ابوذيــــــات .. عراقيــــة .. بحتـــــة

[دمعة فرح]

ثوب الحزن بفراگك لبسنه
وثگيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

http://www.mayyar.com/album/data/media/16/9-90.gif

غرامك اثر بالعشگ وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

حبيبي شرد اسولفلك...ولگدر
والهموم مبن ماعاين...ولگدر
الي چان وكتي ...ولگدر
وصرت انته والوكت عليه

http://www.mayyar.com/album/data/media/16/9-90.gif

نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه !!

حلو إسمك وأبوك شلون سماك
حبيبيك لو زعل وياك سماك
صرت سمچة وانت الصرت سماك
لو طحت بحنانك إعطف عليه

http://www.mayyar.com/album/data/media/16/9-90.gif


وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه

مره اشوفكم مشمش...مرتين
وكلبي مو مره حب...مرتين
العنده مرة هلكان وانه...مرتين
وحده ترفع والثانيه تكبس بيه

( متجوز 2 يعني هههههههه )

http://www.mayyar.com/album/data/media/16/9-90.gif


فراگك هدني ولا خله بيه ابد حيل
وكــل مــن اشكيله يگلي يستاهل والف حيل
كلما تدوس على گلبي اگولن بعد حيل
دوس وخلي الوجع يزداد بيه

أزعل يا وطن وارجع اراضيك
وحن بغربتي لناسك واراضيك
بغير الفرح صدگ ما ارى ضيك
واذا مَرك حزن احسه بيه

[ماهرالفيزو]

خطيـــــــــــــــــــــــــــــــــــــــــــــــ ــرة


شي رائع


الف شكر

[دمعة فرح]

ياهلا ماهر ..
شكرا لمرورك خيو ..
نورت

http://www.mayyar.com/album/data/media/16/7_12.gif