لعبة تحطيم الأمنيات والأحلام....( إحباط معنوي )..

[ريماس]

أنا بصراحة لئيت هاللعبة في منتدى ثاني .... عجبتني كتير

لأنها ماهي لعبة متل اي معظم الألعاب...كلها إحباط وتخريب معنوي :z019:


عشان ما أطول عليكم
اللعبة بسيطة جداحداجدا



كل واحد فيكن يكتب أي شي هو نفسو فيا

رح اجبلكم مثال

مثلا..

"أنـا نـفـسـي أتـفـرج عـلى الـحلـقة الأخـيرة من المـسـلـسل الفـلانـي"


يقوم يجي اللي بعده ويحطم أمنيته ويئول مثلا..

"يـا رب كل التـلـفزيونـات تـنـفـجر والإرسـال يـنـقـطـع وكل القـنوات الـلي بـتـعرض الـمـسـلـسـل تـعـلن إفلاـسـها"

وبعدا يكتب امنيته ..


:z027:هههههههههههههههههههههههههههههههههههههههههههه ه:z027:

هي ضحكة بطول والعرض

شو رئيكم وبتمنى تنال اعجابكم

رح ابدء انا

يلا ...

نفسي اطلع البحر اليوم

[عاشق الوطنية]

:z027::z027:
حلوى رورو مقبولة جداً
يلا خلينا نبلش

(انا نفسي شيل لوحة مفاتيح جهاز العضو يلي بعدي وكسرها فوق راسو قبل ما يفكر يحطم امنيتي)

[وردة شامية]

بسم الله الرحمن الرحيم


اي الحمد لله انا ما عندي لوحة مفاتيح
جهازي على التتش يعني لمس:z027:

جاي على بالي اركب طيارة (للشام دايركتلي بدون توقف)

حلو الموضوع و كتير مهضوم يا حلوة

[الصقرالحنون]

يارب الطيار بيضيع الطريق وبدل مايحط بمطار دمشق يهبط بمطار طرابلس ليبيا ههههههه

امنيتي اشرب ارقيلة بدون ماحد يعكر مزاجي

[وردة شامية]

بسم الله الرحمن الرحيم


اي يا رب بيدقوا عليك كل عيلتك
و بيجيبوا معهم ولادهم و بتعلق هيك
بين نسوان اخواتك و على صراخ وولاد
و بيجوا الجيران ليفكوا بيناتهم و خود على وناسة

اركيلتك على عيني انا بساويلك ياها
بس رح حط بالمي (حبة مسكن) منشان تروق تمام

ما علينا.........

امنيتي نام و احلم احلام حلوة كتير كتير

[ريماس]

شكرا لكم جميعا عالمشاركة

واتمنى الاقي تفاعل اكتر واكيد رح ننبسط ونضحك اكتر

مع مزيد من تحطيم الامنيات :z027:

[السكون]

ياريت يجيكي كوابيس وافلام رعب واحلام فايتة بالحيط

نفيقي مرعوبة وما تلاقي طاسة الرعبة

ولا تلاقي حدا يقول بسم الله عليكي

وتصحي تلاقي حالك بصحراء سيبريا

متجمدة من البرد

ههههههههههههه

العما انا شو لئيم


انا بتمنى وردة شامية ما تقرا ردي

هههههههههه

[ريماس]

ان شاء الله تجي وردة شامية وتقرأها

وتعصب عليك وتئتلك :z027:

انا نفسي اكل ايس كريم :z036:

[السكون]

ان شاء الله ما يضل ولا بياع ايس كريم

ويخرب المعمل والمدير يفلس

وينخرب بيت العمال ويتشردو بالشوارع


وما يلاقو شغل ويصيرو يشحدو


كلو مشان ما تاكلي ايس كريم


كيفك فيا -- ابو شملة


انا بتمنى افيق الصبح بكير


هههههههههههههه

[دمعة فرح]

يارب منبه الموبايل يخرب .. وكل الساعات الي عندك تخلص بطاريتن .. وتتأخر عشغلك :z027:
انا بتمنى اتنفس منيح :z09:

[ريماس]

دمعة فرح روحي عالمحيط وخديلك شوط فيه لتحت وتنفسي

وطبقي اغنية عبد الحليم حافظ

اني اتنفس تحت الماء :z027:

انا نفسي اركب بالمرجوحة :z019:

[دمعة فرح]

لا والله بدي غني اني اغرق :z027:
يارب توقع فيكي المرجوحة .. وتنكسر ايدك ورجلك وتنخلع رقبتك .. ويجوكي خطابة ويشوفوكي بهالحالة ومو باينة من الجبصين ( الرجل الخفي ) :z027:

انا ما بتمنى شييي :ndm:

[السكون]

ياريت يا دمعة تلاقي الفانوس السحري

وتفركي الفانوس ويطلع المارد


ويقلك اذا بيوم من الايام ذاقت عليكِ الدنيا

وخانوكِ اصحابك وشلتي الهموم

والدنيا صارت صغيرة وفلستي

وما بقى قدامك الا تفركي الفانوس

لاطلع ولبي طلبك

بقى ريحي حالك ولا تفركي الفانوس

لانو مو ناقصني مصايب

ومشاكل الي فيني مكفيني

ههههههههههههههههههههههههههههه


انا بتمنى كل النت بالعالم يخرب

وتفيقوا الصبح ما تلاقو اي نت ابدا


ههههههههههههههههه

[ريماس]

لا والله بدي غني اني اغرق :z027:
يارب توقع فيكي المرجوحة .. وتنكسر ايدك ورجلك وتنخلع رقبتك .. ويجوكي خطابة ويشوفوكي بهالحالة ومو باينة من الجبصين ( الرجل الخفي ) :z027:

انا ما بتمنى شييي :ndm:



شو هاااد يبعتلك الهناااا :z027:
تريدني اتكسر شلون اتزوج بعدين :z027:
بعمر الخطابة مارح طلع بخلئتي :z027:

بعدين لازم تتمني دمعة فرح

يالله انا رح اتمنى

اتمنى اممممممممممممممممممممم

اتمنى اسافر على ماليزيا

[king-of-nothing]

لا لا أنا ما رح العب أفكاري كتير شيطانية ما رح تقدرو عليها :shrer:
رح اتفرج واتضحك خليني جيب بوب كورن وكولا واتفرج عليكوم

King of Nothing

[دمعة فرح]

ياسكون يارب تفيق الصبح تلاقي الديسك توب ممسوح كلو والكمبيوتر ولعان ومدخن .. قال فانوس قال

king حدا قلك الفرجة ببلا ش اتمنى احسن الك .. انا بتمنى رفيقتي الي على الميل تحل عني :z027:

[ريماس]

دمعة فرح انشاء الله رفيقتك ضل بخلئتك وضل تبعتلك رجاج يرج شاشتك وتهلكك :z027:
وبلاخر تعمليلها بلوك وديلت :z027:
انا نفسي اكل تفاحة صرلي زمان مااكلتا :z027:

[دمعة فرح]

تحققت امنيتي راااااحت :z027: .. طقي يارورو

يارب يخلص كل التفاح الي بالسعودية وما بتظل ولا تفاحة .. بس تفاحة وحدة .. وتكون خربانة وتنجبري تاكليها :z027:

انا بتمنى تخلص قهوتي .. صرلها 3 ساعات ماعم تخلص :ndm:

[ريماس]

معناها ان شاء الله تتشردئي وتنكب القهوة وتقوم تخلص القهوة وهيك بتكوني ارتحتي :z027:

انا نفسي اركب خيل :z09:

[أحمد فرحات]

....................

[أحمد فرحات]

معناها ان شاء الله تتشردئي وتنكب القهوة وتقوم تخلص القهوة وهيك بتكوني ارتحتي :z027:

انا نفسي اركب خيل :z09:


ان شاء الله بتركبيه وبتوقاعي منو وبيدعس عليكي

انا بتمنا يخرب الموضوع ورور تموت قهر لحتى اسمح بتصليح الموضوع انا

[king-of-nothing]

....................


شو معلم شايفك انت اللي غصيت واتشردئت مو دمعة


:z027:

King of Nothing

[السكون]

ياريت الخيل يصير من الزواحف متل السحالي


وما تقدري تركبي خيل ابدا


ورقية ياريت قهوتك يوقع فيها ذبانة مقرفة :z027:


انا اتمنى السحالي بالمنتدى يصيروا تماسيح


والتماسيح يصيروا سحالي

لنشوف شو رح يصير

ههههههههههههه

[وردة شامية]

بسم الله الرحمن الرحيم




التماسيح لو صارت سحالي
رح تخرب البيوت و تصير وسخة و منأنشحة
و رح يصير وباء الوساخة و يرجع الطاعون
و تكتر الكوليرا و بيصير العالم منطقة محظورة
و رح تخرب ترباية الاولاد و يخرب النسل
و العالم كله رح يدمر و رح تهرب السحالي للقمر لحالها
و تترك درب التبانة...........للدبانة



ووقت السحالي بتصير تماسيح
لاح تحكم البلاد و تصير في حرية
و رح ترجع فلسطين حرة ابية
و رح يعم السلام بكل الدينا و منشم
عبير الورد و الحرية بكل مكان
و رح تتحضر الدنيا و تتعمر و يبطل
في حزن ولا دمع ولا هجر ولا شوق و حرمان
رح تعم المحبة و الانسانية و الضحكة بكل زمان


ال تماسيح ال


ما علينا..........


بتمنى اني روح للبحر و اركب قارب .........واشكي هممي






(ملاحظة صغيرة)
(يا ريت لا تقولوا ان شاء الله على الدعاوي
لانه بجد رح يصير دعاء و مأثومين عليه
كل كلمة منكتبها محاسبين عليها لهيك ما تقولوا ان شاء الله
قولوا رح يصير او بتمنى او اي كلمة الا الدعاء
صحيح عم نمزخ بس عند رب العلامين ما في مزح)


الســـــــــكون

شو منشان لازم تتوضأ باللبن
دير بالك هه لو انته سكون
انا وردة بشوك
و طاسة الرعبة
انا ما بشربها بشربها لغيري
و الكوابيس بخلي غيري يحلم فيها:z036:

بيقولوا قبل ما ماتوا اهل زمان
لا تلعب بالورد بيشك قلبك
ايوه:z060:

[السكون]

ياريت القارب يتكسر

وما تبقى منو شقفة

وادوري على قشة متل ما بيقول المتل الغريق بيتعلق ما بعرف وين

واهل المتل قالو عصفور بالايد اكلتك الذئاب

وينشف البحر والرمل يصير متل النار وانتي حلفية

وتلاقي قدامك هموم اكبر من همومك

وما تعرفي شو تشكي ولا ما تشكي

----


وردة ملاحظتك بمكانها وكلامك صح

لانو رح تكون ضمن الدعوات

مشكورة على التنبيه

-----

انا اتمنى الاقي الكنز المدفون بالجزيرة الضايعة

ههههههههههه

[وردة شامية]

بسم الله الرحمن الرحيم


اي رح تركب القارب و كون لاحقتك بالقارب التاني
و تلاقي الجزيرة و تلاقي الكنز بس من فرحتك
رح تجيك سكتة(بعيد الشر) و رح توقع من طولك

و بعدين انا بجي و باخد الكنز و بدق
911 منشان يحملوك على نقالة لمشفى
لو في بالروح بقية

ما علينا..........

بتمنى الكنز يلي لقيته اشتري فيه كل الدنيا

[السكون]

ياريت الدنيا تخرب وتقوم القيامة

وما تلحقي تتهني بالكنز

انا الاقي الكنز وانتي تاخديه

ياريت يطلع الكنز تنك مصدي وحجر وما بعرف شو


وتتفاجئي وتجيكي صدمة

وافيق وانا بالمشفى اشوفك على السرير

الي حدي متشنجة من الصدمة الي اكلتيها

ههههههههههه


انا بتمنى اكون علي بابا ويكونوا

الاعضاء الاربعين حرامي

هههههه

[وردة شامية]

بسم الله الرحمن الرحيم

اي ريتهم الاربعين حرامي يخطفوك
و يلحشوك بصحراء نيفادا
بدون اكل و شرب و تضيع و ما تلاقي
ولا ساين تدلك على الطريق
لكن مصدي..........و ما اتهنى؟؟؟
شو اسي يا لطيف



بتمنى هيك تجي المراية السحرية و تقلي
شو اسمه حبيبي

[السكون]

ياريت تلاقي المراية السحرية


وتساليها عن اسم حبيبك

وتطلع المراية خرسة ما تعرف تحكي

وتأشرلك تأشير

وما تفهمي عليها شو عم تقول


وتبقي بحسرتك وما تعرفي اسم حدا ابداااااااااااا


وبعدين توقع من ايدك وتتكسر

هههه


انا بتمنى اخد الجنسية الحمصية

[ميدو المشاكس]

ههههههههههههههههههههه

يارب تاخد الجنسية الفلبينية احسن لك

من الحمصية مشان ما كل يوم تسمع نكتة عنك


انا بتمنى انو يخرب جهاز رورو

[السكون]

ياريت يخرب جهاز رورو

ويجيها جهاز هدية احسن منو


انا بتمنى يصير ميدو العاقل

بدل ميدو المشاكس

ههههههه

[ريماس]

ياريت يضل ميدو مشاكس مشان يضل ينئط بخلئتك ويرد على امنياتك ويحطما:z027:

انا نفسي اضرب حدا كفين على خلئتو :z027:

[ميدو المشاكس]

يا رورو يارب تنئلب عليكي امنيتك بالعكس

ويجي حدا يلطشك كفين يلزء وشك بالحيط ويخلي سنانك يمشو ئدامك مسيرة

انا امنيتي انو اتجوز

[ريماس]

ياريت تتجوز وحدة دبة وزنا 500 كيلو وشعرا منكوشين نكش وسنانها فرق وسودة محنشة تخليك من وراها تفكر انك تتجوز مرة تانية :z027:

انا بتمنى اعض طفل مولود :z09:

[M-AraBi]

أنا ما رح حطم هي الأمنية لأنه عرسك أنا ساويه
لأنه رح يكون زواج قبرصي وزوجتك رح تكون من أحدى اعضاء الموقع يلا حاطين صورهم من كم يوم بمنتدى الضحك (يعني وجة معرفة مو شلون ما كان)

وانا أتمنى أن يكون الموقع أفضل موقع بالعالم ويحتل مكان جوجل بالصدارة

[king-of-nothing]

:z027:

حدا بدو بوب كورن :z032:




King of Nothing

[دمعة فرح]

اي انا :z032: لأنو مو جاي عبالي اتمنى .. بس بدي اتفرج :z029:

[king-of-nothing]

اي انا :z032: لأنو مو جاي عبالي اتمنى .. بس بدي اتفرج :z029:


ههههههههههههههه

تعي عدي جنبي :z032::z035: :wub: إلبسي النضارة هاي ثلاثية الأبعاد ... هلأ سنان رورو لما يطيرو رح تشوفيهوم قريبين منك


:z027:


King of Nothing

[السكون]

تعضي طفل مولود

ياريت سنانك تتكسر وتصيري


تقولي ثامحوني مثان الله


وما يبقى عندك ولا سن


انا بتمنى رقية تشارك معنا وما توقف

تتفرج

[السكون]

الســـــــــكون

شو منشان لازم تتوضأ باللبن
دير بالك هه لو انته سكون
انا وردة بشوك
و طاسة الرعبة
انا ما بشربها بشربها لغيري
و الكوابيس بخلي غيري يحلم فيها:z036:

بيقولوا قبل ما ماتوا اهل زمان
لا تلعب بالورد بيشك قلبك
ايوه:z060:



وردة شامية


بسم الله عليكي شو صارلك


طولي بالك هو شئفة كابوس ليش مرعوبة



خلص انا بشربك من طاسة الرعبة


ولا يهمك

المهم الشوك الي بالورد يكون جاهز


هلا وغلا وردة

[دمعة فرح]

لا امنيتك مرح تتحق سكون .. انا وking عم ناكل ونتفرج .. بس هالنظارات حولوني :z01: بلاهن عمو ملك .. بشوف انا

[السكون]

تعرفوا الكل عم يضحك ومبسوط

وفرحان وبيلاقي حالو مرتاح بالمنتدى


بس الظاهر غير هيك

0000

اكتب ياقلمي وارسم البسمة

امام دموعي واستر الدمعة

ودعني استقي بفرح ولمة

قبل عودتي لجروح جمة

فدموعي تنتظر مفارقة الاحبة

لتنحدر كانها شلال بقمة

وتجرف بقايا قوة وهمة

وترجعني الى ذكريات ونغمة

واهات تحطمني بلا ذمة

واقول وانا بينكم يا امة

كلكم معنيين دونكم الكلمة

لقد ماتت على اعتابنا النقمة

واستولت على قلوبنا الرحمة

فأبقوا اخوة واخوات بذمة

ولا نريد ان يكون العار وصمة

تحابوا وتقاسموا بينكم اللقمة

واشكروا الله لما بكم من نعمة


0000

بقلم السكون


000

انا بتمنى تبقوا بخير اخوة واخوات

وتبقى المحبة مخيمة عليكم

ودمتم بحفظ الله ربي

[king-of-nothing]

:z027:


King of Nothing

[وردة شامية]

بسم الله الرحمن الرحيم



يا رب يا سكون تنقلب كل دمعة بالمنتدى ضحكة
و ينبض قلب العشق من جديد بكل خفة
و تضحك الدنيا بوش كل شب و صبية
و الورد مني الكم كلكم هدية


بتمنى انوقلم الحزن يلي بيكتب فيه سكون ينكسر

[الصقرالحنون]

انشاء تبيعو مشان مايخرب

:z027::z027::z027:

اتمنى يسود الخير بكل مكان وكل واحد السانو شبر بيقطو السانو

[دمعة فرح]

والله ياسكون معك حق .. بس عم نحاول ننسى او فيك تقول نتناسى وضعنا .. ونضحك شوي مع بعض .. سجل اعجابي بقلمك سكون .. لأنو فعلا قلم رائع

هلأ انا بتمنى King .. يضيفنا شي بالمضافة :z027:

[السكون]

انا لا اكتب حزني بقلمي

ضلعي بدمائي يكتب المي

ولا اكتب الحزن تباهي او لفخر

فهي خليلتي بالليل والفجر

دموع تنوح على ماقد يأتي

وجرح يشق دونما ادري

اوردة انتي لا تعرفي من اكون

اسألي عاشقاً واسألي الحنون

اسألي دمعة فرح قد تكون

تعرف كيف الغربة تكون

واسألي المؤيد واسألي رامون

واسألي ريماس عن دمع العيون

اسألي لولو الاخت الحنون

اسألي خالد وعمر من اكون

انا يا انستي الصغيرة ادعى


الســـــــــــكون

[king-of-nothing]

تعرفوا الكل عم يضحك ومبسوط

وفرحان وبيلاقي حالو مرتاح بالمنتدى


بس الظاهر غير هيك

0000

اكتب ياقلمي وارسم البسمة

امام دموعي واستر الدمعة

ودعني استقي بفرح ولمة

قبل عودتي لجروح جمة

فدموعي تنتظر مفارقة الاحبة

لتنحدر كانها شلال بقمة

وتجرف بقايا قوة وهمة

وترجعني الى ذكريات ونغمة

واهات تحطمني بلا ذمة

واقول وانا بينكم يا امة

كلكم معنيين دونكم الكلمة

لقد ماتت على اعتابنا النقمة

واستولت على قلوبنا الرحمة

فأبقوا اخوة واخوات بذمة

ولا نريد ان يكون العار وصمة

تحابوا وتقاسموا بينكم اللقمة

واشكروا الله لما بكم من نعمة


0000

بقلم السكون


000

انا بتمنى تبقوا بخير اخوة واخوات

وتبقى المحبة مخيمة عليكم

ودمتم بحفظ الله ربي





والله يا ابو إنيس اجيت عالجرح .... الله يخليك لا تنكوش فيه والله بينزف دم:z09:


King of Nothing

[king-of-nothing]

والله ياسكون معك حق .. بس عم نحاول ننسى او فيك تقول نتناسى وضعنا .. ونضحك شوي مع بعض .. سجل اعجابي بقلمك سكون .. لأنو فعلا قلم رائع

هلأ انا بتمنى King .. يضيفنا شي بالمضافة :z027:



:icon6: شو شايف مأضيتيها صلبطة :z027: .... :z032: بوب كورن بالكراميل معلم


King of Nothing

[ريماس]

معناها طلعت بخيل مؤيد :z027:
بما انو مافي حدا حاطط امنيتو رح احط انا

انا بتمنى اطير متل العصافير :z09:

[الصقرالحنون]

انشاء الله تطيري وجناحتك مابيشيلوكي
:z027:

وترتمي واجي انا بما اني صقر:z019:

اساعدك ورجعك على عشك واقلك اذا مو قد الطيران ليش اتطيري:z026:
امنيتي .. اكتب شي قصيدة اعبر عن الي فيني :z06: