امتال شوام ياعيني عالشوام

[سارة]

رايحين جايين مفاتيح القاعة ضايعين .
هين فلوسك ولا تهين نفوسك .
لو شاف الجمل حدبتو لوقع وانقصفت رقبتو .
عرج الجمل من شفتو .
كوم حجار ولا هالجار .
قاللو شو فوتك لبيت عدوك ؟ قاللو محبي جواتو .
يا افتحو وافتخر يا اطبقوا وانستر .
بيت كبير وحيطانو حمر وجواتو شي بيقصف العمر .
سكر بابك وآمن جارك .
عينو بالطبق وأدنو لمين زعق .
الحبل دلال والطلق غية والترباية يا بلوة البلية .
قرعة بمشطين وعمية بمكحلتين .
خليه بالقلب تجرح ولا تطلع لبره وتفضح .
طرشة علباب تتسمع .
يا مستعجل وقف لقلك .
ساعة ألك وساعة لربك .
إذا بدك تحيرو خيرو .
إذا بدك تحرمو أسألو .
قرعة تحفف مجنونة .


شجرة بداري بتحل إلي والا لجاري .
لا تركب حمارة وصاحبها بالحارة .
إن شفت الأعمى طبو مالك أكرم من ربو .
حامل السلم بالعرض .
إجا للعميان صبي قلعو عيونو باللحمسة .
من بعد الأم حفير وطم .
راح المبتئط لعند المبتلي يطلب دوا للعافية .
بدعي على ولدي وعلى وببغض اللي بيقول آمين .
كل طلقة براحة .
القلة بتحمل الآغا سلة .
حيل مفلس على مفلس ترى العجب .
الحي مطموع فيه .
قاللو يا فرعون مين فرعنك ؟ قاللوا ما في حدا يردني .
ما بعد الصبر إلى الا المجرفة والقبر .
طلعت الحشيشة على راس لساني .
القمح اللي مو ألك لا تحضر كيلو بتتغبر دقنك وبتتعب بشيلو .
متل سيران الكلاب غبرة وقلة واجب .
كل قمحة مسوسة ألها كيال أعور .
ألف قولة جبان ولا قولة الله يرحمو .

[سارة]

الأيد اللي ما بتقضر عليها بوسها وادعي عليها بالكسر .
يا شاري الهم من قلب صاحبو .
اللي عندو فلفل بيرش على المخلوطة .

الله بيطعم الحلاوة للي مالو سنان .
يا لساني شلون مادرتك بتندار .
منمشي الحيط الحيط ومنقول ياربي السترة .
الخنفسة شافت بنتها على الحيط قالتلها تقبريني متل اللولية بالخيط .
مثل الخنفسة بالطاسة .
متل حمام مقطوعة ميتو .
ضايعة الطاسة .
مابيسلم الكرم من الناطور .
متل يلي جاب الدب لكرمو .
القرد بعين صاحبو غزال .
إذا كترت أشغالو قل ما بين يديه .
يا رايح كتر ملايح .
طالع عالسلم بقبقاب .
خذوا فالكن من أطفالكن .
أصابيعك بايدك مو متل بعضها .



حرد الدب عن الكرم زاد العنب قنطار .
اللي ما بتزينو عروقو ما بتزينو خروقو .
لبس المكنسة بتطلع ست النسي .
ياللي ماو عتيق مالو جديد .
كول ماتشتهي نفسك والبس ما يليق بين الناس .
طحان ما بيغبر على كلاس .
لاتقول للمغني غني ولا للرقاص أرقوص .
حكى بدري وانشرح صدري .
كلام القاضي متل الفستق الفاضي .
الرجال عند غرضها نسوان
اللي بشوفني بعين بشوفو بعنتين .
أربط الحمار مطرح ما بقلك صاحبو .
مصرية الخاناتي بتضوع الحمار .
عطي الخباز خبزو ولو سرق نصو .
لاتاخد هاللبانة إلا من هالحنك الأعوج .
لا تاخد صاحب إلى بعد قتلة .
أكبر منك بيوم أعرف منك بسنة .
من زبيبة بيسكر .
قاللوا يا شعبان ليش مابتجي برمضان ؟ قاللو كل شي بوقتو حللو .
مو كل مين قال بكره العيد دفعولو .



لابق للشرشوحة مرجوحة ولأبو بريص قبقاب .
الحجر مطرحو قنطار .
أول الرقص حنجلة .
متل اللي عم يغني بالطاحون .
شيخ إذا تصبين وصبي إذا تمشيخ وعاشق ومفلس .
مثل العرباية على البلاط .
النار ما بتحرق إلا أيد كاويها .
عقلك مو معك تنين بديروه .
شاور أكبر منك وأصغر منك وأرجاع لشور عقلك .
فوتة الحمام مو متل طلعتو .
متل فوطة الحمام من أيد لأيد .
الضرف العايب نافخو تعبان .
خلى العسل بكوارو لتجي أسعارو .
اللي بيخفف راسو بتتعب رجليه .
اللي بيطّلع لفوق بيتعب .
متل الحبلاس كلما كبرت عم تحلى .
صبي حمام أيد من ورا وأيد من قدام .
بصلتو محروقة .
الكلام اللي ما بينفد ياحسرة قايلو .
متل الحبر على ورق .



قتاية عوجة إن جلستا بتنكسر .
أولادن لكو أعدائن لكو .
الحكي ألك يا كنة لتسمعي يا جارة .
لاتكتر على أمك وأبوك بيكرهوك .
كتر الدلال بيهرب العاشق .
متل الأطرش بالزفة .
متل ياللي عم يرقص بالعتمة .
تعا علي وخلصني ولا تجي معي وتشريكني .
قالو للكلاب ليش وأنتوا راكدين ما بتغنو موالات قالولهن يالله نلحق اللهيت .
اللي بينزل من السما بتستلقيه الأرض .
ما بيعجبو العجب ولا صيام برجب .
قاللو يا خياط يا رئيس قبل ما تفصل قيس وقبل ما تقع بالشبك يا مصعب التخليص .
خيط بغير هالمسلة .
فقير ونقير وأغنجي يا مرا عالحصير .
على قد لحافك مد رجليك .
قالوا لكتير الغلبة نص الدنيا ألك قاللهن : النص التاني لمين ؟
أضربوا الحديد وهو حامي .
متل أكابر الديماس كبار بعين حالهن صغار بعين الناس .
حبل الكذب قصير .
بالحركة بركة .

[سارة]

حامل السلم بالعرض .
قاللوا بعيد عن الشر وغنيلو .. قاللون لابيغنيلي ولا بغنيللو .
البرغوت قال للبقة يضرب الشرشوح إذا ترقى .
عيوبنا لا نراها وعيوب الناس نركد دوراها .
حرامي مالك أيدك بـجيبتي ليش !؟
لا تقول أقرع بالبيت طاسة .
لو كنتي شمس ما بتطلعي عالقصارين .
لابنام بين القبور ولابشوف منامات وحشة .
قدها قد الفارة وصوتها ملات الحارة .
فوق أبوك خود جدك ربيه .
لا تعلم شحاد على باب دارك .
ما بيحك جلدك متل ضفرك .
ساقية جارية ولانهر مقطوع .
العاب بالمقصوص بين ما يجي الطيار .
الحجر يلي ما بيعجبك بفجك .
المونة بدها ركونة ما بدها مرا مجنونة .
ست وجاريتين على قلي بيضتين .
ست وأربع جوار على سلطة خيار .
الرجّل ما بتدب غير مطرح ما بتحب .
الحب مطب والعاشق أعمى .




لا تقول عنب ليصير بالسلة .
الجواب بمحلو متل الدهب بمغلو .
طنجرة ولقت غطاها .
طب الطنجرة على تما بتطلع البنت لأمها .
شو ما طبخت العمشا جوزها بيتعشى .
قاللها يا مرا طبخي طيب قالتلو يا رجال كتر ادام .
عم تتباها بضفاير بنت خالتها .
يا لبنية بلا كبب يا عداوة بلا سبب .
ما بقرقع بالدست إلا أوشم العضام .
كل ممنوع مرغوب .
ياداخل بين البصلة وقشرتها ما بينوبك إلا ريحتها .
كل مين بجر النار لقرصو .
الآخرة يا فاخرة .
كل عنزة معلقة من كرعوبا .
بين النور ما في تكليف .
الرابح بايدو والجاية بايد الناس .
لاتقول للأعور اعور بعينو .
قطع الأعناق ولا قطع الأرزاق .
عيش يا كديش لينبت الحشيش .
الغايب حجتو معو .
الغايب مالو نايب .





قالوا للبغل مين أبوك ؟ .قاللهن الحصان خالي .
جدي بدو يلعب بعقل تيس .
لو رحنا لبين القبور بيلحقنا الداقور .
تاجرنا بالكفان بطل حدا يموت .
لا تقللي ولا بقولك الدهر محيرني ومحيرك .
أكل ومرعى وقلة صنعة .
الغنية بتتقل خلخالا والفقيرة بتستر حالا .
قالو قبل ما تحور سقفو اشترى لأرضو حصيرة .
لامين عمر سكن ولامين مون أكل .
متل الشمعة بضوي على غيري وبعتم على حالي .
السكافي حافي والحايك عريان .
من بعد حشيشي ما ينبت حشيش ومن بعدي ما حدا يعيش .
بالدنية وراتينا وبالآخرة حراتينا
خل ببلاش ولاعسل بمصاري .
قالوا للجمل شو كارك قاللهن كباب حرير قالولو باين عليك وعلى قوالبك .
كبرت يادانا ولبست كتانا ونسيت أواعيك اللي بتنتقل من خانا لخانا .
متل بضاعة الخان زعبوب مدود وسفرجل تخان .
سمك بالمي ما بينشرى .
ياشاري الهم من قلب صاحبه .
حط العدس وانبور تحتو ما ألعن من الخال إلا بنت أختو .






قبل ما خطب هير حطب .
سموك مسحر خلص رمضان .
حكي الملق بيبل الحلق وبيرضي الخلق .
حبلة ومرضعة وراها أربعة طالعة على الجبل تجيب دوا للحبل .
أنا بحلف وابني بزلحف .
اللي فيه مسلة بتنخزو .
طلع القمر وتدور ونسي زمانو الأول .
السلق أخضر والناس أخبر .
قاللو يا أبي شرفني قاللو يا ابني لحتى يموت يلي بيعرفني .
قاللو شرفني وركبني حمارة قاللو ليموتو كباريت الحارة .
قاللو اليوم مرقني وبكرة غرقني .
راح الأعور وتبعور .
إذا تبلك بليس بيخصر عليك التتبيلة .
عرق آس ولا شماتة الناس .
البيت وساكنو والواعة ولباسها .
من برة رخام ومن جوة سخام .
فوتة الجار على الجار أولها مهتة وآخرها معيار .
لو كانت أسوارتي وقية مالي عن جارتي غنية .
ايمتا كنا والشمس ترقعنا .
قاللو يا حواجبو يا عيونو قاللو عالمغتسل باين .

[سارة]

اللي بيعرف أولتو بتهون عليه آخرتو .
صابح القوم ولاتماسيهن .
قال يا قاعدين يكفيكن شر الجايين .
كترة الأيادي بتحرق الطبخة .
مجنون يحكي وعاقل يسمع .
اللي مالو اسطوح بينام تحت اسطوح جارو .
قاللو الحرب بالنضارات هينة .
إجا ليكحلها عماها .
دخان يعمي ولابرد يضني .
الرمد أشوى من العمى .
طول وعقل ما بيجتمعو .
دود الخل منو وفيه .
رغيف برغيف ولايبات جارك جوعان .
العيرة ما بتدفي .
الناس بالناس والقطة بالخلاص .
ساقية جارية ولا نهر مقطوع .
كل طايفة والها بلوعة .
جبل لجبل بيلتقي وابن آدم لابن آدم ما بيلتقي .
عكا لو تخاف من هدير البحر ما جاورتو .
ياللي الو راس عند الرواس ما بينام الليل .







إجت الحزينة لتفرح ما لقتلها مطرح .
متل التلاتا بنص الجمعة .
متل راس القرنبيط بسوق الأحد .
متل ناطور الصحرا .
متل خازوق البحرة .
عمرا شجرا ما وصلت لربا .
ما في شجرة ما هزا الهوى .
من قلة الخيل شدينا عالكلاب سروج .
صاحبي وحبيبي وناح الحبيبة لا تقرب .
صباحك لما أخوك ؟ قاللو الأنفع بيناتهن .
أيد وحدا ما بتصفق .
إن داقت عليك المخازن مخزنك عبك .
البخشيش بالدرهم والعطا بالقنطار .
الحساب بالدرهم والبخشيش بالقنطار .
فرقعة وخشيش وطحين مفيش .
إن كان حبيبك عسل لا تلحسو كله .
الله يطعمك الحج والناس راجعة .
عين بباب الجابية وعين بتقلي زلابية .
اللي بتشتغل فيه السمرا بتحطو حق خطوط وحمرا .
صبرك على نفسك ولاصبر الناس عليك .








الولد يلي ما بيبكي أمه ما بترضعو .
اللي بيستحي من بنت عمو ما بيجيه ولاد .
اللي بيبيعك بالفول بيعو بالقشور .
أعزب دهر ولا أرمل شهر .
إذا بدك تعاشر لا تعاشر إلا أمير وإذا بدك تسرق لا تسرق إلا حرير وإذا بدك تدق دق باب كبير حتى إذا عيروك تستحق التعيير .
قال يا حاملة الصبيان يا حاملة الصوان .
لا تحلق ذقنك بين تنين واحد بقلك طويلة وواحد بقلك قصيرة .
بيخطف الكباية من راس الماعون .
الكلب يلي بيعوي معك أحسن من الكلب يلي بيعوي عليك .
كل مين شافني أرملة شمر وإجاني هرولة .
قالوا للجمل ليش بتاكل شوك قاللهن بيستفكرو وقتن كان أخضر .
قبل ما تعمل جمال علي باب دارك .
فارة نطت من السقف قالتلا القطة اسم الله ..!! قالتلا اتركيني بحالي وأنا بألف خير من الله .
قاللو الدبة شقت كرشا قاللو ماضرت ألا نفسا .
قاللو مابقى في الا تحنيكية لطقة الكبريتة .
ألف قلبة ولاغلبة
مو رمانة لاكن قلوب مليانة .
قط ما بيهرب من عرس .
عزموا حمار على عرس قال يا لزق المي يالزق الحطب .
كنس بيتك ما بتعرف مين بيدوسو وغسل وشك ما بتعرف مين بيبوسو .

[سارة]

ما حدا بقول مرض الا الو تلتين الغرض .
كل الديوك دكدكت ما صفي غير أبو قنبرة .
مو حافظ من العشق غير كلمة وحشتيني
حطوه علمغتسل ودهنوه بالعسل .
لا تعيبي يا معيبة ويا سريجة مقطبة .
دبور هدا على مسن قاللو سن إذا بتسن .
بدو سلتو بلا عنب .
كل جاجة حفرت على راسها عفرت .
كول لقمة كبيرة ولاتحكي كلمة كبيرة .
العين ما بتعلا على الحاجب .
تلانة ما بيختفوا الحب والحبل والركوب عالجمل .
قلبي على ولدي وقلب ولدي عالحجر .
أنا وأخي على ابن عمي وأنا ابن عمي على الغريب .
الدم ما بيصير مي .
يلي بتحطو بالدست بيطلع بالمغرفة .
قال مو قيمتك يا بطني قيمتك يا قدري .
قاللو الله يخليلي ياك يا لساني متل ما درتك بتندار .
يا مسترخص اللحم عند المرقة بتندم .
الديك الفصيح من البيضة بيصيح .
خود الأصيل ولو كان عالحصير .






غب غب الجمال وقوم قبل الرجال .
إذا بعبع الجاعود عطي الجمل حملو .
الواعة الكبيرة بتسع الواعة الصغيرة .
عم يرش عالموت سكر .
حلاق فتح بأقرع استفتح .
حمامي فتح بمتوضي استفتح .
شو بدي استفكر منك يا سفرجل كل عضة بغصة .
إذا كان الحكي كم فضة السكوت من دهب .
قاللو ياللي بياخد الأجرة بيطالب بالعمل .
كرمال عين تكرم مرج عيون .
بيدوب التلج وبيبان المرج .
الحكي صابون القلب .
الدراهم كالمراهم حطا عالجرح بيبري .
الجمل بمصرية ومصرية ما في .
العين بصيرة والأيد قصيرة .
منركب جمل ومنحمل علم ومنقول ماحدا شايفنا .
العز للرز والبرغل شنق حالو .
العالم عطيه جملو .
اللي بيعرف بيعرف واللي ما بيعرف بيقول كف عدس .







أقرع ودقنو طويلة قاللو شي بغطي شي .
قاللو إذا حلق جارك بل أنت .
الولد ولد ولو صار قاضي بلد .
قالوا للجمل شو بتمل قاللهن على قد ما تشيل الرجال وقالو للبغل شو يتحمل قاللهن على قد ماتشيل الحبال وقالوا للحمار شو بتحمل قاللهن لو بتقيمو عني هالجلال لاسبقكن علخان .
الجمل إذا بار بيحمل قنطار .
العين مغرفة الكلام .
قالوا للقاق ليش بتسرق الصابون قاللهن الأذى طبعي .
متل أم العروس فاضية مشغولة .
قاللوا مين بيجي مع العروس قاللوا أما وخالتا وعشرة من حارتا .
اللي ما بيشوف من ورا المنخل أعمى .
ياللي مالو كبير مالو تدبير .
بيعمل على الزبيبة خمارة وعلحبة قبة .
ضربو يهودي بعلبة لبن قاللهن وديني مشتهيها .
باب النجار مخلع .
اللي مادق المغراية ما بيعرف شو الحكاية .
قاللو بحلب نطيت أربعين قدم ..قاللو هون أرض وهنيك أرض .
قاللو يا جامع أنت مسكر وأنا مستريح .
إذا بدك تستريح شو ما شفت قول منيح .
قاللو الطاقة اللي بيجيك هوا منها سدها ، قاللو مو سدها جيب الفاس وهدها .
اللي بيتو من قزاز ما بيرمي الناس بحجارو .

[سارة]

ماحدا بقول عن زيتو عكر .
جاية من البرية بدو ياخد الأولية .
قاللو شو ألك بالقصر قاللو امبارح العصر .
ياللي بفوتك حصرم بتاكلو عنب .
جارك متل أخاك إن ما شاف وشك بيشوف قفاك .
الجار قبل الدار .
من طول عمرك ياتينة مجعلكة .
هاللي بدو ياكل خبز السلطان بدو يحارب بسيفو .
المال الداشر بيعلم الحرامي السرقة .
كل ديك على مزبلتو صياح .
قاللو للبسمار ليش بتفوت بالحيط قاللهن من عزم الرص اللي ورايي .
موكل مين صف الصواني صار حلواني
قاللو عدن .. قاللو ياللي بياكل العصي مو متل يلي بيعدن .
قاللو قط ما بيهرب من عرس .
قطاع راس القط من ليلية العرس .
الجمل لولا الفزة حمل المزة .
ياللي ما بيحضر عنزتو بتجبلو جرو .
إن غاب عليك أصلو ، دلايلو فعلو .
الطرق ولو دارت والبنت ولو بارت .
الدهر يوم ألك ويوم عليك .







كل حال يزول وكل قاضي معزول .
قال يارايح علجبل جيب معك حجر .
الأرض الواطية بتشرب ماءها وماء غيرها .
يللي بخبي غداه لعشاه ما بتشمت فيه عداه .
شرط بالحقلة ولاخناقة على البيدر .
يللي أولو شرط آخرو سلامة .
صنعة باليد امانة من الفقر .
إذا الله حب عبدو فرجاه على ملكو .
يللي ما بيخاف من الله خاف منو .
يللي بيتجوز بالدين بيجو ولادو بالفايز
الملك يلي مو ببلدك لا ألك ولا لولدك .
جارك القريب ولاأخاك البعيد .
لاتتدخل فيما لا يعنيك بتسمع ما لايرضيك .
العمر بيخلص والشغل ما بيخلص .
خير ما تعمل شر ماتلقى .
ياللي ما بيشبع عند أهلو ما بيشبع عند الناس .
ياللي بيت أهلو على مهلو .
خود الفرس من الفارس .
محل ما ترزق ألزق .
حبيبك حبو ولو كان عبد أسود .







قاللو مرحبا يا أقرع قاللو هادا باب مناقرة .
الكلب اللي بدك تجرو عالصيد ياكول ما بدو يصطاد .
شحاد ومشارط .
الولا الكاسورة ما عمرت الفاخورة .
على حظ الحزينة سكرت المدينة .
العروس بعقلها وقلة أكلها .
ياللي الو طباخ لايزفر أيديه .
العنزة الجربانة ما بتشرب إلا من راس النبع .
قاللو يا جاري أنت بحالك وأنا بحالي .
الطبل بحرستا والزمر بمنين .
كسرنا الدف وبطلنا الغني .
خبي قرشك الأبيض ليومك الاسود .
جبناك يا أقرع لتونسنا كشفت قرعتك وخوفتنا .
بيقتل القتيل وبيمشي بجنازتو .
بالع الموس على الحدين .
قتلني وبكى وسبقني واشتكى .
لا تقول فول حتى يصير بالمكيول .
عيش كتير بتشوف كتير .
لبس العود بيجود .
عود منيح وأحكي صحيح .
إذا بدي أصرف من كيسي ما بساويك عريسي .





ياخلي متل ما بكون لك كن لي .
متل حية التبن بتقرص وبتخبي راسا .
وقت كبر وشاب بعتوه عالكتاب .
ياللي متلنا تعو لعنا .
زيوان البلد ولاقمح الجلب .
زرعنا اللو طلعت ياريت .
عمر عطيني وبالبحر ارميني .
بحر ما بتعكرو ساقية .
ساقية جارية ولا نهر مقطوع .
البزاقة شافت بنتها عالحيط قالتلها تقبريني متل اللولية بالخيط .
بعد الكبرة جبة حمرا .
لا تدعي لصاحبك بالسعادة بتخصرو .
ضرب الحبيب زبيب ولو كان حجر صوان .
اللي بريدك ريدو واللي ما بيريدك بالجفا زيدو .
مافي طلعة إلا وراها نزلة .
ياللي بدو يلاعب القط بدو يللقا خراميشو .
ياللي ألو عمر ما بتهينو شدة .
طعمي التم بتستحي العين .
تغدى و تمدى وتعشى وتمشى .
مين استفقدني بعضمة كنت عندو عظيم



اللي بياكل على ضرسو بينفع نفسو .
مين آمنك لا تخونوا ولو كنت عبد خوان .
الخبز والماء أكل العلماء .
لو أريدك يافخرة ما اخدت عليكي الرخرة .
العيرة ما بتدفي وإن دفت ما بتوفي .
حط اصبعتك بعينك متل ما تجعك بتجع غيرك .
فخار يكسر بعضو .
من تحت الدلف لتحت المزراب .
مشتراة العبد ولا تربايتو .
صام صام وفطر على بصلة .
أدن من طين وأدن من عجين .
ضروب هالطينة بالحيط إذا ما لزقت بتعلم .
مندق المي وهي مي .
عميل منيح وأرميه بالبحر إذا ما بين مع العبد بيبين مع الله .
بير مالو قرار .

[رامون]

مشكورة سارة خانم

عنجد حلوين

وفي متل حمصي بيقول

لاتفطن لذكاء لان الذكاء بيجي لحالو

:z025::z025:

[jorybassam]

ماشاء الله عليكي سارة حلوين كتير رغم اني ماكملتهم كلهم عملت فاصل بس مبين المكتوب من عنوانو تسلم ايديكي

[AHLA-DANA]

يسلموووووووووووووووووووو احلى سارة
موضوع شامي رائع ههههه
تم التقييم:z025: