الحراء اصبعه بمطبخ شوالأخبار مع أم عزات
http://www.whatsup-sy.com/thumbnail....article_medium
صباح الفل و الجوري
صباح الياسمين واللولي
صباح الريحان والمنتور
الله على هالصباح يلي كله عطور
أحباب قلبي اليوم تقبروني ح ارجع لطبخة شامية أغلبنا بيحبها
ويلي عم يسأل على أم عزو وطبخاتها العسل بقله
اليوم اشتاقت لحلب وقررت من الصبح تطلع تزور أهلها وأحبابها
مطبخي اليوم شامي ويا ولاد لا تحوصوا قدامي
أكلتنا حراء بأصبعه وهالأكلة شتوية لأنها كتير غنية بالحديد يلي
بيقوي الدم واعتمادها ع العدس يلي معروف إنه مسامير الركب
منخرط بصل ريش وكزبرة وثوم ومنقليهم بشوية زيت بلدي ( زيتون )
ومنسلق العدسات الخشنين طبعاً ومنحضر الرشتايات
والرشتاية يا غاليين هي قطع المعكرونة يلي على شكل قطعة الحراء باصبعه
يلي بيحب هالأكلة بعجين بيساويها بعجين ويلي بيحبها بخبز كمان يساويها بخبز
والله أنا لقيت الرشتاية سهلة وبتجمع الجهتين تقريبا
المهم بسلق الرشتايات بقلب العدسات ليلي بدو الخليط شوي يطلع جامد
أما يلي ما بدو بيسلق الرشتايات لحالهم
وبحط عليهم بعد ما يستووا عصير تمر هندي بكون مساويته على ايدي طبعا
وبحط بقلبهم كمان شوي من الكزبرة والثوم يلي مقليتهم وشوية بصل ليلي بيحب
وبحركهم منيح ليصيروا متماكسين وبالنظر لازم أعرف
وبسكب بقى سيدي هالأكلة بالصحون الغميقة وبرزين وش الصحون بالخبز المحمص والكزبرة والثوم المقليين
والبصل المحمر شوي بالقلي ومأمر
وصحة وعوافي وهنا .
الحراء اصبعه
المقادير:
عدس أسود
تمر هندي
كزبرة خضراء تنقى وتغسل وتفرم ناعماً
خبز مقطع لمربعات يفضل تقطيعه بالسكينة ليكون منظره أجمل ونقليه ونضعه جانباً
شراب تمر هندي (وذلك بغلي باكيت تمر هندي مع الماء ثم تصفيته وعدم وضع سكر له)
الطريقه:
نسلق العدس الأسود في شراب التمر الهندي حتى يستوي ولكن لاتخليه يستوي مره
نقلي بصل مقطع شرايح (أو ما يسمونه بالشامي قروش قروش) يعني بشكل طولي ورقيق ونقليه مع ثوم مدقوق
بزيت زيتون (أو القلي بزيت نباتي لأن زيت الزيتون يتبخر عند ارتفاع درجة حرارته ويمكننا وضع القليل من زيت
الزيتون في نهاية قلي البصل والثوم للنكهة)
معكرونة مسلوقة (النوع المرغوب به هي المعكرونة المتوسطة الحجم)
في وعاء عميق نقوم بفرش المعكرونة المسلوقة ثم نفرش فوقها العدس ثم الخبز المقلي ثم نفرش الكزبرة
الخضراء وفي النهاية نوزع البصلة المقلية مع الثوم فوق الجميع
وبالعافيه عليكم
