سؤال يستحق التفكير ؟

[Abu anas]

بياض الثلج كانت ساكنة مع 7 شباب



روبن هود كان حرامي

طرزان بيتمشى شبه عاري


سندريلا للساعة 12 و هيه دايرة برات البيت .

طيب اذا هي هيه القصص يللي ربونا عليها


ليش مستغربين انو جيلنا طلع فلتان

[عزيز]

وكل الله يا رجل واحمد ربك طلعت من خير امه وكلاماك فيه انتقادات كثيره بس رغم هذا يعطيك العافيه ونتظر مواضيعك باساليب ارقى انتا لما تقول الجيل فلتان يعني تبدى من ؟؟؟؟؟؟ الى؟؟؟؟؟ واحنا مو مثل هيك

[Abu anas]

ليش مين حكي عليك أخي عزيز
:ndm:

[king-of-nothing]

هلأ أكيد في شي سمعة ولا قصة سمعانها ماهر بيك ... أنا معك الجيل الجديد وقح ... وطبعا هاد مو الكل نحنا عمنحكي عالمعظم ... للأسف

بس هات لضوف شوو اللي طااققلك روحك هيك
:z025:


King of Nothing

[دمعة فرح]

ههههههههه سؤال محير .. طبعا مو كل الجيل فلتان .. بس هي بتظل قصص ما إلها أي تأثير على واقعنا .. لأنو فيه أسباب أقوى خلت
الجيل يكــون فلتان .. وبرجع بقول مو الكل .. الدنيا لساتى بخير ..
شكرا أخ ماهر على طرحك

...

[Abu anas]

كلامكون صحيح يا كينج و يا دمعة فرح بس هالاثار الصغيرة إذا كترت وبظروف معينة بتصير ذات أثر كبير و لما العين بتشوف منظر حرام مرة بعد مرة بيصير صاحب النظرة يفعل هذا الحرام لأنه اعتاده

[Abu anas]

كلامكون صحيح يا كينج و يا دمعة فرح بس هالاثار الصغيرة إذا كترت وبظروف معينة بتصير ذات أثر كبير و لما العين بتشوف منظر حرام مرة بعد مرة بيصير صاحب النظرة يفعل هذا الحرام لأنه اعتاده

[M-AraBi]

حكيك صحيح أخي ماهر

بس نحنا بناخد العبرةمن القصة موشرط الهيئة
وكمان نحنا لمانحكيها لولد صغير هذا مابيروح فكره مثل مانحنا بنفكر هو بياخد الأحداث والعبرةوفقط

وشكراً لطرحك الجميل

[أحمد فرحات]

انا من ناحيتي مو لحق ع جيلالجديد لحق على يلي عم يبني الجيل

[السكون]

اخي ماهر

انت اخدت الجانب السلبي من القصص

وتركت الجانب الايجابي

يعني سندريلا كانت مظلومة

وعم يبينوا ان الظلم ليس جيد ولا بد انها

تفرج بأذن الله


وطرزان ماشي عريان لانو عايش بغابة مع الحيوانات


وقصة طرزان شبيه بقصة

شداد الي كان على زمانو نبي الله هود

تعرف هي قصة غريبة وعجيبة

ياريت اطالعها من قوقل

000


وبالنسبة لروبن هود ما كان قاطع طريق

كان يسعى لرفع الظلم

ومحاسبة الظالم




ودمت بخير

[king-of-nothing]

يا عمي بكل الأفلام ... كلها رسايل وازا قربت الزوم والله رح يجيلك صداع يا ماهر

يعني أبسطها فيلم the karate kid انو أد الفجلة 14 ولا 15 سنة بيتعرفو على بعض وتبويس عادي الموضوع جدا بالنسبة إلهوم ... .... فلا تكبر الزوووم معلم

وشغلة سندريلا مع سبع شباب .... ازا أقزام عادي :z027:

يا رب استر علينا


King of Nothing

[عاشق الوطنية]

:z027::z027:

والله استاذ ما هر بشكرك على جرئتك

بلنسبة لأنو ناخذ الشي المنيح من القصة مو غلط بس كمان في شيء سيء بلقصة رح ناخذو لأنو نحنا صغار وما من ميز بين الصح والغلط هي بلنسبة للأخ مان والسكون

واذا كان هيك كان الأولة يا شباب تاخدو العبرة من موضوع الأخ ماهر بدل ما تنتقدوه فهاد الشي يلي عرضو علينا مجرد مثال واذا بدنا ندخل بلتقاصيل ونكبر الزوم على قولة الأخ مؤيد بدو يوجعنا راسنا كتير فالأفضل نحاول نصلح من أخطاء غيرنا ونربي ولادنا على اصول الدين أفضل ألنا والكون

وشبكون يا شباب ما صدقتو موضوع خرج ينتقد صاحبو بلشتو عليه رشأ خليكون دراكاً احسن

وهاد رايي من وجهة نظري ومشكور اخي ما هر موضوعك جدا
ً رائع
:z025:

[Abu anas]

شكراً يا عاشق الوطنية
الله لايحرمنا من أمثالك للدفاع عن هالعبد الفقير
المشكلة إنو الناس ما عم تقدر إنو البيئة اللي تربينا فيا غير البيئة الحالية
و إنو لو ربينا أولادنا بنفس طريقة اهلنا فرح نخسر أولادنا
و بالأخير شو منقول هالجيل نازل من بطن أمو مفتح و شاقق الأرض و طالع و لا بيفكروا بالسبب بس المهم نرفع المسؤولية عن حالنا و كأني الولد لازم يتربى لحالو بدون ما يتعبنا
:z06:

[غياث]

فعلا جيييييييييييييييييل بخوف صايررررررررررررررررررررر تعو شوفو شو عم يصيررررررررررررررررر احداث ما تصير الا بي الاغراب الخيال عم يساويها هيدا جيل اخ ماهر بحييك على جرائة كبيررررررررررررررررررررررررررررررررررررررررة هيييييي ياغالي

[Abu anas]

شكراً أخي غياث على التعليق
عشان هيك لازم نكون حريصين كتير و يفضل نكون قاعدين مع أولادنا و هنة عم يحضروا برامج الأطفال
:z028:

[king-of-nothing]

ماهر بيك لك ما عاش اللي ينتقدك أخي


ويسلمو على هالطرح هاد


King of Nothing

[Abu anas]

شكراً يا كيبج
أتقبل النقد بكل صدر رحب
إن شاء الله ما انحرم من أمثالك
:z029:

[الهكر]

ماهربيك بتعجبني بمواضيعك واحتدادك عليها الجيل عنجد غير الجيل الأول اساسا الجيل هلق عنجد اغلبو مفسد يعني يلي بزمانا كان يساوو يلي عمرن 50 سنة هلق بتلاقي يلي عمرن 15 حافظينو بصم الواحد لا يزعل يعن ماهر وقت حكا بهاد الموضوع من حرق البوا على الجيل مشكور اخي ماهر تقبل مروري ما يبلا الجريء

[لولو الصغيرة]

أنا مع السكون بكلشي آلو
ومو كلشي بالقصص سلبي ولا ممكن نحنا نتأثر بالجانب السلبي
ونترك كلشي اجابي

بعدين هي قصص طفولية بريئة يعني الأطفال مارح يقولو سنو وايت مع سبع شباب
كانت القصة أقزام مختلفين الأعمار مضحكين وأجتهم كأخت كبيرة مساعدة

موكلي بقصتو مارح يلبس طقم وكرافة طبعا هوي ولد وعاش وتربى بالغابة مع الحيونات

وأكيد مو كل الجيل فلتان الحمد لله في عندنا شباب بنسبة كبيرة
ماشاء أخلاق وعمل ودين وأدب بس هدول بحياتنا مابيلفتو النظر كتير
بيلفت نظرنا الفلتانين فقط

روق لسا الدنيا بخير أخي ماهر

[Abu anas]

الغاية لا تبرر الوسيلة يا السكون
:z06:

[Abu anas]

لولو أنا مروق
بس الحق حق
:z06:

[ابو عمر]

اسئلة تستحق التفكير بالفعل ...

نقاش حلو بين الاعضاء ...
ولكل وجهة نظر ...ولكن الحق يقال :
لا تصلح هذه الامة الا بما صلح اولها ...
فلو كان هذا الجيل على عهد رسول الله
هل كان ليرضى عنهم ....!!
هل كان ليربت على اكتافهم ويقول
معليش بعدهم صغار ...!!؟

يا جماعة والله هالجيل ...
جيل الرقص والفقص ... و ....
ماهو جيل مبشر بالخير

وجهة نظر

مشكور استاذ ماهر ... دمت مربي

[Abu anas]

شرفت ابو عمر
للحقيقة رأيي اعتمد على ثلاثة أشياء:
أولاً _ حكم الشرع
ثانياً _ خبر تي كمربي كما يعلم بعض الأعضاء
ثالثاً _ الواقع الذي اراه في بلدي و في جميع البلاد التي أسافر إليها
شكراً لرحابة صدركم و تفهمكم
:z028: