لماذا تغربت عن بلدك؟

[zeena]

كلنا نعشق بلدنا الحبيب سورية ولكن لسبب ما تغربنا عنه..ولكي نسعى في رقي بلدنا وتطوره ,ليذكر كل منا سبب غربته وماالذي سيجعله يعود لوطنه؟


سابدأ بنفسي :سبب سفري هو مشكلة السكن فعلينا دفع آجار بيتنا المرتفع ,ودفع آجار بيت حماي أيضا..
وساعود حالما يتوفر السكن التمليك لعائلتي ..فبعد التسجيل بجمعية سكنية توقفت رخصة البناء كما توقفت رخص البناء كلها في حلب لسبب غير معروف ..

وأنتم ماهي مشاكلكم؟؟

[دمعة فرح]

شكرا جزيلا على الموضوع الحلو زينة
ويارب يردك سالمة غانمة لبلدك لأنو مافي احلى من العيشة وسط الأهل والأحباب

وأنا تغربت بسبب الاحتلال .. يارب يحرر بلادنا ويرجع كل واحد منا لوطنه
واهله وناسه

تحياتي لكِ أختي

[M-AraBi]

أنا تغرب والدي لأجل العمل

وإن شاء الله بس خلص دراسة رح روح كمان على الكويت من شان العمل
لأنو هيك بنفد من الجيش وبدفع بدل
وكمان هنيك الشغل أربح وأريح

وشكراً لك أختي على الموضوع

دمتي بحفظ الرحمن

[السكون]

اللهم لاحول ولا قوة الا بالله

ولا تدري نفس ماذا تكسب غدا

ولا تدري نفسا باي ارض تموت

مشكورة خيتو

[ماهرالفيزو]

شكر ا زينة على الموضوع

انا من ناحيتي تغربت لان لساني باول شبابي وفي اشيا ممكن حققا هون مالاقيها ببلدي

طبعا اخر الشي رح نرجع الغربة ماتدوم

وانشاء الله يتوفر السكن عندك وتنحل كل مشاكلك وترجعي لبلدك بخير وسلامة

[eiadf]

شكرا على الموضوع اناتغربت مشان امن مستقبلي والحمد
لله رجعت على بلدي وانا في احسن حال وكلو بفضل رب العالمين

[zeena]

الحمدلله شفت الكل مهما طالت غربته ومهما كان سببها حيرجع ويفيد ولاد بلده ...ودمعة فرح الله يفرحنا بتحرير كل بلادنا يارب
تحياتي ومشكورين..

[rami970]

مشكورة اختي الكريمة و حياك الله
السبب الاول والاخير تحسين الوضع المعيشي
وراجعين ان شاء الله والله يفرجها على الجميع

[mido1]

انا تغربت لتحسين الوضع المعيشي ولاشتري بيت
وبس الله يكرمنا ويفرجها عن هالبلد راجعين باذن الله

[soona]

:z019:انا مو مغترب لاني بحب بلدي وكلشي منها حلو مهما كان ومهما يكون السبب او التكلفه او المصير فانا سوريا بجداره ولن اغترب مدا الحيات وشكرا

[fady]

اخي العزيز اختي العزيزة رفاقي واصدقائي الاعزاء انا اغتربت نتيجة ملاحقة امن السياسي ولم استطيع العيش بين اهلي واصدقائي ساارجع على البلد انشاء الله


باقي الرد مخالف لقوانين المنتدى

تم حذفه
M-AraBi

[ياسرالشيخ]

الوحد فينا مايقدر يقرر يغترب ام لا انو ما اعتقدش ان احد فين وده يغترب لاكن الضروف هي الي تجبره علا اتخاذ القرار::وانا اعتقد انو لو اغتربت في دوله عربيه بايفف عني شوي لنو الحمد لله العرب كلهم واحد::بغض النضر عن بعض السلبيات الي في بعضهم::بس هاذه وجهت نضري::

::ملاحضه الموضوع فعلن جميل ويستحق المناقشه::والله الموفق

[عبود بيطار]

والله سبب غربتي لأن البلد اللي بحمل جنسيتها أعتذرت عن قبولي بأي جامعة انا ما بنكر انو مادرست منيح بس انا مواطن احمل جنسية بلد ما , ما يطلعلي بجامعتها مقعد على كل الأحوال الحمد لله رب العالمين على كل شيء مع احترامي لكل شخص موجود بالموقع

[أبوبدر]

عمرك ما راح تحلم تصير بني ادم في بلدك ...... !!!!!!!!

[أحلام سلطان]

السلام عليكم ورحمة الله تعالى وبركاته وبقوله تعالى[ان مع العسريسرا]سبحان الله مافي حدا متغرب عن أهلواوناسوامرتاح الغربة صعبة ومتل مابقولواالغربةكربة بس شوبدو يعمل الواحدلقمةمغمسه بالدم وأناسبب غربتنالقمةالعيش الصعبةكتييييييييييراللي حرمتني اني مااقدرانزل زيارةعاسوريامن سنتين وياعالم كم رح تزيد الحمدولله عاكل حال الله يصبرناويصبركم جميعا وشكرا

[غفران]

:z09:الصراحة انا مو مغتربة بس...............................
:z03:زوجي مغترب بالمملكةالعربية السعودية الشقيقة ...........................
ومن دونه انا مغتربة بس من داخل وطني.........
أتمنى لكل مغترب يرجع على البلد الغالي سوريا بعد ما يحقق الي يطمح اليه......
لانه مافي اطيب من هواء........... ماء .............تراب ..........سوريا
نفديك بالروح

رح أبقى هون ياسوريا

[asharf]

انا تغربت بحكم عمل والدي فى الامارات وانا كمان هلا بعمل فى الامارات ونحنى مش منقطعبن عن بلدنا سوريا

[م جمال كمال]

:z025:أضم صوتي لغفران المغتربة داخل الوطن .. قال الشاعر : وظلم أولي القربى أشدُّ مضاضةً على المرءِ من وقعِ الحسام المُهنَّدِ
في كثيرٍ من الأحيان يكون المرء الذي ولدته أمك وهو من ظهر أبيك .... عدوُّك الذي يجعلك غريباً بين أهلك وناسك

[mmm1954]

بسم الله الرحمن الرحيم

والله كانت غربتي بعد ان ضاقت علي الارض بما رحبت - شهادة ثانوية غير معترف بها في الجامعات السورية - لابيت - لاعمل - مسؤولية زوجة وطفل بدون معين غير الله - طلب الجيش - واخرها ملاحقة امنية
ابدلني الله بشهادة افضل من شهادتي وبلدا احسن من بلدي - سترني من فضله ببيت يأويني - وعملا يكفيني - وحفظ علي عرضي ومالي وديني - ورزقني الذرية الصالحة - وانا لاافكر بالعودة مطلقا لبلدي
فالبلد الذي له فضل علي بعض الله سبحانه وتعالى هو البلد الذي انا فيه وسوف اكون مخلصا له وهذا اقل الواجب علي تجاهه - فالارض ارض الله والخلق عيال الله ووطني هو من حفظ لي كرامتي والسلام
على اهل بلدي الكرام الذين اكن لهم كل حب واحترام

[chocosweet]

مشكورة يا زينة على هالموضوع الحلو بس....
انا بدي احكي شي مهم كتير انا بالأصل فلسطينية عشت كل حياتي
بسوريا ولما طلعت من سوريا ... طلعت بدمع العين ...
احن دائماً لسوريا وللأهلها وناسها وشمسها وهواها ...
انا في غزة اعيش كل أشكال الغربة .... يا ريت فيني أرجع للحبيبة سوريا

[emadmstfa]

تحية معطرة بالورد والفل للكل ولصاحبة المشاركة على الأخص وأنشالله بتحققي مرادك ... أنا تغربت مشان حسن وضعي لأني نفصلت عن خطيبتي بسبب ضيق الحال ... والحمد لله اللي أكرمني وشغلي منيح كتير بس هلق صار عندي مشكلة وهي أني صرت بدي أخطب مرة تانية بس وين البنات .... أنا بغربة وعندي شوية مشاكل مع أهلي.....

[HE88RO]

انا ما متغرب عايش بعزتي و كرامتي و باحسن حال و الحمد لله


بس بدي قول :


يلي ما في خير لبلدو يلي خلئ فيه بكون ما في خير لحدى


و يلي بيتنكر من أصلو .. بكون ما إلو أصل


و لكل يلي عايشين برة سوريا .. اذا بكرة الدولة يلي عايشين فيها قالتلكن انقلعو من البلد على اقل سبب .. وين بتروحو بالله ؟؟؟؟؟


و كمان بدي تقولو مين يلي محافظ على الكرامة العربية ؟؟ من كل الدول العربية ؟


أنا بفتخر و بعتز أني سوري وين ما كان رافع راسي


مع كل شي مشاكل بالبلد .. بضل كرامتنا مرفوعة بين كل العرب و كل العالم


و هي أمريكا أكبر دولة بالعالم رجعت السفير لعنا متل التوتو


مو احسن من غير دول عربية يهودية متحالفة مع الأعداء يلي عم يتقلو أخوانا بفلسطين ؟؟؟




بس المهم حطو خطين حمر تحت ها الجملة


يلي بيتنكر لأصلو بكون ما فيه أصل


ماشي


سلام

[rammee]

الله يعطيكن العافيه وبصراحه ما في أحلى من سوريا بكل العالم وان شالله الكل يرجع سالم غانم لبلده:z025:

[sare970]

ماذا اقول ...... إنتظرت بعد التخرج أكثر من خمس سنوات ضايع بين عقود قصيرة وراتب معدوم في القطاع العام , وعمل من الفجر إلى العشاء براتب مقبول في القطاع الخاص ( بدون ان اوفر شيئ ) واصبح عمري اكثر من 30 سنة ولم استطع الزواج .
- عندها قررت الإ غتراب و الحمد لله عملي جيد جدا وراتبي ممتاز أكثر من خمس أضعاف ماكنت اخذه في سوريا !
- ولكن ماذا اقول ... آه آه آه ... إشتقت لوطني وأهلي ... وخاصة بعد غربة ثلاث سنوات متواصلة (وهي اول سفر لي ) والحمد لله اولاً وآخراً؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

[nor]

السلام عليكم ورحمة الله وبركاتو اختي العزيزة انا تغربة لئسباب كتيرة بس اكبر الاسباب هيه الفقر وديق الصدر بس الحمد لله الله وفئني ورزقني علم ومال وبنون ورايح ارجع عل وطن بئقرب فرصة

[راتب المصري]

شكرا على الموضوع زينة
أنا بصراحة مالي مغترب
ولا بفكر اني اغترب
لاأنو الحمد الله مبسوط
وعملي الحمد الله ممتاز
او مافي احلى من شام
وميت شام بعدين مافي
أحلى من سوريا وطني
سوريا
حبيبتي
:z03:

[awameh]

انا تغربت منشان اكتسب خبرة اكبر بعملي وانشالله رح ارجع وافتح شغلي بخبرتي اللي عم نميها بالغربة

[hani]

انا صرلي 16سنه يعني سنه فوق وسنه تحت لدرجة اني ما عرفان حالي ناجح ولا فاشل 16سنه مرو متل 16يوم صدقوني الغربه من تجربه شخصيه امشو على مبدا القناعه لاني اذا بتحاول تكبر بسرعه بتوقع بسرعه بس الصراحه لو بحسن ارجع 16سنه ما طلعت من بلدي والله يوفق الجميع يارب

[رشا]

السلام عليكم الموضوع جداحلو بس والله فتئتولنا جروحاتنا انا اتغربت اجيت لعند زوجي واكيد متغربين مشان تحسين وضعنا المعيشي ومشان البيت اهم شي من بعد الصحة طبعا انشالله منرجع عن قريب وتنور عيوننا بشوفة بلدنا الغالي

[تالة]

تغربت عن بلدي مع زوجي من أجل تحقيق أهدافنا التي رسمناها سوية ..
نفكر بالاغتراب عندما يصعب علينا تحقيق طموحاتنا في بلدنا الحبيب

[الأمل]

مشكورة أختي العزيزة تغربت انا مجبور من قبل اهلي بدن ياني صير محامي وانا مابحب المحاماة طلعلي ادب عربي بحلب بس اهلي ما وافقوا مع انو حلمي كان ادب عربي وجبت بالبكلوريا اختصاص عربي56 بس للأسف سافرت لبنان مجبور وعم ادرس هلق حقوق ببيروت العربية والحمدلله خلصت الفصل الأول بمعدل87والله ولي التوفيق

[الأمل]

يا ريتني بغزة وأشارك اخواني واخواتي هنيك بالوحدة والاتحاد ضد اليهود...أتمنالك الخير يا فلسطينية وانشالله ابتتحرر ارضك الأغلى فلسطين وبتجي لسوريا زيارة وبتنورينا يا غالية أخوكي حسن شاب سوري مقيم بلبنان بحكم الدراسة

[عبدالقادرسرمين]

ياعزيزي انااغتربت لاسباب عدة منها الوضع المالي الممتاز وجود عمارة من ثلاث ادوار لوالدي القوانين الممتازة في بلدي وجود عمل براتب جيد وجود تامين صحي لي افي حال مرضي والكثير الكثير؟؟؟؟؟؟؟؟؟؟؟؟لك ياعمي من الفقر والله لوفي بيت عندي مارح اتغرب !!!!!!!!!!!!! :z060:

[ykzan]

تغرب عن الأوطان في طلب العلى *** وسافر ففي الأسفار خمس فوائد


تفريج هم ، واكتساب مــعيشة *** وعلم ، وآداب ،وصحبة ماجد


فإن قـيل في الأسفار ذل ومحنـة *** وقطع الفيافي وارتكاب الشدائد


فـموت الـفتى خير له من قيامه *** بدار هوان بين واش وحـاسد

:z09: بس والله مشتاق لتراب بلدي :z09:

[SyriaBoy]

اول شي بحب سلم على كل الموجودين بالموضوع

اخت زينة انتي عم تسألي سؤال يمكن سهل الاجابة عليه للبعض ويمكن يكون بصرخة الم للبعض
انا من ناحيتي ما حسيت بالغربة يمكن لإنو عايش مع اهلي هون ...
بس بحب علق على هالموضوع .. يعني لو بلدنا بتحترمنا كان تركنا بلدنا ؟؟

خلينا نلعب ع المكشوف ... يعني مين بيتحمل الفساد ياللي بسوريا ؟؟ حالات الفقر .. غلا الاسعار ؟؟
طيب الناس والعباد شو بتعمل بحالها ؟؟ انا عم احكي عن نسبة كتير كبيرة من حالات الفقر ... هلأ لا كل واحد ينط ويحكي ياللي بيشتغل بيعيش

لا تواخزوني بهالكلمة .. ياللي ما بيكون داحش ايدو بتم هاد وهاد ما بيعيش .. والباقي راحت عليه .. كللو تعتيل وكل واحد بيكون عندو عرر ولاد

طيب ليه حكومتنا مو شايفة هالشي ؟؟ انا عم احكي عن واقع شفتو بعيني ..
ياللي عندو واسطة هاد بيكون ابن عز وبتنضربلو التحية ..
وياللي ما بيعرف غير الله .. هادا بيكون مدعوس عليه ولا حدا دريان فيه ...

انا كنت من الناس ياللي كنت قول والله والله لو عيشوني على خبز وزيتون ما بترك الشاغور .. لإنو ما كنت عرفان انو الاحترام بيكتمل بأوروبا مو ببلدنا

ولما تغربت بأوروبا حسيت بالفرق .. وحسيت كيف احترام الغرب لوجودنا كبشر ... صح عم يستفيدو من طاقاتنا ياللي كانت ضايعة ببلدنا .. بس بيعطونا احترامنا

في كتير تفاصيل موجودة ببلدنا بتخللي الحرقة دايما بقلوبنا ... الحيتان ياللي ما بترحم وبتبلع الأخضر واليابس

حلم حياتنا انو يكون ببلدنا احترام لإلنا لحتى شي يوم نفكر بالرجعة .. بس دق المي وهية مي

واحدنا بينزل على سوريا .. اول اسبوع بينبسط يا سلام .. والتاني والتالت .. وبالرابع ما بيصدق ايمتا يرجع .. يعني فينا نقول بلدنا صارت لإلنا بلد سياحي مو اكتر

بتمنى من كل قلبي انو بيوم من الأيام ارجع لبلدي بس اني كون معزز مكرم هنيك وانو بلدي تستفيد من طاقاتي مو الغرب

آسف ع الاطالة اختي .. بس سؤالك ضرب بالصميم

ولسا منحلم بترابك يا شام

دمتي بكل ود

[سوري مغترب بلكويت]

السلام عليكم سوريا حلوا الله يحميها من غدر الزمان بس الكويت لها افضال كثيره غلينا الله يديم سوريا والكويت الي خلتنا نعيش بكراما وعز بفضل الله عايشين بعز الكويت والله ما عرفنا السيارات واالبيوت الجميله الا من خير هدا البلد خيرو علا كتافنا

[mahmod14444]

انا تغربت في البداية من اجل العمل وتحسين ظروف المعيشه ولكن للاسف مع مر السنين اصبحنا عاجزين عن العودة بسبب الاولاد الذين درسوا في المدارس الاجنبية واستحالة دراستهم بالمدارس العربية لعدم المامهم باللغة العربية بالاضافة الى الوضع الاقتصادي الذي نمر به لكن رغم ذلك فنحن نزور بلدنا كل عامين لهذا انصح الجميع بعدم الاغتراب فبلدي وان جارت وشكرا

[أحمد فرحات]

انا ماتغربت بس اذا بدي اتغرب في سببين
الاول
كرمال جيش
2كرمال المال
مشكورة zeena (http://www.mgtrben.com/portal/member.php?u=4211) وهي تقيم

[jorybassam]

كل واحد بيلحق رزقه واناانتقل عمل زوجي من الشام لحلب ففضلت اني سافر معه انا والاولاد احسن مايعيش كل واحدبمكان ومشكورة على الموضوع

[سوري مغترب بلكويت]

مدام مخلوف موجود مع العصابه خلينا بلغربهاقل شي منحس حالنا عايشين احسن مانضل تحت رحمت محمد الحسين الي امو عندها دنم ارض بطلع في الشهر 70 الف ليره من البقدونس 7 ملايين تحت خط الفقر بعد ما استلم م حسين الماليه ورفع المازوت ادعو الله ان ينتقم من كل ضالم شوف شباب الغربه ما النا اي قيمه من ورا العز الي احنا فيه يا محمد الحسين والعصابه نشكيكم ال الله مقهور

[CANCER]

اعتقد انه من الاسهل ان تسألوا , لماذا بقيت في سوريا ؟ والجواب احد اثنين : اما ولدت وبفمي ملعقة ذهب او لا املك المال الكافي للسفر الى الخارج .

اما اسباب الغربة فهي لا تحصى , تخيلوا ان اخر احصائية تقول ان عدد السوريين المغتربين يقرب 12 - 15 مليون سوري !!!! ؟؟؟ اي اكثر من ثلث السكان !!

ومن يستطيع لومهم ؟ فهذا الذي يطمح ان يعيش كإنسان محترم فتغرب , وهذا الذي اراد الدراسة وهذا الذي اراد حفظ اثمن سنين عمره فسافر هربا من الخدمة ........


انا شخصيا تغربت لاجل الدراسة .

اريد ان اعلق على قولك يا أنستي : كلنا نعشق سوريا , وانا حسب مفهومي , الحب يجب ان يكون متبادل بكل المعاني المادية والمعنوية , فحتى حب الولد لأمه متبادل , فلو وضعت ام ولدها ثم رمته في دار للايتام او

في الشارع لانعدمت مشاعره تجاهها .

والسلام ختام .

[CANCER]

لفت انتباهي بعد ما كتبت تعليقي ان بعض الناس بدأ يتكلم ويشكي همه بكل جرأة وشفافية , وهذه بادرة خير , على الاقل لا اشعر بالوحدة هههههههه

تحية ل syrianboy ولباقي الشباب . والسلام ختام .

[alhasan]

السلام عليكم جميعا انا مشترك جديد ارجو ان اكون صديق مرحب به بينكم
اما انا فبدات الاغتراب من بعد البكلوريا لاني الجامعة الخاصة الي كنت فيها بسوريا كانت ماهي نظامية ورحت لبنان لاكمل دراستي والله يكون بعوني بالبنان المهم خلصت رجعت سوريا لحقني الجيش سافرت لقطر شي شهرين رجعت سوريا قلت اعمل وراقي واطلع اكمل دراسة برا قال ما منعدلك بسوريا الدراسة رجعت سافرت على السعودية وهلا اانا مقيم فيها ومشتااق كتييييييييييييير لحلب .... وعفكرة اهلي مغتربين من قبلي بزمان
وانا هون مشان احسن وضعي واامن مستقبلي وارجع سورايا بعد خمس سنوات واحاااااااااااااااول مجرد محاولة انو افكر بالزواج لاني بتعرفو الزواج بدو بيت و البيت بسوريا يعني .... صعب
الله يكون معنا

[aramees]

أول شي

شكرا أخت زينه عالموضوع الواقعي والتي أصبح ظاهرة قويه نعيشها اليوم

تاني شي ما في إنسان الا والو ظروفو وأسبابه الخاصه يللي خلتو يلجأ للغربه والسفر

والا ما تكون هالظروف قاسيه ورغما عنو

والا ما كان انسان سافر برغبتو ومن مصدر استقرار وامان

أنا عن نفسي عم فكر أغترب عن بلدي

لاسباب عديده منها الاحتلال والاوضاع القاسيه التي نعيشها بفلسطين

عدم وفرة الامن والامان

مفقودين عندنا والحمد لله

وغير هيك سبب تاني بيدفعني للغربه الخلافات السياسيه بين التنظيمات

الشعب واقع ضحيه ما بين فتح وحماس وجبهه وما بعرف شو

شوية كلام فاضي عم يختلفو لاجلو ونحنا منروح ضحيه وما حدا حاسس فينا

وكمان شغله

طبيبعه العمل هون صعبه جدا فرص عمل ميته بطاله لا قامت ولا قعدت

لهيك عم فكر اغترب لحتى استقر ببلد تاني واشتغل وكون نفسي هناك

تحياتي

Aramees

[المهاجر-66]

انا ما بقدر فارق الحبيبة سوربا لاني روحي بترابها افديعا بكل شيء ممكن يحميها بس مع الأسف انا مالي ملاقي شغل ببلدي الحبيب يغنيني عن الحاجة لطلب المساعدة وانني اعيش ببلدي غريب
مع جزيل الشكر للي فاتح هذا الموضوع

[abeer2]

وانا ببلدي الغالي سوريا

بس اتغربت قبل هيك وارجعت لبلدي الحبيبة مافي احلى من الوطن بيكفي بتضل عايش بأمان مو خايف كفيل يسفرك او صاحب بيت يقلعك اذا كنت عايش بكرامتك

وبيكفي ما اسمك اجنبي وانت ببلد عربية والاجنبي بيرحبو فيه بالاحضان

الله يفرجها على الجميع ويرزق كل الناس بوطنها ويحرر كل الاراضي المحتلة امين

سبب غربتي انا وعيلتي اننا نأمن مستقبل افضل النا بس صدقوني وبعد تجربة نفس الشي الي بتطلعون ببلد الغربة بنتصرفون فيها من غلاء معيشة وسكن

وكتر المولات والترفيه وفوق كل هاد بعيد عن اهلك وناسك اذا انضمت ما بتلاقي حدا يواسيك الكل مشغول بأموروا

موضوع جميل ومناقشة هدافة شكرا

[arafatahmed]

انا باعشق سوريا على الرغم من اني مصري مش سوري
بس باحس ان سوريا توام مصر
واتمنى لجميع الاخوة العودة الي بلادهم
وازدهار بلادهم وبالاخص سوريا

[منال]

والله الغربه كربه ومابيعرف طعماالااللي جربا انا وزوجي اتغربنا لنقدرنأمن لقمةالعيش وبيت يسترنا وبطلب من ربي اللي هواعلم بحالي انو يعني ونرجع ع بلدنا الغالي ونحنا مرفوعين الرأس

[منال]

موضوع حلو وبحز بالنفس مشكورين والله يردناسالمين غانمين:ndm:

[wael067067]

سبب سفري هو مشكلة السكن
وساعود حالما يتوفر السكن التمليك لعائلتي ..فبعد التسجيل بجمعية سكنية في ضاحية الاسد اطباء مشفى تشرين توقف المشروع لان اعضاء الجمعية طلعوا نصابين وتوقف العمل في البناء لحل الاشكالات التي لانعرف متى تنتهي دخلنا الان في السنة الثالثة والله اعلم ,نشقى هنا في الغربة ونفني زهرة شبابنا لاجل النصابين والقرارات الغير مدروسة بشان ايقاف الجمعية ؟طيب شو ذنبنا؟؟؟؟؟؟؟؟؟؟؟؟؟

[basha1321979]

في الحقيقة سؤالك ذو رد يخشاه البعض او يتجنبه البعض رغم اننا كلنا عانينا منه فلا احد يهوى الغربة لا احد لا يحب اهله و ارضه و وطنه ولكن
نحن نريد ان نعيش مثل بقية الناس
يعني أنا موظف راتبي 13 الف لا اريد ان ارتشي أمامي طريق واحد هو السفر او الجوع او الموت
فاخترت السفر
فإذا اصبح راتبي 25 الف ليرة على الاقل فلا فرصة لدي للعودة او للعيش في بلدي و للأسف هذا هو الواقع وارجو ان يكون الآخرون واقعيين بالرد ولا يزاودون بالكلام فلم يخرب بلدنا سوى المزاودة و السكوت عن الخطأ
في النهاية اقول كما الجميع اريد ان أعيش حياة كريمة مثل باقي البشر و أعامل معاملة البشر ويبقى وطني الغاي حرا كريما تحت قيادة الاخ المفدى بشار حافظ الاسد هو الأمل الوحيد الباقي لنا و نحن معه بدمائنا

[طه2]

(اطلبوا
العلم
ولو
في
الصين):z06::z049:

[طه2]

السلام عليكم ورحمة الله وبركاته
شكرا لكل الاخوه
كما ان التعليم في بلدي يفتقر الى امورا شتى واهمها المعلومة والمتمثلة بالمكتبة الحديثة والمتطوره
الامر الاخر هو العجز الشديد في المعامل اما لعدم توفر الجهاز الخاص بالتحليل او لعدم توفر الكادر الفني الاكثر تخصص في اي مجال من المجالات وهذا حال معظم او كل بلدان وطني العربي
وهذان الامران هما جوهر التعليم والبحث العلمي الذي موجود عند غيرنا وليس موجود معانا وفي بلداننا
اسال الله ان يلهم اوليا امورنا واصحاب القرار ان ينتبهو الى مساله اعداد العقول كي نلحق بمن سبقنا في هذا الامر

[Billy the Kid]

خليها على ربك احسن شي وبلا الواحد يفش ئهرو ويحكي

[khodr]

مشان الدراسة مو أكتر

[كفاح]

مشكورة زينة على الموضوع
أنا كنت مغترب بسبب الدراسة لكن هلا أنا عم
اشتغل بشهادتي في بوخارست بس أكيد
رح ارجع لبلدي خلال السنتين الجايين.

[عاشق سورية]

والله أنا اتغربت عشان حسن وضعي المعيشي اللي هوي تحت الصفر
واتغربت مولأني مابحب وطني ولالأني مافيي خير لوطني
لاء غلطان كل واحد بقول هالحكي
كلنا منحب وطنا وكلنا منفديه بارواحنا
ولاتصدقوا لامخلوف ولامحمد الحسين ولاستين واحد متلن بخلينا نترك وطنا أو ننساه
بس شوبدو يساوي الواحد لقمة مغمسة بالدم
ياشباب الغربة صعبة والله لايجبر حدا عالغربة
الحمد لله أموري ماشية هلق وإن شاء الله رااااااااااااجعين

[shehab_pc]

لأ ياسيدي
انا ما خلقت بسوريا
ولا ألها علي اي فضل
وبعدين اذا البلد ما اهتمت فينا وحققت رغباتنا بدك نحنا نهتم فيها
وبعدين بس هالبلد يالي انا فيها تقولي انقلع انقلع لبلد تاني غير سوريا
وانا وقت اغترب ما كون عام انكر اصلي
انا سوري بس مغترب
وشكرا الك

[الحر السوري]

بسم الله الرحمن الرحيم
اولا هذه اول مشاركة لي في هذا المنتدى
اما عن سبب الاغتراب فانا تغربت مدة 16 سنة عن سوريا وانشالله راجع ع الغربة مرة ثانية والسبب معروف هو السبب الاقتصادي اولا واخيرا

[كرامة]

شكراً عزيزتي زينب على الموضوع
بصراحة انا قريت تقريبا كل المشاركات إللي قبلي ولا شعوريا صرت إبكي لكن السبب مو سبب تغرب كل واحد من المغتربين الزملاء ,, لأن كل ما قريت رد بقول نيالو ونيالها لأنو بالنهاية راجعين لبلدكم الغالية وإنتو ضيوف في بلدكم المقيمين فيها بصفة مؤقتة
بس انا مغتربة بسبب عمل والدي ومو هيك وبس لأن والدي رجع وانا ضليت وتقريبا إلي مالا نهاية لأني إتزوجت من البلد إللي انا فيها وبلدي بروح لها ضيفة
يعني حالكم أفضل من حالي بألف مليون مرة
ولو يرجع الزمن فينيي لورا 10 سنين كنت رحت لبلدي بحجة دراستي بالجامعة وكنت إستقريت فيها
لأن والله العظيم وبكل صدق وأمانة مافي أحب على قلبى من بعد الله والوالديين إلا بلدي الغالية وأقسى شي على قلبي وجودي في المطار لمغادرتها
الله يرجع كل مغترب سالم غانم ياااااااااارب
والله يشفي كل إنسان مابيحب وما بيحترم بلدو
لأن مع إحترامي إللي مابيحب بلدو إنسان مريض مهما كان السبب لأن حب البلد بالفِطرة مثل حب الإبن لأمه وأباه

[كرامة]

حب بلدك وأعطيها منشان تحبك وتعطيك
إحترمها منشان تحترمك

[chocosweet]

مشكورة أختي زينة على هالموضوع الحلو بس.......
بدي ئول شي مهم كتير أنا فلسطينية الأصل لكن عشت كل حياتي في سوريا
وأنا هلأ عم بعيش كل أشكال الغربة في غزة , وحشتني سوريا بترابها وأهلها وناسها وشمسها وهواها
ونفسي أرجع لكفي بائي حياتي فيها
تقبلي مروري ودمتي بود

[فيصل1308]

انا تغربت عشان اتجوز وعشان ابني بيت وعشان اشتري محل وعشان اكل وعشان يصير معي مصاري لاني بحب المصاري ....المصاري بصراحة بتريحني لاني كنت ابكي قبل ما اتغرب ما كنت احسن اكل ولا ادفع الفواتير تبع الكهربا والمي خصوصي بعد ما غليت وما دافع ترابية بيتنا من اكثرمن عشر سنوات ..ما في دخل وكنت اشتغل شغلتين بسوريا وما في فائدة وشغلتي ما فيها اضافي صعبة ....عندي سؤال من فضلكم ..متى يبكي الرجل ؟ ومتى تبكي المراة؟ ارجو الرد

[delsher]

شكرا على الموطوع الرائع سبب غربتي ليست من اجل المعيشة و المال لا كن الوضع عنا في الحسكة دولة ونظام اخر لقد رئيت كل سجون السورية تعذبت كثيرا في الفيحاء القسم السياسي وتدمر 8اشهر تحت الطرب احب بلادي مع اني لا املك ابسط حقوقي كا انسان في الملك والعمل والتوظيف لماذا الاني كردي لا املك هويا سوريا وانظام لديها خوف من الاكراد ولا احد يعرف ماذا فعل هاولاء هم ايضا بشر يردون حقوقهم يا صديقي اترك الحل عند ك واسئل ربي عن سبب عربتي

[almohajer]

بصراحة انا تغريت لاني ما قدرت ادرس بسوريا مع انو معدلي 70 بالمية وان شاء الله اكيد راجع والله يكون بعون الجميع ويفرحو بالعودة والاستقرار بالوطن الغالس سوريا

[Ziad]

مشكورة اخت زينة على هذا السؤال يلي كل مغترب عندو الو جواب وبصراحة السبب عندي كان عدم الرضى بمستوى المعيشة لإني كنت اطمع بأكثر من تلك التي سميتها معيشة وبكل ضروف الحياة المحيطة لإنها كانت بالنسبة لي كالجالس في دوامة غير واضح اولها من اخرها بسبب كثرة الضغوط النفسية والمادية وألاجتماعية والحقيقة ان كثيرين كثيرين من كانو ومازالو جالسين في تلك الدوامة ولم اعلم اني كنت بداخل تلك الدوامة الى ان خرجت منها قد اكون بداخل دوامة اكبر ولاكنها مريحة اكثر وخالية من الكثير من الضغوط .................

[Ziad]

اذا بكى الرجل فهذا يعني انه خسر كل شيئ .......... وإذا بكت المرأة فهذا يعني انها تريد شيئ

[Ziad]

اذا بكى الرجل فهذا يعني انه خسر كل شيئ .......... وإذا بكت المرأة فهذا يعني انها تريد شيئ

[شهودة@]

مهما كنتو متعزبين محدا متعزب متلي اكيد
انا مو نفسكن انا عايشه اصعب واقسى انواع الغربه
مستحيل ارجع عالبلد الاضيفه وزيارات قصيرة
للاسف
بس بالنهايه كل انسان بيتحمل نتيجة اختيارو
وهي الحاله اللي عايشتا نتيجة اختياري
انا تزوجت بره بلدي غريب يعني كويتي
طبعا هو كتير منيح ويمكن احسن منو مابلاقي
بس الغربه بتموت
معد فيني ارجع عالبلد الا زياره قصيرة
صرتي غريبه عن بلدي وغريبه عن البلد اللي انا عايشه فيه
المجتمع حوليي كتيييير صعب
ناس ما بيتعاشرو بيكرهو الغريب بشكل مو طبيعي طبعا مو كلن بس الاغلبيه
الي ست سنين عم حاول اتأقلم بس مستحيل
والمشكله حتى بالشام معد فيني ارجع اتأقلم
يعني باختصار غريبه لاخر يوم بحياتي
ومارح قول فتحتو جروحاتي لانها ماعم تتسكر اصلا
والله يكون بالعون
شهودة

[الغربة صعبة وربي]

السلام عليكم شللونكم وشو أخباركم يعني معروف ليش الواحد اتغرب اكيد مشان المعيشة صار كل شي غالي ببلدنا غير هيك عشان كون نفسي اما بالشام بحياتي ماراح كون نفسي هو انا بعيش اوكي وباكل وبشري بس مراح كون عيلة على كل حال انتي حطيتي ايدك على الجرح يسلمو على الموضوع الحلو وتقبلوا مروري وتحياتي للجميع

[فيصل1308]

انا لي وجهت نظر تانيه هي انو االرجل بيبكي لما ما بيحسن يطعمي اولاده ..اما المرأة ف صحيح كلامك بتبكي بيكون بدها شيء وطبعا يا من يشوفها عما تبكي خاصة اذا راحت عالسوق الصالحية يعني ...مر وحدة شافت عسكري الاستعراض فخطر لبالها تشتريه ...من باب المزح طبعا















.مرة شفت مرأة عما تقول لجوزها يشتريلها العسكري تبع استعراضي ... من باب المزح طبعا

[Ayman Abdoula]

الساده الكرام:
جئت الى بلغاريا كطالب حيث انهيت دراستي وحصلت على شهادة الهندسه وعندها حصلت التغيرات في بلغاريا كما في بقية دول المعسكر الشرقي وعندها تنشطت الحركه التجاريه وبدأت بالأستيراد والتصدير ومن ثم تزوجت ورزقت بثلاثة اولاد أما بالنسبه لي لم ولن انقطع عن بلدي الحبيب دائما وكل سنه اقضي عطلة الصيف وانشاء الله الرجعه قريبا

[Reem Deeb]

أنا مااغتربت بس مارح ضل

[عاشق الوطنية]

مشكورة اختي على طرحك الجميل

عن نفسي لسا انا ما تغربت

بس اذا حصل وتغربت رح يكون السبب الأول

تحسين وضعي المادي بلدرجة الأولى

لأنو البلد صارة المعيشة فيها غالية كتير


والمعاشات قليلة كتير


والله لا يعيزني للغربة


مرة تانية مشكورة اختي

وجزاك الله كل خير

:z025:

[جلال علي]

لا تعليق ................وعشان اني ما بقدر اعلق ..تغربت

[mmm1954]

لدي تعليق بسيط على الاخوة الذين يزايدون في وطنيتهم ويشككون في وطنية الاخرين
اقول لهؤلاء نحن لنا في رسول الله اسوة حسنة فهو افضل خلق الله في كل شئ ولايستطيع ان يزايد عليه احد ( عندما ظلم صلى الله عليه وسلم من اهله وعشيرته وقبيلته وبني جلدته ) الم ياذن الله له بالهجرة
وعندما نصره الله وفتح له البلاد وذلت له الرقاب من كفار قريش الم يكن الشخص الاوفى لمن ايده ونصره وفداه بالنفس والمال والولد حيث رجع الناس بالمال والدرهم وبقي هو صلى الله عليه وسلم عندهم وشكر لهم عرفانا منه صلى الله عليه وسلم لفضلهم مع ان مكة هي احب بقاع الارض لقلبه وروحه وفيها اهله واحب الناس لقلبه الشريف جسمان امنا خديجة رضي الله عنها وارضاها
الا يستحق منا من اوانا وايدنا وحمانا ورحمنا وعطف علينا وعاملنا على اننا بشر كلمة شكر منا ( فهل جزاء الاحسان الا لاحسان )
والسلام عليكم ورحمة الله وبركاته

[ziadf]

شكرا زينه على الموضوع
اما أنا تغربت أيضا من أجل تحسين وضعي المعيشي

[قلبي الساهر]

لتحسين الوضع المعيشي ومن اجل العمل لأني ببلدي ما ني ملاقي شغل

[labibobaid]

كلنا تغربنا غصبا عنا ولا ما في أجمل من بلادنا بمياتا وهوباتا و أهلا و ناسا
و بالنسبي للأخ الكريم ( أو الأخت الكريمي ما بعرف) ف بتمنا إنو تسحب كلامك لئنك منك أكثر وطني وحب لوطنو من أي واحد فينا ...... بالعكس نحنا من حس بوطنا ومنعرف قيمتو أكثر منك ....
و انشالله بتضل أوضاعك كويسي وما بتنجبر إنك تتغرب متلينا

[labibobaid]

كلامي كان موجه للمدعو soona

[labibobaid]

كلنا تغربنا غصبا عنا ولا ما في أجمل من بلادنا بمياتا وهوباتا و أهلا و ناسا
و بالنسبي للأخ الكريم ( أو الأخت الكريمي ما بعرف) ف بتمنا إنو تسحب كلامك لئنك منك أكثر وطني وحب لوطنو من أي واحد فينا ...... بالعكس نحنا من حس بوطنا ومنعرف قيمتو أكثر منك ....
و انشالله بتضل أوضاعك كويسي وما بتنجبر إنك تتغرب متلينا

[برهان]

مشكوره اختي الكريمه الله يسر امور التراخيص بالجمعيات السكنيه انا مومغترب انا عايش في البلد جربة الاغتراب فتره قصيره بس لقيت ان الخبز والزيت مع الاهل احسن من مليون بيت انا عضو بادارة احدا الجمعيات ومشترك كمان على بيت في حلب بس متلك عم استنى فرج الله يارب رد كل مغترب لاهله وبلده

[elias]

لكي اجني المال باسرع وقت

[salehard]

تحية طيبة ،أما بعد
أنا إنسان جداً صريح ولايوجد مايخيفوني في هذه الحيات حتى الموت. وعدا الصراحة أحب العلاقة النزية في التعامل. قبل الإجابة على سؤلكم الموقر أحب ان أسألكم عن جوابكم الذي وعدتوني (تاريخ ١٩ كانون الثاني) بأن استلمه خلال ٢٤ ساعة بمايخص السؤال لوزير المغتربين . أين جواب السيد الوزير الموقر ؟ قد يكون الجواب وقع سهوا في سلة المهملات ؟
أنا أحب الجواب بشكل مختصر. أنا لم أتغرب ولكن الوطن غربني رغما عن إرادتي . عدة مرات تقدمت لسفارة الجمهورية العربية السورية بطلب لوضعي تحت الإشراف. وأنهيت دراستي بنجاخ وتفوق ولم أوضع تحت الإشراف. وكنت أقرأ إسمي ضمن الأسماء المرفوضة . إذا أناسفي الوطني هم السبب في تشردي . والدايا أبي وأمي فارقا الحياة وكل منهما عمره لايتجاوز ال٥٥ سنة. ولم يكن لي الشرف بتوديعهم في طريقهم الأخير. إذا أنا لست بالمغترب ، وإنما بالمشرد لغياب القوانين الحضارية والديمقراطية وحتى المدنية البسيطة. أنا أرفض دفع بدل خدمة العلم ، لأنه أولاً إهانة لي كمواطن. وثانياً لأنه قانون يضطهدني وغير عادل وغابر في معايره القانونية....لا أريد شرح هذا. أنا عمري يناهز الخامسة والخمسون وعدا ذلك مريض بالقلب (عدم تروية) -(ستيناكاردية) عن أي خدمة علم يتكلم هذا القانون الغابر والمتخلف والذي يطالبوني بدفع بد الخدمة بالعملة الأمريكية بمايقارب ال٨٠٠٠ دولار. إذا أنا أسألكم بوجدانكم هل أنا مغترب أم مغرب؟ ولكم جزيل الشكر

[محمود عبد المعطي]

أنا ما كغترب بس فكرت وع أساس إن شاء الله بهالشهر في فرصة عمل بدبي وبدي اتغرب منشان أمن مستقبلي ووفر مصاري لحتى أدفع تكاليف الجامعة و.....................

[الملاك الصامت]

انا لانو من وانا وصغيره بابا سافر ليأمن الحياة
وانا فتره ومسافره ع سوريه بس كمان راح حس حالي بغربه لانو مسافره لأدرس وتاركه اهلي يلي هنن اغلى الشي بالحياة

[king-of-nothing]

مجبرا أخاك لا بطل ....

أنا الأهل عاشو بالكويت من السبعينات وانولدت بالكويت وعايش طول عمري بالكويت .. للأسف سوريا غريبة عني وما بعرف فيها أي شي .... اللي رابطني بالبلد هو دراستي بس ان شاء الله بعون الله بس خلص دراستي ولما اتزوج واستقر ما رح اغلط غلطة أهلي وأقلم ولادي وعيلتي عالغربة .... ولازم أعمل حجر أساس بسوريا مشان عيش فيها ان شاء الله

يسلمو زينة

King of Nothing

[رشا]

[i]السلام عليكم والله فتئتولنا جروحاتنا على الواقع المرير يللي بسوريا وعلى قلبنا اللي بيحترق من الغربة اتغربت مشان كون مع زوجي لنأمن بيت بالاول وتحسين مستوى المعيشة انشالله منرجع عن قريب لاغلى بلد باالكون

[بدرعبدالقادرالمشرقي]

مغترب لاجل العمل لكن حنيني لبلدي ينبع
من وجداني كل ساعه

[وردة شامية]

بسم الله الرحمن الرحيم

كل من شارك هنا و كل من وضع اهاته و دموعه و صرخته
يعلم اشد العلم بانه لم يغترب برضاه لكن مكره.....

لا يوجد بالغربة انسان واحد اختارها برضاه
لان حب الوطن و مياهه التي شربناها و سمائه التي رعتنا
مستحيل ان نتغرب عنها بكامل ارادتنا.....

الغربة وحش دموي دراكولا بكل معنى الكلمة
يفتح ذراعيه لكي يعطينا ما نريد و بابتسامته العريضة
يقنعنا بان الحل البديل ها هنا......تعالوا.....

و كل من ذاق الغربة يعلم كم هي تمحي العقول و تعمي العيون
تمص دمنا بجهدنا و عرقنا و حتى مؤهلاتنا......

يستقبلوننا بحب و لو اعطيناهم القليل منحونا الاكثر.....
و لقد شاهدت الكثيرون ممن يقولون سنرجع يوما
و لكنني اقول.........لن تستطيعوا
سمعت الكثير عن الرجوع و شاهدت اكثر و لكن لم يلبثوا ان عادوا

لمن اغترب اقول حسبك الله هو اعلم بحالك و يرحمك برحمته
و لمن لم يغترب اقول.......عد للعشرة قبل ان تقرر
انصحك بان تاخذ صورا كثيرة لبلدك لكل ذكرياتك لكل طفل و شجرة
لكل حب و عاطفة لكل قاسيون و سوق الحميدية
فانك ستحتاجهم بحقيبة سفرك الحزينة
خذ صورة لكل ما ستشتاق اليه لكل هبة هوا لكل دمعة شقاوة
لكل وردة و ياسمينة دمشقية
علها تشفي بعضا من جراحك هنا و تجعلك تبكي ضحكاً لفراقها

الغربة صعبة و مدمرة و لكنها احيانا.....ملجأ لا بد منه

و عجبي

[TOMORROW]

انا لسا ما طلعت برا سوريا بس حابب اطلع و اتركها لأني حاسس حالي غريب في بلدي و مافي امل

[عاشقة الاحترام]

انا تغربت كرمال زوجي هههههههههههه

لان زوجي بشتغل بسعودية

وواحدة بتروح وين بروح زوج

[haitham aldakkak]

بسم الله الرحمن الرحيم

بداية شكراً لجدية الموضوع
بالنسبة لي وعيت عالدنيا لقيت نفسي متغرب مع أهلي واخواني وعندما عاد الوالدين بقيت انا واخواني وسنة ورا سنة أخذت الغربة منا أجمل العمر
المشكلة انه ذكرياتي كلها في الغربة أصدقاء. . . أحبابي. . . المدرسة . . . الحارة . . . كل ما يخطر على بال من عاش 30 سنة متغرب .
كل سنة أقول هاي آخر سنة وما تجي آخر سنة، وبدأ أولادي يكبرون وهم أغراب، و الأيام تمضي من عمرنا أغراب، بدأت أخشى العودة حتى لا أصبح غريب في بيتي و مع ذلك أدعو الرحمن أن يهون العودة اليوم قبل باكر.

[abdonem]

انا مغترب لكن في بلدي

والسبب
لأني بحثت في جوجل فلم أجد الصفحة الخاصة بسوريا
وبحث عن منتخب السوري فلم أجد لن له اي ترتيب في الفيفا
وبحثت عن موقع وزارة الدفاع السورية فلم أجد فيه إلا صفحة الرئيسة هي التي تعمل مع انه يمثل مقاومة شعب من 46 عام................

وسبب أني حاجة في بعض الدوائر الحكومية ففوجئت بالموظف يطلب مني نسخ ألوراق وتصويرها................ مع أنه هناك مديرية للمطبوعات والأوراق الرسمية ولها تلك الميزانية فلماذا هذا الاستهتار
مع أنها ورقة رسمية يمنع خروجها من الدوائر الحكومية أو تصويرها من بل المواطن العادي وعند سؤال الموظف يرد عليك (أذا مو عاجبك بلاها!!!!!)

وسبب أني طالب في جامعة دمشق اختصاص هندسة ..... التي مضا على تأسيسها حوالي 80 عام
وإلى الان مناهج التي تدرس يها وضعت عام 1975 وعند مراجعة وزارة التعليم العالي يكون الجواب أن هذه الأساسات المادة وما بعدها كلام فاضي على قول أحد الموظفين
ناهيك عن أسلوب الدكاترة والمدرسين الذين يفهمون بأي شيئ إلا بإختصاصهم

وسبب عز المواطن فأصبح حسب أحد الإحصائيات لمجلة عالمية أن المواطن السوريين أرخص مواطنين العالم بس أرحم من الهندي مع أنه المقارنة يجب أن نقارن بأعدائنا الذين ترتيب المواطن لديهم 11 عالميا
ونحن بالمرتبة 160 عالميا... ملاحظة (مضى على أستقلالنا من عام 1946 ومضىا على استقلالهم ....)

وما يصبرني في هذا البلد هو شعبها الطيب
وحديث رسول الله (عن ابي الدرداء رضي الله عنه قال :

قال رسول الله صلى الله عليه وسلم :

انكم ستجدون اجناداً جندٌ بالشام ,ومصر , والعراق ,

واليمن, قالو : فخره لنا يا رسول الله قال: عليكم

بالشام فمن ابى فليلحق بيمنه وليسق لغدره

فإن الله قد تكفل لي بالشام .

وفي النهاية أرجو أن يكون هذا الموضوع صوت لنا نحن الشباب المغتربون داخل وخارج البلد

دام عزكم
:z025: وأتمنى الخير للوطن



وسبب تلك القوانين

[Dr.Ganem]

لأن البلد ما أمل لي الدراسه ولذلك تغربت ورجعت للبلد وأفكر التغرب مرة ثانيه للعمل لأن البلد ما أمل العمل والله المستعان
وشكرا على الموضوع

[أمور]

بسم الله الرحمن الرحيم
الأسباب معروفة لدرجة اننا لانفكر فيها ولكن عنما تريد ان تكتبها تشعر بالغرابة,,,,
شكرا لبلدي الثاني الكويت
وشكرا لبلدي الاول سورية- التي اعشقها فعلا ولاشيء يجبرني ان اقول هذا -ولكنني فضلت ان اترك لخزينتها راتبا يحرجني ان اقبضه لانني كنت سأحتار فيم انفقه !

[yazn]

ليش تغربت؟؟؟
لأنو هون عايش بس لما كنت ببلدي ماكنت عمأأدر أكل وأصرف على أهلي
لأنو بلدي اخد من عمري سنتين وأربع شهور وروحلي أحلى فرصة بحياتي
بس مع هيك لليوم ولبكرى ولاخر يوم بعمري بعشق تراب بلدي

وكتير بشكرك على الموضوع مع أنو بفتح جروحاتنا....

[التائب]

من اجل الدراسة

[ziadf]

شكرا زينه
انا تغربت من أجل تأمين مستقبلي
والحمد لله الله فضلها علينا

[kaya]

عندما أتأملُ إلى وردة على وشك التفتح . يطيبُ لي التئمل
لا احس بأي ورقة غربة في داخلي .
أطيلُ التئمل .
ما اجمل التئمل .

فأقول ما اجمل الوطن .

لكن سرعان ما يشدني صوتٌ قائلٌ " أنت هنا هنا انت انت انا "
أيها الحريري أنت هنا في مكانك
هجرت وتركتَ طفولتك .
يمطرُ الخريف في قلبي .
أجهش في نفسي
أجهش في البكاء
أبكي بحرارة
وأرمي بنفسي ألى الريح
لاريح هنا . .

لا اعرفُ لماذا تغربت
ربما لان الفقر يلف خاصرتي

[كوووووول]

بالاول مشكورة كتير على هل الموضوع الحلو وانا تغربت لاني ما لقيت مكاني بالبلد ولانو والدي توفى وكان عمري 13 سنة فكان لازم اسرع لاختيار مستقبلي ومشان هيك مافي غير السفروانشالله راجع على بلدي الغالية بس امن وضعي اكتر

[salehard]

هذا من ذوقك الراقي !!!
للأسف موقعنا لايشمل الملحدين !!
دمعة فرح

[محمد عبد الوهاب جسري]

إلى salehard


(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)

هذه آية من كتاب الله فكيف تحتقر من قالها ؟؟؟؟

حسبي الله ونعم الوكيل على ذنبك هذا

وأستغفر الله العظيم

[ريهام]

السلام عليكم الحقيقة انا عراقية ولكن بعد ان خطف زوجي وقتل بالعراق سافرت الى سوريا مع اولادي احببت سوريا حبا لا يوصف واشتاق لها اكثر مما اشتاق لبلدي تحياتي للجميع

[ام طارق]

بلاصل تزوجت علغربه لان زوجي عملو بلسعوديه وهلئ مارح نقدرنرجع الا ازاتوفرعنادخل ببلدنايقدريعبشنا بنفس المستوى الي هلئ عايشين فيه وهل شي صعب حاليا..

[Abu anas]

من المؤكد أن العامل الأساسي للإغتراب هو العامل المادي و خاصة ارتفاع أسعار السكن و لا نرى من الحكومة أي تدخل مفيد و هذا طبيعي لأن الغالبية من الحكومة هم تجار شركاء و هم مستفيدون من ارتفاع الأسعار و حتى مشاريع السكن الشبابي التي من المفترض أن تحل أزمة السكن فهناك كم قليل منها و يقدم على فترات طويلة و الغالبية منها تذهب لأناس محددين و يوزع باقي الفتات على الشعب المسكين
و العامل الثاني هو خدمة العلم
و العامل الثالث هو العامل الإجتماعي و السياسي و فهمكم كفاية .
:z09:

[صافي]

راتبين أنا وزوجتي كان دخلنا في سوريا مجموع راتبي مع راتبها يساوي حوالي ٣٠٠٠٠ ل س بيروح فواتير جوالين وكهربا وماء وهاتف وروضة أولاد مع أمهم في نفس المدرسة والتكسي الي بتاخدن مع جمعية صغيرة لنوفي شوية دينات المجموع حوالي ٢٠٠٠٠ ألف بيضل عشرة بدنا ناكل ونشرب فيا وقت اللي نقبلت زوجتي بالكويت ألتلها طلعي وإنشاء الله بلحقك بع شهرين يعني إستقدام هلأ صارلها خمسة شهور ولسا بستقدمنا والحمد الله على كل حال وما عندي أغلى من بلدي سوريا وانشاء الله أطلع وحب الكويت وعبيقولو في شغل للجامعين وان شاء الله يكي هلكلام صحيح والله يهون عليك وعلى زوجتي غربتكن

[طارق2011]

انا طارق السبب عاوز اتغرب لانه بدي اعمل ان شاء الله تعالى

[fidenza]

شكرا كتير على الموضوع الجميل وياريت يكون لهو صوت يعني نستفيد من الاشياء الي قلناها بي بلدنا يعني حدى مهم يشوفها ويدرسها ويحاول مايخلينا نروح برى بلادنا ويعالجو الاسباب لان مافي انسان بالكون مابيعشق المكان الي ربي فيه والي فيها اهلو واصحابو ......الخ
صراحه انا سبب سفري بالاول سببو التجنيد وتانيا تحسين وضعي المعيشي بس الوضع بيقولو بي سوريا كتير ممتاز والرزق واحد في اي مكان
ولكم جزيل الشكر على المنتدى الرائع

[SAAID]

والله الزمان هيك بدو هههههههههههههههههههه

[kenda]

انا لم اتغرب بعد لكني افكر بذلك عندما انهي دراستي لانه اريد العيش في اليابان فأنا احبها و ان شاء الله اشارك في السفارة اليابانبة انا احب بلدي سوريا جدا وافتخر به لذلك من اجل تطوره وتقدمه سأذهب الى هناك من اجل المساعدة في تقدمه و ايصال احدث التقنيات اليهhttp://%C3%99%C2%83%C3%99%C2%86%C3%98%C2%AF%C3%98%C2%A9ht tp://anime%20down.com

[salehard]

أستاذ محمد عبد الوهاب جسري المحترم، أحب أن اشكرك على آدابك الإنسانية. أنا فعلاً علماني وبالنسبة لي القرآن مثله مثل بقية الكتب الإديولوجية الآخرى. وليس عندي أي شعور روحي تجاه المذكور. والموقف الصحيح للموقع النشر والصراحة والإجابة عند العسر. وليس الحذف والمرامغة. كتبت رسالة إلى وزير المغتربين عن طريقكم ووعدت بإستلام الرد خلال ٢٤ ساعة. رسالتي لم تمي الأمن لوطني. وجوابك أصبح ليس له معنى عندما تم حذفه وإبداله بكلماتكم:"هذا من ذوقك الراقي !!!
للأسف موقعنا لايشمل الملحدين !!
دمعة فرح" . إذاً لماذا مراسلتي؟ أنتم بوادي وأنا بوادي آخر. كنت وسأبقى علمانياً. ولكم جزيل الشكر.

[دمعة فرح]

أستاذ محمد عبد الوهاب جسري المحترم، أحب أن اشكرك على آدابك الإنسانية. أنا فعلاً علماني وبالنسبة لي القرآن مثله مثل بقية الكتب الإديولوجية الآخرى. وليس عندي أي شعور روحي تجاه المذكور. والموقف الصحيح للموقع النشر والصراحة والإجابة عند العسر. وليس الحذف والمرامغة. كتبت رسالة إلى وزير المغتربين عن طريقكم ووعدت بإستلام الرد خلال ٢٤ ساعة. رسالتي لم تمي الأمن لوطني. وجوابك أصبح ليس له معنى عندما تم حذفه وإبداله بكلماتكم:"هذا من ذوقك الراقي !!!
للأسف موقعنا لايشمل الملحدين !!
دمعة فرح" . إذاً لماذا مراسلتي؟ أنتم بوادي وأنا بوادي آخر. كنت وسأبقى علمانياً. ولكم جزيل الشكر.



انا اللي رديت عليك وحذفت مو الأخ محمد عبدالوهاب
واذا كنت علماني احترم الآخرين حتى يتم احترامك
وبالنسبة لمراسلتك .. ارجع راسلهم !!
للملاحظة : انت عم تعرض عضويتك للحظر اذا ماتم احترامك للباقين
لأن اعتقد مافيه حدا أساء الك او سألك انت ليش علماني ؟؟

[sgabe68]

السلام عليكم انا احب وطني ولكني اشعر في بعض الاحيان انني غريب فيه اطلب العدالة ممن يستطيعون توصيل الفكرة لمن يمتلك القرار لتكافىء فرص الاعمال التجارية وعدم الاحتكار واتوقع بعدها ان يرجع اكثر من 20 بالمئة من المغتربين السوريين لبلدهم الحبيب لامتلاك جزء من الفرص التي يحتكرها ضعاف النفوس وذوي الجشع ومن يساهم في ايصال الفكره فهو انسان جيد ويستحق الاحترام .التركيز يكون بفتح شاغر الاستيراد والتصدير ليكون بمقدور اي تاجر التعامل كغيره ومحاسبة من يخبىء الفرص لاشخاص اقلاء هدفهم الاحتكار واستغلال الشعب مع تمنياتي بالاصلاح والقضاء على الفساد الذي نادا به سيادة الرئيس بشار الاسد والله ولي التوفيق . تاجر مغترب

[alidh2]

أنا ماني مغترب ولا بدي أغترب عن بلدي انا مثل السمكة بس تطلع من المي بتموت ولذلك انا رح أبقى في سوريا الى ان أدفن في ترابها الغالي

[salehard]

إلى الزميل المراقب العام "دمعة فرح" المحترم. حضرتك كتبت مايلي:

"انا اللي رديت عليك وحذفت مو الأخ محمد عبدالوهاب
واذا كنت علماني احترم الآخرين حتى يتم احترامك
وبالنسبة لمراسلتك .. ارجع راسلهم !!
للملاحظة : انت عم تعرض عضويتك للحظر اذا ماتم احترامك للباقين
لأن اعتقد مافيه حدا أساء الك او سألك انت ليش علماني ؟؟"
راجع ردكم على إستفساري في أسطركم القليلة جداً وكم من الأخطاء الإملائية والنحوية التي فعلتها، وعدا ذلك باللهجة العامية وليس بالعربية الفصحى !!!
وأحب أن أحيطكم علماً أنا إنسان جداً مؤدب ووقور ولم يصدر مني مايسئ لأحد، هذا أولاً . وثانياً، بماذا تهددني بالطرد من بيتي أو من وطني او من موقعي "المفضل"؟ ثالثاً، نعم تمت الإسائة لي من قبل الموقع ومنكم شخصياً بكلماتكم الغير دقيقة وحتى الكاذبة. أتمنى لكم التقدم والتطور والحضارة الإنسانية والعلمية والفكرية. وإتخاذ القرارات بشكل عقلاني وليس على مضمار ديني وروحي. الصحافة العقلانية والموضوعية والديمقراطية تبنى على التفاهم والمنطق وليس على العقلية الذاتية والآحادية والدكتاتوريةفي التفكير.... وكلي أمل أن يتم النشر

[دمعة فرح]

ليش اللهجة العامية ممنوعة يعني !! ايمت منعوها ماحدا قلي !!
ومو انا اللي احضرك لأنه مو من صلاحياتي
وحتى اذكرك بشو أسأت اسأت للدين الأسلامي اكثر من مرتين !!
ومشاركاتك موجودة
والحمدلله كنت محترمة معك ومتطورة حضاريا وإنسانيا وعلميا وفكريا والحمدلله
مابيحقلك نهائي انك تحكي معي بهالطريقة
ومارح رد عليك مرة تانية لأنو وقتي ثمين !!

[SyriaBoy]

شو القصة يا جماعة ؟؟
ليه هيك محتدين على بعض ؟؟

الأخ ياللي عم تحكي .. ليه مكبر الموضوع كل هالقد انت ؟؟ حتى لو ما كنت محترم وجودك معنا .. بس احترامك لديننا هادا شي مفروغ منو ..
والأخت دمعة حزن .. وانتي ليه متخنتيها هيك ؟؟ لا اذا طردتيه رح تحركي ساكن ولا اذا خليتيه رح تحركي ساكن .. بالنهاية هوي شخصية من ورا الشاشة مو اكتر وفي منو كتير

يعني بالمشرمحي تركيه بحالو بيحكي وبيسكت لوحدو .. عملي فيها وزارة مغتربين وما بعرف شو .. ما شاء الله عنتر ومالنا خبر

سلام

[دمعة فرح]

شو القصة يا جماعة ؟؟
ليه هيك محتدين على بعض ؟؟

الأخ ياللي عم تحكي .. ليه مكبر الموضوع كل هالقد انت ؟؟ حتى لو ما كنت محترم وجودك معنا .. بس احترامك لديننا هادا شي مفروغ منو ..
والأخت دمعة حزن .. وانتي ليه متخنتيها هيك ؟؟ لا اذا طردتيه رح تحركي ساكن ولا اذا خليتيه رح تحركي ساكن .. بالنهاية هوي شخصية من ورا الشاشة مو اكتر وفي منو كتير

يعني بالمشرمحي تركيه بحالو بيحكي وبيسكت لوحدو .. عملي فيها وزارة مغتربين وما بعرف شو .. ما شاء الله عنتر ومالنا خبر

سلام


تصحيح اسمي ( دمعة فرح ) ومن واجبي كعضوة ومشرفة من المغتربيين السوريين
أنو اصحح الاغلاط واشوف شغلي مو تقلي متخنتيا !! رجاءاً راقب كلامك

فياريت كل واحد يدخل يشارك بالموضوع المطروح حصراً ومايتدخل بالاخرين !!
كل واحد بيعرف شغلو

وخلو الموضوع ياخد حقو

[LOVEGHOST]

:z019:انا مو مغترب لاني بحب بلدي وكلشي منها حلو مهما كان ومهما يكون السبب او التكلفه او المصير فانا سوريا بجداره ولن اغترب مدا الحيات وشكرا

وانا كنت متلك بس للاسف ما في شي بيستاهل

وبس توقع ما حدا بيلتكش فيك

لك حتى جريدة الثورة انا يلي رحت لعندون بعد الحادث بشي 3 سنين ونشرو الموضوع بعد شي شهر ونص

[engalaa]

انا تغربت منشان ادفع البدل و ارتاح من الجيش
و لح استقر بالغربة احسن

[طه2]

شكرا للاخوه
رجاء والف رجاء للا خوه الذين يريدون ان يكتبوا عبر هذا المنتدي ان يحترموا مقدساتنا ومعتقداتنا
ونحن اعتقد في دوله عربية ومسلمة ولسنا في الدنمارك (يا ملحد او علماني )الحد كما تشاء بس لا تضع سم افكارك في هذا المنتدى واذا عندك مظلمة ارجوا من الاخوه ان يساعدوك وبما يقدرون عليه
وشكرا لك ..., ولك مني كل الاحترام , نحن في الاخير كل واحد يكمل الاخر

[ابو نزار]

انا اتغربت بسبب انو مافي بلدنا العمل الي اقدر اعيش منو انا واهلي او حتى اقدر ازوج وان ظليت ولا بعشرين سنه بقدر ازوج لهيك اتغربت مع اني بكره الغربه كثير وصدق من قال الغربه مررررررررره والغربه يساوي القبر

[يعرب]

انا تغربت بقصد الدراسة في اوربا والتحصيا العالي بالهندسة وبعدها رجعت الى بلدي سوريا وعملت بالتدريس بالجامعة خمسة سنوات وخدمت القوات المسلحة خدمتي الالزامية وبعدها تغربت الى ليبيا بقصد تحسين وضعي المادي وبعدها الى الامارات وبعد ان حسنت وضعي المادي رجعت الى سوريا وفتحت مكتب هندسي خاص ومن ثم رجعت للتدريس في الجامعة نظرا للحاجة الماسة لاختصاصي بالهندسة والان وضعي ممتاز والحمد لله ..وشكرا لكم وتحية

[أحمد safee]

السلام عليكم ...الغربة صعبة والله يخلصنا من أسبابها ونرجع لبلدنا الحبيب سوريا والأهل والأصدقاء .....
المسألة متل أي شاب الوضع المادي وعدم القدرة على تأمين السكن الملائم رغم أني موظف بس ......


الله يصبرنا عالغربة ومشاكلها ونرجع للغالية سوريا اللي منحبها ومنخاف عليها .............................. دمتم بحب

[محمد عبد الوهاب جسري]

إلى salehard (http://www.mgtrben.com/portal/member.php?u=6315)

أرسلت لك رسالة خاصة هنا في المنتدى، لكنك قد أخترت عدم استلام رسائل، لذلك لم يتم تسليمها

كنت أود أن أنقل لك وجهة نظري بطريقة جيدة ونفتح بيننا حواراً راقياً، لإزالة سوء التفاهم.

سيدي إن الله لا يحتاج أن ندافع عنه، لكنني كنت أتمنى أن يكون الأمر خطأ كتابي يمكن تفاديه.

[En.Khaled Alfaiomi]

أخوتي الكرام :

السلام عليكم ورحمة الله وبركاته

تم الخروج عن الموضوع - ونتمنى من الجميع الإطلاع على قوانين الملتقى وأي رد مخالف أو خارج عن الموضوع يحذف

[عابرة سبيل]

الله يرحمنا من الغربه بس الغربه كربه وكلو مشان الرزق وهو عند الله الله بعين الجميع وشكرا ع الموضوع الرائع

[احلام]

كلنا يحب بلدة بس ياويلنا بعد الغربة الطويلة لاننا لن نستطيع ا
لعيش ببلدنا انا مثلكم كنت مغتربة ورجعت الى وطني لكن الزيارة للوطن ليس كالاقامة بة لقد عدت بعد غربة18 سنة مع اني كنت كل سنة انزل لكن بعد الاقامة فية لاالناس ناس والا الحياة حياة المغترب يحلم بالعودة الى وطنة وكلة حنين الى اهلةلكن عندما يجد الاهل ليس كما كان يفكر فيهم وهو في الغربة هنا الطامة الكبرى كانت الحياة في الغربة افضل بكثير من الغربة وسط الاهل وليتني لم ارجع فكروا كثيرا قبل العودة حنيننا الى الوطن يعمي عنا اشياء كثيرة لذلك اصبحنا كابالع الموس على الحدين غرباءفي وطننا وغرباء خارجة اللة يكون في عوننا

[صبرين]

انا مانيش مغتربة ولكن عندي اخواتي مغتربات وصراحة دائما يحبون ان يرجعو الى البلد ويتفكرون عائلة واللمة وكل شيء ولكن الحمد لله الموصلات قربت البعيد
والله اعين كل مغترب

[لغة الياسمين]

صباح الخير شباب ...
شكرا موضوع جميل

[محمد النعيمي]

كنت لا اعرف عن الغربة اي شئ ولما كنت صغير كنت احلم اني سافر برى
سافرت ودفعت البدل ( هو اهم شئ بالنسبة لي ) وكمان بنيت بيت
وان شاء الله سوف ارحع الى بلدي الجميل


( يصراحة تعودت على السفر والغربة ويمكن.......................................... والله اعلم ):z022:شكراً الك على الموضع والله يرجعك الى اهلك

[Eng.Sami]

السلام عليكم
موضوع كتير حلو و مميز و لن أزيد على من سبقوني شيئا إلا أبيات من شعر الشافعي رحمه الله الموجودة اصلا في توقيعي
تقبلوا مروري و فائق احترامي

[salehard]

إلى الزميل محمد عبد الوهاب جسري المحترم
تحية طيبة وبعد
أخي المحترم أنا لم أختر عدم إستلام الرسائل، وإنما تم هذا ليس بطيبة خاطري أي تم إلقائي وراء القضبان وحرماني من دخول الموقع الموقر. وأنا شخصياً أحب أن أقول لحضرتكم: لم أسيء لكم بجوابي أبداً، وإنما تقدمت لكم بالشر على آدابكم بالرد على طرحي المسيء للأناس المؤمنين بالله.
هذا بالنسبة لي واقع وحياة وليس أديولوجيا. أنا إنسان مستقل ولا أدين بأي أديولوجية ومنها الإسلامية. وأنا متعلم على التعليق والنشر بالروسية بدون رقابة ولعلمكم التعاليق في روسيا تنشر فوراً وبدون مقصات . يقص فقط ما يبت للدعاية التجارية او أي مادة إعلانية.
لذلك أخ محمد بإستطاعتكم إبداء رأيكم عن طريق الموقع أو على إيميلي :

ولعلمكم قلبي وسيع ورياضي. وكل سؤال منكم لن يبقى بدون رد.
لك مودتي ولأسرة الموقع

[الحسيني]

هذا أول تعليق لي وأن شاء الله لن يكون الأخير
السؤال لماذا؟
الجواب لأنني كنت على ابواب التخرج وجائتني فرصة عمل في احدى دول الخليج فلم اتردد في السفر واختيار الغربة على
1- انتظار مسابقة .
2- راتب إذا حصلت عمل لايكفي حتى حياة التقشف.
3- أبقى بدون بيت لان الرتب لايكفي المعيشة حتى ابني منه.
4-التعليم لأبنائي أفضل في الغربة .
5-الرعاية الصحيه التي احضى بها وأبنائي
ووووووووو......................................... .........