المؤسسة العامة للاتصالات ترفع حجب الفيسبوك واليوتوب في سوريا وقد تم تأكيد الخبر !!!!!

[ريماس]

http://www.nobles-news.com/news/photo//mais/2011020819-4d513a4ddcc22.jpg

بعد دعوة الشباب السوري إلى رفع الحجب عن موقع التواصل الاجتماعي "الفيسبوك" العالمي أعلنت المؤسسة العامة للاتصالات الغاء حجب الفيسبوك في سوريا ابتداء من اليوم بعد مرور أكثر من ثلاث سنوات على الحجب

وقد تم حجب موقع الفيسبوك في سورية منذ تاريخ 26 تشرين الثاني عام 2007، ليلجأ مستخدموه السوريين بعد ذلك التاريخ إلى اللجوء إلى مختلف الوسائل للالتفاف على هذا الحجب، وعلى الرغم من ارتفاع عددهم بشكل يومي، إلا أنه لا يوجد إحصائية دقيقة تحدد أعداد السوريين المسجلين في الموقع.

وتشير آخر الإحصاءات إلى أن مستخدمي الفيسبوك في العالم العربي وصل إلى حدود 18 مليون عربي، وذلك من أصل أكثر من 500 مليون مستخدم حول العالم

إلا أن حجب الموقع لم يمنع السوريون من إيجاد الطرق المتعددة لدخول الموقع، إن كان عن طريق البرامج، أو "البروكسيات" وترجمتها "الخادم البديل" وهي الطريقة الأشهر والأكثر تداولا بين المستخدمين لدخول الموقع لبساطتها، إلا أن السوريين يضطرون إلى تغييرها في حال تم رصدها ومعرفتها، وبالتالي حجبها.
يذكر أن الفيسبوك يعتبر أحد الطرق التي يتواصل بها السوريون مع أبناءهم المغتربين خارج البلاد، وتشير آخر الإحصاءات إلى أن مستخدمي الفيسبوك في العالم العربي وصل إلى حدود 18 مليون عربي، وذلك من أصل أكثر من 500 مليون مستخدم حول العالم.



طبعا المصدر يلي تم تاكيدو ان فتح الفيوس بوك واليوتوب مصدر عكس السير
حتى هنيك اعلنو بانو تم رفع الحجب عنهم
في ناس فتحت معها وفي ناس لاء
وهاد رابط تاكيد رفع حجب الفيس بوك واليوتوب
http://www.aksalser.com/?page=view_a...b&ar=411946704 (http://www.mgtrben.com/portal/redirector.php?url=http%3A%2F%2Fwww.aksalser.com%2 F%3Fpage%3Dview_articles%26id%3D6f2e7e04ea0aec96b5 7f02e81a0f19ab%26ar%3D411946704)


في بعض ناس فتحت معها
adsl تراسل
بيجوز لسه ما طلع تعميم للمزودات الخاصة بهالموضوع

ياجماعة الخبر تم تاكيدو وقد عممو ولقد تم فتح اليوتوب والفيس بوك
والف مبروك الكم :z023:

[king-of-nothing]

مع انو ما بستعمل الفيسبوك ... بس شي حلو هالحركة الحلوة .... كل الشكر إلهوم على هالثقة فينا ... وطبعا اللي لاحظتو انو مارك زوكربيرج (مؤسس الفيس بوك) انسان جدا متفهم وشاب واعي بيسمع للناس وإلو مواقف حلوة للناس اللي هاجمت الاسلام مثل الغاء أكاونتات لناس هاجمت الاسلام وناس ادعت انها الله (استغفر الله)
فبظري موقع حلوو ... وعمبيكبر بعيني كل مالو وهلأ كبر أكتر

يسلمو روور


King of Nothing

[M-AraBi]

يا ريت بعرف زلغط

يلا عقبال اليوتيوب

شكراً ريماس على الخبر
دمتي بحفظ الرحمن

[Sanaa]

مشكور ع الخبر ريماس

[MOSTAFA]

لحدا هلق عم جرب محجوب :z06:

على كل حال شكرررا ريماس

[SHARIEF FATTOUH]

هههههههههههههه لا تفرحوا كتير لأنو الخبر مو مظبوط
كان مناي والله انو يكون هالشي صحيح مع أني ما بحب الفيس بوك
وبدخل عليه بالصدفة ومجرد تصفح وبس مشان شوف شو أخبار الأصدقاء
المهم من النهاية خبرك مو مظبوط أنسة ميمي يا ريت تتأكدي منيح المرة التانية
و شكراً ألك

[أحمد فرحات]

هييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييي ييييييي بعين كلن ما صدقو الخبر فتحو الفيس بوك فرحو طقو ياحسادين
مشكورة ريماس الخبر مضبوط

[ريماس]

هههههههههههههه لا تفرحوا كتير لأنو الخبر مو مظبوط
كان مناي والله انو يكون هالشي صحيح مع أني ما بحب الفيس بوك
وبدخل عليه بالصدفة ومجرد تصفح وبس مشان شوف شو أخبار الأصدقاء
المهم من النهاية خبرك مو مظبوط أنسة ميمي يا ريت تتأكدي منيح المرة التانية
و شكراً ألك


اي فعلا متل ماقلت المهم انو الخبر طلع مو صحيح
ومن ناحية انو اتاكد من الخبر اذا كان صحيح ولا لاء بصراحة مابقدر لانو مابكون فاضية..
لما انا احط خبر انت اكدلنا اذا كان الخبر مزبوط ولا لاء
طبعا انا حطيت الخبر من مصدر نوبلز وبعتقد اخبارها صحيحة
وان شاء الله قريب رح يفتح فيس بوك
واليوتوب بعتقد فتحو

[ريماس]

شكرا جميعا على مروركم تحيتي لكم

[راتب المصري]

مشكورة على الخبر رورو
انا فتح عندي اليوتوب
بس فيس بوك لسة
اريت انو بدو 24 لحتى فك حجب
وسلام

[ريماس]

طبعا المصدر يلي تم تاكيدو ان فتح الفيوس بوك واليوتوب مصدر عكس السير
حتى هنيك اعلنو بانو تم رفع الحجب عنهم
في ناس فتحت معها وفي ناس لاء
وهاد رابط تاكيد رفع حجب الفيس بوك واليوتوب
http://www.aksalser.com/?page=view_articles&id=6f2e7e04ea0aec96b57f02e81a0f19ab&ar=411946704

يعني الخبر صحيح ياسيد شريف فتوح
ولامصدر عكس سير اخبارهم ماهي صحيحة ؟؟

[حسناء سوريا]

امممممممممممممممم
ياجماعة صفو النية بيفتح عندكن ههههههههههه
الخبر صحيح وانا اتئكدت منو من مصداري الخاصة هههه
يعني بسوريا بقصد كزا وحدة قالتلي انو انفتح
غير هيك اجتني رسالة عالجوال تثبت مصداقة هالخبر
وجاء نصا كما وصلني
(الاجهزة الامنية في سورية ترفع الحجب عن فيس بوك ويوتيوب )
هذا ماورد
بس يمكن لسا ماتعمم عالجميع والله اعلم

تحيتي للجميع

[ريماس]

يعطيك العافية حسناء شكرا لك على مرورك يسلملي الفهمان
اي تاكد الخبر واغلب الناس اشتغل عندهم والف مبروك للجميع

[عمر]

هههههههههههههه لا تفرحوا كتير لأنو الخبر مو مظبوط
كان مناي والله انو يكون هالشي صحيح مع أني ما بحب الفيس بوك
وبدخل عليه بالصدفة ومجرد تصفح وبس مشان شوف شو أخبار الأصدقاء
المهم من النهاية خبرك مو مظبوط أنسة ميمي يا ريت تتأكدي منيح المرة التانية
و شكراً ألك



شريف الخبر صحيح
وفاتح عندي الفيس بوك ويوتيوب هلق
:z036:

[أحمد فرحات]

الخبر صحيح شريف فتوح :z027:

[king-of-nothing]

شغال 100 %


King of Nothing

[MOSTAFA]

صح يا جماعة اشتغل عندي وعم يشتغل شوي شوي عند العالم


شكرررررررررررررا ريماس للمرة الثانية :z025:

[ريماس]

اهلين فيكم وشكرا لكم الف مبروك ليكم
وهلاء نقدر نحطلكم كتير مقاطع يوتوب :z027:مارح تحتاجو لكسر بروسكي :z027:

[En.Khaled Alfaiomi]

هههههههههههههه لا تفرحوا كتير لأنو الخبر مو مظبوط
كان مناي والله انو يكون هالشي صحيح مع أني ما بحب الفيس بوك
وبدخل عليه بالصدفة ومجرد تصفح وبس مشان شوف شو أخبار الأصدقاء
المهم من النهاية خبرك مو مظبوط أنسة ميمي يا ريت تتأكدي منيح المرة التانية
و شكراً ألك

أخي سيف الخبر موثوق وكثير من الأخوة يعمل لديهم الأن الفيس بوك واليوتيوب بدون أي مشاكل

[Firas D]

تم رفع الحجب 100% عن الفيس بوك و اليوتيوب و مدونات جوجل (بلوجر - بلوج سبوت )

عقبال الويكيبيديا العربي

[ريماس]

اهلين فيك فراس وشكرا كتير عالتوضيح اكثر اهلا وسهلا فيك
معنا نورت الملتقى
تحيتي لك
وشكرا على مرور استاذ خالد
تحيتي لك

[AHLA-DANA]

شكرا ع الخبر الحلو ريماس
يعطيكِ الف عافية:z025:

[م جمال كمال]

اي فعلا متل ماقلت المهم انو الخبر طلع مو صحيح
ومن ناحية انو اتاكد من الخبر اذا كان صحيح ولا لاء بصراحة مابقدر لانو مابكون فاضية..
لما انا احط خبر انت اكدلنا اذا كان الخبر مزبوط ولا لاء
طبعا انا حطيت الخبر من مصدر نوبلز وبعتقد اخبارها صحيحة
وان شاء الله قريب رح يفتح فيس بوك
واليوتوب بعتقد فتحو


:z019:لذيذة رورو
بس بتجيب الخبر
والأخ لازم يتأكَّدلها منّو ؟؟
على كل حال .. وبجد .. وبعد الشكر لجهدك .. إني والله لأخشى على شباب وفتيات المسلمين من الموقعين .. فما أكثر العروض التي تأتيك على حين غرّةٍ ودعواتٍ كثيرة .. بدون مقدّمات وبلا إذن مسبق .. كلها .. لغرض واحد .. إشاعة الفاحشة .. واليوتيوب أخطر من الفيس .. لأنه نافذة عريضة .. للغرض ذاته .. أتمنى من كل عضو منكم .. أن يُحَذِّرَ أخاه الصغير أو أخته الأصغر من الضغط على أي زرٍّ جانبي فيه دعوة أو عرض فيديو ما .. والبقية مفهومة .. شكراً ياريماس

[م جمال كمال]

نعم ياريماس الخبر أكيد وصحيح والسبب الذي جعل البعض لايستطيعون الدخول للفيس .. هو الشركة المُخدّمة أو المُزوّدة للإنترنت التي يشترك بها كل واحد .. المزود خاصتي يعمل

[SAAID]

مبروك لجميع انشاءالله سنرفع راس العالم العرابي

[salehard]

كلي أمل من الجهات المعنية كف التدخل بالسكايب Skype. السكايب هو الوسيلة الوحيدة للإتصالات اليوم بين أبناء العائلات المستورة والفقيرة داخل الوطن ومع أبنائهم في الخارج. وسن القوانين لمحاربة الإحتكار مثل ما هو في البلدان الحضارية والمتقدمة. فقط الحكومات العربية تتدخل في النيت وتحجب السكايب ومنها الأمراتية للإتصالات لأنه شركة الإتصالات الأماراتية تابعة للخليفة. وفي سورية وحسب (مايقال لأنه أنا من عام ١٩٧٧ أقيم خارج الوطن) يد رامي مخلوف غير بعيدة عن قطاع الإتصالات ..الخ. وكلــنـا لـلـــوطــن !

[LOVEGHOST]

مبارح انا جربت كان محجوب

اليوم فاكين الحجب عن اليوتوب والفيس بوك

ان شاء الله نكون الشعب السوري أهل لهذه الثقة التي منحتنا اياها الحكومة

بس بظن رفعو الحجب بسبب موقفنا من المظاهرة المزعومة 5 شباط

[السكون]

مع انو خبر حلو

بس الله يجيرنا منهم لان مضارهم اكثر من منافعهم


مشكورة خيتي

[M-AraBi]

تعليق على الماشي
..................................
هلأ عم تحكو عن مضارهم وأنو أكثر من منافعهم

قأنا مو كتير مقتنع
مع أني مسجل بالفيس بوك بس للمنظر يعني ما فادني بشي
وكمان اليوتيوب من أهم المواقع اللي لازم من زمان تنفتح
وقد ماكان في الهم أضرار ففوائهم أكبر

واذا بدنا الحق في كتير مواقع عم تخرب الشباب وهي اللي لازم تنحظر
مو هدول !!!!!!!!!!!!!!!

وشكراً لكم

[طبيب جراح]

مبروووووووووووووووك للجميع

خبر رائع

[amaka]

هو الخبر مزبوط ياجماعة - بس الشي يلي ماحدا فكر في .....!.؟ انه ليش فتحواااا وهلأ بالذات ....؟؟؟؟؟؟؟ شوية تحليل وبتعرفوا الجواب ..... كل شي عنا مدرووووووووووووووس حبيباتي

ســـــــــــــــــلام

[Ihab Mardoud]

الحمد الله اشتغل عندي الفيسبوك واليوتيوب
صار فينا نفسبك ونيتيب على كيفنا:z019:
عقبال بقية المواقع:z025:

[ريماس]

اهلين فيكم وشكرا لكم على مروركم تحيتي لكم

[سارة]

ريتهن ما رفعوا الحجب نا قصهن الشباب هدر وقت اكتر من هيك

مو مع هالخطوة ابدا


شوف الصغار والجيل الصغير 7و8 سنين بالطيف شو مفتحين ما بقى في براءة بالجيل ابدا وما بيفرح بهدية

وكل وقتهن قدام الكمبيوتر عقلهن صار بس بيستقبل ما بيرسل على قولة دكتورنا

قال نحنا جيل التلفزيون والكمبيوتر بس منستقبل ما منرسل ههههههههههههههه وعيونا بضل جامدة ههههههه





وليييي

الواحد كيف بدو يقدر على ابنو بكرة

[اسعد السويدي]

الحمد لله على كل شي

[اسعد السويدي]

انا اكتب اذن انا حي

[ريماس]

الله بيعين سارة
اهلين فيكم وشكرا لكم على مروركم تحيتي لكم