام مناف: الحمدلله .. اخباركم انتوا ؟
فارس: الحمدلله ..
فارس كان يكلم ام مناف وعيونه على مناف اللي كانت اطل عليه من ورا الباب وهي مبتسمه ..
ام مناف: تعشيت يبه ؟
فارس: اي الحمدلله ..
ام مناف: بالعافيه يبه ..
فارس: زين الغاليه اترخص الحين ..
ام مناف: الله يحفظك يبه .. وتحمل بنفسكم ..
فارس مبتسم: ان شاءالله .. التفت على الشباب .. يلا روحوا السياره ..
جاسم: لا تو الناس ..
سلطان: وناسه هني ..
فارس رفع حاجب: قم انت وياه لا اشوتكم ..
سلطان بتذمر: شو فيها لو قعدنا شوي يعني ؟
جاسم: اي شو فيها .؟
فارس سحبهم من ثيابهم: خلصوني يا جماعه ..
احمد بشماته: في ناس تحط نفسها في مواقف باااااايخه ..
التفت عليه فارس مبتسم: احلف انت بس ..
احمد وفارس: هههههه ..
طلعوا من بيت مناف وفيصل وصلهم عند الباب وهم ميتين من الضحك سلموا على فيصل و ودعوه وراحوا البيت علي خذ الشباب معاه .. محمد وفارس مروا القهوه عند الشباب ولحقهم علي بعد ما نزل الشباب .. يوسف وعبدالعزيز وفاضل كانوا ميتين من الضحك .. وسلمان يطالعهم مبتسم ..
علي: ضحكونا معاكم شباب ..
عبدالعزيز: هههههه .. فاتك اللي صار ..
علي: قولوا لي ..
عبدالعزيز كان ماسك بطنه من الضحك ومب قادر يتكلم ..
فارس: شاللي بيسكت عزوز اخوي ..
يوسف: بصراحه فضول تهزئ صح اليوم ..
فاضل كان ميت من الضحك: اي والله .. وااااااي ..
تموا الشباب يضحكون ..
علي بفضول: سلمان انت مبتسم وشكلك تعرف السالفه ..
سلمان: هههههه .. هذول ترا ميانين ..
محمد: شو مسوين ؟
سلمان: اقول ولا بتقولون انتوا ؟
يوسف: انا بقول السالفه .. الله يسلمكم كنا في المجمع وفاضل كان رايق حده ..
عبدالعزيز: من قلب كان رايق .. ههههههه
يوسف: هههههه .. المهم واحنا طالعين من المحل كانوا في بنات جنبنا دفعوا وخلصوا .. الاخ فاضل كان يبي يستخف دمه عليهم .. حط كيسه جنب اكياسهم .. البنات شلوا كيسه وطلعوا من المحل .. عاد اخونا فالله تركهم فتره وبعدين لحقهم اونه يبي الكيس .. تم يمشي وراهم والبنات ولا يدرون بالدنيا ماشين في دربهم .. وصلوا عند الباب والولد وراهم .. ينادي ولاحد يرد عليه .. ركبوا السياره وفاضل توه واصل صوب السياره الا السياره حركت والاخ راحت عليه اغراضه ..
الكل: هههههههه ..
الكل ضحك على فاضل وحركاته ..

[رامون]

فارس: والله انك عبيط يا فضول ..
محمد: تبي تسوي لهم اكشن .. طاحت على راسك ..
فاضل: هههههه .. والله هلكت وانا الاحقهم .. سريعات هالبنات ..
عبدالعزيز: هههههه .. والله انك نكته .. اصبر خل اقول حق الكشخه ..
سلمان وهو يدخن: يعني اونك تبي تلفت انتباهم لك .. اقطع يدي اذا ما كانوا يدرون ومتعمدين ما يردون عليك ..
فارس: ليش لأ ..
محمد: زين شو كان فالكيس ؟
يوسف: ماخذه كم عطر و تي شيرت ..
محمد: راحت عليك ..
فاضل: هههههه .. والله انهم قويات هالبنات ..
يوسف: انا جوعان يلا متى نطلب ..
فاضل: يلا لنا ساعه ننتظركم تجون عشان نتعشى مع بعض ..
علي وفارس ومحمد طالعوا بعض وابتسموا ..
سلمان ينفخ الدخان: شهالابتسامات ..
يوسف: شكلهم متعشين ..
عبدالعزيز: لا ومحلين بعد ..
الكل: هههااااااااااي ..
علي: لا احنا ما كلنا ..
فارس: اي ما كلنا ..
محمد: يلا نطلب انا جوعان ..
سلمان رفع حاجب وطالعهم بنظره: صج والله ..
فاضل: نذاله ..
علي: شو فيك يا رجل .. قلنا لك بنطلب يلا ..
يوسف: خف على الريس .. كلش مو مبين عليكم انكم كلتوا ..
سلمان: على من تلعبونها ..
محمد: حدكم عن اخوي .. احنا كلمتنا وحده .. ما كلنا شي ..
فارس: زين شو فيها يعني لو كلنا .. لاحظوا اني اقول لو اكلنا ..
علي: هو يعطيكم مثال بس ..
محمد: اي يعني مو معناته ان احنا كلنا ..
سلمان: ترا اللي يكذب خشمه يصير طويل ..
الشباب ماتوا من الضحك على بعض .. يوسف طرش مسج لفاضل وسلمان وعبدالعزيز .. وكان المسج كالتالي ..
(( شباب مشوا كذبتهم عليهم .. وخل نطلب اكل وايد .. وبنخليهم ياكلون ويخلصون صحونهم .. ويدفعون الحساب بعد ))
سلمان وفاضل وعبدالعزيز قروا المسج ونفذوا بصمت ..
يوسف: دام تقولون انكم ما تعشيتوا .. يلا عيل كل واحد يقول طلبه ..
فارس مبتسم: احم .. ان شاءالله ..
كل الشباب طلبوا مقبلات واطباق رئيسيه .. محمد وفارس وعلي كانوا طالبين اشياء خفيفه ..
يوسف: شو هالطلب الخفيف يا بونايف ..
محمد وفارس: اي واحد فينا ؟
الكل: ههههههه ..
يوسف: اقصد معرسنا الجديد ..
فارس: اهاا .. تدري وراي عرس ولازم اخفف ..
يوسف: وش عذرك اخ محمد ؟
محمد: الوقت تأخر وماحب انام الا وانا خفيف ..
يوسف حط يده على شنبه: وانت اخ علي ؟
علي: تدري اني احافظ على وزني .. فماقدر اطلب لي شي جامد ..
فاضل: بس انتوا قلتوا انكم ما تعشيتوا وجوعانين ..
عبدالعزيز: يعني لازم تطلبون الطيق الرئيسي ..
فارس بهمس: من قلب صادوه ..
علي: خل نطلب وناكل شوي بس ..
محمد: زين ..
كل الشباب طلبوا مثل كل مره .. جى الطلب و محمد وعلي وفارس كلوا شوي بس ..
فاضل: كل هاي وتقولون جوعانين .. لا لا لا ما كلتوا شي ..
سلمان مبتسم: يمكن شبعوا بسرعه ..
يوسف: عاد كلهم مره وحده ..
علي" ابوك يالمذله " ..
فارس: هذاني اكل ..
محمد وعلي: وانا بعد ..
تموا الشباب يتغصبون الاكل .. اما الباقي تقريبا خلصوا صحونهم من الجوع .. جى ووقت الحساب .. وجابوا الفاتوره .. سلمان خذها وحطها جدام محمد ..

[رامون]

محمد: احم .. ليش جدامي ؟
خذها وحطها جدام علي ..
علي ماسك عود الاسنان: وليش جدامي انا ؟
خذها وحطها جدام فارس ..
فارس وهو يمسح حلجه: وليش جدامي انا ؟
يوسف: يا جماعه .. ندري انكم تعشيتوا وشبعانين ..
عبدالعزيز بنذاله: بس حبينا نطفحكم من هالاكل ..
فاضل مبتسم بخبث: وندفعكم الفاتوره ..
سلمان قام من مكان: يلا شباب ..
فاضل وعبدالعزيز ويوسف وسلمان: سلام ..
فارس ومحمد وعلي تموا يطالعون بعض ..
فارس: علوه .. طلع الحاسبه اقسم الفاتوره على 3 ..
الكل: هههههه ..
فاضل: حليلكم والله ..
سلمان تم يضحك على الشباب وكان يفكر انه لو راح المكسيك بيفتقدهم .. الشباب سلموا على بعض وكلن اتجه لبيته .. محمد وفارس ناموا مع بعض في شقة فارس .. في بيت يوسف .. سلمان ويوسف كانوا راجعين مع بعض ريما نامت وسلمان تطمن عليها قبل ما يطلع من البيت .. اما فاطمه فكانت قاعده فالصاله فوق تسوي بحثها حق الجامعه .. سلمان ويوسف وصلوا البيت وتموا فالصاله اللي تحت يسولفون ..
سلمان: شو اخبارك مع العرس ؟
يوسف مبتسم: الحمدلله مرتاح .. والله يقدرني واسعد بنت الناس ..
سلمان غمض عيونه: الله يوفقك يا يوسف .. شبك ايدينه ببعض وخذ نفس .. يوسف انا قررت اني ما روح على المكسيك .. فكرت فالموضوع وقلبته في مخي وايد ..
يوسف مبتسم: والله خالي ..
سلمان يكمل: اي يبه .. بس طلعت بقرار ثاني واتمنى انك انت وخواتك تتقبلونه عشان خاطري ..
يوسف بأهتمام: شنو قرارك خالي ؟
سلمان غلغل اصابعه في شعره: انا قررت اني اطلع من البيت .. باشوف لي شقه او بيت صغير يلمني انا وريما ..
يوسف عقد حواجبه: احترم قرارك يا خالي .. بس ممكن اعرف ليش ؟
سلمان: والله ما استغنى عنكم .. بس ابي استقل بحياتي شوي ..
يوسف اقتنع بجواب خاله ..
يوسف: الله يوفقك يا خالي ..
سلمان: الله يسلمك الغالي ..
زين شفت لك مكان ولا تبي نساعدك ؟
سلمان: والله للحين ما شفت لي شي .. واكيد بحتاج مساعدتك .. ادري فديتك ما تقصر ..
يوسف: حاضرين يا خالي ..
سلمان: بكره بشوف كم مكتب .. وبشوف الجرايد ..
يوسف: لا تهتم .. بسألك نسيبي ..
سلمان: ان شاءالله .. زين انا بروح ارتاح واشوف ريما فديتها ..
يوسف: قاعده الساحره بنتك ؟
سلمان: ههههه .. لا رقدتها قبل ما طلع ..
يوسف: اخ .. راحت علي ولا كنت بلعوزها ..
سلمان: ههههه .. صدقني بخليها تستلم عيالك ..
يوسف: انا قايل لكم .. عيالي محد بيقدر يسوي فيهم شي .. باعلمهم على الخشونه من نعومة اظافرهم ..
سلمان: خف علينا .. اخاف يصفقونك انت بس..
يوسف: ههههه .. تخيل ..
سلمان ويوسف: هههههه ..
يوسف صعد الدري متجه فوق .. اما سلمان دخل الغرفه .. راح صوب غرقة ريما .. شافها نايمه ببرأه وغرقانه بنومها .. باسها وغطاها عدل وطلع .. راح غرفته وخذ له شور وكعادته يجابل التلفزيون وشارد التفكير ..
يوسف اول ما دخل الصاله فاطمه رفعت راسها وابتسمت له .. قامت من مكانها ومشت صوبه ..
فاطمه: هلا حبيبي ..
يوسف: هلا فديت قلبج انتي ..
فاطمه خذت غترة يوسف وفتحت له ازرة الثوب .. دخلوا الغرفه ويوسف فصخ ثوبه وعطاه فاطمه ..
فاطمه: اعلقه ولا اطرشه المغسله ؟
يوسف: علقيه ..
فاطمه كشرت: ريحته دخان يا يوسف ..
يوسف مبتسم: فديت قلبج .. قرب منها .. لاعت جبدج من ريحته ..
فاطمه مبتسمه: ريحته فايحه ما تشم ..
يوسف حضنها: فديت ريحتج انتي ..
فاطمه: يوسف فديت قلبك .. روح تسبح الله يخليك ..
يوسف: ههههه .. حضنها بقوه .. لا شمي ريحتي احسن ..
فاطمه تحاول ادزه: لااااا .. قوم عني ..
يوسف: هههههه .. زين تعالي سبحيني ..
فاطمه حذفت عليه الثوب: قوم تسبح خلصني ..
يوسف يحك راسه: هههههه .. زين جهزي لي ملابسي ..
فاطمه مبتسمه بحنان: من عيوني فديت قلبك انته ..
يوسف: عمري انتي والله ..
دخل يوسف ياخذ له شور .. وفاطمه جهزت له ملابس النوم .. راحت الصلاه تكمل بحثها .. يوسف لبس وطلع لها الصاله .. قعد جنبها وتم يقرى كتبها .. رفع راسه مبتسم لها ..
يوسف: حبيبتي ..

[رامون]

فاطمه مندمجه مع الكمبيوتر: هلا حبيبي ..
يوسف يلعب بشعرها: تذكرين البحث ..
فاطمه التفت عليه مبتسمه: كان احلى بحث ..
يوسف حضنها بشوق: فديت قلبج يا فطيم .. انتي احلى صدفه في حياتي ..
فاطمه ويها صار احمر: حياتي يا يوسف ..
يوسف: تبين اساعدج في البحث حبيبتي ؟
فاطمه: تسلم حبيبي .. خلاص ما بقى لي شي وبخلصه .. اسوي لك قهوه حبيبي ؟
يوسف: ابي شاي .. القهوه بتسهرني ..
فاطمه حطت الكمبيوتر على الطاوله: ان شاءالله ..
راحت صوب مطبخهم الصغير وسوت ليوسف شاي .. يوسف راح صوبها .. سحب الكرسي وقعد يسولف معاها ..
يوسف: حليله فارس اخوج .. نفسيته متغيره من بعد الملجه ..
فاطمه مبتسمه: اي واتيد تغيرت نفسيته فديته ..
يوسف: يستاهل بونايف .. عقبال عزوز وباقي الشباب ..
فاطمه: ان شاءالله ..
يوسف: ما بقى على سفر فاضل شي .. والله بشتاق له
فاطمه: غريب فاضل ..
يوسف: ليش؟
فاطمه: كان مستانس فالجامعه هني .. ليش غير رايه وقرر يكمل برا ؟
يوسف: الولد فكر صح ..
فاطمه: شلون ؟
يوسف: يعني هو راح يكمل برا لانه مخطط على كم شركة فالبلاد لهم مستقبل كبير ..
فاطمه: والله مب هين الفضلي ..
يوسف: تربية بومحمد والله ..
فاطمه: فديته عمي والله ..
يوسف وفاطمه تموا يسولفون وبعين فاطمه راحت تكمل البحث ويوسف تم يتابع فلم على التلفزيون ..
مريم وخالد كانوا نايمين بسلام في شقتهم الصغيره .. مريم حست ان حد يناديها .. فتحت عيونها بتعب ..
مريم: من ؟
الجنيه بهمس: مريم .. تعالي ..
مريم فركت عيونها: من ؟
قامت من السرير رايحه صوب مصدر الصوت .. طلعت من الغرفه وشافت بنت صغيره واقفه اطالعها .. تمت مريم اطالعها باستغراب .. كان حجم البنت وايد صغير .. شعرها كيرلي اسود .. وعيونها بنيه فاتحه .. لون بشرتها ابيض مايل للسمار شوي .. كانت لابسه فستان ابيض .. وقفت البنت اطالع مريم مبتسمه .. مريم كانت تحاول انها تكلمها بس حست بالخوف .. لان البنت فجأه صار لونها ابيض و بدت عدسة عيونها توسع بشكل مخيف .. ولون عدست عيونها تغير من البني الفاتح للاسود .. ويه البنت صار طويل وبانت عليه بعض الخطوط السوده.. مريم تنفست بخوف ورجعت خطوتين ورا .. البنت ويها رجع مثل هو .. عيونها رجعت عاديه وعدست عيونها رجعت للون البني رفعت حاجب وابتسمت .. مدت يدها لمريم ..
مريم: من انتي ؟
الجنيه: ماما انا خايفه ..
مريم حطت يدها على حلجها: ها ..
الجنيه: ماما انا خايفه لميني ..
مريم خافت اكثر .. كان صوت البنت صوت وحده كبيره بجسم طفله صغيره .. قربت من مريم وحضنتها .. مريم باعدت البنت عنها من الخوف .. البنت طالعت فستانها ورفعت راسها طالعت مريم اللي كانت تراقب بخوف .. مريم شافت بقع دم على فستان البنت الابيض .. البنت مدت ايدينها لمريم توريها الدم اللي بيدها .. مريم خافت وصرخت
مريم: آآآآه ..
خالد قعد من النوم على صراخ مريم ..
خالد: شو فيج مريم ..
مريم صاحت: دم يا خالد .. دم ..
خالد شغل الليت: اي دم حبيبتي ؟
مريم وسط دموعها: دم دم ..
خالد رفع اللحاف عن مريم .. وشاف الفراش كله دم .. خاف عليها ..
خالد: مريم شي يعورج ؟
مريم: جسمي كله يعورني .. الحق علي يا خالد ..
مريم تمت تصيح وكانت ترجف من الخوف .. وتحس بألم فضيع في جسمها ..
خالد لبس ثوبه وحط على مريم عبايتها ..
خالد: قومي اخذج المستشفى ..
مريم بألم: ابي امي ..
خالد: ان شاءالله باتصل لها .. قومي حبيبتي ..
طلع خالد من البيت شايل مريم اللي غرقت بدمها .. ركب السياره واتجه للمستشفى .. اتصل في امه وبلغها انه رايح للمستشفى .. طبعا ام محمد على طول اتصلت بيت بوفارس وراحوا المستشفى .. فارس ومحمد وفاطمه راحوا المستشفى اول ما سمعوا بالخبر ..

خالد وصل المستشفى ومريم فقدت الوعي فالسياره .. خذوها الممرضات لغرفة الكشف .. خالد كان متوتر وخايف على مريم .. وصلت امه وشافت حالته .. خالد اول ما شاف امه راح صوبها والخوف بعيونه ..


ام محمد: شو صاير يبه ؟

[رامون]

خالد: مادري .. قعدت من النوم على صراخ مريم .. وبعدين شفت الدم على ملابسها وفالسرير ..


بومحمد: سمالله عليها .. شمنه هالدم ؟


خالد: مادري .. وصلت المستشفى وهي مغمى عليها .. خايف عليها يمه ..


ام محمد والخوف بعيونها: لا يبه ما عليها شر ان شاءالله ..


ام فارس وريلها وصلوا المستشفى .. اول ما شافوا خالد راحوا صوبه ..


ام فارس تمسح دموعها: شو فيها مريم ؟


ام محمد: ما عليها شر ان شاءالله ..


بوفارس بتوتر: وينها ؟


بومحمد: داخل ..


ام محمد خذت ام فارس على صوب وقعدت تهس ..


ام محمد: بنتج شكلها طرحت اللي في بطنها ..


ام فارس حطت يدها على حلجها وصاحت بصمت ..


ام فارس: لا حول ولا قوة الا بالله .. بس شلون ؟


ام محمد: مادري .. بس يقول خالد قامت من النوم تتألم وتصرخ وملابسها كلها دم ..


ام فارس: لا شكلها طرحت .. بس الله يستر ما تصير لها مضاعفات ..


ام محمد: بأذن الله ما عليها شر ..


ام فارس: ان شاءالله ..


فارس وفاطمه ومحمد وصلوا .. فاطمه راحت صوب امها ومرت عمها ..


فاطمه: شو فيها مريم ؟


ام محمد: ما عليها شر .. بس ننتظر الدكتور يطلع ..


فارس: خالد شو فيها مريم ؟


خالد تنهد بحزن: والله مادري يا فارس .. بس كانت وايد تعبانه ..


فارس: الله يشفيها ..


محمد: شفتوا الدكتور ؟


بوفارس: لا للحين ..


تموا ينتظرون فتره طويله وما لقوا من يسألونه عن مريم .. من دخلوها الغرفه ولا شافوا الدكتور .. كانت الساعه 1 بالليل .. كل ما راحوا يسألون يطلبون منهم ان ينتظرون الدكتور .. على الساعه 3 ونص .. طلع الدكتور من غرفة الكشف .. والكل راح صوبه ..


خالد: طمنا دكتور .. شو اخبارها زوجتي ؟


الدكتور: انت زوجها ؟

[رامون]

خالد: اي نعم ..


الدكتور: تفضلوا يا جماعه ارتاحوا ..


بوفارس: طمنا يا دكتور ..


الدكتور: طبعا البنت فقدت الجنين ..


خالد غمض عيونه بقوه .. حط يده على راسه ورجع براسه على ورا ..


بومحمد: شو اللي خلاها تفقده ؟


الدكتور: طبعا هي مهتمه بصحتها بشكل جيد .. بس نفسياً لأ .. اما خوف او توتر اللي خلوها تفقده ..


خالد: حسبي الله ونعم الوكيل ..


الدكتور: جسمها وايد تعبان حاليا .. ونفسيتها بتتعب اكثر لما تعرف انها فقدت الجنين .. اللي ابغيه منكم انكم ما تتركونها بروحها .. ولازم تهتم بصحتها .. واتمنى انها ما تحاول انها تحمل في هالفتره .. يعني على الاقل بعد 4 او 6 شهور ..


خالد: ان شاءالله ..


الدكتور: الحين بياخذونها غرفة خاصه .. وتقدرون تشوفونها بكره الصبح .. لانها ما راح تحس فيكم لو دخلتوا عليها الحين ..


بومحمد: جزاك الله خير يا دكتور ..


الدكتور: سلامات وماتشوفون شر ..


خالد وبوفارس: الله يسلمك ..


راح الدكتور والحريم راحوا صوب الريايل ..


ام فارس: خالد يبه ابغي اشوف بنتي ..


خالد: ان شاءالله عمتي ..


فاطمه: وانا بعد ابي اشوف اختي ..


خالد: يلا يبه ..


الحريم راحوا مع خالد صوب غرفة مريم .. تطمنوا عليها ورجعوا عند الشباب ..


ام فارس: انا بقعد عند بنتي .. انت توكل يا محمد ..


خالد: لا عمتي .. انا بتم هني .. انتواما قصرتوا .. روحوا ارتاحوا ..


بوفارس: عدل كلامه يا مزنه ..


ام فارس: اللي تشوفه ..


فارس: فطيم يلا ..


ام فارس اول ما سمعت صوت فارس التفت عليه وكان الشوق باين عليها .. فارس ما نتبه لنظرات امه ..


فاطمه: زين فارس يلا نروح ..


بومحمد: يلا يا منيره ..


فارس: خالد بوصل فطيم وبرجع لكم ..


خالد: ان شاءالله .. التفت خالد على فاطمه .. فطيم بكره ابيج تروحين الشقه وتاخذين اغراض حق مريم ..


فاطمه: ان شاءالله ..


خالد مد يده بالمفتاح: هاي مفتاح البيت ..


فاطمه: ولا يهمك ..


خالد: جزاج الله خير ..


كانت الساعه 4 لما بوفارس وام فارس وام محمد وبومحمد وفارس وفاطمه غادروا المستشفى .. خالد ومحمد تموا فالمستشفى .. فارس وصل فاطمه البيت ورجع لهم المستشفى .. فارس مر وخذ للشباب كرك ..


فارس: ها شو اخباركم ؟


خالد: الحمدلله .. والله زين سويت يا فارس ..


محمد: خل الواحد يبل ريقه شوي ..


خالد: جزاك الله خير ..


فارس: بالعافيه ..

[رامون]

بيت بومحمد وهيا طلعوا على الساعه 6 ونص بعد ما تطمنوا على مريم .. تمت فاطمه وايمان وام فارس فالغرفه مع مريم .. مريم كانت مبسوطه بلمة الاهل حولها .. على الساعه 7 انفتح باب الغرفه .. دخل فارس مبتسم .. طاحت عينه على امه .. دخلت مناف وراه وهي تنزل الغشوه عن ويها .. فاطمه ومريم كانوا متوترين بالمواجه اللي بتصير بين مناف وامهم .. ام فارس صدت الصوب الثاني وبدت تتنرفز ..
فارس: السلام عليكم ..
الكل: عليكم السلام ..
مناف كانت منحرجه اول ما شافت ام فارس .. سلمت بهدوء وهي داخله .. فاطمه وايمان استقبلوها بالاحضان وبفرح .. ام فارس كانت متعجبه من استقبال بناتها لزوجة فارس اللي للحين ما تعرفت عليها ..
فاطمه: هلا وغلا ..؟
مناف: هلا حبيبتي
فاطمه: شلونج حبيبتي ..
مناف: طيبه .. اخبارج ؟
فاطمه: طيبه ..
ايمان: شلونج يا قمر ؟
مناف: الحمدلله فديت قلبج ..
ايمان: تعالي سلمي على امي ..
فارس تم يطالع ايمان وكان خايف على مناف .. فاطمه ومريم توتروا وكانوا يترقبون اللقاء بخوف .. مناف راحت صوب ام فارس وهي منزله راسها ومتوتره .. ايمان كانت مبتسمه وتقدم مناف لامها ..
ايمان: يمه هاذي مناف مرت فارس اخوي ..
ام فارس اول ما تلاقت عيونها بعيون مناف حست ان كل الغضب اللي فيها راح .. خذت نفس عميق و قامت من مكانها ..
مناف: شلونج عمتي ؟
ام فارس: هلا بنتي .. شحالج انتي ؟
مناف: طيبه الحمدلله .. تستاهلين سلامة مريم ؟
ام فارس مبتسمه: الله يسلمج يمه .. الشر ما يجيج ..
الكل استغرب من ردة فعل ام فارس .. واولهم فارس .. مناف طبعا ما كانت خايفه من ام فارس لانها ما كانت تدري باللي صار قبل ما تتزوج فارس .. كانت مستحيه من ام فارس لانها اول مره تشوفها من بعد الملجه .. مناف اتجهت صوب مريم وسلمت عليها ..
مناف: الحمدلله على السلامه يا مريم .. معوضه حبيبتي ..
مريم والدموع ملت عيونها: الله يسلمج حبيبتي .. والشر ما يجيج ان شاءالله ..
مناف: والله خفت عليج لما قالي فارس انج تألمتي وايد ..
مريم تنهدت: آآه .. والله تألمت وايد يا مناف .. لدرجة اني فقدت الوعي وانا فالسياره ..
مناف برقه: الف الحمدلله على سلامتج حبيبتي ..
مريم: تسلمين يا حبيبتي ..
ام فارس: ايمان قومي صبي شاي لمرت اخوج ..
ايمان مبتسمه: ان شاءالله ..
فارس وفاطمه كانوا يطالعون بعض ومستغربين ..
ام فارس: مناف يمه امج ما جات ؟
مناف التفت على ام فارس وهي مبتسمه: امي قاعده مع اخواني .. ماقدرت تجي ..
ام فارس: ما تشوف شر .. قولي لها انا ابي امرها هالاسبوع ..
مناف: حياج الله اي وقت .. ببلغها ان شاءالله ..
ام فارس: الله يحيج ..
فارس رن جواله وكان محمد ولد عمه اللي متصله .. شاف التلفون ورد وهو طالع من الغرفه .. الحريم فالغرفه كانوا ياخذون اخبار بعض .. وام فارس كانت مبسوطه على مناف .. فارس كلم محمد وقاله اللي صار ..
محمد: من صجك فروس ؟
فارس: ليكون انا حلمان .. حمود مو صدق اللي صار .. تدري لما شفت ايمان تقدم مناف لامي خفت عليها . وكنت بسحب ايمان من شعرها وبصفقها .. بس اللي وقفني ردة فعل امي لما سلمت عليها مناف .. كانت مبسوطه وسلمت عليها ..

[رامون]

محمد: سبحان الله .. تدري زوجتك فيها بركه .. نيتها صافيه ..
فارس: بس ما قدرت اسلم على امي انا ..
محمد عقد حواجيه: ليش ؟
فارس: كنت ابي اسلم عليها بس من بعد اللي شفته .. وقفت مكاني مذهول .. وانا وفطيم نطالع بعض مستغربين ..
محمد: امك طيبه يا فروس ..
فارس: قالتها مريم اختي بس ما كنت مقتنع ..
محمد: بشو ما قتنعت ؟
فارس: ما قتنعت ان امي ممكن تحب مناف في يوم من الايام .. انت شفت شلون جنت يوم آخر موقف بيني وبينها
محمد: اتذكر .. بس صدقني امك بتحب زوجتك والامور بترجع مثل ما كانت ..
فارس: ان شاءالله ..
محمد: ان شاءالله ..
فارس: بس استغربت لما قالت لمناف انها تبي تزو عمتي هالاسبوع ..
محمد مبتسم: يه يه يه فروس .. شو هالتطورات .. والله انك تستاهل ..
فارس ضحك: ههههه .. الله يسلمك الغالي ..
محمد: الا مرت اخوي شو اخبارها ؟
فارس: الحمدلله احسن من الصبح تقول ..
محمد: ليش ؟
فارس: تقول الصبح كان جسمها وايد يعورها وكانت تصيح من الالم ..
محمد: ما تشوف شر بنت عمي والله .. من عندكم ؟
فارس: محد الا مي وخواتي .. وتقول مريم ان هلك طلعوا قبلنا ..
محمد: اها .. تعال بسألك فروس ..
فارس: هلا ..
محمد: تتوقع عميمه هيا يترضى عليك مثل امك ؟
فارس غمض عيونه: بصراحه لا ..
محمد: ليش ؟
فارس: مادري .. بس عندي هالاحساس ..
محمد: الله يوفقك يا فروس .. وتستاهل رضى الوالده عليك وعلى زواجك ..
فارس: الله يسلمك حمودي ..
محمد: انا جايكم المستشفى ..
فارس: لا تتأخر ..
محمد: ليش ؟
فارس: تدري المدام هني ولازم ارجعها البيت ..
محمد: يا حركات انته والمدام ..
محمد وفارس: ههههههه ..
محمد: انتظرني يا قلبي انا جاي ..
فارس: انتظرك يا بعد كلي ..
سكر فارس من وراح صوب الغرفه الا محمد يناديه ..
محمد بهمس: يا قلبي ..
فارس التفت على محمد مبتسم: حمودي ..
محمد: هههههه ..
فارس: متى وصلت ؟
محمد: اول ما تصلت لك كنت قريب .. حصلت موقف ونزلت ومسيت وجيت وانا اكلمك .. وشفت اخوي العزيز خالد عند محل الورد وسحبته عاي وجينى ..
فارس: حركات يا رجل ..
محمد: لعيونك هالحركات ..
محمد وفارس: ههههه ..
محمد: سو لي درب خل ادخل ..
فارس: ان شاءالله ..
دخل فارس الغرفه وطلب من خواته وزوجته انهم يتغطون لان محمد بيدخل يسلم .. طلع عند محمد وخالد ودخلهم الغرفه ..
محمد وخالد: السلام عليكم ..
الكل: عليكم السلام ..
مناف كانت منحرجه من وجود محمد وخالد .. فكانت منزله راسها و واقفه ورا فاطمه .. فارس راح صوبها وهمس في اذنها ..
فارس: فديت مرتي حبيبتي ..
مناف انحرجت و ويها صار احمر .. مريم لاحظت عليهم .. ابتسمت وصدت صوب خالد .. محمد سلم على ام فارس اللي استقبلته بفرح ..
محمد: شلونج مرت عمي ؟
ام فارس: هلا وغلا بونايف .. شلونك ابوي ؟
محمد: طيب الله يسلمج .. تستاهلين سلامة مريم ..
ام فارس: الله يسلمك .. شو اخبار عيالك ؟
محمد: طيبين .. اول امس شفتهم ..
ام فارس: الله يصلحك يا يبه .. ليش ما تردها ؟
محمد: وليش اردها ؟
ام فارس: يبه لو شو ما كان بينكم .. بتظل ساره ام عيالك .. وانت تدري انت عيالك يحتاجونها ..
محمد خذ نفس: ربج كريم ..
الكلام اللي دار بين ام فارس ومحمد محد انتبه له .. لان الكل كان مشغول ويسولف مع الثاني .. خالد كان قاعد جنب مريم ويتطمن عليها .. فاطمه كانت تسولف مع مناف وايمان .. وفارس كان يراقب امه يتفكر فيها ..
فارس: يلا مناف بنمشي .. التفت على مريم .. يلا يا جماعه احنا بنمشي ..
مريم: اقعد فارس ..
فارس: فديت قلبج انتي .. بنمرج وقت ثاني ان شاءالله ..
مريم ابتسمت له: تسلم فديت قلبك ..

[رامون]

مناف سلمت على مريم وايمان وفاطمه .. وآخر شي سلمت على ام فارس .. فارس وقف جدام امه وباس راسها .. ام فارس حضنته بقوه وباسته على خده ..
ام فارس بهمس: الف مبروك يا فارس ..
فارس مبتسم: راضيه علي يمه ؟
ام فارس: طول عمري ..
فارس: الله لا يحرمني رضاج ..
ام فارس: توكل يبه وتحمل بنفسك .. وحط بنت الناس بعيونك ..
فارس مبتسم: ان شاءالله ..
طلع فارس ومناف وراه .. اول ما طلعوا من الغرفه فارس مسك يدها ومشى جنبها .. مناف كانت حاسه بالاحراج والوناسه بنفس الوقت .. ركبوا السياره وفارس كان يسوق بهدوء ..
فارس: يا قلبه ..
مناف: هلا ..
فارس: اتصلي بأمج وقولي لها انج معاي .. وبنروح نتعشى ..
مناف: ان شاءالله ..
اتصلت مناف وبلغت امها انها بتتعشى مع فارس .. اتجهوا صوب احد المطاعم الهاديه .. نزلوا ودخلوا المطعم .. خذوا لهم طاوله في زاويه .. فارس قعد جنب مناف .. مناف كانت طايره من الوناسه ..
مناف " فديتك يا فارس .. والله ما بغيت من هالدنيا الا قربك .. والحمدلله الحين احنا مع بعض وبالحلال ولا خايفين من الناس .. الله لا يحرمني منك يا فارس "
فارس حط يده ورا ظهر مناف والتفت عليها مبتسم ..
فارس: شو اللي تفكرين فيه يا قلبه ؟
مناف مبتسمه: افكر فيك حبيبي ..
فارس: فديت اللي تفكر فيني .. بس ما قلت لي في شو فكرتي فيني ؟
مناف: انا وايد مستانسه يا فارس ان احنا مع بعض .. خفت ان قربك مني يكون حلم مالقدر اوصل له ..
فارس: فديت روحج يا مناف .. انتي تدرين اني مستحيل اعيش من دونج ..
مناف: يعني لهالدرجه تحبني يا فارس ؟
فارس: لو فتحتي قلبي بتنصدمين بحبي لج ..
مناف: فديت حبك يا فارس .. بس ممكن اسألك سؤال ؟
فارس ابتسم: اعرف سؤالج تبي تعرفين ليش حبيتج ؟
مناف منزله راسها: اي ..
فارس مسك يدها: مناف انا حبيت فيج طيبتج .. هدوئج .. عقلج .. قناعتج .. وبصراحه ذبحني جمالج يا مناف .. لاتقولين طمعان فيج .. ولو طمعت ترا يحق لي .. لاني مثلج ما شفت يا مناف .. كلج على بعض تنحبين ..
مناف ضغطت على يد فارس: فديت روحك .. تدري اني كنت احاول اني ماحبك بس ماقدرت ..
فارس: ههههه .. ليش ؟
مناف: خفت من مستقبل مجهول ..
فارس: يا بعد عمري يا مناف ..
فارس اول ما شاف الجرسون جاي صوبهم .. ترك يد مناف واعتدل في قعدته ..
فارس: طالعيني ولا تصدين صوبه ..
مناف: ان شاءالله ..
نزلت راسها وتمت اطالع صدر فارس .. فارس طلب له ولها وبعد ما راح الجرسون رفع راسها بيده ..

[رامون]

فارس: حبيبتي انا اغار عليج ومابي حد يشوفج ..
مناف مبتسمه: فديت روحك .. يعني تبيني اتغطى على طول ؟
فارس: على راحتج يا قلبه .. بس اذا مكان في شباب اعتقد انتي تعرفين شو تسوين ..
مناف: ان شاءالله ولا يهمك ..
فارس: فديت مرتي الغاليه ..
وصل الطلب وتموا ياكلون بهدوء .. طبعا فارس ما يحب يتكلم عند الاكل .. مناف لاحظت هالشي وحطته في بالها .. من بعد العشى الهادي .. طلعوا من المطعم متجهين لبيت مناف .. اول ما وصلوا تموا فالسياره يسولفون قبل ما تنزل مناف ..
فارس ماسك يدها: تذكرين لقائتنا الحلوه هني ..
مناف مبتسمه: وشلون انسى .. وخصوصا اللي طلع لنا ذيك الليله ..
فارس: اعتقد انه واحد من عيال فريجكم .. وشكله مو كبير ..
مناف: ماعرف حد في هالفريج ..
فارس: خفت عليج ذيك الليله .. مادري من وين طلع لنا ..
مناف: فديت قلبك يا فارس ..
فارس رفع يد مناف وباسها .. مناف طالعته بخجل وابتسمت ..
مناف: زين لازم انزل الحين يا فارس ..
فارس: زين يا قلبه ..
نزلت مناف وفارس نزل معاها .. راح صوب بابها ومسك يدها عشان تنزل .. نزلت وهي اطلع عيونه بفرح .. وصلها عند باب البيت .. دخلت وسكر الباب وراها .. بعد ما تطمن عليها ركب الساره وراح بيته ..
في نفس الوقت ايمان وفاطمه كانوا يقولون لابوهم عن موقف امهم مع مناف .. بوفارس كان متعجب من اللي سمعه من بناته ..
بوفارس: متأكدين ؟
ايكان بوناسه: اي بابا .. لو تشوف امي اول ما شافتها .. بتقول ان هي اللي اختارتها لفارس ..
فاطمه: عدل كلام ايمان يبه ..
بوفارس: سبحان اللي يغير ولا يتغير .. والله هالبنت فيها بركه على اخوكم ..
فاطمه: الله يوفقها مع فارس ..
ايمان: الله يسعدهم ..
دحلت ام فارس عليهم وهي مبتسمه ..
بوفارس: صج اللي صار اليوم ؟
ام فارس قعدت جنبه: والله هالبنت بغيتها لفارس من شفتها في عرس فطيم ..
بوفارس: الله يصلحج .. هاذي البنت و جات لي عندج ..
ام فارس: يلا بناتي روحوا غرفكم ابي اكلم ابوكم ..
ايمان وفاطمه: ان شاءالله ..
طلعوا البنات وهم يضحكون ..
فاطمه: حركات بوفارس وام فارس ..
ايمان: هههههه ..
بوفارس: ليش كابرتي من البدايه ؟
ام فارس: بس ولدك كلمها فالتلفون ؟
بوفارس: وخير يعني ؟
ام فارس: يا محمد وين قاعدين احنا .. سيه عيب هالكلام .. احنا ناس محافظين ..
بوفارس: كلامج على عيني وراسي .. بس الولد حبها والحب مب حرام .. و يوم قرر انه يدخل من الباب وقفتوا في طريقه .. خليتونا ننقسم قسمين ..
ام فارس عقدت حواجبها: شلون ننقسم قسمين ؟
بوفارس: هيا اختي قطعت قلبي عليه .. كم مره قاطه عليه كلام كسرت بخاطر ولدي ..
ام فارس باستغراب: هيا ؟؟
بوفارس: اي هيا .. وتقول مب مستوانا ويكلمها ومن هالكلام اللي ماله معنى ..
ام فارس منزله راسها: والله مادري شو اللي كنت افكر فيه يوم انا قلت كلامي .. اعوذ بالله من الشيطان .. ليتني ماجرحت ولدي وكسرت فرحته .. آه لو بس اقدر ارجع الزمن شوي ورا ..
بوفارس: الحين اللي صار صار .. والولد خذ البنت .. وهو يتحمل نتيجة قراره ..
ام فارس: بس انا بزور ام فيصل .. عمة ولدي ولازم اتعرف عليها ..
بوفارس: بارك الله فيج ..
ام فارس: خل اقوم اجهز ثياب الجسمي وايمان حق المدرسه ..
طلعت ام فارس من الغرفه وبوفارس كان يفكر في ام فارس وتغيرها المفاجئ ..
بوفارس " مزنه ناويه على فارس و زوجته .. يعني لما سلمت على زوجته ليش ما كلمت فارس .. وبس سلمت على مناف .. وليش تبي تروح تشوف ام فيصل .. عمة ولدها على قولتها .. الله يستر منها " ..
فارس كان مستلقي على الكرسي فالصاله ويفكر بنفس الشي اللي ابوه يفكر فيه .. كان وايد خايف على مناف ويحاتيها ..
فارس " امي مب هينه .. تغيرها المفاجئ وراه مصيبه .. الا طوفان مصايب .. الله يستر " ..
فارس ماقدر ينام من كثر التفكير .. على الساعه 1 بالليل اتصل في محمد ولد عمه .. محمد كان يتابع التلفزيون .. شاف اتصال فارس ورد على طول ..
محمد: هلا فروس ..
فارس: حمود ماقدرت انام ..
محمد: شو فيك ؟
فارس: انا مستغربمن تغير امي المفاجئ ..
محمد سكت فتره وبعدين تكلم ..
محمد: فروس اقولك شي ..
فارس بتوتر: قول ..
محمد: انت من قلت ليي السالفه وانا مب مرتاح ..
فارس: الله يستر من امي ..
محمد: لا تخليها تروح بيت عمتك .. انا حاس ان امك وراها شي ..
فارس: عدل كلامك حمودي .. انا خايف من امي والله ..
محمد: اسمحلي على هالكلام فروس .. مالي حق اقول عن امك هالشي .. بس ترا حركتها غريبه .. مره وحده تسلم على زوجتك وتقولها ابي اشوف امج هالاسبوع ..
فارس: حمود والله خايف ..
محمد: انت ادعي ان الله يصلح امك .. وان شاءالله ما بيستوي شي ..
فارس: ان شاءالله ..
فارس تم فتره ساكت ..
فارس: حمودي .. وين بتروح بكره ؟
محمد: بمر على سلمان وبنروح نشوف له بيت ..
فارس: ليش ؟
محمد: يبي يطلع بيت بروحه ..
فارس عقد حواجبه: يطلع بيت بروحه ؟ هو مب مرتاح مع يوسف ؟
محمد: والله مادري عنه .. بس كلمني امس وقالي خل نروح نشوف بيوت او شقق ..
فارس: شوف له الشقق اللي حولي ..
محمد: اي بجيبه يشوف شقتك .. وبعدين هو يقرر ..
فارس: اها ..
محمد: شو تسوي ؟
فارس: احاول انام ..
محمد: تقوم نطلع ؟
فارس: هممممم .. مادري والله ..
محمد: يلا بمرك وبنروح نشرب شاي ولا عصير ..
فارس: انتظرك طال عمرك ..

[رامون]

محمد: سلام يا قلبي ..
فارس: سلام يا حبي ..
سكورا من بعض ومحمد طلع على طول مراح صوب بيت فارس .. وصل محمد عند بيت فارس .. طلع له فارس وراحوا يتمشون فالشوارع ويسولفون ..
خالد كان قاعد عند مريم الحزينه ..
خالد ماسك يدها: حبيبتي ..
مريم منزله راسها: هلا حبيبي ..
خالد: شو فيج ؟
مريم وعيونها امتلت بالدموع: خالد انا شفتها ..
خالد غمض عيونه: آآه يا مريم .. انا كنت حاس ..
مريم: خالد انا خايفه .. وين مانروح ورنا .. ليش ليش ؟؟
غطت ويها بيدينها وتمت تصيح .. خالد قرب منها وحضنها بحنان ..
خالد: تصبري يا مريم ..
مريم: عشانك انا متصبره .. خالد شفتها على هيئة بنت صغيره .. تناديني ماما .. بس صوتها كان غريب .. صوت وحده كبيره .. حضنتني وبعدين شفت الدم في ملابسها .. ومدت لي ايدينها توريني الدم .. وبعدها انا صرخت من الالم .. لي متى يا خالد ..؟؟
خالد حاضن مريم: ان شاءالله بتطلع من حياتنا .. مريم انتي انسانه مؤمنه .. وهاذي امتحان ..
مريم خذت نفس عميق: الحمدلله على كل حال .. والله بدونك ما شو كنت بسوي ..
خالد: اهم شي لا تزعلين نفسج .. عيشي حياتج ولا كأنها موجوده ..
مريم مبتسمه: ان شاءالله يا خالد .. بس خالد الله يخليك لاتخليني بروحي .. ابيك حولي ومعاي على طول ..
خالد: بتم معاج لين آخر نفس فيني ..
مريم: الله يخليك لي يا خالد ..
خالد: ولا يحرمني منج يا مريم الغاليه ..
مريم: شكلنا بنتعود عليها بحياتنا ..
خالد ابتسم: شو رايج نسوي لها ignore ..
مريم وخالد: ههههه ..
مريم مبتسمه: ماقدر اضحك وايد .. بطني يعورني ..
خالد: سمالله على بطنج حبيبتي ..
خالد تم مع مريم اللي حست بالامان والطمأنينه حوله ..

مرت الايام وفارس ومناف عايشين احلى ايام الحب والغرام .. وفرحتهم ما تنوصف بعد ما ارتبطوا ببعض .. فاطمه ويوسف عصافير الحب .. عايشين حياة حب واستقرار .. مريم وخالد وترقب لمستقبل مجهول .. الجوهره وابراهيم ولولوالصغيره اللي ضافت البهجه في حياتهم .. هنادي واقتراب موعد ولادتها .. وحب نواف لها .. ايمان وتغيرها للاحسن ناحية فارس وحبها لمناف زوجة فارس .. الريم واقتناعها بان هي اوهمت نفسها بحب فارس .. عبدالعزيز وجده وحياتهم وسوالف المواعد والمقالب .. هيا وغضبها على زواج فارس من مناف .. الجده وفرحتها بزواج فارس وحبها لمناف وتوصياتها لفارس على مناف .. بوفارس وخوفه من ام فارس بخصوص مناف وامها .. سلطان واحمد وجاسم و حياتهم البريئه البعيده عن مشاكل الكبار .. فهد الطفل الغير ناطق .. اسماء وريما وصداقة طفوله ما تنتهي .. سلمان وهموم قلبه وحياته اللي طغت عليه .. ام محمد وشخصيتها الطيبه وحبها لعيالها .. بومحمد وصراعه من اجل فارس ومناف و وقفته مع اخوه .. فاضل يستعد حاليا للسفر عشان يكمل دراسته برا .. علي وحياته الطبيعيه بعد نركه لحياة الشرب والانحلال اللي عاشها من قبل .. ام مناف وفرحتها بالخطوه اللي قام فيها فارس ناحية مناف .. عبدالله وفيصل وبرأتهم اللي محببه الناس فيهم .. محمد وحياته اللي تداعت اساساتها من بعد طلاقه .. عياله صار ما يشوفهم الا مرتين او 3 مرات بالاسبوع .. ساره والحزن اللي طغى عليها من بعد الطلاق .. ابطالنا سايروا الزمن بمشاكله ومصايبه .. سايروا الزمن بحلاوته وفرحته .. حياتنا مثل الطوفان .. مره يغضب ويرتفع ويخرب الدنيا .. ومره يهدى وتستقر الامور .. واحيانا يغضب طوفان بكشل مفاجئ وغريب .. ولازم علينا نستعد لهطوفان المفاجئ .. ونواجهه بقوه وعزم .. لان لو هالطوفان طغى علينا بنخسر كل مشاعرنا واحلامنا وآمالنا .. وهاذي حياتنا سواء عجبتنا او لا .. لازم نسايرها ونعيش فيها بحلوها ومرها ..
بأختصار .. ابطالنا يواجهون مستقبل مجهول .. كلن شاغله همه واللي يهمه .. وتمر عليهم الايام حلوه بالنسبه للبعض .. و قاسيه للبعض الآخر ..
ام فارس ركبت السياره مع السايق وطلبت منه ياخذها بيت مناف .. طبعا راحت من غير ما تخبر حد .. وصلت عند البيت وكانت مستغربه من المكان اللي ساكنين فيه .. وقف السايق عند باب البيت .. ام فارس نزلت من السياره وكانت قرفانه من كل شي حولها .. طقت الباب وطلع لها عبدالله مبتسم ..
عبدالله: نعم ..
ام فارس: امك وين ؟
عبدالله: امي داخل .. تفضلي ..
ام فارس استغربت ذرابة عبدالله .. دخلت وراه وكانت تشوف بيتهم باستغراب ..
ام فارس " شلون عايشين في هالخرابه .. مب من شي هالبنت قصت على ولدي " ..
عبدالله ركض عند امه وقالها ان في وحده تنتظر برا .. ام مناف حطت شيلتها على راسها وطلعت بسرعه برا .. اول ما شافت ام فارس ما عرفتها ..
ام مناف: هلا ومرحبا .. تفضلي ..
ام فارس: انتي ام فيضل ؟
ام مناف: اي نعم ..

[رامون]

ام فارس طالعتها ياحتقار: سمعيني انتي وبنتج .. ولدي ابتعدوا عن دربه .. بنتج لحست عقله بكلمتين عشان فلوسه ..
ام مناف بصدمه: شعنه تتكلمين ؟
ام فارس: انتي وبنتج تعرفون عن شو اتكلم .. بنتج كانت تغازل ولدي على التلفون وتتمسكن له عشان يعطيها فلوس .. ترا احنا ناس متربين وانتي ماربيتي بنتج عدل .. ابتعدوا عن ولدي احسن لكم .. والا احنا مب مستوانا ناس مثلكم ..
ام مناف دارت فيها الدنيا من الكلام اللي سمعته .. حست انها مب قادره تتنفس .. مناف كانت تسمع حشره برا .. طلعت وشافت ام فارس .. التفت عليها ام فارس ..
ام فارس: سمعيني انتي ياللي ما تستحين على ويهج .. ابتعدي عن درب ولدي .. ولا ترا بوريج نجوم الليل في عز القايله .. انتوا ما تستحون على ويهكم ..
مناف تمت واقفه مكانها واطالع ام فارس بخوف .. دموعها سبحت على خدودها الورديه ..
ام فارس: كلامي واضح ومابي اعيده مره ثانيه ..
عطتهم ظهرها وطلعت من البيت ورافعه راسها بكل غرور وتكبر .. ام مناف التفت على مناف اللي كانت تصيح بصمت .. سحبتها من شعرها وتمت تضربها وتصرخ عليها ..
ام مناف: كنتي تعرفينه .. كنتي تكلمينه بالتلفون .. فضحتينا ياللي ما تستحين .. حسبي الله عليج ان شاءالله ..
مناف بألم: آآآآه يمه .. الله يخليج لا تسوين فيني جي ..
ام مناف تتنفس بسرعه: انتي .. انتي مب بنتي .. انتي فضحيتيني ..
تمت ام مناف تصرخ وعبدالله كان واقف يطالعهم ويصيح .. ركض في حضن مناف وكان يحاول يبعد يد امه عنها ..
عبدالله وسط دموعه: لا يمه لا .. حرام تضربين مناف ..
ام مناف: قوم انت الثاني خل أأدب اللي ما تستحي على ويها ..
مناف: حرام عليج يمه .. حراااااااااااااااام ..
ام مناف: انتي مب بنتي .. انا بريه منج ..
فيصل دخل البيت وهو مستغرب من الصراخ .. راح صوب مصدر الصوت .. وتفاجأ بالمنظر اللي شافه .. ركض صوب امه و سحبها عن مناف ..
فيصل: شفيكم .. شصاير ..
ام مناف: اختك فضحتنا .. اللي ما تستحي على ويها ..
مناف: لاااااا يمه .. لااااا ..
عبدالله تم يصرخ ويصيح من الحزن .. ام مناف طلعت من الغرفه ورضخت الباب وراها .. فيصل تم واقف يطالع مناف اللي كانت تصيح وحاضنه عبدالله .. راح صوبها وحضنها بحنان ..
فيصل: خلاص مناف حبيبتي .. لا تصيحين ..
عبدالله: ليش امي تضرب مناف .. مناف حبيبتي لا تصيحين ..
مناف كانت تصيح على لمة اخوانها حولها .. واللي ذبحها موقف امها .. ام مناف دخلت غرفتها وكانت تشوف ايدينها اللي ترجف ..
ام مناف: انا ليش سويت جي في بنتي .. حسبي الله ونعم الوكيل .. قعدت على الارض وتمت تصيح بقهر .. كانت مستغربه موقف ام فارس .. وعرفت ليش ام فارس ما جات تخطب مع الجده وفاطمه ..
ام مناف: يعني بنتي رخيصه .. آآآه يالقهر ..
الوضع في بيت مناف كان حزين .. فيصل كان يهدي مناف وعبدالله .. راح وجاب ماي وسقاهم .. مناف كانت قاعده على الارض وحاضنه عبدالله واطالع الارض .. فيصل طلع من الغرفه وراح الحوش .. اتصل بفارس ..
فارس مبتسم: هلا فيصل ..
فيصل بحزن: فارس ..
فارس بخوف: شو فيك ؟
فيصل: تعال البيت الله يخليك ..
فارس بتوتر: فيكم شي يا فيصل ؟
فيصل: تعال وبتعرف .. ماقدر اتكلم ..
فارس: ان شاءالله ..
سكر فارس وهو خايف .. ركب السياره وراح صوب بيت مناف .. طول الدرب كان يفكر وألف فكره واحتمال جاوا على باله .. اول ما وصل شاف فيصل واقف عند باب الحوش والحزن باين فعيونه .. نزل وراح صوبه بسرعه ..
فارس: شو صاير عندكم فيصل ؟
فيصل: فارس انا دخلت البيت وشفت امي تضرب مناف اختي ..
فارس: ها ؟؟ ليش ؟
فيصل: مادري .. لقيت عبود يصيح في حضن مناف .. ومناف كانت تقول لامي يمه حرام عليج ..
فارس تنفس بخوف: زين اختك الحين ؟
فيصل: في غرفتها مع عبود ..
فارس: وامك ؟
فيصل: امي في غرفتها .. ماعرفت شاسوي .. فارس انا خايف ..
فارس حط يده على كتف فيصل: لا تخاف يا فيصل .. روح بلغ امك وقولها اني موجود ..
فيصل: ان شاءالله .. زين تفضل الصاله ..
فارس: بارك الله فيك .. " شو السالفه ؟ شو سر هالدموع والغضب اللي في بيتهم " ..
فيصل دخل على امه اللي مسحت دموعها اول ما شافته ..
ام مناف: هلا يمه ؟
فيصل: يمه فرس فالصاله ..
ام مناف بحزن: زين قوله الحين جايه ..
فيصل منزل راسه: ان شاءالله ..
طلع من الغرفه وراح سوا شاي لفارس .. قدمه له وقعد معاه .. ام مناف دخلت الصاله وكانت عيونها حمره من الصياح ..
ام مناف: السلام عليكم ..
فيصل وفارس: وعليكم السلام ..
ام مناف: فيصل يبه خلني بروحي مع نسيبك ..
فيصل: ان شاءالله ..
طلع فيصل من الصاله وترك فارس وامه ..
فارس: يمه عسى ماشر .. شو فيكم ؟
ام مناف دخلت فالموضوع من دون مقدمات ..
ام مناف: فارس انت كنت تكلم مناف بنتي على التفون ؟
فارس نزل راسه: اي نعم ..
ام مناف: وقلت لاهلك انك تعرفها ؟
فارس: لا ما قلت لهم .. بس انا يوم قلت لهم اني بتزوج وقلت ابغي بنت فلان عرفوا ..
ام مناف: وانت تشوف اللي سويته صح ؟
فارس: انا صححت غلطتي يوم دخلت من الباب .. وبعدين لو كنتي مفتكره اني اسغليت بنتح قبل لا املج عليها .. اسمحلي اقولج ترا بنتج اخلاقها عاليه .. ولزمتني حدودي معاها .. وانا عندي خوات وادري ان الدنيا دواره ..
ام مناف ماقدرت ترد على كلام فارس ..
فارس: يمه انا حاط مناف بعيوني .. ولا تفتكرين اني مسترخصها .. بالعكس ترا مناف لها معزه في قلبي وانا سويت المستحيل عشان اخذها بالحلال ..
ام مناف: فارس يبه اتمنى قرارك ما أثر على موقف اهلك معاك ..
فارس بحيره: شلون ؟

[رامون]

ام مناف: يعني اتمنى ان اهلك يكونون راضين على زواجك من بنتي .. ترا انا ما ارضى لبنتي ان غيرها يحسسها انها اقل منهم او انها رخيصه .. ترا الف من يتمناها ..
فارس: بنتج على عيني وراسي .. ومحد بيجرحها دام راسي يشم الهوا .. والله يقدرني واسعدها .. واوفر لها الحياه اللي تستحقها ..
ام مناف: ان شاءالله ..
فارس: صاير شي يمه ؟
ام مناف بارتباك: لا ولاشي ..
فارس: ليش يقول فيصل انج مديتي ايدج عليها ؟
ام مناف: لا خلاف بيني وبينها بس ..
فارس: زين ابغي اشوفها لو سمحتي ..
ام مناف: ان شاءالله بروح اشوفها ..

طلعت ام مناف وتركت الافكار تودي وتجيب فارس .. كان محتار ومب قادر يفكر .. ام مناف دخلت على مناف اللي كان شكلها يعور القلب وهي حاضنه عبدالله اللي نام بحزن في حضنها ..


ام مناف: ريلج ينتظرج فالصاله ..
مناف بغضب: مابي اشوفه ..
ام مناف قربت من بنتها: قومي شوفيه .. وحقج علي يا مناف ..
مناف صاحت بحزن: آآآآه يا يمه .. ليش يستوي فيني جي .. آآآه ..
ام مناف: خلاص يا بنتي قومي مسحي دموعج .. انا ما كنت اقصد ام يدي عليج .. سامحيني فديت قلبج ..
مناف تمت تصيح بحزن .. ام مناف شلت عبدالله من حضنها وحطته على السرير ..
ام مناف: قومي غسلي ويهج ريلي ينتظرج ..
مناف قامت من مكانها من غير ما ترد على امها .. دخلت الحمام وغسلت ويها وطلعت .. مسحت ويها وغيرت ملابسها .. ام مناف كانت حزينه لانها تدري ان تصرفها غلط .. مناف خذت نفس عميق وهي تشوف نفسها فالمرايه .. رتبت شعرها وطلعت من غرفتها .. تركت امها فالغرفه واحت عند فارس .. اول ما دخلت الصاله فارس قام من مكانه وكان يطالعها .. مناف ركضت صوبه وحضنته بقوه وتمت تصيح .. فارس حضنها بقوه وتم يهديها ..
فارس: فديت دموعج يالغاليه انتي .. ليش زعلانه .. لا تعورين قلبي بصياحج يا قلبه ..
مناف تمت تشهقمن الصياح وكانت تحاول تتكلم بس مب قادره من الحزن اللي بقلبها .. فارس خذ الماي ومسح على ويها .. خذت نفس عميق وغمضت عيونها .. تمت حاضنه فارس وتحاول ان تهدي نفسها .. فارس كان خايف عليها ..
مناف مسكت يد فارس: فارس ..
فارس بحنان: عيونه انتي ..
مناف: ليش ما قلت لي ان امك مب راضيه على زواجنا ؟
فارس وسعت عيونه " انا كنت حاس .. لا حول ولا قوة الا بالله " ..
فارس: امي جاتكم ؟
مناف: اي ..
فارس: شو صار بالضبط ؟
مناف قالت لفارس موقف امه والكلام اللي قالته .. وكانت تصيح كل تتذكر الموقف ..
مناف: اللي ذبحني يا فارس ان امي مدت يدها علي واستحقرتني لما عرفت اني كنت اعرفك من قبل ..
فارس: انا قلت لامج كل شي .. ومب خايف اقوله للدنيا كلها .. انا دخلت من الباب .. انتي بعيوني يا مناف .. ولا تهتمين لكلام اي شخص .. واللي بيتكلم عليج بقص لسانه .. وبخصوص اللي صار اليوم .. ما عليج ان شاءالله ما بيتكرر ..
مناف: فارس لا تخليني بروحي ..
فارس: ما راح اتركج يا مناف .. انتي بعيوني فديت عيونج ..
مسك ويها بيدينه وابتسم لها .. باسها على جبهتها وحضنها .. مناف دفنت ويها في صدر فارس وحضنته بقوه .. تم فارس مع مناف وهو يغلي من داخله على اللي سوته امه .. أذن المغرب وفارس كان فالصاله مع مناف ..
فارس ماسك يدها: حبيبتي بروح المسيد مع الشباب وبرجع زين ..
مناف: ان شاءالله حبيبي ..
فارس: نادي لي فيصل وعبود ..
مناف: ان شاءالله ..
طلعت مناف من الصاله وفارس يراقبها وقلبه متقطع عليها .. فيصل كان قاعد فالحوش عند الطيور .. راحت صوبه مناف ..
مناف: فيصل حبيبي ..
فيصل: هلا ..

[رامون]

مناف: فارس يبيك فالصاله ..
فيصل: مناف انتي زعلانه من امي ؟
مناف نزلت راسها: يقولك فارس يلا عشان تروحون المسيد ..
فيصل بحزن: ان شاءالله ..
راح فيصل الصاله عند فارس ومناف دخلت وراه ..
فارس مبتسم: وين عبود ؟
مناف: نايم ..
فارس: زين احنا بنروح المسيد وبنرجع .. عاد سوي لنا شاي مضبوط ..
مناف مبتسمه: ان شاءالله ..
فارس وفيصل راحوا المسيد .. مناف راحت سوت لهم شاي ودخلت غرفتها تصلي .. بعد ما خلصت دلخت عليها امها .. مناف تجاهلت وجود امها بالغرفه .. ام مناف حز في خاطرها بس ما لامت بنتها ..
ام مناف: مناف ..
مناف بهدوء: نعم ..
ام مناف: انتي زعلانه مني ؟
مناف وقفت مكانها فتره وهي منزله راسها تحت .. عضت شفتها وغمضت عيونها .. خذت نفس عميق وارتمت في احضان امها ..
مناف: تدرين اني ما ازعل منج يمه .. والله مازعل منج ..
ام مناف ماستحملت دموع بنتها .. حضنتها وتمت تصيح معاها .. كل من مناف وامها صاحوا لين هدت نفوسهم ..
ام مناف: مناف ما وصيج على فارس .. تراه شاريج ..
مناف: ادري يمه .. وانا آسفه لاني غلطت من قبل ..
ام مناف: خلاص يا بنتي اللي فات مان قدر نغير فيه شي .. الولد نيته صافيه ودخل من الباب .. وانتي اللي عليج تسوينه انج تكونين قد دخلته اللي دخلها .. تراها سوا المستحيل عشانج ..
مناف " فديت قلبه والله ": ان شاءالله يمه ..
دخل فيصل على امه ومناف ..
فيصل: مناف فارس يبيج ..
مناف: جايه ..
طلع فيصل من الغرفه يركض .. دخل الصاله وهو فرحان ..
فيصل مبتسم: امي ومناف تصالحوا .. يااااااي ..
فارس بوناسه: والله .. زين الحمدلله ..
فيصل: بروح اقعد عبود ..
فارس: للحين ما قعد من النوم ؟
فارس: لا للحين نايم ..
طلع فيصل من الغرفه وراح صوب غرفة مناف ..
ام مناف: شعندك ؟
فيصل: بقعد عبود ..
مناف: خله نايم فديته ..
فيصل: اوهووو تمللت بروحي ..
فيصل طب على عبدالله وتم يهزه ..
فيصل: عبود .. عبود يلا قوم ..
عبدالله بتعب: هممممم .. لا مابي ..
فيصل: قوم يلا ابي انظف قفص الطيور ..
عبدالله يحك راسه: زين ..
فيصل: يلا قوم انا بروح البس صروال وفانيله ..
عبدالله قام من السرير وراح ورا فيصل .. دخلوا غرفتهم ولبسوا صراويل وفنايل وركضوا صوب قفص الطيور .. ام مناف كانت تشوف عبدالله وفيصل بوناسه .. راحت صوبهم وتمت تراقبهم وهم ينظفون القفص وكانت تساعدهم اما مناف دخلت الصاله عند فارس اللي كان ينتظر شوفتها بشغف .. دخلت عليه وهي مبتسمه .. فارس لما شاف ابتسامته اللي سحرته حس بالراحه ..
فارس مبتسم: فديت هالابتسامه من احلى مناف فالعالم .. هاي اذا في مناف غيرج بالعالم اصلا ..
مناف باحراج: فديت روحك يا فارس ..
فارس قرب منها: تعالي قعدي جنبي ..
مناف: اول خل اصب لك الشاي ..
فارسعض شفته التحتيه: انتي شايي وقهوتي وكل فالتي بعد ..
مناف فتنت بعيونها وهي صاده الصوب الثاني .. كانت منحرجه من غزل فارس .. صبت شاي لها وله .. قعدت جنبه وتمت تسولف معاه بفرح و وناسه .. فارس تم عند بيت مناف لين الساعه 8 ونص .. سلم عليها وراح بيتهم .. كان معصب على الحركه اللي سوتها امه .. دخل البيت ولقى خواته واخوانه كلهم متجمعين .. بوفارس وام فارس كانوا موجودين بعد .. دخل فارس مبتسم .. سلم والكل رحب فيه .. التفت على امه وابتسم ..
فارس مبتسم: ترا الحركه اللي سويتيها مب حلوه في حقج يا ام فارس ..
الكل التفت على فارس بإهتمام ..
.........................
يتبع

[رامون]

فارس: حبيت ابلغج ان مناف بتم زوجتي والعذال ما راح يفرقون بينا بإذن الله ..
بوفارس عقد حواجبه: عن شو تتكلم ؟
فارس: اسأل ام العيال .. التفت على امه وطالعها بخجل .. والله اللي صار عيب ..
نزل راسه وطلع من البيت بكل هدوء ..
فاطمه: شو صاير يمه ؟
ام فارس قامت من مكانها ولا ردت على حد .. بوفارس لحقها الغرفه .. العيال قعدوا فالصاله مستغربين من اللغز اللي قاله فارس ..
بوفارس: شو صاير يا مزنه ؟ ليش فارس دخل وسمعنا كم كلمه وطلع ؟
ام فارس بتوتر: ولا شي ..
بوفارس رفع حاجب: تكلمي يا مزنه ..
ام فارس بعصبيه وتوتر: قلت لك مافي شي ..
بوفارس بحده: تكلمي وقولي شو سويتي ؟
ام فارس انتفضت من صراخ بوفارس .. التفت عليه وهي حاطه يدها على حلجها ..
بوفارس قرب منها والغضب باين بعيونه ..
بوفارس: تكلمي يا مزنه ..
ام فارس: هممممم .. انا .. اااانا .. وسكتت ..
بوفارس: انتي شو هببتي ؟
ام فارس امتلت عيونها بالدموع: انا رحت بيت ام فيصل اليوم ..
بوفارس متكتف: زين ..
ام فارس: قلت لهم كلام ما ينقال ..
بوفارس ينافخ: اففف .. زين ..
ام فارس تمت ساكته وهي تراقب بوفارس ..
بوفارس: شو قلتي ؟
ام فارس: طلبت منهم يبتعدون عن فارس .. وقلت لام فيصل ان بنتها كانت تغازل ولدي .. صرخت في بيتهم وتركتهم يطالعوني بخوف ..
بوفارس غمض عيونه ورفع يده فالهوا .. ضرب الطاوله بيده بقوه ..
بوفارس: عفيه عليج يا مزنه .. بيضتي ويهي جدام الناس ..
سكت بوفارس وخذ نفس عميق .. غلغل اصابعه في شعره وتكلم بخشونه ..
بوفارس: من اليوم وطالع .. انا بنام في غرفه وانتي بغرفه .. وليكون تنطقين معاي بكلمه .. تراني حذرتج .. و ويهج مابي اشوفه ..
طلع من الغرفه ورضخ الباب وراه .. ام فارس قعدت على السرير تصيح .. وحست انها تكره مناف وامها اكثر .. وحقدت عليهم .. بوفارس نزل وهو معصب .. ركب سيارته وراح صوب بيت مناف على طول .. كانت الساعه 10 تقريبا .. وام مناف تنام هالوقت .. لما طق الباب عليهم مناف كانت في غرفتها تدرس .. خافت لما سمعت الباب .. راحت غرفة امها وقعدتها من النوم ..
مناف ترجف: يمه .. يمه قومي ..
ام مناف بطلت عيونها بخوف: شفيج يمه ؟
مناف: يمه في حد يطق الباب ..
ام مناف عقدت حواجبها: ها ؟؟ زين جيبي عبايتي بسرعه ..
لبست ام مناف العبايه وطلعت عند الباب .. مناف كانت تمشي ورا امها بخوف .. ام مناف وقفت على جنب ..
ام مناف: من ؟
بوفارس: انا محمد ..
ام مناف " محمد ؟؟"
مناف " عمي شيسوي هني ؟ وش اللي جايبه هالحزه ؟"
بوفارس: انا بوفارس ..
ام مناف فتحت الباب وطاحت عينها بعيون بوفارس .. بوفارس كان يشوف ام مناف كأنه يشوفها اول ما ملج عليها
بوفارس منزل راسه: السموحه ..
ام مناف: مسموح .. تفضل يا محمد ..
بوفارس: والله انا منقطع ويهي منكم يا ام فيصل ..
ام مناف حطت يدها على الباب: حصل خير ان شاءالله ..
بوفارس: والله ماعرف كيف صار هالشي .. انا ما كنت ادري عن شي ..
ام مناف: فارس ما قصر جى البيت وخذ اللي بخاطر البنيه ..
بوفارس: وين بنتي؟
ام مناف التفت على بنتها: مناف تعالي ..
مناف وقفت جنب امها ومنزله راسها ..
بوفارس: السموحه منج يا بنتي .. لا تاخذين على كلام ام فارس .. وانا اوعدج ان من بعد اليوم ما راح تتعرض لج بكلمه ..
مناف: ما صار شي يا عمي ..
بوفارس: وما عليكم من الكلام اللي قالته .. امسحوها فيني ..
ام مناف: مسموح يا محمد ..
بوفارس: عزيزه وغاليه يا ام فيصل .. وانتي يا مناف لا تشلين همها .. عليج من ريلج وحياتج ..
مناف بخجل: ان شاءالله عمي ..
بوفارس نزل راسه وكان منحرج من اللي صار .. تم فتره ساكت ..
بوفارس بهدوء: انا استأذن منكم .. والسموحه على جيتي في هالوقت المتأخر .. بس من دريت بالموضوع وجيت هني اتعذر منكم ..
ام مناف: جزاك الله خير يا محمد .. طول عمرك اصيل وتعرف السنع ..
بوفارس: بارك الله فيكم .. تصبحون على خير ..
عطاهم ظهره وركب السياره وحرك .. مناف كانت مستغربه من موقف بوفارس .. اما امها فكانت متوقعه هالحركه منه ..
ام مناف: يلا يمه تعالي داخل ..
مناف: ان شاءالله يمه ..

[رامون]

ام مناف: لا تقولين حق ريلج عن اللي صار الحين ..
مناف باستغراب: ليش يمه ؟
ام مناف: بس .. ما نبي نكبر الموضوع .. واللي سوته امه كفايه ..
مناف: ان شاءالله يمه ..
دخلت مناف غرفتها وكانت تفكر في طيبة قلب بوفارس .. اما ام مناف فكانت مستغربه من جمود بوفارس معاها ..
ام مناف " كان يناديني ام فيصل .. ولا حتى نطق باسمي .. آآآآه يا محمد " ..
مناف ما قدرت انها تركز في كتبها من التفكير .. خذت التلفون واتصلت بفارس .. فارس كان قاعد مع محمد ولد عمه يتكلم وهو يصرخ من الموقف اللي صار .. شاف التلفون ..
فارس: لحظه شوي .. هلا حياتي ..
مناف: شلونك حبيبي ؟
فارس تنهد: آآآه .. تمام .. شو مسويه انتي ؟
مناف: شفيك حبيبي ؟ ليش تنافخ ؟
فارس: مافيني شي .. ذاكرتي عدل ؟
مناف: يعني ..
فارس: ليش ؟
مناف: مادري احس مالي خاطر ادرس ..
فارس يحك راسه: زين اجيب لج عصير الكوكتيل اللي تحبينه ؟
مناف حطت القلم في حلجها: هممممممم .. لا مابي امشورك عشان عصير ..
فارس مبتسم: كل شي لعيونج يهون يا قلبه ..
قام فارس من عند محمد وراح المطبخ يتكلم فالتلفون ..
فارس مبتسم: تتغلين علي ؟
مناف ضحكت بدلع: ههههه .. لا ما اتغلى ..
فارس: تغلي ترا يحق لج .. انتي الدلع كله والغلا لج انتي وبس ..
مناف باحراج: زين انا بروح اكمل دراستي ..
فارس مبتسم: صج والله .. يعني مستحيه ؟
مناف بدلع: عااااد فارس ..
فارس بصوت عالي: امووووت فيها يا ناس ..
مناف: ما تخلي هالحركات عنك يالمينون ..
فارس بصراخ: خل الدنيا كلها تسمع .. احبج احبج احبـــــــج ..
مناف بثقه: وانا اموت فيك يا فارس .. فديت قلبك ..
فارس: زين يلا عن التغلي والدلع .. الحين بطلع اخذ لج الكوكتيل اللي تحبينه وبمرج زين ..
مناف: اللي تشوفه حبيبي ..
فارس مبتسم: اموت لي قلتي حبيبي ..
مناف: سمالله عليك ..
فارس: حياته انتي والله ..
مناف: زين يلا تعال ..
فارس بحنان: مشتاقه لي ؟
مناف بخجل: مشتاقه لك موت ..
فارس بوناسه: متى بس نتجتمع في بيتنا الصغير ..
مناف انحرجت من الجمله اللي قالها فارس ..
فارس: زين حياتي .. انا طالع من البيت .. تبين اجيب لج شي تاكلينه ؟
مناف: لا حبيبي مابي ..
فارس: زين اولم ا وصل باتصل ..
مناف: الله يحفظك حياتي ..
سكر فارس من مناف وراح عند محمد اللي كان فالصاله واقف عند الدريشه ويتامل بصمت .. قرب منه فارس وحط يده على كتفه ..
فارس: شو اللي يدور في بالك حمودي ؟
محمد: متملل يا فروس ..
فارس بهدوء: حاس فيك .. زين قوم نطلع ونكمل كلامنا فالسياره ..
محمد: زين ..
فارس لبس قحفيته وبطل ازرة الثوب وشمر يده .. محمد حذف غترته على الكرسي وطلع ورا فارس .. ركبوا السياره وراحوا خذوا كوكتيل لهم ولمناف .. وهم فالدرب تم محمد يفضفض لفارس ..
فارس: زين حمودي ليش ماترجع زوجتك ؟
محمد: فروس ماقدر ..
فارس: زين ليش ؟
محمد رجع الكرسي على ورا: فروس عافتها نفسي ..
فارس: انت لا تنسى الحب اللي بينكم والعشره ..
محمد: هي دمرت كل شي ..
فارس: عطها فرصه ثانيه ..
محمد: عطتها فرص ..
فارس: ليش تسكرها من كل صوب .. كبر عقلك يا حمود .. فكر في المستقبل .. عيالك و زوجتك ..
محمد: طليقتي مو زوجتي ..
فارس: لا ترضى عليها تكون مطلقه .. وانت تعرف نظرة الناس للمطلقه ..
محمد تنهد: آآآآه .. والله يا فروس محتار .. مابي ارجعها ومحتاج لانثى في حياتي .. افكر اتزوج ..
فارس التفت على محمد: من صجك ؟
محمد: اي ..

[رامون]

فارس: زين انا اقولك عيد النظر في موضوع زوجتك قبل ما تتخذ هالخطوه ..
محمد: موضوعها منتهي بالنسبه لي .. خلاص ..
فارس: انا اقول فكر عدل يا حمود .. وصدقني ما بتلقى مثل زوجتك الاولى .. على الرغم من بعض المساوئ اللي فيها بس محد فينا خالي من العيوب .. انت ردها و حط قوانينك وصدقني هالمره بتتقيد بقوانينك .. يعني ما اقصد قوانين صارمه .. بس يعني تحط لك قواعد تريحك وتريحها ..
محمد مغمض عيونه: لأ ..
فارس: بكل بساطه تقول جي حمودي .. هانت عليك العشره ..
محمد: فروس لا تعاتبني .. بس ماقدر ..
فارس: اللي في قلبك مب لك ..
محمد بطل عيونه والتفت على فارس .. فارس رفع حاجب وتم يطالع محمد .. فارس صد عن محمد وشغل الراديو محمد صد صوب الدريشه وعض على ابهامه .. وصلوا بيت مناف وفارس نزل من السياره واتصل لها تلفون .. طلعت مناف عند الباب وفارس دخل الحوش عندها .. قرب منها وايد ومناف كانت ترجع خطوات ورا وفارس يقدم خطواته جدام .. مناف حطت يدها على صدر فارس وهي منزله راسها ..

مناف: وقف ..
فارس مسك يدها وباسها .. مناف سحبت يدها بخوف ..
فارس: الحين انتي زوجتي محد يقدر يقول شي ..
مناف: اخاف امي تقعد من النوم ولا اخواني .. ويشوفونا جي ..
فارس قرب ويهه من ويها: احبج ..
مناف طالعته: وانا اموت فيك ..
فارس حضنها لصدره بقوه وباسها على راسها .. بعد لحظات الحنان فارس مد يده لمناف ..
فارس: تفضلي يا قلبه ..
مناف خذت العصير: تسلم حبيبي .. عنيتك فهالليل ..
فارس: تعبج راحه يا قلبه ..
مناف: كلك ذوق حبيبي ..
فارس: والله انتي الذوق كله ..
مناف نزلت راسها وتمت تلعب بزرار فارس .. تفتحه وتسكره .. فارس كان يراقبها ومبتسم .. خذ العصير من يدها وحط العود فيه ..
فارس: ذوقي يا قلبيه ..
مناف خذت العصير وشربت منه .. فارس خذ العصير وشرب وراها ..
فارس: آآه .. طعمه يجنن ..
مناف: يعني اول مره تذوقه ؟
فارس: من ورا حلج اول مره .. بس طعمه يجنن .. فديت حلجج انتي ..
مناف نزلت راسها بخجل ..
فارس مبتسم: زين يلا روحي غرفتج وذاكري ..
مناف مبتسمه: زين فديتك ..
فارس: واذا بغيتي شي اتصلي لي ..
مناف: ان شاءالله ..
فارس: يعني لي خذتي بريك من الدراسه اتصلي .. انا اقول لو خذتي بريك .. ترا مو شرط تاخذين بريك عشان تكلميني ..
مناف طالعته ومدت بوزها: وبعدين ..
فارس: هههههه .. زين خلاص خلاص ..
مناف: هههههه ..
فارس: يلا حياتي انا ماشي .. طمنيني عليج ..
مناف: الله وياك .. وتحمل بنفسك ..
فارس: من عيوني ..
راح فارس صوب الباب .. مناف ودعته ودخلت .. فارس سكر الباب وراح صوب السياره .. طول الدرب هو ومحمد كانوا يسولفون ويضحكون ولا كأن الكلام اللي انقال من قبل أثر في واحد منهم .. فارس وصل محمد البيت ورجع بيته نام على طول من التعب .. في بيت بوفارس ام فارس كانت بروحها في الغرفه وتصيح .. بوفارس دخل عليها خذ ملابسه وراح غرفة جاسم وفرش له على الارض ونام وقضى ليلته هناك بعيد عن ام فارس .. البنات عرفوا باللي صار وكانوا وايد متعجبين من موقف امهم .. طبعا فاطمه بلغت مريم باللي صار ومريم كانت وايد زعلانه على امها وعلى تصرفاتها اللي تسويها .. عبدالعزيز كان عند فاطمه ويتكلمون في هالموضوع ..
عبدالعزيز: مسكين فارس ..
فاطمه: حتى ماما مسكينه ..
عبدالعزيز: لو مسكينه جان ما مثلت علينا .. وايد مستغرب من حركتها .. يعني ليش سوت جي .. شو بتستفيد .. هي مفكره ان فارس بيطلق مرته عشانها ؟
فاطمه: انا معاك ان اللي سوته ماما غلط .. بس ليش نقسى عليها جي .. خل نحاول ان نحنن قلبها على فارس و زوجته ..
عبدالعزيز: وانتي تعتقدين ان زوجة فارس ولا امها بهالسهوله بينسون الاهانه ؟ حبيبتي الانسان الزم ما عليه كرامته .. يمكن انهم طيبين ويسامحونها .. بس صدقيني مو بسهوله هاي شي .. والشي الثاني بيتحاشون امي وامي هي اللي بتتعب .. زوجة فارس بتكون حذره مع امي .. وحتى عيالها ما راح يكونون قراب من امي مثل ما بيكونون قراب من امها هي ..
فاطمه: بس ..
يقاطعها عبدالعزيز: سمعيني اختي .. مره ابوي قالي قصه فيها عبره كبيره .. ومن سمعتها من ابوي وانا احاسب على مشاعر غيري واحاول اني ما اجرحهم ..
فاطمه باهتمام: شو القصه ؟
عبدالعزيز: في ولد دوم يعصب ويصرخ ويجرح غيره .. بس بعد فتره يحس بالذنب وتأنيب الضمير ..
فاطمه: زين ..
عبدالعزيز: ابوه حب انه يحل المشكله .. فعطاه قطعة خشب ومسامير ومطرقه وكلب منه انه يضرب مسمار في قطعة الخشب كل ما عصب على احد او جرح احد .. وعطاه مدة شهر ..

[رامون]

فاطمه باستغراب: كمل ..
عبدالعزيز: الولد كل ما عصب ضرب مسمار في قطعة الخشب .. وتم على هالحال لين ما انقضى الشهر .. الابو خذ قطعة الخشب وطلب منه انه يشل كل المامسر اللي ضربها .. الولد بعد ما شلها جدام ابوه .. الابو خذ القطعه وقال لولده شو تشوف في قطعة الخشب ؟ الولد قاله اشوف ثقوب .. قاله ابوه زين تقدر ترجع الخشبه مثل ما كانت ؟ رد عليه الولد لا ماقدر .. قاله الابو تخيل ان كل اللي جرحتهم سويت لهم نفس الثقب في انفسهم وجرحتهم .. هل تتوقع انك بتقدر تسد هالثقوب .. الولد حس بالذنب .. يا فطيم المفروض ان احنا نتخيل الناس مثل قطعة الخشب بحيث ان لو جرحناهم ما نقدر نشفي جروحهم .. فلازم الواحد يحاسب وهو يتعامل مع الناس .. يعني الجرح اللي امي سببته لزوجة فارس وامها مستحيل يشفون منه .. لان امي حسستهم انهم اقل منا بكلامها .. ومن يحب ان غيره يتعالى عليه .. جرح الجسم يهون وينسى ولا جرح الكلام ..
فاطمه صاحت وهي تسمع كلام اخوها .. عبدالعزيز حضنها ومسح دموعها ..
فاطمه وسط دموعها: الله يسامحها امي ..
عبدالعزيز: الله يسامحها .. لا تضايقين نفسج يا فطيم .. ان شاءالله بتنحل ..
فاطمه تمسح دموعها: ان شاءالله ..
عبدالعزيز مبتسم: وينه ريلج ؟
فاطمه: فوق .. تعال نروح له ..
عبدالعزيز: لا ناديه .. ابي اقعد مع سلمان بعد ..
فاطمه: ان شاءالله ..
طلعت من الصاله وسلمان كان طالع من المطبخ .. طاحت عينه عليها وشاف عيونها .. عقد حواجبه واستغرب .. فاطمه نزلت راسها اول ما شافته .. كملت دربها لفوق .. و سلمان راح الصاله ..
سلمان " ليش زعلانه ؟ "
دخل وسلم على عبدالعزيز وتموا يسولفون وانظم لهم يوسف .. تموا الشباب يسولفون وفاطمه كانت في غرفتها وتكلم مريم اختها ..
فاطمه: شو اخبارج الحين ؟
مريم: الحمدلله احسن ..
فاطمه: خالد وينه ؟
مريم: عندي .. الا بسألج ..
فاطمه: هلا ..
مريم: كلمتي فارس ؟
فاطمه: لا كلمت مناف ..
مريم: والله ..
فاطمه: اي .. وكنت منحركه منها والله ..
مريم: مسكينه ..
فاطمه: كانت حزينه بس تكابر .. وتقولي فارس كان عندها لين الساعه 8 ونص تقريبا ..
مريم: مسكين فارس .. شو بيتحمل فديته .. اول شي امي سوت له سالفه .. وبعدين راحت بيتهم وهزئتهم ..
فاطمه: بس تدرين ان فارس يموت في مناف .. مو بس يحبها ..
مريم مبتسمه: والله .. زين شلون عرفتي ؟
فاطمه: من كلام مناف .. كل شوي تتفداه .. وتمدح فيه وتقولي ان فارس وده يتم العرس اليوم قبل بكره ..
مريم: حليله والله فارس .. زين وتحسين مناف تحب فارس اخوي ؟
فاطمه: هي مو بس تحبه .. الا ذايبه فيه ..
مريم: حلاتين عليهم .. والله لايقين لبعض ..
فاطمه: الله يهنيهم ان شاءالله ..
مريم: ان شاءالله .. بس بسألج شلون حسيتي ان مناف تموت في فارس اخوي .؟
فاطمه: هي قالت لي .. بيني وبينج مريم ..
مريم: شو ؟
فاطمه: هي اعترفت لي انها كانت تعرف فارس زين ..
مريم: كملي ..
فاطمه: المهم .. الا تقولي ان في دكتور فالجامعه عندنا هي كانت ماخذه عنده مقرر تقدم لها .. وهي رفضته عشان فارس .. لما فارس درى استخف .. بس ما صار الموضوع .. وتقولي هاي اللي زاد تعلق فارس فيها ..
مريم: حليله فار اخوي .. وايد رومنسي ..


فاطمه: هههههه .. والله انتي اللي رقيقه و رومنسيه يا مريوم ..
مريم وفاطمه: ههههههه ..
مريم: زين فطيم بخليج الحين .. احس بتعب وبروح انام ..
فاطمه: زين حبيبتي .. سلمي على ولد عمي ..
مريم التفتت على خالد مبتسمه: تسلم عليك فطيم ؟
خالد مسك يد مريم: الله يسلمها .. وقلي لها بسها سوالف خلاص ..
فاطمه سمعت كلام خالد وعصبت ..
فاطمه: قولي حق ريلج بسولف وماراح اسكر ..
مريم: تقول بتسولف وما راح تسكر ..
خالد ضحك عليها وخذ التلفون من مريم ..
خالد: هلا وغلا ببنت عمي ..
فاطمه: خير الشيخ ..
خالد: لا كله ولا زعلج يا بنت العم ..
فاطمه: تفشلني وتقول كله ولا زعلي ..
خالد مبتسك: نضحك معاج يالرقيقه ..
فاطمه: مرتك الرقيقه مو انا ..
خالد: زين عاد بنت العم .. شو فيها لو فشلتج يعني ؟ بعدين اذا ما فشل بنت عمي من افشل ؟
فاطمه: والله عندك بنت عمك مريم .. وفشلها لين تشبع ..
خالد: لا يبه هاذي مرتي الغاليه .. مو بنت عمي بس ..
مريم كانت تشوف خالد مبتسمه .. تمت تلعب في شعره وهو يكلم فاطمه ويلعوزها ..
فاطمه: لا والله ..
خالد: هههههه .. زين يلا بسج سوالف وروحي نامي ..
فاطمه: شو على كيفك تقرر اذا اروح انام او لأ ..
خالد: شو فيها لو قررت يعني .. بنت عمي وكيفي ..
فاطمه: انت متسب على هالليل .. بسكر عنك احسن لي ..
خالد: هههههه .. حليلج يا فطيم .. يلا الشيخه سلمي على يوسف ..
فاطمه مبتسمه: ان شاءالله ..

[رامون]

خالد: تصبحين على خير ..
فاطمه: وانتوا بخير ..
سكرت فاطمه من خالد وهي ميته من الضحك على سوالفه .. خالد التفت على مريم وابتسم لها ..
مريم: يلا ابي انام ..
خالد: ان شاءالله يا مدام ..
مريم: هههههه ..
خالد: شو تبين اجيب لج من الغرفه ؟
مريم: مابي شي من الغرفه .. بس ابي ماي ؟
خالد: من عيوني الثنتين ..
مريم بخجل: مشكور حبيبي ..
راح خالد وجاب ماي لمريم وقعد جنبها ..
مريم: والله يا خالد المفروض انا اخدمك .. مو انت اللي تخدمني ..
خالد مبتسم: حبيبتي انا امج وابوج وريلج ودنيتج .. انا كل شي يا مريم .. لا تستحين مني حبيبة قلبي .. انتي الحين تمرين بظروف مقيدتج عن الحركه .. وانا مقدر هالشي حبيبتي .. زين ليش تستحين مني ؟
مريم منزله راسها: خالد استحي لما تشلني ..
خالد ضحك: ههههه .. اموت فيها اللي تستحي ..
مريم: خالد لا تقولي جي ..
خالد: حبيبة قلبي والله اللي تستحي ..
مريم حضنت خالد وغمضت عيونها .. حست بالامان في احضان زوجها .. هالليله وغيرها من الليالي عدوا على خير بالنسبه للاغلب .. ام فارس حالتها حاله من بعد هجر بوفارس لها .. دوم حزينه وتصيح .. طبعا الجده درت باللي سوته ام فارس و عاتبتها على اللي سوته ..
بعد مرور 5 شهور .. و ما بقى شي على نهاية السنه .. البنات خلصوا امتحاناتهم ورتبوا امورهم لعرس فارس ومناف .. ازف الوقت بالنسبه لمناف .. بقى لها اقل من شهر وتعيش هي وفارس تحت سقف واحد .. تقريبا كل تجهيزات العرس خلصتها .. البنات جهزوا فساتينهم لهالمناسبه اللي من زمان كانوا ينتظرونها ..
في بيت الجد .. بوفارس و بومحمد قاعدين مع ابوهم يسولفون ..
بومحمد: حليله فارس .. طاير من الوناسه ..
الجد مبتسم: الله يتمم له .. وبنت فاطمه ما عليها كلام ..
بومحمد: محمد ..
بوفارس: هلا ..
بومحمد: مرتك تدري انك كنت مالج على فاطمه من قبل ؟
بوفارس مندمج مع الجريده: لا ..
الجد: وليش ما قلت لها ؟
بوفارس: انا قايلها اني كنت مالج .. بس هي ما تدري من تكون ؟
بومحمد: زين لو درت شو تتــ ...
بوفارس يقاطعه: وخير يعني لو درت .. ما يهمني ..
الجد: ليش مستحمق يبه ؟
بوفارس: مب مستحمق ولا شي ..
بومحمد: شو فيك اخوي ؟
بوفارس: مافيني شي .. زين وين امي ؟ كل هاي تسوي شاي ؟
الجد: قوم شوفها ..
بوفارس: ان شاءالله ..
طلع بوفارس من الصاله رايح يشيك على امه في المطبخ .. لقاها تسوي الشاي على راحتها وادندن .. قرب منها بوفارس ..
بوفارس: يه يه يه .. شعندها الوالده ادندن ..
الجده مبتسمه: ما بقى شي على عرس فارس فديت قلبه ..
بوفارس مبتسم: هالكثر مستانسه يمه ..
الجده: والله احب عيالكم كلهم .. بس فارس له مكان كبير في قلبي ..
بوفارس: سكتي لحد يسمعج ويزعل علينا ..
الجده وبوفارس: هههههه ..
خلصت الجده من الشاي والقهوه .. بوفارس شل الصينيه عنها وراحوا الصاله وهم يضحكون ..
الجد: يه شو هالوناسه ؟
بومحمد: يا علها دوم مستانسه ..
الجده حضنت بومحمد وباسته على خده ..
الجده: فديت قلبك انته ..
بوفارس: وانا ؟؟
بومحمد: يا ربي شو اسوي فيه يغار مني ..
الكل: هههههه ..
تموا يسولفون بوناسه وفرح ..
في هالاثناء مناف ومريم وفاطمه وايمان كانوا طالعين مع فارس يتقضون ويخلصون بعض امور العرس .. فارس كان طول الوقت يلعوز مناف ويسوي لها حركات .. مناف كانت تنحرج من حركاته و ويها يستوي احمر .. البنات كانوا يهاوشون فارس ..
فاطمه: فارس حرام عليك اللي تسويه فيها ..
فارس مبتسم: احب العوزها ..
فاطمه: حرام شوف ويها شلون صاير احمر ومنحرجه البنت ..
فارس: هههههه .. آيه عليها والله ..
فاطمه: يبيلك ضرب يا فارس ..
فارس: من بيضربني ؟
فاطمه: انا ..
فارس: عسل على قلبي والله ..
فاطمه انحرجت: مالوم مناف لي صار ويها احمر ..
فارس: ههههههه ..
دخلوا محل ملابس نسائيه .. وايمان وفاطمه خذوا لهم قمصان وبناطلين ..
ايمان: مريوم ليش ما تاخذين ؟
مريم: لا مابي .. عندي وايد ..
ايمان: زين انتي ليش ما تاخذين يا مناف ؟
مناف: مب متعوده البس بنطلون ..
ايمان: يه ..تعالي خل اشوف لج كم بنطلون ..
مناف: هههههه .. اول بسأل فارس ..
ايمان: يا دلع .. يا دلع انتي ..
مناف بخجل: دقيقه بروح اسأله ..
ايمان: آيه على الدلع والله .. ما ينلام اخوي ..
مناف راحت عند الباب صوب فارس وهي تضحك على كلام ايمان .. وهي طالعه من باب المحل شافت فارس واقف يطالعها ومبتسم .. قربت منه وهي مبتسمه له .. فجأه انمحت ابتسامتها .. قربت من فارس وهي متوتره ..
فارس مبتسم: ها يا قلبه ناقصج شي ؟
مناف منزله راسها: ها .. لا بس ..

[رامون]

فارس عقد حواجبه: بس شو ؟
مناف: مممممم ..
فارس: شو فيج حبيبتي ؟ تعبانه ؟
مناف رفعت راسها بثقه: لا حبيبي .. بس حبيت آخذ رايك في شغله ..
فارس مبتسم: قولي يا قليه انتي ..
مناف: عادي اشتري لي بنطلون ؟
فارس: اي اكيد عادي .. بس بشرط ؟
مناف: شنو شرطك ؟
فارس: ما تلبسينه تحت العبايه .. بس فالبيت ..
مناف مبتسمه: ان شاءالله حبيبي ..
فارس مسك يدها وتم يطالعها وهو مبتسم .. مناف ابتسمت له ورجعت المحل عند البنات .. مناف شافت الدكتور حامد وكان يطالعها بشوق .. حست بالتوتر بس تجاهلته .. دخل الدكتور حامد المحل وكانت معاه امه واخته .. طول الوقت كان يطالع مناف فالمحل .. بعد ما خلصوا البنات نادوا على فارس عشان يدفع لهم .. دخل فارس والبنات وقفوا جنبه كل وحده شايله اغراضها .. دفع فارس وشل الاكياس عنهم .. وهو طالع كان يتغزل في مناف ..
فاطمه: حرام عليك .. اعتق البنت ..
فارس مبتسم: زوجتي وباغازلها وقت ما ابي ..
الكل: ههههه ..
الدكتور حامد من سمع هالكلمه انصدم وتمنى لو تنشق الارض وتبلعه ..
حامد " خلاص تزوجت ؟ آآآه صج يا حظه فيها هالريال .. الله يهنيهم " ..
البنات وايد تونسوا مع فارس في السوق .. وصلوا مناف البيت .. وفارس وصلهم البيت .. وهم عند باب البيت فاطمه طلبت من فارس انه ينزل ..


فارس مبتسم: لازم اروح ..
مريم: فارس علينا لازم تروح ..
فارس: ههههه .. مواعد محمد ولد عمي ..
مريم: لا صدقنا ..
فارس: شو فيكم اطالعواني جي ؟
فاطمه: يلا عاد فارس انزل شوي ..
ايمان: خلوه على راحته ..
فارس: تعجبني اللي تفهمها وهي طايره ..
ايمان: احم احم .. اعجبك انا ..
الكل: ههههههه ..
البنات تركوا اخوهم يروح لما شافوا ان ما منه فايد ومستحيل انه ينزل معاهم .. تموا يسولفون فالصاله ..
ايمان: يعني انتوا تستعبطون على من ..
فاطمه: ليش ؟
ايمان: حبيبتي فارس قايل انه مب داش البيت ..
مريم: بس لما صارت ذيك السالفه دخل ..
ايمان: دخل يشفي غليله ..
فاطمه:تعجبني طرقة تفكيرج وتحليلج للامور يا ايماني ..
ايمان: ترا اصدق نفسي بعدين ..
فاطمه حذفت عليها المخده: يلا عاااد ..
البنات ضحكوا وتموا يحذفون بعض بالمخدات ويتعافرون .. من بعد الضحك هدوا وكل وحده حذفت نفسها على كرسي ..
ايمان: والله ايام ..
مريم: اي والله .. ما تشتاقين لهالايام فطيم ؟
فاطمه: وايد اشتاق .. يبيلنا نسوي لنا يوم فالشهر نرقد فيه في بيتنا ..
ايمان: وتلوموني بروحي هني فالبيت بدونكم ..
مريم: فديت قلبج يا ايمان .. والله مفتقدين السوالف والعبط .. والهواش والمعاير ..
الكل: هههههه ..
فاطمه: اشتقت للسفر .. كلنا نجتمع في السفر ونكون مع بعض طول الوقت ..
مريم: اي والله .. لا تصيحوني ..
وصاحت مريم ..
ايمان: آيه عليج يا مريوم .. صج انج رقيقه ..
وصاحت ايمان ..
فاطمه: لا ماصدق ايماني تصيحين ..
وصاحت فاطمه ..
الخوات الثلالث طالعوا دموع بعض وتموا يضحكون ويصيحون في نفس الوقت .. مريم وفاطمه كل وحده فيهم مر عليها زوجها .. وراحوا بيوتهم .. ايمان تمت بروحها فالبيت .. راحت غرفة امها تواسيها مثل كل ليله ..
ايمان: ماما .. اليوم رحنا تقضينا وخلصنا كل شي حق عرس فارس ..
ام فارس بعصبيه: كم مره قلت لج لا تجيبين لي طاري هالولد ..
ايمان بحزن: ليش ماما ؟
ام فارس: ماحب اسمع طاريه ..
ايمان: هاذي ولدج ترا ..
ام فارس: يعني لازم اعيد كلامي كل يوم .. انا ما عندي ولد اسمه فارس .. تبريت منه .. عيالي عبدالعزيز وجاسم بس ..
ايمان: الله يهديج يا ماما ..
حضنت امها وتمت تبوسها على خدودها وجبهتها .. ام فارس كانت وايد مقدره اللي تسويه ايمان .. بعد قبلات ايمان لامها .. طلعت من الغرفه رايحه الصاله .. لقت عبدالعزيز قاعه مع جاسم يتابعون فلم ..
ايمان بصراخ: هلا ..
جاسم تخرح والتفت عليها بخوف .. عبدالعزيز ضحك على حركة جاسم وشكله وهو متخرع ..
عبدالعزيز: ههههههه .. حلوه منج ايمانوووو
ايمان: شلونج الجسمي ؟
جاسم بعصبيه: سكتي عني ..
ايمانو عبدالعزيز طالعوا بعض وضحكوا عليه ..
جاسم: مافي شي يضحك ..
عبدالعزيز: قوي قلبك اخوي ..
ايمان: اشرب ريدبول ..
عبدالعزيز بعبط: ريدبول بيعطيك جوانح ..
الكل: هههههههه ..
دخل عليهم بوفارس وهو مبتسم مستانس على ضحكهم ..
بوفارس: فديت ضحكم ..
جاسم ركض عند ابوه وحضنه .. بوفارس شله وباسه على خده ..
بوفارس: شلونك يبه ؟
جاسم: طيب ..
بوفارس قعد جنب عبدالعزيز: شلونكم يا عيالي ؟
عبدالعزيز: الحمدلله ..
ايمان: تمام يافندم ..

[رامون]

بوفارس مبتسم: فديت قلبج انتي ..
عبدالعزيز: ايمان اذا ما تسوي لها حركات .. مب ايمان ترا ..
ايمان: لازم يا عيوني ..
بوفارس: تعشيتوا ؟
ايمان: لا ..
عبدالعزيز: ما تعشيتي معاهم ؟
ايمان: محد تعشى ..
بوفارس: ليش يبه ؟
ايمان: محد فينا بغى .. بس شربنا قهوه عالماشي واحنا طالعين ..
بوفارس: زين قولي لامج تجهز العشى يلا ..
ايمان مبتسمه: ان شاءالله بابا ..
بوفارس قام من مكانه وجاسم نتعلق في ظهره ..
عبدالعزيز: انت انزل عن ظهر ابوي ..
جاسم: مابي .. يبه خذني معاك الغرفه ..
بوفارس: ان شاءالله يبه .. عزيز خله متعلق فديت طوله هالولد ..
جاسم: يبه انا طولت شوي ..
عبدالعزيز: وايد عليك شوي ..
بوفارس وعبدالعزيز: هههههه ..
جاسم: ليش كله تضحكون علي ..
بوفارس: ما نضحك عليك يبه .. نضحك معاك ..
بوفارس غمز لعبدالعزيز وهو رايح صوب الغرفه وجاسم متعلق على ظهره .. عبدالعزيز ابتسم والتفت صوب التلفزيون .. ايمان وام فارس نزلوا يجهزون العشى .. طبعا الكل كان ياكل بهدوء وصمت .. بوفارس كان ياكل ويفكر في فارس .. لانه مشتاق لقعدته معاهم على السفره .. مشتاق لصوته وحسه فالبيت ..
مناف وامها كانوا يسولفون عن العرس وآخر التجهيزات ..
ام مناف مبتسمه: خلاص مابقى شي يا مناف ..
مناف مبتسمه: اي خلاص ..
ام مناف: كل اغراضج جاهزه ؟
مناف: اي يمه ..
ام مناف: عيل شوفي لج يوم خل ريلج يمر عشان اروح ارتب اغراضج فالبيت ..
مناف: هممممم .. زين ..
ام مناف: ليكون ما رتبتي شناطج ؟
مناف ضحكت: هههههه .. للحين ما طلعت الاغراض من الاكياس ..
ام مناف: يا علج العافيه ان شاءالله .. يعني متى بتحطين اغراضج فالشناط .. مافي وقت ..
مناف: هههههه .. يمه عيزانه ..
ام مناف: حبيبتي الريل ما يبي العيزانه .. قومي اشوف وفرغي هالاكياس المكوده في غرفتج ..
مناف بكسل: يمه عيزانه .. بكره بكره ..
ام مناف قامت من مكانها ومسكت يد مناف ..
ام مناف: يلا جدامي ..
مناف: يمه عيزانه .. والله بكره من الصبح برتب ..
ام مناف: مافي .. يلا الحين قومي ..
مناف قامت مع امها ودخلواالغرفه .. رتبوا الشنط وسكروها .. بعد ما خلصوا مناف حطت راسها في حضن امها ..
ام مناف: شفتي شلون خلصنا ..
مناف: اي زين خلصنا والله ..
ام مناف: ما يبيله شي يالكسلانه ..
مناف: ههههههه ..
غطت ويها بيدينها وتمت تضحك .. امها تمت اطالعها بوناسه وتضحك عليها ..
ام مناف: بنات هالزمن فيهم كسل مب طبيعي ..
مناف مبتسمه: لا يمه انا نشطيه ..
ام مناف: زين وريني نشاطج وقومي شلي هالاكياس وقطيها فالزباله ..
مناف: بااااااب يمهعاد انتي تطلبين المستحيل ..
ام مناف: وتقولين نشيطه بعد ..
مناف: ههههههه ..
ام مناف نادت على عبدالله وفيصل ..
فيصل: نعم يمه ..
ام مناف: تعال انت واخوك شلوا هالاكياس ..
فيصل: ان شاءالله ..
عبدالله دخل الغرفه يركض وهو يضحك ..
عبدالله: ههاااااي ..
وهو يركض تزحلق على احد الاكياس وطاح على الارض .. الكل ضحك على حركته .. عبداللع من الاراح قام مبتسم كأن ما صار له شي ..
عبدالله: ماصار شي .. يلا نشل الاكياس ..
الكل: هههههه ..
فيصل كان ماسك بطنه من الضحك .. اما مناف بطنها عورها من الضحك .. وام مناف كانت تضحك ومب قادره تتكلم .. في بيت مناف الضحكات تعالت بفرح و وناسه ..

[رامون]

أنت من تستاهل أشواقي .. والخفوق وناظر عيوني ..
ساكن(ن) في داخل أعماقي .. راسخ(ن) ومشيد ركون(ي) ..
لك جيت وكل القلب(ي) مشتاق(ي) .. خذتني عن كل مزيون(ي) ..
بالجمال وحسن الاخلاق(ي) .. وانسجام(ن) بدد شجوني ..
يا رفيع المسك وراقي .. فيك انا مولع ومفتون(ي) ..
بك اتوج اتوج قمة اذواقي .. وانت انسي وجوي وكوني ..
يا مخجل شمس الاشراق(ي) .. يا بديع الحسن واللون(ي) ..
قول وش خليت للباقي .. فيك كل الزين مخزون(ي) ..
فارس واقف جدام المرايه يضبط الغتره .. شاف نفسه وابتسم .. خذ دهن العود وتطيب به .. دخل عليه محمد شايل المبخر .. حط قطعتين عود ..
محمد: فروس البس البشت عشان ابخرك ..
فارس: زين ..
لبس فارس البشت وحط محمد المبخر تحته .. وقف مجابل فارس ..
محمد: حلاتين عليك يالمعرس ..
فارس مبتسم: احم احم ..
محمد: زين خلاص قم خل اتبخر انا ..
فارس: لا اصبر شوي ..
محمد: قم لا احرقك ..
فارس ومحمد: هههههه ..
محمد: يلا نروح صوب الريايل .. ترا يدي كل قلبي و هو يتصل ..
فارس: يلا يلا .. كله ولا زعل بومحمد ..
محمد: زين شيكت على كل شي هني ؟
فارس: اي كل شي مرتب وجاهز ..
محمد: زين انتظرك تحت ..
فارس: ان شاءالله ..
نزل محمد وركب السياره ينتظر فارس .. فارس شيك على الشقه وقفل كل شي ونزل عند محمد .. ركب السياره واتجهوا صوب عرس الريايل .. دخل فارس وزفوه الشباب .. قعد على كرسيه وابوه قاعد جنبه .. الشباب سلماو على فارس وابوه وباركوا له ..
صوب الحريم الوضع كان متوتر .. مناف كانت حاسه بالرهبه والخوف .. فاطمه ومريم كانوا يعابلون القاعه مع الجده وام مناف .. ام فارس ما حضرت العرس .. وهيا كانت قاعده كأنها وحده غريبه .. ايمان ومناف والريم كانوا فوق يخلصون اللمسات الاخيره .. الريم خلصت ونزلت القاعه .. ايمان تمت مع مناف ..
الساعه 10 خلصت مناف .. ايمان اتصلت بابوها ومريم عشان ينزلون مناف ..
بوفارس: انا بجي مع فيصل وبكون بعيد .. خلي اخوها اللي يساعدكم ..
ايمان مبتسمه: ان شاءالله بابا ..
بوفارس: بارك الله فيج ..
مريم وبوفارس وفيصل راحوا صوب الغرفه اللي فيها مناف وايمان .. دخلت مريم وشافت مناف ..
مريم: مالوم اخوي والله ..
مناف نزلت راسها بخجل وماردت من الاحراج ..
ايمان: احرجتي العروس ..
مريم: فديت العروس والله ..
ايمان: ترا فيصل اخوج موجود ..
مناف: وينه ؟ خليه يدخل ..
ايمان: سؤال فني يا بنات ..
مناف ومريم: ها ..
ايمان: اتحجب عن فيصل ؟
مناف ومريم: ايمااااااان ..
الكل: هههههه ..
ايمان: زين زين ..
دخلت فيصل اللي انبهر بجمال اخته ..
فيصل بانبهار: مناف هاي انتي ؟
مناف مبتسمه: اي ..
فيصل: ماشاءالله عليج ..
مناف: فديت قلبك حبيبي صاير معرس ..
فيصل: لا فارس المعرس ..
الكل: هههههه ..
مناف: وين عبود ؟
فيصل: مع الشباب ..
مريم: ايمان جيبي العبايه حق مناف ..
ايمان: ان شاءالله ..
البنات غطوا مناف وتغطوا هم بعد ..
مريم: فيصل فديتك افتح الباب ..
فيصل: ان شاءالله ..

[رامون]

فيصل فتح باب الغرفه والبنات طلعوا وكان بوفارس ينتظرهم في الممر .. فيصل مشى وراهم واتجهوا كلهم للقاعه مناف كانت حاسه بالخوف مع كل خطوه تقربها من القاعه .. لما قربوا من باب القاعه و وقفوا مواجهينه مناف حست انها بتصيح من الخوف والتوتر .. بوفارس وفيصل راحوا وتركوا البنات .. البنات شلوا العبي عنهم وعن مناف .. انفحتح باب القاعه وكل الانظار متجهه له .. مناف دخلت وهي منزله راسها وتمشي بهدوء .. مشت لين وصلت عند الكوشه .. بدت الاغاني والبنات قاموا يرقصون .. واللي راح يسلم على مناف ويتصور معاها .. في هالاثناء فارس كان مستعد انه يتجه للقاعه عند عروسته .. الشباب تجهزوا و زفوا فارس لين قاعة الحريم .. دخلوا الفندق واتجهوا صوب القاعه .. البنات غطوا مناف وكل الحريم اللي بالقاعه تغطوا بعد .. دخل فارس والشباب كانوا وراه .. كان يمشي وعيونه على الكوشه .. كان يشوف مناف والعباسه مغطيتها .. ابتسك وقرب منها .. الشباب سلموا عليه وتصوروا معاه .. طبعا الجد وعبدالعزيز وفاضل عيونهم تتلاقط على الحريم .. الجده راحت صوبهم وضربت عبدالعزيز على كتفه ..
الجده: يا عل عيونكم تنبط ..
عبدالعزيز: آآآآي ..
الجد: من وين طلعت ذي ..
فاضل: هلا يدتي ..
الجده: قوموا طلعوا بسرعه ولا بكسركم ..
الجد: شوله ؟ ما سوينا شي ..
عبدالعزيز: زين شو فيها لو شفنا .. زين انا ابي هذيك ..
الجده: علي هالكلام .. قم انت وياه ..
فاضل: زين يدتي ابي اخذ وحده عاي ..
الجد: وانا بعد ..
الجده: حسبي الله ونعم الوكيل ..
ايمان والريم كانوا يضحكون على الشباب مع الجده .. الشباب طلعوا كلهم .. فاطمه راحت وكشفت الغطاء عن مناف .. فارس اول ما شافها حس ان ريوله ما تشله من جمالها .. قرب منها وطبع بوسه على جبهتها .. مناف ماتت من الخجل ونزلت راسها .. ام فارس راحت تسلم على فارس عند الكوشه .. فارس قام من مكانه وباس راسها .. وقفت معاهم وخذت لها المصوره كم لقطه .. عبدالله وفيصل انظموا لفارس ومناف وخذوا لهم لقطات .. خوات فارس بعد راحوا تصوروا مع فارس ومناف .. فارس ومناف والمصوره خذت لهم لقطات حلوه على الكوشه فارس طول الوقت يهمس في اذن مناف اللي كانت منحرجه ..
فارس: شو هالجمال يا قلبيه ..
مناف ما ردت من الاحراج ..
فارس: فديت مرتي اجمل وحده فالحفل كله ..
مناف منزله راسها: خلاص ..
فارس: لا تخليني اصرخ .. امووووت فالدلع ..
مناف: مينون ..
فارس: بحبج ..
مناف تمت ساكته ومنزله راسها .. قعدوا شوي وبعدين وقفوا عشان يطلعون من القاعه .. مشوا شابكين ايدينهم ببعض .. الريم كانت تشوف مناف وهي حاسه بشوية غيره ..
الريم " الله يهينهم ان شاءالله " ..

طلعوا من باب القاعه وقفوا صوب الممر عشان الحريم يغطون مناف عدل .. اتجهوا صوب البوابه والشباب استقبلوا فارس وسوا له درب عشان يركب السياره مع زوجته .. ركبوا السياره واتجهوا لشقتهم الصغيره .. طبعا مناف ما دخلت هالشقه من قبل .. بس اختارت غرفة النوم .. وصلوا شقتهم ومريم كانت مع خالد في السياره الثانيه .. دخل فارس ومناف معاه .. ومريم كانت وراهم .. مناف كانت منرجه ومستحيه وايد .. مريم ساعدت منا انها تبدل ملابسها .. وتفتح لها شعرها وجهزت لها ملابسها .. فارس كان قاعد فالصاله .. فصخ البشت وعلقه .. قعد على الكرسي وتم يفكر ..
فارس " المفروض عميمه هيا هي اللي تسوي هاي كله مو مريم اختي فديتها .. آآه الله يسامحكم يا هلي .. ليش نقصتوا علي فرحتي .. الحمدلله على كل حال .. اهم شي مناف الحين زوجتي وبتكون ام عيالي بأذن الله .. اللي يقدرني واسعدها " .. تم فارس يفكر وكان فرحان بوجود مناف معاه في بيتهم الصغير .. مريم خلصت مع مناف وطلعت الصاله عند فارس اخوها .. فارس اول ما شافها قام من مكانه مبتسم لها ..
فارس: ساعه ..
مريم رفعت حاجب: لا والله ..
فارس: ههههه ..
مريم: وين عشاكم ؟
فارس: جاهز فالمطبخ ..
مريم: زين اشوى .. زين انا بانزل تعال وصلني السياره ..
فارس مبتسم: تحت امرج يالشيخه .. بس بلغي المدام اني بنزل معاج ..
مريم مبتسمه: ان شاءالله ..
مريم بلغت مناف ان فارس بيوصلها تحت وبيرجع .. طلعت الصاله ونزلت مع فارس .. سلموا على بعض ورجع فارس فوق .. دخل البيت وهو فرحان .. خذ نفس عميق ومشى صوب غرفة النوم .. طق الباب ودخل .. شاف مناف قاعده على الكرسي وهي متوتره .. قرب منها وهو مبتسم .. قعد جنبها من غير ما ينطق بكلمه .. مسك يدها وباسها ..
فارس: الف مبروك يا مناف ..
مناف بخجل: الله يبارك فيك ..
فارس: زين ما راح تباركين لي يعني ؟
مناف بهمس: مبروك ..
فارس: بس جس مبروك ..
مناف بدلع: عااااااد فارس ..
فارس حضنها بقوه وباسها: اموت في دلعج يا مناف ..
مناف حضنت فارس وغمضت عيونها .. فارس طوقها بيدينه وتموا يتحاكون بقلوبهم الصافيه .. فارس مرر اصابعه على ويه مناف وهو يتأمل جمالها .. مناف كانت تشوف فارس في عيونه وهي مبتسمه ..
فارس: يلا قومي نتعشى ..
مناف: ان شاءالله ..
طلعوا من الغرفه متجهين للمطبخ .. قعد فارس ومناف جهزت له الاكل في صحنه .. فارس كان يراقبها وهي تجهز له الماي وتحطه جدامه .. حطت لها وقعدت جنبه .. بدوا ياكلون في هدوء .. فارس تم يأكل مناف ومناف كانت تاكل وهي مستحيه من حركاته ..
فارس: اكلي حبيبتي ..
مناف: قاعده آكل ..
فارس: ما حركتي شي من صحنج ..
مناف: لانك تأكلني من صحكنك ..
مناف وفارس: هههههه ..
فارس حط يده على كتف مناف: يعني ما تحبين تاكلين من وراي ؟
مناف بخجل: بالعكس عادي ..
فارس يلعوزها: يعني حلجي حلو ..

[رامون]

مناف: عاااد لاتلعوزني ..
فارس ترك الليبيده وحضنها بقوه وباسها ..
مناف بدلع: فاااارس ..
فارس بصراخ: احبهااااااااااااااااا يا ناس ..
مناف: يا مينون ..
مناف وفارس: هههههه ..
كملوا عشاهم بهدوء وبعدين فارس خذ مناف في لفه حول شقتهم الصغيره ..
مناف: ذوقك حلو يا فارس ..
فارس: يبه هاي ذوق ولد عمي ..
مناف: وااااو .. ماشاءالله ..
فارس: انتي اخترتي غرفة النوم وهو كمل عليها ..
مناف: زين انت بعد ليش ما شوف لمساتك فالبيت ؟
فارس بغزل: انتي احلى لمسه ضفتها انا في هالبيت ..
مناف استحت من كلام فارس و سكتت .. فارس حضنها وهو واقف وحط راسها على صدره ..
فارس: مناف ..
مناف مغمضه عيونها: هلا حبيبي ..
فارس: انا اسعد انسان في هالكون كله ..
مناف بدلع: ليش ؟
فارس: لاني اغلى انسانه في حياتي في احضاني ..
مناف عضت شفتها: وانا اسعد انسانه لاني في احضانك يا فارس ..
فارس مسك ويه مناف بيدينه وتم يناظرها مبتسم .. مناف بادلته نفس الابتسامه وبعيونها كلام .. فارس فهمه وحفظه في قلبه .. دخلوا غرفة النوم وقضوا ليلتهم في هدوء وسلام ..
شمس يوم جديد تشرق على مناف وفارس .. فارس كان نايم على جنبه اليمين وفارد يده .. مناف كانت نايمه على يده اليمين .. ومطوقها فارس بيده اليسار .. فتحت عيونها بتعب .. مسكت يد فارس وباستها .. تحركت شوي عشان تقوم من السرير وفارس سحبها صوبه بقوه .. مناف ابتسمت وباعدت يده عنها ..
فارس: وين رايحه ؟
مناف: شبعت نوم ..
فارس: بس انا ما شبعت نوم ..
مناف مبتسمه: زين حبيبي انت نام وانا بقوم ..
فارس: لا ..
مناف: ههههه .. عاااد فارس ..
فارس سحبها بقوه وحضنها .. مناف تمت تضحك عليه .. بطلت يده عنها وقامت من السرير .. راحت تاخذ لها شور .. فارس حط ايدينه ورا راسه وتم يفكر في مناف وهو مبتسم .. طلعت مناف من الحمام وكلها نشاط .. شافت فارس اللي كان منسدح ومغمض عيونه .. قعدت جنبه وتمت تلعب بشعره وتتأمل ملامح ويهه ..
مناف وهي تمرر اصابعها على ويهه: ما تشبع نوم انت ؟
فارس ابتسم وهو مغمض عيونه: لا ..
مناف: بسك نوم يلا قوم ..
فارس مبتسم: ولو ما قمت شو بتسوين ؟
مناف: مب مسويه شي زين ..
قامت من السرير اونها زعلانه .. فارس سحبها وحضنها ..
مناف: مابيك قوم ..
فارس: ماتبين حبيبج ..
مناف بدلع: اول قوم من النوم ..
فارس: والحين انا نايم يعني ..
مناف حطت يدها على حلجها وضحكت: ههههههه ..
فارس باس يدها وحضنها بقوه ..
مناف: يلا حبيبي قوم عاد ..
فارس: الساعه كم يا قلبه ؟
ماف: الساعه 10 حبيبي ..
فارس: زين سوي لي قهوه حبيبتي ..
مناف: من عيوني .. بس انت قوم وصحصح ..
فارس: اصحصح لج يالغلا ..
مناف: شتبي اسوي لك اكل ؟
فارس: لا تسوين اكل .. بنروح نتغدى في بيت يدي ..
مناف: زين حبيبي ..
مناف طلعت من الغرفه صوب المطبخ وسوت القهوه حق فارس .. قعدت فالصاله وحطت الدله والتمر وشغلت التلفزيون .. تمت تقلب القنوات على ما خلص فارس وقعد معاها ..
فارس: زوجتي العزيزه ..
مناف مبتسمه: هلا حبيبي ..
فارس بعبط: يعني ممكن بعد اذنج واذا ما عليج امر ومافيها كلافه وتعب عليج ..
مناف: عااااد ..
فارس حضنها: ههههه .. بس يعني تصبين لي قهوه ..
مناف مبستمه: ان شاءالله حبيبي ..
صبت له القهوه وقدمت له التمر .. تموا ثنينهم مندمجين مع التلفزيون .. مناف تذكرت تلفونها وراحت بتجيبه من الغرفه .. مسكها فارس من يدها وهي قايمه بتروح تجيبه ..
فارس: وين رايحه ؟
مناف: بروح اجيب جوالي ..
فارس: قعدي وتركي الجوال والدنيا كله ..
مناف ابتسمت: ان شاءالله حبيبي ..
قعدت جنبه وتموا يطالعون التلفزيون .. على الساعه 12 ونص قاموا وتجهزوا عشان يروحون بيت الجده .. ام مناف واخوانها كانوا هناك وخوات فارس وبيت عمه حمد .. الشباب والحريم تجمعوا في بيت الجده والفرحه عمت المكان كله .. ام فارس ما حضرت عرس فارس ولا الغدا .. هيا انجبرت انها تشاركهم لان كل المناسبات تستوي في بيتهم .. والجده مهددتها انها لو سوت اي حركه تجرح فيها مناف ولا امها بتخليها تتحسف .. فهيا كانت قاعده معاهم وتجامل .. مرت الايام حلوه لمناف وفارس .. بعد مرور اسبوع على زواجهم .. سافروا شهر العسل .. وفارس قرر انه يقضيه في المكسيك .. ومناف كانت فرحانه بهالخبر .. طبعا فارس مرتب كل شي مع سلمان .. مناف عاشت احلى ايام حياتها مع فارس في المكسيك .. قضوا معظم وقتهم في الشاليه على البحر والمدينه .. مناف كانت وايد فرحانه مع فارس .. اهل فارس كلهم حبوا مناف لطيبتها وعفويتها .. الريم وايمان وفاطمه ومريم .. عبدالعزيز والجسمي بعد حبوا مناف .. في احد المرات خوات واخوان فارس كانوا عنده في البيت .. عبدالعزيز كان دوم يلعوز مناف ..
عبدالعزيز: زين ما شفتي لي مره ؟
مناف مبتسمه: من وين اشوف لك ؟
عبدالعزيز: شدعوه مني مناك ..
مناف: زين ليش تسالني انا ؟ وخواتك ؟

[رامون]

عبدالعزيز: بصراحه ما أثق في ذوقهم ..
فاطمه: صج والله ..
الكل: ههههههه ..
مناف: ماعرف ناس وايد ..
عبدالعزيز: ما منكم فايده انتوا ..
ايمان: ليش ؟
عبدالعزيز: بغينا نعرس ولا شفتوا لنا وحده حلوه ..
مناف: زين ما شاءالله عليك انت ويومحمد مو مقصرين ..
عبدالعزيز غطى ويهه بالمخده: آآآه صادوووووه ..
مريم: لقط ويهك يا بوسعود ..
عبدالعزيز: مب هينه يا مرت فارس ..
دخل فارس ينشف يده بالفوطه: شو فيه فارس ؟ من تكلم عن فارس زين الرجال ..
عبدالعزيز: خف ع الريس يالمغرور ..
فارس قعد جنب مناف: يحق لي اغتر يا مناف ..
مناف: همممممم ..
فارس: يعني اقصد يحق لي اغتر وانتي زوجتي ..
مناف: هممممم ..
فارس: لا ما منها فايده ..
الكل: هههههه ..
فاطمه: تعجبني مرت اخوي .. اعرف لك يا فارس ..
مناف همست لمريم: شفيج منخطف لونج .؟
مريم: مادري شو فيني والله ..
مناف مبتسمه: كشفي ..
مريم ابتسمت: تتوقعين ؟
مناف: ان شاءالله ..
مناف ومريم: ههههههه ..
عبدالعزيز: ضحكونا معاكم ..
مناف: انت خلك مع فارس ..
عبدالعزيز: انا ما راح اعتقج الا اذا شفتي لي مره ..
فارس همس لاخوه: خل امك تشوفك ..
فارس وعبدالعزيز ضحكوا بصوت عالي: ههههههههههه ..
الكل التفت عليهم باستغراب ..
فاطمه: ليش تضحكون ؟
فارس: ولا شي ..
عبدالعزيز ابتسم لاخوه: ولا شي ..
ايمان جمعت البنات وهمست: شو تتوقعون ضحكهم هالكثر ..؟
مريم: عن اللقافه يا اختي العزيزه ..
مناف: تعجبني لقافتج يا اختها العزيزه ..
ايمان: هههههه .. حلوه منج يا اختي العزيزه مريم .. ويا اخت مناف ..
فاطمه: زين نبي ناكل ..
مريم: تفكر في بطنها الاخت ..
فاطمه: اكيد بفكر في بطني .. لازم اغذي اللي في بطني ..
البنات: واااااااااو ..
فاطمه انحرجت وعضت شفتها من الخجل ..
فارس: شو فيكم ؟
مريم: فطوم حامل ..
فارس بطل عيونه وحضنها بقوه: الف مبروك فطووووووومتي .. تستاهلين ..
ايمان: سؤال مهم ..
الكل: قولي يالملقوفه ..
ايمان: ههههههه .. يوسف شيخ الرجال يدري ؟
فاطمه بخجل: هاذي يدري اولكم كلكم ..
مريم: سلامي عليج ..
مناف: تستاهلين يا فطيم ..
فاطمه: الفال لكم يا بنات ..
ايمان: انامالي خص ..
الكل: ههههههه ..
انتشر خبر حمل فاطمه بين الاهل .. وبعدها باسبوع انتشر خبر حمل مريم .. والفرحه عمت الكل .. بوفارس كان طاير من الوناسه على هالخبر الحلو .. خالد قرر انه يساند مريم طول فترة الحمل ويحميها من اي أذى ممكن تتعرض له خلال فترة حملها الاولى .. يوسف كان كل يوم يبوس بطن فاطمه ويكلم الطفل اللي في بطنها ..
يوسف: حبيبي ..
فاطمه: يمكن بنت ..
يوسف: حبيبتي انتي ..

[رامون]

فاطمه: ما تعبت يا يوسف وانت تكلم الطفل كل يوم .؟
يوسف: حياتي والله ماتعب .. فديت امهم والله
فاطمه بدلع: اشوف اهتمامكم اتجه للي في بطني ..
يوسف: عاد انتي ما فهمتي يا حياتي ..
فاطمه عقدت حواجبها: شو افهم ..
يوسف: اوني ابوس اللي في بطنج ..
فاطمه حضنت يوسف وتمت تضحك على كلامه ..
مناف وفارس في بيتهم الصغير عايشين بسعاده ..
فارس: امج شو اخبارها ؟ لها كم يوم ما شفناها ؟
مناف مبتسمه: ادرس اخواني .. مابقى شي على الامتحانات ..
فارس: شو رايج نمر عليهم اليوم ونتعشى عندها ؟
مناف: والله فكره .. انا بطبخ وبناخذ اكلنا معانا ..
فارس حط راسه في حضن مناف: لا اكلج محد ياكله الا انا ..
مناف مبتسمه: عاااااد ..
فارس مسك يدها وباسها: امرج ولا امرالحكومه ..
مناف: ههههههه ..
فارس: زين انا بروح مع ولد عمي مشوار ..
مناف: زين حبيبي ..
طلع فارس من البيت رايح حق محمد ولد عمه .. تلاقوا عند البحر .. محمد كان لابس شورت سباحه وقاعد على السيف .. فارس فصخ ملابسه وراح صوبه ..
فارس: حمود ..
محمد مبتسم: يا قلبي انته ..
فارس: شحالك يا معرسنا ..
فارس: طيب .. اعلومك انت ؟
محمد: شوفة عينك ..
فارس: بيعنا فالسوق ؟
محمد: اشتريك ..
فارس: يا ضايق الصدر ..
محمد مبتسم: لا تحاتيني .. الصدر وسيع وماعلي شر ..
فارس: اتمنى ..
محمد ركض: يلا فروس الموج عالي ..
فارس ركض ورا محمد ودخلوا يسبحون فالبحر والموج كان عالي والهوا قوي .. تموا يسبحون عكس الهوا والموج معاكسهم وعالي وايد ..
فارس: حمود الموج عالي ..
محمد: ابي اغيض هالموج ..
فارس: ارجع حمود عن الينون ..
محمد: لا ..
فارس لحق محمد لانه كان خايف عليه .. تموا يسبحون بعيد عن السيف .. استلقوا على ظهورهم والموج يوديهم يمين وشمال .. فجأه فارس حس بشي يسبح بين ريوله ..
فارس: حمود في شي يسبح بين ريولي ..
محمد: ها ..
فارس: انت ما منك فايده ..
محمد: ههههههه ..
فارس: آآآآآه ..
محمد: شو فيك ؟
فارس: آيه عليك يا حمود .. شوف الدول شكثر .. قوم نروح صوب السيف .. قرصوني
محمد: هههههه .. آآآآح . .انا بعد .. بسرعه يلا نسبح ..
فارس ومحمد: هههههه ..
تموا يسبحون بسرعه مع الموج وبسرعه وصلوا السيف .. تم فارس يرفس محمد ويشوته .. محمد كان ميت من الضحك ويشرد عن فارس ..
فارس: جايبنا في هالجو وقرصنا الدول يا اسود الويه ..
محمد: هههههه .. انت ما شفت شكلك وانت تقولي حمود في شي سيبح بين ريولي .. هههههه .. كان يبيلك تصوير
فارس: اضحك يا حمود .. اوريك ..
محمد: والله انا بعد قرصني الدول ..
فارس: ليته نتفك بس ..
محمد: هههههه .. بس مو اكثر منك انت ..
فارس وقف مكانه ويحك جسمه ويتألم ..
محمد: هههااااااي .. والله انك نكته يا فروس .. شكلك رهيب وانت اتحكك ..
فارس: جب يا حمود ..
محمد تم يضحك على فارس اللي ذبحته قرصات الدول .. راح وعطاه غرشة ماي وصبه على جسمه ..
محمد: يبيلك تاخذ شو بارد عشان تخف حكة الدول ..
فارس: مشكور مابي نصايحك ..
محمد مبتسم: ليش ياخي ؟؟
فارس: خل نصايحك لك ياللي ما تقرصت الا شوي ..
محمد ضحك بصوت عالي: ههههههه .. آيه عليك يا فروس .. والله انك نكته ..
فارس وهو يتحكك: نكته في عينك ..
فارس جسمه صار احمر وتنفخ من التقرص .. ماقدر يستحمل اكثر .. سلم على ولد عمه وركب الرنج الاسود وحرك صوب البيت .. كانت الساعه 5 ونص لما وصل البيت .. مناف استقبلته بالاحضان ولاعت جبدها من ريحته

[رامون]

مناف: من وين جاي ؟؟
فارس: البحر ..
مناف: دش تسبح الله يخليك ..
فارس بألم: مناف ..
مناف بخوف: شفيك حبيبي ؟
فارس فصخ فانيلته و وراها جسمه .. مناف ماتت من الخوف عليه ..
مناف بخوف: من سوا فيك جي ؟
فارس: آآآه والله يعور ..
مناف: من شنو هالتنفخ في جسمك يا فارس ؟
فارس: رحت البحر مع ولد عمي .. وسبحنا بعيد .. وقرصنا الدول .. لعب فيني لعب ..
مناف: ما تشوف شر فديتك ..
فارس يتدلع عليها: لميني فديتج ..
مناف شافته وغمضت عيونها وضحكت عليه: هههههه .. ان شاءالله حبيبي .. تعال المك فديت قلبك ..
فارس: فديت لمتج والله .. الحين خف الالم والله ..
مناف: زين قوم خذ لك شور .. ريحتك قلبت جبدي حبيبي ..
فارس: ها .. عاد خلج لامتني يا قلبه .. اخاف اتألم مره ثانيه ..
مناف: فارس .. وطالعته بنظره ..
فارس ابتسم وقام عنها .. راح خذ له شور .. مناف تمت اطالعه وهي تضحك عليه .. مناف اتصلت لالمها واعتذرت لها ..
ام مناف: ليش يمه ؟
مناف: يمه فارس تعبان شوي ..
ام مناف: عسى ما شر ؟
مناف: راجع من البحر ومتسندر ..
ام مناف: زين بكره انتظرج يمه ..
مناف مبتسمه: ان شاءالله يمه ..
سكرت من امها وراحت جهزت ملابس فارس .. طلع من الحمام وهو يتحكك ويتألم من التقرص ..
فارس: حبيبتي جيبي لي فيكس ..
مناف: ليش حياتي ؟
فارس" حطي على جسمي ..
مناف: ان شاءالله جبيبي ..
مناف خذت الفيكس ودهنت فيه جسم فارس صوب قرصات الدول .. فارس حس بالراحه من بعد الفيكس .. مناف شافت الراحه مبينه على فارس .. غطته بالملحف الصغير اللي على الكرسي وخلته ينام .. راحت الصاله وتمت اطالع التلفزيون وموطيه على الصوت .. الساعه 7 فارس فتح عيونه بتعب .. نادا على مناف .. مناف اول ما سمعت صوته ركضت صوبه ..
ماف: هلا حبيبي ..
فارس بتعب: ابي ماي عطشان ..
مناف: ان شاءالله حبيبي ..
جابت له ماي وسقته .. شرب الماي ورجع نام مره ثانيه من التعب .. مناف تمت تتأمل ملامح فارس وهو نايم .. باسته على جبهته وطلعت من الغرفه .. تمت تفكر في فارس وفي ايام الحب وحياتها معاه الحين .. بعد مرور ساعتين فارس قعد من النوم وتم قاعد على السرير .. نادا على مناف ..
فارس: مناف ..
مناف: نعم حبيبي ..
فارس: تعالي مناف ..
مناف: شفيك حياتي ..
فارس: تعبان يا مناف ..
مناف: انسدح حبيبي ..
فارس: آآآه راسي يعورني ..
مناف بخوف: حبيبي حط راسك في حضني وغمض عيونك ..
فارس: ابي ماي ..
مناف مدت يدها لكوب الماي وسقت فارس .. فارس شرب الماي كله وطلب زياده .. مناف كانت خايفه عليه واحتارت شو تسوي معاه .. جابت جيك معاي وكوب وحطته في الغرفه .. تمت قاعده عند فارس وتواسيه طول الليل ماقدرت تنام فالليل من كثر ما كان فارس يون من الالم والتعب .. لما أذن الفجر فارس صحى من النوم بنفسه شاف مناف حاضنته ونايمه .. فارس عدل نومتها وقام من السرير .. خذ له شور دافي عشان بيروح المسيد .. قرب من مناف وقعدها بهدوء .. مناف فزعت من خوفها عليه ..
مناف بخوف: شفيك حبيبي ؟
فارس مبتسم: مافيني شي حياتي .. انا بروح المسيد .. وبرجع قومي صلي ..
مناف: اشوى الحين حبيبي ؟
فارس: اي الحمدلله احسن شوي ..
مناف: الله يحفظك حبيبي ..
فارس: بعد ما تصلين نامي يا قلبه زين ..
مناف: ان شاءالله ..
طلع فارس رايح المسيد ومناف كانت تحاتيه وخايفه عليه ..قعدت فالصاله تنتظره .. دخل فارس الشقه بكل هدوء .. مناف اول ما سمعت صوت الباب قامت من النوم وراحت صوب فارس ..
فارس مبتسم: ليش ما نمتي يا قلبه ؟
مناف: خايفه عليك ..
فارس: الحيناشوى شوي .. بس الحكه لعوزتني .. وذبحني العطش ..
مناف: تعال ارتاح فديتك .. بجيب لك ماي ..
فارس: ان شاءالله ..
قعد فارس على الكرسي و متكي راسه على ورا ومغمض عيونه .. مناف جابت الماي وقعدت جنبه ..
مناف: احط لك فيكس مره ثانيه ؟
فارس: اي ياليت والله ..
مناف خذت الفيكس ودهنت جسم فارس اللي حس بالراحه وغمض عيونه بارتياح .. حط راسه على الكرسي ونام بهدوء ..
مناف بهمس: فارس قوم نام على السرير ..
فارس مغمض عيونه: لا هني مرتاح ..
مناف: على راحتك حبيبي .. باسته على خده وغطته ..
راحت هي الغرفه و تركت الباب مفتوح .. نامت بهدوء بعد ما تطمنت على زوجها .. قعد فارس من النوم على صوت ماف وانفاسها على ويهه .. فتح عيونه مبتسم ..
مناف مبتسمه: حبيبي ..
فارس: عيونه انتي ..
مناف: بسك نوم ..
فارس حضنها: ليش يا قمر انتي ؟
مناف بدلع: خلااااص عاد ..
فارس: شو اللي خلاص ؟
مناف باحراج: همممم .. خلاص كل شي ..
فارس: هههههه .. شلون بعد خلاص كل شي ..
مناف بدلع: عاااد فارس ..
فارس باسها على جبهتها وحضنها: بعد عمري انتي ..

[رامون]

مناف مبتسمه: يلا قوم حبيبي الريوق جاهز ..
فارس: زين باخذ لي شور اول ..
مناف: وايد تتسبح ؟
فارس: النظافه من الايمان ..
مناف: حلوه منك ..
مناف وفارس: هههههه ..
قام فارس وخذ له شور ومناف رتبت سفرة الريوق وانتظرت فارس .. بعد ماتريق فارس اتصل في محمد ولد عمه ومناف راحت ترتب الغرفه ..
محمد: حيالله المقرص ..
فارس: ههههه .. لو تدري شو صار فيني يا حمود ..
محمد: ههههه .. شو صار لك .؟
فارس: جسمي تنفخ علي .. وذبحني العطش .. وطول اليوم راقد ..
محمد: والله ..
فارس: تلتهت والله .. ولتهت هالفقيره معاي .. ما نامت الليل وهي تحاتيني ..
محمد: اي شعليك .. لازم تحاتيك ..
فارس بصراخ: حموووود ..
محمد: هههههه .. عيونه انت ..
فارس: جب خلني اكمل كلامي ..
محمد: زين زين ..
فارس كمل لمحمد سالفته مع الالم .. ومحمد كان يتشمت ..
فارس: ترا الشماته مب زينه ..
محمد: هههههه ..
فارس: اضحك يا رجل .. بيجي يوم واضحك عليك فيه ..
محمد: معليه تعيش وتاكل غيرها ..
فارس: هههههه .. والله انك مب شي يا حمود ..
محمد: زين اليوم سلمان عازمنا على العشى ..
فارس: خلاص نزل بيته ؟
محمد: اي ..
فارس: يستاهل ..
محمد: زين الساعه 8 بنكون هناك ..
فارس: خلاص بكون هناك على الوقت ..
محمد: اشوفك هناك عيل ..
فارس: بإذن الله ..
محمد: سلام حبيبي ..
فارس: الله وياك ..
سكروا من بعض .. فارس راح يساعد مناف في ترتيب الغرفه .. ومحمد انسدح على السرير وتم يفكر في حياته ..
محمد " الحين انا بروحي بدون زوجه ولا عيال .. ليش يا ساره سويتي فينا جي ؟ ليش هدمتي اللي بينا .. آآآه هانت عليج العشره .. حسبي الله ونعم الوكيل " ..



اليوم الخميس وكل الاهل اجتمعوا بيت الجد .. طبعا ام فارس هاليوم اول يوم لها في بيت الجد من بعد عرس فارس ولاول مره بتلتقي بمناف من بعد اللي صار .. دخل بوفارس وعياله معاه سلموا على العمه والجد والجده .. بعدين دخل دخلوا خالد ومريم .. وبعدين بيت بومحمد .. فارس ومناف دخلوا بعد بيت بومحمد على طول .. مناف اول ما شافت ام فارس حست بالخوف وغرقت عيونها .. ام فارس شافتها بنظره وطلعت من الصاله .. مناف سلمت على اكل وقعدت جنب ايمان بكل هدوء .. ام فارس رجعت الصاله ولا كأن في شي صار .. دخلت فاطمه والكل استقبلها بترحيب .. قعدوا الاهل وخذوا خبار بعض .. فارس والشباب كانوا قاعدين في الصاله الثانيه .. اما الحريم كانوا متجمعين مع بعض بسوالفهم الحلوه وضحكاتهم ..
نفس هالقعده قعدوها الاهل بعد مرور 3 سنين .. بس هالمره مع شوية اضافات عليها .. مريم ربت وجابت ولد وسمته حمد .. فاطمه جابت بنت وسمتها هيفاء .. اما مناف جابت ولد وسمته نايف .. الريم حطت لنفسها هدف وكرست نفسها لتحقيقه .. ايمان مطيوره ولسانها طويل وما زالت ام كشه .. عبدالعزيز خطب وحده من اختيار عمته هيا .. بوفارس فرحان بأحفاده ويموت فيهم .. وخصوصا هيفاء بنت فاطمه .. بومحمد مازال يقنع محمد انه يرد زوجته .. ام محمد وحنانها لعيالها .. علي وتغير شخصيته للاحسن واجتهاده في شغله .. فاضل متغرب ومابقى له شي ويخلص دراسته .. سلطان واحمد والجسمي وشقاوه ما تنتهي .. اسماء وريما وصداقة طفوله كبرت مع الوقت .. فهد وصمته الابدي بس حياته حلوه ومتكيف معاها .. محمد و وحدته اللي كاتمها في قلبه ومحد فاهمه الا فارس .. ومحاولات فارس لحل مشكلته .. فارس وحبه اللي يزيد كل يوم ويكبر لمناف و ولده نايف .. هيا العمه المحبوبه اللي انصدموا من نظرتها لمناف واهلها .. ام فارس وعنادها وتكبرها على فارس و زوجته .. الجده وحبها لاحفادها وعيالهم .. الجد وسوالفه البطاليه مع عبدالعزيز .. ام مناف الانسانه الصابره على حياتها .. عبود البريء بضحكاته وصفاء قلبه .. فيصل الشخصيه اللي كبرته الحياة من تجاربها المره اللي مرت عليه .. سلمان وريما وبيتهم الجديد اللي تكيفوا عليه .. الجوهره الحين عندها ولد سمته خليفه وعمره سنه ولولو بنتها عمرها 3 سنين .. هنادي عندها ولد وسمته خليفه بعد .. نواف عاشق هنادي (صاحب الجريده) .. ابراهيم الزوج الصالح والاب المثالي .. يوسف الحنون العاشق المجنون .. خالد الرومنسي الملاحق من عالم غير مرئي .. فارس بطل الابطال .. خوضه تجربة الحب وغرقه في حب مناف .. مكافحته للزواج من مناف وخسارته لاعز الناس له ..
بزواج فارس ومناف حبيت انهي قصتي المتواضعه .. عشت فيها معاكم ايام حلوه وقضيت اوقات احلى ..
.................
يتبع

[رامون]

تحليل الشخصيات ..
طبعا هالجزء احلى جزء عندي .. لاني بيكون في محادثه بيني وبين كل شخصيه بالقصه .. طبعا راح ابتدي بالشخصيات الثانويه ..
طبعا انا طموح لازم اقول اسم الشهره احم احم..
فهد ..
طموح: هلا فهد شو اخبارك ؟
فهد: الحمدلله ..
طموح: دورك مؤثر فالقصه .. بس ما سلطت عليك الاضواء ..
فهد: اي انا ملاحظ .. بس ليش؟
طموح: ضفت شخصيتك عشان اسوي شوية جو بالقصه ..
فهد مبتسم: يسلمو يا طموح ..
طموح: العفو يا الفهدي حاضرين لك ..
أسماء طيوبه وعلى نياتها .. تكلمت معاها عالماشي ..
طموح: هلا أسامي ..
أسماء بخجل: اهلين طموح ..
طموح: شو رايج بدورج فالقصه ؟
أسماء: دوري ثانوي .. بس حلو ..
طموح مبتسمه: تسلمين لي يا حبوبه ..
أسماء مدت يدها وسلمت على طموح ..
سلطان الشاب الرزين والعبيط في نفس الوقت ..
طموح: الله حيهم ..
سلطان مبتسم: الله يحيج طموح .. شحالج ؟
طموح مبتسمه: طيبه .. اخبارك انت يا سلطان؟
سلطان: عايشين .. مع الربع الجسمي وأحمد ..
طموح: يعطيك العافيه .. بس شو رايك بدورك فالقصه ؟
سلطان: والله حركاتي شي .. والشباب المقاليع كول ..
طموح: انت مثلت شخصية الشاب المراهق اللي يحب انه يثقل جدام الحريم وماخذ راحته مع الشباب ..
سلطان: بس مغامراتي مع ربعي كول والله ..
طموح: اي لازم .. حركاتكم ماره علي من قبل ..
سلطان: يعطيج العافيه يا طموح ..
طموح: شرفتني يا سلطان ..
أحمد صديق سلطان والجسمي .. مادري ليش تخيلته ضعيف وايد ..
طموح: مرحبا أحمد ..
أحمد: هلا وغلا .. عيل انا ضعيف وطويل .. شو شايفتني ..؟
طموح: ما شفتك شي اي رجل ..
أحمد يقاطع طموح: خف ع الريس ..
طموح وأحمد: ههههههه ..
طموح: حليلك والله دمك خفيف ..
أحمد: شكرا شكرا ..
طموح: شو رايك بدوك فالقصه يا أحمد ؟
احمد: والله دوري حلو لاني كنت عبيط جدا جدا ..
طموح مبتسمه: اشكر انضمامك لقصتي المتواضعه يا أحمد ..

أحمد: حاضرين للطيبين ..
فاضل الشاب الشقي .. خفيف الدم والروح ..
طموح: هلا فاضل ..
فاضل: هلا والله ..
طموح: شحالك ؟
فاضل: طيب .. اعلومج انتي ؟
طموح: بتوحشوني كلكم ..
فاضل: خليني اعيش فالمكسيك الله يخليج ..
طموح حطت يدها على حلجها: هههههه .. من يعاف بلاده ؟
فاضل: والله كل شهر بنزل البلاد مره ..
طموح: صج والله .. لا مافي ..
فاضل بترجي: عاااااد ..
طموح: لا لا لا .. زين ممكن اخليك كل شهر تروح المكسيك شو رايك ؟
فاضل مبتسم: والله فكره بعد ..
طموح: حليلك يالفضلي ..
فاضل: لو سمحتي بس مريم بنت عمي تناديني بهالاسم ..
طموح: السموحه منك ..
فاضل: مسموحه الغاليه ..
طموح: زين ما قلت لي شو رايك بدورك ؟
فاضل: والله دوري كان ممتع جدا .. واحب مكان لي كان المكسيك .. والقصـــ
تقاطعه طموح: خير الشيخ .. شو احب مكان لك كان المكسيك .. شدخل المكسيك فالموضوع .. انا اسألك عن دورك يا رجل ..
فاضل: احم .. معليه لازم تراعيني شوي .. ما زالت ذكريات المكسيك تدور مثل الشريط جدام عيوني ..
طموح: خطير يا فضول خطير ..
فاضل: كلج ذوق يا طموح .. المهم دوري كان مناسب اسمي << شدخل .. ما علينا مثلت دور الشاب المقلوع .. الحياة ماخذته وكانت له عدة قرارات واختار الاحسن من بينها .. قراري اني اكمل دراستي برا كان قرار صعب .. بس الاشياء اللي بتترتب عليه في المستقبل بتكون في صالحي ان شاءالله ..
طموح: حلو حلو يالفضلي .. اتمنى لك مستقبل باهر وناجح ..
فاضل: تسلمين لي اخت طموح .. ومشكوره على الدور اللي لعبته في قصتج ..
طموح: العفو يا فاضل ..
علي الشاب اللي تغير وصارت شخصيته محبوبه عند الكل ..
طموح: السلام عليكم ..

[رامون]

علي رفع راسه وسكر الكتاب اللي كان يقراه: وعليكم السلام .. هلا طموح ..
طموح مبتسمه: شلونك يا علي ؟
علي تكتف وابتسم: طيب والحمدلله .. اخبار انتي ؟
طموح: طيبه .. شو تقرى ؟
علي: اقرى كتاب عن التكنولوجيا ..
طموح: حلو حلو .. زين شو رايك بدورك ؟
علي: احم .. والله فالبدايه ما عجبني الدور .. بس كان لازم العبه عشان خاطرج ..
طموح حاطه يدها تحت خدها: زين ..
علي: حبيت الهدوء والغموض اللي بشخصيته .. والتغير اللي صار له عجبني وايد بصراحه .. تغير للاحسن .. مشكوره يا طموح ..
طموح: تسلم لي .. وكان دورك حلو ..
علي: حاضرين لج يالطيبه ..
طموح ابتسمت لعلي ..
الريم .. المراهقه اللي اوهمت نفسها بحب فارس .. وصدمتها بخبر زواجه ومكافحته من اجل مناف ..
طموح: هلا الريم ..
الريم مبتسمه: اهلين طموح ..
طموح: شو اخبارج ؟
الريم: عايشين ..
طموح: ها الريم .. ليكون بعدج تفكرين في فارس ؟
الريم ويها صار احمر: هممممم .. لا خلاص حطيت في بالي هدف معين واسعى له ..
طموح: حلو حلو .. موفقه يا بنت ..
الريم: تسلمين ..
طموح: ابي اعرف رايج بدورج فالقصه ..
الريم: هممممم .. والله الريم شخصيه اندفعت بمشاعرها واوهمت نفسها بالحب .. عاشت قصة حب من طرف واحد من غير ما تدري شو اللي ممكن يترتب على هالوهم .. بس اكتشفت فالاخير انها لازم تنسى فارس اللي مستحيل انه يفكر فيها او يكون لها ..
طموح: عجبني تحليلج لشخصيتج يا الريم ..
الريم: عندي اضافه بعد ..
طموح: تفضلي حبوبه ..
الريم: بس اللي حبيته في شخصية الريم هدوئها فالحب .. بس عيونها فضحتها .. مشكوره طموح على الدور اللي لعبته ..
طموح: العفو يا قلبي ..
خالد .. الوسيم الهادي الرزين الرومنسي اللي كل بنت تتمناه ..
طموح: مرحبا خالد ..
خالد: هلا طموح ..
طموح: صج انك تشبه جدك سلطان ..
خالد مبتسم: لا ومع العلامه اللي في حاجبي صرت نسخه منه ..
طموح: اي والله .. ماشاءالله عليك يا خالد .. زين ابغي رايك يالشيخ ..
خالد: رايي يا طموح .. انج ابدعتي في زرع الخوف بقلوب قرائج .. مع هالجنيه اللي كل يوم والثاني تطلع لي انا وحبيبة قلبي مرايم .. شخصية خالد الشاب الهادي النشيط والمحب شخصه حلوه وايد .. ولعبتها انا بالطريقه اللي انتي تبينها .. هدوء وتمعن وتفكير في كل شي .. واهم شي رومنسيتي فالقصه .. تسلمين طموح على هالطرح ..
طموح: كلك ذوق يا خالد .. والله يبعد الجنيه عنكم ..
خالد: ان شاءالله .. بس شكلنا بنتعايش معها ..
طموح: الله المستعان ..
بومحمد (حمد) .. اقوى شخصيه فالقصه ..
طموح: هلا حمد .. شحالك ؟
بومحمد: هلا طموح .. انا طيب والحمدلله .. شحالج انتي ؟
طموح مبتسمه: تمام .. بغيت رايك في شخصية حمد ..
بومحمد: ما راح ازيد على كلامج يا طموح .. صج ان بومحمد شخصيته من اقوى الشخصيات بالقصه .. يحب عياله ورباهم تربيه صالحه .. فرضه لشخصيته عليهم وحترامهم له كان له دور كبير في تغير مجرى حياة البعض ومنهم علي ولده .. اختلاف الافكار بينه وبين اخوه محمد (بوفارس) خلاه ينتقد طريقة تربية اخوه لعياله .. بس عموما بومحمد شخصيه حلوه ودخولها في الاحداث قوي ..
طموح: تسلم لي على رايك ..
بومحمد: يعطيج العافيه ..
طموح: الله يعافيك ..
ام محمد .. الحنونه
طموح: السلام عليكم ام محمد ..
ام محمد: عليكم السلام هلا يمه ..
طموح: شحالج ؟
ام محمد: الحمدلله طيبه ..
طموح: ممكن تعطيني رايج في دورام محمد فالقصه ؟
ام محمد: ام محمد لعبت دور قصير وثانوي تقريبا .. حنونه وقلبها طيب .. عجبني فيها تواضعها .. و وقوفها مع فارس والجده في عرس فارس وكل ترتيباته ..
طموح: كل الشكر لج ام محمد ..
ساره .. العنيده متقلبة المزاج العصبيه .. فاجأتنا بتغير شخصيتها ..
طموح: هلا ساره ..
ساره: هلا وغلا ..
طموح: ممكن اعرف رايج في ساره زوجة محمد ..
ساره: ممكن اعدل شي طموح ..
طموح مبتسمه: اي تفضلي ..

[رامون]

ساره ابتسمت بحزن: ساره طليقة محمد .. ماعادت زوجته .. تهورها وعنادها حولوا حياتها الى جحيم .. بغبائها خلت محمد يغرم ببنت عمه اللي طول عمره عدها اخت له .. ساره الغبيه شكت في محمد وفتحت عيونه على دنيا ثانيه .. واسلوب المعاير ما عجبني .. واعتقد انها تستاهل اللي جاها من محمد ..
طموح: يعطيج العافيه حبوبه ..
محمد .. الشاب المجروح .. ابو التؤأم نايف وناصر .. طليق ساره .. حياته تحولت الى جحيم من بعد اول مشكله واجهها مع ساره اللي خلته يغرم في بنت عمه فاطمه .. محاولاته في لانجاح زواجه فشلت لان زوجته كل مره تطلع له بسالفه وتحطمه زود ..
طموح: هلا محمد ..
محمد: هلاهلاهلا ..
طموح مبتسمه: شحالك ؟
محمد رفع حاجب: تمام .. اعلومج انتي ؟
طموح: طيبه ..
محمد: طموح .. انتي جسدتي بشخصية محمد .. الرجل المتسامع الحنون .. يصبر ويطول باله على الطرف الثاني وعطنينا مثال عليه زوجته ساره .. عطاها كم فرصه لانها تغير افكارها بس هي اللي جنت على نفسها .. وطبعا مالومه لو حب فاطمه .. لانه زوجته هي السبب .. فتحت عيونه على بنت عمه اللي طول عمره اعتبرها اخت له .. هو ما زال يكن لها بعض مشاعر الحب .. ولكن كلام فارس له وزواج فاطمه منعه من انه يتقرب منها او يعبر عن مشاعره لها .. زواجها من يوسف كان مثل الصدمه بالنسبه له .. على الرغم من ذلك الا انه ما زال يحب يوسف ويعتبره اخ وحبيب .. وساره في نظر محمد ( جنت على نفسها براقش ) مثل ما يقولون .. الفتت انتباهه لبنت عمه وخلت اوهامها تتحق بيد محمد ..
طموح: محمد ليش ما تفكر ترجع ساره ؟
محمد: خلاص يا طموح تعبت معاها .. هي سلطية اللسان في حالات غضبها والريال ما يحب البنت اللي مثلها ..
طموح: زين شو تأثير كلام فارس لك ؟
محمد: حددي اي كلام ؟
طموح: كلامه عن فاطمه اخته بطريق غير مباشر .. وانت تدري ان فارس يدري انك تحب اخته ..
محمد: بجاوب عليج يا طموح ببساطه .. كلام فارس مثل السكاكين بقلبي .. بس ما زعل منه فارس حبيبي .. بس سالفة انه درى عن حبي لها والله اعتقد انه فاهم ان هالشي مو بيدي ..
طموح: زين ليش ما تحاول تخلي فاطمه اخت لك مثل قبل ؟
محمد: رسمتها في بالي الحب الاول والاخير ..
طموح: زين ارسم لها غير هالرسمه ؟
محمد: ماقدر يا طموح ماقدر ..
طموح مبتسمه: مشكور يا محمد لتحليلك للشخصيه ..
محمد: العفو ..
الجسمي .. فديت طوله .. شخصيه الكل حب مواقفها اللي تجسدت في الطفل جاسم ..
طموح: هاي جاسم ..
جاسم: اهلا اهلا ..
طموح: شحالك ؟
جاسم: طيب ..
طموح: تكلمني عن الجسمي لو سمحت ؟
جاسم: الجسمي فديت طوله .. هههههه .. شخصيه حلوه وبريئه .. بس بدى جاسم يتأثر بتفكير ام فارس شوي .. والعتب بعد على بوفارس اللي موفر له كل متطلباته .. بس الجسمي حبوب كشخصيه .. وكيوت كشكل .. يحب ايمان اخته وايد .. ويموت في ابوه ..
طموح: مشكور جاسم حبيبي .. فديت طولك ..
جاسم بخجل: العفو ..
ايمان او ام كشه .. مراهقه متمرده ولسانها طويل .. لها مواقف حلوه ومو حلوه في القصه .. انسانه متناقضه وبسرعه تغير رايها في الناس ..
طموح: ايمان ..
ايمان: اهلين طموح ..
طموح: شلونج مع القصه ؟
ايمان: هذاني ازف وانزف ..
طموح وايمان: ههههههه ..
ايمان: ايمان الفتاة المراهقه العصبيه العنيده .. شخصيتها قويه مثل امها ويا ويل اللي بيدوس لها على طرف .. تحب اهلها بس عنيفه في تعاملها مع الامور .. دمها خفيف وفجأه تسوي حساسه وممكن تصيح ..
طموح: يسلمو يا عنيده ..
ايمان مبتسمه: الذوق انتي يا طموح ..
طموح: تسلمين لي الغلا ..

[رامون]

فاطمه .. بطلتنا النعومه .. متوسطة الجمال بس تنحب من شخصيتها الحيويه .. عاقله وقلبها كبير وبسرعه يحب .. حبت يوسف فارس احلام ولا خطر على بالها .. وصلت مشاعرها ليوسف على ورق بحرف من قلبها .. وصارت ام لبنوته كيوت سمتها هيفاء .. و زوجه لزوج يحبها ومحافظ عليها يوسف ..
طموح: شلونج فطيم ؟
فاطمه مبتسمه: هلا والله .. انا طيبه .. انتي شو اخبارج ؟
طموح: طيبه والحمدلله ..
فاطمه: شخصية فاطمه .. الاموره الطيبه .. متوسطة الجمال الدلوعه .. تحب اهلها وتداري عليهم .. المفضله عند ابوها واخوها .. توأم عبدالعزيز .. شخصيتها حلوه وايد فالقصه ودورها ضبطته .. رقيقه وتحب يوسف وايد .. غارت عليه لما قالوا عنه وسيم .. حبته ومافكرت في حد غيره .. اكتشفت الاهتمام المفاجئ لها من صوب محمد والد عمها .. كانت متفاجئه وايد وبدت تخاف من اهتمامه لها .. تموت في فارس اخوها ودها تسوي كل شي عشانه حبت مناف وصدفه جمعتها بمناف فالجامعه .. لها جمهور طبعا .. محمد وسلمان ويوسف .. بس اللي فاز بقلبها العاشق المجنون يوسف .. اجمالا فاطمه من احلى الشخصيات بالقصه ..
طموح: تسلمين لي على هالتحليل القوي ..
مريم الجميله .. الدلوعه .. حبت ولد عمها و وقفت معاه في حياتهم ..
طموح: حيالله الدلوعه ..
مريم بخجل: الله يحيج .. شحالج طموح ؟
طموح: الحمدلله حبوبه .. ممممم ؟؟ تكلمينا عن مريم شوي ..
مريم مبتسمه: مريم شخصيه متواجده في كل بيت .. جمال ودلع ورقه والكل يتمناها .. حبها خالد الوسيم اللي يزعجه ظهور ما خلف العالم المرئي بصور متعدده .. مريم البنت الصبوره واللي وقفت مع خالد على الحلوه والمره وهي قبل الزواج عرفت بسالفة الجنيه اللي طلعت له وتقبلته و قررت انها تسانده .. مريم مثال للبنت الي اجتمعت فيها اشياء وايد في وقت واحد .. الجمال والدلع والرقه والاسلوب والحظ الحلو اللي جمعها بخالد ولد عمها .. ونقدر نقول عن زواجهم التقليدي ..
طموح: كلج ذوي يا دلع انتي ..
مريم: الذوق انتي يا طموح ..
طموح: ترا استحي ..
مريم وطموح: هههههه ..
عبدالعزيز توأم فاطمه المقلوع .. راعي المقالب مع جده الشيبه الكشخه ..
طموح: هلا عبدالعزيز ..
عبدالعزيز بوناسه: واخيرا نطقت طموح ..
طموح مبتسمه: ههههه .. ما تخلي حركاتك يا بوالزوز ..
عبدالعزيز: هههههه .. حلوه منج بسلا تعيدينها ..
طموح: احم .. خل ندخل فالموضوع احسن ..
عبدالعزيز: وانا بعد اقول جي ..
طموح: زين رايك في بوسعود فالقصه ؟
عبدالعزيز حط ريل على ريل: والله يا طموح الصراحه مثل عبدالعزيز انا ما شفت .. بالنسبه لي احسن شخصيه فالقصه كلها .. كان المفروض ان كل اضوائج تتسلط عليه ..
طموح: بن عمي .. بلاش غرور وثقه عميه بالنفس ..
عبدالعزيز اعتدل في قعدته: احم احم .. ما علينا .. توأم فاطمه كشخصيه ما عليها كلام .. حبوب ودمه خفيف .. حركاته مع الكشخه جده روعه وتضحكني وايد .. بخصوص انه انرد لما تقدم لصديقة اخته .. هممممم .. انا اشوف انه زعل ومالومه .. لان بعد البنات لما يردها اليال بتزعل .. فهو شعور ما يقتصر على بنات او شباب .. سوالف بوسعود مع فاضل ويوسف وعلي بصراحه ما عليها كلام .. واللي حبيته في شخصية عبدالعزيز وفاطمه لما يحسون ببعض وقت الزعل والضيق .. ما قصرتي يا طموح على هالشخصيه اللي اضفت للقصه طابع فكاهي حلو ..
طموح: يعجبني الرد يا بوسعود ..
عبدالعزيز: تحت امرج احنا ..
طموح: تسلم الغالي ..
ام فارس .. متعاليه ومتسلطه ولسانها طويل ..
طموح: مرحبا ام فارس ..
ام فارس: هلا طموح ..
طموح: ممكن اعرف رايج بشخصية ام فارس (مزنه) ..
ام فارس: مزنه لعبت دور حلو وايد .. يعني فالبدايه طلعت ام فارس بصورة الام الحنونه الطيبه وهي فعلا كذلك .. بس اظهرتي ويها الثاني لما انحطت بموقف زواج فارس من مناف .. على الرغم من ان شخصيتها قويه .. بس ماقدرت تأثر على بوفارس .. وكلمته هي اللي تمشي على الكل ..
طموح: بس ما تحسين انها وايد شريره بالحركه اللي سوت مع مناف وامها ؟
ام فارس: اكيد .. حركتها مو حلوه ودليل على انها حاقده عليهم .. بس لي متى بتتم مقاطعه فارس؟؟
طموح: هممممم .. مادري هي قلبها اسود .. ما حنت على ولدها ولا فرحت له .. عالعموم مشكوره يا ام فارس ..
بوفارس .. الاب الحنون الصديق المتعاطف ..
طموح: السلام عليكم ..
بوفارس: عليكم السلام .. هلا طموح ..
طموح: طبعا انت مثال للاب المتفتح .. الصديق .. الحنون .. المحب ..
بوفارس: والله شخصية بوفارس نادر ما نلقاها هالايام .. يعني لما عرفت بقصة رسايل فاطمه ويوسف عالج المشكله بنفس الاداة .. و وقف مع ولده لين وصله لأخر المشوار .. ومفاجأه كبيره انه كان مالج على ام مناف .. يفكر بعقلانيه و متفتح لابعد الحدود .. حنون وايد ويظهر مشاعره لعياله .. يموت في فاطمه وايد وهي المفضله بالنسبه له .. وايد مرن مع عياله و لا حاط حواجز بينه وبينهم .. شخصية بوفارس من الشخصيات الجريئه فالقصه
طموح: كلك ذوق يا بوفارس .. وبالفعل شخصية بوفارس من كثر الشخصيات جرأة فالقصه ..
فارس .. شخصة الهمت الكل .. فالقصه الريم اوهمت نفسها بحبه .. ومناف اللي بس خذت قلبه .. محمد ولد عمه رفيق دربه .. امه ع***ه .. ابوه صديقه .. جدته وقفت معاه وساندته .. فاطمه اخته دلوعته ..
طموح: هلا فارس ..
فارس مبتسم: هلا طموح ..
طموح: شحالك ؟
فارس: مرتاح والحمدلله .. طبعا تبين تعرفين رايي في فروس ..
طموح مبتسمه: اكيد ..

[رامون]

فارس: شخصية فارس طبعا شخصية الرجل الي كل بنت تحلم فيه .. من ناحية الشكل والشخصيه .. فارس انسان مرح ويحب الضحك والسوالف والحياة .. لما يحزن يغالط مشاعر الحزن بالضحك والوناسه .. حب مناف الفقيره اللي فالبدايه اشفق عليها عشان حالتهم .. بس بعدين ماقدر انه ينكر حبه لها .. حب فيها شموخها اخلاقها تواضعها .. واللي ذبحه زود جمالها .. صج فارس تعدى الخطوط الحمرا مع مناف .. بس صحح غلطته بالزواج اللي كان مخطط له من البدايه .. حبه لمناف طغى على كل مشاعره .. حب مناف استوعب قلب فارس بالكامل .. مشاعره اتجهت لمناف وبس .. قلبه يخفق لها هي .. عيونه ماتشوف الا هي .. انفاسه لها .. ضحكاته لها .. كلامه لها .. فارس بكل ما فيه لمناف .. فارس لو خسر العالم كله عشان مناف ما بيهتم .. لان مناف كل عالمه ودنيته وحياته ..
طموح: روعه كلامك .. كمل ..
فارس مبتسم: فارس فالقصه يحب خواته ويفضل فاطمه عليهم .. ايمان تغار بس يحب خفة دمعها ولسانها الطويل يحب مريم الرقيقه ودلعها .. يوجه عبدالعزيز وجاسم على طول .. علاقته القويه بمحمد ولد عمه عطت شخصيته طابع الصداقه .. فارس الشخصيه اللي لاقت جمهور من القراء .. وسيارته الرنج الاسود سوت خوش شغل ..
طموح: اما ان الرنج الاسود سوا شغل .. بصراحه سوا شغل عدل .. مشكور يا فارس على كلامك يا ذوق ..
فارس: حاضرين لج يا طموح ..
طموح: تسلم لي يا راعي الرنج الاسود ..
الجوهره وابراهيم وعلاقة حب استمرت 8 سنين ..
طموح: السلام عليكم يا جماعه ..
الجوهره وابراهيم: وعليكم السلام يا طموح ..
طموح: شحالكم يا جماعه ؟
الجوهره: الحمدلله ..
ابراهيم: تمام ..
طموح: طبعا ابي اعرف رايكم في الجوهره وابراهيم ..
ابراهيم: الجوهره كانت الام الحنونه ليوسف وهنادي .. ضحت بمستقبلها عشان اخوانها .. قتلت طموحها عشان تشوف الفرحع فعيونهم والبسمه على شفاهم ..
الجوهره مبتسمه: وابراهيم مثال للرجل الطيب الصبور .. صبر عليها 8 سنين .. وبعدها الله رزقم بحياة حلوه بسيطه ومتواضعه .. بذرتها حبهم وثمارها لولو وخليفه ..
طموح: ابراهيم والجوهره سلطت عليهم الاضواء فالبدايه وانهيت قصة حبهم نهايه حلوه ..
ابراهيم والجوهره: مشكوره يا طموح .. تشرفنا بالمشاركه في قصتج ..
طموح: الشرف لي حبايبي ..


هنادي ونواف .. هنادي الفتاة الشقيه المرحه .. ابراهيم (صاحب الجريده) الرجل التقليدي ..
طموح: مرحبا ..
هنادي ونواف: هلا طموح ..
طموح: ابغي اعرف رايكم بادواركم ؟
نواف: هنادي الشخصيه المرحه اللي حبت خالها بسرعه .. دمها خفيف ودايما تجيب الكلام لنفسها ..
هنادي: هههههه .. نواف (صاحب الجريده) حبته هنادي بعيونها قبل قلبها .. نواف الرجل الشرقي .. شاف هنادي وقرر انه يتزوجها .. وحركة انه تعرف على خالها حلوه وايد وعجبتني ..
نواف: كلي ذوق ادري ..
هنادي: تبي تاكل الجو عني ..
طموح: هههههه .. حليلكم يا عصافير .. مشكورين وماقصرتوا ..
ريما الرقيقه بنت سلمان .. اجتماعيه وبسرعه اخلطت بالكل .. حبت يوسف ودوم تسوي له افلام ..
طموح: هلا ريما ..
ريما مبتسمه: هلا طموح ..
طموح: ريما كلميني عن شخصيتج شوي ؟
ريما: هممممم .. ريما بنت سلمان المسكين .. اللي يون طول الليل .. ريما حنونه ودلوعه شوي .. تحب ابوها لانه عوضها عن حنان كل السنين اللي ضاعت من عمرها .. وتحب جوجو وتقولها كل شي .. طيبه واموره ودمها خفيف ..
طموح: صج انج حبوبه يا حبوبه .. يسلمو ريما ..
يوسف العاشق المجنون .. الوسيم الجذاب .. الزمن جمعه صدفه بفاطمه ..
طموح: حيالله المزيون ..
يوسف منحرج: كلج ذوق يا طموح .. الله يحيج ..
طموح: تكلمنا عن العاشق المجنون لو سمحت ..
يوسف: العاشق المجنون حب فاطمه والصدف جمعته معاها اكثر من مره وخلته يتعلق فيها .. واحلى صدفه اللي جمعته مع اهلها .. حب فاطمه بكل ما فيه .. و فاطمه كانت سبب في انه يخلص الجامعه ويكون نفسه .. وايد كان معجب بحركة بوفارس لما كتب له رساله .. حس انه عرف من يناسب .. شخصية يوسف كل بنت تتمناها .. من ناحية الشكل والاخلاق والشخصيه ..
طموح: سلامي عليك يا يوسف ..
يوسف: كلج ذوق يا طموح ..
طموح: يعطيك العافيه ..
ام مناف .. طليقة بوفارس .. دارت دنياها و بنتها تزوجت ولد طليقها ..
طموح: مرحبا فاطمه ..
ام مناف: هلا وغلا ..
طموح: تكلمينا شوي عن ام مناف ..
ام مناف: فاطمه في يوم من الايام كانت متزوجه محمد .. بس ما صار نصيب والكل راح في حاله .. اكيد الكل يسأل عن سبب انفصالهم .. بصراحه طموح فكرت في سبب .. بس مالقت فقررت انها تخلي السبب اونه سر .. خخخخخ طبعا فاطمه شخصيتها طيبه وايد وتحب عيالها .. و موت نايف أثر فيها وايد .. وصدمتها ببنتها لما عرفت انها تكلم فارس قبل الزواج .. بس تدخل فارس فالموضوع غير من رايها فيه ..
طموح: عجبتني ان طموح ما لقت سبب فخلته سر اونه .. ههههههه ..
ام مناف: كلج نظر يا طموح ..
طموح: عاد وين اطلع سبب الحين .. خلاص القصه انتهت ..
ام مناف وطموح: ههههههه ..
طموح: تسلمين يا ام مناف ..
عبدالله الطفل البريء .. اضاف جو حلو بالقصه بشخصيته البريئه وضحكاته الحلوه اللي ملت صفحات القصه ..
طموح: عبود ..
عبدالله: ههاااااااي .. هلا ..
طموح مبتسمه: شحالك حبيبي ؟
عبدالله: الحمدلله ..
طموح: كلمني عن عبود ..
عبدالله: عبود طيب ويحب نايف اخوه .. و وايد تأثر بموته .. بس دخول فارس في حياتهم غير اشياء وايد .. وايد يحب يقلد فيصل .. برأة الاطفال تلقينها في عبدالله ..
طموح: فعلا ان عبدالله بريء .. مشكور يا عبود ..

[رامون]

مناف بطلة القصه .. الرقيقه الطيبه الخلوقه .. اللي خذت قلب فارس غصبن عنه وعنها ..
طموح: هلا مناف ..
مناف: اهلين طموح ..
طموح: باختصار تتكلمين لنا عن مناف ..
مناف: طبعا مناف الفقيره اللي استرخصتها ام فارس شخصية بنت مكسوره مالها سند في الدنيا من بعد موت ابوها لقت في فارس كل الحنان والحب اللي كانت تبحث عنهم من بعد وفاة ابوها .. طبعا معروف ان اهل مناف من صوب امها مو معترف فيهم .. مناف كانت شايله هم اخوانها وخايفه عليهم .. بس دخول فارس في حياتهم غير اشياء وايد .. مناف حبت فارس بكل ما فيها والدليل رفضها للدكتور حامد .. تمسكت بفارس حتى من بعد اللي سوته فيهم ام فارس الشرسه .. الصدفه الحلوه اللي جمعتها بفاطمه و مريم كانت مثل الحلم بالنسبه لها .. وصدمتها باغراب صدفه في حياتها .. هو ان بوفارس كان مالج على امها من قبل .. مناف الحبوبه الحين عايشه مع فارس و ولدهم نايف الصغير ..
طموح: يسلمو يا قلبه ..
مناف: هههههه .. فارس يقولها احلى ..
طموح: تسلمين يا عسل ..
فصيل الطفل الرجل .. الحياة القاسيه اللي مر فيها علمته اشياء وايد ..
طموح: مرحبا فيصل ..
فيصل: هلا طموح ..
طموح: يا فيصل .. عطنا نبذه عنك ..
فيصل: شخصية فيصل الطفل الرجل على قولتج .. ظروف فيصل اللي مر فيها حتمت عليه انه ينسى امر طفولته يفكر في حياته جدام .. فيصل مر بتجارب وايد علمته شلون يستوي ريال .. وغير تعلقه بفارس واختلاطه فيه طول الوقت خلاه يفكر بنفس المنطق والطريقه .. شخصيته غامضه ومحيره .. ماتعرف متى ممكن فيصل يضحك ولا يبكي ولا متى بيعصب ..
طموح: تسلم على هالتحليل يا رجل ..
فيصل مبتسم: العفو وحاضرين لج ..
طموح: كل الشكر لك يا فيصل ..
الجد .. الشيبه الكشخه .. راعي المواعد والسوالف البطاليه مع عبدالعزيز ..
طموح: هلا يبه ..
الجد: اهلين ..
طموح: بكم كلمه اوصف لي الجد ..
الجد: الشباب يقتهرون من جمالي .. والبنات ذايبين فيني ..
طموح: ههههه .. يسلم راسك ..
الجده .. الحنونه اللي وقفت مع فارس لين آخر المشوار .. و وصته على مناف ..
طموح: السلام عليكم ..
الجده: هلا وعليكم السلام ..
طموح: بعد ابي منج كلميتين توصفين فيها الجده ..
الجده: احب عيالي عيالي كلهم .. بس فروس اكثرهم .. دوم يلعوزني .. صدمتني هيا بطريقة تفكيرها هي و مزنه مرت ولدي محمد ..
طموح: يعطيج العافيه ..
الجده: الله يعافيج ..
طموح: تسلمين على هالسطر الغاليه ..
هيا .. العمه الحنونه .. والصدمه الكبيره في طريقة تفكيرها ..
طموح: هلا هيا ..
هيا: اهلين ..
طموح: كلمينا عنج ..
هيا: طبعا هيا انسانه قررت انها تززوج الوحده من بعد عبدالرحمن اللي توفى .. بس الكل انصدم بطريقة تفكيرها
طموح: تسلمين يا هيا ..

.......................
ودمتم بالف خير
انشاء الله تكون عجبتكم القصة

ودمتم في الف خير

الرامون