من يشتري مني قصايد حزينه ==== ويبع لي شعر بلا هم واحــــــزان
مليت من شعري وقلبي وأنينه==== ودي أعيش العمر وأكون فرحان
ودي أعوض مر عمري وسنينه=== وأنسى زمان ليتــــه اليوم ماكــــــان
أريد أنسى كل ذكرى دفينه===== خلاص يكفي ومن لظى الشوق تعبان
أيام ماتسوى ودنيا لعينه ===== ياما سهرت اذرف من الويل نيــــــران
يامابكيت بحسرتي والغبيـــنه==== يامــــا شكيــت ويعلــــــــم الله سبحان
عجزت ألاقي في هواي السكينه === عجزت ألاقي لبســـــمتي اي عنوان
تايه انا في بحر مثل السفينه ==== تايه ولا عنـــدي دليل وبرهــــــــــــان
اكتب قصايد والمشاعر سجينه === في حزنها وتعزف مــــــواويل والحان
واجر ونات ونفسي رهينه===== ودمعة الم تحوي مجاميـــع للالـــــــوان
الله يجازي اللي سحرني بعينه === واخر تركنــــي في شقـــــا الهم غرقان
عشرة عمر ياناس بيني وبينه === سجلتهـــــا ذكــــــــرى في ستين ديوان
من يشتري مني قصايد حزينه ==== ويبـــــع لي شعـــــــــر بلا هم واحزان
