ساعدوني جزاكم الله كل خير [الأرشيف] - ملتقى المغتربين السوريين

حقوقي

09-08-2010, 06:44 AM

السلام عليكم....انا خريج حقوق ((نظام التعليم المفتوح من جامعة دمشق)) واود الاستفسار عن فرص إكمال الدراسة في إحدى جامعات بريطانيا المعروفة والمعتمدة في سوريا .....ممكن توضيح معدلات القبول للدراسات العليا في مجال الحقوق وارخص الجامعات وافضلها ورسوم التسجيل وكل المعلومات اللازمة وطرق المراسلة واكون لكم من الشاكرين

((الدال على الخير كفاعله))
ارجو الإجابة بسرعة ولكم مني كل الشكر
السلاااااااام عليكم جميعاً

Sanaa

09-09-2010, 12:23 AM

أولا أهلا و سهلا فيك ... بصراحة أنا ما عندي معلومات عن اختصاصك

و التكاليف بشكل عام بتختلف من جامعة للتانية ... و من اختصاص للتاني

بس إنت فيك تحصل على هالمعلومات من خلال المواقع الرسمية للجامعات البريطانية

أهم شي بداية ... تبحث عن اختصاصك الدقيق ... لأنه أحيانا الاختصاص العام بيكون موجود ... بس الاختصاص الدقيق لاء

بعد ما تحدد اختصاصك الدقيق و تبحث عن الجامعات يلي بيتوفر فيها الاختصاص ... بتفتح على موقع الجامعة و بتحصل من خلالها على كل المعلومات اللازمة ... أنا رح أعطيك روابط لبعض المواقع ... من خلالها ممكن تبحث عن الاختصاص المطلوب :

UCAS - 2011 Course Search - international applicants (http://www.ucas.ac.uk/students/coursesearch/2011searchint/)

British Council | Education UK | Home Page (http://www.educationuk.org/)

courses: evening classes part time courses: undergraduate postgraduate courses (http://www.hotcourses.com/community/homePage.jsp?x=16180339&y=&a=0)

بعد ما تحدد الجامعات يلي بيتوافر فيها الاختصاص ... بتحاول تطلع على موقع كل جامعة

طبعا بتختار " POSTGRADUATE " و بعد هيك بيطلع عندك الكورسات المتوافرة

حدد الكورس المطلوب ... و رح تحصل على كل التفاصيل المطلوبة المتعلقة بهاد الكورس

إذا عجبك الكورس ... بتختار " APPLY ONLINE " ... الخطوات سهلة مو صعبة أبدا

لازم تملا الــ " APPLICATION FORM " ... و طبعا بيطلبوا منك وثائق معينة " نسخ الكترونية "

لازم تكون مجهز الوثائق مسبقا

بشكل عام المراسلة مو صعبة أبدا ... بس بدها شوية وقت

و الحصول على قبول ... كمان مو كتير صعب ( كل جامعة عندها شروط معينة )

هلأ فيك كمان تراسل من خلال مكاتب متخصصة بهاد المجال ... بس بصراحة أنا فيني فيدك بموضوع المكاتب لأنه ما جربتها

الشي التاني ... المجلس الثقافي البريطاني ممكن يفيدك كتير ... و حاليا في اتفاقية بناء القدرات مع بريطانيا

المسؤول عنها المجلس البريطاني ( بس بصراحة ما بعرف إذا بتقدر تقدم عليها أو هي خاصة بالمعيدين )

ع العموم فيك تسألهم ... كتير ممكن يفيدوك

بدي قلك شغلة ... كتير مهم موضوع اللغة ... ببريطانيا بيطلبوا مستوى عالي من اللغة ( توفل أو ايلس )

هلأ إذا إنت معك إحدى هدول الشهادتين بيكون كتير ممتاز .. إذا ما معك مو مشكلة بيعطوك قبول شرطي " CONDITIONAL OFFER "

ريثما تحصل على المستوى المطلوب ... بس أنا بنصحك تبتدي من هلأ تحضر للغة ( قبل ما تحصل على قبول )

لأنه اللغة بتاخد وقت

إن شاء الله تكون المعلومات مفيدة إلى حد ما

إذا عندك أي استفسار خبرني ... و إن شاء الله بقدر جاوبك ضمن حدود معرفتي

بالتوفيق إن شاء الله

تحياتي