أيمن زيدان: ممثل تركي مجهول ... جعلنا ننسى أبطال الحارة

[Sanaa]

أيمن زيدان: ممثل تركي مجهول ... جعلنا ننسى أبطال الحارة






اعتبر الممثل السوري أيمن زيدان أن الدراما السورية ، وبرغم ما تمر به من تموجات وتحديات عاصفة، تبقى الدراما الأولى فيالعالم العربي ، نافيا بشكل قاطع أن يكون قد صرح سابقا بأنه لا يمكن اللحاق بالدراما المصرية بعد أن عمل فيها قبل عامين.


وقال أيمن زيدان للنشرة: للأسف الناس تقوّلنا ما لم نقله ولا نقوله أبدا ، من أين تخرج تلك التصريحات لا أعلم ،أنا قلت بأن الدراما المصرية دراما محترمة وقوية ولها ثقلها ووجودها على الساحة العربية ولا يمكن تجاهلها ،هذا كان رأيي قبل أن أعمل في مصر منذ سنتين ، وفيما بعد عملت في مصر وسئلت نفس السؤال فكان جوابي نفسه، مع تأكيدي على أن الدراما السورية هي حاليا في المقدمة لكنها تمر بمرحلة خطر يجب تحاشيها.


وأضاف زيدان : أيمن زيدان ليس ممن يغيرون آراءهم وأفكارهم بمجرد أن يعملوا في هذا المكان أو لا .. أنا أعرف أن السوريين يعملون في الدراما المصرية ليس لحاجة المصريين لهم وإنما لانخفاض أجورهم ، والأمر ينطبق علي شخصيا وعلى كل ممثل سوري عمل في مصر.


من جهة أخرى رأى أيمن زيدان أن تعلق الجمهور العربي بمسلسل سوري أو مصري هو مسألة آنية تنتهي بانتهاء العمل داعيا الدراميين في البلدين إلى ابتكار أعمال تتخلد في الذاكرة وقال:" الكل شاهد حجم التعلق العربي بمسلسل باب الحارة وتأثر الجماهير بشخصية أبي شهاب أو معتز أو أبي عصام ، لكن هل شاهد العرب أنفسهم كيف أن ممثل تركي غير معروف في بلده أنسى الجمهور العربي، الحليب الذي رضعه أبطال الحارة والدماء التي أسالوها من الفرنسيين؟.


يذكر أن أيمن زيدان يخوض حاليا تجربة الجزء الثاني من مسلسل يوميات مدير عام ويلعب بطولته بشخصية الدكتور أحمد عبد الحق كاشف الفساد في أروقة الدوائر الحكومية السورية.

[Eng.Sami]

تحية الك سناء و لكن!!!!
مع احترامي الشديد لأيمن زيدان و لكل الممثلين السوريين و الاتراك و غيرهم بس عندي سؤاال؟
شو الفائدة اللي قدمتها المسلسلات السورية أو التركية ............... لا شيئ و مثال على ذلك مسلسل يوميات مدير عام اللي كل الناس تابعتوا و منهم انا شخصيا لكن لا الرشوة تناقصت و لا الفساد تناقص
بالتالي ليش أيمن زيدان بيظهر امتعاضو من مسلسل تركي .... برأيكم شو الجواب
أنا بقلكم الغاية مادية فلو طغت الدراما التركية على الدراما السورية فكم رح يخسر الممثلين و الممثلات اكيد كتير
بالتالي ما حدى سائل لا عن التاريخ و لا عن القيم و همومهم ابعد ما تكون عن ذلك
لذلك خلوها على الله
و تحية تانية الك سناء تقبلي مروري

[حنين الروح]

صدقت اخي ابو احمد و الله ما حدى سائل من هالممثلين و الممثلات عن قيمنا او دينا كل واحد همو الفلوس و النجومية حتى و لو على حساب اهلو او بلدو او حتى شرفو الا من رح ربي (طبعا في استثناءات) لكن بشكل عام الوضع يرثى له و متل ما قلت خلوها على الله
مشكورة كتير سناء
الله يعطيكي العافية

[Sanaa]

تحية الك سناء و لكن!!!!
مع احترامي الشديد لأيمن زيدان و لكل الممثلين السوريين و الاتراك و غيرهم بس عندي سؤاال؟
شو الفائدة اللي قدمتها المسلسلات السورية أو التركية ............... لا شيئ و مثال على ذلك مسلسل يوميات مدير عام اللي كل الناس تابعتوا و منهم انا شخصيا لكن لا الرشوة تناقصت و لا الفساد تناقص
بالتالي ليش أيمن زيدان بيظهر امتعاضو من مسلسل تركي .... برأيكم شو الجواب
أنا بقلكم الغاية مادية فلو طغت الدراما التركية على الدراما السورية فكم رح يخسر الممثلين و الممثلات اكيد كتير
بالتالي ما حدى سائل لا عن التاريخ و لا عن القيم و همومهم ابعد ما تكون عن ذلك
لذلك خلوها على الله
و تحية تانية الك سناء تقبلي مروري









أهلا و سهلا فيك

كلامك أكيد صح ... بس ما فينا ننكر أنه مسلسل يوميات مدير عام كان مسلسل مميز ... تناول قضايا مهمة جداا و واقعية جداا

و الأهم من هاد كله أنه تناول القضايا بطريقة محترمة ....

هلأ أنا معك ... بيجوز المسلسل ما قدر يغير شي من الواقع ....

لأنه ببساطة هاد الواقع مستشري بمجتمعاتنا بطريقة كبيرة ... و بالتالي ما رح يقدر مسلسل يغير شي طبعا ...


بالنسبة للنقطة التانية يلي حضرتك طرحتها و الخاصة بالممثلين و غاياتهم ... أكيد متل ما قلت غالبا الغاية مادية بحتة ...

( إلا من رحم ربي طبعا ) ما بدنا نظلم حدا ...

أكيد بين كل هالممثلين إلا ما يكون في كام ممثل الفن بالنسبة لهم رسالة و هدف ... مو مجرد مادة

بس طبعا أنا معك معظم الممثلين يلي عم يعترضوا حاليا ع الدراما التركية ...

عم يكون سبب اعتراضهم خوفهم على شهرتهم و مكاسبهم المادية ليس إلا ...


لذلك فعلا خلوها ع الله

بشكرك كتير ع المداخلة الصريحة و المهمة ....

مع كل الاحترام

[Sanaa]

صدقت اخي ابو احمد و الله ما حدى سائل من هالممثلين و الممثلات عن قيمنا او دينا كل واحد همو الفلوس و النجومية حتى و لو على حساب اهلو او بلدو او حتى شرفو الا من رح ربي (طبعا في استثناءات) لكن بشكل عام الوضع يرثى له و متل ما قلت خلوها على الله
مشكورة كتير سناء
الله يعطيكي العافية








الله يعافيكي يااارب


و أكيد أنا بتفق معك و مع الأستاذ " أبو أحمد "

نووورتي بمرورك

تحيتي

[كرامة]

انا بصراحة بحب وبحترم كتييييييييييير الفنان أيمن زيدان
وبدي قول إن الأعمال المنيحة والهادفة أكيد راح تنجح وراح تبقى وتثبت وجودها وبالنهاية لكل مجتهد نصيب
وحابا بس قول لزملائي شي من بعد إذنهم إنو الفائدة من المسلسلات وغيرها من الفن الفروض يكون من المشاهد مو من الفنان أو نوع العمل نفسو
إذاً التقصير من المتلقي ومو من الملقي
يعني إللي عم يتفرج بيتفرج لمجرد التسلية بس ومو منشان ياخذ العبر
صح ولا شو ؟؟؟؟؟؟؟؟؟؟:icon9:
ومشكورة عزيزتي على الخبر
تحياتي :z023:

[Sanaa]

انا بصراحة بحب وبحترم كتييييييييييير الفنان أيمن زيدان
وبدي قول إن الأعمال المنيحة والهادفة أكيد راح تنجح وراح تبقى وتثبت وجودها وبالنهاية لكل مجتهد نصيب
وحابي بس قول لزملائي شي من بعد إذنهم إنو الفائدة من المسلسلات وغيرها من الفن









أولا أنا بتفق معك بالرأي بما يخص الفنان أيمن زيدان .. لأنه فنان محترم و أعماله محترمة

بس يمكن بالفترة الأخيرة ... ما عم يعرف يختار أدواره صح ... من زمان ما شفناله دور مهم متل الأول

المهم ... أكيد مسلسل يوميات مدير عام من ضمن المسلسلات المحترمة و الهادفة ... لذلك حصلت على جماهيرية عالية

و لحد هلأ إذا انعرض المسلسل على أي قناة ... كلنا بنرجع بنتابعه ... رغم أنه بصمناه بصم ههه

لأنه متل ما ذكرتي دايما العمل المنيح و الهادف بيفرض نفسه ... و برجع و بقول يمكن المسلسل ما قدر يغير الواقع

مو لأنه الغلط بالمسلسل ... لاء لأنه الموضوع بحاجة لشي أكتر من مجرد مسلسل ...

أما موضوع أنه الفائدة من المسلسلات و الفن ... كلامك صح ... لأنه المفروض أنه الفن رسالة تربوية و اجتماعية و ثقافية هادفة

بس أكيد مو كل المسلسلات ... و مو كل أنواع الفن ... إذا بتلاحظي في هلأ مسلسلات معينة و فن معين ما منه فايدة أبداا

بالعكس يمكن يخرب أكتر ما يصلح ... و أكيد كلنا بنتمنى يتم الحفاظ ع الفن المحترم الراقي الهادف ... و تصفية الفن السيء


كرامة بتشكرك كتير على مرورك المميز

تحيتي إلك

[كرامة]

شكراً إلك إنت لأهتمامك والرد على رأيي
وانا بتفق معك في الرأي إنو في أعمال ومسلسلات تخرب أكثر من إنها بتصلح
بس شو بدنا نقول لو كان في ضمير كان في حسن إختيار
خليها على الله
:z023: تحياتي ..

[م جمال كمال]

تحية الك سناء و لكن!!!!
مع احترامي الشديد لأيمن زيدان و لكل الممثلين السوريين و الاتراك و غيرهم بس عندي سؤاال؟
شو الفائدة اللي قدمتها المسلسلات السورية أو التركية ............... لا شيئ و مثال على ذلك مسلسل يوميات مدير عام اللي كل الناس تابعتوا و منهم انا شخصيا لكن لا الرشوة تناقصت و لا الفساد تناقص
بالتالي ليش أيمن زيدان بيظهر امتعاضو من مسلسل تركي .... برأيكم شو الجواب
أنا بقلكم الغاية مادية فلو طغت الدراما التركية على الدراما السورية فكم رح يخسر الممثلين و الممثلات اكيد كتير
بالتالي ما حدى سائل لا عن التاريخ و لا عن القيم و همومهم ابعد ما تكون عن ذلك
لذلك خلوها على الله
و تحية تانية الك سناء تقبلي مروري

:z028: 100 % صح

[Sanaa]

شكراً إلك إنت لأهتمامك والرد على رأيي
وانا بتفق معك في الرأي إنو في أعمال ومسلسلات تخرب أكثر من إنها بتصلح
بس شو بدنا نقول لو كان في ضمير كان في حسن إختيار
خليها على الله
:z023: تحياتي ..








مية هلا فيكي كرامة

شكراااا لمرورك مرة تانية

تحيتي إلك

[Sanaa]

:z028: 100 % صح








مشكوووور ع المرور