واللي مــا يحب النسوان اللّه يبعتله عللّه !!!!!!

[رومانسي بعطر فرنسي]

استيقظ من نومه عند العصر
وبعد حمامه وجد فنجان القهوة جاهزا ليشربه مع زوجته ويذهب الى عمله
كانا يجلسان على كنبة وسط الصالون واولادهم يبعدون عنهم القليل ويشاهدون التلفاز
فجأة
نهض طفله الصغير الذي لا يبلغ من العمر سوى ثلاثة سنوات ولا يكاد ينطق سوى كلمة بابا وماما بالشكل الصحيح
وهو يتمتم فرحا سعيدا
فضحكت زوجته بجانبه والرجل مستغربا ما يحدث وما يقوله ابنه
ليلتفت الى زوجته كونها المترجم الخاص بينه وبين طفله ( وهذا ما تعودناه في اغلب بيوتنا العربية )
ويسألها عن ما تكلمه ابنهما ليجعلها تضحك تلك الضحكة
فردت عليه بانه يغني مقطع من اغنيه تقول ......
واللي ما يحب النسوان الله يبعتله علّة
فابتسم الرجل ابتسامة رضا وكان حاله يقول ذلك الشبل من ذلك الاسد
وكان يقول بينه وبين نفسه افتخر باني من سلالة الزير سالم
ولكن ما غير تفكيره عندما ركب سيارته متوجها الى عمله
ليتسائل بينه وبين نفسه
- هل هذا ما اوصلنا اليه اعلامنا العربي المشرف ؟
- هل العيب فينا كأهل ام بالمجتمع الذي فرض علينا وعلى اطفالنا مجبرين بان نسمع ونرى غصبا وليس طيبا ؟
- لماذا وصل حال الغناء العربي الى ما وصل اليه الان من كلمات هابطة ؟
- لماذا ... ولماذا ... ولماذا ؟؟؟؟؟؟؟؟؟؟؟؟؟؟
اخذه تفكيره لابعد من الموضوع بكثير ليوقفه بالنهاية وليتناسى الامه باخراجه شريط كاسيت ووضعه بالمسجل لتشدو ام كلثوم ( الأمل )
وانت سيدتي لو عدت يوما من المطبخ باتجاه الصالة لتجدي طفلتك التي لم تبلغ من العمر سوى الخمس سنوات
تغني ( لسيدة الغناء العربي الاولى ) نانسي
انا اجمل شب بيتمنى بمشوار يشاركني http://www.syria3.com/vb/images/smilies/friends.gif
ما سيكون احساسك وشعورك عندئذ ؟
في النهاية لا يسعني الا ان اشكر من اعماقي اعلامنا العربي اولا
والوزراء القائمين عليه ثانيا
واصحاب القنوات الخاصة ثالثا
الى ما اوصلونا اليه من تقدم وازدهار
ودمتم
بقلمي

[دمعة فرح]

المشكلة تعق على عاتق اللي شكرتهم أخي ..
تبدأ من الفنانين والمسؤولين عن طرح الاغنية و ... و .. الحبل جرار
هدول تفكيرن الربح وبس .. مارح يفكرو الطفل شو رح يغني
أو انو يرفعو من مستوى الفن

بإختصار شديد وقع الفاس بالراس ومابنعرف مع مين لازم نحل المشكلة

اهلا وسهلا فيك اخي بمنتدانا المتواضع
اتمنالك اطيب الاوقات وامتعها
وشكرا لك على طرح الموضوع :z025:

[nano]

مشكور اخي موضوعك جميل
الحمد لله وصلنا لعصر الانحدار انا برأي الحق كلو عالاهل هني اللي عم يخلو اطفالون يسمعو هيك مسخرة لازم يكون في كونترول من الاهل في قنوات كتيرة للأطفال وقنوات الاغاني التافهة بكبسة زر بتنحذف

بشكرك مرة تاني اخي ونورت معنا ناطرين مشاركاتك ومواضيعك الجميلة

تحياتي لكnano:z025:

[رومانسي بعطر فرنسي]

نسال الله اصلاح الحال
اشكركم
نورتوا الموضوع

[En.Khaled Alfaiomi]

مشكور ياغالي :z025:

[MOSTAFA]

بيرجع السبب لتربية الأهل والتوعية للصح من الخطأ



الف شكرررر اخي على الطرح المهم

تحيتي :z025:

[رومانسي بعطر فرنسي]

نورتوا شباب
وشكرا لتواجدكم بالموضوع

[Sanaa]

أولا أنا بهنيك على اختيارك لهالموضوع .. لأنو في غاية الأهمية

نحنا عم نحكي عن أطفال اليوم ... يعني شباب المستقبل ... يعني بناة الوطن !!

إذا تم تأسيسهم بشكل خاطئ من البداية ... كيف ممكن تكون العاقبة !!

العاقبة السيئة ما بتقتصر عليهم أو على أهلهم ... لاء بتنعكس ع المجتمع ككل

و بصراحة هاد الشي يلي حضرتك ذكرته منتشر بطريقة غريبة جدا جدا بين الأطفال

و يا ريت الموضوع مقتصر ع الأغاني بس ... لك صار الأطفال هنن المتابعين الأبرز للمسلسلات التركية !!

و صاروا عم يحكوا و يناقشوا بمواضيعها .... المشكلة أنو هالنوعية من المسلسلات مخربة لعقول الشباب .. فما بالكم للأطفال !!

الأطفال للأسف عم يفقدوا جزء كبير من طفولتهم ... عم يتشربوا أفكار و مفاهيم خاطئة بامتياز !!

إذا بدنا نحكي عن المسؤولية ... طبعا ما بننكر مسؤولية القائمين على القنوات الإعلامية ....

بس بالنهاية كل واحد بتهمه مصلحته بالدرجة الأولى ...

و ما فينا نتحكم بأذواق الناس ... و نحدد شو لازم ينعرض و شو لازم ينمنع !!

بس فينا طبعا نختار شو ممكن نشوف ... و شو ممكن نخلي الأطفال يشوفوا ...

الريموت كنترول بإيدنا ... و ما حدا بيجبرنا إطلاقاً نشوف شي نحنا ما بدنا إياه !!

لذلك المسؤولية بتوقع ع الأهل بالدرجة الأولى ... المشكلة أنو أحيانا الأهل ما بيفكروا لبعدين !!

يعني كتير من الأحيان بيكونوا الأهل مبسوطين لما يسمعوا اولادهم حافظين شي غنية و عم يرددوها

و خاصة أنو بتطلع من الاولاد كتيير حلوة فعلا ... بس لازم نفكر لبعدين !!

لأنو عن جد عم تخرب أفكارهم ... و عم يستعملوا ألفاظ بعيدة تمام البعد عن البراءة !!

لازم الأهل يكونوا كتير حريصين بهالموضوع ... خاصة أنو في هلأ قنوات متخصصة للأطفال

لذلك الأطفال المفروض يتابعوا الكارتون و الأغاني المخصصة لهم

مع الانتباه طبعا ... أنو مو كل الكارتون ممكن يكون مفيد ( يعني لازم يكون في مراقبة و متابعة دائمة من الأهل )

بصراحة مسؤولية و مهمة الأهل كتير صعبة هالأيام ... بس ما في غير هالحل ..

بظل الفساد الإعلامي الموجود حاليا ...


و الله يصلح الأحوال

ألف شكر إلك على هالطرح المميز الواقعي

مع التحية

[رومانسي بعطر فرنسي]

رددت فابدعتي بردك صديقتي
كلمات ترفع لها القبعات
اشكر رقي تواجدك
ومرورك بالموضوع

[aramees]

أخي الكريم ...


هناك كلمه جوهريه قالها الأب حينما سمع إبنه يغني بالتفاهات


ذاك الشبل من ذاك الأسد ...


لكَ بعض الأمور التي أعلمها بخصوص هذا الموضوع .



لي إبن خال أبويه حافظين لكتاب الله عز وجل


ومعظم وقتهم يتابعون محطات دينيه مثل الرحمه وإقرأ وغيرها



هذا الطفل عمره 5 سنوات



حينما أراه شبه بشكل يومي تقول له أمه شو بدك تسمعنا يا عمر



يقوم عمر بإتلاء آيات قرآنيه من قصار الصور ...


إذن ذاك الشبل من ذاك الأسد .



وطفل آخر من عائلتي أيضا ...



يبلغ من العمر 7 سنوات



بمجرد أن تذكر أمامه كلمه من أغنيه لأليسا



يقوم بتكملتها وهو يغنيها وكأنه كان الكاتب والملحن للأغنيه



ترى من هو والده ؟؟؟؟؟؟؟؟؟؟



مغني في الحفلات والأفراح


يعني مطرب شعبي


إذن ذاك الشبل من ذاك الأسد



أعتقد هيك وصلت الرساله .



الرساله واضحه أخي



إنت كيف بتكون في البيت وشو هوي إنطباعك راح ينعكس على أبنائك



بالتأكيد .



الخلل مني ومنك ومنه ومنها



كيفما نريد أبنائنا فهم كذلك .



شكرا إلك عالموضوع المهم للغايه



وتقبل مروري



Aramees

[ABO.MONZER]

موضوعك بالصميم

نعيب زماننا والعيب فينا ما للزمان عيب سوانا ..

هذا البيت كثيراً ما يؤلمني فعلاً وبالأخص بمواضيع تنشئة الجيل ...والفن العربي ومستواه المنحدر

غن كان الموضوع يخص تنشئة الجيل ......كما قلت ما عدنا نهتم لشيئ .....كان الجيل ينشئ على حفظ القران .
أو على القراءة والرسم أو على الألعاب في الحدائق العامة
الان الجيل يكبر على اغاني نانسي ورقصات هيفا ...
وعلى قصص حب مهند ...وخيانة إحداهن لزوجها
فأين هذا الجيل الذي سيعيد أمجاد الأسلام .....وسيعيد فلسطين لنا
ـــــــــــــــ
أما على الفن العربي الهابط والمؤسف ....كثيراً ما يدور نقاش بيني وبين اصدقائي ونحن ((من جيل الشباب))
فتسير الصدامات الكلامية بين(تامر حسني)) و((عبد الحليم)) ومريام فارس ((وأم كلثوم))
وبين ((لا أدري ما اسمه)) وبين ((وديع الصافي))
إنه من المؤسف أن ترى من جيل الشباب من بين كل 200 شخص 3 أو 4 أو 5 يعرفون أم كلثوم وأعبد الحليم وعبد الوهاب ومارسيل خليفة وهؤلاء الكبار

بينما هناك الألاف والألاف يبكون ليشهادوا تامر حسني لااااااايف او يحضرون حلقات من ستار أكاديمي


اللهم لا تؤاخذنا بما فعل السفهاء فينا .........

موضوعك مميز جداً ورائع وبالصميم

تقبل مروري ورأيي
بكل الود

[رومانسي بعطر فرنسي]

اشكركم من الاعماق لمروركم
ولطيب كلماتكم
وروعة ارائكم
نورتوا جميعا
لكم مني كل الود

[محمود عبد المعطي]

مشكور اخي الكريم والله أنت بصراحة مسكت الجرح والجرح العربي ورجعت كرامة الغناء القديم بهالكلمات الرقيقة وشكراً مرة تانية ع فكرة أنا وعم اقرأ ه الموضوع كنت عم اسمع أم كلثوم
(بعيد عنك) والله كلمات لها معنى وتدخل القلب غير تلك الكلمات المعاصرة والتي أوضحت :z025:تسميتها بأنها (طقطوقة):z025: