عالم ألف ليلة وليلة من ليالي الشام (متجدد)

[ريماس]

ربي يسعد كل أقاتكون

إن كانت صبح ولا عصر ولا مغرب ولا عشية

http://www.syriaroses.com/forum/style_emoticons/default/in_love.gif

أنا بعشئ الشام بكل ما فيها

من أرض وسما من أهل وناس

من عادات وتقاليد

لذلك قررت إني من خلال هالموضوع

خبركون عن عادات وتقاليد أهل الشام

خاصة أيام زمان

http://www.syriaroses.com/forum/style_emoticons/default/victory.gif

طبعا الفكرة استوحيتا

من خلال تصفحي لأحد المواقع الي

عم تحاول تحيي جمالية

العادات والتقاليد الدمشقية


ح خبركون قصص كتيرة

وإنئلكون معي لعالم ألف ليلة وليلة من

*.*لــيــالــي الــشــام*.*

ورح إدعم الموضوع بالصور المناسبة عن دمشق القديمة


إذا عجبكون الموضوع بكمل

و إذا لاء كمان رح كملو

جكارة بالي مو عاجبو ههههههههههههه

http://www.syriaroses.com/forum/style_emoticons/default/harhar.gif


http://www.syriaroses.com/forum/style_emoticons/default/triniti.gif

يااااااا الله
ومع بعض ح نبلش بالليلة الأولى


بلغني أيها العضو السعيد

ذو الرأي الرشيد

أنو كانت الست أيام زمان بالشام

11967
كانت تحب تدلل (( ابن عمها ))

http://www.lakii.com/vb/smile/26-137.gif

لدرجة انو كانت تئوم

ع أدان الفجر مشان تفيئو

شنو ما بيصير يتأخر ع رجال الحارة

مشان يروحو يصلو الصبح حاضر

بجامع الحارة

11968

بتجي وبتئلو بصوت ناعم

ابن عمي تاج راسي ئوم تئبرني

أدن الصبح

وبعدين بتسكت ومابتكتر حكي لأنو الأفندي

ما بيحب النئ

http://www.syriaroses.com/forum/style_emoticons/default/blink.gif http://www.syriaroses.com/forum/style_emoticons/default/blink.gif

ولبين ما يفيئ ويتحطى ويمتطى

كانت تركد تسبئو ع البحرة


11969

تعبي إبريق الفضة مي

وتشكل البشكير ع كتفها

و تسكبلو المي ليتوضى

11973

و تناولو البشكير لينشف

وهية عم تناغشو بمناغشة زغيرة وتئلو



ريتو حبي من حسو ما يحرمني
وبنص ئلبو آعدة ومتربعة يجعلني
ربي يطول عمروه وياخد مني
ويكتبلو بخطواتو السلامة لما بيبعد عني


وبعدها كانت تركض وتئرئع بالئبئآب

11971

مشان تلحئ تلبس ابن عمها عبايتو

وترشلو رشة مسك ئبل ما يتيسر

وبترافئو لباب الزقاق

بيئوم بينتتر فيها هديك النترة وبيئلها

لك فوتي انضبي جوة بلا ما حدا يلمحك

أو يسمع صوتك

http://www.syriaroses.com/forum/style_emoticons/default/chair.gif

بتئوم هية بتكركب وبتحمر وبتصفر وبتئلو

يبعتلي حمة حاضر ابن عمي

بس انت ماتزعل

http://www.syriaroses.com/forum/style_emoticons/default/alaayaghialaa.gif

بتودعو وبتبسلو ايدو

http://www.syriaroses.com/forum/style_emoticons/default/cray.gif

وبتركرج كرج

مشان تلحئ تصلي فرضها

وووووووووووووو .................

وطلع الصباح فسكتت رشوشة عن الكلام المباح

11974

يـــــتبع

[الهكر]

مشكورة رورو كملي متابع انا اول واحد

[ريماس]

يعطيك العافية الهكر شكرا نورت والله فرحت بتواجدك ومتابعتك

ولسا رح يكون في احلى والموضوع كتير شيق

بتمنى اشوف ردود عشان اتشجع ازيد

[دمعة فرح]

تسلملي الشام واهلا وريحتا وشوارعا .. والله بحب الشام اكتر من بلادي!

شايفة كيف يارورو الشام سرقت قلبي .. دخيلااا انااا

وهي خمس نجوم للموضوع ياحلووو :z023:
انا متاااااااابعة .. ان شاء الله مايفوتني شي

12097

[عمر]

موضوع رااائع رورو

و انا معك

تابعي ... :z028:

[ريماس]

تسلملي الشام واهلا وريحتا وشوارعا .. والله بحب الشام اكتر من بلادي!

شايفة كيف يارورو الشام سرقت قلبي .. دخيلااا انااا

وهي خمس نجوم للموضوع ياحلووو :z023:
انا متاااااااابعة .. ان شاء الله مايفوتني شي

12097



تسلمي اختي والله يحفظ بلدنا وبلادك
وشكر كتير على متابعتك لسا في شي احلى تابعي :z027:

[ريماس]

موضوع رااائع رورو

و انا معك

تابعي ... :z028:



تسلم عمر خلاص ابشر رح اتابع

شكرا كتير على حضورك نورتو والله

تحياتي لك

[ريماس]

بلغني أيها العضو السعيد

ذو الرأي الرشيد

إنو كان الفطور بهديك الزمنات لا البد ولا الغنى عنو

شنو رجال البيت لازم يسند بطنو ويفطر

ئبل ما يتيسر على شغلو

http://www.syriaroses.com/forum/style_emoticons/default/rolleyes.gif http://www.syriaroses.com/forum/style_emoticons/default/rolleyes.gif

وكانت ست هالبيت بعد ما تصلي فرضها تنتتر ع بيت المونة

توئد بيت النار وتبلش تساوي الفطور

وتطالع من بيت هالمونة أشكال ألوان

من المكدوس للزيتون للبنة المدعبلة

والجبنة المغلية والمعئود

12101

ولبين ما تحضر السفرة بيكون ابن

عمها يئبر ئلبها راح وسناول هالخبزات من عند الفران

12102

بيجي وبيرئع هداك الصوت يااا الله ياااا الله شو وينك يامرة

http://www.syriaroses.com/forum/style_emoticons/default/dry.gif http://www.syriaroses.com/forum/style_emoticons/default/dry.gif

بترد عليه بدلال ونغاشة شحني إبن عمي إجيت

وبتستناول منو هالخبزات وبتناغشو وبتئول

ريتو ربي ما يحرمني منك

ويبعد كل أذى ومكروه عنك

ويفكح كل مين بيتفشور وبيئول كني كنك


المهم وبلا طول سيرة

بيجي يئبر ئلبها بيتئزع ع هالكرسي الئش

وبيطبس بالصحون المرصوصين ع

الطبلية وبيزل بهالمكدوسات ياشهدا يا سعدا

http://www.syriaroses.com/forum/style_emoticons/default/yikes.gif

وهية آعدة عم تصبلو بهالشاي من ابريق النحاس

12103

بهالكاسة إم إدن مدهبة وبس يخلص أكل

12104

بتفز المسكينة وبتركد وراه ع البحرة مشان

تكتلو مي من إبريق الفضة ليغسل إيديه

ويمسح شواربو ويشئل شروالو ويعدل إنبازو

http://www.syriaroses.com/forum/style_emoticons/default/alaayaghialaa.gif http://www.syriaroses.com/forum/style_emoticons/default/alaayaghialaa.gif

ويئلها بدك شي عاوزة شي اذا بدك غراض للطبخ ئوليلي

مشان ابعتلك ****ن مع الولد

بتئولو ما بدي غير سلامتك تئبرني بس يعني

اذا ما فيها سئلة جاية ع بالي الئطايف العصافيري

12105

لنتنئرش فيون ع السهرة

http://www.syriaroses.com/forum/style_emoticons/default/wub.gif

يه صحيح ابن عمي اليوم صبحية النسوان عندي

مشان يكون عندك علم تاج راسي

بيئلها ماشي بس لا تتأخري بتحضير الغدا

وبيفتل شواربو وبيئلها خلص علم غيرو بدك شي

بتئلو سلامتك تشكل آسي

http://www.syriaroses.com/forum/style_emoticons/default/inlove.gif

بيئلها يااا الله بخاطرك

وبيتيسر على شغلو

أما ست البيت بئ بتروح ل ...............

وطلع الصباح فسكتت رشوشة عن الكلام المباح

http://www.lakii.com/vb/smile/5_130.gif

يــتــبــع .......

[دمعة فرح]

تسلمي رورو .. تابعي :z025:
...

[ms.lonley]

موضوع في قمة الروووووووووووووعة
يسلمو هلإيدين يا غالية
متااااااااااااااااااابعة

[ديما سلوم]

واو ميرسي رورو

[SHARIEF FATTOUH]

أي والله
و أنا بقلك متل صديقتنا ديما
واو ميرسي رورو

أنا و ديما متابعين

[ريماس]

نورتو جميعا صفحتي دمعة فرح - لونلي -ديما سلوم -سيف الحبيب

شكرا كتير على حضوركم وعلى متابعتكم لموضوعي لك مية اهلين وسهلين فيكم

والله فرحت بوجودكم تحياتي لكم :z025:

[ريماس]

بلغني أيها العضو السعيد ذو الرأي الرشيد

إنو الصبحية شيت النسوان بهديك الزمنات

كانت لا مئطوعة ولا ممنوعة وكل يوم والتاني

بتلائي هالجارات مجتمعين عند وحدة وكانت

هالصبحية بتعتمد ع فنجان القهوة وكاسة المي

وصحن التمر وكانت ست هاليت تجيب ركوة هالئهوة

الي طاحنة بناتها ع إيدها بمطحنة الئهوة اليدوية

12263

وتحط هالهيل الصحيح بئلب منها وتئلبها تئلبتين

وتصبها بالفنجاين ابو رجلين وتفوت وهية عم تأهل

12264

وتسهل بجاراتها وبيتجمعوا حوالي هالبحرة بالصيف

12265

و يبحطو مئلاية كل وحدة من الجيران ويشلو عليها وبعدين

بيحكوا كل وحدة شو بدها تطبخ لإبن عمها يئبر ئلبها اليوم

هي الي تئول ييييييييي يئبرني جاية ع بالو كبة بلبن


12266

والتانية تئول ييييي يشكل آسي رح إعملو رز مجلل مع لبن

لأنو ما بيحب اللبن المطبوخ بالصيف بيحسو تئيل على معدتو

وتفوت التالتة متل حمصة الكيل ع السيرة

وتئول جبتوها والله جاية ع بالي أكلة مجدرة

12267

مع لبن وشوية مخلل لفت بيطلعوا غير شكل

12268

والحديث بيجر الحديث ووقت الئومة صار ئريب مشان يلحئو

يئومو يطبخو الطبخة ئبل ما جي رجال البيت ويفتح بورظانو

ووووووووو ..................

وطلع الصباح فسكتت رشا خانم عن الكلام المباح

يــتــبــع .....

[SHARIEF FATTOUH]

شكراً كتير رورو
أنا متابع

مع أهل الشام و حكاياتهم

[دمعة فرح]

12357

متابعة وردة

...

[ريماس]

بلغني أيها العضو السعيد ذو الرأي الرشيد


إنو رجال البيت كان بعد ما يخلص من شغلو


يطلع ع الجامع ليصلي العصر


ويروح يتغدى ويتمددلو شوي


وكان الأفندي يفتح باب البيت


ويرئع بالصوت العالي


يا الله يالله شو وينك يا بنت


تعي سناولي هالغراض من إيدي


بترد عليه بتئلو شحني إبن عمي إجيت


وبتسناول كياس هالورق الي فيها


أشكال ألوان يا ريان


وبتئلو يعطيك ألف عافية تئبرني


تعيش وتجيب تاج راسي


وبتركض أوام لتشهل


ع الغدا


وبعد البيك ما يتغدى ويئش زفرة الغدا بكاسة شاي اكرك عجم


يفوت يتلئح بالمخدع ليريح


وكانت ست هالبيت تئوم بئ تصوبن هالجليات


وتشطف أرض الديار شطفة مرتبة

12388

وتئوي نافورة هالبحرة وتفرشها بالياسمينات الي

12389

لئطتون من الأرضية ئبل ماتشطف


وتجهز صحن هالفاكية وهالنئرشات


و تحضر نفس هالأركيلة وتروح ع الهسي


وتئلو بصوت ناعم إبن عمي تشكل آسي


ئوم أعود معي شوي والله دائ خلئي بدونك


وكمان تسكت وما تكتر حكي مشان ما يبئع فيها هداك الصوت


وطبعا البيك لبين مايتحطى ويتمطى ويئوم


وطلع ع أرض الديار يجي يلائي بنت عمو


لابسة هالتوب المطرز وفاردة هالشعرات


ومتعطرة ومتحكةو وشاكلة ع شعراتها جنب إدنها


زهرة زغيرة أو عرئ أخضر


وتبلش تدلل في وتئشرلو الفواكي و تلئمو


بإيدها وتغنيلو لتنبح وتناغشو لينئطع نفسها


وهوة آعد عم يئرئع بهالأركيلة وينفخ هالدخنة بوشها


هييييك لحد ما ينده المغرب يئوم يتوضى


ويلبس هالعباية وتركض بنت عمو ترشلو هالمسك


ئبل ما يتيسر شنو بدو يروح يصلي المغرب بالجامع


ويطلع يجتمع بالديوان عند المختار مع أعضوات الحارة


وووووووو وبعدين كان الباشا ..............


وطلع الصباح فسكتت رشا خانم عن الكلام المباح


يــتــبــع ......

[ريماس]

لك ميت اهلا وسهلا بكل المتابعين

شكرا كتير عالمرور:z023:

[دمعة فرح]

ياسلااااام .. كوني مو شامية ممكن حدا يقلي شو يعني اكرك عجم؟؟؟

وتسلمي يارورو شو موضوعك حلووووو :z023:

...

[ريماس]

اهلين فيك دمعة فرح نورتي عنجد بتشكرك كتير على متابعتك :z023:
اختي دمعة فرح انا بعتلك رسالة نبض بريد بقسم الخواطر والقصص شوفيها رسالة ئلك :z036:

بالنسبة لكلمة شاي اكرك عجم شو معناها

اكرك عجم هي كلمة اصلها تركية

المقصود شاي معدل او مزبوط هيك شي

وكمان معناها نفس طيب

تحياتي لكي

[ريماس]

ورح احكيلكم وقت الوحدة بدها تجوز ابنها شو بتساوي

أول الشي بتفتل عل الحارة كلها لحتى تعجبا شي وحدة

واول مابتفوت بتئلب البيت فوئاني تحتاني

وبتصير بطلع يمين وشمال من شان تشوف البيت إذا مرتب أو لأ

وبتصير بتمسح الطاولات والأرض بأصبعتا من شان تشوف اذا في غبرا

وأول ما بتفوت البنت بتبلش الكولكة تسلملي هل الآمة ماشالله ويغزي العين

حوطتك بآية الكرسي تعي حبيبتي هاتيلك شي بوسة وبتشدا هديك الشدة العجيبة

وبتبلش تشمشما اذا الها ريحة مو حلوة أو ريحتا نضيفة

وهي عم تبوسة بتشدلا شعراتا لتشوف اذا بهرو

وبتبلش تحكي معا من شان تشوفا اذا بتئرط

وبعد ما بتعجا وبياخدو الموافقة من أهل العريس

بتعزم الحماية العروس عل حمام النسوان من شان تشوف جسما منيح

اذا في شي وحمة أو شهوة أو حرق وخيلافو

كانو هالنسوان يخبو بالخرج تبعون حبة جوز او لوز بئشرها

وكانت تناول هالحبة للعروس وتئلها كسريلي ياها تئبريني معم تنكسر معي

والهدف انو تشوف سنانها اذا كانو ماكنين

مو مخلوعين

ايوووووا شنو ما بيمشي الحال تزوز ابنها

لوحدة سنانها فرئ او مخلوعين

وهيك بتم النصيب وعئبال العزابية

[دمعة فرح]

ولي ولي على هالنسووواااان .. رورو انا ماعرفت افتح الرسالة شو العمل ؟:z09:
تاااااابعي حبابة

...

[ريماس]

هاد يا ستي وبعد يوم طويل وتعب وشئى وبعد ما يسكر الخضرجي

والحكيم والبغجاتي والعالم بتخلص شغل من يوم شاق وبيكون الوقت بين المغرب والعشا

بيرجع كل واحد على بيتو ليتعشى ويرتاح شوي...

شنو عندو موعد بالقهوه مع الحكواتي .. الي الو عبيستنى هاليوم بفارغ الصبر من الاسبوع الي مضى ليعرف شو سار بباقي الحكايه

واحيانا ما بتطول الا ساعه او ساعتين

وفي بعض الاحيان بتطول القصه الى ساعات الاولى من الليل...

طبعا وتدور جميع حكاياتو عن البطولة والشجاعة والشرف والمروءة ونصرة المظلوم..

بيبدأ إجير القهوه والمعلم بتجهيز هالاقهوه ليستقبلو الحكواتي واهل الحاره

بيتجمعو اهل الحاره وهنن عميستنو الحكواتي وقاعدين عميحكو بالقصه وفي وغوشه بالقهوه وفجاه بيفوت الحكواتي

*مرحبا شبااااااااااااااب

*لك اهلييييييييييييييين والله بابو فلان

بيفز واحد وبيقول لك زئفه يا شبااااااااااااااب زئفه للحكواتي

وبيزئفولو اهل الحاره وهو ماشي ورافع راسو وباديو كتابو بينصمد عالكرسي

12965
وبيطالع نظارتو

بينفخ عليها وبيمسحها منيح وبيحطها على عيونو وبعدين

*احم احم بسم الله

اي وين وصلنا يا شباب قال يعني هو ما بيعرف وين وصل بس ليشوف شو مدى متابعت اهل الحاره الو

بصوت واحد لما نشأ الحب في قلب عنتره لعبله

*ايوااااااااااااااا هاد سا ساده يا كرام وفي سالف العصر والاوان

بعد ما بطل ابوه الاعترف به كإبن لاكتسابه اللون الاسود ابدى شجاعه فائقه في رد المغيرين

وانتزع بهذا الاعتراف ابيه به ,

واتخذ مكانه في القبيله كفارس من فرسان عبس, اللذين يشار اليهم بالبنان .

وسرعان ما نشأ الحب في قلب عنتره لابنة عمه عبله بنت مالك.

وصادف أن أحبته هي الأخرى . وبلغ بهما الشوق مبلغه فصارا عاشقين .

وتقدم عنترة إلى عمه يخطب إليه ابنته،

* في واحد بالزاويه عميارجل بيقول لك الله حيووووووو شباب زئفه

لكن لون بشرته السوداء ونسبه وقف مرة أخرى فى طريقه . فقد رفض مالك أن يزوج ابنته من رجل يجرى فى عروقه دم غير عربى،

وأبى كبرياؤه أن يرضى بعبد أسود - مهما تكن شجاعته وفروسيته - زوجاً لابنته العربية الحرة النقية الدم الخالصة النسب


وحتى يصرفه عنها ويشعره بقلة الحيلة والعجز عن دفع مهرها ،

طلب منه أن يدفع لها مهراً ألف ناقة حمراء من نوق الملك النعمان المعروفة بالعصافير .

ولم ييأس عنترة المحب الواثق من قدرته على سداد مهر حبيبته ومهجة قلبه عبلة ، فخرج فى طلب عصافير النعمان حتى يظفر بمعشوقته .

لكن المهمة لم تكن سهلة أي حال من الأحوال . فقد كانت الطريق شاقة .

واعترضته العواصف وأغرقته رمال بحر الرمال العظيم في الربع الخالي بجزيرة العرب بعد أن ضل الطريق ،

ولقى فى سبيل مهر عبلة أهوالاً عظيمة ، ووقع فى الأسر، وأبدى فى سبيل الخلاص منه بطولات خارقة
وأخيراً ..


تحقق حلمه، وعاد إلى قبيلته ومعه مهر عبلة ألفاً من عصافير الملك النعمان .

فهل رضي به أبوها ؟

وهل وفَّى له بعهده بأن يزوجه عبلة إن دفع مهرها ألفاً من نوق النعمان ؟




بالطبع لا ..

فقد بقي عمُّه يماطله ، ويسوف زواجه منها ، ويكلفه من أمره شططا .

بل وصل به الحقد على عنترة أن فكر فى التخلص منه، فعرض ابنته على فرسان القبائل على أن يكون المهر رأس عنترة .

أما عنترة الذي كان أقوى فتيان العرب وأكثرهم شجاعة وإقداماً ، حاربهم واجتهد في الإنتصار عليهم ،

لكن كما يقول المثل العربي : الكثرة غلبت الشجاعة ، خسر عنترة المواجهة . وأورثه ذلك همَّاً كبيراً وكمداً لثلاثة أسباب .

الأول حبه الشديد لعبلة وهيامه بها للدرجة التي جعلته يتحدى من أجلها كل الأهوال والمصاعب . والثاني انتماؤه القوي لقبيلته ودفاعه المستميت عنها في أعتى الشدائد لكن قبيلته لم تحفظ له الجميل بل سحقته بالهمِّ وأعيته بالكرب العظيم وأخيراً تآمروا عليه .


أما السبب الثالث فهو حظه التعيس الذي جعل والده يتنصل من نسبه وحرمه من شرف ناله غيره بسهولة فضلاً عن بشرته السوداء التي حالت بينه وبين زواجه ممن أحبها .

وتحكي الأسطورة الشعبية أن عنترة قضى حياته راهبا متبتلا فى محراب حبها ، يغنى لها ويتغنى بها،

ويمزج بين بطولته وحبه مزاجا رائعاً جميلاً . وهو يصرح فى بعض شعره بأنها تزوجت،

وأن زوجها فارس عربى ضخم أبيض اللون، يقول لها فى إحدى قصائده الموثوق بها التى يرويها الأًصمعى الثقة

إما ترينى قد نحلت ومن يكن —– غرضاً لأطراف الأنة ينحل
فلرب أبلج مثل بعلك بادن —– ضخم على ظهر الجواد مهبل
غادرته متعفرا أوصاله —– والقوم بين مجرح ومجدل

يتبع

[السكون]

مشكوووووووورة رورو

[ريماس]

اهلين فيك انس شكرا على مرورك تحياتي لك

[ريماس]

وكان الحكواتي كل ما يحكي عن معركة حامية

الكل يهلل الله أكبر الله حيو المرجلة والبطولة http://www.syriaroses.com/forum/style_emoticons/default/wavetowel.gif http://www.syriaroses.com/forum/style_emoticons/default/wavetowel.gif

وكل ما تصير مع بطل الحكاية شي شغلة

ما كانت ع البال

الكل ينحمئ ويئوووول يااااا باطل http://www.syriaroses.com/forum/style_emoticons/default/dry.gif http://www.syriaroses.com/forum/style_emoticons/default/dry.gif

وأيام من كتر ما تحمى الأحداث

كانو شباب الحارة ينبحتو على بعض http://www.syriaroses.com/forum/style_emoticons/default/chair.gif http://www.syriaroses.com/forum/style_emoticons/default/chair.gif

[دمعة فرح]

شكرا رورو .. انا متابعتك :z025:
...

[ميدو المشاكس]

وتوتي توتي لسى

ماخلصت الحتوتي

بس أكيد حلوة

مو فتفوتي


الله الله عالشام وعلى اهل الشام

وعلى حكيات اهل الشام

يئبشوني شوحلوين

ماشاء الله


الله يعطيكي الف

عافية رورو الغالية

متميزة في كل ماتقدميه

تحياتي

بانتظار الليلة القادمة بشووووووووووووق

[لولو الصغيرة]

والجبنة المغلية والمعئود

http://www.mgtrben.com/portal/attachments/attachment12101d1283340205


http://www.mgtrben.com/portal/attachments/attachment12102d1283340282



ممممممممممم ميمي والله كلك زوء شهيتيني
جوعاني كتييييير
الله الله على الشام كلشي فيها بجنن
يسلمووو ميمي عن أزنك
رايحه لف سندويشة مكدوس مع كاسة شاي أخضر

[SHARIEF FATTOUH]

كتير شكراً رورو عنجد موضوع روعة و يسلموا اديكي

على فكرة لولو زكرتني بالفطور يلي فيقني عاشق الوطنية الصبح مشان جبلو ياه لأنو جوعان قال


أنا متابع رورو و بانتظار ابداعك