مارأيك في أن تكون مديرتك أمرأة ؟!

[En.Khaled Alfaiomi]

السلام عليكم أخوتي وأخواتي

حبيت ناقش ها الموضوع الحساس كتير :z06:

أنوا تكون مديرتك في الشركة أمرأة ؟

وتكون الأوامر والخطط كلها صادرة عنها؟

ليش مجتمعنا بينعار في كثير من الأحيان من المرأة الموظفة أو المسؤولة أو المديرة؟


مع أنوا تبدع في كثير من الأوقات أكثر من الرجل؟


وأمانتها في العمل أكثر !


ومن الممكن أنها حصلت على شهادات وخبرة أكثر منه ؟

مارأيك كذلك في المشرفة أو مديرة الموقع أن تكون فتاة أو أمرأة؟


والكثير منا يشاهد معنا في الموقع نشاط الصبايا وأبداعهم معنا؟


وهل سيبقى مجتمعنا العربي رجولي؟ فقط؟


أترككم لتعليق معنا

ولكم مني كل الحب والأحترام:z025:

[ريماس]

يعطيك العافية استاذ خالد لطرحك لهالموضوع المهم

سأترك تعليقي لاحقا لأرى تعليق الاخوة

وبتمنى من الجميع المشاركة وئبداء رئيهم بصراحة

تحياتي لكم جميعا :z025:

[En.Khaled Alfaiomi]

ياهلا أختي رورو ..

في أنتظار مشاركة الجميع :z023:

[عزيز]

يعطيك العافيه عالموضوع الجميل حسب انا مو متاقلم مع الدوله اللي انا مقيم فيها وهي الكويت وهون بالاف المديره تكون امراه والامر اقل من عادي وبسيط جدا والامراه اذا صارت مديره راح تكون جديره بهالمنصب فيكون الامر مفضل لبعض الناس منشان الانحيازات لانو بالذات المراه ما تستلم المنصب الا عن جداره انا بالنسبه لي الامر عادي واقل من عادي ورغم هيك الحمد لله ما عندي اي مدير انا مدير نفسي

[شاهر]

موضوع جميل
بنسبة اذا بتكون أمراه هي المديره للعمل يلي بشتغل في انا
بشتغل عاده ماعندي مشكله اذا بتكون ناجحه بالعمل والادارة

[شيخ العرب]

شو فيها !!!!

اذا كانت امرأة متعلمة ومثقفة وذات شخصية قيادية وقادرة على ادارة العمل ..
وذات خبرة .... ما عندي مانع

وحتى الآن انا مدير حالي

ومدير ظهري لأي وظيفة أخرى

[SHARIEF FATTOUH]

ههههههههه
بصراحة التعليقات من الشباب أعجبتني
يعني ما فيها شي أنو تكون المديرة امرأة
طبعاً إذا كانت جديرة بهالشي و إذا كانت الشخص المناسب في المكان المناسب
أنا بالنسبة ألي بحب قول الرجال قوامون على النساء بس كمان في تطورات صارت جديدة يعني في أمور الرجال ما بيعرفوا فيها متل النساء
و أحياناً بتكون المرأة بهيك موقع أفضل من الرجل
فأنا من وجهة نظري لا ارى أي مانع من أن تكون المديرة امرأة
و طبعاً أكبر دليل على حديثنا متل ما حكا الاستاذ خالد : أنو نحنا عنا بالموقع كم من الصبايا، و عم نشوف منهم ابداع رائع بالعمل و بالاشراف والادارة
تحياتي للجميع صبايا و شباب

[حسام.ز]

المشكلة يا صديقي مو انو تكون مديرتي او لا يعني ما بتفرق كتير
المشكلة انو كون انا خبرتي اكتر وثقافتي اكتر وشهاداتي اكتر ومع ذلك تكون هية مديرتي يعني معينينها لاسباب انتو بتعرفوها بلا مانذكرها وبصراحة هي بتحصل كتير

شكرا

[king-of-nothing]

أنا عادي ما عندي مشكلة ... والحمد لله أنا من النوع اللي بترك انطباع حلو بالشغل فسواء مدير أو مديرة رح يعجبهوم البرفومانس تبعي


King of Nothing

[عاشق الوطنية]

والله يا اخي خالد بلنسبة الي ما في مشكلة طالما عم اشتغل وعم أدي كل واجباتي الوظيفية فما بهمني شو جنس المدير عندي
سواء ذكر او انثى
بلنهاية انا عم اشتغل شغلي
واخد اتعابي

[الصقرالحنون]

اكيد مافي مشكلة

وينطبق عليها كل مواصفات المدير الرجل

اقصد حسب تعاملها تكون الراحة ولكن بالنسبة لكونها امراة الامر عادي جدا

شكرا استاد خالد