سوريا بين مؤيد ومعارض ..إلى أين ؟

[Dr.Hasan]

تشهد سوريا منذ أسبوعين مظاهرات غير مسبوقة طالبت بإصلاحات سياسية ومحاربة الفساد، وُصفت المظاهرات بأنها تشكل تحديا لحكم أسرة الأسد المستمرة منذ أربعين عاما، وأدت إلى قتل وجرح العشرات.

في المقابل غطت مظاهرات شعبية مؤيدة للنظام شوارع سوريا ,بينما أشارت المستشارة الرئاسية بثينة شعبان إلى وجود مخطط أجنبي ومشروع طائفي لا علاقة له بالتظاهر السلمي المشروع للشعب غايته ضرب استقرار البلاد.

وكانت القيادة السورية قد أشارت إلى مجموعة من الإصلاحات والقرارات منها إلغاء قانون الطوارئ المعمول به منذ عام 1963 وزيادة رواتب موظفي القطاع العام.

وفي الأثناء تقدمت حكومة ناجي عطري استقالتها التي قبلها الرئيس الأسد على أن تبقى لتتولى تسييرالأعمال إلى حين تشكيل الحكومة الجديدة.

كيف تنظر إلى المظاهرت المناوئة للنظام؟ وهل تعتبر نفسك من مؤيدي النظام أم معارضيه؟ وهل تتوقع أن تشهد سوريا ثورة شعبية مماثلة لثورات شعوب المنطقة؟ أم أن الإصلاحات المزمع إجراؤها قادرة على امتصاص غضب معارضي النظام السوري؟

[rami970]

المخطط الاجنبي في قناعتي هو الحفاظ على هذا النظام و رموزه
و النظام كما حصل خلال الاسبوعين الماضيين
يعمل على جر الطائفة العلوية
في الصراع القائم بين الشعب المطالب بالحرية
والنظام القمعي الهمجي
لكن الاحرار من اخواننا العلويين يدركون وفاهمين المخطط جيدا
وهم واخواننا السنة يد واحدة وصوت واحد نريد الحرية


اما الاصلاحات
مجرد اقتراحات تحت الدراسة اكل الزمن عليها وشرب
سمعناها منذ 11 سنة
اما الحكومة مجرد احجار دومنوا لا تقدم ولا تاخر
اما المظاهرة المؤيدة
نفسها التي خرجت تحي صدام قبل يوم واحد من سقوطه
ونفسها بلطجية حسني مبارك
وبالنسبة لموقفي الشخصي يشرفني الانتماء لاهل درعا المطالبين بالحرية
وانظر بعين المنتصر على سقوط النظام البعثي
وارجو ان لا يطول
واخيرا للاسفسارك
لايمكن هذا النظام ان يقدم اصلاحات والشعب ادرك حقيقته
وستستمر الثورة حتى النصر باذن الله

[saherrr]

النصر على من ؟؟؟؟؟؟؟؟؟
والمظاهرة المؤيدة نفسها يلي خرجت تحي صدام قبل يوم من سقوطه تبين انو كانت على حق هي المظاهرة لانو الناس هلأ عم تترحم على ايام صدام
وعم تدعي على يلي فتت البلد بشعارات الحرية والديمقراطية يلي شاهدنا نتائجها وبصراحة هي اخطر مؤامرة اجت على البلد
بغض النظر عن النظام لان الاهداف المرفوعة اصلاح وحرية ومحاربة فساد شي كل الناس معو
بس الخراب وزعزعة الامان هو المؤامرة واستخدام المساجد وناس مجهولين هو المؤامرة بعينها

[rami970]

اخ saherrr
في اختلاف كبير و كبير جدا ما بين المعارضين لصدام حسين
و المتظاهرين السوريين
معارضة صدام جاؤوا على ظهر الدبابات الامريكية
وهذا مرفوض سوريا من جميع فئات الشعب
لم ولن نقبل باي تدخل خارجي
ولا حتى مساندة
ثورة الشعب سلمية 100 %
بس الخراب وزعزعة الامان و استخدام المساجد وناس مجهولين
هدول هم عناصر النظام الهمجي
لتشويه الثورة السلمية و المطالب المحقة
لان فاقد الشيئ لا يعطيه وكون الامن و قيادات الحزب هم الخصم والحكم فلا نامل منهم خيرا وتاريخهم مليئ بالاخطاء والفساد وكل قبيح
اخيرا ان كان محرك الثورة من الخارج
نحن مع النظام القمعي وسنبصم له للابد
ونفضله على ماحصل في العراق او ليبيا

[saherrr]

انا ماجبت سيرة المعارضين لصدام انا استشهدت بحكيك عن الموالين لصدام بس حتى المعارضين لصدام بيتمنوا اليوم لو يرجع صدام ويعيشوا بأمان
وبالنسبة للمساجد انا قصدت المتظاهرين يلي عم يستخدموا المساجد ليش ما تكون دعواتهم بالساحات ليش بدي ادعم اشباح لامعروف هوياتهم ولامعروف اهدافهم وغاياتهم
وانا مع اهل درعا بمطلبهم الحقيقي يلي خرجوا من اجله وهو الافراج عن الاطفال يلي احتجزوا وهاد يلي بدنا نشكر عليه اهل درعا لانهم سرعوا المخطط المجهز لسوريا وهاد يلي سيؤدي لافشاله ان شاء الله
كما حدث بحرب 2006 بلبنان عندما تم اسر الجنود الاسرائيلين مما ادى لتسريع الحرب على لبنان المخطط لها مسبقا والذي اسهم بافشال الحرب وماحدث بدرعا ادى الى تسريع المخطط لاغتنام الفرصة بدرعا وسيفشل باذن الله
ولعلمك انه تم حجب موقع انتفاضة فلسطين للمرة الثالثة على الفيس بوك لانه يهدد امن اسرائيل؟؟؟؟؟؟؟ والجواب عندك
وما خاب من استشار والمشكلة عزيزي تخلي البعض عن مرجعيات دينية وفكرية مثل مفتي الجمهورية والدكتور سعيد رمضان البوطي ومن غير اللائق تسميتهم بابواق السلطة لان هذا في طعن حقيقي لمعتقداتنا وعاداتنا من جهة ومواقف الدكتور سعيد السابقة في بعض القضايا كانت ليست مع السلطة مثل حرب العراق الاولى وموقفه المعروف من بعض الوزراء وبعض مدراء الاجهزة الامنية والمتابع لمواقفه يعرف الكثير
وبالنهاية بتمنى التفكير بعقلانية وموضوعية بعيد عن التجارب الشخصية والمصالح الفردية والانتقام لان هناك مصلحة البلد بكل ماتعني الكلمة من معنى
وتحكيم الضمير الحر والدين القويم وبعرف انو هدفي وهدفك واحد وهو حبنا وخوفنا على البلد واهلها والتقدم خطوة خطوة ولو ببطأ بس بنتائج ملموسة افضل من الجري والتسرع للمجهول
والله يحمي البلد واهلها وشعبها ويرحم شهدائها و****جعنا بعزيز والبلد هي الاعز على قلوبنا

[delsher]

لايمكن هذا النظام ان يقدم اصلاحات والشعب ادرك حقيقته
وستستمر الثورة حتى النصر باذن الله

[Dr.Hasan]

حوار جميل ولكن ........
هذا الكلام كنا ننتظره وننتظر هذه الاصلاحات البطيئة ولكن على ما يبدو الرئيس كان معتقدا بان الاصلاحات تحتاج الى جديد وان السوريين ليس على واعي يكفي للقيام بهذه الاصلاحات فلهذا عرفوا بان السلطات بواد والشعب بواد اخر تماما
والتجمع بالساحات يا سيد ما بتعرف انه ممنوع بحسب قانون الطوارئ
وعم تقول اصلاحات برائي لا تعذب حالك لانه واجهة الاصلاحات للشعب وهي القنوات السورية قاعدة عم تضحك عالناس وعم تستغبيهم والكل بالمظاهرات صار يقول الاعلام السوري كاذب_خاين
فالعنوان باين من مكتوبه
واقل شي للحكومة الي بدها تدافع عالامن بس بدنا منها تكف ايدي الشبيحة الي بتعتهم عالساحات لما بيتجمعوا فيها المتظاهرين وبيسمعوا كلامك يا استاذ بتلاقي اجو الشبيحة رشوا رصاص ومشوا والامن واقف عم يتفرج والله ما الو حق يضربلوا كام رصاصة عالشعب كمان حتى ما يعتب عليه احد

مشكورين يا شباب
نسيت قلكم الجمعة 8 نيسان لاول مرة استخدم الشبيحة القنابل واسالوا احرار الصليبة يجيبوكم
مبروك الاصلاحات

[amalalthwra]

وهناك نقطة اخي حسان لم تجب فيها الاخ شاهر وهي الم يسال نفسه لماذا يقوم هؤلاء الشباب باسماء وهمية وهم كاشباح لانهم وبكل بساطة اذا دخلوا باسمائهم الحقيقة سيقبض عليهم الامن المجرم
الا يكفي انتظار الا يكفي ذل الم تسال نفسك اخي شاهر لماذا يتغرب اغلب شبابنا الواعي والمثقف والباقي ينتظر فرصة للهروب من سورية لتحصيل عيشة كريمة بهذا الزمن الصعب الم تسأل نفسك لماذا يجب ان نسكت عن الانتهاكات الامنية والاقتصادية والفساد بكل اشكاله الذي استفحل واستفحل لدرجة مثيرة للإشمئزاز الم تسال نفسك كيف شعبنا مقموع ومذلول باسم امن الوطن والقضية القومية والمقاومة وكل هذا ولم نرى شيئا من المقاومة والجولان لم يطلق رصاصة واحدة باتجاهها لماذا يجب ان نسكت الى متى سنبقى مقموعين مذلولين ولا نستطيع المطالبة بحقوقنا ما هذا الامن المبني على قهر الناس وظلمهم وعدم قدرتهم حتى على الشكوى شعبنا السوري يا عزيزي لا يستحق هذا لسنا غنما كفى سكتنا 41 عام على نفس النظام وطفح الكيل ولم نعد نصدق وعوده وعدنا كثيرا ولم ينفذ الا مافيه مصلحته هو فقط متناسيا باقي الذباب الذي يحكمه وعذرا للاطالة والنصر لشعب سورية الحر

[saherrr]

بالنسبة لي هم ليس لهم اسماء لانهم اشباح وكاذبون وهذا ما تثبته المحطة نفسها التي تستقبلهم فمثلا امس قال شاهد عيان ابو ياسر للجزيرة ان 500 الف متظاهر في درعا وان الان في الجامع العمري اكتر من 140 شهيد وفي المستشفى الوطني التي قال بنفس الشهادة ان قوات الامن منعت الجرحى من الوصول اليها قال انه كان فيها جريحا مع حوالي 300 جريح ولكنه هرب ووهو ينزف الان وهو داخل سيارته بجانب الجامع العمري يلي فيه وهو يصف الحشود حشود بعشرات الالاف فقالت له المذيعة هل ممكن تسمعنا بعض مايهتفون فقال انا داخل السيارة فقالت له ولوفتحت النافذة قليلا فقال غادرت منذ خمس دقائق موقع المسجد علما انه عندما طلبت منه المذيعة ان يسمعها كان يصف لها الحشود بقوله ارى امامي الان وقال لها معي طبيب من المستشفى الوطني فعندها طفح الكيل بالمذيعة وقالت له لا شكرا وكيف الطبيب ترك المستشفى وفيه 300 جريح ووووو على كل حال
بالمساء كانت الحصيلة من 17 ل 23 شهيد
على كل حال انا بترجى منك انو تسمعي شاهد العيان وارقامه وشاهد عيان تاني بارقام مختلفة وبعدين بالمساء او ثاني يوم تخرج الارقام مغايرة لكل شهود العيان
ومين قال انو الشعب مقموع ومذلول الشعب ناقصه بعض الحريات هي ماحدا بيختلف عليها
وبالنسبة للجولان: سوريا دعمت المقاومة وحضنتها وكانت لها مدد وعمق استراتيجي .
اذا سوريا عملت حرب لتحرير الجولان وين عمقها ؟؟؟ وكل يلي طلعو وقالو مغامرات غير محسوبة لح بقولوا لسوريا مغامرات غير محسوبة
لك اذا مبارح قال اوباما انه يدين العنف البغيض بسوريا ولم يتحدث عن العنف الحنون في غزة مع ان العنف بغزة لالبس فيه ولا شك صواريخ نزلت على غزة من اسرائيل واسرائيل اعترفت بذلك
وادان العنف بسوريا مع انه في شك ولو واحد بالمية انو الحكومة السورية عم تقول في مسلحين ؟؟؟؟
فكيف اذا صار حرب لتحرير الجولان شو بتعمل دول الاعتدال العربي قبل الدول الاوربية والسيد اوباما
ومع هيك ان شاء الله اذا تغيرت بعض انظمة الاعتدال العربي بإذن الله لح نحررها
وبالنسبة للدكتور حسان : التجمعات ممنوعة بالساحات بموجب قانون الطوارئ ومسموح بالمساجد؟؟؟
وبالنسبة للشبيحة ارجو ان تسأل كم مرة الدولة حاربت الشبيحة وكم مرة ماهر اسد حاصر مناطق بريف اللاذقية وكم مرة صار عليهم كبسات من الجيش
وبتعرف انهم عاملين دولة تهريب لحالهم وحوادث المرفأ وغيرها كل العالم بتعرفها
وارجوكم تقولولي شو مصلحة الدولة حاليا مع كل التركيز الاعلامي عليها انو يكون في قتل ودم
ومع انهم بيعرفوا انو اذا قتلو واحد اليوم لح يخرج مائة بكرة
انا متفق معكم انو الشعب السوري مظلوم ومظلوم كتير كمان ولازم يتحسن بس المشكلة كيف ؟؟
لازم نفكر بالحل السليم المتعقل ويلي بحقق اهدافنا
وكتير بحب شعار الموقع يلي بقول ( يدا بيد نبني سوريا الغد )

[حمد الاحمد]

السلام عليكم اخي ما ابي اطول عليكم باختصار انا لااثق قي حكومة البعث واما بالنسبة للمظاهرات فانا بعثي مجبور ببعثيتي وقي مثلي وامثالي كثير بلبلد والسلام ختام والنصر للثوار وليسقط الطاقية

[len]

أخ rame المسلحين موجدين بشكل مرتب ومجهز وبشهادة الخارج أولا******* وبشهادة أهلي يلي شافوا القتل العشوائي للأشخاص بريئة وللأمن وبهتاف الله بسمائه وعزته لا يرضاه ولاحدا يكذب ويزيد0000 البلد مستهدفة من الداخل للقتل والتخريب وأشعال نار لحرق كل سوري بس سوريا بأهلها يلي بالخارج ويلي بداخل لح تحميهابكل ماعندنامن قوة لحقن دماءنا السورية؟؟؟؟؟

[أيهم العلبي]

أخ rame المسلحين موجدين بشكل مرتب ومجهز وبشهادة الخارج أولا******* وبشهادة أهلي يلي شافوا القتل العشوائي للأشخاص بريئة وللأمن وبهتاف الله بسمائه وعزته لا يرضاه ولاحدا يكذب ويزيد0000 البلد مستهدفة من الداخل للقتل والتخريب وأشعال نار لحرق كل سوري بس سوريا بأهلها يلي بالخارج ويلي بداخل لح تحميهابكل ماعندنامن قوة لحقن دماءنا السورية؟؟؟؟؟


شكلك عمبتابعي التلفزيون السوري كتير !!!!!!!!!!!

[فوزي دعاس]

ليش شبو التلفزيون السوري يا قبضاي

حكيت مع ناس بدرعا وخبروني انهم عملوا لجان شعبية ( يمكن ماتصدق )

الشغلة كبيرة كتير ومخطط أكبر مما بتتخيلوا

بس وعي الناس أفشل المؤامرة لحد هلأ

وما في داعي لتشويه الحقائق

[len]

في ناس بتتعمد تشويش الحقائق لتفرض حقائقها يلي مليئه بالكره لتحقيق أنتقام شخصي لذاتها .............حتى لو كان الضحيه شعب كامل الفتنه كبيره خلينا أوعى

[الرحالة]

يا إخوانا موضوع الفتنة و البلطجية ( الشبيحة اللي عندكم ) دا إحدى أدوات النظام إحنا جربنا الموضوع دا في مصر أول ما الشرطة إنسحبت من الشوارع قاموا هم فتحوا السجون و أجروا مجرمين يسرقوا البيوت و يضربوا نار على الناس لكن الناس عملت لجان شعبية و الموضوع خلص
عاوزكم تعرفوا كويس إن أي نظام دايما معاه الوسائل اللزمة لتهويل الأحداث يعني مثلا إحنا أيام الثورة في مصر كانت البلطجية مش كتير و لا حاجة لكن كان التليفزيون الرسمي شغال عمال يقول للناس إنه فيه حادثة سرقة كل ثانية و دا كان كدب و هم حاولوا يكدبوا على الناس كتير جدا لكن الحمد لله في ناس كتير في مصر مصدقتش و الثورة نجحت ممكن الدنيا عندكم مختلفة شوية إحنا في مصر معندناش طوائف يا مسلم يا مسيحي مفيش غير كدا
إوعوا تقعوا في فخ الطائفية