ماذا تسمي صبر الزوجة على خيانة زوجها لها

[الصقرالحنون]

موضوعي اليوم عبارة عن سؤال بس



موضوع قصير وحروفة قليلة لاكن



مضمونة انا شايف كبير



انا وجهت السؤال من العنوان مشان الي مو حابب ايجاوب



لايدخل

اذا ماذا تسمي صبر الزوجة على خيانة زوجها

ضعف قوة تضحية




تحياتي الصقر الحنون

[king-of-nothing]

انسانة نبيلة وخسارة فيها الرجال هاد


King of Nothing

[الفراشة فوفو]

والله بصراحة هاد اسمو غبااااااااااااااااااااء كبير من ناحية المرا واذا كانت ساكتة عاساس عم تضحي فهاد حكي فاضي ومشكووورين

[الفراشة فوفو]

بصراحة اذا سكتت وصبرت فهاد بيكون غباء لانو هاد شي من كرامة المرا وما بصير تتخلى عنو اساسا هي بتكون شخصيتها ضعيفة لهيك بتحجج بالصبر والتضحية ومشكورين

[ريماس]

صبر الزوجة تضحية لانها بضحي مشان اولادها تتحمل الالام والعذاب

عاطفة الامومة تغلبها على انها تتنازل وتتحمل خيانة زوجها

تعرف المفروض كان اخلي اختي هي تجاوب على هالسؤال ؟

بالنسبة ئلي انا رئي من رئي الفراشة

[أحمد فرحات]

أنا مع رورو مشكور صقر

[الفراشة فوفو]

لك تسلميلي يا رورو شو انك فهمانة وشخصيتك قوية الله يكتر من البنات اللي متلك لازم كلنا نوقف بوش هالشي ليش اذا المرا خانت بتنقتل وباحسن الاحوال بتتطلق وبتنفضح وحضرتو لازم نسكتلو ااا ليش؟؟

[أحمد فرحات]

ماتسكتيلو هههههههههههههه قوصيه فوفو

[دمعة فرح]

ضعف وللضعف انواع

مشكور صقر

...

[الفراشة فوفو]

اي والله بقوصو ونص يا حمودة وبقلعلو عيونو كمان خخخخخخخخخخ

[أحمد فرحات]

هههههههههههههههههه بس اوع يسبقك ويخلصك الفرد ضغطي على الزناد فورا بدون تفكير والا سوف..........

[عاشق الوطنية]

ضعف وتضحية

ضعف لأنو ممكن تكون العيشة ببيت الأهل على شكل مطلقة اصعب من العيشة معى رجل بيخونها
تضحية السبب الوحيد يلي ممكن تضحي فيه الزوجة بكرامتها هو اولادها يعني في حال كان في ولاد ممكن تصبر
ومشكور صقر

[ريماس]

اعذرني اخي محمد تكون وحدة مطلقة اهون من انو زوجها يخونها بكتير

الشغلة شغلة كرامة واذا قلبت بتكون اهانة نفسها ورح تعيش بذل

غلط الرجل مين بيحاسبن

والمرا اذا سكتت عن خيانة الرجل رح يتمادى اكتر واكتر ورح ضيع مستقبلها بالاخر

ومتل ماقالت فراشة المرا اذا خانة لو خيانة صغيرة بس بيصير يقتلها او ممكن تتطلق

اما الرجل لاء يعمل عمايلو ومافي حدا يحاسبو

والله والله هاد اكبر ظلم بعينو

بالنسبة ئلي انا اذا لاسمح الله صار هالشي والله والله بقتلوو واخلص عليه ؟؟

كل شي ولا كراامتي

تحياتي

[Don.Ayman]

:z053:خيانة ياااااااع - من أمنك لا تخونو حتى لو كنت خوان

:z059:انو شو من مشان طخو ما طخو - أنا برأيي احسن ما تقول طخو اكسور مخو
يعني البنت الحبابة المهذبة ما بتهرب زوجها من البيت و بتعطيه فرصة لحتى تطلع عينو لبرة

:z051:
:z041: مع العلم في كتير شباب عاملين حالون كووول على اساس و مطبقين نص بنات الحارة
-( حكمة امرأة ) - جميع الرجال خوانين (عينون زايغة ) مقولة تكاد تكون معتقد و شرع لدى 99.99 % من نساء الارض

- ما بخفيكون القول تكاد لا تخلو من الصحة ( لا يمكن لرجل ان يمسك بنفسه عن امرأة )

:z043: بالنهاية - افضل شيئ بالدنيا العمل

:z027:- بلا بنات بلا بطاطا هههههههههههههههه

[Ihab Mardoud]

حسب الوضع أكيد
بس المرة العافلة بتحاول ترجع جوزا لإلا وتحافظ على بيتا وما تخربو
وأكيد هو ما خانا من فراغ اكيد في تقصير من طرفا
بس ازا كان مش ولا بد
فإنو تبقى معو غباء وضعف

تحياتي

[En.Khaled Alfaiomi]

هي عبارة عن مرأة مخلصة لزوجها الخائن...

ومن الممكن صابرة كرمال حبها ألوا أو كرمال الأطفال...

أو أملها أنوا يرجع الى صوابوا.

مشكور أخي صقر

[ريماس]

اعذرني اخي Ihab Mardoud (http://www.mgtrben.com/portal/user293) في اضافة بسيطة انت عم تقول ماخانها من فراغ وانو التقصير منها

ممكن تكون هالسبب وممكن لاء فلا تأكد في تقصيرها

احيانا المرأة مابتقصر من ناحية زوجها بس بيكون هيك تعود انو يخون

يعني يلي بقصدو قبل مايتزوج الرجل بيكون خاين بعد مايتزوج كمان بيخون لانو هيك تعود قبل

المرأة عم تحاول المستحيل مشان مايصل عينو لبرا فلذلك الرجااال مايضلو يحطو الحق عالمرأة ويحطها هي سبب في خيانتو

طبعا انا مابعمم

وشكرا

[En.Khaled Alfaiomi]

تعليق على الأخ Ihab Mardoud (http://www.mgtrben.com/portal/user293) والأخت رورو

طيب ليش يخونها؟؟

مافي شي أسموا الصراحة والتفاهم ؟( هيدا اللي ناقصنا في مجتمعنا العربي ) وبعدها مارح تشوف حالة طلاق وحدة بس..


كان فينوا يصارحها على النقص أو التقصير.. أحسن مايروح يخون زوجتوا أم أطفالوا..


بالتوفيق
(http://www.mgtrben.com/portal/user293)

[دمعة فرح]

رورو ازا ماكانت الزوجة مقصرة بشي لا من ناحية البيت والاولاد ومن ناحية اهتمامها بحالا وجوزا
ومع هيك خانها .. بيكون الخلل منو اكيد وعيونو فارغة
بس اللجوء للعصبية مابيفيد شي .. لأنو فيه شي اسمو تفاهم واكيد طبعا لكل بنت حدود للتفاهم
فيها تحكي معو وهو يسمع منا بتنحل الأمور .. بس ازا كان هو هاد طبعو من قبل الزواج ومرح يبطلو بعد الزواج فاللجوء للانفصال أمر لابد منو
...

[Ihab Mardoud]

طبعا انا ما بعمم وماني حاطط كل الحق عالمرأة
بس ازا هي مقصرة ما لازم تقعد تطبل وتزمر بخيانة الرجل
ولازم تحاول تصلح الموقف
وفي كتير نسوان الزلمة بيصارحن بتقصيرن وما بيغيرو شي
بعدين كيف هي بيكون الزلمة خاين قبل الزواج ازا ما بيكون مرتبط اصلا!!
بس ازا المرأة مانا مقصرة بحق زوجا فلازم ما بتظل ولالحظة عندو
ومتل ما حكيت ازا ظلت بيكون غباء وضعف

[ريماس]

طبعا انا ما بعمم وماني حاطط كل الحق عالمرأة
بس ازا هي مقصرة ما لازم تقعد تطبل وتزمر بخيانة الرجل
ولازم تحاول تصلح الموقف
وفي كتير نسوان الزلمة بيصارحن بتقصيرن وما بيغيرو شي
بعدين كيف هي بيكون الزلمة خاين قبل الزواج ازا ما بيكون مرتبط اصلا!!
بس ازا المرأة مانا مقصرة بحق زوجا فلازم ما بتظل ولالحظة عندو
ومتل ما حكيت ازا ظلت بيكون غباء وضعف


طبعا انا معك بالكلام يلي قلتو وصحيح

رح اعلق على الكلام يلي قلتو

كيف هي بيكون الزلمة خاين قبل الزواج ازا ما بيكون مرتبط اصلا!!

انا بقلك كيف بيكفي انو يكون خاين لنفسوو لاهلو وقبل هاد كلو بيكون خاين لدينو

بتضل بعدا عندو عادة مابيئدر بلاها

وهاد واقع حياة مر امامي هيك قصة حقيقية والبنت الي بعرفا مانقصت عليه اي شي حاولت معو بالتفاهم وبكل الوسائل

قالتلو قلي شو سبب التقصير وانا مستعدة اغير واصلح ؟؟كان يرد عليها ويقول هيك بحب البنات مو بئيدي!!

بس هيك ضل يحكي مع بنات ويعمل علاقات لحتى وصلت بينن للطلاق ؟؟؟


برئيك اكتر من هيك شو رح يصير ؟؟؟؟

لك الله ينتقم كل يلي بيفكر هيك

بتمنى انو الصورة وضحت شو مقصدي

تحياتي

[En.Khaled Alfaiomi]

Ihab Mardoud (http://www.mgtrben.com/portal/user293) أخي أيهاب الغالي.

بصراحة لايحق لزوج خيانة زوجته ( وهذا محرم في جميع الديانات السماوية)

يحاول يصارح زوجته أول مرة وثانية ومليون مرة أذا فقط الأمل ( يطلقها أفضل من الخيانة مليار مرة)

هذا هو الحل ..

[Ihab Mardoud]

رورو انتي عم تحكي عن شخص واحد وتعممي على كل الرجال
هداك ازا كان خاين لكل شي متل ما عم تحكي فمو غريبة عليه يخون مرتو
وبيكون شخص مريض نفسي
وانا ماني عم دافع عالخاين فالخاين غلطان بكل الأحوال
بس شو يعني إنو نعدمو ونصلح الغلط بغلط تاني هو الطلاق؟!
ازا كانت الأمور قابلة للاصلاح لازم المرأة بتصلح موقفا وتحاول ترجع زوجا
ومتل ما قلت مهندسنا الغالي هو ما بيحقلو يخونا حتى لو مقصرة
بس كمان الزوج ما بيفكر إنو يخرب بيتو ومشان ولادو يطلقا
فبيلجأ للخيانة الي هي مو حل اصلا بس الي بيخون اكيد فيو خلل نفسي بداخلو وبيكون ضايع
بالنهاية كل واحد إلو رأيو بهالمسألة وفي ظروف كتير بتحكم هالشي ما ممكن نعطي حكم على هيك شي بكلمات بسيطة

[دمعة فرح]

طيب رورو شو رأيك بإنسان يخون مرتو على فرشتها!!؟؟ ياترى ليش بيعمل هيك .. لأنو قبل مايتزوج هو متعود على هيك شغلات ومافيه يقاوم البنات

بالتالي اللي عندو طبع مابيغيرو .. خصوصا هيك موديلات ، وشي اكيد رح يرجع لطبعو بعد الزواج هاد الشخص اللي عم بحكيلك عنو انا بعرفو حق المعرفة .. بفسر حالتو بكلمة وحدة وهي مريييض

عنجد مريض .. وعندو ولاد بس انا لو محل مرتو .. اي يتهنى هو وولادو بتركو اكيد .. بس هي ليش ماتركتو .. ليش عم تضحي بشبابا مشان بيتو وولادو؟ شو بيستاهل؟

الولاد عالعين وعالراس بس وقت توصل المرحلة للكرامة لا .. مع الف سلامة هو وولادو

الزوجات انواع .. منها الضعيفة .. منها عفوا من هالكلمة (غبية) .. قوية .. متسلطة .. متفهمة ..

وكل وحدة منن إلا تصرف معين .. بس ازا كانت خيانة الزوج ما إلا أي اسباب منطقية

الانفصال هو الحل متل ماقال استاذ خالد

...

[عزيز]

يا جمااااااعه بيوم من الايام انذكر هون موضوع انو في شخص تزوج من بنت وتفاجا بانها ليست عذراء وصبر الزوج عليها بضعه من الوقت لما عرف انها تابت عن نفسها والكل هون ايد فكره الكاتبه ومع العلم انا عندي اكثر من 97 بالميه مرفوضه وانتو ايدتو اللي صار وقلتو انسان صابر وتحمل البنت تابت عن نفسها
عدنا هون نفس الموضوع بس الادوار تغيرت ليش صار مرفوض ما قبل الشوي المره العفيفه غلطت وسامح الرجل ليش هون ما يصير انا اعرف اشخاص كثيره من هالنوع هاذا رغم ذلك المراه صابره ومتحمله الزوج صارت الحق للمره اكثر من الرجل والمشكله اشوف ناس مناصرين للمراه وضايع حقوقهم خليكم منصفين منشان اراكم تكون واضحه وصريحه وبالنسبه لي انا شخصيا ما اايد الاكثريه هون لانو المراه واجبها اتحمل زوجها يعني ممكن يكون الزوج غلط بس مع الايام راح يحس بغلطو ويا اخت رورو اسالي اختك وشوفي ردها اذا ما كان مطابق على ردي انا ما اقول هالكلام لانو الرجل وانا نصير الو بس اقول هالكلام منشان ما ينهدم بيت اتعمر من سنين وينهار بغلطه زوج وراح مع الايام يحس فيها

[الدااااب]

حلووو كتير يجب على الزوجة أن تراجع نفسها لماذا يخونها زوجها ؟ وماهي الأشياء التي قد قصرت فيها؟ فإن الخيانة لا تأتي إلا من فقدان شي يبحث عنه زوجها

قد فقده في زوجته ! وإذا كان الجواب بأنها لم تقصر في شي من متطلبات الزوجية هناك حالتين :

إذا لم يكن عندها أولاد يجب عليها تركه وإلا تكون ضعيفة والخيانة غالبا تؤدي إلى خيانة أخرى وعليها أن تحمدالله إنها لم تنجب أطفال وماكان هذا أوله

ينعاف آخره

وإذا كان عندها أطفال عليها بالصبر ونعتبرها ذات شخصية قوية لأنها فضلت المحافظة على أطفالها عليها بالدعاء لزوجها لعل الله يهدية وصدقوني رايح يرجع

إليها وراسه في الأرض بس عليها بالصبر

[شاهر]

يسعد اوقاتكم بكل خير
هلى كل أمراه بكون عندا رايئ فيها منهم بقول والله في اولاد مافيني اطلب الطلاق وبحط ملح على خرحي وبسكت
والبعض بقول بدي استر على حالي
والبعض بتكون ضعيفي ومابتقدر تحكي مع جوزها
بس برأيئ مالازم تعيش مع هيك زوج حتى ولو في اولاد
شكرا على هل موضوع الجيد

[mok]

(اذا) سكتت المراة
بكون ضعف او معرفتها بتقصيرها
لان المراة الامر الوحيد اللي مستحيل تتحملو هو خيانة الزوج لها
هادا رأيي
وشكرا

[حسام.ز]

في حالات
يعني اذا كانت عندها ولاد ف الله يعينها بكون عم تصبر منشان تعرف تربي ولادها صح ويكونو تحت عينها
واذا كانت ما عندها ولاد ففي احتمالين اما هية كمان عم تخونو ف مو فرقانة كتير معها
واما صار بلادة وغباء
وبالمناسبة رح قول انو لهلئ في نسوان بيخافو من كلمة مطلقة او ما يطلع عليهن هيك صيت وهاد برأيي تخلف

اما بالنسبة للخيانة فبيقول الامام الشافعي
عفوا تعف نساؤكم بالمحرم ................. وتجنبوا مالا يليق بمسلم
ان الزنى دين اذا اقرضته................. كان الوفى من آل بيتك فعلم

شكرا

[Nabeeh alkhateb]

لا بقوصوا ولا بفضحوا
المسألة تحتاج لتفكير
أولا ما هي نوع الخيانة
ثانيا عندك أولاد أم لا
ثالثا هل هي أول مرة أم هي طبع عنده

[ريماس]

يا جمااااااعه بيوم من الايام انذكر هون موضوع انو في شخص تزوج من بنت وتفاجا بانها ليست عذراء وصبر الزوج عليها بضعه من الوقت لما عرف انها تابت عن نفسها والكل هون ايد فكره الكاتبه ومع العلم انا عندي اكثر من 97 بالميه مرفوضه وانتو ايدتو اللي صار وقلتو انسان صابر وتحمل البنت تابت عن نفسها
عدنا هون نفس الموضوع بس الادوار تغيرت ليش صار مرفوض ما قبل الشوي المره العفيفه غلطت وسامح الرجل ليش هون ما يصير انا اعرف اشخاص كثيره من هالنوع هاذا رغم ذلك المراه صابره ومتحمله الزوج صارت الحق للمره اكثر من الرجل والمشكله اشوف ناس مناصرين للمراه وضايع حقوقهم خليكم منصفين منشان اراكم تكون واضحه وصريحه وبالنسبه لي انا شخصيا ما اايد الاكثريه هون لانو المراه واجبها اتحمل زوجها يعني ممكن يكون الزوج غلط بس مع الايام راح يحس بغلطو ويا اخت رورو اسالي اختك وشوفي ردها اذا ما كان مطابق على ردي انا ما اقول هالكلام لانو الرجل وانا نصير الو بس اقول هالكلام منشان ما ينهدم بيت اتعمر من سنين وينهار بغلطه زوج وراح مع الايام يحس فيها



ا جمااااااعه بيوم من الايام انذكر هون موضوع انو في شخص تزوج من بنت وتفاجا بانها ليست عذراء وصبر الزوج عليها بضعه من الوقت لما عرف انها تابت عن نفسها والكل هون ايد فكره الكاتبه ومع العلم انا عندي اكثر من 97 بالميه مرفوضه وانتو ايدتو اللي صار وقلتو انسان صابر وتحمل البنت تابت عن نفسها

تعليق على هالكلام يلي قلتلو

البنت بعد ماتزوجها كانت تائبة وستر عليها يعني توبتها كانت قبل ماتتزوجو

مو استمريت بالخيانة معو وهي متزوجة منو في فرق صح ؟؟؟

لانو لو خانت زوجها وهي بذمتو كان تركها فورا وطلقها

شخصيا ما اايد الاكثريه هون لانو المراه واجبها اتحمل زوجها يعني ممكن يكون الزوج غلط بس مع الايام راح يحس بغلطو ويا اخت رورو اسالي اختك وشوفي ردها اذا ما كان مطابق على ردي انا ما اقول هالكلام لانو الرجل وانا نصير الو بس اقول هالكلام منشان ما ينهدم بيت اتعمر من سنين وينهار بغلطه زوج وراح مع الايام يحس فيها


تتحمل جوزها ليش المرا ماعند كرامة او ماعندها احساس او مشاعر وتسميها غلطة

طيب ويلي يغلط 8 سنين والوضع عم يتأزم والخيانة عم تكتر لسا تريد المرا تصبر

8 سنين اهانة وذل لسا بدك تتحمل وتصبر

تموت حرئا وجع والم يلي عم تشوف قدامها ولسا بدك تريد انها تصبر

أثرت على حياتها الزوجية ولسا بدك تصبر

حاولت كل الوسائل مشان تحافظ بيتها ماقدرت

الشغلة شغلت كرامة لما تنداس كتير بتصير صعبة

اهان كرامتها ولسا بدك تصبر

8 سنين صبر وجع وألم وقهر والوضع عم يصعب كتير وعم يسوء لسا بدك ياها تصبر

من تاني يوم ليلة عرسها كان يحكي مع البنات ويعمل علاقة لحتى 8 سنين وكانت حاطة امل انو ينهدى بس للاسف الوضع عم يزيد

شو بدك اكتر من هيك ولسا تقول واجب عليهن يصبرو

الا الكرامة مااصعب الكرامة لما تنهان

الاهي الله ينتقم كل واحد متل هالشخص ولا يرحمو

فلذلك انا عم اقول عاااااادة الخيانة عااادة يلي بيخون قبل مايتزوج رح يستمر بالخيانة حتى بعد مايتزوج

فلا ضلو تحطو الحق عالمرااا وانو رجال مابيخون الا اذا قصرت معو

في هيك وفي متل حالة اختي

ويلي بيسكت عن الخيانة حطو في بالكن رح يزيد اكتر

الوحدة تكون مطلقة ولا انو تنهان كرامتها

بعتزر عن الاطالة بس عنجد انقهرت وانا عم اكتب

تحياتي

[الصقرالحنون]

اشكر كل من شارك بالنقاش

واعتذر لغيابي القسري

دمتم بخير

[الصقرالحنون]

بصراحة اذا سكتت وصبرت فهاد بيكون غباء لانو هاد شي من كرامة المرا وما بصير تتخلى عنو اساسا هي بتكون شخصيتها ضعيفة لهيك بتحجج بالصبر والتضحية ومشكورين
انا مايشاركك الراي في كثير نساء بيضحو مشان خاطر الاولاد

[ريميه]

اكبر مشكلة بنظري هي اذا كانت المرأه على علاقه سابقة قبل زواجها من زوجها الذي احبته ولا اقصد علاقة غير شريفه .. اعني ان تكون قد احبتها من قلبها . ثم اكتشفت بعد سنوات الزواج انه يخونها .. سوف تصدم في البدايه .. وتكتم سرها .. لعله يتوب وتناقشه وتحاوره .. سوف تتضاعف عليها المسؤلية اذا كان لديها اولاد منه وتخشى ان ينقطع العائل .. ( فكرت بمخلوق ولم تفكر بالخالق الرازق ) .. ولن تفكر بالانفصال من اول مره خانها فيها .. ولا ثاني مره .. لانها تحب زوجها وتأمل ان يتغير .. ويتوب .. واما من تتزوج بالطريقة الشرعية دون علاقات حب .. لن تصبر عليه .. واقلها راح تسوي زعلانه .. وتروح لبيت اهلها لمدة شهر او ربما شهرين حتى يغلظ اشد الايمان ان لا يعود لما كان عليه .. وان فعلها مرة اخرى طلبت الخلع وفضحته .. فهو لا يستحق ان يكون زوج لها .. واكثر مايعذب المرأه .. ويبعثرها ويهين كرامتها هو السؤال التالي : مالعيب الذي في الذي جعله ينظر للأخريات ؟ هو والله ليس عيب فيك .. وانما مرض في قلب زوجك ..

شكرا لهذا الموضوع الجيد والطرح المميز .. فقد تذكرت قصه صاحبة لي حصل معها نفس الموقف ..

[الصقرالحنون]

شكرا لمرورك ميمي

[الصقرالحنون]

شاكر مرورك احمد

دمت بخير

[لولو الصغيرة]

يمكن تكون مفكرة أنو تضحية
بس هاد أكيد ضعف لأنها عم تصبر على أنسان مابيستاهلها
على حساب كرامتها وصحتها وعمرها
وأكيد بخونها يعني مو مالي عينو من جميع النواحي فهاد بحد ذاتو كارثة
ازا في أسباب للخيانة متل خلل بالعلاقة كلها
أو هوي مريض ومابي ملي عينو غير التراب

هي وجهة نظري الخاصة تقبل مروري
مشكور حسين

[الصقرالحنون]

مشكورة دمعة لمرورك

[لولو الصغيرة]

حسين أنا لولو
:ndm:

[الصقرالحنون]

شكرا ايمن لمرورك

[كرامة]

بصراحة أنا أختلف معكم
لأن المرأة الذكية هي إللي بتعرف إشلون تبني بيتها مو تهدو بإيدها
وصبرها بيعني قوة وتضحية مع بعضهم
في حكمة بتقول قليل من الغباء ضروري لتوازن الأمور
يعني إذا كان الزوج أناني مو لازم تكون الزوجة أنانية مثلو وبالأخص لو كان في أبناء
والزوجة الزكية القوية بعقلها هي إللي بتعرف إشلون تخلي زوجها يندم وما يطلع لبرا
القوة بالعقل ياجماعة مو بالفضايح
وسامحوني على الإطالة
:z023:

[الصقرالحنون]

بصراحة أنا أختلف معكم
لأن المرأة الذكية هي إللي بتعرف إشلون تبني بيتها مو تهدو بإيدها
وصبرها بيعني قوة وتضحية مع بعضهم
في حكمة بتقول قليل من الغباء ضروري لتوازن الأمور
يعني إذا كان الزوج أناني مو لازم تكون الزوجة أنانية مثلو وبالأخص لو كان في أبناء
والزوجة الزكية القوية بعقلها هي إللي بتعرف إشلون تخلي زوجها يندم وما يطلع لبرا
القوة بالعقل ياجماعة مو بالفضايح
وسامحوني على الإطالة
:z023:


والله ياختي انا معك تكيد الزوجة اذا صبرت على زوجها مع شوي اهتمام

وتحاول باسلوبها تعرف شو الي مخلية يكون هيك راح تنجح والله مع الصابرين

بس كمان في ارجال شو ماعملت الزوجة بيتمو راكضين وراء عاداتهم السيئة

شكرا لنقاشك