الجظ مظ

[سارة]

ها الاكلة أتعلمتها بحلب


المقادير :





ـــــــــــــــــ





بيض





بندورة





بصل





سمنة





ملح





فلفل اسود





ـــــــــــــــــــــــــــــــــــــ





طريقة التحضير :





ـــــــــــــــــــــــــــــ





نسلق البندورة حتى تصير طرية شوي





نقشرها ونفرمها لقطع ناعمة





نفرم البصل جوانح





ونضع السمنة بمقلاية





ونقلي البصل حتى يصير لونهم زهر





نضع البندورة ونخلطهم حتى يغلو شوي





نفقس البيض ونخفقه ونضعه فوقهم





نرش ملح حسب الرغبة





ونخلطهم جيدا حتى يستوي البيض





يوضعوا بصحن ونرش فوقهم الفلفل الاسود كمان حسب الرغبة





وبيتقدموا لملوك





ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ





وصحتين وهنا







انا اول مرة بشوفها ما عجبتني





بس لما اكلت منها صرت دائما اعمل منها





كتييييييييييييير طيبة

تبقو جربوها :z033:

[ماهرالفيزو]

كلامك صح كتير طيبة

مشكورة سارة

[سارة]

اها شو مجربها بالجيش ههههههههه

منور ماهر

[ماهرالفيزو]

لا

جربتا بلمعهد


بس بدي اعرف شو نوع الحبوب الي عم تتعاطيها ..

[سارة]

لا

جربتا بلمعهد


بس بدي اعرف شو نوع الحبوب الي عم تتعاطيها ..


بنادول
هههههههههه

شو قصدك ما فهمت عليك

[ماهرالفيزو]

ماشاء الله الضحكة على طول معك

قصدي عم تشربي شي يخلي بالك فاضي

علمينا والله حرام عليكي

تكسبي اجر

[سارة]

اها

لاء بالعكس كل وقتي دراسة ودراستي كتير صعبة هندسة ميكانيك

بس يعني انا وقت بدخل لهون بقصد رفه عن حالي


بس خلص ولا يهمك ما بقى اضحك

لازم انتبه لحالي
شكرا للملاحظة

[ماهرالفيزو]

اول شي الله يكون بعونك ... دراستك مو سهلة

وبعدين لا تتحسسي بلعكس ضحكتك تحلي الجو

الكل من ندخل هون عشان نخفف عن حالنا

واسف لو ضايقك سؤالي وهو من نوع المزح مو اكتر



لك احترامي

[سارة]

اول شي الله يكون بعونك ... دراستك مو سهلة

وبعدين لا تتحسسي بلعكس ضحكتك تحلي الجو

الكل من ندخل هون عشان نخفف عن حالنا

واسف لو ضايقك سؤالي وهو من نوع المزح مو اكتر



لك احترامي



لا عادي ولو انا ما بزعل

منور ماهر

[M-AraBi]

بعرف شوفير تكسي كان معو ركاب زلمة وبنتو وعلى اساس انهم اكابر وتجار وهيك يعني (بس يمكن مو عرب)
ولما كانو بحلب راحو على مطعم طلبو اكلة اسبانية وفرحانين بحالهم
وشو طلعت الوجبة (بيض وفوفو بندورة)
وهدول قاتلين حالهم عليها
قام هذا الزلمة قال شو هاد!!!!
بعد كل هالأنتظار عم تطعموني جظ مظ
وهن مغكرين حالهم دابيحلو خاروف

المهم الزلمة قام عبا طاولة على كيفو من مشاوي وكبب وسلطات
قام هدول الزبائن تركو الجظ مظ الاسبانية ولحقوا اكلاتو

المهم أختلفت الاسماء والبلدان وبالنهاية شو طلعت (جظ مظ)

[السكون]

اكلة رائعة جدا

مشكورة سارة

[أحمد فرحات]

:z025::z025::z025: