أريد جواب فقط

[عربي]

الدول العربية تنعم بالنفط والاحتياطي العالمي من الغاز والبترول مساحات شاسعة كوادر خارقة مساحات شاسعة يد عاملة مؤهلة .لكن كل هذا يعطين البطالة التخلف التبعية .فبالله عليكم أين الخلل أريد جواب

[M-AraBi]

الخلل برأيي أنو الكبير عم ياكل الصغير، وما حدا سأل عن حدا إلا من رحم ربي
والحكومات كل همها سياستها وانو تضل عايشه ،ويضل الشعب ساكت ، والباقي ما بيهم!!!!

مجرد رأي سريع

وشكراً لك أخي عربي على الموضوع

[ماهرالفيزو]

تذكرت قصة صغيرة

لاحد ضباط الجيش لمن سأل عناصره عن اي اعتراض

واعترض احد العناصر على سوء وصول المعونات المقررة كل شهر من لباس وطعام تصل ناقصة وكان الجو شتاء وتلج

فقام بصف العناصر شخص وراء شخص ووضعه اخر شخص

طبعا احضر قطعة تلج كبيرة واعطاها لاول عنصر والعنصر الاول للثاني وهكذا لين وصلت عنده

فارطة ....... والمعنى انو كلو عم ياكل والشعب عم ياكل ............. ؟؟؟؟

ومشكور حبيب القلب

[Sanaa]

طبعا الأسباب كتيرة و معقدة و متشابكة كتير .....



بشكل عام بعتقد المشكلة الأساسية بتكمن بسوء التخطيط ... مهما اتوفرت الموارد المادية و البشرية ...

إذا ما كان في تخطيط سليم بيضمن استغلالها بالشكل الأمثل ما رح يكون في فائدة من هالموارد

و لما بنقول تخطيط سليم ... يعني تخطيط شامل و متكامل ... و بصراحة هاد الشي بشكل عام غير متوافر






إضافة لعدم القدرة على مواكبة التكنولوجيا .... مو قصدي انه ما عم يتم استخدام التكنولوجيا ... لاء طبعا عم يتم استخدامها

بس غالبا عم يتم الاعتماد ع الخبرات الأجنبية .... و دايما بيكون في ثقة بالخبرات الأجنبية أكتر من العربية ( على الرغم من توافرها )

و المشكلة أنه بدل ما نستقدم هالخبرات ... و نتعلم منها ..... عم نستقدمها و نعتمد عليها بشكل كامل

وهاد الشي بيعكس مدى التقليد و الاتكال على الغير .. وبالتالي غياب روح الإبداع و الابتكار و عدم الاستغلال الذاتي للخامات الموجودة

بالمقابل ... أكيد دخول العنصر التكنولوجي عم يكون على حساب استخدام الأيدي العاملة ...

و بالتالي هاد الشي عم يزيد مشكلة البطالة ... من خلال تناقص الاعتماد على العنصر البشري





و طبعا كمان ما لازم ننسى .... حرص الدول الغربية على ترسيخ التخلف و التبعية المطلقة إلها من قبل الدول العربية

و طبعا كرمال هاد الشي ممكن الدول المتقدمة تعمل كتير شغلات ....

يعني المشكلة .. أنه مقابل غياب التخطيط السليم بالدول العربية ..

عم يكون في تخطيط دقيق و مدروس جدا من الدول المتقدمة لتحقيق أهدافها و مراميها بالدول العربية




و حتى لما عم يكون في مشاريع محلية ناجحة ...

غالبا عم تكون مشاريع ربحية بحتة ... الهدف الأساسي منها الربح بغض النظر عن أي شي تاني

يعني غالبا عم يتم تفضيل الاعتبارات الفردية و المصالح الشخصية على حساب الاعتبارات و المصالح العامة ...





الموضوع كتير مهم و بيحتمل عدة وجوه ..... و الكلام فيه بيطول كتييير

ألف شكر لحضرتك ع الطرح المهم جدااا

مع التحية

[ابو سامر]

سؤال بسيط ومعقد بنفس الوقت ...

الحكومات والسياسات سبب مهم متل ما قال الاخ محمد العربي وماهر..

والتحليل الجميل لسناء ( مهم جدا ,,, لا يوجد تخطيط متكامل )

يعني بمعنى اخر لا يوجد تخطيط للتكامل العربي الاقتصادي

وكلو حبر على ورق ..

دول تمتلك نفط وثروات مهمة ...وكوادر بشرية عربية وعلمية موجودة في دول

عربية اخرى ؟؟ بكل بساطة

ومع هذا نجيب الاجانب ليستغلو ثرواتنا ...واحنا مبسوطين

ليكملو استغلال ذوي النفوذ ...
\
يعني سؤالك اخي عربي بمعنى آخر انه ..

اين التكامـــــــل الاقتصادي العربي ..؟؟؟

وكل دولة وحكومة تفكر لحالها وتخطط لحالها لان اهدافها متباينة ...

ومتل ما حكى الاخ العربي ..همها تحافظ على مكاسبها ..واهلا وسهلا

بجون وماريو ...ولا لمحمد ولعبدو وعلي ..

لذلك احنا لا زلنا في اسفل السلم الحضاري

وشكرا لسؤال جميل مستفز .لعقولنا وارواحنا

قبل اقلامنا ..الاخ عربي

تقبل محبتي

[Dr.Ganem]

بسبب الفساد

[السكون]

حسبي الله ونعم الوكيل

هاد احسن شي

مشكور اخي