-
اهم القوانين في الحياة
قانون الاصطفاف :
إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه
قانون التلفون :
عمرك ما تتصل على رقم غلط ويطلع مشغول
قانون التصليح :
بعد ما إيدك تتزيت وتتوسخ من الشحم ودهن الماكينة، انفك يبدأ يحك
قانون المعدات :
إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه
قانون الأعذار :
إذا تأخرت عن الدوام وقلت لرئيسك أن كان عندك بنشر، اليوم اللي بعده يبنشر بالفعل
قانون المسبح :
بعد وضع جسمك في الماء، يبدأ التلفون يرررررن وما يسكت
قانون الالكترونيات :
إذا أخذت جهاز عند مصلح تبي توريه انه ما يشتغل، ساعتها يشتغل أحلى كلام
قانون السينما :
اللي حاجزين كراسي في النص لازم يجون آخر ناس ويدوسون على رجولك
قانون القهوة :
أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك
قانون المصادفات :
إذا كنت مع واحد ماتبي حد يشوفك معاه، فجأة كل اللي تعرفهم يطلعون من كل مكان
قانون الأقساط :
إذا عندك سيارة أو أي سلعة مطلوبه للأقساط،،، مجرد أن تنتهي الأقساط تخرب !!!
قانون الزواج :
بعد شهرين من زواجك... يسألونك ها في شي بالطريق ؟؟؟
قانون المعاش :
آخر الشهر لازم كل العزايم والهديا والطلبات تزيد ) حبكت يعني(!!!
قانون الطقس :
لازم بنهاية الاسبوع وانت حدك متحمس بتطلع أو تروح البر مع الربع
يصير الجو هوى وغبار وحر و رطوبة بمعنى ثاني الفصول الاربعه بيوم واحد
و أخيرا قانون البحث :
إذا حبيت تدور شي معين(ما تلقاه).... مع إنك كنت كل يوم تشوفه مقابل وجهك ؟؟
-
-
-
