رأيكم يهمني

[designer]

أنا عمري 26 سنة تمام لحد هون
عم امزح

بشتغل بشركة
بعيد عن التفاصيل ما بقاتني كتير مرتاح كتير لكتير اسباب ؟؟؟ عم فكر افتح عمل مستقل مكتب تصميم واعلان وطوع مجال عملي وطور نفسي
بس ممكن ياثر علي مادية كتير بينما وقفت على رجلي
حابب اخد آرائكم
يا ترى بخاطر ولا لاء وببقى بشغل مضمون
ملاحظة اخيرة : خايف أندم بعد سنوات وقول ياريت :z025:

[دمعة فرح]

اهلين فيك اخي .. ياريت توضح الموضوع بصورة اوضح واكيد رح نعطيك رأينا

وانا بقلك ازا كنت واثق من انك قادر تعمل عمل مستقل وقادر توقف على رجيلك .. توكل عالله

وتحياتي

[ريماس]

designer

الانسان الناجح برئي بيبدأ صغير وبعدين بيكبر
وانا بقلك التيسير والتوفيق كلو من الله
بس الانسان لازم يتوكل على الله
والفشل مابيستلزم الاحباط بالعكس الواحد لازم يحاول يحاول ويستفيد
من تجربة الفشل
وان شاء الله بتنجح بمشروعك هاد ..
وانت ازا بتعرف حالك بتقدر تقدم على هالخطوة وعندك القدرة بالابداع اقدم عليه وتوكل على الله ولا تستنى
اهم الشي تكون مخلص بعملك وبأمانة ..عشان تتوفق
تحياتي الك

[En.Khaled Alfaiomi]

أخي أياد أنت شخص مبدع وأنا بشهد بهيدا الشي
قوي قلبك وماتخلي الناس تستغلك

تحياتي لك ياغالي

[@DRAGON@]

اخي اياد

ردي يمكن متأخر شوي

بس بما انو انا وانت عملنا واحد

انا هلئ بشتغل بمطبعة وطبعا وظيفتي مصمم غرافيك

بس بصراحة ناطر فرصة حتى افتح عمل خاص فيني ولوحدي

لهيك اذا كانت هالفرصة موجودة عندك فأنا من الناس اللي بيشجعك على هالخطوة

وان شاء الله رح تدعيلنا ونشوفك بنفس الوقت من الناجحين والكبار بعالم التصميم الاعلاني

سلاااااام حبيب القلب

بالتوفيق

[Abu anas]

إيادو رزقتك مقسومة و مكتوبة
بهالشغل و لا بشغل تاني رزقتك ما رح تتغير إلا بإذن الله
و لا تنس قول الله ( رزقكم في السماء و ما توعدون) صدق الله العظيم
و نحن لما منشتغل عند العالم و منرضى براتب ثابت منكون حددنا رزقنا بإيدنا
فاستخر الله ثم توكل عليه و قل : (لن يصيبنا إلا ما كتب الله لنا)
الله يريحلك بالك

[Dr.Hasan]

والله انا برايي اتوكل على الله وبلش بالشغل الخاص لانه هالايام ايام الاعمال الحرة وكمان انت ادرى بحالك و
واي عمل جديد بده اساس متل
االخبرة وبظن عندك ياها
العلاقات العامة هي انا برايي الاساس بهيك اعمال حرة\
انا ما بعرف وين انت ساكن بس عموما بدول الخليج ومصر فيه صناديق تكافلية بتساعد الشباب او بتشاركهم لبداية اعمالهم الحرة فيك تسال وتستفر عنها
وفيه بمصر االصندوق الاجتماعي للتنمية فيه كتير شباب استقادوا منه هاد رقمه16733
واخي انت ما حاطت شي تفاصيل يعني ما بعرف انتا من اي مشاكل عم تعاني
يعني عادة المبتدئين بالاعمال الحرة بيكون عندهم مشكلة التمويل هي مشكلة جوهرية عندهم
اذا كانت مشكلة الك فينك تفتح شراكة مع اي حد ممكن تنجح خطتك
في مجلة اسمها رواد الاعمال مجلة رررررررائعة ومتوفرة بصعوبة فيك تشتريها وتستفيد منها
بس متل ما قلتلك العلاقات العامة هي اهم شي
مووووفق اخي الغالي