يلي نويت الهجر لحظه على هونك
ماهو بحقٍٍ تجافيني وتنساني
ماتدري اني ياغالي صرت مجنونك
حبك جرى في وريد الدم وأدمآني
أرحم محبٍ عشق مبسمك وعيونك
مايرقد الليل طول الليلي سهراني
لي هقوتٍ يالغلا ماتنقصر دونك .
خبري به انك عشيرٍ ذاب يهواني
عذال حبي وحبك لايغرونك
لالا تسمع كلام فلان وفلاني
أحكم بعقلك قبل لاتحكم ضنونك
عنوان ترك الضنون أخير عنواني
مهما يطول الزمان لايمكن اخونك
عهدٍ علي وانا ماني بخواني
ياوردةٍ فاح عطرك كيف ماصونك
ياوردةٍ فارقه في كل بستاني
ياكثرهم فالمحبه مايساوونك
مغيرك احدٍ شغل بالي وعناني
أسهر بليل الهوى وشجوني شجونك
كم ليلتٍ زارني طيفك وسرآني
العمر من ف***ك والقلب مرهونك
لو كان تبغى النظر تفداك الأعياني
ياغاية الروح ومناي على هونك
ماهو بحقٍ تجافيني وتنساني
