هل عندك الجراه للجواب علي هذا السوال ..........؟؟تحدي

[ريماس]

هل تجرأ على قول ماهو اسوء طبع فيك











من باب الصراحة بيننا ، ومن باب أنه لا يوجد انسان كامل على وجه






هذه الأرض وأن الكمال لله وحده ، وأن البشر مهما علوا لا بد وأن





يتواجد فيهم طبع سيء ..









أتوجه إليكم بسؤال جريء وصريح ..








ما هو أسوء طبع فيك/ي ..؟


انتظر الردود

وسأقوم انا ببدء نفسي


اكثر شئ اكره في شخصي انى سريعة الغضب اغضب بسرعه من اى شئ

وسرعة عفوي عن الاخريين بسامح حاولت اغير وللاسف ما قدرت

ملاحظة
إن مرت الايام ولم تروني فهذه مشاركاتي فـتذكروني
وان غبت ولم تجدوني أكون وقتها بحاجة للدعاء فادعولي

[SH.A.M.Y]

والله إختي رورو طباعي المو ظريفة كتيرة:
صريح جداً ما بعرف جنس المجاملة,
عصبي لدرجة إني بضرب يللي إدامي أوبكسّر أي شي بتوصل إلو إيدي,
بصلتي محروأة,
نظامي لآخر حد,
موسوس,
ناشف فوء التصور!
والمصيبة إنو خطيبتي طباعها مشابهة تمام ما عدا النشافة, يعني هيي مبلولة شوي!
ومالي عرفان شلون رح تكون حياتنا!
بعتئد لازم واحد منا يتخلى عن طباعو, وهادا صعب كتير.

[sad4sad]

على ما اعتقد انو عصبي اكثر من الازم

[عاشق الوطنية]

التبذير أصرف ما في الجيب يأتيك ما في الغيب
بحكني جسمي اذا كان معي مصاري ونمت
شو ساوي
حاولت كون بخيل
بس فناعتي اني رح عيش مرة
وحدة ما قدرت غيرها
فاعم عيش حياتي
وما عم احرم حالي من شي
وما بعرف شو بدي ساوي لسير بخيل؟؟؟؟؟؟؟؟؟؟؟؟؟؟؟؟
عندك حل رورو

[دمعة فرح]

العصبية وعدم القدرة على التصرف في بعض الاحيان
عاشت ايدك رورو على الموضوع الحلو،،
كُنت هنا وتركت لكِ وردة
http://hamasatelayl.jeeran.com/ff.jpg

[عادل حسين علي]

قلبي طيب كتير لدرجة انو الناس بيقولو لي واحد على نياتو بصراحة عندك حل لمشكلتي رورو ارجو ان لا تحرمينا من حلولك اذا موجودة

[الصقرالحنون]

نظرت على عيبوبكم فوجتها بعالي الجبال

فنظرت على عيوبي وجدتها تعانق السماء

بصراحة انا كلي عيوب

شكرا رورو على موضوعك الهادف

[SH.A.M.Y]

التبذير أصرف ما في الجيب يأتيك ما في الغيب

بحكني جسمي اذا كان معي مصاري ونمت
شو ساوي
حاولت كون بخيل
بس فناعتي اني رح عيش مرة
وحدة ما قدرت غيرها
فاعم عيش حياتي
وما عم احرم حالي من شي
وما بعرف شو بدي ساوي لسير بخيل؟؟؟؟؟؟؟؟؟؟؟؟؟؟؟؟
عندك حل رورو





أخي عاشق ما في حالة وسط؟ يا مبذر يا بخيل؟!
إزا ضليت هيك ما رح تصمِّد شي, والمتل بيؤول: خبي إرشك الأبيض ليومك الأسود!
وإن شا الله ما بتشوف أيام سودا, بس ما بيعرف الإنسان شو يمكن يحصللو!
إزا عندك هواية الشراء فإشتري كل راتب شوية دهب,
أو إفتاح حساب توفير مو مسموح تسحب منو شي لمدة كذا,
وحط فيه كل فترة مبلغ.

[SH.A.M.Y]

إزا عندك هواية الشراء فإشتري كل راتب شوية دهب,




أصدي إشتري من كل راتب..


والله شغلة إلغاء خاصية التعديل بشعة كتير!

[ريماس]

اهلين اخي شامي نورت يسلموووو كتير عالمشاركة

بس طباعك صعبة كتير :z026:
الله يوفئك انت وخطبيتك وكل شي بتتيسر رح تتعود على بعض ورح يصير في كتير تنازلات

[ريماس]

نورت اخي سعد يسلمو كتير بعدين حلاوة الشخص بعصبيتو

شكرا على مرورك

[ريماس]

اهلين عاشق الوطنية

تبذيرك مبين عنا بالمنتدى ظاهر بتنزيلك للمواضيع عرفتك انك مسرف كتير :z027:

بعدين انا مع الاخ شامي حللو مزبوط اشتري شوية دهب لك خبي مصري مشان نزوجك فيها :z027:
شكلك رح تعنس من ورى هالتبذير :z027:

[En.Khaled Alfaiomi]

للأسف أغضب أحيانا بسرعة ..

[ريماس]

الله ينور عليكي اختي دمعة فرح شكرا عالمشاركة :z023:

[ريماس]

أعلم اخي عادل حسين علي بما انك صاحب قلب طيب وابيض لايحتويها السواد مهما طالت ليالي الظلام
فلابد من شكر الخالق مقلب القلوب على ذلك بالرغم من مايواجهه أصحاب القلوب الطيبة من مقالب ومتاعب على يد الثعالب والعقارب
فلنفخر بطيبتنا عمر الطيب مايكون عيب

[ريماس]

اهلين حسين شكرا على مرورك

وانت مافيك عيوب تحياتي

[ريماس]

اهلين خالد شكرا على مرورك

حلاوة الرجل بعصبيتو

[SH.A.M.Y]

إي والله إختي رورو طباعي غليظة, ولهالسبب ما إلي إلا كم صديق متحملين هالغلاظة!
ولما رح إتجوز هون بالغربة بعد كم يوم ناوي إحجز سريرين بطواريء شي مستشفى على طول!

[mok]

سريع الكراهية (وان كرهت لا يمكن احب من كرهته ابدا) اكتر شي بكرهه فيني
سرعة الغضب
وكتيبببببببببببببببببر اشياء
ابسط يا عم

[bashar218]

اعتقد انه اللئم

[محمد ن]

أحسن شىء الله يحسن اخلاقنا ويجمله بلعفو وسماحة والكرم

:z025:

[Don.Ayman]

عدم المغفرة لمن اخطأ في حقي


بتاخد وقت طويل لحتى انسى


الاسى ما بينتسى

[حسان البيبي]

أكثر ما أكره في طباع شخصيتي أنني مسالم أكثر من اللازم وهادئ في أغلب الأحيان وأحب النوم كثيرا فهو ملاذي للهروب من الواقع

[السكون]

ولو ليش هيك


شو هاد


انا بعتقد انو عيبي


بصراحة


دمي بارد


والي دمو بارد كل العيوب بتكون فيه



هههههههه


شو اعمل يعني الطبع غلب التطبع


شكرا ولك رورو

[ريماس]

اهلين شامي شكرا على مرورك

غلاظة ولييييييي بس طالما داخل عليها روح حلوة ودم خفيف اكيد بتكون مجبوب :z027:

اهم شي ماتكون غلازة لحالها لانو مصيبة :z027:

[ريماس]

اهلين اخي مووك

شكرا على مرورك الله يبعد عنك صفة الكره

ولكن حابة ان اقول لك حكمة اطبقها بحياتي وانا مرتاحة

وهي ( لاتكره احدا قط فكل من ءذاك قد اعطاك درسا على طبق من ذهب وهو لايعلم )

شكرا على مرورك وبتمنى انك تطل علينا ولاتحرمنا من مشاركاتك ابداعتك

تحياتي لك

[ريماس]

اهلين اخي بشير شكرا على مرورك

والله يبعد عنك صفة لئم

تحياتي لك

[ريماس]

اهلين اخي محمد ن

اللهم امين وشكرا على مرورك وعلى كلامك من ذهب

تحياتي لك ولاتحرمنا من وجودك ومشاركاتك كون بالقرب

[ريماس]

الله يعطيك العافية اخي ايمن وشكرا على مرورك

وعلى ردك اهم شي انك بالاخر تسامح وفعلا الاسى مابيتنسى

بس بالنهاية رح تنتسى

تحياتي لك

[ريماس]

اخي حسان البيبي

صفة انك مسالم وهادئ صفة حلوة بس صفة نوم انك تنام مشان تهرب من الواقع مابئيدك فيها

لازم تكون اقوى من هيك وتواجه الواقع والحياة حلوة ونحنا رح نعيش الحياة بحلوها ومرها

الله يقويك اخي حسان وشكرا على مرورك

بتمنى ارى مشاركاتك وابداعتك كون بالقرب

تحياتي لك

[ريماس]

اهلين انس شكرا على مرورك

بس والله صعبة دم البارد :z027:

يسلموووو تحياتي ئلك

[الصقرالحنون]

ميمي شكرا رفعتي من معنوياتي

بس عندي عيب حبيت اخبركم في

هههههههههههههههههه

قلبي كبير يتسع لاكثر من مراءه

[علي سليمان]

قلبي طيب وكريم لدرجة اذا طلب حدا عزيز عليّ مصاري

وما معي بديّن من العالم لحتى أعطيه ..

ما بعرف اذا طبع حسن ولا لأ..

والف شكر عالموضوع عزيزتي.

[mlam7 jr7]

أنا متسرع بالحكم عالآخرين ....
ومتسرع بكلشي حتى بالحل بالفحص ومشان هيك بضيع كتير علامات
والله يهديني وإتمهل شوي

[متيمة سوريه]

:ndm:أنا مابعرف حالي منيح
لأني (مزاجيه) وعم حااول اتغير..
شكرا كتير رورو عالموضوع كتير حلو.. يعطيكي العافيه

[عابر البحار]

من أكتر الشغلات اللي بكرها بحالي اني ما بحب الصبر وملول
وشكرا عالموضوع

[ريماس]

اهلين حسين ممكن تقدر تاخود اربعة بس مستحيل تحب اربعة الحب واحد بس يمتلكه قلب

ال قلبو يسع اربعة ال مابيسع الا وحدة

[ريماس]

اهلين فيك اخي علي سليمان

صفتك حلوة يلي تمتلكها ولكن اخي الديين كتير صعب ممكن صعب توفيه

ممكن ساعدت شخص تاني ولكن بتصير خلاف مع الشخص يلي دينت منو

وانا بقلك طبعك حلو وهاد رئي شخصي

[ريماس]

اهلين فيك اخي ملامح جرح اللهم امين ويهديك ويهدينا جميعا نورت اخي والله

شكرا على مرورك تحياتي لك لاتحرمنا من وجودك ومشاركاتك

[ريماس]

اهلين متيمة سورية شكرا على مرورك وعلى ردك

تحياتي لك بكل الحب وود

[ريماس]

اهلين فيك عابر البحار الصبر حاول انك تتعلم وتتعود

لانو حياتنا اغلبها مرتبطة بالصبر والحياة رح تجبرك

شكرا على مرورك وعلى ردك ولاتحرمنا من وجودك ومن مشاركتك

كون بالقرب تحياتي لك