شو الحـل ؟

[دمعة فرح]

بسم الله الرحمن الرحيم










طرحنا لليوم .. يتحدث عن واقع مرير ..











ماحدا مبسوط لا بالبلد ولا برا البلد












شبين من سوريا بالغربة :














قلو, يازلمة يالله شو مشتاق لسوريا وللشام ..لك يلعن أبو الغربة شو صعبة (الغربة صعبة كتير يابا).. لك مو مصدق ايمت انزل اجازة عل الشام..






رد التاني: لك اخ خخخ والله معك حق .. لك تضرب الساعة لي تركت فيها البلد واجيت .. قال شو بدي أمن مستقبلي وأخلص من العسكرية...






قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. تتذكر شو كنا مبسوطين .. كيف كنا كل يوم بليل نروح و نأركل بعد الشغل بباب توما .. ونعمرها بعدين بشي جبل صنين (سلطة فواكه عند رامز)..






رد قلو: ولا الشاورما عند الأغر والبرج .. ولا البروستد عند القصور... لك مشتهي فيق الصبح وحدا يقلي صباح الخير واشرب القهوة معو..






لك مافي ناس ما في بشر تحكي معها وتحس فيون ويحسو فيك..






الأول: قهوة شو وصباح شو.. لك اذا كان حظي حلو ممكن الهندي لي قاعد جنبي بالشغل يعبرني ويقلي كياليه (كيفك بالهندي)... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...






التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..






قلو الأول: لك تركها لالله .. مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على سوريا بتنزل العالم فيني أسئلة : كيف دبي ..أكيد مبسوط .. اوعى ترجع ها.. بشرفك دبرلي شغل..






ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي ساعدهون..






التاني: سيدي .. انت نزول وانبسط والله يمرق هالخمس سنين على خير..






الأول : قولتك رح ينزلو مدة الأغتراب؟






التاني : والله في هيك أشاعة ..






الأول: والله اذا بتتطلع صح.. الك احلى عزيمة عند موفق.. (محل مشاوي بالدويلعة)






التاني:ياربببببببببببببببببببببببببببببببببب.....














شبين من سوريا جوا سوريا:














الأول: لك الله يلعن أبو هالعيشة ..ماعاد فيني اتحمل.. زحمة وقرف وشغل بيهوي.. ومافي مصاري.. بدي سافر بي ايا طريقة ..بدي روح وشوف الدنيا وانبسط..






التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا أيا شي ممكن يخليك مبسوط .. ماني مرتاح بالشغل أبدا .. مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو حاطينو مدير ( مجرد نق طيعا متل كل الموظفين على ايا مدير) .. ياسيدي حمار معبا بي بنطلون..








الأول: ولا عنا نحنا.. الشغل بي اخر الدنيا .. بدي شي ساعة لتوصل بالسرفيس.. هاد اذا لاقيت سرفيس.. وياريت راتب متل العالم والناس .. انا خلص استويت ولازم لاقي شغل بالخليج .. يا أخي الحياة هنيك غير ..بسط ومصاري وسيارات وبنات ... يعني بتعيش حياتك..






التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن .






.انا رفيقي واعدني انو يدبرلي شغل .. ويارب تظبط معي..






الأول : انا مقدم السي في تبعي عل الأنترنت ومو مخلي موقع يعتب عليي... ومبارح عملت انترفيو مع شركة بدبي.. وقال بيردولي خبر بي هاليومين.. وشو ماعطوني رح اقبل.. لأنو اكيد بيكفي وزيادة..






التاني : الله يوفقك .. ويتخلص من هالعيشة.....






الأول :أمين...










بالنهاية : شو بدو يحكي الواح ليحكي الواح . اذا حكا الواح بيقولو الواح حكا واذا ما حكا الواح بيقولو الواح ماحكا... وشو بدو يحكي الواح تيحكي الواح..







بقــى شــو الحــل ؟؟

[ibrahem706]

ههههههههههههههههههههههه
والله كلامك صحيح

[ابو عمر]

من رضي عاش ....

ومتل ما بقولوا ازا الواحد مبسوط ببلدو ومرتاح من مجاميعو ...
فخليه أريحلو ...

وازا حيشا السامعين ماكل هوا ... يطلع يسافر .. بس مو على ولا شي ...

يعني نصيحة للشباب أقل من ألفين دولار لاحدا يطلع

[الصقرالحنون]

شكرا دمعة للطرح الرائع

نعم كل ماسلف من كلامك صح

لكن خير الأمور اوسطها أنا ندمت على غربتي

مع اني الحمد لله توفقت بس الي شايفة

الي حققنا بالغربة في كثير ناس متلنا بس عرفوا يتصرفوا

عايشين بنص اهلن وحققوا الي حققنا

يمكن اختلاف التفكير والاطباع الها دور يعني الواحد مافي

يجمع قرش ويحاول يأمن مستقبله الا أذا تبهدل

الواحد يعمل الي علية والباقي على الله

والحمد لله على كل حال وبالنهاية مكتوب ومقسوم كلشي

[لولو الصغيرة]

فعلا كلامك صحيح أختي دمعة
مشكورة عزيزتي يسلمو هديات

[ريماس]

والله كلامك صحيح دمع هيك صايرة عم تصير

لابيعجبنا عجب ولاصيام رجب :ndm:
هالشي ماحدا يقدر يحكمو إلا حسب الوضع يلي هو عايش فيه ..

شكرا كتير عالموضوع دموعة تقبلي مروري

تحياتي

[عاشق الوطنية]

مشكورة دموعة كلامك صحيح مية بلمية
يعطيكي الف عافية
:z025:

[دمعة فرح]

شكرا لمروركم اصدقائي .. ابو عمر الفين دولار مابتعمل شي هلأ :ndm:

وبالنهاية : شو بدو يحكي الواح ليحكي الواح . اذا حكا الواح بيقولو الواح حكا واذا ما حكا الواح بيقولو الواح ماحكا... وشو بدو يحكي الواح تيحكي الواح..

[Don.Ayman]

ازا الواح نقاق ما بيفيدو الواح التاني بشي

- يعني الواح لازم يطلع على الواح بعين الواح

- و الواح ازا ما بيقتنع بيضل طول عمرو عايش بالحسرة

يعني اهم شي يعيش الواح بمحبة هوي و الواح لانو المصاري مو كل شي -

تحيات رقيقة من واح متغرب

و دمتم

[السكون]

كلو ماشي


عمر ورح يخلص بغربة بالبلد

مبسوط زعلان


وما حدا اخد شي

[M-AraBi]

أول شي الواحد قبل ما يتغرب لازم يفكر ويشتغل ويجد مو ألو ما يصير بسن العكسرية أو بعدها يقول أنا بدي أتغرب بدون ما ينطحن بالحياة ويخوض فيها

فالحل بسيط وموجود يعني الي بيرضى بالوسط بعيش وبيكون مبسوط بس المهم يكون رزقه حلال

[دمعة فرح]

ازا الواح نقاق ما بيفيدو الواح التاني بشي

- يعني الواح لازم يطلع على الواح بعين الواح

- و الواح ازا ما بيقتنع بيضل طول عمرو عايش بالحسرة

يعني اهم شي يعيش الواح بمحبة هوي و الواح لانو المصاري مو كل شي -

تحيات رقيقة من واح متغرب

و دمتم


رأيك صحيح ايمن .. القناعة كنز ****نى (فالحة بالحكم )

شكرا لمرورك ..

[دمعة فرح]

كلو ماشي


عمر ورح يخلص بغربة بالبلد

مبسوط زعلان


وما حدا اخد شي




اي والله ياخال مافي شي بإيدنا ..
شكرا لمرورك

[دمعة فرح]

أول شي الواحد قبل ما يتغرب لازم يفكر ويشتغل ويجد مو ألو ما يصير بسن العكسرية أو بعدها يقول أنا بدي أتغرب بدون ما ينطحن بالحياة ويخوض فيها

فالحل بسيط وموجود يعني الي بيرضى بالوسط بعيش وبيكون مبسوط بس المهم يكون رزقه حلال



اكيد محمد .. شكرا لمرورك اخي

تحياتي ...

[كفاح]

15245كلامك صحيح15244هيدا الي صاير ....وشكرا15246 15247

[دمعة فرح]

15245كلامك صحيح15244هيدا الي صاير ....وشكرا15246 15247


العفو كفاح .. شكرا للمرور الجميل

تحياتي

[Dr.Hasan]

مشكورة عالموضوع
فعلا ما حدا رضيان

[دمعة فرح]

مشكورة عالموضوع
فعلا ما حدا رضيان


العفو دكتور .. شكرا لمرورك

تحياتي

...