مشتى الحلو بالصور

[ريماس]

السلام عليكم ورحمة الله وبركاته


مشتى الحلو : تتبع لمحافظة طرطوس ترتفع عن سطح البحر حوالي 600 م وما فوق نظراً لموقعها الجغرافي المتدرج تقع شرقي طرطوس بـ 55 كم وغرب حمص وتبعد عنها 65 كم وعن العاصمة دمشق 220كم . مناخها معتدل صيفاً وبارد شتاءاً . عدد سكانها المسجلين في النفوس 3500 حسب احصاء عام 2008 مساحتها حوالي 490 هكتار (22% أراضي زراعية-46% حراج-30% أبنية) أي 4900000 متر مربع . تُعد من أهم البلدات السياحية السورية ومقصد لمعظم السيّاح المحليين والأجانب لاكتمال مقومات السياحة البشرية والطبيعية والسياحية حيث تقوم على هضبة خضراء ساحرة وتحيط بها التلال وأشجار السنديان والوديان ذات الينابيع العذبة والأماكن السياحية والتاريخية الهامة . أعطت مشتى الحلو وما تزال الوطن والكنيسة والمجتمع رجالاً رفعوا اسمها عالياً من مسؤوليين وسياسيين وأطباء وأدباء وضباط وكهنة ... , كما نبغ أبناؤها في بلدان الاغتراب وتبوؤا المراكز المهمة الرفيعة .


هي الصورة نهاراً
http://www.oldamasc.com/vb/uploaded/1347_1232780899.jpg
وهي الصورة ليلا
http://www.oldamasc.com/vb/uploaded/1347_1232780952.jpg
مشتى الحلو بلدة جميلة تستقر في أحضان جبل الحلو
http://www.oldamasc.com/vb/uploaded/1347_1232781147.jpg
تبعد عن مدينة دمشق 233 كم تقريباً، عن مدينة حمص 68 كم وعن مدينة طرطوس الساحلية 45 كم.
فهي تقع في جبال الشريط الساحلي السوري
http://www.oldamasc.com/vb/uploaded/1347_1232781352.jpg
ولقد تغنى بجمالها الشاعر
ميخائيل عيد
قائلاً

المشتى يا أجمل صـــــورة بتخطـر ع البـــــال


يا غنيــــــــة مسحــورة ع كتــــــاف تــــلال


***


مروجا فتانــــة خضـــرا و سهراتــــــا كيــف


و بجرود العز السمـــــرا مـــا أحلى الصيــــف


و مية أنهارا خمــــــــرة لــو زارا ضيــــــــف


بيسْكَر من أول نظـــــرة و هالسكر حـــــــلال


***


السحر بواديهــــا ترَّبـى و اخضروا غصــــــون


مفتونة خلقة ربـــــــــا و السحــر فنـــــــون


ضيعتنا البلبــــل حبــــا و قــــال الحســـــون


دلبتنا غافي بعبــــــــــا ســـــر الأجيــــــال


***


ان وقفت قبال الدلبـــــي و شوهــــرت لفـــوق


بتحــس بقلبـــك رهـبي و بعيونـــك شـــــوق


و مع نسمة هوا غربـــــي بتشـــوف عــــــروق


دلبتنـــا تــرش محبـــي و رفــــات ظــــــلال


***


النسمة تغط بواديهــــــا و بالعطر تطـــــــــير


تلاعب روس روابيـــــــها و كتاف الشيــــــــــر


و مع نغمات سواقيهــــــا جـــوق عصــافيـــــر


يغنــــــي و يتغزل فيها و يغمى الشـــــــــلال


***


حفافي خضرا حليـــــاني مغمــــورة بضــــــــو


بعطر زهورا النشـوانـــي مليـــــــــان الجـــــو


سواقي, بلابل, و غنانــي و يا عاشــــق لــــــــو


بتشوف السحر الإنسانــي ع خصــــر و شـــــــال


***


و لشمال شـــــــوي مغارا صيتــــــا مشهـــــــور


لو بتقصدها بزيــــــارة بترجـــــع مبهــــــــور


روعة و رهبة بأســـــرارا و دهــــور دهــــــــور


مصلوبة فوق حجـــــــارا و جمــــوح خيـــــــال

[دمعة فرح]

حلوة كتير مشكورة ريماس :z025:

[ماهرالفيزو]

والله اسم على مسمى

شكرا ريماس لسا هي المنطقة الوحيدة الي مازرتا بسوريا

قريبا انشاء الله

[حسناء سوريا]

شي حلو هالمنطقة خيال يسلموو عالصور ريمو
شكرا

[king-of-nothing]

يسلمو روور


الله يطعمنا نزورها من بعد الكعبة


King of Nothing

[ريماس]

ان شاء الله مؤيد الله كريم
اهلين فيك وشكرا لك على مرورك تحيتي لك

[abu saleh]

يبدوا أنها أنتهت صلاحية الصور ،،،،،،،،،،،، لايوجد شئ:z060:

[ريماس]

اخي الفاضل الصور ظاهرة بدك ترجع مرة تانية تعمل تحديث للصور مشان تظهر
شكرا على مرورك نورت تحيتي الك

[اعشق هواء سوريا]

اي واحد رايح لمشتى الحلو من طرطوس فيه كازيه علي اول الطريق للمشتى اعتقد انها افضل كازيه في سوريا ما شاء الله نموذجيه جدا فيها كل شي وسوبر ماركت عالمي والكازيه عالميه مشكوره يا ريماس فعلا انتي غير كل الناس وربي انتي مكسب للمنتدى..

[ريماس]

اهلين فيك وشكرا لك على متابعتك
واكيد بدئت تعرف كل شي عن سوريا
تحيتي لك

[اعشق هواء سوريا]

انا ابن سوريا وسبحان الله اي مكان نروح له في سوريا ونشوف له صور او نقراء عنه نشتاق له نحب سوري:z025:ا يا ريماااااس تركنا اوربا واسيا لعيون سوريا وناسها لكي ودي ..