يلي بدو يتعلم فن اصول الطبخ مالكم غير ريماس وابو عمر مع شهادة تخرج بشطارة !!

[ريماس]

http://mgtrben.net/viewimages/56497eb7fb.gif (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2F56497eb7fb.html)

صباحكم ومسائكم الورد :z025:

http://i197.photobucket.com/albums/aa155/xWhitexLillyx/anime/anime%20girls/NaoGoto044.jpg

يلي بدو يتعلم فنون واصول الطبخ رح تلائوها ان شاء الله كلها هون فقط ( بالملتقى المغتربين السوريين )

طبعا بما اني حلبية رح اعرض عليكن كل انواع الطبخ يلي نحنا منسويها وتعلمناها بالتدريج .. ورح يكون منوع !!

منها اكلات وحلويات عربية وشعبية وخليجية وغربية كلها رح استدرجها هون خطوة بخطوة واذا مشيتو عليها بالضبط رح تنجح معكن ..

ورح يكيف زوجك وينبسط بطبخاتك ورح تتخرجي عنا ان شاء الله بشهادة خبرة وبشطارة ..

الاخ ابو عمر بيشتغل محل حلويات بقلاوة ومبرومة ورح يقدملنا اعمالو وخبراته كلها هون ورح يفيدكم ..

http://i220.photobucket.com/albums/dd261/kuichi13/succes.jpg

طبعا مسموح للاخوة والاخوات المشاركة معنا حتى نتعرف ونتعلم الاكلات الجديدة وبجيمع الجنسيات المختلفة ..

ولكن حابة انبه انو اهم شي مابدي اي وصفة منقولة من منتديات تانية وتنحط هون :z060: لانو اذا شفت وصفة منقولة رح أحذفها :z09:

نحنا بدنا وصفات انتي جربتيا بنفسك ونجحت معك وبدنياكي تدريجيا هون مشان الكل يستفيد .. :z019:

وانا هدفي اني افيدكم من خبراتنا وتستفيدو ونستفيد منكم كمان ..وهيك رح نكون موسوعة خاص النا ..


http://i105.photobucket.com/albums/m238/_Angel_Of_Suicide_/Anime/257701iv40lycwm5.jpg

طبعا بحكم اخواتي نحنا جربنا كتير حلويات بالكتب والانترنت بعضا نجحت معنا وبعضها لاء ..منها طيب ومنها لاء ..

يلي نجحت معنا وعرفنا مقاديرها صح رح نستدرجها هون وانا متاكدة اذا جربتي تعمليها ومشيتي عالخطوات رح تنجح معك ..

واذا محتاجين اي اسئلة او استفسار من الطبخات يلي رح انزلها تقدرو تسئلو ورح نجيب عليكم ..

http://i88.photobucket.com/albums/k182/puppiesarecute/cake.jpg
بكرة ان شاء الله رح ابدء بوضع الوصفات
وبتمنى منكم االدعاء وانكم تدعولي ولللاخوة ايضا بالتوفيق والسعادة..

تحيتي لكم:z023:

[دمعة فرح]

واخييييراااا تم تنفيذ المشروع :clap:.. صرلنا زمان عم نستنى
والله يارورو موضوع حلو كتير وتعاون رهيب ماشاءالله عليكي من يوم يومك شاطرة:z023:
بالاكل مو بس بالاكل بكل شي .. لك انا بحب اطبخ بس مافي حدا بيشجعني ومالي خلق
وازا طبخت ماباكل من طبخي مابحبو بس غيري بيحبو
وقالولي هي بالبداية بس بعد مااتعود مابقى حب غير طبخي ياترى صحيح ؟؟ http://smileys.smileycentral.com/cat/15/15_9_25.gif (http://www.smileycentral.com/?partner=ZSzeb001_ZCxdm639YYLB)

اما حلويات ابو عمر عنجد غير شكل طيبة كتير كتير ماشاءالله عليه إلو نفس بالطبخ طيب http://smileys.smileycentral.com/cat/15/15_8_209.gif (http://www.smileycentral.com/?partner=ZSzeb001_ZCxdm639YYLB)

معناتو انتي بتغدينا http://smileys.smileycentral.com/cat/36/36_1_72.gif (http://www.smileycentral.com/?partner=ZSzeb001_ZCxdm639YYLB) وابو عمر بيحلينا .. http://smileys.smileycentral.com/cat/8/8_8_36.gif (http://www.smileycentral.com/?partner=ZSzeb001_ZCxdm639YYLB)
الله يقويكن يارب http://smileys.smileycentral.com/cat/23/23_9_12.gif














وطبعا تم التقييم :z03:

[ريماس]

يعطيكي العافية دمع فرح عالتشجيع
وطبعا الحكي صحيح انك بعدين مابتحبي غير طبخك :z027:
شدي حيلك وعلمينا طبخات يلي بتعرفيا وفيدينا فيها ..

وانا هلاء رح استدرج طبخاتنا الحلبية يلي منعملها

وكل واحد يحطنا طبخة مشهورة ببلدو نتعلم منو كمان وهيك كلنا رح نستفيد ..

شكرا على مرورك دمعة وشكرا لكي عالتقيم تحيتي لكي

[ريماس]

طبعا رح احط طبخة هلأ ..
هي اكلة يخنة بالدجاج هي الاكلة المفضلة عندي وبحبا كتير ..
ورح اعطيكم خطوة بخطوة عالدقة مشان اذا مشيتو عليها تنجح معكن فورا ..
وأي استفسار انا جاهزة ..

يخنه بالدجاج

المقادير :
دجاج + بصل يابس (مفروم جناح اذا كانت صغيرة اما اذا كان بصل كبير افرميها جناح مع فسخها بالنص مشان مايطلع جناح كبار)
+بصل أخضر (ناخود خضار فقط مفروم فرم وسط )+ بهارات مشكلة
مكعبات ماجي اكيد بتعرفوه +شوية رز صنويت تقريبا ملعقتين
ظرف شوربة ماجي بالدجاج بالشعيرية ركزو منيح دجاج بالشعيرية ..لانو في نكهات مختلفة ..
ورح احط صورة ظرف ماجي الدجاج بشعيرية مشان تعرفو شو بقصد ظرف على يمينكم ..
http://www.s-oman.net/avb/attachment.php?attachmentid=423098&d=1274217762


طريقة العمل :
1- نسلق الدجاج نصف سلقة مع وضع جميع البهارات يلي عندك لانو رح نستخدم مية الدجاج ..
بعد ماتسلق نصف سلقة نضع الدجاج في الصينية ونصفي مرئة الدجاج ..
نأخذ مية الدجاج ونزيد عليها ماء لحتى تتناسب الملوحة معك لانو بتكون مالحة بعد سلق دجاج
ثم نضعها في النار الى ان يغلي بعد مايغلي نضع رز صنويت مقدار ملعقتين + مكعب ماجي +ظرف ماجي مو كلها نحطها ناخود جزء من الشعرية يلي بداخلها مع شوية بودرة خضرة مقدار ملعقة ..

2- بتكوني هون محضرة بصل ومفروم جناح وتكون كمية كبيرة مو تقللي .. طيبة شوربة اليخنة يكون بصلها كتير ..
ثم قلبيها بشوية زيت قلي مو تكتري كتير لحتى يذبل البصل ويستوي منيح وبعدين صفي البصل من الزيت منيح وضعيها فوق
مرئة دجاج ..
بعدين ضعي كرات البصل الاخضر المفروم ناعم ونقليها بالزيت يلي قليتي فيها البصل لحتى يذبل بعدين صفيها وحطيها فوق مرئة دجاج
واذا ماعندك كرات بصل الاخضر تقدري تستغني عنه مو ضروري ينحط ..

3- بعدين يحمر الدجاج بزيت البصل طبعا بتكون دجاج مقطعة (يعني فخذ لحال وجناح لحال واهكزا :z027:)واذا مالك حابة تحميرها مو ضروري كمان ..على حسب الرغبة وبعدين حطيها فوق مرقة دجاج مشان يستوي ..
وبعدين ضيفي فليفلة حمرة وشوية بهارات مشكلة ..

وتقدم مع رز بالشعرية مع عصرة ليمون عاليخنة اذا حبيتي مع جرجير ياسلام :z019:
جربوها وادعولي
بالهناء والشفاء :z025:

وانتظرو مني المزيد ورح اقدم اكثر

[ماهرالفيزو]

مساء الخير للطيبين ريماس وابو عمر
والف شكر على مجهودكم الكبير
انا من ناحيتي رح شارك معكم وكل اكلة تكتبوها رح جربها عملي واعطيكم رأي لو طيبة اكيد بقلكم ولا مو طيبة اكيد رح اعزمكم

وانشاء الله الجميع يشارك معكم وانا رح اكتب الي اعرفه انشاء الله

وبكرر الف شكر الكم وماقصرتو

بعدين ...ريماس بنت حلب ولليوم ساكتة مو حرام عليكي ابدعي بطبخاتك وفيدينا

[ريماس]

مساء الخير للطيبين ريماس وابو عمر
والف شكر على مجهودكم الكبير
انا من ناحيتي رح شارك معكم وكل اكلة تكتبوها رح جربها عملي واعطيكم رأي لو طيبة اكيد بقلكم ولا مو طيبة اكيد رح اعزمكم

وانشاء الله الجميع يشارك معكم وانا رح اكتب الي اعرفه انشاء الله

وبكرر الف شكر الكم وماقصرتو

بعدين ...ريماس بنت حلب ولليوم ساكتة مو حرام عليكي ابدعي بطبخاتك وفيدينا


خلاص ياماهر معناها انت الذواق وبتقلنا رئيك ومتأكدة ان شاء الله رح تنجح معك ..
وياليت تكتب يلي بتعرفو اهم شي مايكون منقول من منتديات تانية :z060:
بدنا نكتب بحيث اي واحد يجرب يعملها تنجح معو ..

وان شاء الله رح استدرج كل طبخاتنا هون ورح اخليها موسوعة مشان الكل يستفيد

شكرا ماهر على تعاونك معنا بنتظار ابدعاتك في الاكل ..

تحيتي

[ريماس]

هلاء رح اقدم أكلة تانية هي
برغل ولبنية

المقادير:
6 سنون ثوم
ملح +نعناع يابس+رز صنويت +لبن +بيض +زيت قلي +لحمةمفرومة..


طريقة العمل :
1- توضع ربع ماء في الطنجرة (القدر) ونتركها لتغلي
منكون هون نئعنا شوية رز صنويت مقدار فنجانين الى ثلاثة فناجين قهوة بالماءلمدة 5 دقائق ..
بعدها نضع الرز فوق الماء المغلي ونتركها الى ان تستوي الرز ..

2- هون منحضر بالخلاط (لبن زبادي نعبيه تلات ارباع الخلاط +بيضة وحدة +مع رشة ملح اذا كان لبن سميك ضيفي شوية مي عليها
اما اذا كان مريء لاضيفي مي )ونخلطها بعدين نضيفها فوق مي والرز
طبعا مارح تحتاجي خلاط لبن رح تحتاجي يمكن خلاطين لبن
على حسب كمية العيلة ..

3- ندق 6 سنون ثوم مع اضافة ملح ودّقيه منيح وبعدين ضيفي نعناع يابس كتير نعناع بيطلع اطيب ..
بعدين ناخود شوي من الثوم ونضيفها فوق الطنجرة والباقي نقليه بالزيت القلي ونضيف عليها اللحمة
بعدين نحطا فوق الطنجرة ..
شوفي سمك اللبن اذا بتحبيها سميكة شوي ولامريئة شوي على حسب الرغبة ..
الافضل يكون وسط سمك اللبن ..

وتقدم مع البرغل بالشعرية وصحا وهنا

[zeena]

تارت الجزر
أكلة شتوية ومكوناتها متوفرة :
كاستين ونص طحين منخول
4بيضات
كاستين جزر مبشور كاستين صغار(شاي)سكر
كاسة ونص زيت مازولا
رشة فانيليا وملعقة صغيرة بيكن باودر وبشرة ليمونة
جوز وزبيب(كشمش)حسب الرغبة
3ملاعق صغار قرفة
الطريقة:
نخفق البيض مع السكر والفانيليا 10دقائق ثم بملعقة الخشب أو بمضرب السلك نضيف بشرة الليمون ثم الطحين والزيت بالتناوب يعني ملعقتين طحين (طبعا معه البيكنغ باودر) بعدها شوية زيت حتى انتهاء الكمية .
نضيف الجزر ونحركه ,نخلط الجوز مع القرفة والزبيب ويضاف للمزيج ثم توضع في صينية مدهونة بزيت أو سمنة حجم وسط .وتوضع في الفرن ثلث ساعة بنار متوسطة...وبالهنا والشفا
إذا عجبتكن بنزل غيرها

[ماهرالفيزو]

:z033::z033::z033: اي زينة نزلي غيراتها كوميات نزلي نحن بانتظارك
مشكورة كتير

[ريماس]

تارت الجزر
أكلة شتوية ومكوناتها متوفرة :
كاستين ونص طحين منخول
4بيضات
كاستين جزر مبشور كاستين صغار(شاي)سكر
كاسة ونص زيت مازولا
رشة فانيليا وملعقة صغيرة بيكن باودر وبشرة ليمونة
جوز وزبيب(كشمش)حسب الرغبة
3ملاعق صغار قرفة
الطريقة:
نخفق البيض مع السكر والفانيليا 10دقائق ثم بملعقة الخشب أو بمضرب السلك نضيف بشرة الليمون ثم الطحين والزيت بالتناوب يعني ملعقتين طحين (طبعا معه البيكنغ باودر) بعدها شوية زيت حتى انتهاء الكمية .
نضيف الجزر ونحركه ,نخلط الجوز مع القرفة والزبيب ويضاف للمزيج ثم توضع في صينية مدهونة بزيت أو سمنة حجم وسط .وتوضع في الفرن ثلث ساعة بنار متوسطة...وبالهنا والشفا
إذا عجبتكن بنزل غيرها


يعطكي العافية اختي عالمشاركة الرائعة وكيكة الجزر الكل يفضلها ويحبهاا
وخلينا نشوف وصفاتك كمان بنتظارك
شكرا لكي تحيتي :z025:

[ريماس]

هلا رح نعمل اكلة

مامونية

المقادير :
1 كاسة (بقصد كاسة ماء الكبيرة ) سميد (ملاحظة :كاسة يلي قستي عليها السميد لازم نفس الكاسة تقيسي عليها بقية المقادير )
كاسة ونص سكر .. واذا بتحبيها تكون حالي كتير خليها كاستين سكر
5 كاسات ماء
علبة فانيلا
ماء زهر
زبدة +سمن عربي اذا وجد..
قرفة

الطريقة :
1- نضع الطنجرة عالنار ونضع عليها الماء بس تغلي توضع السكر ومعلقة كبيرة الفانيلا وتلات معالق ماء زهر ..
2- نضع مقلاة عالنار ونضع فوقه الزبدة كتري شوي الزبدة وبعدين ضعي السميد وحمصيها
ضلي حركيهاا ولاتعلي النار تحتا ...خليها على نار هادئة وضلي حركيها هي بطول شوي بالحمص ..
رح تلاحظي لونها عم تتغير وصار ذهبي اللون وبتطلع ريحتا زاكية ..بعد مايتحمص حطيها فوق الطنجرة بشويش على مهل
مو تحطيها كلها فرد دفعة لانو لاسمح الله بطرش عليك ..
وتركيها عالنار وغطيها ..ماتحسي وإلا لحالها عم تسمك وتبدء تصير سميكة
كلما خليتها تغلي اكتر بتلاقيها تسمك اكتر ..بقى هي على حسب رغبتك ..
3- بعدين حطيها بصحن ورشي عليها القرفة
بعدين حطي سمن عربي على وشا وذا ماعندك حطي زبدة ..في ناس تحط على وشها قشطة
في ناس تحط القشطة جنب المامونية على حسب الرغبة ..
وتقدم مع الجبنة مشلشلة او كعيب ..
وصحا وهنا على قلوبكم :z023:

[السكون]

يا سلام يا سلام

شي بموت من الجوع

مشكورة رورو

[zeena]

شكرا الك ريماس وعمننتظر حلويات ابو عمر العربية (المبرومة والبقلاوة)
وانا رح أكتبلكن الأكلات اللي اتعلمتها جديدومنها
نيجت دجاج بطريقة سهلة وطيبة كتير:
كيلو صدور دجاج مشفى :يقطع ققطع أصغر من الشيش
كاستين طحين توضع في وعاء مع رشة ملح وبهار
مع ملعقتين كبار بيكنغ باودر
مع بيضة و شوية ماء حتى تصبح العجينة طرية(بسمك الناطف)
يتبل الدجاج المقطع بملح وبهار ويوضع في العجينة ويحرك حتى تختلط كل قطع الدجاج بالعجينة ثم تترك ساعة
يحمى زيت القلي جيدا وتوضع فيه القطع قطعة قطعة بالملعقة وهي ملفحة بالعجين وتترك لتتحمر..وتخرج وتقدم ساخنة حتى لاتفقد قرمشتها مع البطاطا المقلية والمخلل
وبالهنا والشفا

[zeena]

وهي الصورة بعد ماعرفت انزلهاhttp://mgtrben.net/viewimages/ddadd9f829.jpg (http://mgtrben.net/download/ddadd9f829.html)

[ريماس]

يعطيكي العافية زينة باين عليها طيبة وانا كتير بتشكرك ع مشاركاتك
شكرا الك انك حابة تفيدينا بفنك لطبخ :z025:
وخلينا على طول نشوف ابداعاتك ونتعلم منها

[ماهرالفيزو]

ريماس المامونية هي طبق الحلو صح الي يطلع لونها اصفر بلنهاية

بس كم ممكمن تاخد وقت وين رح حصل سميد بلاقي بلسوبر ماركت شي

وضروري حط سسمنة على وجها ولا عادي


على فكرة بحب هالاكلة كتير وخاصة بلشتا كنا نشتريها ايام المعهد


مشكورة ريماس بس رديلي كم تاخد وقت

[ريماس]

رز وبامية

المقادير :
لحمة ناعمة + دهنة اذا وجدت
ملح +بهار
بامية
صلصة الطماطم (مية افرنجي )
ليمون او حصرم
نص ملعقة صغيرة سكر ( مشان تتعئد )


الطريقة :
نقلي اللحمة ثم نضع ملح والبهار وبعدين نحط بامية فوقها ونقلبها كتير
طبعا رح طولي وانتي تقلبيها ليش مشان مايمخط ..
وبعدين تحطي صلصة طماطم مع ماء بس تغلي حطي رشة سكر
شوية ليمون او حصروم اذا كانت صلصة ماهي حامضة ..ونرتكها لحتى تستوي البامية ..

وتقدم مع رز بالشعرية او برغل مع فلفلة خضرا حارة ياعيني
وصحة وهنا على قلوبكم





رز وبطاطا بالمرقة

المقادير :
زيت قلي +بطاطا مقطعة مكعبات وسط
مية افرنجي (صلصة طماطم )
ملح +بهار

الطريقة :
نضع الزيت على النار ونقلي فيها اللحمة ونضع اللحمة والبهار ..
نضع البطاطا فوق اللحمة ونقلبها الى ان تصبح بطاطا نصف قلية
( بطولي كتير وانتي تقلبي بهالبطاطا بتاخود معك وقت )
ثم نضع مية فرنجي مع معجون الطماطم مع الماء ونغمر البطاطا فيها ولاننسى الملح.
نغطيها ونتركها الى ان تستوي البطاطا

وتقدم مع الرزبالشعرية وفليفلة حارة
وصحة وهنا

[ريماس]

ريماس المامونية هي طبق الحلو صح الي يطلع لونها اصفر بلنهاية

بس كم ممكمن تاخد وقت وين رح حصل سميد بلاقي بلسوبر ماركت شي

وضروري حط سسمنة على وجها ولا عادي


على فكرة بحب هالاكلة كتير وخاصة بلشتا كنا نشتريها ايام المعهد


مشكورة ريماس بس رديلي كم تاخد وقت


اي مزبوط طبق حلو ولونها اصفر :z027:
طبعا مابتاخود وقت
يمكن بس وقت تحميص السميد
انت لما تحط الطنجرة عالنار فورا بلش بتحميص سميد
مشان لما يغلي بتكون خلصت تحميص سميد
ولازم يكون سميد ناعم مو خشن
انتبه مايكون سميد بودرة :z060:
مو ضروري اذا ماحبيت تحط سمنة تقدر تستبدل بدل سمنة زبدة
واذا ماتحب زبدة بلاها

ممكن ياخود معك ربع ساعة الى نص ساعة

واي اسئلة انا جاهزة

[ماهرالفيزو]

شكرا ريماس ماقصرتي

والله البامية خطيرة حيرتينا هيك شو بتسوي بكرا ياماهر شو شو

مامونية الذ مع انها مو وجبة رئيسة بس بسويها وجبة رئيسة


مشكورة ريماس

احجزي للرياض وتعي رح خليلك صحن

[ريماس]

بالعافية على قلبك ماهر وخبرنا شو بيصير معك :z025:

[عابرة سبيل]

كتر خير ريماس شي حلو منتعلم منك اشيه حلوه يعطيكي العافيه مشكوره ياااحلوه

[zeena]

http://mgtrben.net/viewimages/1fbcf909ba.jpg (http://mgtrben.net/download/1fbcf909ba.html)
هي سفرة عيد الأم : نموذج عن السفرة الحلبية الاصلية فيها الكبة المقلية واليبرق واللحم بعجين (المحشي موباين)والمقبلات سندويش مرتديلا عربي وخبز بفليفلة وكثير من الحلويات
هدول مو طبخي طبعا:z019: ولكن اشتراك كل وحدة من الأقرباء بتجيب صنف أو صنفين
وياسلام عجمعات الأهل مافي احلى منها
هي بس تعريف بالأكلات السورية..
تحياتي

[ماهرالفيزو]

شكرا زينة جوعتينا

[jorybassam]

تسلمي ياريماس وتسلم ايديكي وبانتظار اكلاتك الطيبة

[سيرين12]

شكرا كتير الك اختى ريماس موضوع كتير جميل اناجديدة بينتكم
كمان حلبية متغربة وذكرتيني بيطبخات زمان ماسويتن
بس ياريت اذا سمحتي تقليلي شو هو مية افرنجي وشكرا الك:z025:

[ريماس]

شكرا كتير الك اختى ريماس موضوع كتير جميل اناجديدة بينتكم
كمان حلبية متغربة وذكرتيني بيطبخات زمان ماسويتن
بس ياريت اذا سمحتي تقليلي شو هو مية افرنجي وشكرا الك:z025:


اهلا وسهلا فيكي شرفتينا اختي سيرين نورتي
بما انك حلبية المفروض تعرفي شو يعني مية فرنجي لانو الحلبية بس بيعرفوها
مية فرنجي يعني (صلصة طماطم في ناس بيقولها دبس بندورة كمان )
وان شاء الله رح استدرج الاكلات والحلويات كلها
تحيتي لكي وللجميع ولمتابعين ايضا لموضوعي :z025:

[jorybassam]

:ndm:شوريماس شايفتلك ماعد حدا كتب وصفات واولهم انا بس شو السبب برايك؟؟؟؟انا نفسي موعرفانة

[كرامة]

لك الله يسلمُن
والله من زمان عم بسأل عن أكلات سوريا وما عم لاقي جواب
لأن صح أنا من سوريا بس الوالدة من مصر وبصراحة :z07: عم ناكل أكل مصري ومحروين من أكل سوريا الروعة
اسعفيني بوصفات تانية انا عرسي قريب
وبصراحة بدي أعرف شوهي الشاكرية وكيف بيساوها
وشكراً شكرً شكراً
:z023:

[عمر]

شي كتير ظريف
:z019:
و انا متابع مع الاكلات الطيبة :z033:

[zeena]

الشاكرية اكلة حموية سهاة كتير
تسلق اللحمة الشقف حوالي كيلو مع بصلتين كبارمفرومات خشن
ثم نروب كيلين لبن(زبادي) بمرق اللحمة المسلوقة ونضعه على نار خفيفة مع التحريك حتى يغلي مع اللحمة والبصلة .ثم يرفع عن النار ويوضع له ملعقة نعنع مطحون(يابس)
ويقدم مع الرز والفريكة والمكسرات المقلية طبعا فوقه
وحتى تنجح الطبخة يفضل استعمال لبن الغنم
وصحتين وهنا
ا

[zeena]

الكبة :أشهر أكلة حلبية
كيلين برغل ناعم بني (عمقي بالحلبي)يغسل وتصفى الماء مع ترك القليل من الماء فيه ويترك ساعة
يضاف له بصلتين او ثلاث مفرومات خشن مع ملح وبهار
بفرامة اللحمة(ماكينة الكبة)مع أنعم رأس مستخدم :ندير البرغل مع البصلة أول مرة وثاني مرة
يضاف لها حوالي ربع كيلو لحمة مفرومة 3مرات(هبرة)مع البهار ويعاد طحنها معها بماكينة الكبة
العجينةالآن جاهزة ويمكن استخدامها للكبه الصينية والمقلية والمسلوقة والمشوية ..

حشوة الكبة بصينية:تقلى نصف كيلو لحمة مفرومة مع بصلة مفرومة ناعمة وبعد أن تنضج يضاف لها حوالي كاسة جوز مفروم وكاسة صنوبر (او اي مكسرات تحبينها)وتقلب معها قليلا

بعدهاتبل اليد بالماء وتقطع العجينة لقطع صغيرة وتعجن كل قطعة حتى تصبح طرية وتعمل على شكل قرص(سماكته أقل من سم) وتمد في صينية مدهونة سمنة ..وهكذا تمد نصف العجينة بالصينية)

تمد الحشوة فوق العجينة وفوقها بيضة تخلط بها الحشوة (ضرورية حتى تتماسك مع الطبقة العلوية)

بنفس طريقة الطبقة السفلية تعمل أقراص وتمد الطبقة العلوية ..وبعد أن تد تبل اليد بالماء وتكبس جيدا ونسوي السطح جيدا(مع عدم ترك اي فراغات طبعا)

الآن تقسم الصينية حسب حجم القطع التي ترغبين بها وحسب الشكل الذي يعجبك.ثم يوزع عليها ملعقتين سمنة كبار ..

تدخل الفرن بعد شعله من فوق وتحت وتترك حوالي ثلاثة أرباع ساعة إلى ساعة على نار متوسطة..أو حتى تتشر ب كل السمنة وتنضج جيدا..

وبالهنا والشفا..

[كرامة]

شكراً عزيزتي زينا
يم يم يم
شهيتيني أعملها
كتيييييييير سهلة
يسلمووووووووووووو :z023:

[ريماس]

:ndm:شوريماس شايفتلك ماعد حدا كتب وصفات واولهم انا بس شو السبب برايك؟؟؟؟انا نفسي موعرفانة


والله يااختي غبت فترة وقصرت فرح ابدء ان شاء الله استدرج
شكرا على مرورك تحيتي لكي

[ريماس]

يعطيكي العافية زينة عالمشاركة وعلى جهودك وشكلك شاطرة بالطبخ وتحبي الطبخ
يسلموو كتير :z025:

[ريماس]

هلاء رح اقلكن على اكلة المحاشي بأنواعها على الطريقة الحلبية

محشي بانجان وكوسا بالرز

المقادير :
كوسا او بانجان
رز صنويت
بندورة مفرومة فرم ناعم كتير كتري شوي البندورة
لحمة مفرومة ناعمة
صلصة طماطم
زيت قلي +ملح +بهار+فلفل اسود +فليفة حمرا +نعناع +ثوم مدقوق راس ونص مو سن راس كامل ..
فليفة حارة اذا كنتي تحبي الاكل الحدّ

طريقة العمل :


1-تغسل الكوسا او الباذنجان طبعا بتكون مئعورة .

2-تغسل الرز جيدا ثم نضع فوقه البندورة المفرومة فرم ناعم +
لحمة واذا في دهنة حطي شوي بس +صلصة طماطم +
ملح +بهار+فلفل اسود +فليفلة حمرا+فليفة حارة مفرومة فرم ناعم +شوية زيت قلي وتخلط جيدا وتحشى ..
3-نضع في الطنجرة العظم واذا كان ماعندك عظم تقدري تحطي بدالو شرايح بطاطا وبعدين بتصفي البانجان او الكوسا
وبعدين تحطي تقلّي او صحن مسطح مشان مايطفو البنجان ،
وبعدين تحطي مي +صلصة طماطم وتعبي الطنجرة وبعدين بتحطي ثوم مدقوق بالنعناع كتير نعناع بقلبو
وبعدين حطي كمان نعناع بقلب الطنجرة وحطي ثوم بقلب الطنجرة وانشريها
وعلي نار تحتو لحتى يغلي بس يغلي هدي تحت النار خليها متل الشمعة وتاخود عالنار ساعتين الى ثلاث ساعات..
بس يستوي فورا صفيها ..
وبالهنا والشفا



محشي بانجان بالبرغل

لحمة مفرومة +برغل خشن +بندورة مفرومة +بقدونس مفروم+نعناع اخضر مفروم
بصلة عدد 2 صغار مفروم ناعم +فليفلة خضرة حارة مفروم ناعم +صلصة طماطم +دبس رمان ملعقة او ملعقتين حسب الرغبة
ملح =+بهار+كمون +فليفة حمرة ناعمة +نعناع يابس +حب حمص يلي بيحب يحط عليها
كلن بتخليطيهم كويس وبعدين تحشيها بس ماتعبها كلها لانو بينفش
وبعدين تصفيها بالطنجرة ونفس طريقة عمل محشي يلي فوق ..


وبالهناء والشفاء
وكلو جنبا فليفة حارة

[shaham]

اي ..طيب ..
يا ريماس ..ها الأكلات الطيبة الشهية ..نحن اللي أوزاننا كبيرة فوق ال 120 كغ
شو منساوي اذا انحطت ها الاكلات قدامنا ..
أكيد مناكل بشهية ..
بتعرفي ..
أنا شو ما أكلت بلاقيه طيب ..
والوزن ..عينك ما تشوف ..
شكرا لك ..مع التحية ..

[ريماس]

اي ..طيب ..
يا ريماس ..ها الأكلات الطيبة الشهية ..نحن اللي أوزاننا كبيرة فوق ال 120 كغ
شو منساوي اذا انحطت ها الاكلات قدامنا ..
أكيد مناكل بشهية ..
بتعرفي ..
أنا شو ما أكلت بلاقيه طيب ..
والوزن ..عينك ما تشوف ..
شكرا لك ..مع التحية ..


من رئي كول سلطة قبل ماينحط هالاكلات وبعدا بتقدر تاخود راحتك بالاكل رح تشبع بسرعة :z019:
شكرا على مرورك ومتابعتك عمو ابو النور:z025:

[ريماس]

بعتذر من الاخوة عالتأخير
ورح ابدء اكمل


رز ولبن فطر


هي اكلة يمكن جديدة عليكم بس كتير سلهة وسريعة وبسيطة وطيبة كمان ..
المقادير :
لبن زبادي مع ثوم مدقوق
فطر
لحمة مفرومة
زيت قلي +ملح

الطريقة :
1_ نضع القليل من الزيت في القدر على النار ثم نقلي اللحمة ونضع لها الملح مع البهار ..
2_بس تستوي اللحمة نضع الفطر الشرائح ونضع لها القليل من ماء الفطر نغمره ونتركها الى ان تستوي .
3_ بس تستوي صبيا بصحن لحالها وقدميها جنب الرز الابيض وايضا لبن الزبادي مع الثوم مخلوط بقلب اللبن
اذا بتحب الخلط اخلط بصحنك الرز فوقها الفطر ولبن
مابتحب الخلط كلها على راحتك
بالهناء والشفاء




رز ولبن وسبانخ


المقادير :
لبن مع الثوم
سبانخ مغسولة ومفرومة ومسلوقة
8 فصوص ثوم مدقوقة مع كزبرة وملح
زيت +لحمة مفرومة

الطريقة :
1- نغسل السبانخ ونسلقه ونصفيه
2- نضع شوية زيت عالنار ثم اللحمة ونقليها ونحط فوقها البهار والملح
بس تستوي نضع فوقها الثوم نقليها شوي وبعدين نحط السبانخ المسلوق ثم نتركه عالنار الى ان تستوي السبانخ

تقدم السبانخ مع الرز الابيض ولبن الزبادي المخلوط بالثوم
وفي كمان
السبانخ بيعصرو عليها ليمون وبياكلوها جنبها رز
على حسب الرغبة ..
وبالهناء والشفاء

[ريماس]

باذنجان مقلي بالبندورة

المقادير :
باذنجان
2 بصل مفروم جناح
بندورة
ملح +صلصة طماطم

طريقة العمل :
1- نفسخ الباذنجان فسخ فسخ ثم نقليه بس نخلص قليهم نحطا في قدر ..
2- بعدين نضع الزيت عالنار ونقلي البصل المفروم جناح وعندما يذبل نصفيه منيح ونحطو فوق القدر
3- تقشر البندورة او تحبي تعيفيه بقشرو وتفرميه فرم ناعم ثم نضعه فوق الباذنجان
وبعدين نضع رشة ملح مع شوية صلصة طماطم فوقها ونحركها وشوية مي كمان نكسرها شوي ونغطيها الى ان تستوي
بس تستوي كسريها كتير قد ماتقدري كسريها مشان مايصير قطع كبيرة
وبعدين تصبيها بصحن وترش فوقها بقدونس مفروم فرم ناعم
وتشرب جنبو لبن رايب
وصحة وهنا

[ريماس]

رز وفريكة

المقادير :
فريكة طبعا لازم تكون نظيفة ومنقاه من الحجر والوسخ
دجاج او لحمة
ملح +بهارات مشكلة
مكعبات ماجي
مكسرات
زبدة

طريقة عمل :
تسلق الدجاج او اللحمة بعد غسله جيدا ونضعها عالنار وتسلق مع ايضافة بصل لانو البصل بيشيل ريحة الزناخة
وتوضع عليها البهارت ايش في عندك بهارات حطيها ..بس تستوي ناخد المرئة ونطبخ فيا الرز والفريكة
ونضيف فوق الفريكة مكعبات ماجي لانو بتطلع نكهة طيبة ونتركها لحتى تستوي وبعدين نحط فوقها زبدة او سمنة ونحركها
ثم نصب في صحن فريكة وبعدين فوقها رز وترشي شوية بهار على وش الرز
وبعدين تحطي المكسرات المحمصة عالوش + دجاج
وبالهناء والشفاء

طبعا تتاكل جنبا سلطة او تشربي جنبا لبن رايب




مجدرة الرز + مجدرة البرغل


المقادر :
رز او برغل خشن
عدس بني
ملح +زبدة
بصل جوانح


الطريقة :
نضع الطنجرة فيها ماء ونضع فيها عدس حتى تستوي ثم نضع الملح .
نضع فوقها البرغل ونهدئي تحتها النار الى ان تستوي
نكوي لها زيت زيتون ونقلي البصل الجوانح ونرفعها ثم نضعها فوق البرغل
ونحركها

مجدرة الرز نفس شي بس الاختلاف انك تكويها بسمنة او زيت قلي ..

تقدم جنبها لفت او سلطة او مخلل كلو طيب :z019:

[nano]

محشي بانجان بالبرغل

لحمة مفرومة +برغل خشن +بندورة مفرومة +بقدونس مفروم+نعناع اخضر مفروم
بصلة عدد 2 صغار مفروم ناعم +فليفلة خضرة حارة مفروم ناعم +صلصة طماطم +دبس رمان ملعقة او ملعقتين حسب الرغبة
ملح =+بهار+كمون +فليفة حمرة ناعمة +نعناع يابس +حب حمص يلي بيحب يحط عليها
كلن بتخليطيهم كويس وبعدين تحشيها بس ماتعبها كلها لانو بينفش
وبعدين تصفيها بالطنجرة ونفس طريقة عمل محشي يلي فوق

والله هي اول مرة بسمع بهيدي الاكلة طيبة ريماس على مسؤليتك؟
إذا ما بتعرفوا كيف بتصير الصيادية وهي اكلة من الادئية بعلمكون كيف
موضوع ظريف ريماس الله يعطيكي العافية:z025:

[ابو عمر]

السلام عليكم ورحمة الله وبركاته ...

عذرا عالتأخير كنت مسافر وهلا فضيتلكم ..

والله لشيبكم والله
:z059::wavetowel2::z049::z011::z034:

[nano]

بدنا وصفات دقيقة مع سر المهنة اوكي ابوعمر :z06:

[ابو عمر]

هلا رح نعمل اكلة

مامونية

المقادير :
1 كاسة (بقصد كاسة ماء الكبيرة ) سميد (ملاحظة :كاسة يلي قستي عليها السميد لازم نفس الكاسة تقيسي عليها بقية المقادير )
كاسة ونص سكر .. واذا بتحبيها تكون حالي كتير خليها كاستين سكر
5 كاسات ماء
علبة فانيلا
ماء زهر
زبدة +سمن عربي اذا وجد..
قرفة

الطريقة :
1- نضع الطنجرة عالنار ونضع عليها الماء بس تغلي توضع السكر ومعلقة كبيرة الفانيلا وتلات معالق ماء زهر ..
2- نضع مقلاة عالنار ونضع فوقه الزبدة كتري شوي الزبدة وبعدين ضعي السميد وحمصيها
ضلي حركيهاا ولاتعلي النار تحتا ...خليها على نار هادئة وضلي حركيها هي بطول شوي بالحمص ..
رح تلاحظي لونها عم تتغير وصار ذهبي اللون وبتطلع ريحتا زاكية ..بعد مايتحمص حطيها فوق الطنجرة بشويش على مهل
مو تحطيها كلها فرد دفعة لانو لاسمح الله بطرش عليك ..
وتركيها عالنار وغطيها ..ماتحسي وإلا لحالها عم تسمك وتبدء تصير سميكة
كلما خليتها تغلي اكتر بتلاقيها تسمك اكتر ..بقى هي على حسب رغبتك ..
3- بعدين حطيها بصحن ورشي عليها القرفة
بعدين حطي سمن عربي على وشا وذا ماعندك حطي زبدة ..في ناس تحط على وشها قشطة
في ناس تحط القشطة جنب المامونية على حسب الرغبة ..
وتقدم مع الجبنة مشلشلة او كعيب ..
وصحا وهنا على قلوبكم :z023:




مشكورة ريماس بس بظن هاي من اختصاصي ههههه

طيب أنا عندي طريقة تانية وهي عالشكل التالي :

المقادير :


كاس سميد

كيلو حليب

سكر

سمن أو زبدة

قرفة ناعمة


والطريقة كالتالي :


رح نحط السمن ( عربي _ بقري _ نباتي _ زبدة ) على حسب الرغبة

اللي انتو بتحبووووا ...

رح نحطوا بطنجرة ونحط السميد وحبذا يكون سميد وسط لإنو السميد أنواع ...

بنحمص السميد بالسمن حتى يصير لونو بني فاتح قريب للمحرووق يعني هههههه

وبهاد الوقت رح نكون غلينا الحليب وحليناه بالسكر على حسب الرغبة كمان ..

وعندا بنصب الحليب على السميد المحمص ورح تسمعو التششششششششش هههه

عادي ولا يهمكم .. صبوا كيلو الحليب المحلى كلو ... مع التحريك طبعا

وخليه عالنار الهادية مدة خمس دقائق

بعدها رح يكون جاهز للسكب ضمن صحون حسب الرغبة ..

وبعد السكب في الصحون بنرش على وش الصحن القرفة الناعمة

وصحتين وهنا ...

........................................

ومتل ما تفضلت الأخت ريماس في عالم بتحط مكسرات وقشطة وجبنة واللزي منو


دمتم برعاية الله حتى وصفة قريبة جدا

[ماهرالفيزو]

الحمد لله على سلامتك ابو عمر الغالي

اي زكات ولادك اتحفنا بلحلويات لان ميتين على شي وصفة هيك من دياتك


بس اكتب كم وصفة للعزابية خاصة سهلة يعني


لان نبارح جبت بسكوت اطفال وحليب من كتر ماكان على بالي اكل حلويات وما زبطت معي

والحلويات الهون مو كتير طيبة


ومشكور كتير ياغالي

[ابو عمر]

بدنا وصفات دقيقة مع سر المهنة اوكي ابوعمر :z06:




تكرم عينك خيتي نانو ..

رح نزل تباعا المواضيع والوصفات ..

وازا عندكن اي استفسار أو سؤال عن أي نوع فأنا جاهز ان شاء الله

طبعا مع سر المهنة ههههه

[ابو عمر]

الحمد لله على سلامتك ابو عمر الغالي

اي زكات ولادك اتحفنا بلحلويات لان ميتين على شي وصفة هيك من دياتك


بس اكتب كم وصفة للعزابية خاصة سهلة يعني


لان نبارح جبت بسكوت اطفال وحليب من كتر ماكان على بالي اكل حلويات وما زبطت معي

والحلويات الهون مو كتير طيبة


ومشكور كتير ياغالي




الله يسلمك يا رب ويطول عمرك خيي ماهر ..

والله كلامك صحيح ..

طيب رح نزل وصفة خفيفة لطيفة لعيونك بس

[ابو عمر]

أكلة حلو خفيفة ظريفة وخاصة للعزابية هههه




المغشوشة .. ( أم النارين ) .. العصملية



رح نشتري كيلو كنافة ناعمة نية ( مو مطبوخة )


بتكون على شكل خيطان رفيعة وطرية


نفرك الكنافة باليد حتى تصير متل الشلل يعني بنفرفردها مشان ما تظل معجنة وملزقة على بعض ..


بيلزمنا صينيتين من نفس القياس ..


ندهن الصينية بالسمن وبعدين رح نمد الكنافة بالصينية حسب السماكة اللي بنرغب فيها ...
ورح نكبس الكنافة بالصينية التانية لمدة 10 دقايق ..


بعد كبس الكنافة بنغمرها بالسمن الدايب ونقليها عالغاز على نار هادية حتى تحمر


وبس تحمر ويصير اللون اللي بدنا اياه .. بنصفي السمن منيح


وبنفس الطريقة رح نكرر العملية مشان نحصل على طبقة تانية من الكنافة المقلية المحمرة ..


وهيك رح يصير عنا طبقتين جاهزات من الكنافة ..


...................................


بنجي للحشوة :


في ناس بتحشيها قشطة .. أو جبن .. أو مهلبية


والأفضل تكون قشطة مع فستق حلبي مجروش ( نص الحبة )


وإن شاء الله بنشرح طريقة صنع ( القشطة المغشوشة اللي بالسوق ) هههه في حلقات قادمة ..



بنحط الطبقة الأولى من الكنافة المقلية الجاهزة


وفوقها القشطة المخلوطة بالفستق الحلبي


وبعدين الطبقة التانية من الكنافة


وبهالوقت بكون القطر جاهز وسخن


وبنسكبو عليها ... وبنزيَن الوش على حسب الرغبة


وبالأخير بيطلع معنا هيك شي


http://mgtrben.net/viewimages/1055d92f97.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2F1055d92f97.html)



وصحتين وعافية ...


وخبرونا بالنتائج بعد التجريب
وخاصة ( ماهر الفيزو )


ملاحظة : عيار القطر لازم يكون
كاس ماء + كاس ونص سكر مع ذرة حمض الليمون ويفضل الشبَة

[ريماس]

محشي بانجان بالبرغل

لحمة مفرومة +برغل خشن +بندورة مفرومة +بقدونس مفروم+نعناع اخضر مفروم
بصلة عدد 2 صغار مفروم ناعم +فليفلة خضرة حارة مفروم ناعم +صلصة طماطم +دبس رمان ملعقة او ملعقتين حسب الرغبة
ملح =+بهار+كمون +فليفة حمرة ناعمة +نعناع يابس +حب حمص يلي بيحب يحط عليها
كلن بتخليطيهم كويس وبعدين تحشيها بس ماتعبها كلها لانو بينفش
وبعدين تصفيها بالطنجرة ونفس طريقة عمل محشي يلي فوق

والله هي اول مرة بسمع بهيدي الاكلة طيبة ريماس على مسؤليتك؟
إذا ما بتعرفوا كيف بتصير الصيادية وهي اكلة من الادئية بعلمكون كيف
موضوع ظريف ريماس الله يعطيكي العافية:z025:


اي هي اكلة طيبة والكل بيحبها اكتر من محشي رز
ياريت تشاركينا بطبخاتك نانو واكتبيلنا وصفاتك الاذقية خلينا نتعلم منك ونستفيد
شكرا على مرورك تحيتي لك

[ريماس]

السلام عليكم ورحمة الله وبركاته ...

عذرا عالتأخير كنت مسافر وهلا فضيتلكم ..

والله لشيبكم والله
:z059::wavetowel2::z049::z011::z034:

حمد الله عسلامتك ابو عمر الكل بنتظارك
ونحنا ننتظر كل وصفاتك شكرا لك تحيتي لك

[ريماس]

مشكورة ريماس بس بظن هاي من اختصاصي ههههه

طيب أنا عندي طريقة تانية وهي عالشكل التالي :

المقادير :


كاس سميد

كيلو حليب

سكر

سمن أو زبدة

قرفة ناعمة


والطريقة كالتالي :


رح نحط السمن ( عربي _ بقري _ نباتي _ زبدة ) على حسب الرغبة

اللي انتو بتحبووووا ...

رح نحطوا بطنجرة ونحط السميد وحبذا يكون سميد وسط لإنو السميد أنواع ...

بنحمص السميد بالسمن حتى يصير لونو بني فاتح قريب للمحرووق يعني هههههه

وبهاد الوقت رح نكون غلينا الحليب وحليناه بالسكر على حسب الرغبة كمان ..

وعندا بنصب الحليب على السميد المحمص ورح تسمعو التششششششششش هههه

عادي ولا يهمكم .. صبوا كيلو الحليب المحلى كلو ... مع التحريك طبعا

وخليه عالنار الهادية مدة خمس دقائق

بعدها رح يكون جاهز للسكب ضمن صحون حسب الرغبة ..

وبعد السكب في الصحون بنرش على وش الصحن القرفة الناعمة

وصحتين وهنا ...

........................................

ومتل ما تفضلت الأخت ريماس في عالم بتحط مكسرات وقشطة وجبنة واللزي منو


دمتم برعاية الله حتى وصفة قريبة جدا



طريقة جديدة ابو عمر انو ينعمل مامونية بالحلب رح اجربا واشوف شلون يطلع معي
تحيتي لك

[ريماس]

والان رح ابدء وصفات الحلويات بما انو الكل رغبان الحلو
رح اعطيك مقادير الحلويات بالدقة وتأكدو رح تنجح معكم انتو بس ادعولي
اغلب الحلويات مابتعرفوا او بالاحرى ماجربتوها

اول وصفة هي الجوزية بالتوفي او عين الجمل وهي اكتر طلبية بتجينا عليها من كتر ماهي لذيذة


الجوزية بالتوفي

طبعا هي صورة الجهاز جوزية سعرو رخيص مو غالي



http://image.made-in-china.com/2f0j00JCjatzZHsYpQ/Nutty-Maker-WNM-286-.jpg


__________________

طبعا هي مقادرينا يلي منعملا نحنا

المقادير
500 جرام زبدة (نص كيلو)
1كوب سكر بودرة
3 بيض
3 كوب دقيق (حسب الحاجة)
3 فناجين سكر
2 علبة قشطة
ملعقة صغيرة فانيلا
نص ملعقة صغيرة باكنغ باودر

مقادير التوفي :
3 فناجين قهوة سكر ناعم ماهو مطحون
علبتين قشطة سادة
ملعقة صغيرة زبدة


طريقة العجينة :
نخفق بالزبدية الزبدة مع السكر حتى يصبح لونها ابيض (طبعا بالخفاقة )..
نخفق البيض والفانيلا مع بعض بزبدية لوحدها (كمان بالخفاقة )..
نضع مخفوق البيض والفانيلا فوق خليط الزبدة والسكر ومن ثم نقوم بخفقهم لمدة دقيقتين ..
نخلط الدقيق مع الباكنغ باودر ونضعه فوق الزبدة ونقوم بالعجن جيدا واذا احتجنا الى الدقيق نزيد بحيث لاتلتصق باليد انتبهي مو تحطي كل الطحين على حسب الحاجة اهم شي ماتكتري طحين لانو بعدين بتصير حجر ماتتاكل ههههههههه.
نقطعها قطع صغيرة ونضعها في ماكينة الجوزية الخاصة


http://www.lakii.com/img/all/Apr08/yVSuSk04041231.jpg

بعد ماتعبيها اكبيسيها ترى ماتاخود وقت في التحمير بس تحمر شوي طالعيها

[Ihttp://sub3.rofof.com/img3/03uvipa6.jpg

احيانا بتصير معك هالزوائد بتشيلي هالزوائد بشويش مشان ماتتكسر

نحنا هيك بدنا متل هالصورة
http://up.graaam.com/uploads/imag-4/graaam-40b6084277f.jpg

بس تخلصي بتحطي توفي بقلبو من الطرفين

طريقة التوفي :
نضع السكر ناعم بس مو مطحون في طواية ونحركه حتى يذوب على نار هادئة .
نضع فوقه القشطة ملعقة ملعقة وليس دفعة واحدة ونحرك حتى تتكون لدينا التوفي اهم شي ماتوقفي من الحرك مشان ماتكتل معك .
نضع ملعقة الزبدة ونحركها ( طبعا انا مابحط زبدة مشان ماتصير دسمة وتقيلة ) ونبدأ نحشي فيها الجوزية طبعا تحشي طرفين وتسكيرهم مع بعض .. او بتحبي تتريكها موديل متل هالصور

http://aqarcity.org/up08/thumbs/viu1227999268o.JPG


http://www.lakii.com/img/all/Nov06/XRB7Ud11070654.jpg

http://www.lakii.com/img/all/Nov06/ceKx4J11070653.jpg


للتنويه
طبعا صحن الجوزية بدو 8 او اكثر ساعات مغلفة بكيس مشان تصير طرية
لانو اول ماتعمليا بتكون قاسية شوي
طبعا انا بسويها بليل وبغلفها بفيق لتاني يوم بلائيها صارت طرية وطيبة كتير

طبعا طريقة كتير سهلة وبسيطة ماهي صعبة ابدا
ويعتبر من ألذ انواع الحلو
ونحنا كتير عم نربح من وراها :z027:
بنصحكم تجربوها
واي سؤال او استفسار انا جاهزة

[ماهرالفيزو]

أكلة حلو خفيفة ظريفة وخاصة للعزابية هههه



المغشوشة .. ( أم النارين ) .. العصملية


رح نشتري كيلو كنافة ناعمة نية ( مو مطبوخة )

بتكون على شكل خيطان رفيعة وطرية

نفرك الكنافة باليد حتى تصير متل الشلل يعني بنفرفردها مشان ما تظل معجنة وملزقة على بعض ..

بيلزمنا صينيتين من نفس القياس ..

ندهن الصينية بالسمن وبعدين رح نمد الكنافة بالصينية حسب السماكة اللي بنرغب فيها ...
ورح نكبس الكنافة بالصينية التانية لمدة 10 دقايق ..

بعد كبس الكنافة بنغمرها بالسمن الدايب ونقليها عالغاز على نار هادية حتى تحمر

وبس تحمر ويصير اللون اللي بدنا اياه .. بنصفي السمن منيح

وبنفس الطريقة رح نكرر العملية مشان نحصل على طبقة تانية من الكنافة المقلية المحمرة ..

وهيك رح يصير عنا طبقتين جاهزات من الكنافة ..

...................................

بنجي للحشوة :

في ناس بتحشيها قشطة .. أو جبن .. أو مهلبية

والأفضل تكون قشطة مع فستق حلبي مجروش ( نص الحبة )

وإن شاء الله بنشرح طريقة صنع ( القشطة المغشوشة اللي بالسوق ) هههه في حلقات قادمة ..


بنحط الطبقة الأولى من الكنافة المقلية الجاهزة

وفوقها القشطة المخلوطة بالفستق الحلبي

وبعدين الطبقة التانية من الكنافة

وبهالوقت بكون القطر جاهز وسخن

وبنسكبو عليها ... وبنزيَن الوش على حسب الرغبة

وبالأخير بيطلع معنا هيك شي

http://mgtrben.net/viewimages/1055d92f97.jpg (http://www.mgtrben.com/portal/redirector.php?url=http%3A%2F%2Fmgtrben.net%2Fdown load%2F1055d92f97.html)


وصحتين وعافية ...

وخبرونا بالنتائج بعد التجريب
وخاصة ( ماهر الفيزو )

ملاحظة : عيار القطر لازم يكون
كاس ماء + كاس ونص سكر مع ذرة حمض الليمون ويفضل الشبَة




مشكور ابو عمر الغالي ماتقصر بكرا انشاء الله معزوم عليها

لان اخدت الوصفة وعطيتا للي رح يسويها وبكرا معزوم

وانت معزوم تراك بس انا رح صورها ونزلها هون وانت تتسلى هون مافي الا هيك


وماقصرت ياغالي

[miral]

شكراااااا على الجوزيه ب التوفي يا ريماس

[ريماس]

اهلين فيك ميرال وتابعي معنا كل جديد مع وصفات الز واطيب :z025:

[ريماس]

حلى الطبقات
طبعا هاد الحلو عملناه كتير وفعلا مافي شخص اكلو إلا ويطلب وصفتا من كتر ماهي لذيذة
بس مكلفة شوي

حلى الطبقات

المقادير :
بسكويت شاي سادة +زبدة
حليب نستله المكثف المحلى
قشطة +سكر
حبات جبن كيري ( اذا ماعندك تقدري تستبدلي بجبنة قريبة منها ماتكون مالحة او حامضة تكون قشطية )
كاكو + ظروف دريم ويب +كريم مراميل
شعيرية باكستانية وهي صورتا
http://up.g4z4.com/uploads/c4a0a60de7.jpg


طريقة العمل :
الطبقة الاولى :
علبة ونص بسكويت شاي مطحون ناعم مع اصبع زبدة نخلطها ونرصها في صينية بايروكس ونضغط عليه حتى يتماسك ثم ندخله عالفريزر حتى يجمد ..

الطبقة الثانية :
2 كيس شعيرية باكستانية تحمر في 1/2 بيالة زيت وبعدين نضع عليها 1/2 علبة نستلة او اكثر على حسب الحاجة وعلبة قشطة ونحركها منيح ثم نضعها فوق
البسكويت ..

الطبقة الثالثة :
بسكويت شاي ناشف نرصه فوق الشعرية ..

الطبقة الرابعة :
2 حبة جبن كيري +2 ملعقة كاكو +2 فنجان ماء
نكبس جبنة كيري بالملعقة منيح ثم تضعي كاكاو والمي وتخلطيهم منيح كويس
ثم نضعه فوق البسكويت انشريها حتى يتشرب

الطبقة الخامسة :
2 ظرف دريم ويب +علبة قشطة +ظرف كريم كراميل نخلطهم مع بعض ثم نضعهم فوق طبقة البسكويت والكاكو ..

طبعا انا بحبا تكون باردة وهاد نوع الحلو دسم بس طيب كتير وبحب اشرب جنبو قهوة سعودية غير شكل ..
بالهنا والشفا

[ريماس]

اليوم طبقنا الحلو هو بلحات
طبعا انتو بتعرفو شكل البلح هي عبارة رطب نصو مستوي ونصو لاء يعني بيكون لونين
نحنا رح نعمل حلو على شكل بلح طريقتا سهلة وطيبة ..

حلى البلحات

المقادير :
باكيت ونصف بسكويت شاي اولكر او اي نوع بسكويت سادة
نصف اصبعة زبدة
3 شكولاتة مارس اذا مافي تقدري تجيب بدالها اي شكولاتة تشبه شكولاتة مارس
حليب نستلة المكثف المحلى
1 ملعقة كاكو بودرة

الطريقة :
1- يطحن البسكويت ناعما..
2-تسيح الزبدة والمارس في حمام مائي
(وطريقة الحمام مائي شلون ؟؟ بقلكن شلون يلي مابيعرف ..
بتجيبي قدر عليها شوية ماء
وبعدين تحطي فوق القدر صينية او صحن يكون فاضي
بس تغلي المي رح تلائي البخار عم يجي تحت الصحن
انتي بتكوني حاطة فوق الصحن او صينية زبدة ومارس
ضلي حركيها ماتحسي إلا ودابت وساحت بسبب البخار )
3- يعجن البسكويت بالزبدة والمارس ويضاف الحليب المركز المكثف المحلى لحتى يصير عجين متماسك ..
4- تؤخذ ربع الكمية من العجين وتعجن بالكاكو ..
5-تشكل على نفس شكل البلح نصف ابيض ونصف تاني كاكو
6- تقدري تاخدي ترس رطب وتحطيها عالحلو مشان يلي يشوفها يفكرها رطب ههههه
7-توضع في ورق التقديم

واي استفسار انا جاهزة :z025:

[ريماس]

الحلا الدبلوماسي

المقادير :
4 باكيت دريم ويب
كاس حليب سائل بارد
كاس حليب بودرة
ملعقة نسكافيه
2ملعقة كاكاو وبودرة
كيكة بالشكولاتة (بيتي كويكر او غيرها) او تعملي انتي كاتو شغل ايدك مافي مشكلة


الطريقة :
1- يعمل الكيك كما هو موضح في الكرتون ..
2- بعد ان يبرد يفتت لكيك
3-يخلط الدريم ويب والحليب والنسكافيه والكاكو في المضرب الكهربائي الى ان يصبح مثل الكريمة .
4-تحضر كاسات او صينية بايركس وتوضع طبقة من الكيك مقدار 2 سم ثم طبقة من الكريمة وهكذا الى ان تنتهي الكمية
طبعا لازم تكون اخر طبقة هي الكريمة
5-تزين بشكولاتة جالكسي او اي نوع شكولاتة سادة المبشورة على حسب الرغبة

وصحة وهنا

تقريبا هيك بيكون شكلا
http://www.m5zn.com/uploads/2010/6/10/photo/061010170642kno9r6kdxnup.bmp

[ريماس]

عدنا بعد غياب طويل بعتزر عن التاخير
اليوم وصفتنا هي كيكة الخشب طبعا هي الكيكة من الز انواع الكاتو وحطتلكن الوصفات والطريقة بالصور من اعمالنا
سويناه وقت حفلتي في الخطوبة وعرضتا عليكن هون اتفضلو الخطوات بالصور




كيكة الخشب


المقادير :

http://upload.traidnt.net/upfiles/qvL18234.gif

-مقادير الكاتو:

-3 بيضات

-كاسة كبيرة زيت

-كاسة كبيرة حليب سائل

-كاسة كبيرة سكر

-فانيلا

-كاسة كبيرة دقيق + ملعقة كبيرة باكنج باودر

-مربى المشمش




مقادير خلطة الوش :

-3 ملاعق كبيرة سكر
-كاسة حليب سائل
-ظرف كريم كراميل




طريقة الكاتو :

- نضع في الخلاط البيض والسكر والحليب والزيت والفانيلا ونخلطها جميعا في الخلاط جيدا كما في الصورة ..

http://up.7cc.com/upfiles/xNd19602.gif


- يوضع على الدقيق ملعقة باكينج باودر ويقلب جيدا ..
- يوضع الدقيق بالتدريج في الخلاط ويخلط (طبعا شغلي الخلاط وفتحي الغطا وحطي معلقة معلقة لبين تخلص كمية الطحين )
-الصواني بتجيكي 3 احجام كبيرة ووسط وصغيرة هالمقادير بتنفع للصينية الصغيرة .. وبنصحك تعمليا بالصينية الصغيرة كتجربة وبداية الك ..

http://up.7cc.com/upfiles/hLI19602.gif

- خلطة الكاتو بتقسميها على 3 كاسات متساوية او اي غرض المهم تتساوى الطبقات كما في الصورة التالية :

http://up.7cc.com/upfiles/f2L19602.gif

- ندهن الصينية من القاع فقط .. الجوانب لاتدهنيها نحنا بدنا الكاتو يلزق بالجوانب ورح اقلك السبب تحت ..
-نضع اول كاسة من الخلطة بالصينية ورح تكون هي الطبقة الاولى ..

http://up.7cc.com/upfiles/CqW19602.gif

ثم نضعها في الفرن على نار عالية حتى تستوي وعادي لو فتحتي الفرن كل شوي لانو هي طبقة رقيقة مارح تتأثر .. وخليكي جنب الفرن لانو خلال 10 دقايق بيستوي مابدو كتير ..

- بس شفتي الجواني احمرت طفي النار من تحت وشعليه من فوق بحيث يصير لونا اشقر ..

- طالعي الصينية من الفرن وتركيها خمس دقايق تهدا شوي بعدو دهني على وشا مربى المشمش طبقة خفيفة بتعطيا طعم رائع كتير ...

- فوق المربى بتحطي الكاسة التانية من خليط الكاتو وبترجعي بتحطيا بالفرن .. بس هالمرة مابتشعلي الفرن من تحت ..بتشعليه من فوق بس وعلى نار كتير واطية ضروري تنتبهي تكون النار على اوطى الشي مشان مايحترق الوش ولسا ماأستوى الكاتو
-بياكل شي نص ساعة واكتر لبين يستوي.. عملي عنقود العنب لبين يستوي هههه

- بس شفتي الوش صار اشقر كمان ..طبعا بقصد اشقر غامق مو فاتح بيكون استوى معناتو بتطالعيه من الفرن وبتتركيه يهدا كمان شوي بعدو بتدهني الوش بالمربى ..

- بتحطي الكاسة التالتة من خليط الكاتو فوق الطبقة التانية وبتحطيه بالفرن كمان ماتشعلي من تحت بس من فوق .. وكمان بتستني عليه شغلة نص ساعة وهي صورة بعد ماخلصت ال 3 طبقات وهيك لازم يكون لونو في كل الطبقات..

http://up.7cc.com/upfiles/t1619602.gif

- هالمرة بس يشقر من فوق مارح تدهنيه مربى رح نحطلو خلطة الكريم كراميل وطريقتها كالتالي :



طريقة عمل خلطة الكريم كراميل :

- نضع في طواية 3 ملاعق السكر ونذوبها حتى يصير لونها بني .

http://up.7cc.com/upfiles/VTw19897.gif

- نضع فوقها كاسة حليب سائل ورح تشوفي انو السكر جمد وصار حجر .. عادي رح يدوب كلو بالاخر بس تغلي الخلطة وخليكي عم تحركيا ..
- نضع ظرف واحد كريم كراميل فوق الحليب بعد ذوبان السكر ونحركها جيدا ونتركها تغلي لمدة خمس دقائق ..

http://up.7cc.com/upfiles/gaq19897.gif

- منحط الخلطة هي فوق الكاتو بس مو دفعة وحدة .. بالمغرفة (الشنشاية يعني ) لانو ازا دفعة وحدة رح يتشقق الكاتو وينزل الخليط لتحت ..
- ملاحظة: نحنا قلنا بدنا جوانب الكاتو تلزق بالصينية مشان خليط الكريم كراميل ماينزل من الجوانب ..

-بعد ماتحطي خلطة الكريم فورا حطيا بالفريزا لانو فورا رح تجمد الخلطة مع مراعاة الصينية تكون في سطح املس
مشان مايطلع طرف الو كريم كراميل وطرف لاء

http://up.7cc.com/upfiles/iXY19897.gif







وهيك شكلا بعد التقطيع





http://up.7cc.com/upfiles/QVh19897.gif


- هون بقا هي الاكلة لو عملتيا قبل بيومين من الحفلة وجهزتيا مابيصرلا شي بس تحطيا بالفريزا شرط وتتركيا لوقت التقديم .. خلال خمس دقايق بتحل

طيبتا انو تتاكل باردة عالاخر انا علطول بعملا وبحطا بالفريزا وبس حدا طب علينا فجأة بتكون هي جاهزة بطالعا من الفريزا لبين اعمل القهوة بتكون حلت عالاخر وبتضل بيردة

وريتو الف صحة وهنا وان شا الله تكون وضحت الخطوات واي سؤال انا جاهزة ..

[ريماس]

كمان هي وقت حفلتي عملناه صورناه ورح احطلكن ياها هون مشان تعرفو الخطوات

حلى عنقود العنب


المقادير :


http://up.7cc.com/upfiles/X1b30913.gif

- 4 كيس شوكولاتة مالتيزرز.
- 1 ونص بسكويت شاي كبير ويطحن ..
- نص علبة قشطة .
- نص علبة حليب مكثف محلى .
- كاكاو بودرة لبين يصير لون العجين بني غامق .
- شوكولاتة سائلة هيرشي ..







الطريقة :

- توضع جميع المقادير ماعدا شوكولاتة مالتيزرز وتعجن جيدا باليد حتى تصبح عجينة متماسكة يسهل تشكيلها..

http://up.7cc.com/upfiles/foG30913.gif

وازا لاحظتي العجينة عم تلزق كتير زيدي بسوكيت مطحون .. وازا لاحظتيا سميكة كتير صعب تشكيلا ضيفي شوي من حليب مكثف محلى .. يعني انتي حسب ماتشوفي العجينة بتحطي الاضافات ..

يخرب عقلي كانو نسيت اصور العجينة

- تاخدي حبة من شوكولاتة مالتيزرز وتغلفيها بالعجينة السابق ذكرها وعمليها متل الكرات ..
-صفيها على شكل مثلث بصحن التقديم وتحطي فوقا طبقة تانية ..
- جيبي قطعة ورق عنب غسليا منيح ونشفيا وحطيا منظر فوق الكرات ..
بتقدري تعمليا قبل بيومين وتغلفيا اهم الشي بكيس نايلون .. وقبل التقديم بترشي عوشا شوكولاتة سائلة هيرشي للزينة وازا ماعندك بتحسني تستغني عنها ..

وهيك رح يصير شكلو بالاخر

http://up.7cc.com/upfiles/DAG30913.gif







وريتو صحة وهنا وان شا الله تنبسطو احلى بسطة

تحيتي الك وللجميع

http://asiert-alrooh.net/vb/images/smilies/htoof-1612b946b3.gif

[ام ماهر]

شكرا انا بقيت جرب سنة بالطبخ لحتى تعلمت منيح والحمد لله لم تطول المدة أكثر
شكرا لادراج قسم المطبخ

[ريماس]

اهلين فيك ام ماهر وياريت تفيدينا وتضيفي شي يلي تعلمتيه وخلي الهون الكل يستفيد


اليوم نوع الحلا


كرات الكورن فليكس


المقادير

5 مارس حجم كبير (تقدري تجيبي بديل يكون قريب من مارس )

ملعقة عسل

ملعقتان زبدة

كورن فليكس (الشكولاتة او العادي )


الطريقة

1- يسيح المارس والزبدة والعسل في حمام مائي
2 -ضاف الكورن فليكس على حسب اللفة
3- تكور على شكل دوائر وتوضع على ورق التقديم

طريقتا سهلة وطيبة

[ريماس]

حلى البرازيلي

المقادير
7 كاسات حليب سائل
2 ملعقة كبيرة زبدة
3 صفار بيض
2 علبة نستلة المكثف المحلى
كاكاو حسب اللون
نشا
علبة قشطة


الطريقة

نضع الحليب ع النار ثم نضع فوقه حليب مكثف محلى ثم نحركه حتى يسخن
نضع في زبدية حليب فاتر ثم نضع عليه النشا والكاكو ثم نحركها ونضعها فوق الحليب ونحركه الى ان يتكثف
نضع فوقه صفار البيض والزبدة ونتركها ع النار قليلا ونطفئ تحته
نغمس البسكويت بالحليب او الماء ونرصه في صينية بايركس ثم نضع فوقه خلطة الشكولاتة ثم البسكويت ثم الخلطة حتى تنتهي الطبقات
بعد ان تبرد وقبل التقديم نضع فوقها القشطة ونزينها بالفستق الحلبي المطحون
وصحنا وهنا على قلوبكن

[دمعة فرح]

يسلمووووووو كتير ريماس عالوصفات الطيبة