أقتصاد

[الدمشقي]

السلام عليكم

أعزائي وأخوتي أتكلم اليوم عن قانون الطلب في علم الأقتصاد .
هل صحيح أن الطلب على أي سلعه مرتبط بقيمتها(سعرها) وأن زيادة السعر يؤدي الى قلة الطلب.
أرى أن هذا القانون أصبحله استثناءات كثيرة.عند ارتفاع الأسعار أرى أن الطلب
يزيد على السلعه خشية المستهلك منأرتفاع آخر في الأسعار وهكذا دواليك خاصة أمام الأزمه الماليه العالميه وما يتبعها.
ألا يوجد سلع يعني أقتنائها المباهاة والمفاخرة وبالتالي مهما أرتفعت أسعارها سيزيد الطلب عليها.
ألا يوجد سلع لا يمكن الأستغناء عنها مهما بلغ سعرها (الخبز).

ما رأيكم افيدونا من علمكم

[kofykofy]

صديقى اراك قلبت قانون العرض والطلب..

القاعده الاقتصاديه ان كثرة العرض تقل السعر.

وانه اذا زاد الطلب عن العرض يرتفع السعر.

حتى ان بعض التجار يخفون بعض السلع حتى يزيد الطلب عن المعروض فيزيد السعر.

اما عن وجود سلع سوف يشتريها الانسان بغض النظر عن ثمنها فهى السلع تسمى سلع استراتيجيه..

تصور ان لتر البنزين اصبح بمائة جنيه.. سوف تشتريه الناس مضطره.. ولكن ايضا سوف يتوقف ذلك على ندرة البنزين.
مثل الذهب والالماظ لماذا اسعارهم غاليه هل هم فيهم شىء يطول العمر؟؟ السبب هو ندرة وجودهم وبالتالى قلة المعروض
منهم.
المهم ان المساله عرض وطلب.. ميزان له كفيتين والاسعار هى المؤشر .

[Sanaa]

القاعدة العامة( قانون الطلب ) بيقول ... كلما ارتفعت الأسعار .. انخفض الطلب و العكس صحيح



و لكن طبعا لكل قاعدة استثناءات ... السلع العادية بتنطبق عليها هالقاعدة العامة


أما السلع الأساسية و الضرورية كالخبز مثلا ( لا يمكن الاستغناء عنه ) ...

مهما ارتفع السعر ... رح يبقى الطلب عليه متزايد... الناس ما فيها تعيش بدون خبز




كمان بالنسبة لسلع التفاخر ... ما بيتغير الطلب مع زيادة الأسعار ( لأنه ببساطة هي سلع تفاخر ) ...

بمعنى تاني ... هي السلع بتستهدف شريحة معينة من الناس ... يلي ما بيتأثروا كتير بتغيرات الأسعار

( بسبب ارتفاع دخولهم ) ...


بشكل عام استجابة الطلب للتغيرات بالأسعار بيكون موجود بالنسبة للشريحة المتوسطة من الأفراد

( أو ذوي الدخل المحدود ) ...

هدول بيتأثروا كتير بتغيرات الأسعار ( بس أكيد ما بيفكروا يقتنوا سلع تفاخرية متل الألماس مثلا )



ببعض الأحيان زيادة الأسعار فعلا تؤدي لزيادة أكبر في الطلب ... مع أنه السلع عادية ...

بس هاد الشي بيرجع لتوقعات المستهلكين



في بعض المستهلكين بيعتقدوا أنه كلما زاد سعر السلعة كلما زادت جودتها ...

و طبعا هاد الشي ممكن يكون صح ببعض الحالات ...

بس مو دايما زيادة السعر بيكون دليل على ارتفاع الجودة

( و هاد الشي ممكن نلمسه بحياتنا كتير ... يعني بيقولوا الغالي حقه معه )

و هاد الكلام صح بس مو بكل الحالات .




كمان أحيانا ممكن المستهلكين يزيدوا الطلب على سلعة معينة على الرغم من ارتفاع سعرها ...

بسبب خوفهم من ارتفاع أكبر بالمستقبل ...

و كمان هالشي موجود كتير بحياتنا ...

كتير ناس بيلجأوا لتخزين بعض السلع على الرغم من ارتفاع سعرها الحالي

( بسبب توقعهم الارتفاع الأكبر لأسعارها مستقبلا ) و خاصة بأوقات الأزمات و الحروب .



و طبعا ما رح ننسى أنه الإشاعات بتلعب دور كبير بالتأثير على توقعات المستهلك ...

يعني أحيانا المنتج بيتعمد ينشر إشاعة عن ارتفاع متزايد و مستمر للسلعة بالمستقبل ...

لذلك بيلجأ الأفراد لشراءها بالوقت الحالي مهما كان سعرها ... تفاديا للارتفاع المستقبلي المتوقع للأسعار


بشكل عام دايما لكل قاعدة في استثناءات ... و ما بعتقد بالسوق في ثوابت ...

يعني ما فينا نعتمد على قانون الطلب كثابت لا يمكن أن يتغير ...


تحياتي

[General Manager]

مشكور أخي الكريم

ينقل الى قسم الأقتصاد

[Dr.Hasan]

مشكورين على اجابة الاخ
وحابب اني ضيف انو قانون الطلب بيلعب دور كبير بتسعير السلع وخاصة السلع المحدودة بالطبيعة
أما السلع الضرورية والاستراتيجية كالخبز والسكر والملح فهي بتتميز بعدم مرونتها يعني الطلب ثابت عليها مهما كان سعرها وهي عادة بتكون مدعومة من الدولة
اما السلع الشائعة(الجارية) كالشاي والقهوة والكحول والدخان فهي ممكن الطلب الزائد عليهم يؤدي الى رفع اسعارهم حتى في حالة الطلب الزائد عليها بتقوم الدول بفرض الضرائب عليها لكبح الطلب الزائد


بتمنى تكون الفكرة وضحت اكتر

:z025:

[الدمشقي]

أشكر كل من قرأ ووضع ردا
لست مع الأخ الذي قال اننني قلبت القوانين
القوانين من صنع البشر وهي مرهونه بزمانها
واليوم العالم مفتوح لأجتهادات قد تقلب موازين القوانين