مسلسل سيدنا يوسف

[منصور حردان الوكاع]

ماهو راييكم بالمسلسل الاياني الذي يجسد قصة سيدنا يوسف بالصوت والصورة ومدبلج عربي ويعرض على قناة النسمة

هل يجوز عرض الشخصية بهذه الطريقة
وارجو من الجميع المشاركة

[دمعة فرح]

كمسلسل حلو كتير .. بس فيه شغلتين مو حلوين فيه أول شغلة،، هو ضهور وجه النبي يعقوب والنبي يوسف كأي شخصية تانية كان المفروض مايضهرو الوجوه

الشغلة التانية ،، هي انو المسلسل كتير طوييييييل وتفاصيل مملة .. يعني فيو شغلات كان فين يختصروا

وشكرا للموضووووووع

...

[En.Khaled Alfaiomi]

أن شاء الله بشاهدوا وبعطيك رأي

[En.Khaled Alfaiomi]

وبنصحك أخي تحمل شريط أليكسا

التحميل في توقيعي ..


للحصول على العضوية المميزة:z025:

[عمر]

و الله يا اخي انا ما حضرتو

بس سمعت الناس عم تحكي عليه

رح حاول شوفو :z025:

[السكون]

انا شفتو اكتر من مرة ونسختو عندي

وين المشكلة انو يطلعو هيك مسلسل


جميع الانبياء


عدا سيدنا محمد صلى الله عليه واله وسلم


وهو الوحيد الذي لا يجوز تشخيصه ابدا


وبعدين هنن عم يحاولوا يوصلوا الفكرة


ولا تنسى انو كانوا على زمان ناس والناس شافوهم


وبرجع بقول وبأكد


الا سيدنا محمد

-----------


ودمت بحفظ الرحمن

[منصور حردان الوكاع]

بس مرة لما طلعو فلم الرسالة للمخرج الراحل العقاد قامت الدنيا لاانو طلعو سيدنا حمزه رضي الله عنه
وبنفس الوقت ماطلعو صورت سيدنا علي
انا هذا قصدي انو ليش ايران مودولة عربية
وليش مايطلعو عن سيدنا علي او الحسن والحسين متلا

[الصقرالحنون]

لا تعليق

مشكور اخي منصور

[ريماس]

والله اخي بالنسبة للحكم مابقدر افتي بهي الامور لانو مابعرف

انا شايفة انو عاادي ونحنا عم نتفرج عارفين انو ماهن شخصيات حقيقة

بس حسيتها رسخت بالذهن اكتر ومتل ماقالت اختي الغالية دمعة فرح عيبهن انهم طولوها كتير وفيها زيادات

بالنسبة لشخصية سيدنا حسين وعلي هنن مثلوها انا حملتا بس لسا ماشفتا انا شفت بس قصة سيدنا يوسف عليه السلام

ومثلو ايضا قصة اصحاب الكهف

تحياتي

[king-of-nothing]

والله أنا ضد لعب دور الرسل وتجسيد شخصيتون

King of Nothing

[Sanaa]

كفكرة حلوة ... و بتساعد على فهم القصة و ترسيخها بالذاكرة


بس أنا ضد تجسيد شخصيات الأنبياء ... ما بعرف شرعا في ناس بيقولوا يجوز و في ناس بيقولوا لاء


أنا سمعت مرة أحد علماء الدين علق على هاد الموضوع أنه لا يجوز ... حتى لو أن الناس بيعرفوا أنه هاد ممثل


بس رح يبقى ببالهم صورة هالممثل ...

و كلما بينذكر سيدنا يوسف ( عليه السلام ) ... رح يخطر ببالهم شكل هالممثل


ع العموم بعيدا عن الشرع ( بما أنه في اختلاف حول هالموضوع )... أنا ضد تجسيد شخصية أي نبي


بس المسلسل بشكل عام حلو ... و متعوب عليه

[عاشق الوطنية]

صديقي انا برجح انو المسلسل حلو وبيحكي سيرة
سيدنا يوسف وهي من اجمل القصص
المذكورة بلقرأن الكريم
وبعطرد على اظهار وجه سيدنا يوسف لأنو
مهما وصل الممثل بجمالو
مارح يطلع بمقدار زرة امام جمال سيدنا يوسف
عليه رضوان الله