اروع حوار غزلي بين زوج وزوجته في عيد زواجهم

الزوج

حبيبتي تتذكري يوم ما التقينا

أول مرة

يوميتها كنا بالحديقة العامة

تتذكري لما مريتي من جنبي

وطلعتي بوجي

وأنا طالعتلك الساني

وانتي كبيتي قندرتك على وجهي

وقلتيلي تفو عليك قليل الذوق

كانت أول كلمة أسمعها منك

وتعلقت فيكي من ساعتها

الزوجة

ليش هاي شغلة بتتنسى يا عمري

كانت احلى يوم بعمري

يوميتها وأنا عم قلك تفوعليك

قليل الذوق اتزحلقت على قشرة موزة

و وقعت على ضهري

وصرت أسب و أعيط من قهري

وانت طلعت عن جد واحد قليل الذوق

وما عندك أصل

أنا أتوجع و أبكي

وانت عم تطلع فيني وعم تضحك

الزوج

عم اتذكر كل شي حبيبتي

لحظة بلحظة وكلمة بكلمة

سا عتها لما وقعتي

قلت لحالي انشا الله تنكسر رقبتك

الله لا يقومك

وصرت أضحك على مسباتك

مين هاد الحقير ابن الكلب

الي كب هل قشرة بالأرض

تتذكري انا كنت هل حقير ابن الكلب

الزوجة

أتذكر كل شي حبيبي

وراح تظل أحلى ذكرى بحياتي

انا أسفة اكتير ياعمري

لاني قلتلك يا دب

بدل ما تضحك علي

قوم كل هوى وقومني

الزوج

أتذكر يا حياتي كأنو اليوم

لما صحتيلي .. انت يادب

تعا قومني الله لا يخليك

و جيت و قومتوكي

واقول بقلبي

يارب تكون مكسورة

رجلها و رقبتها كمان

تتذكري لما شلتك و أ خذتك

وقعدنا تحت الشجرة

الزوجة

أتذكر لكان

لما قعدنا وصرنا

نطلع على بعض

وصار يطلع ريحة

متل ريحت الكاريس

وكل فكري انو هل ريحة

عم يطلع منك

الزوج

حبيبتي

أنا كنت أفكر نفس الشي

القلوب عند بعضها

بس لما طلعت وراي

شفت حاوية الزبالة

عرفت ساعتها

انو الريحة مو منك

من الحاوية تبع الزبالة

الزوجة

حبيبي و أنا كل فكري

انو الريحة

طالعة منك

من قندرتك المعفنة

الي شلحتها وانت عم تحكي معي

لبينما شفت حاوية الزبالة

الي ورانا

ساعتها شكيت

انو هل الريحة

يمكن مو منك

يمكن من حاوية الزبالة

الزوج

يا سلام ياريت ينعاد علينا

تتذكري ونحن عم نطلع ببعض

كل شي حوالينا صار لونو أحمر

خدودي و خدودك

الشجرة الي كنا قاعدين تحتها

كل شي صار أحمر رومانسي

الزوجة

أتذكر ياعمري

ساعتها كل شي

حوالينااتغير لونه للأحمر

حتى حاوية الزبالة صارت حمراء

بلون خدودنا و لبسنا

الزوج

أحلى يوم بحياتنا كلها كانت

تتذكري هل عالم والناس

صاروا بيركضوا

وكل واحد على بيتو

اتاري الجو صاير عجاج

و الغبرة بكل مكان

وكل فكرنا

انو كل شي حوالينا

صاير أحمر بأحمر

من جونا الرومانسي

الزوجة

صحيح