ضيـف الإسبـوع علـى كرسـي الإعتـرآف :: شـاعـر الأحـزان .. السكــون .. :: [الأرشيف] - ملتقى المغتربين السوريين

دمعة فرح

11-28-2010, 10:07 PM

بسم الله الرحمن الرحيم ...

بــكــل حــب واحترام وشــوق

نــســتــقــبــلكم يا جمهورنا ونــفــرش طــريــقــكم بــالــورد

ونــعــطــر حــبــر الــكــلــمــات بــالــمــســك والــعــنــبــر

ونــنــتــظــر الإبــداع مــنكم

لــتــصــل هــمــســات أقلامكم إلــى قــلــوبــنــا

وعــقــولــنــا

زادت زهــرة وتألقا بــقــدومــكم إلــى ضيفنا على كرسي الأعتراف حــيــاكم الله ومرحبا بكم

http://mgtrben.net/download/837954fb12.htmlhttp://mgtrben.net/viewimages/837954fb12.gif

ضيفنا هذا الأسبوع

ضيفنا مميز في مشاركاتهـ وردودهـ مميزة ولهـ بصمة واضحة في المنتدى

لهـ محبة كبيرة عند الجميع
ذات لمســة سحرية

وإبداع لا ينتهــي

http://mgtrben.net/viewimages/837954fb12.gif

أسمهـ سطع بين أرجاء المغتربيين السوريين
مشاركاتهـ سر تميزهـ
ونشاطهـ أكثر من رائع
وخفيف الدم في ردودهـ .. فيهـ الكثير من صفاء القلب

http://mgtrben.net/viewimages/837954fb12.gif

نجمه بزغ في سماء المغتربيين السوريين وعزف لنا
بلمساتهـ الذهبية ألحانا خالده لتضئ بنشاطهـ عتمة الظلام

وتنير سمائهـ بمواضيع متلألئة فرسم لهـ خطا ثابت عبر سلاسة حضورهـ القوي بالمعنى ليكون التميز عنوانهـ للأبد
الذي يملك أخلاق حنونة وروحاً طيبة

http://mgtrben.net/viewimages/837954fb12.gif

شخصية تتميز بأسلوبها الشيق بطرح المواضيع المفيده والرائعة
شخصية إتصفت بتواضعها وحضورها القوي
مواضيعها شيقة واعية ذات مستوي عالي ورفيع

http://mgtrben.net/viewimages/837954fb12.gif

إنسان شفافيتهـ عالية تثير إنتباه الجميع
أثبت جدارتهـ .. يتجه إلى الجميع يشاركنا
آرائنا وأفكارنا
رحبو معي بضيفنا العزيز

مشرفنا وشاعرنا .. السكــون ..

http://m002.maktoob.com/alfrasha/up/94953262564060931.gif

بداية تفضل بالجلوس على كرسي الاعتراف

http://mgtrben.net/viewimages/312a45f458.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2F312a45f458.html)

اسئلتـي

البيت ..

- كم رقم ترتيبك في الأسرة ؟

- من هو الأقرب لك من افراد اسرتك ؟

- حدد أهم الأمور التي تقوم فيها وأنت في البيت ؟

- اكلة تحبها كثيراً ؟

- مشروب يستهويك دائماً ؟

- ماهو الطلب الملح الذي تطمح به من أسرتك ولم يتحقق حتى الآن ؟

- عندما تشاهد التلفاز : ماهو ابرز مايستدعي انتباهك وتحرص على متابعته ؟

- ماهي أوقات النوم المفضلة لك ؟

الحيــاة ..

- حكمة تؤمن بها كثيراً ؟

- احب الالوان الى نفسك ؟

- دولة تتمنى أن تسافر اليها ؟

- ماهي الوظيفة التي تتمناها لنفسك ؟

- حدد اسم اليوم الذي تحبه واذكر السبب ؟

- حدد اسم اليوم الذي تكره واذكر السبب ؟

- حدد نوع سيارتك المفضلة ؟

- مكان يعجبك كثيراً وتترد عليه دائماً ؟

- اقرب الاصدقاء الى قلبك ؟

فــاصل قصير ونواصل .. لذا مارأيك بمشروب ساخن ؟

http://mgtrben.net/viewimages/dcb68221d4.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2Fdcb68221d4.html)

المدرسة ..

- مدرس لا زال في ذاكرتك .. ولماذا ؟

- مواد دراسية تحبها كثيراً ؟

- مواد دراسية تكرهها كثيراً ؟

- حدد بالضبط موقع جلوسك في الفصل ؟

- ماهي احب المراحل الدراسية الى نفسك ؟

- ماهو ابرز عقاب مر عليك طوال فترة الدراسة وبأي سنة ؟

- هل حصلت على شهادات تميز خاصة وفي اي سنة ؟

- سنة دراسية تعد هي الاجمل في حياتك ؟

- موقف محرج حدث لك في المدرسة ؟

المنتدى ..

- عضو تعلمت منه الكثير ؟

- عضو تتمنى ان تراه شخصياً ؟

- عضو لا تتمنى ان يغيب ابدا ؟

- عضو مشاغب ؟

- عضو يعتبر الاميز في نفسك ؟

- عضو يثير اهتمامك ؟

- عضو تعرفه خارج المنتدى ؟

- عضو تكونت لديك علاقة معه عن طريق المنتدى ؟

- عضو اكتشفت مؤخراً انك لم تعامله باهتمام ؟

- عضو ترى ان لديه امكانيات كبيرة ولم يقدمها حتى الآن ؟

الى كافة الاداريين والمشرفيين والمراقبين والاعضاء .. يمكنكم المشاركة وطرح ماشئتم من الاسئلة على الغالي السكــون

الرجـاء الإطلاع على قوانين كرسي الاعتراف قبل البدء بالاسئلة

من هنـــا أحبتـي (http://www.mgtrben.com/portal/showthread.php?t=55375)

اتمنى لكم قضاء وقت ممتع

http://mgtrben.net/download/5ae42340d9.html

ابو عمر

11-28-2010, 10:17 PM

http://mgtrben.net/viewimages/f72d19d92e.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2Ff72d19d92e.html)

صديقي السكون .. أقول لك بداية ...

السلام عليكم ورحمة الله وبركاته ...

تحية عطرة .. لك ولمجهودك ... ولقلمك في هذا الملتقى ..

متميز .. دائما .. ولا يخفى على أحد ..

بانتظارك ... صديقي

بكل الشوق ..

http://mgtrben.net/viewimages/00a0c585db.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2F00a0c585db.html)

king-of-nothing

11-28-2010, 11:41 PM

:) ....

شاعرنا
أكتر خاطرة كتبتها حبيتها بنفسك وأكتر خاطرة كرهتها كتبتها بنفسك وليش

King of Nothing

لولو الصغيرة

11-29-2010, 12:27 AM

هههههههههههههه :z027::z027::z027::clap:

اجاك الموت يا تارك الصلااااااااااااااااااااة هههههههههههههه
:z019:
استناني راجعتلك انوس

:z049::yaaw::shrer:

لولو الصغيرة

11-29-2010, 01:12 AM

السلام عليكم ورحمة الله وبركاته

كيفك أخي الغالي .. أنوس

إن شاء الله ترتاح عالكرسي الإعتراف وتستمتع معنا ونستمتع معك
:z019:

المهم : حابة إسألك كم سؤال اليوم ... الا وهي كالآتي ..:z015:
بس ياريت تجاوب بصراحة بلا لف ودوران ..أو كولكي .. :z027:

1_ أول شي .. احم احم .. لو سمحت حطلنا السيفي تبعك :z039:

2_تانيا .. عن شو أكتر شي بتحب تكتب ؟؟

3_مين أكتر شخص بيعجبك بالمنتدى .. أناااااااس بصراحة :z034:
4_شو هواياتك المفضلة..؟؟:z042:
5_مع مين بتحب تتناقش أكتر شي من أعضاء المنتدى ..؟؟ وليش ؟؟:z043:
6_شو بتعنيلك هالكلمات : الحب _ الصداقة _ الهدوء _ الزواج _ الصدق _ القسوة _ الدموع .

7_ شو أكتر شي بتكرهو بالشخص يلي عم تحكي معو ؟؟؟

8_شو أكتر شي بتحبو بالشخص يلي عم يحكي معك ؟؟؟

9_شو رأيك بالصداقة بين الشب والبنت .. بكل صراحة :z060:

10_ أكتر إنسان متمني تشوفو بأقرب وقت ممكن :wub:

خلص بكفي هيك حاجي اليوم ... جاوب على الأسئلة وبعدين برجعلك
وتحياااااااااااااتي الك
:z025:

السكون

11-29-2010, 02:05 AM

- كم رقم ترتيبك في الأسرة ؟
ترتيبي بين اخوتي الثاني

- من هو الأقرب لك من افراد اسرتك ؟

جميعهم لقلبي مقربون

- حدد أهم الأمور التي تقوم فيها وأنت في البيت ؟

مافي شي معين

- اكلة تحبها كثيراً ؟

عن جد -- مقدوس

- مشروب يستهويك دائماً ؟

صحصح مع نسكافي

- ماهو الطلب الملح الذي تطمح به من أسرتك ولم يتحقق حتى الآن ؟

ما اعتقد عندي طلب

- عندما تشاهد التلفاز : ماهو ابرز مايستدعي انتباهك وتحرص على متابعته ؟

على فكرة خال ما كتير بحب اتفرج عالتلفزيون

- ماهي أوقات النوم المفضلة لك ؟

حين اكون في قمة التعب

الحيــاة ..

- حكمة تؤمن بها كثيراً ؟

قال امير المؤمنين علي بن ابي طالب عليه السلام

اعمل لدنياك كانك تعيش ابدا واعمل لاخرتك كانك تموت غدا

- احب الالوان الى نفسك ؟
الازرق

- دولة تتمنى أن تسافر اليها ؟

مافي دولة بحب اسافر عليها

- ماهي الوظيفة التي تتمناها لنفسك ؟

ما بحب الوظايف والارتباط بروتين

- حدد اسم اليوم الذي تحبه واذكر السبب ؟

كل الايام بدون اي سبب

- حدد اسم اليوم الذي تكره واذكر السبب ؟

ما بكره ولا يوم لان الايام لا يجب ان تكره ابدا

- حدد نوع سيارتك المفضلة ؟

اي هو خلي يكون في سيارة بالاول

- مكان يعجبك كثيراً وتترد عليه دائماً ؟

البحر وتلاطم الامواج

وحبيب اعشقه دونما الاحراج

- اقرب الاصدقاء الى قلبك ؟

حسين ابو راما (الصقر الحنون)

فــاصل قصير ونواصل .. لذا مارأيك بمشروب ساخن ؟

والله يا خال ما بحب الساخن يالله بستناه ليبرد

----

- مدرس لا زال في ذاكرتك .. ولماذا ؟

والله يا خال بذكر جميع المدرسين والمدرسات

الاحياء منهم والاموات

لانهم جميعهم رائعون

- مواد دراسية تحبها كثيراً ؟

الرياضيات والعلوم الطبيعية والكيماء

- مواد دراسية تكرهها كثيراً ؟

للاسف اللغة العربية مو ما بحبها بس ما بعرف كيف

ما كنت استوعب منها شي

لا نحو ولا صرف ولا بحور شعر ولا حتى الاعراب

واذا قلتم كيف لكن بتكتب خواطر

بقول انو هي موهبة من الله عز وجل

- حدد بالضبط موقع جلوسك في الفصل ؟

المقعد الاول

- ماهي احب المراحل الدراسية الى نفسك ؟

الثانوية

- ماهو ابرز عقاب مر عليك طوال فترة الدراسة وبأي سنة ؟

عقاب شو خال انا كنت عاقل كتير بالمدرسة

- هل حصلت على شهادات تميز خاصة وفي اي سنة ؟

اي بكل سنوات الدراسة عدا الثالث الاعداي

نجحت شحط الا شوي

- سنة دراسية تعد هي الاجمل في حياتك ؟

الثالث الثانوي

- موقف محرج حدث لك في المدرسة ؟

مرة قعدت حدي انسة وانا بالثانوية

-----------
المنتدى

- عضو تعلمت منه الكثير ؟

تعلمت من جميع الاعضاء اشياء واشياء

- عضو تتمنى ان تراه شخصياً ؟

عاشق الوطنية و حسن الحاضري

- عضو لا تتمنى ان يغيب ابدا ؟

ميادة كامل

- عضو مشاغب ؟

انتي خالو
ما صار الا وخليتيني اقعد على كرسي الاعتراف

- عضو يعتبر الاميز في نفسك ؟

ريماس

- عضو يثير اهتمامك ؟

سناء الحافي

- عضو تعرفه خارج المنتدى ؟

الصقر الحنون
- عضو تكونت لديك علاقة معه عن طريق المنتدى ؟
رامون وسيف الحبيب وعاشق الوطنية

طبعا علاقة اخوة
- عضو اكتشفت مؤخراً انك لم تعامله باهتمام ؟
محمد عبد الوهاب الجسري
- عضو ترى ان لديه امكانيات كبيرة ولم يقدمها حتى الآن ؟

ربيع العمر و لولو

السكون

11-29-2010, 04:56 PM

السكون

11-29-2010, 05:00 PM

:) ....

شاعرنا
أكتر خاطرة كتبتها حبيتها بنفسك وأكتر خاطرة كرهتها كتبتها بنفسك وليش

King of Nothing

اخي مؤيد منوووووور

وهلا فيك عيون

اكتر خاطرة حبيتها هي

كل الخواطر الي كتبتها بايدي

وهي بالنسبة الي مثل اولادي

ولا افرق ولد عن ولد

وما عندي شي كتبتو بكرهو

ومشكورة مرة تانية اخي مؤيد

السكون

11-29-2010, 05:01 PM

هههههههههههههه :z027::z027::z027::clap:

اجاك الموت يا تارك الصلااااااااااااااااااااة هههههههههههههه
:z019:
استناني راجعتلك انوس

:z049::yaaw::shrer:

هلا لولو كيفك

اي صح اجاك الموت يا تارك الصلاة

بس انا مو تارك الصلاة

الحمد لله بصلي وما بقطع ابدا

هههههه

هاتي غيرها

En.Khaled Alfaiomi

11-29-2010, 05:06 PM

أخي السكون ؟ أو ماهوا أختصاصك بشكل عام ؟ وهواياتك الأساسية؟
وكم عدد الرويات التي قرأتها ؟

لأنني متابع لكتاباتك بشكل كبير :z025:

السكون

11-29-2010, 05:28 PM

السلام عليكم ورحمة الله وبركاته

وعليكم السلام ورحمة الله وبركاته

كيفك أخي الغالي .. أنوس

الحمد لله اختي لولو .. الغالية

إن شاء الله ترتاح عالكرسي الإعتراف وتستمتع معنا ونستمتع معك

:z019:

اي ان شاء الله

المهم : حابة إسألك كم سؤال اليوم ... الا وهي كالآتي ..:z015:
بس ياريت تجاوب بصراحة بلا لف ودوران ..أو كولكي .. :z027:

اوك متل مابدك

1_ أول شي .. احم احم .. لو سمحت حطلنا السيفي تبعك :z039:

ولك شو هاد السيفي

2_تانيا .. عن شو أكتر شي بتحب تكتب ؟؟

والله حسب الوضع الي انا فيه

بس على الاغلب حزين

3_مين أكتر شخص بيعجبك بالمنتدى .. أناااااااس بصراحة :z034:

هههههههه

هي قوية كتير كل الاعضاء بيعجبوني على الاطلاق

ودون استثناء
4_شو هواياتك المفضلة..؟؟:z042:

هواياتي المفضلة

عدي على اصابعك

الجودو السباحة الننشانكو
الشيكاتا

5_مع مين بتحب تتناقش أكتر شي من أعضاء المنتدى ..؟؟ وليش ؟؟:z043:

بحب اتناقش مع لولو ورقية وريماس

وعاشق الوطنية وحسن الحاضري

لانهم رائعين بالمناقشة

6_شو بتعنيلك هالكلمات : الحب _ الصداقة _ الهدوء _ الزواج _ الصدق _ القسوة _ الدموع .

الحب هو الشيئ المستحيل -

الصداقة هي الشيئ الثمين-

الهدوء هو السكون

الزواج نهاية الشباب والصبايا لانو رح يتغيروا فجأة

الصدق هو الطريق السوي السليم

القسوة هي الظلم بكل المقاييس

الدموع هي عملية غسيل للروح

7_ شو أكتر شي بتكرهو بالشخص يلي عم تحكي معو ؟؟؟

انو يطنشني وما يرد عليّ

8_شو أكتر شي بتحبو بالشخص يلي عم يحكي معك ؟؟؟

انو يفهم عليّ ويستوعب كلامي

9_شو رأيك بالصداقة بين الشب والبنت .. بكل صراحة :z060:

حسب نوع الصداقة-- اذا كانت مبنية على الخير ومحبة الله منيحة

اما اذا كانت لغاية تانية مو منيحة

10_ أكتر إنسان متمني تشوفو بأقرب وقت ممكن :wub:

امي و بنتي وابني

مشكوورة لولو

ريماس

11-29-2010, 05:29 PM

اهلين انس شو اخبارك مااحلاك وانت قاعد بكرسي الاعتراف :shrer:
شو بدي اسئلك :icon9:

اديش صرلك بتكتب خواطر !!!

شو الاسباب او الدافع يلي خلاك تفكر بكتابة خواطر !!!

اكيد لكل شخص امنياااات انت شو بتتمنى ؟؟

بتفضل الجلوس لوحدك ؟؟ ولا بتحب جمعة شباب ؟؟؟

ليش اغلب خواطرك حزينة ؟؟

حاج اسئلة إلي رجعة :z019:طئطئ اصابيعك قبل ماتبلش :z027:

السكون

11-29-2010, 05:32 PM

أخي السكون ؟ أو ماهوا أختصاصك بشكل عام ؟ وهواياتك الأساسية؟
وكم عدد الرويات التي قرأتها ؟

لأنني متابع لكتاباتك بشكل كبير :z025:

هلا فيك اخي خالد

بالنسبة لاختصاصي انا بشتغل بالتمديدات الصحية

اذا كان قصدك عن الشغل

واذا كان قصدك عن الدراسة فانا دارس ثانوية زراعية

وبالنسبة للروايات بصراحة ما قريت ولا رواية

وشكرا الك حبيب القلب لكتابعتك كتاباتي

دمت بحفظ الرحمن

nano

11-29-2010, 05:45 PM

يعطيك العافية اخي سكون
انا كتير استغربت كل هلكلام الحلو والشعر اللي بتكتبو وما بتحب اللغة العربية!!!
سؤالي الاول :إذا معك الفانوس السحري وطلعلك مارد وقلك عند امنية وحدة بحققلك إياها شوهي الامنية ؟
سؤالي الثاني :اذا كان بإيدك تغير شي في هذا العالم شوهو هيدا الشي اللي بتغيروا ؟
السؤال الثالث :شو اكتر شي بتكرهوا ؟
ومشكور تحياتي إلك نانو:z025:

السكون

11-29-2010, 06:45 PM

اهلين انس شو اخبارك مااحلاك وانت قاعد بكرسي الاعتراف :shrer:
شو بدي اسئلك :icon9:

هلا فيكي رورو نورتي

اديش صرلك بتكتب خواطر !!!

صارلي بكتب خواطر شي 25 سنة كتير ما هههه

شو الاسباب او الدافع يلي خلاك تفكر بكتابة خواطر !!!

الي خلاني اكتب خواطر اني ما كنت احكي شو الي بيصير معي

وكنت افضل اني اكتبها بشكل منمق على الورق

اكيد لكل شخص امنياااات انت شو بتتمنى ؟؟

امنيتي ان ازور من هو بطوس غريبُ

فهو الرضا حفيد المصطفى الحبيبُ

هجر دياره لديار غربة. لعلة

كان فيها القبر عنوانه الغريب

بتفضل الجلوس لوحدك ؟؟ ولا بتحب جمعة شباب ؟؟؟

لما بدي اكتب شي بفضل الجلوس لحالي

بس بالسهرة لابد من الشلة هههه

ليش اغلب خواطرك حزينة ؟؟

اراني بدنيا واسعة اشبه بقفص

وحولي دموعي واهاتي وبالحلق غصص

من كذاب من منافق من لص

اوا يُسال طائر مذبوح لما الرقص

حاج اسئلة إلي رجعة :z019:طئطئ اصابيعك قبل مات

ارجعي كما تشائين واسالي

انا جالس على الكرسي انتظر

ولا تخشي من اي سؤال ولا تتمللي

فلي جواب لكل سؤال حاضر

هلا فيكي رورو

لولو الصغيرة

11-29-2010, 07:12 PM

السيفي .. يعني السيرة الذاتية .. يعني معلومات الاساسية عنك
شكرا السكون على اجوبتك الصادقة والعفوية
تقبل مروري
تحياتي

السكون

11-29-2010, 07:43 PM

يعطيك العافية اخي سكون

الله يعافيكِ نانو

انا كتير استغربت كل هلكلام الحلو والشعر اللي بتكتبو وما بتحب اللغة العربية!!!

اي والله شايفة عن جد مابحب مادة اللغة العربية

سؤالي الاول :إذا معك الفانوس السحري وطلعلك مارد وقلك عند امنية وحدة بحققلك إياها شوهي الامنية ؟

الفانوس السحري والامنيات

ياستي رح اتمنى اني ارجع 10 سنوات للخلف

لاني ضيعت فيهم امور كتيرة

بس الندم نا رح ينفع

سؤالي الثاني :اذا كان بإيدك تغير شي في هذا العالم شوهو هيدا الشي اللي بتغيروا ؟

لو كان بايدي اغير شي بالعالم

كنت بحاول اخلي وضع اليتاما يكون احسن

السؤال الثالث :شو اكتر شي بتكرهوا ؟

اكثر شي بكرهو هو الكذب
ومشكور تحياتي إلك نانو:z025:

هلا وغلا فيكِ نانو نورتي

الصقرالحنون

11-29-2010, 07:46 PM

انوس كيفك عندي اسئلة

يس راح اسئلك هي بس افتضيلك ههههههه

السكون

11-29-2010, 08:08 PM

السيفي .. يعني السيرة الذاتية .. يعني معلومات الاساسية عنك
شكرا السكون على اجوبتك الصادقة والعفوية
تقبل مروري
تحياتي

السيرة الذاتية

اوك

اسمي انس محمد امين زريقات

من مواليد الحسكة - 1-4 - 1974

والاصل من درعا - بصرى الشام - قرية جمرين

نشات وترعرعت في ربوع الجزيرة

ودرست فيها جميع مراحل الدراسة

وبعدين :z09:

اتغربت يعني هلا انا غريب مغترب العبدالله

هههه

مشكورة لولو عالتوضيح

السكون

11-29-2010, 08:10 PM

انوس كيفك عندي اسئلة

يس راح اسئلك هي بس افتضيلك ههههههه

هلا حسون

ول يابو مين شاف حبابو نسي صحابو

ههههههه

شلونك علومك اخبارك طمني عنك

دمعة فرح

11-29-2010, 09:36 PM

خالو رواية أنت لي ولعنة جورجيت مين قراهن ؟؟ :icon9:

برجعلك بالاسئلة

دمعة فرح

11-30-2010, 10:29 AM

/ قطعة فحم صغيرة وجدار نظيف ماذا سترسم عليه او ذكرى تكتبها ؟؟
(http://www.al7orya.net/vb)

السكون

12-01-2010, 09:51 PM

/ قطعة فحم صغيرة وجدار نظيف ماذا سترسم عليه او ذكرى تكتبها ؟؟

سأكتبكِ ذكرى على الجدار

واسقيكِ كل ما بزغ النهار

من دموعي من ماء قلبي

فليس عندي ثالث خيار

انتِ يامن رحلتي فجأة

اما خشيتي عليّ الانهيار

الى اين تمضين بكل جوارحي

بكل احاسيسي وتقدمين اعتذار

رسالة عبر الغراباء استلمها

ما هكذا كان الرجاء يا لمار

اقتلعتي جذوري من اصولها

وخلفتي ورائكِ انواع الدمار

سابقى على ذكراكِ ما بقيت

اناغي حروف رسمت على الجدار

بقلم السكون

لولو الصغيرة

12-01-2010, 10:14 PM

أنش شو بتتمنى ...؟؟
شو حلمك ..؟؟
بشو أكتر شي بتفكر كل يوم ..؟؟
على شو بتندم ..؟؟

تحياتي ألك لا تواخزني على الاسلوب عم ادرس خخخخخخ
:z019:

السكون

12-01-2010, 10:24 PM

أنس شو بتتمنى ...؟؟

بتمنى انام متل ما بتنام الناس

شو حلمك ..؟؟

حلمي صغير ؟ اني ارجع متل اول
بشو أكتر شي بتفكر كل يوم ..؟؟

اكتر شي بفكر بولادي

على شو بتندم ..؟؟

بندم لاني تركت ولادي يسافروا ويتركوني لحالي بالغربة

الله يسامح الي كان السبب

تحياتي ألك لا تواخزني على الاسلوب عم ادرس خخخخخخ
:z019:

عم تدرسي ان شاء الله بالتوفيق

لولو الصغيرة

12-01-2010, 10:43 PM

يسلمو كتير أنس على الأجوبة العفوية والصريحة
وهي كم سؤال على الماشي ..مواشي

إمتا السكون بيقسى قلبو وبيكره..؟؟
إمتا السكون بسامح من غلط بحقو..؟؟
وشو حدود المسامحة والمغفرة عند السكون..؟؟
وشو الخط الأحمر يلي مالازم حدا يتخطاه أو يتجاوزو عند السكون..؟؟

تحياااااااااااااتي وفائق إحترامي الك
أختك ام
السوس

عاشق الوطنية

12-02-2010, 12:39 AM

السكون اللحظة التي تلي سؤالي

تماما ما هو الشئ او الموقف الذي تندم فيه بهذه اللحظة؟

اخي انس هل انتا مشرف في منتدى اخر

واذا كنت فكيف تستطيع التوفيق بين المنتديين؟

انس من احب الناس الى قلبك في المنتدى وبلتحديد شخص واحد وما السبب

السكون ما رأيك بلأعضاء الذين يدخلون الى المنتدى ويهتمون بكثرة المشاركات وهل انا منهم وبصراحة

عزيزي السكون ما المشروب المفضل لديك

ما رأيك بريماس المديرة

ما رأيك بخالد بأيجابيات وسلبيات

وما رأيك عبد الله ياسين

ما رأيك الشاعرة سناء الحافي

ما رأيك رقية وعرفنا عليها اكثر من خلال معرفتك فيها

ما رأيك بلمشرفة لولو وبكل صراحة

انت تعرف الصقر الحنون معرفة شخصية
ارجو ان تعرفنا عليه اكثر

ملاحظة ان اسئلتي ليست على سبيل المجاملة فأرجو منك اخذها على محمل الجد

واجابتي بكل صراحة كي لا اتضر ان اقسو عليك في الجولة الثانية

واخيرا ما رأيك بعد كل هالأسئلة

تشربنا شي على حسابك

:z027:

الصقرالحنون

12-02-2010, 12:47 AM

خاي اتنازل وحكينا على المسن اوك

nano

12-02-2010, 12:52 AM

السكون

12-02-2010, 01:57 AM

إمتا السكون بيقسى قلبو وبيكره..؟؟

قساوة القلب ليست من طباعي

فانا السكون بكل المعاني

ارى الحبيب يهجرني دون داعي

اسامحه وادعو له والقلب داعي

اراق دماء بدل الدموع باوجاعي

انتظر همسة تزيد الروح اتساعِ

فيهمس همسة تكسر الاضلاعِ

ويهجرني لاي سبب ويمزق شراعي

ويبحر لغير اتجاه ترافقه اسماعي

ونظرات بالافاق ارمقها انتظر الساعي

عله بجواب يأتيني عليه طابع الاسراعِ

--------

إمتا السكون بسامح من غلط بحقو..؟؟

لا اسامح من يحقرني بذلة

فلست ارى بداخلي علة

ولكل نفس منا زلة

--------
وشو حدود المسامحة والمغفرة عند السكون..؟؟

حدود المسامحة حدود القلب

فالقلب العاشق لا يرى الا العشق

وشو الخط الأحمر يلي مالازم حدا يتخطاه أو يتجاوزو عند السكون..؟؟

كرامتي

تحياااااااااااااتي وفائق إحترامي الك
أختك ام
السوس

هلا فيكي خيتو

السكون

12-02-2010, 02:12 AM

السكون اللحظة التي تلي سؤالي

تماما ما هو الشئ او الموقف الذي تندم فيه بهذه اللحظة؟

اندم على امور كثيرة

نفس حقيرة وذنوب كثيرة واعمال خير صغيرة

وسيئات توقعني بالجريرة

اخي انس هل انتا مشرف في منتدى اخر

واذا كنت فكيف تستطيع التوفيق بين المنتديين؟

انا مشرف بعدة منتديات

وما بحب اشارك الا بالذي اهواه قسم الشعر والنثر والخواطر

لهيك بيكون التوفيق منيح

انس من احب الناس الى قلبك في المنتدى وبلتحديد شخص واحد وما السبب

الصقر الحنون ( حسين الغالي)

لانه صديق العمر واخ غالي على قلبي

يفهمني

يبكي لبكائي يفرح لفرحي

يؤنسني

السكون ما رأيك بلأعضاء الذين يدخلون الى المنتدى ويهتمون بكثرة المشاركات وهل انا منهم وبصراحة

منيح الواحد يشارك كتير

بس المشاركة لازم تاخد وقتها وتاخد حقها من الماقشة والردود

وانت واحد منهم كنت تنزل كتير كتير

وقليل الي كانو يردو على مواضيعك لانو مواضيعك الكتيرة

الي ورا بعض كانت تنقل المواضيع الي قبلها للصفحات الاخيرة

عزيزي السكون ما المشروب المفضل لديك

نسكافي

ما رأيك بريماس المديرة

اخت عزيزة وعضوة نشيطة ومعطاء

ما رأيك بخالد بأيجابيات وسلبيات

خالد - الي بعرفو عنو انو انسان رائع
فهمان بمجال شغلو

وما بعرف شو سلبياتو

وما رأيك عبد الله ياسين

عبدالله ياسين

نشيط وبيحب شغلو

ما رأيك الشاعرة سناء الحافي

سناء الحافي شاعرة رائعة

ما رأيك رقية وعرفنا عليها اكثر من خلال معرفتك فيها

رقية بنت اختي بالتبني ههه

الله يكون بعون كل مغترب عايش وحيد رغم الاهل الي معو

ما رأيك بلمشرفة لولو وبكل صراحة

لولو

اخت غالية وبتقدم بكل ما لديها من جهد

وما بتبخل باي رد او موضوع مفيد

انت تعرف الصقر الحنون معرفة شخصية
ارجو ان تعرفنا عليه اكثر

وكيف لي ان اصف الحنون

فهو الرمش وانا العيون

هو الروح للروح اتدرون

هو الحنون وانا السكون

ملاحظة ان اسئلتي ليست على سبيل المجاملة فأرجو منك اخذها على محمل الجد

واجابتي بكل صراحة كي لا اتضر ان اقسو عليك في الجولة الثانية

واخيرا ما رأيك بعد كل هالأسئلة

تشربنا شي على حسابك

ولو اسال شو ما بدالك ولا تقصر

تفضلوا على كاسة نسكافي

السكون

12-02-2010, 02:16 AM

خاي اتنازل وحكينا على المسن اوك

المسن وما ادراك ما المسن

سهرة مع حبيب انساني الوسن

واشعل الشيب في راسي

وجعل قلبي يناله الوهن

يقسو علي تارة ويقسو

وتارة تراه يبكيني في شجن

اواسيه يواسين فيما بيننا من محن

له عزف فريد ووتر ذا لحن

وحروف كانما الماء في صحراء المدن

----

حسووووووووووووووووووووووووووون

ولو

السكون

12-02-2010, 02:19 AM

مشكور لاجاباتك اخي سكون
بتعرف انوانا ما توقعت أجاباتك تكون هيك لانو والله لو حدا سألني هالاسئلة 3 رح جاوب نفس الشي بس إذا الشي اللي بقدر غيرو كنت بحط كل الصهاينه اليهود بأميركا أما الايتام
فهيدا موضوع تاني الله يكون معون ويصبرون

هلا فيك اخت نانو

والشكر لله

بالنسبة لليهود هذا قدر الله ولا يمكن تغييره

اما اليتاما بامكاننا ان نغير من اوضاعهم

كما كان يفعل امير المؤمنين

علي بن ابي طالب عليه السلام

ابو عمر

12-02-2010, 02:26 AM

السلام عليكم ... أبو جعفر ...

شلونك .. عساك طيب ...

كم سؤال عالخفيف ..........

ذكرت إنك مشارك بعدة منتديات ... يا ترى ..
بتحمل نفس الإسم بكل المنتديات ... !!؟؟

ما رأيك بالزواج ...!!
أيهما تفضل الزواج التقليدي ... ولا عم ما يسمى بالحب ..!!؟

أميت آخر مرة نزلت عالبلد ... وأميت ناوي تنزل إن شاء الله
ومطولة غربتك .. يا ترى ..!!؟؟

مشكور حبيب سلفا

بانتظارك
:z023:

السكون

12-02-2010, 02:36 AM

السلام عليكم ... أبو جعفر ...

وعليكم السلام ورحمة الله وبركاته

هلا ابو عمر الحبيب

شلونك .. عساك طيب ...

الحمد لله الذي لا يحمد على مكروه سواه

والذي يرزقنا ونحن نعصيه ونطلب من سواه

فالعفو العفو ربي وغفرانك لعبد انت تراه

كم سؤال عالخفيف ..........

ذكرت إنك مشارك بعدة منتديات ... يا ترى ..
بتحمل نفس الإسم بكل المنتديات ... !!؟؟

نعم اخي الحبيب

نفس الاسم

ما رأيك بالزواج ...!!

المفروض يكون استقرار

أيهما تفضل الزواج التقليدي ... ولا عم ما يسمى بالحب ..!!؟

والله ما بعرف الزواج التقليدي ولا الزواج عن حب

بس كل واحد الو مساوء والو محاسن

الزواج التقليدي -- اقشط واربح وانت وحظك

والزواج عن حب احنمال انو الواحد يتفاجئ بامور كتيرة

ما بتكون بالحسبان

أميت آخر مرة نزلت عالبلد ... وأميت ناوي تنزل إن شاء الله
ومطولة غربتك .. يا ترى ..!!؟؟

اخر مرة كانت من سنتين ونص

وايمت رح انزل الله هو العليم

انت تريد وانا اريد ويفعل الله ما يريد

مشكور حبيب سلفا

بانتظارك
:z023:

هلا وغلا ابو عمر الحبيب

ابو عمر

12-02-2010, 02:55 AM

ابو عمر

12-02-2010, 02:56 AM

أبو جعفر ...

بتسمع موسيقى ... أغاني ..!؟؟

وشو مخزونك من القرآن العظيم ...

ولمين بتسمع ..

:z025:

السكون

12-02-2010, 03:24 AM

أبو جعفر ...

بتسمع موسيقى ... أغاني ..!؟؟

لا اغاني ولا شي سبحان الله ما بحب الاغاني

والحمد لله

وشو مخزونك من القرآن العظيم ...

القرآن الكريم

الحمد لله والشكر لله

بحفظ منو الي قدرت احملو والحمد لله

ولمين بتسمع ..

اكتر شي لمحمد صديق المنشاوي

وخصوصا ترتيل القرآن الكريم

هلا فيك ابو عمر

ريماس

12-02-2010, 08:48 AM

اهلين أنس كيفك ..شو اخبارك ..

عندي كم سؤال !!

شو اكتر شي تزعج السكون !!!

انت مهموم وشغلة شاغل تفكيرك وبالك شو هي ؟؟؟

هل حطيت في بالك ألامل والتفائل في حياتك !!!

شو هي اغلى شي عندك بالدنيااا !!!

كم عدد اولادك !!

هل انت غيور وأديش عندك حدود من الغيرة !!!

في اي مضايقات عم تشوفا بالمنتدى !!!

برئيك هل استاهل الادارة !! مع ذكر السبب !!

شو الاكلات المفضلة عندك !!! هل تفضل الاكلات النباتية ولا حيوانية !!!

حااج بيكفي هيك ...انس

لي عودة مع مزيد من رشوش بالاسئلة :z027:

دمعة فرح

12-02-2010, 09:25 AM

1_من انت ؟؟

http://www.awtar-al7ub.com/vb/images/smilies/heart44.gif

2_مآهو طموحك بالحيآة ..~ ؟؟

http://www.awtar-al7ub.com/vb/images/smilies/heart44.gif

3_كيف تقضي وقـت فرآغـك ..؟؟

http://www.awtar-al7ub.com/vb/images/smilies/heart44.gif

4_ما هي نظرتك عن الحياة؟

http://www.awtar-al7ub.com/vb/images/smilies/heart44.gif

5_ماهي اجمل صفة فيك وما هي اسوء صفة؟

http://www.awtar-al7ub.com/vb/images/smilies/heart44.gif

6_هل شخصيتك في المنتدى تعكس شخصيتك الحقيقية .. ؟

http://www.awtar-al7ub.com/vb/images/smilies/heart44.gif

7_ لمن تمنح من الأعضاء هذه المسميات :

القلم الذهبي :
شهادة تقدير :
خفيف دم :
مزعج :
حكيم :
قلم مميز :
وسام نشاط وتواجد مستمر :

http://www.awtar-al7ub.com/vb/images/smilies/heart44.gif

8_ من السهل على الانسان ان ينسى نفسه ولكن من الصعب عليه أن ينسى نفسا سكنت نفسه

ما رأيك في هذه المقولة .. وهل هي صحيحة بنظرك..؟

http://www.awtar-al7ub.com/vb/images/smilies/heart44.gif

لـي عودة يا أحلى خـال بالدنيا :z025:

السكون

12-02-2010, 11:34 AM

اهلين أنس كيفك ..شو اخبارك ..

هلا رورو الحمد لله بخير

كيفك انتِ

عندي كم سؤال !!

شو اكتر شي تزعج السكون !!!

اكتر شي بيزعج السكون

انو الي بحبو وبحترمو وبقدرو يفهمني غلط

ويطنشني لاسباب تافهة ويتنازل عني لمجرد انو هو مزعوج من شي تاني

انت مهموم وشغلة شاغل تفكيرك وبالك شو هي ؟؟؟

مافي واحد بالدنيا ما عندو شي شاغل بالو

والي شاغل بالي في انسان عزيز على قلبي

ما عم يفهم علي وبفكرني عم اكزب عليه

هل حطيت في بالك ألامل والتفائل في حياتك !!!

هو لو ما التفائل والامل كان الواحد جن

اكيد حطيت ببالي

شو هي اغلى شي عندك بالدنيااا !!!

امي

كم عدد اولادك !!

جعفر ولجين

هل انت غيور وأديش عندك حدود من الغيرة !!!

كتير كتير غيور

والغيرة عندي بلاحدود

في اي مضايقات عم تشوفا بالمنتدى !!!

مافي مضايقات ابدا

برئيك هل استاهل الادارة !! مع ذكر السبب !!

اكيد بتستاهلي لانك عم تعطي كتير وما بتقصري

شو الاكلات المفضلة عندك !!! هل تفضل الاكلات النباتية ولا حيوانية !!!

بالنسبة للاكل كل الاكل طيب ولذيذ

ان كان نباتي ولا جيواني

وحتى لو كان خبز لحالو مافي مشكلة

حااج بيكفي هيك ...انس

اوك بيكفي بيكفي

نورتي رورو

السكون

12-02-2010, 11:45 AM

_من انت ؟؟

انا غريب في دنيا الغرباء

ولي قلب يتسع السماء

وروح تحب الضحك

رغم ما تقاسي من عناء

دائي لاوجاعي هو الدواء

http://www.awtar-al7ub.com/vb/images/smilies/heart44.gif

2_مآهو طموحك بالحيآة ..~ ؟؟

طموحي بالحياة ارضاء ربي

http://www.awtar-al7ub.com/vb/images/smilies/heart44.gif

3_كيف تقضي وقـت فرآغـك ..؟؟

ما بحس بالفراغ ولهيك وقتي عادي

اما بالشغل او على النت

http://www.awtar-al7ub.com/vb/images/smilies/heart44.gif

4_ما هي نظرتك عن الحياة؟

حياة لابد انها ماضية

والنفس بما قسم لها راضية

اجارنا الله واياكم من الهاوية

http://www.awtar-al7ub.com/vb/images/smilies/heart44.gif

5_ماهي اجمل صفة فيك وما هي اسوء صفة؟

اجمل صفة - السكون

واسوء صفة - النسيان

http://www.awtar-al7ub.com/vb/images/smilies/heart44.gif

6_هل شخصيتك في المنتدى تعكس شخصيتك الحقيقية .. ؟

بالطبع - لان الطبع غلب التطبع

http://www.awtar-al7ub.com/vb/images/smilies/heart44.gif

7_ لمن تمنح من الأعضاء هذه المسميات :

القلم الذهبي : الصقر الحنون
شهادة تقدير : عبدالله ياسين
خفيف دم :لولو
مزعج : السكون
حكيم : ماهر نت
قلم مميز :سناء الحافي ومحمد عبد الوهاب الجسري وربيع العمر
وسام نشاط وتواجد مستمر :رورو

http://www.awtar-al7ub.com/vb/images/smilies/heart44.gif

8_ من السهل على الانسان ان ينسى نفسه ولكن من الصعب عليه أن ينسى نفسا سكنت نفسه

ما رأيك في هذه المقولة .. وهل هي صحيحة بنظرك..؟

اكيد صحيحة فالنفس داخل النفس لها وقعها

هلا فيك خال نورتي

http://www.awtar-al7ub.com/vb/images/smilies/heart44.gif

دمعة فرح

12-02-2010, 09:16 PM

1-كم تعطي نفسكـ بالمئة في هذه الصفات ..؟

_ الرومنسيـــه ,,

_الصدق ,,

_ الكذب ,,

_الحب ,,

_المجاملة ,,

_ العصبية ,,

_ خفة الدم ,,

2- عند حلول الظلام وغياب البشر من حولك في سبات عميق من تتذكر؟

3- عندما تحتاج إلى الكلام لمن تتكلم ؟

4- السعادة .. الكل اختلف في طرق نيلها .. فماذا تعني لك " السعادة " ، وكيف ( برأيك ) تصل إلى تحقيقها ؟

5-من أين تستمد قوتك ؟؟ وأين تقضي لحظات ضعفك ؟؟

6- جملة أو عبارة لا تنساها أبدا ؟؟

7- ماهو المستحيل بالنسبة لك ؟

8 - صف دمعة فرح في كلمات كما تراها !!

http://mgtrben.net/viewimages/1d92bef379.gif (http://mgtrben.net/download/1d92bef379.html)

عاشق الوطنية

12-02-2010, 09:38 PM

حبيب قلبي انوس

1- كم اخ واخت عندك

2- مين احب اخوتك عليك وشو السبب

3- بحكم غربتك الطويلة انتا داخل كتير منتديات ايهم احب الى قلبك

4- ومن خلال النت عرفت كتير ناس سؤالي عن الجنس الأخر هل احببت يوم او لفتت انتباهك احد البنات على النت

6- اكثر خاطرة اعجبك من خواطرك وحسيت انها نابعة من اعماقك ويا ريت تتركلي الرابط لأرجع اقرئها

7- قلت لك في احد الخواطر انك موهبة مدفونة فهل ظننت بأني اجاملك

8- السكون في بداية مشاركاتك في المنتدى كانت ردودك رائعة ومميزة اما الأن فنادرا ما اجد احد ردودك ممتعة وتقتصر ردودك على الشكر فقط

ما الذي جعل السكون سكون حتى في ردوده بلفترى الأخيرة

9- اذا اتتك هبة من الله بأي طريقة من الطرق وقدر لك ان تتعرف على شخص في هذا المنتدى بشكل شخصي معى من تتمنى ان تجلس وتأكل وتمزح من بين الأعضاء

10- هل سبق ان هربت من مواجهة احد المشاكل وادرت ظهرك وقلت لا حول ولا قوى الا بلله العلي العظيم وانت مكسور النفس واذ حصل هذا فما هو الموقف اذا ممكن

حبيب القلب ابو جعفر الأكشن كلو رح يكون بموضوعك حابب عزبك معي

بس لتخلص شربني نسكفيه

وجزيل الشكر لك

اخوك محمد

السكون

12-02-2010, 11:28 PM

-كم تعطي نفسكـ بالمئة في هذه الصفات ..؟

_ الرومنسيـــه ,, 77.35

_الصدق ,, 90

_ الكذب ,,10

_الحب ,, بعد غياب الحبيب (0)

_المجاملة ,, 0

_ العصبية ,,5

_ خفة الدم ,, 18

2- عند حلول الظلام وغياب البشر من حولك في سبات عميق من تتذكر؟

والله يا خال لما يصير الليل

بتذكر رغم تقصيري

كلمة الله عز وجل لنبي الله موسى على سيدنا محمد واله وعليه الصلاة والسلام

يا ابن عمران كذب من قال انه يحبني

واذا جن عليه الليل نام وتركني

اليس الحبيب يحب خلوة حبيبه

3- عندما تحتاج إلى الكلام لمن تتكلم ؟

القن قلمي الحروف فيدونها

على سطور اوراقي يخزنها

اكلمه كانما هو يفهمني

والروح بلقاء الحبيب يلهمها

اناشيد تسكن قربي ليتها

تعرف غلاتها اضن تهرفها

4- السعادة .. الكل اختلف في طرق نيلها .. فماذا تعني لك " السعادة " ، وكيف ( برأيك ) تصل إلى تحقيقها ؟

لا سعادة في دنيا ننالها

فالحزن سيطر على الامال

ان جبنا الدنيا بسهلها وجبالها

سوى حفنة من تراب لا ننال

5-من أين تستمد قوتك ؟؟ وأين تقضي لحظات ضعفك ؟؟

قوتي استمدها من الله

واقضي لحظات ضعفي بصلاة الليل

6- جملة أو عبارة لا تنساها أبدا ؟؟

لا تندم على ما فاد من عمرك

لكن اندم على ماهو اتي

7- ماهو المستحيل بالنسبة لك ؟

كلمة لا اكثر ولا اقل

8 - صف دمعة فرح في كلمات كما تراها !!

بنت اختي حبابة وحساسة وصادقة

هلا فيك خال

السكون

12-02-2010, 11:34 PM

حبيب قلبي انوس

1- كم اخ واخت عندكعندي 3 اخوة و3 خوات

2- مين احب اخوتك عليك وشو السبب
الكل واحد احب من التاني كلهم عزيزين وغوالي

3- بحكم غربتك الطويلة انتا داخل كتير منتديات ايهم احب الى قلبكولا منتدى

4- ومن خلال النت عرفت كتير ناس سؤالي عن الجنس الأخر هل احببت يوم او لفتت انتباهك احد البنات على النتنعم

6- اكثر خاطرة اعجبك من خواطرك وحسيت انها نابعة من اعماقك ويا ريت تتركلي الرابط لأرجع اقرئها
بكاء الشوق

7- قلت لك في احد الخواطر انك موهبة مدفونة فهل ظننت بأني اجاملكلا

ما الذي جعل السكون سكون حتى في ردوده بلفترى الأخيرة
8- السكون في بداية مشاركاتك في المنتدى كانت ردودك رائعة ومميزة اما الأن فنادرا ما اجد احد ردودك ممتعة وتقتصر ردودك على الشكر فقط
حسب الحالة النفسية

9- اذا اتتك هبة من الله بأي طريقة من الطرق وقدر لك ان تتعرف على شخص في هذا المنتدى بشكل شخصي معى من تتمنى ان تجلس وتأكل وتمزح من بين الأعضاءعاشق الوطنية وبدون مجاملة

10- هل سبق ان هربت من مواجهة احد المشاكل وادرت ظهرك وقلت لا حول ولا قوى الا بلله العلي العظيم وانت مكسور النفس واذ حصل هذا فما هو الموقف اذا ممكن
ولا مرة درت ضهري ومشيت مع انو مريت بمواقف كثيرة

حبيب القلب ابو جعفر الأكشن كلو رح يكون بموضوعك حابب عزبك معي

ههههه ولا يهمك حبيب

بس لتخلص شربني نسكفيه

وجزيل الشكر لك

اخوك محمد

هلا فيك اخي محمد

عاشق الوطنية

12-03-2010, 10:51 AM

مشكور ابو جعفر على رودك الحلوى

والصادقة والجريئة

عاشق الوطنية

12-03-2010, 11:05 AM

صباح الخير

الجولة الثالثة

1- السكون يبحث عن الثروة المادية؟

2- السكون انصحني ما رأيك بلزواج

3- هل تكره الغربة في ليبيا وان عرض عليك عقد عمل في اوربا هل ترفضه

4- السكون لو جائك رجل ثري وقال لك اني سأهبك ثروتي كلها مقابل ان تترك الكتابة فهل تفعل

5-السكون انت في الربع الثاني من عمرك اخبرني عن الحياة في نظرك

6- كم كان عمرك عندما احببت اول فتاة

7- السكون لو اسائت الأدارة بحق صديقك الصقر الحنون وترك المنتدى فهل ستترك المنتدى انت ايضا

8-السكون لو اسأت انا للأخت رقية بشكل واضح فهل ستخاصمني

9- السكون وبصراحة ما الذي يدفعك للكتابة وهل تبكي احيايا وانت تكتب

10-السكون ما هو طموحك بلحياة اين تريد ان تصل في هذه الرحلة

وبلنهاية يا حبيب متل العادة شربنا شي على زوقك بس تخلص

السكون

12-03-2010, 12:44 PM

صباح الخير -- صباح النور

الجولة الثالثة-- هههه

1- السكون يبحث عن الثروة المادية؟ - ممكن. ما من احد يكره المال

2- السكون انصحني ما رأيك بلزواج

الزواج ليس نصيحة -- فكل شخص له رائي منهم السعيد ومن الحزين

3- هل تكره الغربة في ليبيا وان عرض عليك عقد عمل في اوربا هل ترفضه

الغربة في ليبيا جيدة

وبالنسبة لاوربا اذا كان العمل جيد عادي

4- السكون لو جائك رجل ثري وقال لك اني سأهبك ثروتي كلها مقابل ان تترك الكتابة فهل تفعل

هو مستحيل هيك امر يصير بس ممكن اكتب خاطرة على هالموضوع

5-السكون انت في الربع الثاني من عمرك اخبرني عن الحياة في نظرك

الحياة تافهة

6- كم كان عمرك عندما احببت اول فتاة

36

7- السكون لو اسائت الأدارة بحق صديقك الصقر الحنون وترك المنتدى فهل ستترك المنتدى انت ايضا

لا مارح اترك المنتدى لاني سوف ارتدي رداء المحاماة

وادافع عن الحنون بكل ما لدي من اقلام وحبر

8-السكون لو اسأت انا للأخت رقية بشكل واضح فهل ستخاصمني

الاساءة لرقية شيئ يحزن قلبي

ورح ازعل منك كتير لو كنت انت المخطئ

9- السكون وبصراحة ما الذي يدفعك للكتابة وهل تبكي احيايا وانت تكتب

الذي يدفعني للكتابة امور امر بها

واغلب الاحيان ابكي وانا اكتب

10-السكون ما هو طموحك بلحياة اين تريد ان تصل في هذه الرحلة

طموحي بالحياة الاستقرار

وبلنهاية يا حبيب متل العادة شربنا شي على زوقك بس تخلص

تفضل على كوب نسكافي ونفس اركيلة

هلا فيك ابو حمزة نورت حبيب

ريماس

12-03-2010, 01:22 PM

اهلين انس

كيفك شو اخبارك !! شلونك اليوم !!

سؤالي !!

انت بشو تفكر بالمستقبل !! يعني شو ناوي ؟؟

ليش ماتقدر او تحاول تغير حزنك .. وتجدد حالك ؟؟؟

هل تفكر بالزواج !! وهل عندك نية للزواج !!

كيف تتمنى ان تكون فارسة احلامك !!

تقبل اسئلتي وشكرا لك :z025:

السكون

12-03-2010, 01:41 PM

اهلين انس

هلا وغلا ومرحبا

كيفك شو اخبارك !! شلونك اليوم !!

الحمد لله بخير وانت شو اخبارك

سؤالي !!

انت بشو تفكر بالمستقبل !! يعني شو ناوي ؟؟

المستقبل اني ارجع عيش مع ولادي البعيدين عني

واقدملهم كل الي بيطلبوه

ليش ماتقدر او تحاول تغير حزنك .. وتجدد حالك ؟؟؟

حاولت اغير - بس الحزن يعشقني ما عم يحل عني

هل تفكر بالزواج !! وهل عندك نية للزواج !!

ممكن ليش لا بس المشكلة ما عم الاقي الي تفهم علي

كيف تتمنى ان تكون فارسة احلامك !!

انسانة تقدر الزوج وتعرف قيمة زوجها

تقبل اسئلتي وشكرا لك :z025:

هلا فيك رورو نورتي

دمعة فرح

12-03-2010, 09:31 PM

... ما رأيك بالأمل..... وهل يموت الأمل في الإنسان؟

... ما رأيك بالحياة الدنيا، والحياة الآخرة؟

... ما رأيك بالموت، وهل تهابه؟؟؟

... ما رأيك بالحب الذي ينشأ بين الرجل والمرأة قبل الزواج؟

... هل هناك حب صامت وما رأيك فيه؟

... هل سبق وأن تعرضت لموقف محرج...... وهل من الممكن ذكره؟

... هل شعرت مرة بتأنيب الضمير... ومتى؟

... ما هو الرقم والحرف المفضل لديك؟

... من هو أعز صديق لديك؟

... أعطني فكرة بسيطة عن نفسك وشخصيتك؟

... يقال ليس للرجال أمان فما رأيك؟

السكون

12-04-2010, 12:08 AM

... ما رأيك بالأمل..... وهل يموت الأمل في الإنسان؟

الامل هو الشيئ الوحيد المتبقي في هذه الدنيا

واذا مات الامل في الانسان فكانما لا يوجد انسان

... ما رأيك بالحياة الدنيا، والحياة الآخرة؟

الحياة الدنيا لعب وغرور

والحياة الاخرة هي الحياة

قال رسول الله صلى الله عليه واله وسلم

الناس نيام اذا ماتوا افاقوا

... ما رأيك بالموت، وهل تهابه؟؟؟

الموت هو بداية النهاية فاما ان تكون في عيش سعيد

واما ان تكون في جهنم عن الابرار بعيد

مهابة الموت ان الانسان التقي يهاب لموت لهوله

فما بالك بالانسان الظالم لنفسه

... ما رأيك بالحب الذي ينشأ بين الرجل والمرأة قبل الزواج؟

مجرد احساس والوان غير ثابتة على الملابس

فاول غسلة بعد الزواج تذهب الالوان مع مسحوق الغسيل

بتمنى انك تفهمي شو عم اعني

رح اترك الادراك الك

ممكن اكون انا غامض لكن الانسان النبيه يفهم ما اعني

... هل هناك حب صامت وما رأيك فيه؟

تسالني عن الحب الصامت ومن اكون

هو عشقي هو اعصاري هو السكون

براءة الاطفال ان يعشق الصامتون

عشق خفيف لطيف ليتكم تدرون

انا من اعشق داخل القلب يكون

لا يراه بشرا ولا جاناُ ولا عيون

ولي في عشقي الصامت فنون

همسات رقيقة وكلمات الجنون

وسواد على بياض كانما المكنون

... هل سبق وأن تعرضت لموقف محرج...... وهل من الممكن ذكره؟

لا لم اتعرض لموقف محرج

... هل شعرت مرة بتأنيب الضمير... ومتى؟

كل يوم اشعر بتأنيب الضمير

ام انك تحسبيني من الملائكة

فذنوبي لو جمعت لعادلت ذنوب كل الخلائق

رحماك ربي واليك المصير

... ما هو الرقم والحرف المفضل لديك؟

... من هو أعز صديق لديك؟

الصقر الحنون

... أعطني فكرة بسيطة عن نفسك وشخصيتك؟

انسان اقل من عادي

وشخصيتي تميل لسيدي ومولاي صاحب بيعة الغدير

... يقال ليس للرجال أمان فما رأيك؟

لا امان للرجال والنساء

فذاك يكذب وتلك دهاء

هلا فيكِ خال نورتي