هل تقبل أن تكون زوجتك أعلى منك بالمستو ى العلمي

[ريماس]

بسم الله الرحمن الرحيم
ارجوا من الجنسين المشاركه في هذا الموضوع؟

هل تقبل يا عزيزي أن تكون زوجتك أفضل منك تعليميا مع الأخذ بالفرض أنها إنسانه مبدعة في رعاية بيتها وتربيه أطفالها..

وهل تقبلين سيدتي ان يكون الرجل أدنى منك تعليما ..

قد يقول البعض منكم أن الثقافة والذكاء قد لا تحددها شهادة جامعية ، ولكن يبقى للمجتمع نظرته للمستوى التعليمي ..

اتمنى ان ارى ارائكم وتجاوبكم في الموضوع ..

ملاحظة
إن مرت الايام ولم تروني فهذه مشاركاتي فـتذكروني
وان غبت ولم تجدوني أكون وقتها بحاجة للدعاء فادعولي

[SH.A.M.Y]

أنا إختي رورو أعلى من خطيبتي بالمستوى العلمي,
بس ما بيهمني لو كانت هيي أعلى.

[سارة]

شوفي رورو بشكل عام المراة مو بالنسبة الي انا شخصيا

بس بنظرة عامة للمجتمع المراة بتاخد ادنى منها وذلك تبعا لافكار المجتمع المتعفنة البضل للاحقة المراة والرجل شو ما كان بضل احسن منها وما بعرف شو بقوم المسكينة بتصدق وبتاخد اقل منها

اما بالنسبة الي بحب يكون اعلى مني واقوى مني واحسن مني قلبا وقالبا وهو الي يوسعلي افقي وادراكي

وياخد بايدي

اما من جهة الرجل انو يرضى بوحدة اعلى منو ما ظن انو بحب هيك وخصوصا اذاكانو ا بنفس الوظيفة او ميدان العمل
او الشهادة
لانو طبعهم اناني

بس اذا كانت المراة واعية رح يتجاوزوا هالشي وهي ما تحسسوا بانو هي اعلى منو وعلى الطاعة والنازلة تبلش فيه
وتممنو

يعني القصة عزيزتي بدها وعي من الطرفين

[sad4sad]

والله بالنسبة الي انه لمن دواعي سروري ان تكون زوجتي متعلمة
وطبعا لو كانت اعلى مني بالمستوى العلمي فلا اتوقع انو يكون مشكلة بيوم من الايام

[En.Khaled Alfaiomi]

الصراحة يجب أن يكون الزوج والزوجة على نفس المستوى لكي لا تحدث مشاكل في المستقبل !!

وطبعا لاتخلوا الدنيا من التفاهم

ولكن من الممكن أن يأتي يوم الزوج يجد زوجته لاتفقه شيء في عمله مثلا فيشعر بالاسف على ذلك !

لأنه لاتنسى أن الزوجة يجب عليك مشاركتها في كل شي وحتى في أعمالك أو أفكارك لأنها سرك الحقيقي


مشكورة أختي رورو

[Sanaa]

هلأ أنه يكون الشاب مستواه العلمي أعلى من البنت عادي بالنسبة للمجتمع طبعا


أما أنه يكون البنت مستواها أعلى ... شي مرفوض من المجتمع بشكل عام


بس أكيد الموضوع متوقف على التفاهم و القناعة الكاااااملة بين الطرفين ...


بالشكل يلي بيكون فيه الطرفين قادرين يتعاملوا مع الموضوع بطريقة صح و بدون أي حساسية و بدون أي تأثر بنظرة المجتمع


لأنه نظرة المجتمع و تعليقات الناس أحيانا بتكون هي سبب المشاكل



شكراااا رورو ع الموضوع

[SH.A.M.Y]

هلأ أنه يكون الشاب مستواه العلمي أعلى من البنت عادي بالنسبة للمجتمع طبعا


أما أنه يكون البنت مستواها أعلى ... شي مرفوض من المجتمع بشكل عام







أعتقد أن هذه النظرة المتخلفة قديمة,
ولم يعد لها وجود في المجتمع إلا عند بعض الرجال الذين ما زالوا يعيشون بالعقلية الجاهلية!

[Sanaa]

لا صدقني موجودة ... و موجودة كتيييير .. خاصة إذا كان المستوى العلمي للبنت مرتفع فعلا


أنا معك هي نظرة متخلفة ... بس هي مو أول و لا آخر نظرة متخلفة ما زالت موجودة بمجتمعاتنا العربية للأسف


و هي النظرة مو مقتصرة ع الشاب .. لاء الشب ممكن يقبل ...

بس القصة الها علاقة بالناس و الوسط المحيط بالطرفين

[الصقرالحنون]

والله انا شايف انو هل موضوع صار قديم

يعني عادي هو اعلى هي اعلى

لك الله بيدبر

اهم شي التفاهم

شكرا ميمي

[SH.A.M.Y]

الصراحة يجب أن يكون الزوج والزوجة على نفس المستوى لكي لا تحدث مشاكل في المستقبل !!






أخي خالد معليش تكون المرأة أجمل من جوزها! معليش تكون أرشق منو! معليش تكون ألطف منو!
طيب شو المانع كمان يكون مستواها العلمي أعلى من مستواه؟!
مع العلم بإنو كتير من الشباب صايرين بيركدوا ورا الجواز من المتعلمات العاملات,
ويمكن الواحد منهم ما معو إلا بكالوريا, منشان يستعين براتبها يللي أكبر من راتبو!
المفروض المرأة ترفض الجواز من يللي تحصيلو العلمي أقل من تحصيلها!

[Don.Ayman]

:z025:


أنا شخصيا بجب مرأة الجاج

كتير طيبة

:z033:

اما بالنسبة للمرأة المتعلمة

الحب أولا

بعدين كل شي بالتفاهم

و لا تنسو انو في شي اسمو قسمة و نصيب

كل واحد أو وحدة مكتوب نصيبون على بعض ما في شي بغيرو

:z06:

[ريماس]

يسلمووو ايمن على مشاركتك

اكيد كل شي قسمة ونصيب

بس رغبتك شو بتفضل