ماذا تشعر ...وتطلب من الوزارة القادمة

[انس.]

بعد ان قبل الرئيس الاسد استقالة الحكومة...

الامل في وزارة جديدة بدماء شابة قادرة على تنفيذ الاصلاح الجذري والتطوير السريع وانهاء الفساد بصورة سريعة وحاسمة وتنفيذ وتفعيل القرارات والقوانين التي ستصدر بهذا الخصوص

يبدو المشكلة ان الوزير بمجرد حصوله على كرسي الوزارة الفخم يعتقد ان الامر انتهى وحصل على مبتغاه وتراخى عليه وهذا خطأ قاتل ..

مشاعر كثيرة تضطرب في قلوبنا ..
ومطالب كثيرة وملحة تحتاج لجهود جبارة فهل تفعلها الحكومة الجديدة .
انس

[nano]

نحن منقول ان شاء الله
مشكور اخي انس:z025:

[ريمة]

انا مو كتير متفائلة
بس بتمنى أنو دماء الشباب ما تروح هدر
ويكون أحساسي غلط والوزراء الجداد يلبو طموحاتنا
وبالأخص وزارة التربية والتعليم العالي
ومنقول أنشالله
مشكور انس عالطرح الموضوع

[M-AraBi]

اهم شي اني حس حالي مواطن وهدول اجو من شان يأمنو الي خدمات ويرتقو بالبلد مو منشان يأمنو مستقبلهم ويرتقو بفيلاتهم


مشكور اخي انس على الطرح الجميل

[ماهرالفيزو]

بنقول ان شاء الله خير


وفعلا ينفذو



والله كريم


مشكور ياغالي

[fidenza]

الغاء خدمه العلم

وشكرا على الموضوع

[أبو عبدو]

أنا بس بطلب طلب واحد وهاد الطلب مو بس انا الي بطلبو
كل السوريين المغتربيين خارج الوطن
بس منتمنا النظر للمغتربيين السوريين خارج الوطن والرئف في حالهم في البدل وفي المده المحدده للبدل
وجزاكم الله كل خير ودام قائدنا على نهج التصحيح

[Ayman Abdoula]

الشفافيه الصدق الامانه و محاربة الفساد

[asharf]

انا اتمني ان اري التغيرات علي ارض الواقع ويجب ان يكون مصلحه الوطن والمواطن فوق كل اعتبار

[سعودية]

ان يخافو الله في المواطنين

[kutaibeh_mr12]

إنشالله تكون الوزارة الجديدة مع الشعب و مع تامين فرص عمل لكافة الشعب ومن غير واسطة وبرجعة المغتربين مع تامين عمل لهم حسب الشهادة الحاصل عليها لان بجد يا اخي احلا و اغلا من سوريا وتراب الوطن والجلسة مع الاهل ما في .وشكرا الك يا اخي على هل موضوع واكرر نشالله نشالله نشالله تكون الوزارة الجديدة خير.......سلام عليكم

[الليله احساسي غريب]

لا تتفائلوا كتير لانو المشكله مو مشكله حكومه ودماء شابه ولا مختيره بالعكس اذا بدنا نجكي من هالمنطلق الختيار عندوا خبره اكتر بس المهم ماتكون ايديه مربطه ومكبل بستين الف فرع مخابرات وواسطات ومحسوبيات وفلان لبن فلان وعلان ابن فلان وال اخره زنحنا بنعرف باقي القصه.
الشفافيه بعيده عن بلدنا بعد السما عن الارض اذا مخلصنا من تسلط الامن والمخابرات والاولويه بكل لطائفه معينه انتو بتعرفوا مين هي.

ليش الترفيع بالجيش وبالوظيفه بيمشي للنهايه لناس وبيوقف عند رتبه معينه لبعض الناس؟هل من لا يسمح له بالترفيع المستحق وطبعا عن جداره هل هو ليس سوريا وليس وطنيا؟اه شو بدو الواحد يحكي .

[خالد العلوش]

انا اطلب منهم
سندويشة فلافل وصحن فول ورغيف خبز وكتر الله خيرهم

[king-of-nothing]

بتمنى انو يخافو الله



King of Nothing

[وسام هاني]

السلام عليكم
بتمنى من وزارة الدفاع ان تصدر بدل داخلي للخدمة الالزامية
وشكرا

[ماهرالفيزو]

اها انا من شوي طلبت شعوري ونسيت اطلب طلباتي


بطلب منهم يخافو الله

ويحكمو بشرع الله بين الناس لان في من الشعب من يستحق الموت وهما الي سايحين بلشوارع طبعا بفيتامين واو

وفي من الشعب من يستحق يعيش حياته بعيد عن الذل لو للحظة بحياته وهما الي كل يوم مزلولين

وملتعن شرفهم

اسف للتعبير ( شرفهم) لازم مااكتب هيك

وفي من الشعب الي صار عنده بنايات وفنادق وهو نايم ببيته للساعة 1 الضهر

وفي منهم الي تهدمت غرفته الي كان ناوي يستر اهله فيها وهو الي عم يلتعن ام امه من فجر الله لاخر الليل عشان يأمن 12 ليرة سعر البلوكة


وفي وفي


بس الاخ خالد بحترم قناعته كتير مع انها مموهة بسخرية بداخلها الاف الطلبات


بس خي لاحياة لمن تنادي نحن بنقول ان شاء الله خير وتتحسن الامور لان سوريا جنة على الارض


مع تحيات اخوي الصغير بصف التاني الي انطرد من المدرسة لان مااشترى مجلة منهم بسعر 15 ليرة تاريخ اصدارها قبل 1999 م

مااشتراها مو لان مامعه 15 مستورة والحمد لله

بس لان ماعرف يزيل عنها الغبرة اول 5 دقايق اتوقع لو انها مغلفة كان اخدها دون تفكير وبدون مايحكيلي القصة

[canyar]

على اساس الشغلة هي بإقالة الحكومة في عالم اكبر من الحكومة لزم ينقالو وبتكون سوريا بألف خير ( عوجة وبد اتم عوجة لأحفادنا كمان)

[rami970]

اخواني هذه المسرحية .. ضيعة تشرين .. للمرحوم حسني البرزان تحاكي الواقع السوري 100%
بدون تعليق وفهمكم كاف

http://www.youtube.com/watch?v=5DnmwOtPY4k

[الابجر]

انشاالله تكون الحكومة الجديدة على قد المسؤولية برأييي حان وقت العمل وخلينا كل واحد يبدا بالاصلاح من نفسه ولازم نشتغل كلنا مع بعض للنهوض بالوطن والمواطن السوري لانو الشباب السوري اثبت انوا قد المسؤولية والله يختار الخير للشعب ولقائد الشعب الدكتور بشار الاسد وشكرا الك اخي انس على الطرح

[شريف بن حسن]

ننتظر رئيس وزراء شاب بالشكل والضمون

وكذلك الوزراء وان لا يبقى احد في المنصب اكثر من اربع سنوات

ان يكونوا سياسيين يستطيعون القيادة

وزراء حقيقيون وليس مدراء عامون منفذون

شكرا

[زهير77]

انا بدي سوريا تصير احسن بلد في العالم في كل شي وخاصة في الاتصالات يعني افتح النت في اي وقت ومن اي مكان

[Tony]

أتمنى من وزارة التربية بعد ما وافقوا على نقل المتزوجات بأن تجعل فترة الاغنراب لمدة سنتين بدل من 5 سنوات
فقد كانت سابقا سنتين وعندما وصل السيد علي سعد أفندي جعلها 5 سنوات وقام ايضا بإبعاد حتى المتزوجات
أرجو أن يصل هذا المطلبب الى المختصين .
كما أتمنى من وزير الاتصالات أن يقوم بتحديث الانترنت الميت والبطيء في بلدنا الحبيب و أن نصبح من الدول المتقدمة
في الاتصالات بدلا من الدول المتأخرة والنايمة مش النامية
ايضا اتمنى ممن ألغى القانون الذي يسمح للمدرسين ضمن الخدمة العسكرية بأن يقوموا بالتدريس بالمناطق النامية
بأن يعيد النظر في الغاء هذا القانون لما له من اهمية تنمية تعليم المناطق النائية
هذا ما استطيع طلبه الآن مع ان في ذهني أفكار ومتطلبات كثيرة ولكن والله إن رأسي يؤلمني على ما يحدث من مجازر
بحق الأبرياء في درعا وفي اللاذقية اللم فرج كربهم وصبر أهلهم واجعلهم من الشهداء يا غفور يا رحيم

[انس.]

مشكورين جميعا على مشاركاتكم المفيدة والتي تفاوتت بين التشاؤم والتفاؤل
على كل التغيير حتمية تاريخية ونتمنى التغيير للافضل حتى افكارنا تتغير بين فترة واخرى....... ومن يشاهد مثلا البوم صوره القديم يسأل نفسه ""هل من المعقول ان من بالصورة هو انا بهذا اللباس وتسريحة الشعر وربما مكان التقاط الصورة ) .ومن لم تغيره اللحظات والايام فهو ميت لافائدة منه
يجب ان نرى وزير يعمل ويحاسب على تقصيره لان تقصيره ينعكس على مستقبل جيل ووطن
لم يعد للامم المتقاعسة والكسولة مكانا في هذا العالم
وخزة مؤلمة ""(معظم الشعوب العربية جاهلة نائمة بعيدة عن العمل والحياة لاسباب التخلف والجهل والفقر والتسلط والابتعاد عن الدين الراسم لحياة سعيدة ومن يقرأ هذا الكلام لايشكل واحد بالالف من شعوبنا النائمة )
ولكن يبقى الامل بغد افضل رغم كل السواد
ولنبدأ التغيير من انفسنا عسى يوما ما نفرح بعز فقدناه من زمن بعيد !!

[ابو عمر]

لسنا نحن من نقرر ما نريد ...

أهالي وأصدقاء وجيران الشهداء الذين سقطوا في كل بقعة من أرضنا الغاليه

هم من يقررون ...

لأنهم ببساطة هم السابقون

[كمال من حمص]

السلام عليكم
طلبي من الوزارة الجديدة اعفاء أبناء المغتربين من الخدمة العسكرية,أو تسهيل معاملات دفع البدل,فهي معقدة للغاية,وعلى كل حال البدل العسكري مقداره 500 دولار,أنا متأكد أنه لو تمّ اعفاء أبناء المغتربين لاستفاد البلد بأكثر من 1500 دولار سنويا من كل ابن مغترب يدخل سوريا ,ابناؤنا في الغربة يريدون التعرف على بلد آبائهم,ولكن مشكلة العسكرية تردّهم عن ذلك.نأمل لبلدنا الخير والتقدم والازدهار

[Dr.Hasan]

والله ما بتوقع شي ببشر بالخير
اصلا ليه اقال الحكومة السابقة ما بعرف حد بيعرف السبب؟

[ريماس]

دكتور حسن خليك على طول متفائل
مافي شي بقراها الا وبلائيك متشائم
ونحنا اذا حطينا الامل والتفائل بعينا بئذن الله رح تفرج من عندو
رب العالمين متحكم بكل شي
وهي اختبار إلنا جميعا
فلذلك لاتتشائم
تحيتي لك

[شام العز]

من الاولويات ضرب اوكار الفساد ولم شمل المغتربين الذين يهدروا طاقاتهم لمن لا يستحقوها خاصة بالخليج تمنياتي لسوريا بمستقبل افضل كما تستحق شعبنا عظيم ومميز على مر التاريخ وحزاري من الغتنة لان الفتنة أشد من القتل والاسراع بالإصلاح أرجو ان يتم بسرعة فهذا كفيل بؤد الفتنة إنشاء الله واخيرا يا أهل سوريا يا أهلي عدوا للمية وللالف قبل ماتصير سوريا ليبيا لاسمح الله

[read1]

بدي اركب سيارة مثل البشر مو مثل القرباطي بشوف العالم عندها سيارات يعني دول العالم مو سوريا وانا حالتي مثل الكلب ما بحسون اشتري موتور وحتى لو شتريت راح يمسكوني ويتصادر وارجع كلب ما عندي حق عشى والي عندو اعتراض يتفضل علما ان انا بسوريا كلها ما شفت موستينج ولا كمارو وهون بسعودية سعرها 180 الف ريال فل كامل تخيلو لو واحد بدو يشتري سيارة موستينج جي تي بسوريا اديش تكلفوا 4 مليون؟

[المهاجر-66]

آآآآآآآآآآآآآآآآآآآآآه ياأخ أنس ماكل ما يتمناه المرء يدركه ولكني كلي أمل ان يكون هناك من الوزراء من يتقي الله في عباده ولك ألف شكر على طرح هذا الموضوع:z025:

[oossama6120]

انا لا اتوقع اي تغير مو لاني بكره او معارض لاء لان تعودنا نحنا على الفساد يعني اذا راح اي شخص لعند موظف والموظف استقبلو بشكل جيد وييسر امرو بتلاقي المواطن تلقائيا عطاه مصاري
بس انا بطالب بإقالة رامي مخلوف وتجميد ارصدته بشكل كامل وبلنسبة للسيد الرئيس انا معو للموت اصلا واحد من اقربائي تقوص ومات بسبب المشاكل
بحب اشكر التعاون يلي صار بين الشعب والامن لان لولا التعاون وثقافة ووعي المواطن السوري كونو على ثقة كانت سوريا بخبر كااااااااااااااااااااااااااااان

[Dr.Hasan]

نحنا بدنا حرية والحرية تؤخذ ولا تعطى وان اعطيت لا تعطى الا بمرسوم رئاسي وهو ليس من سلطات الحكومة