مارأيكم بفكرة مجلة المغتربين السوريين ؟

[General Manager]

السلام عليكم

أقترح علي الأخ خالد بإفتتاح مجلة للمغتربين السوريين مجلة إلكترونية

ويتم تحويلها لنمط كتاب من نوع pdf

من الممكن عمل لها أعداد شهرية أو نصف شهرية

من الممكن تطوير الفكرة وعمل المجلة ورقية

بإمكان اي شخص الكتابة في المجلة ( ضمن شروط سوف نحددها )


فما رأيكم في هذه الفكرة وننتظر الإقتراحات


ملاحظة : عند إصدار الأعداد من المجلة سوف ترسل الى أكثر من 20 الف بريد ألكتروني وسوف تنشر بكثير من المنتديات الحوارية على شبكة الإنترنت


بالتوفيق

[الصقرالحنون]

مشكور استاذ عبدالله

دمت بخير

[دمعة فرح]

وعليكم السلام ...

فكرة حلوة كتير أخ عبدالله وممكن تفيدنا كتير

الله يوفقكم ..

[أحمد فرحات]

أفكار ذكية
تعمل على تتطوير الموقع
مع الموافقة
مشكورGeneral Manager (http://www.mgtrben.com/portal/member.php?u=1)

[ريماس]

يعطيك العافية استاذ عبد الله وشكرا كتير عالمجهود ..

وانا شايفة اقتراح استاذ خالد حلوة كتير وعجبتني الفكرة ... وبتفيدنا كتير ..

الله يوفقكم ويقويكم ..

تحياتي لكم:z025:

[En.Khaled Alfaiomi]

مشكور أخي عبد

مشكورين جميعاً

شو رأيكم نفكر بإقسام المجلة :

مثلا

قسم الثقافي
قسم الفني
قسم التكنلوجيا
غرائب
نصيحة


بتمنى نحط أفكار أي شخص عندوا مجلة وفيها تقسيمات ياريت يحطلنا أياها


في الإنتظار

[رامون]

انا رئيي مع الاستاذ خالد

خلي يكون عنا اقسام

لان هي مجلة ومن الواجب انو تكون مقسمة

[king-of-nothing]

والله شغلة يا حضرة جنرال


King of Nothing

[En.Khaled Alfaiomi]

ياشباب بدنا أقتراحات ..

أفكار للمجلة ..

أسماء الأقسام ..

[الصقرالحنون]

فيني اقترح عليكم بعض الاقسام منها
مقالات عامـة

زوايه ثابتة مثل هل تعلم

الخ ..

نافذة على سورية
تحكي عن المناطق السياحية
تحكي عن الصناعات السورية
الزراعة الخ .....
زاوية الصحة العامة
مثلاً ابداعات الاعضاء
وان شاء بنشوف شو بيصير معنا

[aramees]

استاذ General Manager (http://www.mgtrben.com/portal/member.php?u=1)



كفكرة هي رائعه جداا جداا

ومشوار الألف ميل يبدأ بخطوة سر على بركة الله

بقترح إزا كان رأيي بيفيد

إنو يكون بهالمجله جانب يتناول قضايا المغتربين السوريين من ناحيه كيفيه عيشهم ببلاد الغربه
ممكن انو نستفيد شغله من هيك انو هالشخص يللي مو ماشيه امورة تمام يمكن ياخد فكرة من زميلو المغترب ويرتب امورو من جديد من خلال كل شخص يطرح البلد يللي فيها مجال الشغل ومجال العيش فيها ومدى التأقلم هناك
وكمان منكون على اطلاع واسع المجال عن حيات اهلنا المغتربين وهيك شبه منكون على تواصل دائم معهم من خلال مشاركاتهم بحياتهم اليوميه

وكمان جانب اخر انو يتناول موضوع كتير شيق ومهم

يللي هوي موضوع الطب العربي والتداوي بالاعشاب كل عضو عندو تجربه بهالمجال يطرحها بالمنتدى
بشرط انو يكون عن تجربه واشقد مدى نجاحها معو

وايضا جانب اخر يتخصص ب مشاكل الشباب الاعضاء والصبايا كل شخص يطرح مشكله بتواجهو ومنعمل على طرح المشكله ومشاركه الاعضاء ومنشوف الاراء يللي بتتشابه ومنعملا على هيئه الحل الامثل لحل هالمشكله

قسم حل المشاكل

تقبل مروري عالموضوع استاذ جينيرال

وتحياتي

Aramees

[دمعة فرح]

افكار صقر واراميس حلوة كتير وازا ممكن كمان نحط قسم للترفيه ولو شي بسيط

تحياتي

[aramees]

وكمان أستاذ خالد

اجت فكرة عبالي

انو ليش ما يكون قسم صغير خاص فقط بالاغاني للاطفال بس

أغاني اطفال يكون عندنا مجموعه منيحه لاغاني الاطفال عالمناسبات

ونحنا بدورنا منقدر نجعل رصيد كافي من هالمكتبه فقط لاطفالنا الحلوين

وغير هيك منضيف بالمكتبه هي غير الاغاني يعني شريحه صور اطفال ودباديب واشيا متل هيك

هيك بيكون القسم حلو كتير وسدئوني ما حيفوتو ساعتا غير الكبار الاول

تحياتي

وشكرا الك دمعه لاثنائك على الفكرة

Aramees

[لؤلؤة البحر]

والله فكرة حلوة كتير ومشجعة لحتى يكون للمجلة مصدر الهام للمواضيع المفيدة مشكور

[سعودية]

حلوه الفكره
وزي ماقالو الأخوان والأخوات انو يكون فيه قسم اخبار سوريا (قضايا - صناعات وغيره ) قسم للترفيه والمسابقات وقسم للمقالات والخواطر والقصائد وقسم يتكلم عن اخبار المغتربين
وقسم يتكلم عن المشاكل وحلولها
وما انسى كمان انو لازم يكون فيه قسم يتكلم عن ماتوصل اليه العلم سواء في مجال الطب والاستكشافات او في مجال الالكترونيات
واذا فيه افكار جديده ان شاء الله ماراح ابخل عليكم

[طبيب جراح]

فكرة ممتازة
عموما المجلات معروفة بشكلها العام
ويمكن أن يكون لمجلة المغتربين خصوصية كونها مجلة للمغتربين ويجب أن يظهر ذلك جليا فيها
يعني قصص من تجارب معاناة ونجاح المغتربين
التركيز على مجالات النجاح والفشل وتبادل المعرفة في عالم الاغتراب
قسم خاص لأخبار سورية السياسية والاقتصادية والاجتماعية والفنية
وبالنسبة لقصة السياحة.. المشكلة عدم توفر أرضية سياحية أو خدمات سياحية ويبقى الحديث عن جمال البلد وعراقة الآثار مثل قصص الخيال العلمي
التركيز على معاناة المغتربين على النقاط الحدودية والمطارات وذكر قصص حقيقية ((لحفاوة )) استقبال الجمارك والجوازات للمغترب العائد لوطنه

وأهم شيء أن تكون المجلة ديموقراطية ومنوعة وأن لا تخضع لتوجه واحد أو رأي تيار أو شخص واحد ... يعني أن تكون بوسع الوطن وبحجم عوالم الاغتراب

وشكرا لكم

[ابن درعا]

فكرا حلوة بتساهم على الرقي والجمال للموقع
شكرا

[كفاح]

فكرة حلوة:z06:وبدها هيك....

[عاشق الوطنية]

مشكور اخي خالد فكرة حلوى وانا معى تنفيذها
وبخصوص الأقتراحات

بشوف انو ينعمل قسم عن فعاليات المغتربيين في مختلف البلدان
وفيه بيقوم كل عضو مغترب

بأعلامنا بأي فعالية بتقوم فيه الجالية السورية او العربية عامة
في البلد المغترب فيه
وبخبرنا بتفاصيلها

ونخصص صفحة بعنوان قصة مغترب

وفيها بيقوم الأعضاء بشرح قصصهم

في الأغتراب من وقت ما خطر على بالو الأغتراب ليوم الحالي وبشكل مختصر

وارسالها إلى رئيس تحرير المجلة وبيقوم رئيس التحرير بصياغة القصة بشكل ادبي

وكل عدد بينشر قصة جديدة

وبنهاية الصفحة بيقوم بكتابة اسم صاحب القصة


واذا بتخصص صفحة

تحت عنوان دليل المغترب

ومنقوم بوضع عناويين السفارات السورية في جميع انحاءالعالم متل مو محطوطة بلموقع

واكيد لازم زاوية لأهم الأخبار العالمية يلي حصلت خلال الفترة الزمنية بين العدد والعدد التالي

وفينا نحط زاوية غير ثابتة منحط فيها اي قرار بخص المغتربيين ومنحط نص القرار كاملاً ومنفتح فيها باب للنقاش بلقرار واهميته ومضاره على المغتربيين

بس بنفس الوقت اخي الكريم هيك موضوع

بدو مجهود من الأخوى الأعضاء ليدعمو الموضوع هاد لأنو بدو التزام

يعني اي خبر عن المغتربيين لازم نعرف فيه مشان نكون السباقين

بنشر اخبار المغتربيين يعني

لا زم اذا قررنا افتتاح المجلة نراسل اعضائنا النشيطين في مختلف البلدان
ونسألهم اذا هنن مستعدين يخصصو شي من وقتون للمجلة

لحتى نضمن انو كل عدد يطلع كامل مو ناقص شي

وخاصة الزوايا الثابتة

وانا جاهز لأي خدمة مطلوبة مني

حالياً هاد يلي ببالي واذا طلع معي شي ما رح ابخل بعون الله

ومشكور اخي عبد الله ياسين على طرحك للموضوع

ويداً بيد نبني سوريا الغد

تحياتي الحارة
اخوكون محمد
:z025:

[designer]

فكرة رائعة
وأنا مستعد لاي خدمة ممكن قدمها

[Dr.Hasan]

فكرة حلوة و يجب البدء فيها بسرعة
وبقترح انشاء قسم عن أخبار الموقع
إنشاء زاوية متنوعة يعني مثلا مرة مقال تاريخي ومرة مقال عن الزلازل واسبابها ....ومرة مثلا عن معالم سوريا السياحية
مشكورين على الجهود
واعذروني على التقصير

[SHARIEF FATTOUH]

ما شاء الله كلها أفكار رائعة و شاملة
و إن شاء الله بصير عنا شي كتير حلو
يعطيكم العافية شباب

[Hamda AL-abdulla]

فكرة حلوة

وتحتاج فريق عمل جبار يهتم بكل شي