ما رأيكم بالعبارة القائلة....

[Dr.Hasan]

كانت النساء في الماضي يقلن
"ظل راجل ولا ظل حيطة"
لأن ظل الرجل في ذلك الزمان
كان حباً
واحتراماً
وواحة أمان تستظل بها المرأة
كان الرجل في ذلك الزمان
وطناً.. وانتماءً.. واحتواءً..


فماذا عسانا نقول الآن؟
وما مساحة الظِّل المتبقية من الرجل في هذا الزمان؟
وهل مازال الرجل ذلك الظل الذي
يُظللنا بالرأفة والرحمة والإنسانية؟
ذلك الظل الذي نستظل به من شمس الأيام
ونبحث عنه عند اشتداد واشتعال جمر

[جمال الروح]

الموضوع بدو شوية تفكير
هههههههههههههه

تحياتي لك ...

[حسن حاضري]

مشكور دكتورنا

[عاشق الوطنية]

والله يا دكتورنا بزمنا لسا فيه نساء بقدرو الرجل مثل ايام زمان

ولسا في رجال بيعرفو معنى كلمة الرجل وبتصرفو كرجال

ايام زمان

بس بيني وبينك مو كتار هدول الرجال


ومشكور لطرحك يا غالي

[Sanaa]

كاااان ... ياما كان هههه


لاء عن جد ... أكيد هلأ في عدد من الشباب ... انعدم عندهم الإحساس بالمسؤولية


تفكيرهم صار سطحي كتير ... اتجردوا من المعنى الحقيقي للرجولة


بس أبدا ما فينا نعمم ...


بالمقابل في شباب أصحاب حس عالي بالمسؤولية


و بيتمتعوا بمستوى عالي من الوعي و الأخلاق


و بالتالي هنن أشخاص ... يُعتمَد عليهم فعلا


ما فينا أبدااا ننكر وجود هدول الأشخاص ... ( إن خليت ... خربت )


مشكور كتير ع الموضوع

[الصقرالحنون]

موضوع قيم بنتظار اجابة حواء على هذا السؤال

يعطيك العافية دكتور

[Dr.Hasan]

فعلا كما قيل ما اكثر الذكور وما اقل الرجال
مشكورين على المشاركة والمرور

[السكون]

والله يا دكتور حسن

ايام امي وامك راحت

الله يرحم هديك الايام كانوا النساء يحترمن الرجل ايما احترام وكانت كلمة الرجل ما تنزل الارض

بس هلا ياحسرة كلمة المرة ما بتنزل الارض

وانقلبت الموازين وتغيرت الامور وصار الحامل محمول والناقل منقول

وخليها على الله

دمتم بخير

[Dr.Hasan]

صدقت اخي مشكور على المرور يا لطيف المستقبل شو رح يحمل
تحياتي

[لولو الصغيرة]

أنس مو أيم امي وامك بس راحت
ايام أبي وأبوك
كان الرجل زمان رجل بكل معنى الكلمة وأكيد الو سلبياتو بس إجابياتو كان بيتحمل المسؤولية كان كلمتو كلمي كان فارض احترامو على كل من حولو
محسس حواء يلي هي مدامتو بوجودو كرجل وأب وصدر حنون
وكتف قوي بتستند عليه بكل امورها
مو متل هلق الله على شباااااااااب اليوم .. ياي
أكيد مو الكل...

وأصلا يمكن كانت حواء بهديك الايام تفتقد لآدم بحياتها
بسبب التشدد والضغط المفروض عليهم بهداك الزمان
بس هلق بتطور العصر تغير وضع المرأة صارت حرة تقريبا تعتمد على حالها اكتر وتتحمل مسؤولية بيتها وأولادها وحياتهم حتى يمكن اكتر من الرجل حتى

ولا شو رأيك دكتورنا؟؟


مشكور دكتور حسن على الطرح الجميل
موضوع مميز وشيق ويحلو الحديث فيه فلذلك أعذرني على اطالت حديثي ...

تحياتي

[ms.lonley]

هلأ نحن أيامنا بتختلف عن أيام يلي قلبنا
يعني المرة قبل .....امي وامك وستي وستك ويلي قبلن ..... كانو ينظلمو كتير ويسكتو
ينضربو وينهانو وينهضم حقن وكل هلصبر بتحت اسم(ظل راجل ولا ظل حيطة)
أما بأيامنا هي
المرأة تحررت أكتر
يعني صار فيا تتوظف وتعتمد على نفسا ومو غلط إزا لقت انسان يفهمها ويقدرها ويحترمها تكمل معو حياتها (في حالة لو ما إتعقدت من جنس الرجال كلو)
وصار فيا تدافع عن حقوقا وما تسمح بلظلم تجاهها وتحطو عند حدو ولو ما لقت منو تجاوب بتطلب الطلاق وبتتخلص من العبودية يلي عايشة فيا
أما قبل كانت المطلقة اكبر عيب على البشرية وكانت تخاف تتطلق مشان ما الناس يحكو عليها
ما بقول إنو هلأ الناس ما بتحكي
لا لسى في ناس بتفهم غلط للأسف الشديد
بس إزا المرأة كانت واثقة من نفسها وعارفة حالا هي شو ما بهمها حكي العالم ويا جبل ما يهزك ريح
لأن مافي أي انسانة بلكون بتقدم على خطوة الطلاق إلا بعد ما تكون واصلة لحدها مع هلمخلوق ومتأكدة من بعد محاولات مريرة إنو مافي تفاهم وإنسجام
مشكور علموضوع المميز
تقبل مروري دكتورنا المحترم
تحياتي

[جمال الروح]

الموضوع بدو شوية تفكير
هههههههههههههه

تحياتي لك ...


أنا مو ألتلك يا دكتور الموضوع بدو شوية تفكيرررر

[sea-maid]

بما انو الرجال قوامون على النساء
كان مطلوب من الرجل الحكمة و القول الفصل و الانفاق
بعدين صار الرجال كل ساعة برأي و ساعة رايق و ساعة معصب هيك مزاج لانو عطيوه سلطة و صارت المراة كل ما بتطلب من زوجها شي بيقلها لمى كنت ببيت ابوكي كان عندك منو يعني من ايمت صرنا و الشمس ترقعنا و فوقها عمل الرجال مرتو مفشة خلق نازل فيها خبط و لبط كل ما داق خلقو من الحياة
و اخيرا انفجرو النسوان بعد عصور من الذل و صارت تقول انا انسان الي مشاعر بفرح و بزعل بحب و بكره بعصب و بروق
و بس وصلنا لهالزمن اتعلمت المراة و اشتغلت وما عاد فينو الرجال يبهدلها و يذلها لانو بتفهم و معها راتب تعيل حالها
فقال الرجال راحت عليي و صار يبكي على ايام الماضي
لو ضل الرجال حكمة و عقل و اتزان و رأي سديد و انفاق بلا منية ما كان الزمان اتغير
بقول لكل الرجال اللي مو عاجبن الوضع هلق عودوا رجالا كي نعود نساءا

[دمعة فرح]

زمان اول تحول اكيد .. بس مافي ولا مرة قادرة ومقتدرة ومتعلمة ومتثقفة وعم تشارك الرجل بالاعمال وتكون واصلة إلها غنى عن الرجل
لأنو كل النساء بحاجة لكتف قوي وايد تمسح الدموع وكلام يجبر الخاطر وامان وصون .. طبعا مو معنى كلامي انو المرة بدون رجال مابتقدر على مصاعب الحياة لا بالعكس
اغلبنا شايفين نسوان ترملو على بكير ونجحو بحياتن كتير هنن وولادن .. بس بظل بقول انو ازا كانت المرة فعلا عم تدور على رجل بمعنى الكلمة مو مضيعة وقت وعم تدور على المادة وشوفة الحال والجمال
ساعتا بقول .. اي انو الرجل ظل

بالنسبة للرجل ازا كان عندو مبادئ وشخصية قوية وياجبل مايهزك ريح وعم يسيطر على حالو وعلى البيئة المحيطة فيه ويحاول قدر الامكان يحافظ على نفسو من شوائب الدنيا
وبيدور على انسانة تكمل نصفه الاخر وتعيش معو تحت سقف واحد عالحلوة والمرة وما بدو غير انو يعيش بسلام ويكون اسرة سعيدة .. ساعتا بقول اي فيه رجال يعتمد عليهم

سؤالي هو .. فيه نوع من النساء والرجال يلي انا ذكرتهن بوقتنا الحالي !!؟
هدول نادرين والحمدلله الدنيا لسه بخير

واشكرك على طرح الموضوع اخي

...

[ريدة]

لم يعد هناك الكثير من الرجال بل اصبح لدينا الكثير من الذكور

[جمال الروح]

أي شو هالهجوم القوي على الرجاااااااااااال
ياساتر يا رب

[Dr.Hasan]

أنس مو أيم امي وامك بس راحت
ايام أبي وأبوك
كان الرجل زمان رجل بكل معنى الكلمة وأكيد الو سلبياتو بس إجابياتو كان بيتحمل المسؤولية كان كلمتو كلمي كان فارض احترامو على كل من حولو
محسس حواء يلي هي مدامتو بوجودو كرجل وأب وصدر حنون
وكتف قوي بتستند عليه بكل امورها
مو متل هلق الله على شباااااااااب اليوم .. ياي
أكيد مو الكل...

وأصلا يمكن كانت حواء بهديك الايام تفتقد لآدم بحياتها
بسبب التشدد والضغط المفروض عليهم بهداك الزمان
بس هلق بتطور العصر تغير وضع المرأة صارت حرة تقريبا تعتمد على حالها اكتر وتتحمل مسؤولية بيتها وأولادها وحياتهم حتى يمكن اكتر من الرجل حتى

ولا شو رأيك دكتورنا؟؟


مشكور دكتور حسن على الطرح الجميل
موضوع مميز وشيق ويحلو الحديث فيه فلذلك أعذرني على اطالت حديثي ...

تحياتي

اول شي مشكورة على المرور
تاني شي اذابدنا نرجع على اصل المشكلة رح نلاقي انها هي التربية نعم التربية من زمان كان الشب من لما هو وصغير متعود على الرجولية وعلى تحمل المسؤولية
بينما هلق ومن قبل ما يفتح عينيه بيغنوله بوس الواوا من شان يطقطق على بكير وبيخوفوه من العو ومن الجرابيع ومن حية الشمس بينما من قبل ما بيكون الصبي عمره 14 بتلاقيه بيامر وبينهى وبيقطع حطب وبيطلع الحية من وكرها
البنات: نفس الشي بس بغير طرح ما رح اذكرهم عشان ما اخرج عن الموضوع

ثالث شي تقبلي تحياتي

[Dr.Hasan]

[/URL]
الف شكر على المرور والتعليق:z025:[URL="http://www.mgtrben.com/portal/member.php?u=2379"]ms.lonley (http://www.mgtrben.com/portal/member.php?u=2379)

[Dr.Hasan]

sea-maid (http://www.mgtrben.com/portal/member.php?u=3928)
كلام منطقي ومقبول
نورت الصفحة

اخي جمال الروح مشكور على المرور
بعتذرمن الاعضاء الي ما عم علق على تعليقاتهم لانه والله والوقت كتير قصير انا عم حاول علق على تعليقات عم اختارهم عشوائيا

[Dr.Hasan]

مشكورة دمعة فرح على التعليق المنطقي والف شكر على مرورك
ريدة كمان مشكورة على المرور وان شاء الله دايما منشوف تعليقاتك
تحياتي للجميع

[nabil-tinawi]

يا شباب جواب الشافي

هو أن الرجال هم أنفسهم

الذين قللو من قيمتهم في نظر

نساء

أيام أبي و أبوك

و أمي و أمك

كان عندما تمر إمرأة

في طريقالرجال

يضعون رؤوسهم


في الأرض

و هذا تصرف يرفع من

قيمة الرجل في نظر

الأمرأة

أما لآن يجلسون على طرقاط

و يبحلقون في رايحه و جايه

وهذا ما يقلل قيمة الرجال في

نظر المرأه


تخيل في المقاهي اليلية

يجلس على طاولات حوالي

50 رجلاً

و كلهم من تشكيلة واسعة

من المجتمع من الأعلى الى الأدنى


و أمرأة واحدة ترقص

و أخده عقول خمسين رجل

(فكيف تريدون من نساء أن تحترم الرجال)


(يا أخوان أني أتجول يومياً 14 ساعة على الأنترنت و لم أرى فتاة

واحدة أمتحنت صفت شاب أما الشباب رأيت منهم الكثير ممن أمتحن

صفت بنات

فمن


الثقيل


و من


الخفيف

[Dr.Hasan]

مشكور اخي كلامك شافي ووافي واكثر من رائع
تقبل تحياتي