شو بحب ادرس برا

[بسمة]

شكرا عهل الموقع الرائع
بس في استفسار عن الدراسة بجامعات اوروبا
انا خريجة كلية تربية هل سنة وبدي اسال ازا فيي كمل ماجستير برا
ومدى قبول الجامعات لهل فرع
بتمنى الرد عرسالتي
ولكم جزيل الشكر

[دمعة فرح]

اهلا وسهلا أختي بسمة .. نورتي موقنا بحضورك
وان شاءالله بيتم الرد على رسالتك من قبل الشباب اللي عندن معلومات
وبالتوفيق يارب

[Sanaa]

أهلا و سهلا فيكي بسمة ... نورتي الملتقى


أولا مبروك التخرج ... و عقبال الماستر و الدكتوراه يارب

بالنسبة لسؤالك ... أولا لازم تحددي الاختصاص الدقيق يلي حابة تكملي فيه دراسات عليا

بالنسبة لفرع التربية ... أكيد موجود ... بس مو كل الاختصاصات الدقيقة ممكن تكون موجودة بكل الدول

لذلك حاولي تحددي شو الاختصاص يلي حابة تكملي فيه بالضبط ...

و بعدين ممكن تفتحي على مواقع الجامعات الاوروبية المختلفة كرمال تشوفي وين متوفر اختصاصك

بالنسبة للقبول ... إذا متوفر الاختصاص بالجامعة ... معناها تمام ما في مشكلة ...

بتبقى القصة متوقفة على معدلك و مستواكِ باختصاصك و بلغة الدولة يلي ناوية تسافري عليها

و طبعا انتي بمجرد ما لقيتي اختصاصك ...

المفروض تبتدي تراسلي كل الجامعات ... و تبعتيلهم كل المعلومات عنك ... و هنن بعد فترة بيخبروكِ إذا وضعك مناسب أو لاء



إن شا الله تكوني نوعا ما لقيتي جواب لسؤالك ...

و إذا عندك أي سؤال تاني ... تكرمي ... رح حاول جاوبك حسب حدود معرفتي بهالموضوع

بالتوفيق إن شا الله

مع التحية

[بسمة]

شكرا لنصيحتك سانا وللكل
وشكرا لني اخدت من وقتك
بس المشكلة جامعات برا ماعم يردولي خبر
مافيي حلها الا ازا عرفت وين بدي روح
انا كان استفساري عن ازا السفارات هنيك بتتبنى هل طلاب وبتوقف معون
وانا رح اعمل جهدي بخلص اول شي من هون وبشوف و بصير
وتحياتي

[Sanaa]

أهاا ... بالنسبة للسفارات ... بصراحة ما عندي فكرة إذا ممكن يتبنوا الطلاب أو لاء


بس أنا بقترح عليكي ... تروحي على قسم العلاقات الثقافية و الدولية برئاسة الجامعة .. بعتقد ممكن يفيدوكي كتير


و حاولي تسأليهم عن شروط التقديم للاتفاقيات .... و إذا كنتي محققة الشروط ... بيكون ممتاز


مباشرة قدمي اوراقك على شي اتفاقية ... و بالتالي بيكونوا هنن المسؤولين عن تأمين قبول إلك من شي جامعة


حتى ممكن تسأليهم عن موضوع السفارات .... حتما بيكون عندهم معلومات ممكن تستفيدي منها كتير


من ناحية تانية ... في مكاتب متخصصة لتأمين قبولات للطلاب من الجامعات الاوروبية


ممكن تستعيني بشي مكتب ... بس مهم كتير يكون معروف و سمعته منيحة


موفقة إن شا الله

تحيتي