الموظف وراعي البقالة!!! [الأرشيف] - ملتقى المغتربين السوريين

AHLA-DANA

03-20-2011, 09:07 PM

http://photos2.azyya.com/store/uploads/images/images-0e21150cf283.gif

موظف راح بقالة يشتري بعض المقاضي وعند الدفع طلب

من صاحب البقالة تسجيل الحاجات على الدين فرفض

صاحب البقالة وطالب بالكاش وهنا انتفض المواطن وقال لالالا

الكاش غير متوفر بالاسواق المحلية لانه صار بأيدي شلة من الحرامية

والحرامية صارو كثرة والكثرة غلبت الشجاعة

والشجاعة يبيلها قناعة والقناعة كنز لا يفنى

والكنز موجود بالمغارة والمغارة ما تفك الا لعلي بابا

والاربعين حرامي ... والاربعين حرامي صاروا ملاين

والملاين تندفع لضعاف النفوس رشوة .......

والرشوة صارت حق .. !!؟ والحق للاسف مأكول

والاكل ما عاد منه غذاء

والغذاء مقابل النفط ... والنفط جاب البلاء على رؤوسنا

و رؤوسنا تمرمطت بالارض .......

والارض مقابل السلام .... والسلام صار استسلام

والاستسلام ضيع العرب و الاتحاد

والاتحاد خسر امام الهلال عشان الهلال يلعب بروح وحدة

والوحدة صارت حلم .... والحلم سيد الاخلاق

والاخلاق تحولت لنفاق والنفاق جمع ايش ؟؟؟؟حزر

جمع نفق ... والنفق لازم يكمل وعشان يكمل

لازم مقاول بناء صالح ... والصالح غير متوفر هالايام

وهالايام صارت المفاهيم مقلوبة

والمقلوبة اكلة شامية يبيلها بذنجان اسود ولحمة

والحمة ماعادت تدخل بيوت الفقرا ولو نطحوا الجدران

والجدران صار لها اذان والاذان مالية البلد

وبالبلد صار في اكل هوا ... وبالهوا فيه تلوث

والتلوث دخل النفوس والاحوال والقضاء

ولقضاء على التلوث نحتاج قضاء وقدر

والقدر علينا مكتوب والمكتوب ما منه مهرب

والهروب نص الرجولة ... والرجولة مفقودة

والمفقود غير موجود ...والموجود له ساعة

والساعة اتية لا ريب فيها ... يوم يأخذ كل ذي حق حقه

الذي سرق منه في الدنيا .... والدنياعليها السلام

والسلام صار من الاحلام ..عشان كل واحد

ماشي وبيكلم نفسه ويطالع بالارض

والارض بتكلم عربي .. والعربي ما يدري وينه في؟؟؟

ونصف العرب ماعندهم وطن وآآآآآآآآآآآآآآه ياوطني

وهنا قاطعه صاحب البقالة وقله حسابك وصل الله يسهلك
:z019::z019: