يا ريت اعراف الاجابة

[غروري ضروري]

سوالي ؟ شو موقفك ؟ لو انت بتحب حدا واعترفتلوا بعدينه اكتشفت انك ما بتحبوا
بتخلي عم يحبك وانت ولا عم تفكر في
ولا بتقوا وبتصدموا

[دمعة فرح]

التصرف السليم لهيك مواقف انو عد للمليون قبل ما احكي شي .. لازم اتأكد من عقلي قبل قلبي وشوف ازا كنت واثقة من حبي
لأنو الحب مو لعبة بنوب .. وممكن هالشي يكون مجرد إعجاب مو حب لهيك لازم الواحد يتأكد منيح قبل أي تصرف

http://mgtrben.net/viewimages/f4cf955bb7.gif (http://mgtrben.net/download/f4cf955bb7.html)

تحياتي وردة

[Sanaa]

أولا مشكورة " غروري ضروري " ع الموضوع


طبعا ... من البداية لازم يكون الشخص كتييير واثق من مشاعره ... قبل ما يفصح عنها


مو أي شخص ارتحناله و استلطفناه.... ممكن نكون حبيناه


لذلك هاد الموضوع كتير حساس و بحاجة لتروَي .... لأنه غير قابل للتراجع إطلاقا


مرة تانية شكراااااااااا " غروري ضروري " ...

تحياتي إلك

[ماهرالفيزو]

اول شي مشكورة كتير غروري ضروري على الموضوع الرائع مااعرف الموقف صراحة بقدر ماابحث عن حل للموقف موقفي اكون شخص لئيم لان المفروض الي يستاهل كلمة احبك يكون يستاهلها من اعماق القلب ............صراحة فتت بلحيط ومو عرفان شو اكتب بس مافيني الا اشكرك كتير على الموضوع وياريت لو تحكي موقفك انتي لو كنتي بهيك موقف ........................... شو كنتي عملتي ...................واسف على الاطالة ومشكورة للمرة الثالثة كوميات مشكورة

[غروري ضروري]

يا جماعة شكرا كتير بس انا ما عرفت شو الحل بيريكم:z09: سا عدوني صرحا هو هدا ما بخصني بس بخص واحد بتعز على قلبي سالتني وما عرفت شو جوبا وانا هالفترة ما عم فوت على الانترنت عم جهز حالي للختبارات بس فتت خصوصي من شان شوف اذا :z09:حدا رد بليز لقولي الحل باسرع وقت:z09: لو سمحتوا:z03: راح فوت على ساعة 7 بتوقيت سعودية ان شاء الله لقي مين ساعدنس

[دمعة فرح]

قلنالك ياقلبي لازم البنت تكون واثقة تماما .. وازا هلأ هي مابتحبو .. تقلو انو انا مابحبك بدون اي تصنع وتمثيل وكزب

وبالتوفيق:z025:

[king-of-nothing]

سوالي ؟ شو موقفك ؟ لو انت بتحب حدا واعترفتلوا بعدينه اكتشفت انك ما بتحبوا
بتخلي عم يحبك وانت ولا عم تفكر في
ولا بتقوا وبتصدموا

أديش عمرها....


King of Nothing

[دمعة فرح]

ايوااااا عليك نور مؤيد والله نفس سؤالي وتوقعاتي بتقول انو مابتتجاوز ال15 سنة .. !!

بإنتظارك غروري

[غروري ضروري]

عمرها 13 او 14 بس هي غلطات وقالتوا بس يلي بعرفوا انوا هو كتير بحب والمشكلة الاعظم والدهيا انوا هو من احد الاقراب :ndm: راح يصير مشاكل اذا قالت و راح تخدعوا اذا ظالت ساكته هالبنت منحوسه يا حرام الحمد الله ربي رحمني وما بامن بالحب

[غروري ضروري]

دعولي عندي اختبار هلا بشوفكم على 6 ونصف عم استنا ردودكم على احر من الجمر وصحيح هو عمرو 17 او 18 يعني بالوسط

[غروري ضروري]

وينكم يا حلووووووين

[دمعة فرح]

حياتي هاد حب مراهقة قلتيلي البنت 13 او 14 هي طفلة اصلا والشب مابين17 و18 كمان مانو كبير
هاد الحب رح ينتهي عاجلا أم آجلا بقى تستنى لحتى ينتهي الحب لحالو ..
اما ازا كانت خايفة من المشاكل فبظن الأهل رح يتفهمو الوضع .. لأنو حب وراد كتير
مافيني قلك انو خليها تتفاهم مع حبيبا وتحل الموضوع سلمياً لأنو مرح تفهم هالشي كونا صغيرة

الموضوع بدو وقت ويخلص خليها تتطمن .. وكمان تتعلم درس من اللي عملتو ومايتكرر
وتفكر منيح منيح قبل ماتصارح حدا وخصوصا بالحب لأنو الموضوع حساس

متابعة معك اختي

[king-of-nothing]

خليها تحكيلو ... ويتعوذو من الشيطان .... لسة المشوار طوييييييييييييييييييييل بالحياة ورح يقلبو وجوه كتير بحياتون


البنت بتمر بأكتر من مرحلة بحياتها وبتحب بأكتر من مرحلة .... فشي عادي انها تتغير مشاعرها


بعتذر عالكلمة هاي بس مو ضوع الحب بهيك عمر حكي فاضي ووقاحة

14 ... عال18 شو بدها تعمل ؟ ولا لتصير بال20 ولا بال30


بالنسبة للأهل تحكي لإمها والأم ما في متلها بحنانها ودعم بنتها

King of Nothing

[SHARIEF FATTOUH]

بصراحة موقف صعب والله لا يمتحنا
و لا يحطنا بهيك موقف

[غروري ضروري]

يسلموا كتير واكيد هدا الحل

[غروري ضروري]

بعتذر عالكلمة هاي بس مو ضوع الحب بهيك عمر حكي فاضي ووقاحة
ووقاحة تجكرت من هالكلمة بس يسلموا
بس لاتقنعني انك وانت ضغير ما حبيت؟

[ms.lonley]

صباح الخير
كيفم جميع وكيفك اختي غروري ضروري ......
أسعد الله أوقاتك بكل خير
اختي .....والله أنا بنصحها تتجاهلو وتنساه وما تعود تحكي معو نهائي ولو سئلها وماعرفت تتهرب منو تقلو إن إمي عرفت وما بعرف كيف عرفت وخانقتني وهددتني تقول لأبوي وأنا خايفة وشلت فكرة الحب من بالي وناوية أحط تفكيري بدراستي وبس
مشان ما تجرحلو مشاعرو يعني إزا خايفة على مشاعرو ......لأن بضل شي أهون من شي
أما إزا مو خايفة على مشاعرو تصارحو إن هي تسرعت بلكلمة وإنها ما بتتمنالو غير الخير وإنو مو مفكرة بلحب لأن لسى بكيررر كتير على هلحكي
وقبل هاد كلو حبيبتي البنت لساتها صغيرة وهادا حب وهم يعني مراهقة ولما تكبر رح تضحك على حالها .....لأن البنت لما تكبر وتوعى وتواجه الكتير بحياتها بيتغير مفهوم الحب بنظرها وبتتغير مواصفات فتى أحلامها فبتيصر تفكر بعقلانية اكتر........فلازم تشيل فكرة الحب من بالها هلأ وتركز على دراستها ورضى أمها وأبوها
وكل شي بوقتو حلو ...........

[En.Khaled Alfaiomi]

أختي الكريمة كلمة بحبك صارت اسهل كلمة على لسان الشاب العربي أو الفتاة بشكل عام
بيشوف بنت أول مرة قبل مايخلصوا المشوار بيقلها بحبك
وحتى لو كان كاذب..بس يمكن الأفلام صارت تأثر علينا للأسف

نصيحة كوني صريحة في الكلام لأنوا ضميرك رح يعذبك بعدين .. ولا تعلب بمشاعر الناس ...

الصراحة مافي أحلى منها .. ممكن يتجرحوا ساعة -- يوم -- شهر ... بس رح ينساها .. أفضل ماتستمر شهور وسنين ؟ بعلاقة مو حقيقية ..

يمكن حطيت بلهجة شب أو بنت .. أسف بس نحنة أخوة ومنقبل النصيحة من بعض :z025:

تحياتي

[عاشق الوطنية]

غروري مشكورة على طرحك لو اني محلو

ببلش خليه يغير فكرتو فيني عن طريق تغير تصرفاتي وبحسسو انو مو انا يلي كان بحبني

وطلعت مو متل مو مفكر وهيك ببلش شوي شوي يبعد عني وانا كمان بصير ببعد عنو تدريجيا

لحتى نبعد عن بعض بصمت كبير

مرة تانية مشكورة

:z025:

[السكون]

اذا كان عمرها 13 او 14

هي بتكون لسا مراهقة ومو عرفانة شي لسا

خليها تقول انو هي كانت مستلطفة الشخص لا اكثر ولا اقل

صدمة من هلا احسن من بعدين لانو هلا لساتا باول الطرق

والاول دائما اهون

ولا شو رائيك

[غروري ضروري]

كلامك صح 100%

[غروري ضروري]

طريق حلو ممكن يسلموا

[غروري ضروري]

عن جد هدا الكلام صح وهدا انا يلي عم دور عليه عن جد كتير شكرا

[السكون]

اهلا وسهلا فيكِ

دمتي بخير

[ms.lonley]

شو طمنينا حبيبتي
شو صار معها للبنت
بتمنى تحكيلنا شو قررت تعمل

[ziadf]

لازم انحطو بلصورة لانوا حرام يعيش بلاوهام

[fawazkh]

اذا كان السن اكثر من 17 سنة فيجب ان تخبره وان كان اقل فلا اساس للحب اصلا لانه حب مراهقين



مجرد رئي