الجهل موجود في جامعة تشرين ناقش معنا ؟؟

[أحمد فرحات]

اليوم باشرتو أنا وصديقي محمود عبد المعطي بتوزيع كروت موقع المغتربين السوريين في جامعة تشرين
ونحن نوزع الكروت ع الاساتذة والدكاتره والمهندسين والطلاب
لاحظنا بعد اعطاهم الكرت الى بعض من الاساتذة والدكاتره والمهندسين يتظرون إلى الكرت ويسئلون ماهذا ونحن نقوم بشرح عن الموقع والكرت
فا نتفأجى ببعض الاجوابة مثلا (أنا مابعرف اشتغل ع الحاسوب ,ما عندي وقت لهل الحكي الفاضي )
فهل وصلت أن يتعين الاساتذة او الدكاتره والمهندسين دون أن يكون لديه علم على الحاسب كيف تم تعين هولاء....ماسبب هذا ؟؟؟؟؟
تفضلو ناقشو

[السكون]

اخي احمد

المثل بيقول

وللناس في ما يعشقون مذاهب

وبعدين في ناس الله يعينها يمكن ما عندها استطاعة لشراء

حاسوب او انو بعض الاساتذة والدكاترة بالكليات

يقومون بعمل اضافي خارج نطاق عملهم

لذلك لايمكن الحكم على الانسان من خلال المضهر الخارجي

او المكانة التي هو فيها

الله يعين كل حي على بلواه

ومشكور اخي احمد على موضوعك الجميل

دمت بحفظ الرحمن

[أحمد فرحات]

فعلاًمعك حق أخي السكون
تحياتي

[Dr.Hasan]

انا ما مع راي السكون ولاستخدام الانترنت علاقة هامة بالتطور والتقدم وهلق الدول عموما عم تسعى لتطبيق الحكومة الالكترونية والحكومة حاليا عم تسعى لتلافي دخول مثل هؤلاء الجاهلين الى الجامعات والقطاع التعليمي عن طريق احداث مواد للحاسوب والمعلوماتية منذ المرحلة الابتدائية وحاليا اي دكتور من هيدول اذا راح يشتغل مندوب مبيعات ما بيوظفوه اذا ما بيعرف كومبيوتر
واذا بتروح ع اميركا او اوروربا مستحيل تشوفدكتور واحد ما بيعرف يشتغل عالنت حتى اذا كان ما بيعرف يشتغل بيكون عنده مين يشوفله اخر الاخبار(بالنسبة للدكاترة واستاذ الدكاترة الكبيرين بالعمر
مشكور احمد فرحات

[ريماس]

اي صح كلام اخي السكون سليم ..
بالذات معروفة الاوضاع عنا شلون ..
كل واحد وظروفو ومابيحبو يعرفو لحدا
الله يعين هالناس ويعينا
شكرا احمد ويعطيك العافية
تحيتي لك

[ماهرالفيزو]

والله خي احمد
مافيني قول غير الله يكون بعونهم

يعني انا لمن انزل لسوريا احس حالي بعالم تاني..

كتير ناس ماعندها كمبيوتر بلبيت ...حتى لو دكتور جامعة ولا شو كان منصبه اعرف كتير ناس لسا مايعرف كيف يشتغل

وبعدين النت عنا......الله يستر عليه

[أحمد فرحات]

أهلا بشباب
أنا معك Dr.Hasan (http://www.mgtrben.com/portal/member.php?u=5)
لازم نتطور بئى

[En.Khaled Alfaiomi]

بتعرف أنا قابلت كتير دكاترة ومدرسين بالجامعات
بصراحة دائماً ماعندهم وقت يخلص الجامعة يرجع على البيت ياكل وينام !!

للأسف مافي عندهم وقت لتعلم أو أستخدام النت إلا القليل

وماتنسى الإنترنت غير متوفر لدى الجميع .. لأسباب التكاليف المرتفعة أو البطئ ...

ومشكور على جهودكم في العمل دائماً لشهر الموقع وهي تقييم

[M-AraBi]

هلئ ياشباب ما أختلفنا على أنو الدكاترة والمدرسين وغيرهم ما بيعرفو بالكمبيوتر لأسباب (لأنهم في سوريا هو السبب الوحيد يمكن ههههه)

والمفروض أنو الدكاترة أو المهندسين أو 90% منهم عندو كمبيوتر خاصة لوكان أختصاصهم في مجال الكمبيوتر (وهذا لازم يكون عندو!!!!)
أما إذا كانو ما بيعرفو بالكمبيوتر فهذا شيء غير عادي..!!!

وأنا لاحظت هالشغلة كتير من الدكاترة يلي درسوني

وهلئ في عنا دكتور بالجامعة هو بالأصل دكتور بجامعة تشرين وشايف حالو ومو مصدق
وبالأخير شو
(طلع إذا قام فيش الشحن تبع اللاب توب ما بيعرف يرجعه)
(هذا غير الجهل في النظام!!!!!!)
هذا من جامعة تشرين وما بدي أحكي على غيرو وغير جامعات
وما بدنا نشمل الكل طبعاً

ولكن مو الحق عليهم
الحق على اللي عم يخليهم يكملوا بالتدريس
بس المشكلة كمان أنو هدول عندهم حصانة مو طبيعية!!!!!!!! يعني إذا بتعطس بوجهه بيفصلك
ومو بس هيك
لا عم يتقبلو النصيحة ولا عم تقدر تشتكي عليهم لتدني المستوى العملي وضعف المستوى العملي

والحديث يطول من حرقة القلب
وشكراً لك أخي أحمد

[أحمد فرحات]

أهلا بشباب والله تحياتي لكم شرفتو